(ភ្នំពេញ)៖ ឯកអគ្គរាជទូតខ្មែរ ប្រចាំនៅសាធារណរដ្ឋប៊ុលហ្គារី បានផ្សព្វផ្សាយសិល្បៈវប្បធម៌មរតកចម្រៀងខ្មែរ ទៅកាន់ពិភពលោក ដែល ឯកឧត្តមឯកអគ្គរាជទូត បានហៅថា “តន្ត្រី គឺជាការទូតដ៏ល្អ” ជាវិធីសាស្រ្តនៃទំនាក់ទំនងកាទូតបែបស្ងៀមស្ងាត់ និងស្ងប់ចិត្ត មុនឈានទៅការប្រើប្រាស់គោលដៅនយោបាយ ឬសេដ្ឋកិច្ច ។ បទចម្រៀង ២បទ ដែលមានចំណងជើងថា «បឹងហ្គាវ៉ាន់សូឡូ» និងបទ «Good Bye Bogor» គឺជាចម្រៀង ដែលបញ្ជាក់ពីប្រវត្តិនៃទំនាក់ទំនងការទូត និងសិល្បៈរវាងកម្ពុជា និងឥណ្ឌូនេស៊ី ត្រូវបាន ‌ឯកឧត្តមបណ្ឌិត ជា ច័ន្ទបរិបូណ៌ ឯកអគ្គរាជទូតខ្មែរ ប្រចាំនៅ ប៊ុលហ្គារី បានលើកយកមកសម្តែងជូនដល់បណ្តាអង្គទូតជាច្រើន ប្រចាំនៅប៊ុលហ្គារី នៅក្នុងកម្មវិធីនៃខួបទំនាក់ទំនងកាទូតរវាងឥណ្ឌូនេស៊ី និងប៊ុលហ្គារី ។ ឯកឧត្តម ជា ច័ន្ទបរិបូណ៌ បានបញ្ជាក់ថា កម្មវិធីដែលបានរៀបចំឡើងដោយ ស្ថានទូតឥណ្ឌូនេស៊ី ប្រចាំនៅប៊ុលហ្គារី កាលពីថ្ងៃទី១១ ខែវិច្ឆិកា ឆ្នាំ២០២៥នោះ គឺមានតែទូតកម្ពុជា មួយប៉ុណ្ណោះ ក្នុងចំណោមទូតចំនួន ៣នៅអាស៊ាន ដែលស្ថានទូតឥណ្ឌូនេស៊ី បានអញ្ជើញឲ្យសម្តែងនៅក្នុងកម្មវិធីនោះ…

(បន្ទាយមានជ័យ )៖ ដោយបានការអនុញ្ញាតពីសម្តេច​មហា​រដ្ឋសភា​ធិការ​ធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា នាព្រឹកថ្ងៃទី១៣ ខែ វិច្ឆិកា ឆ្នាំ២០២៥ គណៈប្រតិភូគណៈកម្មការទី៤ នៃរដ្ឋសភា ដឹកនាំដោយ ឯកឧត្តម កែប ជុតិមា ប្រធានគណ:កម្មការ​មហាផ្ទៃ ការពារជាតិ មុខងារសាធារណៈ និងកិច្ចការ​ព្រំដែន(គណៈកម្មការទី៤)នៃរដ្ឋសភា បានចុះជួបសំ​ណេះ​សំណាលជាមួយប្រជាពលរដ្ឋខ្មែរភៀសសឹកជិត ២៥៧ គ្រួសារស្នាក់នៅបណ្តោះអាសន្ន កន្លែងមាន​សុវត្ថិភាព ជំរុំវត្តច័ន្ទស៊ីសាមគ្គីរតនារាម ស្ថិតក្នុងឃុំកូប ស្រុកអូរជ្រៅ ខេត្តបន្ទាយមានជ័យ ។ ឯកឧត្តម កែប ជុតិមា បាននាំនូវការផ្តាំផ្ញើសាកសួរ​សុខទុក្ខ​ពីសំណាក់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា និងឯកឧត្តម វង សូត អនុប្រធានទី២រដ្ឋសភា សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា…

(ភ្នំពេញ)៖ ដោយសារអំពើយង់ឃ្នងពីសំណាក់កងទ័ពថៃ​ដែលបានធ្វើការបាញ់ប្រហារមកលើប្រជាពលរដ្ឋស្លូតត្រង់កម្ពុជាដែលកំពុងរស់នៅភូមិព្រៃចាន់ ឃុំអូរបីជាន់ ស្រុក​អូរជ្រៅ ខេត្តបន្ទាយមានជ័យកាលពីថ្ងៃទី១២ ខែវិច្ឆិកា ឆ្នាំ ២០២៥កន្លងមកបានធ្វើឱ្យតាមស្ថាប័នក្រសួង មន្ទីរ ប្រជាពលរដ្ឋ នៅក្នុងប្រទេសកម្ពុជា ហើយក្រៅពីនេះ​ក៏មានបណ្តាសារព័ត៌មានអន្តរជាតិ ព្រមទាំងប្រទេសមួយ​ចំនួនថែមទៀតបានធ្វើការថ្កោលទោសប្រទេសថៃយ៉ាងខ្លាំងក្លាបំផុតពីទង្វើឃោឃៅមិនគោរពសិទ្ធមនុស្សសូម្បីតែបន្តិចរបស់ប្រទេសមួយនេះ។ គួរបញ្ជាក់ថា ជុំវិញបញ្ហាយោធាថៃបានបាញ់ប្រហារមក​លើ​ពល​រដ្ឋ​ខ្មែរស្លូតត្រង់នេះក្រសួងការពារជាតិឱ្យដឹងថា​មានពលរដ្ឋកម្ពុជាបាត់បង់ជីវិតនៅនឹងកន្លែង១នាក់ ចំណែក៣ នាក់ផ្សេងទៀតរងរបួស ធ្ងន់ ស្រាល។ ប្រភពពីក្រសួងការពារជាតិកម្ពុជាបានឱ្យដឹងដែរថាករណីយោធាថៃបើក ការបាញ់ប្រហារយ៉ាងព្រៃផ្សៃមកលើ​ប្រជា​ពលរដ្ឋស៊ីវិលស្លូតត្រង់កម្ពុជានៅភូមិព្រៃចាន់នេះមាន២លើក ក្នុងនេះវេលាម៉ោង ១៥:៥០នាទី និង វេលាម៉ោង ១៧:៥៤ ថ្ងៃទី១២ ខែវិច្ឆិកា ឆ្នាំ ២០២៥។ ក្រោយឧប្បត្តិហេតុដ៏ឃោឃៅដែលបង្ករឡើងដោយយោធាថៃនេះគេឃើញមានប្រតិកម្មជាច្រើនកើតចេញទាំងក្នុង និងក្រៅប្រទេស ដោយបានធ្វើការថ្កោលទោសឱ្យថៃ​ទទួលខុសត្រូវ និងបញ្ឈប់ជាបន្ទាន់នូវអំពើព្រៃផ្សៃ​សម្លាប់​ប្រជាពលរដ្ឋកម្ពុជាស្លូតត្រង់។ សម្រាប់ប្រតិកម្មនូវទង្វើរយង់ឃ្នងពីសំណាក់យោធាថៃទាំងនេះមានដូចជា៖ អ្នកនាំពាក្យព្រឹទ្ធសភាកម្ពុជា បាន​ចេញ​សេចក្តីថ្លែងការណ៍ថ្កោលទោសអំពើឈ្លាន​ពាន​គួរឱ្យស្អប់ខ្ពើម និងការរំលោភបំពានលើ អធិបតេយ្យភាព​កម្ពុជា ដោយប្រទេសថៃ កាលពីថ្ងៃទី១២ ខែវិច្ឆិកា ឆ្នាំ២០២៥ ដែលបណ្តាលឱ្យពលរដ្ឋស្លូតត្រង់កម្ពុជា​ម្នាក់ស្លាប់ និង៣នាក់ផ្សេងទៀតរងរបួស។ក្រៅពីនេះ​ក៏មាន​រដ្ឋសភា​កម្ពុជា ,ក្រសួងការបរទេសកម្ពុជា ,អ្នកនាំ​ពាក្យ​រាជរដ្ឋាភិបាលកម្ពុជា ,ក្រសួងការពារជាតិកម្ពុជា​ជាដើម។ក្រៅពីនេះក៏មានក្រសួង មន្ទីរ សហភាព​សហ​ព័ន្ធ​យុវជនកម្ពុជា ក៏បានចេញមកប្រកាសថ្កោលទោស​ព្រមៗគ្នាពីសំណាក់កងទ័ពថៃនេះដូចគ្នា។ ដោយឡែកគណៈកម្មាធិការសិទ្ធិមនុស្សកម្ពុជាក៏បានប្រកាសភ្លាមៗថានឹងដាក់បណ្តឹងទៅកាន់ឧត្តមស្នងការអង្គការសហប្រជាជាតិទទួល បន្ទុកសិទ្ធិមនុស្ស (OHCHR) និងស្ថាប័នសិទ្ធមនុស្សនានាបន្ទាប់ពីទាហានថៃបាញ់ប្រហារយ៉ាងព្រៃផ្សៃមកលើពលរដ្ឋកម្ពុជាផងដែរ។…

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រី​ក្រសួង​បរិស្ថាន បានជំរុញឱ្យថ្នាក់ដឹកនាំ និងមន្ត្រីរាជការ​ទាំងអស់ប្រើប្រាស់ “សៀវភៅណែនាំសវនកម្មផ្ទៃក្នុង” ដែលក្រសួងបរិស្ថានប្រកាសដាក់ឱ្យប្រើប្រាស់នៅថ្ងៃនេះ ពីព្រោះថា សៀវភៅនេះ មិនត្រឹមតែជាឧបករណ៍​ត្រួត​ពិនិត្យប៉ុណ្ណោះទេ គឺថែមទាំងជាយុទ្ធសាស្ត្រ​សម្រាប់​ធានា តម្លាភាព និងគណនេយ្យភាព នៃការងារ​បរិស្ថានកិច្ច។ នេះជាការថ្លែងរបស់ឯកឧត្តមរដ្ឋមន្រ្តី បាន​ធ្វើ​ឡើងក្នុងពិធីបើកសិក្ខាសាលាស្ដីពី «សៀវភៅ​ណែនាំ​សវនកម្មផ្ទៃក្នុង» នៅទីស្តីការក្រសួង​បរិស្ថាន នាថ្ងៃទី​១២ ខែវិច្ឆិកា ឆ្នាំ២០២៥។ ឯកឧត្តមរដ្ឋមន្រ្តី បានមានប្រសាសន៍ថាឯកសារនេះផ្សារ​ភ្ជាប់​ការងារសវនកម្មផ្ទៃក្នុងទៅនឹងការអនុវត្តការងារ “សុក្រឹតកម្មបរិស្ថានកិច្ច” ដែលមានសសរស្ដម្ភ ៣ គឺ ភាពស្អាត ភាពបៃតង និងចីរភាព។ ឯកឧត្តម បានរំលឹក​ពីការដាក់ចេញនូវការប្តេជ្ញាចិត្តខ្ពស់ ធ្វើឱ្យវិថីចម្បងៗ​នៅ​ក្នុងព្រះរាជាណាចក្រកម្ពុជា មានភាពស្អាត គឺគ្មាន​សំរាមប្លាស្ទិកហើររាយប៉ាយនៅតាមដងផ្លូវ។ ចេញពី​ភាពស្អាត គឺបន្តទៅភាពបៃតង ដោយជំរុញឱ្យមាន​ការធ្វើសុក្រឹតកម្មការងារ ដែលមានរបាយការណ៍​ជាក់លាក់ប្រចាំខែ ដោយរំលេចបន្ថែមនូវការងារ​ដែល​បានធ្វើរួច និងភាពខ្វះចន្លោះ ដើម្បីបន្តតម្រង់ទិសទៅ​សម្រេចគោលដៅជាយុទ្ធសាស្រ្តរបស់ព្រះរាជាណាចក្រកម្ពុជា ដែលមានយុទ្ធសាស្រ្តបញ្ចកោណ-ដំណាក់កាល​ទី១ ជាឧបករណ៍ស្តង់ដារសម្រាប់វាស់កម្រិតគុណភាព​ការងារ។ «មានតែសកម្មភាពការងារដែលយើងបានធ្វើនោះទេ ដែលជាទិន្នន័យសម្រាប់ឱ្យការពិនិត្យ និងវាយតម្លៃ ដោយបង្ហាញនូវលទ្ធផលយ៉ាងសុក្រឹតលើការងារប្រចាំថ្ងៃរបស់យើង ទាំងនេះហើយជាសក្ខីកម្មការងារ ដែលមានតម្លាភាព។» ឯកឧត្តមបណ្ឌិត អ៊ាង សុផល្លែត…

(ភ្នំពេញ)៖ ក្រសួងប្រៃសណីយ៍ និង ទូរគមនាគមន៍ ជូនដំណឹងទៅដល់ ម្ចាស់ក្រុមហ៊ុន សិស្ស និស្សិត និងសាធារណជនទាំងអស់ មេត្តាជ្រាបថា ក្រសួង នឹងរៀបចំ “វេទិការដ្ឋាភិបាលឌីជីថល ឆ្នាំ២០២៥ និងព្រឹត្តិការណ៍ជាតិ-អន្តរជាតិពាក់ព័ន្ធ” ដែល​ប្រព្រឹត្ត​ទៅចាប់ពីថ្ងៃទី៥-៧ ខែធ្នូ ឆ្នាំ២០២៥ នៅមណ្ឌល​សន្និបាតនិងពិព័រណ៍កោះពេជ្រ ក្រោមប្រធានបទ “ការពន្លឿនអនាគតឌីជីថល៖ អភិបាលកិច្ច កំណើន និងភាពជាដៃគូសកល” ក្នុងគោលបំណង ១) បង្ហាញអំពីដំណើរវិវឌ្ឍន៍ នៃអភិបាលកិច្ចឌីជីថលនៅ​កម្ពុជា ២) ជំរុញឧត្តមភាព​ប្រកួតប្រជែងរបស់កម្ពុជា​លើវិស័យឌីជីថលក្នុងតំបន់អាស៊ាន ៣) លើកកម្ពស់កិច្ច​សហប្រតិបត្តិការ​និងភាព​ជា​ដៃគូ និង ៤) ចែករំលែកនវា​នុវត្តន៍​ឌីជីថលរបស់​រដ្ឋា​ភិបាល និងវិស័យឯកជន។ វេទិការដ្ឋាភិបាលឌីជីថល ឆ្នាំ២០២៥ គឺជាព្រឹត្តិការណ៍​ប​ច្ចេកវិទ្យាឌីជីថលដ៏ធំមួយរបស់កម្ពុជា​ដែលត្រូវ​បានផ្តួច​ផ្តើមឡើងដោយរួមបញ្ចូលគ្នានូវ ១) វេទិកាចែករំលែក​បទ​ពិសោធពាក់ព័ន្ធនឹងដំណើរការនៃការធ្វើបរិវត្ត​កម្ម​​ឌីជីថល អភិបាលកិច្ចឌីជីថល និងបច្ចេក​វិទ្យាឌីជី​ថលថ្មីៗ ជាពិសេសបច្ចេកវិទ្យាបញ្ញាសិប្បនិម្មិត ២) ពិព័រណ៍បច្ចេកវិទ្យាឌីជីថលដែលបង្ហាញអំពីសមិទ្ធផល ថ្នាលនិងកម្មវិធីរដ្ឋាភិបាលឌីជីថល (DGPs) និង​ដំ​ណោះ​ស្រាយឌីជីថលរបស់ក្រសួង ស្ថាប័ន ក្រុម​ហ៊ុនបច្ចេកវិទ្យាឌីជីថល និងធុរកិច្ចថ្មីឌីជីថល និង ៣) ព្រឹត្តិការណ៍ជាតិនិងអន្តរជាតិអម…

(ភ្នំពេញ)៖ ឯកឧត្តម ជា វ៉ាន់ដេត រដ្ឋមន្ត្រីក្រសួង​ប្រៃ​ស​ណីយ៍​និងទូរគមនាគមន៍ (ក.ប.ទ.) ព្រឹកថ្ងៃទី១២ ខែ​វិច្ឆិកា ឆ្នាំ២០២៥ បានអញ្ជើញជាអធិបតីក្នុងពិធី បើក​វគ្គបណ្តុះបណ្តាលកម្រិតខ្ពស់ស្ដីពីភាពជាអ្នកដឹកនាំបរិវត្តកម្មឌីជីថល “បច្ចេកវិទ្យាថ្មីៗ និងនវានុវត្តន៍សម្រាប់​ថ្នាក់ដឹកនាំរាជរដ្ឋាភិបាល” ដល់ថ្នាក់ដឹកនាំ ក.ប.ទ. ប្រមាណ ៥០រូប។ វគ្គបណ្ដុះបណ្ដាលនេះ នឹងប្រព្រឹត្តទៅរយៈពេល ២ថ្ងៃ ដោយសាស្រ្តាចារ្យចំនួន ២រូបមកពីស្ថាប័ន បណ្តុះ​បណ្តា​លភាពជាអ្នកដឹកនាំដ៏ល្បី HEC Paris ក្នុង​គោល​បំណងចែករំលែកចំណេះដឹងនិងបទពិសោធនៃការចាប់យកបច្ចេកវិទ្យាថ្មីៗសម្រាប់អ្នកដឹកនាំការងារបរិវត្តកម្មរដ្ឋាភិបាលឌីជីថលក្នុងវិស័យសាធារណៈ (Digital Government Transformation in Public Sector) ជាអាទិ៍ ការបញ្ជ្រាបនិងការចាប់យកបច្ចេក​វិទ្យា, បញ្ញាសិប្បនិម្មិត (AI), អភិបាលកិច្ចទិន្នន័យ និងការចាប់យកបច្ចេកវិទ្យាថ្មីៗ ព្រមទាំងការអនុវត្តជាក់​ស្ដែង​នូវគម្រោងផ្លាស់ប្តូរឌីជីថល ផងដែរ។ លើសពីនេះ ថ្នាក់ដឹកនាំ ក.ប.ទ. ក៏អាចស្វែងយល់​បន្ថែម​អំពីបច្ចេកទេសនៃការគ្រប់គ្រងការផ្លាស់ប្តូរ (Change Management) ក្នុងការងារបរិវត្តកម្ម​ឌីជីថល ផលប្រយោជន៍យុទ្ធសាស្ត្រនៃបរិវត្តកម្មឌីជីថល​សម្រាប់ប្រតិបត្តិការរបស់រដ្ឋាភិបាល និងការកសាងការ​ជឿ​ទុក​ចិត្ត​លើការចាប់យកបច្ចេកវិទ្យាឌីជីថល ដើម្បី​បង្កើន​ប្រសិទ្ធភាព តម្លាភាព និងការផ្តល់សេវា​សាធា​រណៈ ៕ ដោយ ៖…

បន្ទាយមានជ័យ៖នៅព្រឹកថ្ងៃទី១៣ ខែវិច្ឆិកា ឆ្នាំ២០២៥ស្ថានភាពនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្ត បន្ទាយមានជ័យមានសភាពស្ងប់ស្ងាត់ជាធម្មតាបន្ទាប់ពីទាហានបានបាញ់ប្រហារប្រជាពលរដ្ឋខ្មែរស្លូតមិនដឹងអីសោះកាលពីរសៀលថ្ងៃទី១២ ខែវិច្ឆិកា ឆ្នាំបណ្ដាលឱ្យបាត់បង់ជីវិតម្នាក់និងបីនាក់រងរបួស។ ចាប់តាំងពីពេលកើតហតុកងកម្លាំងកម្ពុជា និងអាជ្ញាធរបាននៅប្រចាំការ២៤ម៉ោងលើ២៤ម៉ោង ។ជាមួយគ្នា​នៅព្រឹក​ថ្ងៃទី១៣ ខែវិច្ឆិកា នេះដែរក្រុមអ្នកសង្កេតការណ៍អាស៊ាន(AOT) ដែលសម្របសម្រួល​ដោយក្រសួង​ការពារ​ជាតិកម្ពុជា​បានចុះពិនិត្យមើលស្ថានភាពជនស៊ីវិលចំនួន៣នាក់ដែរងរបួសដោយសារយោធាថៃ បាញ់ប្រហារនៅ​ភូមិព្រៃចាន់​កាលពីរសៀលថ្ងៃទី១២ ខែវិច្ឆិកាម្សិលមិញ។ អ្នកទាំងបីនាក់កំពុងសម្រាកព្យាបាលរបួស​នៅមន្ទីរពេទ្យ​ខេត្តមិត្តភាព​កម្ពុជា-ជប៉ុន មង្គលបូរី។ សូមជម្រាបថា ប្រជាពលរដ្ឋខ្មែរស្លូតត្រង់ទាំងបីនាក់នេះ ត្រូវបានទាហានថៃបាញ់ប្រហារយ៉ាងឃោរឃៅយង់ឃ្នង​ខណៈកំពុងអង្គុយនៅផ្ទះស្ថិតនៅ ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។អំពើបាញ់ប្រហាររបស់ ទាហានថៃនោះក៏បានបណ្ដាលពលរដ្ឋខ្មែរមួយនាក់បាត់បង់ជីវិតផងដែរ ។ ក្រោយហេតុការណ៍ជាមួយនឹងការប្រកាសថ្កោលទោសនិងទាមទារបើកការស៊ើបអង្កេតដោយក្រុមឯករាជ្យដោយមានការចូលរួមពីភាគីបរទេសផង សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជាក៏បានបញ្ជាឱ្យឱ្យអាជ្ញាធរដែនដី និងគ្រប់​កងកម្លាំងសមត្ថកិច្ចទាំងអស់ចាត់វិធានការជាបន្ទាន់ ក្នុងការការពារប្រជាពលរដ្ឋ ជាពិសេសត្រូវគិតគូរលើ​សុវត្ថិភាព និងអាយុជីវិតរបស់ប្រជាពលរដ្ឋឱ្យបានជាដាច់ខាត ៕ដោយ៖ឃិន គន្ធា