សេចក្តីប្រកាសព័ត៌មានរបស់រដ្ឋបាលខេត្តកំពង់ចាមស្តីពីករណីរកឃើញវិជ្ជមានកូវីដ-១៩ ចំនួន ៨៤នាក់ ក្នុងនោះ ស្រុកកំពង់សៀម ២៥នាក់ ស្រុកព្រៃឈរ ១៦នាក់ ស្រុកជើងព្រៃ ២៩នាក់ ស្រុកបាធាយ ០៣នាក់ ស្រុកចំការលើ០៤នាក់ ស្រុកស្ទឹងត្រង់ ០១នាក់ ស្រុកកោះសូទិន ០១នាក់ ស្រុកកងមាស ០១នាក់ ក្រុងកំពង់ចាម ០៣នាក់ និងខេត្តព្រះវិហារ ០១នាក់ (ជាកម្មការិនីរោងចក្រនៅស្រុកជើងព្រៃ) ក្នុងថ្ងៃទី២១ ខែឧសភា ឆ្នាំ២០២១។

នៅក្នុងកិច្ចប្រជុំបូកសរុបអំពីវឌ្ឍភាព​នៃការអនុវត្តការងារប្រយុទ្ធប្រឆាំងនឹងជំងឺកូវីដ-១៩ នៅសាលាខេត្តកំពង់ចាម​ នាព្រឹក​ថ្ងៃទី​២១​ ​ខែឧសភា​ ឆ្នាំ​២០២១​នេះ​ ឯកឧត្ដម អ៊ុន ចាន់ដា អភិបាលខេត្តកំពង់ចាម​ និងជាប្រធានគណៈកម្មការខេត្តរយុទ្ធប្រឆាំងនឹងជំងឺកូវីដ-១៩ បានថ្លែងថា​÷ ដេីម្បី​គ្រប់គ្រង​ស្ថានការណ៍​ទប់ស្កាត់​ការ​ឆ្លង​រីករាល​ដាល​នៃ​ជំងឺ​កូវីដ​-១៩​ កុំឲ្យមានការរាលដាលបន្ត​ យើង​ត្រូវ​អនុវត្ត​យុទ្ធសាស្ត្រពីរយ៉ាង​ ​គឺ ទី១-​ត្រូវ​បិទខ្ទប់​ក្តោប​ឲ្យ​ជាប់​ ទី២-ត្រូវការពារ​កុំ​ឲ្យ​រីករាលដាលចេញទៅខាងក្រៅ​ ហេីយ​យេីងត្រូវធ្វើការ​បោសសំអាត​ ដេីម្បី​កាត់ផ្ដាច់​ខ្សែ​ចម្លង​ព្រឹត្តិការណ៍​២០-កុម្ភៈ​ ដែល​កំពុង​បង្ក​ការ​ព្រួយបារម្ភ​បំផុតពី​គ្រប់​មជមជ្ឈដា្ឋន។  ឯកឧត្តម អភិបាលខេត្ត បានណែនាំ​ដល់​មន្ត្រី​ពាក់ព័ន្ធ​ ​ត្រូវ​អនុវត្ត​វិធានការ​សុខាភិបាល​ ​បន្តការគ្រប់គ្រង​ច្បាម​​ឲ្យ​ជាប់​ចំពោះ​អ្នក​ដែល​សង្ស័យ​ ដែល​ត្រូវ​ផ្តោត​សំខាន់​​ទៅ​លើ​កម្មករ​កម្មការិនី​ ពិសេស​​ត្រូវ​ស្រាវជ្រាវ​ស្វែងរក​អ្នក​ដែល​ប៉ះពាល់​ដោយ​ផ្ទាល់​ជាមួយនឹង​អ្នក​វិជ្ជមាន​កូវីដ​-១៩​ ពោលគឺ​​ត្រូវ​នាំ​គាត់​មក​យក​សំណាក​ ហេីយ​ត្រូវ​ពិនិត្យ​ដោយ​ឧបករណ៍​ពិសេស​​ជាបន្ទាន់។​ ជាមួយគ្នា​នោះ​មន្ត្រី​សុខាភិបាល​ស្រុក​និមួយៗ​ ​ត្រូវ​អនុវត្ត​វិធានការ​នេះ​ឲ្យ​បាន​ម៉ឺងម៉ាត់​ ពេល​ពិនិត្យ​រកឃើញ​អ្នក​វិជ្ជមាន​ហើយ​នោះ ទោះជា​នៅ​ទីកន្លែង​ណា​ក៏ដោយ​ គឺត្រូវ​នាំ​គាត់​ទៅ​ព្យាបាល​ជាបន្ទាន់​ ក្នុងនោះ​មន្ទីរ​ពេទ្យ​ស្រុក​និមួយៗ​ ​ត្រូវ​រៀបចំ​គ្រែ​ទទួល​អ្នក​ជំងឺ​ យ៉ាង​តិច​ឲ្យ​បាន​១០គ្រែ​ ឬ​លេីសពី​នោះ​ផងដែរ​ ។ ​​ ​លោក គឹម​ សួរ​ភីរុណ​ ប្រធាន​មន្ទីរ​សុខាភិបាល​នៃ​រដ្ឋបាល​ខេត្តកំពង់ចាម​ បាន​ឲ្យដឹងថា​ សម្រាប់​ថ្ងៃទី​២០​ ខែឧសភា​ ឆ្នាំ​២០២១​នេះ​ រកឃើញ​អ្នក​វិជ្ជមាន​កូវីដ-១៩ ករណីឆ្លងថ្មី ចំនួន​៩៣នាក់(ស្រី៨៥នាក់)​ កំពុងសំរាកព្យាបាល ២៧០នាក់​ (បូកយោង​៤០០នាក់​ ក្នុងនោះ​ជាសះស្បើយ…

នៅព្រឹកថ្ងៃទី២០ ខែឧសភា ឆ្នាំ២០២១ ឯកឧត្ដម ខ្លូត ផន ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានអញ្ជើញជួបសំណេះសំណាល និងចុះសួរសុខទុក្ខក្រុមគ្រូពេទ្យកងយោធពលខេមរភូមិន្ទ ចាក់វ៉ាក់សាំងកូវីដ-១៩នៅមន្ទីរពេទ្យយោធភូមិភាគទី២ ក្នុងភូមិអំពិលក្រោម ឃុំអំពិល ស្រុកកំពង់សៀម ខេត្តកំពង់ចាម និងដោយមានការអញ្ជើញចូលរួមពីសំណាក់ឯកឧត្តម លោកជំទាវ អភិបាលរងខេត្ត លោក លោកស្រីប្រធានមន្ទីរ-អង្គភាពជុំវិញខេត្ត អាជ្ញាធរមូលដ្ឋាន និងនាយទាហាន ពលទាហានចំណុះមន្ទីរពេទ្យយោធភូមិភាគ២។ តាមរបាយការណ៍របស់លោកឧត្តមសេនីយ៍ត្រី ណាំ វណ្ណៈ ប្រធានមន្ទីរពេទ្យយោធភូមិភាគ២ បានបញ្ជាក់ថា មន្ទីរពេទ្យយោធភូមិភាគ២ បានបង្កើតឡើងក្នុងឆ្នាំ១៩៨៤ ដោយមានការសហការជាមួយកងទ័ពស្ម័គ្រចិត្តវៀតណាម។ មន្ទីរពេទ្យនេះ មានបុគ្គលិកសរុបចំនួន ១៨៤នាក់ ស្រី៤៤នាក់។ បន្ទាប់ពីទទួលបានគោលការណ៍ណែនាំពីរាជរដ្ឋាភិបាល មន្ទីរពេទ្យយោធភូមិភាគ២ បានចាប់ផ្តើមចាក់វ៉ាក់សាំងការពារកូវីដ-១៩ ជូនដល់កងទ័ព និងគ្រួសារកងទ័ពចំណុះភូមិភាគ២ ចាប់ពីថ្ងៃទី១០ ខែមីនា ឆ្នាំ២០២១ បានចំនួន ២៨.៤២៨នាក់ ក្នុងនោះខេត្តកំពង់ចាម បានចំនួន ១០.០៦២នាក់។ លោកឧត្តមសេនីយ៍ត្រីប្រធានមន្ទីរពេទ្យ ក៏បានថ្លៃងអំណរគុណដល់ ឯកឧត្តមប្រធានក្រុមប្រឹក្សាខេត្ត ឯកឧត្តមអភិបាលខេត្ត…

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានថ្លែងថា អាជ្ញាធរក្រុង-ស្រុក ត្រូវពង្រីកមណ្ឌលចត្តាឡីស័កនៅក្នុងដែនសមត្ថកិច្ចរបស់ខ្លួនឲ្យបានសមស្របទៅនឹងកំណើនកើនឡើងនៃអ្មកឆ្លង និងអ្នកពាក់ព័ន្ធជាមួយនឹងវីរុសបម្លែងថ្មី កូវីដ-១៩ ដែលកំពុងមានការផ្ទុះឡើងគួរឲ្យបារម្ភបំផុត។ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវី-១៩ បានលើកឡើងបែបនេះ នៅក្នុងកិច្ចប្រជុំគណៈអភិបាលខេត្ត នារសៀលថ្ងៃទី ១៩ខែឧសភា ឆ្នាំ២០២១ នៅសាលាខេត្តកំពង់ចាម ដោយមានការអញ្ជើញចូលរួមពីឯកឧត្តម លោកជំទាវ អភិបាលរងខេត្ត -លោកប្រធានមន្ទីរសុខាភិបាលនៃរដ្ឋបាលខេត្ត-លោកនាយក នាយករងរដ្ឋបាល -លោកនាយ នាយករងទីចាត់ការ និងមន្ត្រីពាក់ព័ន្ធមួយចំនួន។ (អត្ថបទ និងរូបភាព ចៅ វង្ស I.K.)