ខេត្តកណ្តាល៖ ឯកឧត្តម គង់ សោភ័ណ្ឌ អភិបាលខេត្តកណ្តាល បានអញ្ជើញជួបសំណេះសំណាល សួរសុខទុក្ខបងប្អូន កម្មករ កម្មការិនី ចំនួន២៦៨នាក់ នៅស្រុកអង្គស្នួល បានដែលជាសះស្បើយពីជំងឺកូវីដ-១៩ និងបានវិលត្រឡប់ទៅបន្តធ្វើចត្តាឡីស័កនៅផ្ទះវិញ នៅរសៀលថ្ងៃទី១៩ខែឧសភាឆ្នាំ២០២១។ឯកឧត្តម គង់ សោភ័ណ្ឌ អភិបាលខេត្តកណ្ដាល បានសំដែងនូវការអបអរសាទរ ចំពោះបងប្អូនប្រជាពលរដ្ឋទាំង ២៦៨នាក់ ដែលបានជាសះស្បើយពីជំងឺកូវីដ-១៩ ដែលនេះបានបង្ហាញអោយឃើញនូវការសហការគ្នាបានល្អរវាងក្រុមគ្រូពេទ្យ និងបងប្អូនដែលជាអ្ន្ជកជម្ងឺដែលបានអនុវត្តយ៉ាងត្រឹមត្រូវតាមការណែនាំរបស់ក្រសួងសុខាភិបាល។ឯកឧត្តមអភិបាលខេត្តកណ្ដាល ក៏បាន ថ្លែងនូវការកោតសរសើរដល់ ក្រុមគ្រូពេទ្យ អាជ្ញាធរស្រុក និងកងកម្លាំងមានសមត្ថកិច្ច ដែលបានយកចិត្តទុកដាក់ ការពារនូវសន្តិសុខ សុវត្ថិភាព ពិនិត្យ និងតាមដានសុខភាពរបស់បងប្អូនប្រជាពលរដ្ឋ ដែលកំពុងសម្រាកព្យាបាល ជំងឺកូវីដ-១៩ នៅក្នុងស្រុកអង្គស្នួល ហើយ បានផ្ដល់នូវអាហារសមរម្យ ជូនពួកគាត់ផងដែរ។ឯកឧត្តម គង់ សោភ័ណ្ឌ អភិបាលខេត្តកណ្ដាល បានផ្ដាំផ្ញើដល់បងប្អូន ដែលទើបជាសះស្បើយទាំង២៦៨ នាក់ ពេលដែលត្រឡប់ទៅផ្ទះវិញ ត្រូវធ្វើចត្តាឡីស័កខ្លួនឯងឱ្យបានត្រឹមត្រូវ តាមវិធានរបស់ក្រសួងសុខាភិបាល រយៈពេល ១៤ ថ្ងៃ ក្នុងករណីមានបញ្ហាសុខភាពមិនប្រក្រតី ត្រូវរាយការណ៍មកអាជ្ញាធរភ្លាម ហើយត្រូវបន្តអនុវត្តនូវវិធានការបង្ការ ការពារ…

(កំពង់ចាម)៖ ខណៈពេលខេត្តកំពង់ចាម បានរកឃើញវិជ្ជមានកូវីដ-១៩ លើប្រជាពលរដ្ឋជាបន្តបន្ទាប់ អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំងជំងឺកូវីដ-១៩ ឯកឧត្តម អ៊ុន ចាន់ដា បានក្រើនរំលឹកដល់ប្រជាពលរដ្ឋ ឱ្យថែរក្សាសុខភាពជាចម្បង ដើម្បីឆ្លងផុតពីការឆ្លងរាលដាលនៃជំងឺកូវីដ-១៩ ចូលទៅក្នុងសហគមន៍។  ឯកឧត្តម អភិបាលខេត្ត បានថ្លែងដូច្នេះនៅព្រឹកថ្ងៃទី ១៩ ខែឧសភា ឆ្នាំ ២០២១ នៅសាលាខេត្តកំពង់ចាម ខណ:ពេល ចូលរួមផ្ដល់អំណោយជូនប្រជាពលរដ្ឋក្រីក្រចំនួន ១៥០  គ្រួសារ ជាអំណោយបានមកពីសប្បុរសជននៅប្រទេសអូស្ត្រាលី នាំមកផ្តល់ជូន ដោយសមាគមន៍ធម្មកថិក ព្រះសង្ឃកម្ពុជា ដែលមានព្រះអង្គគ្រូ វិជរប្បញ្ញោ សាន សុជា ជាប្រធាន ។  ស្ថិតក្នុងឱកាសនោះ អភិបាលខេត្តកំពង់ចាម ឯកឧត្តម អ៊ុន ចាន់ដា បានថ្លែងអំណរគុណយ៉ាងជ្រាលជ្រៅដល់សមាគមធម្មកថិក ព្រះសង្ឃកម្ពុជា ដែលមានព្រះអង្គ វិជរប្បញ្ញោ សាន សុជា ជាប្រធាន បានខិតខំចលនា ដល់សប្បុរសជននៅក្រៅប្រទេស ដើម្បីបានជាអំណោយយកមកផ្ដល់ជូនប្រជាពលរដ្ឋ ដែលមានជីវភាពខ្វះខាត ក្នុងបរិបទវិបត្តិជំងឺកូវីដ-១៩ នាពេលនេះ ។ …

រាជធានីភ្នំពេញ៖ ក្រសួងអប់រំ យុវជន និងកីឡាបានរៀបចំកិច្ចប្រជុំសម្រេចចុងក្រោយស្ដីពីការរៀបចំឯកសារទស្សនទាន លើចំណុចអាទិភាព និងគំនិតផ្ដួចផ្ដើមនានា ដែលស្ថិតនៅក្រោមសសរស្ដម្ភសហគមន៍សង្គម-វប្បធម៌អាស៊ាន សម្រាប់កិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធឆ្នាំ២០២២ តាមរយៈប្រព័ន្ធវីដេអូ ក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា និងជាប្រធានសសរស្ដម្ភទី៣។ កិច្ចប្រជុំនេះមានការចូលរួមពីក្រសួងស្ថាប័នទាំង១៥ដែលស្ថិតនៅក្រោមសសរស្ដម្ភទី៣សហគមន៍សង្គម- វប្បធម៌អាស៊ាន កិច្ចប្រជុំពិភាក្សានេះត្រូវបានរៀបចំឡើងដើម្បីត្រៀមសម្រាប់កិច្ចប្រជុំអាស៊ាន និងកិច្ចប្រជុំពាក់ព័ន្ធ ដែលកម្ពុជានឹងធ្វើជាម្ចាស់ផ្ទះនៅឆ្នាំ២០២២ ដោយពិភាក្សាលើរបៀបវារៈចំនួន៣រួមមាន៖១) ពិនិត្យ អនុម័តទៅលើចំណុចអាទិភាព គំនិតផ្ដួចផ្ដើម និងផែនការសកម្មភាពរបស់ក្រសួងស្ថាប័ន២) កំណត់វិស័យអាទិភាព៣) ពិភាក្សាលម្អិតលើអាទិភាព និងគំនិតផ្ដួចផ្ដើម ។ ដោយ -រ៉ាវុធ