(ភ្នំពេញ)៖ ឯកឧត្ដម លី ច័ន្ទតុលា ប្រធានគណៈមេធាវី បានចេញសេចក្ដីជូនដំណឹង ស្ដីពី ការបំពេញការងារប្រចាំ​ថ្ងៃរបស់ គណៈមេធាវីជាប្រក្រតីឡើងវិញ។ យោងតាមសេចក្ដីជូនដំណឹង របស់ប្រធានគណៈមេធាវី នៅព្រឹកថ្ងៃទី១៩ ខែឧសភា ឆ្នាំ២០២១នេះ បានសរសេរថា កន្លងមកដើម្បីគោរពអនុវត្ត តាមវិធានការរដ្ឋបាលនានា ជាពិសេស វិធានការបិទខ្ទប់ ក្នុងភូមិសាស្រ្ដរាជធានីភ្នំពេញ និងក្រុងតាខ្មៅនៃខេត្តកណ្ដាល គណៈមេធាវីបានកាត់បន្ថយ ការងារប្រចាំថ្ងៃ ដោយរក្សាទុកតែការងារជាអាទិភាពមួយចំនួន និងបានបង្កើតក្រុមប្រចាំសម្រាប់ ដោះស្រាយការងារ អាទិភាពប្រចាំ របស់គណៈមេធាវី។ សេចក្ដីជូនដំណឹងដដែល បានបញ្ជាក់ថា ដោយបច្ចុប្បន្នទីស្នាក់ការ គណៈមេធាវីស្ថិតនៅក្នុងតំបន់លឿង ដូចនេះ​គណៈមេធាវី សូមជូនដំណឹងដល់សមាជិក-សមាជិកាគណៈមេធាវី ស្ថាប័នមានសមត្ថកិច្ចនានា និងសាធារណជន​មេត្តា​ជ្រាបថា គណៈមេធាវីបានបើកឲ្យបំពេញការងារប្រចាំថ្ងៃ និងផ្ដល់សេវានានារបស់គណៈមេធាវី ជូនសមាជិក-សមាជិកាគណៈមេធាវី និងសាធារណជនជាប្រក្រតីឡើងវិញ ចាប់ពីថ្ងៃចូនដំណឹងនេះតទៅ។ ចំពោះបុគ្គលិក សមាជិក-សមាជិកាគណៈមេធាវី និងសាធារណជន ដែលមកទំនាក់ទំនងការងារ នៅគណៈមេធាវី ត្រូវអនុវត្តតាមវិធានការសុខាភិបាល ដោយត្រូវពាក់ម៉ាស់ វាល់កម្ដៅ ចូលសម្លាបមេរោគ ក្នុងម៉ាស៊ីសម្លាប់មេរោគ លាងសម្អាតដៃ និងរក្សាគម្លាតសង្គមផងដែរ៕

មន្ត្រីជំនាញបានលើកឡើងថា ខេត្តកំពតចាប់ផ្តើមមានភ្ញៀវទេសចរមកទស្សនាជាបណ្តើរៗឡើងវិញហើយ បន្ទាប់ពីស្ងប់ស្ងាត់ភ្ញៀវអស់ជាច្រើនខែ កន្លងមក ដោយសារតំបន់ទេសចរណ៍ និងរមណីយដ្ឋានត្រូវបានបិទផ្អាក ដើម្បីទប់ស្កាត់ការរីករាលដាលជំងឺកូវីដ១៩នៅក្នុងសហគមន៍។ ហើយបើតាមរបាយការណ៍ពីមន្ត្រីជំនាញ ចំនួនភ្ញៀវទេសចរមកសម្រាកកម្សាន្តនៅសប្តាហ៍កន្លងទៅនេះមានជាង១ម៉ឺននាក់ គឺច្រើនជាងសប្តាហ៍មុន។ បន្ទាប់ពី រមណីយដ្ឋាន និងតំបន់ទេសចរណ៍ត្រូវបានរាជរដ្ឋាភិបាលអនុញ្ញាតឲ្យបើកដំណើរការឡើងវិញ តំនប់នានាក្នុងខេត្តកំពត  ចាប់ផ្តើមមានភ្ញៀវទេសចរមកទស្សនា សម្រាកកម្សាន្តជាបណ្តើរៗ  ពិសេសថ្ងៃចុងសប្តាហ៍មានភ្ញៀវទេសចរច្រើន។ តាមការសង្កេតចំនួនភ្ញៀវទេសចរណ៍មានការកើនឡើងពីមួយសប្តាហ៍ទៅមួយសប្តាហ៍ ពិសេសភ្ញៀវមកពីតាមបណ្តាខេត្ត និងរាជធានីភ្នំពេញ។ ប្រធានមន្ទីរទេសចរណ៍ លោក សយ ស៊ីណុល បានប្រាប់ឲ្យដឹងថា តាមរាយការណ៏អំពីសភាពការណ៏ទេសចរណ៏ខេត្តកំពតប្រចាំសប្តាហ៏  គិតពីថ្ងៃទី ១០_១៦ ខែឧសភា ឆ្នាំ ២០២១នេះ  ខេត្តកំពតភ្ញៀវទេសចរសរុបចំនួន ១០.៩៤២នាក់ ក្នុងនោះទេសចរជាតិចំនួន១០.៨២៧នាក់ ទេសចរអន្តរជាតិផ្ទៃក្នុង ចំនួន ១១៥នាក់។ លោកប្រធានបានបន្តថា បើតាមការកត់សំគាល់ភ្ញៀវនៅក្នុងខេត្តមានចំនួនតិចតួច ចំណែកភ្ញៀវទេសចរមកពីខេត្តផ្សេងៗ និងរាជធានី ប្រមាណ ៨០% គឺមានការកើនឡើងជាងសប្តាហ៏មុន។ យ៉ាងណាក៏ដោយទេសចរទាំងអស់ក៏មិនទាន់ភ្លេចជំងឺកូវីដ១៩ឡើយ  បើតាមការសង្កេតរបស់មន្ត្រីជំនាញគេឃើញថា ភ្ញៀវទេសចរភាគច្រើនមានការប្រុងប្រយត្ន័ដោយគិតពីសុវត្ថិភាពជាចំបង់  ពុំមានការប្រមូលផ្តុំគ្នាច្រើនកុះករ ដែលអាចប្រឈម នឹងហានិភយ័ខ្ពស់នៅតាមរមណីយដ្ឋាន សហគមន៏ និងគោលដៅទេសចរណ៏នានានោះទេ។ ម្យ៉ាងទៀត ភ្ញៀវទេសចរ ដើរកម្សាន្តលក្ខណៈជាក្រុមគ្រួសារៗ…

ការពិភាក្សាគ្នានោះធ្វើឡើងរវាងរដ្ឋមន្ត្រីក្រសួងពាណិជ្ជកម្មលោកប៉ាន សូរស័ក្ដិ និង លោកPablo Kang ឯកអគ្គរាជទូតអូស្ត្រាលី នៅព្រឹកថ្ងៃទី១៨ឧសភាឆ្នាំ២០២១តាមប្រព័ន្ធវីដេអូ។ ថ្ងៃ ជំនួបពិភាក្សានោះ ផោ្តតសំខាន់លើការពង្រឹងកិច្ចសហប្រតិបត្តិការលើវិស័យពាណិជ្ជកម្មអន្តរជាតិរវាងកម្ពុជានិងអូស្រ្តាលី និងជាពិសេសការបន្តជួយគំាទ្ររបស់អូស្រ្តាលីក្នុងការអភិវឌ្ឍពាណិជ្ជកម្មកម្ពុជា ក្នុងបរិបទទ្វេភាគី តំបន់ និងពហុភាគី។ ក្នុងជំនួបនោះ លោករដ្ឋមន្រ្ដីក្រសួងពាណិជ្ជកម្មប៉ាន សូរស័ក្ដិ និងលោកឯកអគ្គរាជទូត បានពិភាក្សា និងផ្លាស់ប្តូរយោបល់លើការវិវត្តនានាក្នុងបរិបទពាណិជ្ជកម្មពហុភាគីក្រោមក្របខ័ណ្ឌអង្គការពាណិជ្ជកម្មពិភពលោក (WTO) ជាពិសេសការត្រៀមចូលរួមសន្និសីទថ្នាក់រដ្ឋមន្រ្តីអង្គការ WTO លើកទី១២ នាពេលខាងមុខ។ ក្នុងក្របខ័ណ្ឌតំបន់វិញ លោក ឯកអគ្គរាជទូតបានជម្រាបជូនថា អូស្ត្រាលីនឹងចាប់ផ្តើមដាច់ចេញនូវគំនិតផ្តួចផ្តើមជំរុញ ការប្រើប្រាស់ឯកសារពាណិជ្ជកម្មតាមប្រព័ន្ធអេឡិចត្រូនិក ក្រោមក្របខណ្ឌកិច្ចព្រមព្រៀងពាណិជ្ជកម្មសេរីអាស៊ាន-អូស្ត្រាលី-ណូវែលហ្សេឡង់ (AANZFTA) ដើម្បីសម្រួលឱ្យការធ្វើពាណិជ្ជកម្មជាមួយអូស្ត្រាលី ឱ្យកាន់តែមានភាពងាយស្រួល និងកាត់បន្ថយការចំណាយ សំដៅលើកកម្ពស់ភាពធន់នៃខ្សែច្រវាក់ពាណិជ្ជកម្ម និងជំរុញកំណើនពាណិជ្ជកម្មក្នុងតំបន់ ជាពិសេសក្នុងបរិការណ៍នៃវិបត្តិជំងឺឆ្លងកូវីដ-១៩ និងក្រោយវិបត្តិនោះ។ ដោយទ្បែក្នុងក្របខ័ណ្ឌទ្វេភាគីវិញ ភាគីទាំងពីរបានធ្វើការផ្លាស់ប្តូរយោបល់ និងពិភាក្សាលើការបន្តអនុវត្តគម្រោងអភិវឌ្ឍន៍ពាណិជ្ជកម្មក្រោមជំនួយរបស់អូសា្រលី រួមមាន ការពង្រឹងនិងការកសាងសមត្ថភាពមន្រ្តីពាណិជ្ជកម្ម ការអភិវឌ្ឍនិងកសាងបទដ្ឋានគតិយុត្តពាក់ព័ន្ធវិស័យពាណិជ្ជកម្ម ការបន្តអនុវត្តកម្មវិធីខ្សែសង្វាក់តំលៃកសិកម្មកម្ពុជា-អូស្ត្រាលី (CAVAC) និងការជំរុញការធ្វើពាណិជ្ជកម្មតាមប្រព័ន្ធអេទ្បិចត្រូនិក ជាដើម។ លោករដ្ឋមន្រ្ដីក្រសួងពាណិជ្ជកម្ម បានថ្លែងអំណរគុណចំពោះភាគីអូស្រ្តាលីដែលបានបន្តគាំទ្រ និងចូលរួមចំណែកយ៉ាងសំខាន់ក្នុងការអភិវឌ្ឍវិស័យពាណិជ្ជកម្មកម្ពុជា និងវិស័យពាក់ព័ន្ធនានា។ ភាគីទាំងពីរ បានបញ្ជាក់សារជាថ្មីនូវការប្តេជ្ញាចិត្ត…

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត អមដោយ អនុប្រធានអចិន្ត្រៃយ៍សាខា អាជ្ញាធរស្រុកកងមាស និងមន្រ្តីពាក់ព័ន្ធ បានអញ្ជើញចុះជួបសំណេះសំណាល និងនាំយកអំណោយមនុស្សធម៌ជូនប្រជាពលរដ្ឋរងគ្រោះដោយខ្យល់កន្ត្រាក់ដែលរបើកជញ្ជាំង របើកដំបូលផ្ទះ ចំនួន ៦៨គ្រួសារ នៅ ៣ឃុំ ក្នុងស្រុកកងមាស ក្នុងនេះ នៅឃុំព្រែកកុយ ៤៧ គ្រួសារ, ឃុំរាយប៉ាយ ២០គ្រួសារ និងឃុំព្រែកក្របៅភូមិ ១គ្រួសារ នៅព្រឹកថ្ងៃទី ១៨ខែឧសភា ឆ្នាំ២០២១។ ឯកឧត្តម អ៊ុន ចាន់ដា បានចូលរួមសម្តែងការសោកស្តាយជាមួយគ្រួសាររងគ្រោះ ចំពោះឧប្បត្តិហេតុធម្មជាតិដែលកើតឡើងដោយស្មានមិនដល់នេះ ក្នុងស្ថានភាព ដែលជីវភាពបងប្អូនកំពុងតែរងលំបាកដោយការរាតត្បាតនៃជំងឺកូវីដ-១៩ ។ ឯកឧត្តមក៏បានពាំនាំនូវការផ្ដាំផ្ញើសួរសុខទុក្ខពីសំណាក់ឯកឧត្តម ហ៊ុន ណេង ប្រធានកិត្តិយសសាខា ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា  ដែលជានិច្ចកាល សម្តេច លោកតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះ ដោយមិនប្រកាន់វណ្ណៈ ជំនឿសាសនា ឬនិន្នាការនយោបាយអ្វីឡើយ ហើយលោក តែងបានចាត់តំណាង ចុះអន្តរាគមន៍…

ខេត្តកណ្ដាល៖ អ្នកជំងឺកូវីដ-១៩ ចំនួន ២៨ នាក់នៅមណ្ឌលព្យាបាលជំងឺកូវីដ-១៩ បឋមសិក្សា ក្រពើហា និងអ្នកជំងឺកូវីដ-១៩ ចំនួន ៤៧ នាក់ នៅមណ្ឌលព្យាបាលជំងឺកូវីដ-១៩ វិទ្យាល័យ វឌ្ឍនៈ ឈូងលាភ បានជាសះស្បើយ និងត្រូវបានអាជ្ញាធរខេត្តកណ្ដាល អនុញ្ញាតឱ្យត្រឡប់ទៅផ្ទះវិញ ។ រសៀលថ្ងៃទី១៧ ខែឧសភា ឆ្នាំ២០២១ ឯកឧត្តម គង់ សោភ័ណ្ឌ អភិបាល នៃគណៈបានខេត្តកណ្ដាល រួមដំណើរដោយ ឯកឧត្តម លោកជំទាវ អភិបាលរងខេត្ត កងកម្លាំងប្រដាប់អាវុធទាំង៣ អាជ្ញាធរក្រុងតាខ្មៅ អញ្ជើញជួបសំណេះសំណាលជាមួយ អ្នកដែលបានជាសះស្បើយពីជំងឺកូវីដ-១៩ ចំនួន៧៥ នាក់ ដែលមកពីមណ្ឌលសម្រាកព្យាបាល វិទ្យាល័យ វឌ្ឍនៈ ឈូងលាភ និងបឋមសិក្សាក្រ ពើហា ដែលពិធីនេះប្រារព្ធធ្វើនៅ មណ្ឌលសម្រាប់ព្យាបាល វិទ្យាល័យ វឌ្ឍនៈ ឈូងលាភ។ មានប្រសាសន៍សំណេះសំណាល ឯកឧត្តម គង់ សោភ័ណ្ឌ អភិបាលខេត្តកណ្ដាល បានសំដែងនូវការអបអរសាទរ ចំពោះបងប្អូនប្រជាពលរដ្ឋទាំង…

តាមផេកផ្លូវការរបស់ក្រុមគ្រូពេទ្យសម្តេចតេជោប្រឆាំងកូវីដ១៩(TYDA) បានអោយដឹងថា មណ្ឌលព្យាបាលជំងឺកូវីដ-១៩ កម្រិតស្រាលកោះពេជ្រ ថ្ងៃនេះអ្នកជំងឺចំនួន ៣១២នាក់ត្រូវបានក្រុមគ្រូពេទ្យ អោយត្រឡប់ទៅផ្ទះវិញនៅព្រឹកថ្ងៃទី១៧ ខែឧសភា ឆ្នាំ២០២១ ក្រោយពីទទួលការព្យាបាលយ៉ាងយកចិត្តទុកដាក់ខ្ពស់ពីសំណាក់ ក្រុមគ្រូពេទ្យសម្តេចតេជោប្រឆាំងជំងឺកូវីដ១៩ ពួកគាត់បានជាសះស្បើយ និងត្រូវធ្វើចត្តាឡីស័កខ្លួនឯងដាច់ដោយឡែករយៈពេល១៤ថ្ងៃបន្តទៀត ដើម្បីតាមដានសុខភាព។