សេចក្តីសម្រេចរបស់រដ្ឋបាលខេត្ត សី្តពីការដាក់ឱ្យដំណើរការឡើងវិញនូវភូមិឃុំមួយចំនួនរួមមាន៖ -ភូមិចុង និងភូមិសង្កើប ស្ថិតនៅក្នុងឃុំសំបូរ ស្រុកបាធាយ -ភូមិកំពង់ព្រះ និងភូមិជើងឆ្នុក ស្ថិតនៅក្នុងឃុំតាំងក្រាំង ស្រុកបាធាយ -ភូមិអន្លង់គគីរ និងភូមិគងជ័យ ស្ថិតនៅក្នុងឃុំព្រែកកុយ ស្រុកកងមាស -ឃុំស្តៅ ឃុំរកាអារ និងឃុំកងតាណឹង ស្រុកកងមាស -ឃុំប្រាំយ៉ាម ស្រុកស្រីសន្ធរ -ភូមិជ័យ ស្ថិតនៅក្នុងឃុំមានជ័យ ស្រុកស្រីសន្ធរ -ភូមិសន្ទៃ និងភូមិច្រស់ ស្ថិតនៅក្នុងឃុំព្រែកពោធិ៍ ស្រុកស្រីសន្ធរ -ភូមិតាំងក្រាំង ស្ថិតនៅក្នុងឃុំជាលា ស្រុកបាធាយ ត្រូវបានដាក់ឱ្យដំណើរការឡើងវិញ ចាប់ពីថ្ងៃទី១៣ ខែឧសភា ឆ្នាំ២០២១ តទៅ៕

សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន បានរៀបចំពិធីសំណោះសំណាល និងប្រគល់នូវប័ណ្ណសរសើរជូនក្រុមគ្រូពេទ្យស្ម័គ្រចិត្តមិត្តភាពយុវជនកម្ពុជា-ចិនចំនួន៣២រូប នារសៀលថ្ងៃទី០៨ ខែឧសភា ឆ្នាំ២០២១ ក្រោមអធិបតីភាពលោក ហោ សេរីវឌ្ឍន៍ សមាជិកគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងជាប្រធានអង្គការយុវជនដើម្បីមាតុភូមិ, លោក សុក ហ៊ុយ តំណាងសមាគមសម្ព័ន្ធខ្មែរចិននៅកម្ពុជានៅកម្ពុជា, លោក អ៊ុំ វុទ្ធទី ប្រធានកិត្តិយសសមាគមនិស្សិត និង លោក អ៊ុំ លឹមហួរ ប្រធានសមាគមនិស្សិតអាណត្តិទី៤។ ក្នុងរយៈពេល១ខែកន្លងមកនេះ ក្រុមគ្រូពេទ្យស្ម័គ្រចិត្តមិត្តភាពយុវជនកម្ពុជា-ចិន បានឈរជើងចាក់វ៉ាក់សាំងកូវីដ-១៩ ជូនប្រជាពលរដ្ឋខណ្ឌពោធិ៍សែនជ័យ សរុបប្រមាណ៧០០០នាក់ សម្រាប់ដូសទី១ និងដូសទី២ ក្នុងយុទ្ធនាការចាក់វ៉ាក់សាងកូវីដ-១៩ វគ្គទី១ ។ លោក ហោ សរីវឌ្ឍន៍ បានធ្វើការកោតសរសើរ លើកទឹកចិត្ត និងវៃតម្លៃខ្ពស់ចំពោះការងាររបស់ក្រុមគ្រូពេទ្យស្ម័គ្រចិត្តមិត្តភាពយុវជនកម្ពុជា-ចិន ក្នុងការទទួលបានភាពជោគជ័យក្នុងយុទ្ធនាការវគ្គទី១ ព្រមទាំងពាំនាំនូវការយកចិត្តទុកដាក់ពីសំណាក់ឯកឧត្តមបណ្ឌិត ហ៊ុន ម៉ាណែត ចំពោះសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ជាពិសេសគ្រូពេទ្យស្ម័គ្រចិត្ត ដែលមានឆន្ទះ និងចូលរួមជាមួយរាជរដ្ឋាភិបាលកម្ពុជា ក្នុងការទប់ស្កាត់ការរាតត្បាតជំងឺកូវដី-១៩ នៅកម្ពុជា។ ជាមួយគ្នានេះដែរ ក្រុមគ្រូពេទ្យស្ម័គ្រចិត្តមិត្តភាពយុវជនកម្ពុជា-ចិន បានកំពុងត្រៀមកម្លាំងបន្ថែម ដើម្បីបន្តចូលរួមក្នុងយុទ្ធនាការចាក់វ៉ាក់សាំងកូវីដ-១៩…

ខេត្តកណ្តាល ៖ ប្រជាពលរដ្ឋមានជីវភាពខ្វះខាត ចំនួន ១២០គ្រួសារ ក្នុងសង្កាត់សិត្បូ ក្រុងតាខ្មៅ បន្ទាប់ពីរាជរដ្ឋាភិបាល បានសម្រេចបិទខ្ទប់ក្រុងតាខ្មៅ រយៈពេល២១ថ្ងៃ ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ ទទួលបានអំណោយជាស្បៀងអាហារពីរដ្ឋបាលខេត្តកណ្ដាល នៅរសៀលថ្ងៃទី១១ ខែឧសភា ឆ្នាំ២០២១។ មានប្រសាសន៍សំណេះសំណាល ទៅកាន់បងប្អូនប្រជាពលរដ្ឋ ឯកឧត្តម គង់ សោភ័ណ្ឌ អភិបាលខេត្តកណ្ដាល បានមានប្រសាសន៍ថា ប្រមុខរាជរដ្ឋាភិបាល សម្ដេចតេជោ នាយករដ្ឋមន្ត្រី តែងតែគិតគូរពីសុខទុក្ខរបស់បងប្អូនប្រជាពលរដ្ឋ ពិសេសស្ថិតក្នុងកាលៈទេសៈដែលប្រទេសកម្ពុជា កំពុងប្រយុទ្ធប្រឆាំងទៅនឹងមេរោគដ៏កាចសាហាវ កូវីដ-១៩ ហើយក្រុងតាខ្មៅ នៃខេត្តកណ្ដាល ត្រូវបានរាជរដ្ឋាភិបាលសម្រេចបិទខ្ទប់ ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ បានធ្វើឱ្យប៉ះពាល់ដល់ជីវភាពរស់នៅរបស់បងប្អូនប្រជាពលរដ្ឋ ទើបតម្រូវឱ្យរដ្ឋបាលខេត្តកណ្ដាល ផ្ដល់នូវស្បៀងអាហារជូនបងប្អូនប្រជាពលរដ្ឋ ដែលកំពុងមានជីវភាពខ្វះខាតជាក់ស្ដែងនៅពេលនេះ ដោយអនុវត្តតាមអនុសាសន៍របស់សម្តេចតេជោ នាយករដ្ឋមន្ត្រី គឺមិនឱ្យប្រជាពលរដ្ឋណាម្នាក់ស្លាប់ដោយសារអត់ស្បៀងអាហារឡើយ។ ទន្ទឹមនឹងនោះ ឯកឧត្តមអភិបាលខេត្តកណ្ដាល បានសំណូមពរដល់បងប្អូនប្រជាពលរដ្ឋទាំងអស់ សូមមេត្តាអនុវត្តអោយត្រឹមត្រូវតាមការណែនាំរបស់ក្រសួងសុខាភិបាល សម្តេចតេជោ នាយករដ្ឋមន្ត្រី គឺ ៣ការពារ និង៣កុំ ដើម្បីបង្ការ និងទប់ស្កាត់ ការឆ្លងរាលដាល នៃជំងឺកូវីដ-១៩…

អនុគណៈកម្មការស្រាវជ្រាវជំងឺកូវីដ-១៩ បានអោយដឹងថា ភូមិ សង្កាត់ដែលឆ្លងជំងឺកូវីដ-១៩ ច្រើនជាងគេរួមមាន ភូមិត្រពាំងថ្លឹង១/២/៣/៤​​ សង្កាត់ចោមចៅទី១​ ខណ្ឌពោធិ៍សែនជ័យ– ភូមិបាក់ទូក​ សង្កាត់ទួលសង្កែទី១ ខណ្ឌឫស្សីកែវ– ភូមិ១៥ សង្កាត់ទឹកល្អក់ទី ១ ខណ្ឌទួលគោក– សង្កាត់ព្រែកឯង ខណ្ឌច្បារអំពៅ– ភូមិស្លែងរលើង សង្កាត់អូរបែកក្អម ខណ្ឌសែនសុខ– ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ– ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ– ភូមិ២ សង្កាត់ជ្រោយចង្វារ ខណ្ឌជ្រោយចង្វារ– ភូមិសំបួរ សង្កាត់ដង្កោ ខណ្ឌដង្កោ-ភូមិ១២ សង្កាត់ទន្លេបាសាក់ ខណ្ឌចំការមន– ភូមិម័ល សង្កាត់ដង្កោ ខណ្ឌដង្កោ -ភូមិត្នោតជ្រុំ៣ សង្កាត់បឹងទំពុនទី២ ខណ្ឌមានជ័យ– ភូមិតាសេក​ សង្កាត់កំបូល ខណ្ឌកំបូល សូមបងប្អូនប្រជាពលរដ្ឋ ពាក់ម៉ាស់ រក្សាគម្លាត និងឧស្សាហ៍លាងដៃ ប្រសិនបើមិនចាំបាច់ សូមកុំចេញពីផ្ទះ! សូមបងប្អូននៅក្នុងភូមិខាងលើនេះ យកចិត្តទុកដាក់ តាមដានសុខភាពរបស់ខ្លួន ប្រសិនបើ មានរោគសញ្ញាដូចជា៖ គ្រុនក្ដៅ,…