រដ្ឋបាលខេត្តសៀមរាប មានកិត្តិយស សូមជម្រាបជូនសាធារណជនឱ្យបានជ្រាបថា៖ក្នុងព្រឹត្តិការណ៍ ការឆ្លងរាលដាលជំងឺកូវីដ-១៩ ចូលក្នុងសហគមន៍ ២០កុម្ភៈ នេះ ខេត្តសៀមរាប រកឃើញអ្នកវិជ្ជមានជំងឺកូវីដ-១៩ ថ្មី ចំនួន៥នាក់ នៅថ្ងៃទី៩ ខែឧសភា ឆ្នាំ២០២១ ដែលជាករណីសង្ស័យ ត្រូវបានក្រុមការងារយកសំណាក និងធ្វើចត្តាឡីស័ក ដូចមានរាយនាមខាងក្រោម៖១- ឈ្មោះ រ៉ែម អូន ភេទប្រុស អាយុ២៥ឆ្នាំ មានអាសយដ្ឋាននៅភូមិក្រវ៉ាន់ សង្កាត់នគរធំ ក្រុងសៀមរាប ធ្វើដំណើរមកពីខេត្តព្រះសីហនុ ដល់រាជធានីភ្នំពេញ និងបន្តដំណើរមកដល់ខេត្តសៀមរាប កាលពីថ្ងៃទី៨ ខែឧសភា ឆ្នាំ២០២១។២- ឈ្មោះ ហៃ ថារិទ្ធ ភេទប្រុស អាយុ៣៣ឆ្នាំ មានអាសយដ្ឋាននៅភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ បានធ្វើដំណើរមកពីរាជធានីភ្នំពេញ កាលពីថ្ងៃទី៧ ខែឧសភា ឆ្នាំ២០២១។៣- ឈ្មោះ សន ណារី ភេទស្រី អាយុ៣៤ឆ្នាំ មានអាសយដ្ឋាននៅភូមិគោកដូង សង្កាត់ទឹកវិល ក្រុងសៀមរាប ធ្វើដំណើរមកពីខេត្តព្រះសីហនុដល់រាជធានីភ្នំពេញ និងបន្តដំណើរមកដល់ខេត្តសៀមរាប…

ក្រុងតាខ្មៅ៖ លោក ជៀម ខូយ ចៅសង្កាត់ក្រុងតាខ្មៅ បានឱ្យដឹងថា ក្នុងរយៈពេលក្រុងតាខ្មៅត្រូវបានបិទខ្ទប់ ២១ ថ្ងៃ មានបងប្អូនប្រមាណជាង ៣ពាន់គ្រួសារ ក្នុងសង្កាត់តាខ្មៅ ជួបការខ្វះខាតស្បៀងអាហារប្រចាំថ្ងៃ។ លោក ជៀម ខូយ មានប្រសាសន៍ បែបនេះ ក្នុងឱកាសដែលលោកអញ្ជើញចែកស្បៀង ដល់បងប្អូនប្រជាពលរដ្ឋ ដែលកំពុងជួបការខ្វះខាត ក្រោយការបិទខ្ទប់ក្រុងតាខ្មៅអស់រយៈពេល ២១ ថ្ងៃ នៅព្រឹកថ្ងៃទី៩ ខែឧសភា ឆ្នាំ២០២១។ លោកចៅសង្កាត់ បានបន្តថា ប្រជាពលរដ្ឋដែលទទួលបានស្បៀងអាហារនៅពេលនេះ គឺជាប្រជាពលរដ្ឋដែលជា កម្មករ កម្មការនីរោងចក្រ និងកម្មករផ្សេងៗ ក្នុងមុខសញ្ញាផ្ទះជួល ព្រមទាំងគ្រួសារក្រីក្រ ក្រ១ ក្រ២ តាមផែនការ និងគ្រួសារក្រីក្រ ក្រ១ ក្រ២ តាមការស្នើសុំ ដែលត្រូវបានបែងចែកជាពីរវគ្គ និងប្រជាពលរដ្ឋទូទៅដែលជួបការខ្វះខាតស្បៀងនៅក្នុងក្រុងតាខ្មៅ ដែលមិនមែនជាកម្មករ និងស្ថិតក្នុងគ្រួសារក្រីក្រនោះទេ តែមានជីវភាពខ្សត់ខ្សោយ និងខ្វះខាតជាក់ស្ដែង ក៏នឹងត្រូវទទួលបានស្បៀងអាហារពីរដ្ឋបាលខេត្តកណ្ដាល តាមរយៈរដ្ឋបាលសង្កាត់ក្រុងតាខ្មៅផងដែរ។ លោកចៅសង្កាត់ បានបន្ថែមថា ស្បៀងដែលរាជរដ្ឋាភិបាលបានផ្ដល់ជូន មករដ្ឋបាលខេត្តកណ្ដាល…

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត រួមដំណើរដោយ លោកជំទាវអនុប្រធានអចិន្ត្រៃយ៍សាខា អាជ្ញាធរមូលដ្ឋាន និងមន្ត្រីពាក់ព័ន្ធ បានអញ្ជើញចុះសួរសុខទុក្ខ និងនាំយកអំណោយមនុស្សធម៌ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន ៧០គ្រួសារ នៅ សង្កាត់សំបួរមាស ក្រុងកំពង់ចាម នៅរសៀលថ្ងៃទី០៨ ខែឧសភា ឆ្នាំ២០២១។ ឯកឧត្តមអភិបាលខេត្ត បានចូលរួមសម្តែងការសោកស្តាយជាមួយគ្រួសាររងគ្រោះ ចំពោះគ្រោះធម្មជាតិដែលកើតឡើងដោយស្មានមិនដល់នេះ ក្នុងស្ថានភាព ដែលជីវភាពកំពុងតែជួបលំបាកដោយវិបត្តិកូវីដ-១៩ ផង ស្រាប់តែត្រូវរងគ្រោះដោយខ្យល់កន្ត្រាក់ថែមទៀត ។ ឯកឧត្តម អ៊ុន ចាន់ដា អភិបាលខេត្ត ក៏បានពាំនាំនូវការផ្ដាំផ្ញើសួរសុខទុក្ខពីសំណាក់ ឯកឧត្តម ហ៊ុន ណេង ប្រធានកិត្តិយសសាខា ជាពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្តេច លោកតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះ ដោយមិនប្រកាន់វណ្ណៈ ជំនឿសាសនា ឬនិន្នាការនយោបាយអ្វីឡើយ។ ក្នុងឱកាសនោះឯកឧត្តមអភិបាលខេត្តបានអំពាវនាវដល់បងប្អូនប្រជាពលរដ្ឋចូលរួមអនុវត្តឲ្យបានម៉ឺងម៉ាត់ និងខ្ជាប់ខ្ជួនតាមវិធានការអនាម័យ…

ខេត្តកណ្តាល៖ ឯកឧត្តម គីម រិទ្ធី អភិបាលរងខេត្តកណ្តាល តំណាងឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល បានអំពាវនាវ​ដល់បងប្អូន​ប្រជាពលរដ្ឋ​ទាំងអស់ សូមមានការអត់ធ្មត់ ត្រូវរួមគ្នាទប់ស្កាត់ការឆ្លងរីករាលដាលនៃជំងឺកូវីដ-១៩ ជាមួយរាជរដ្ឋាភិបាលកម្ពុជា ដើម្បីផ្ដាច់សង្វាស់នៃការឆ្លងរីករាលដាលជំងឺកូវីដ-១៩ ចូលក្នុងសហគមន៍ និងឈានទៅបញ្ចប់ព្រឹត្តិការណ៍ ២០កុម្ភៈនាពេលដ៏ខ្លីខាងមុខ។ ការអំពាវនាវនេះបានឡើងនៅរសៀលថ្ងៃទី៨ ខែឧសភា ឆ្នាំ២០២១ ក្នុងពិធីចុះសាកសួរ​សុខទុក្ខ និនិងនាំយកអំណោយចែកជូនបងប្អូនប្រជាពលរដ្ឋចំនួន ១២០គ្រួសារ ស្ថិតក្នុងសង្កាត់រកាខ្ពស់ ក្រុងតាខ្មៅ ដែលមានជីវភាពខ្វះខាតក្នុងអំឡុងពេល នៃការរីករាលដាលជំងឺកូវីដ-១៩ ដោយមានការចូលរួមពីលោកជំទាវ ហ៊ុន កុសនី អភិបាលរងខេត្ត អាជ្ញាធរក្រុងតាខ្មៅ និងមន្ត្រីពាក់ព័ន្ធនានាផងដែរ។ ឯកឧត្តមអភិបាលរងខេត្ត បានបន្ថែមទៀតថា ជំងឺកូវីដ១៩ កំពុងតែមានការឆ្លងរីករាលដាល​នៅក្នុង​ប្រទេសកម្ពុជា និងមានការ​កើនឡើង​ជាបន្តបន្ទាប់ ហើយស្ថិតនៅក្នុងកាលៈទេសៈនេះ បងប្អូនប្រាកដជាមានការព្រួយបារម្ភយ៉ាងខ្លាំង​ជុំវិញ​ការរីក​រាលដាលនៃជំងឺកូវីដ១៩នេះ ដូច្នេះសូមបងប្អូនទាំងអស់ត្រូវមានការប្រុងប្រយ័ត្នខ្ពស់ ត្រូវមានអនាម័យខ្ពស់ក្នុងការរស់នៅ ដោយអនុវត្តតាមវិធានសុខាភិបាល រក្សាគម្លាតសុវត្ថិភាព ចាប់ពី ១ម៉ែត្រកន្លះឡើងទៅ ត្រូវពាក់ម៉ាសជាប្រចាំ ត្រូវលាងដៃជាមួយសាប៊ូ និងអាកុលឲ្យបានញឹកញាប់ ជាពមិនត្រូវភ្លេច នូវការអនុវត្តនូវវិធានការ ៣ ការពារ និង៣កុំ…

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម​ និង​ជា​ប្រធានគណៈកម្មាធិការសាខា​កាកបាទក្រហម​ខេត្ត​ ឯកឧត្តម ខ្លូត ផន ប្រធានក្រុមប្រឹក្សាខេត្ត អាជ្ញាធរមូលដ្ឋាន នៅថ្ងៃទី០៧ ខែ ឧសភា ឆ្នាំ២០២១ បានអញ្ជើញសួរសុខទុក្ខ និងនាំយកអំណោយសម្តេច​កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ ប្រធានកាកបាទក្រហមកម្ពុជា ចែកជូនប្រជាពលរដ្ឋ​ ដែលរងគ្រោះ​ដោយខ្យល់កន្ត្រាក់​បណ្តាល​ឲ្យ​ខូចខាត​ផ្ទះ​សំបែង​ ចំនួន ៩០គ្រួសារ​ នៅស្រុកព្រៃឈរ​ ១០គ្រួសារ និង​ស្រុក​កងមាស​ ៨០គ្រួសារ។ ឯកឧត្តម អ៊ុន ចាន់ដា អភិបាលខេត្ត​ បាន​ផ្តាំផ្ញេី​ដល់​បងប្អូន​ប្រជាពលរដ្ឋ​ ឲ្យ​យកអំណោយ​ ដែល​ទទួល​បាន​ក្នុងឱកាស​នេះ​ ទៅ​​ជួសជុល​កសាងផ្ទះឡើង​វិញនឹងត្រូវបន្ត​ប្រកប​មុខរបរ​ទទួលទាន​ និង​ធ្វើ​ការ​​​បង្កបង្កើនផល ឲ្យ​ទាន់​រដូវ​វស្សា​នេះ​ផងដែរ​។ ឯកឧត្តម ក៏បានណែនាំដល់ពលរដ្ឋ​ ឲ្យ​បង្កេីន​ការ​ប្រុងប្រយ័ត្ន​ខ្ពស់​ នៅ​ដើមរដូវវស្សានេះ ចំពោះ បាតុភូត​​ភ្លៀង​ ​ខ្យល់​ ផ្គររន្ទះ ដែលអាចបង្កគ្រោះថ្នាក់ ​គ្រប់​ពេលវេលា​ ចំពោះ​អាយុជីវិត​មនុស្ស​ និង​សត្វ​ ឬ​បំផ្លាញទ្រព្យសម្បត្តិ​របស់បងប្អូន ជាពិសេស​សូមបងប្អូន អប់រំណែនាំដល់កូនចៅ​តូចៗ​ កុំ​ឲ្យ​ចេញនៅ​ក្រៅផ្ទះ​…