ខេត្តកំពង់ឆ្នាំង៖ អាជ្ញាធរស្រុកកំពង់ត្រឡាច ខេត្តកំពង់ឆ្នាំង សហការជាមួយមន្ទីពេទ្យបង្អែកស្រុក នៅថ្ងៃទី២៩មេសា២០២១នេះ ចុះបាញ់ថ្នាំសម្លាប់មេរោគនៅ ផ្សារសាលាលេខ៥ និងបន្តធ្វើការអប់រំផ្សព្វផ្សាយ អំពីវិធានការការពារ និងទប់ស្កាត់ជំងឺកូវីដ១៩។ នៅក្នុងឱកាសនេះដែរ លោក ឈឹម វុទ្ធា អភិបាលស្រុកកំពង់ត្រឡាច់ បានអំពាវនាវ ដល់បងប្អូនប្រជាពលរដ្ឋ ក៍ដូចជាអាជីវកទាំងអស់សូមចូលរួមទប់ស្កាត់ទាំងអស់គ្នានូវចម្លងមេរោគកូវីដ-១៩ ដែលជាមេរោគមួយដ៏កាចសាហាវ  ជាពិសេសអនុវត្តអោយបាននូវវិធានការណែនាំរបស់ក្រសួងសុខាភិបាល និង អនុវត្តអោយបានត្រឹមត្រូវតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្រ្តីគឺ៣ការពារ និង៣កុំ អោយបានជាប់ជាប្រចាំ។ គួររំលឹកថា ផ្សាសាលាលេខ៥ ត្រូវបានអាជ្ញាធរខេត្តនិងស្រុក បិទបណ្តោះអាសន្ន កាល ព្រឹកថ្ងៃទី២៤មេសា២០២១កន្លងទៅ ក្រោយពីបានរកឃើញបងប្អូនអាជីវកលក់មាស៤នាក់ កើតមានវិជ្ជមានកូវីដ-១៩ មកដល់ពេលនេះមានរយះពេល៥ថ្ងៃហើយ ។ អភិបាលស្រុកកំពង់ត្រឡាច លោក ឈឹមវុទ្ធា បានអោយដឹងនៅរសៀលថ្ងៃនេះថា កាលកំណត់នៃការបើកផ្សារសាលាលេខ៥អោយដំណើរការលកដូរឡើងវិញនោះ មិនដឹងច្បាស់ទេ ព្រោះអ្នកដែលមានវិជ្ជមានកូវិដ-១៩ កំពង់ធ្វើចត្តាឡីសក័នៅខេត្តកំពង់ឆ្នាំងនៅឡើយទេហើយបើមិនមានអ្វីប្រែប្រួលនោះទេគ្រប់១៤ថ្ងៃនិងអាចលក់ដូបានដូចជានៅផ្សាពង្រដែរហើយ ។ មកដល់ពេលនេះអាជ្ញាធរខេត្តកំពង់ឆ្នាំង និងមន្ត្រីជំនាញបានធ្វើការបិទទីតាំងមួយចំនួនមាន. ឃុំឆ្នុកទ្រូ. ភូមិព្រះរាមរង្សី  .ឃ្លីនិចឯកជនផ្សាឆ្នាំង វត្តភ្នំយោង. ផ្សារព្រៃខ្មែរ. ផ្សារសាលាលេខ៥ផងដែរ៕