(ភ្នំពេញ)៖ ក្រសួងការបរទេសសកម្ពុជា នៅយប់ថ្ងៃទី​១០ ខែវិច្ឆកា ឆ្នាំ២០២៥នេះ បានចេញសេចក្តីថ្លែងកា​រដោយធ្វើការច្រានចោលទាំងស្រុងចំពោះការចោទប្រកាន់របស់ប្រទេសថៃថាកម្ពុជាបានដាក់មីនថ្មីនៅតាមព្រំដែនជាមួយប្រទេសថៃ។ ក្នុងសេចក្តីថ្លែងការណ៍នេះក្រសួងការបរទេស និង សហប្រតិបត្តិការអន្តរជាតិ នៃព្រះរាជាណាចក្រកម្ពុជាបានបញ្ជាក់ថា៖ រាជរដ្ឋាភិបាលកម្ពុជាមានការ​ព្រួយបារម្ភ​យ៉ាងខ្លាំងចំពោះសេចក្តីរាយការណ៍តាមប្រព័ន្ធផ្សព្វផ្សាយ ជាច្រើន ដកស្រង់សំដីរបស់ថ្នាក់ដឹកនាំថៃ ដែល​បង្ហាញ​ថា ប្រទេសថៃបានផ្អាកការអនុវត្តនូវសេចក្តីថ្លែង ការណ៍រួមរវាងនាយករដ្ឋមន្ត្រីកម្ពុជា និងថៃ ដែលត្រូវ​បានចុះហត្ថលេខា ដោយមានវត្តមានរបស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាមេរិក និង ឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និង ជាប្រធានអាស៊ាន ធ្វើជាសាក្សី នៅទីក្រុងគូឡាឡាំពួ ប្រទេសម៉ាឡេស៊ី នាថ្ងៃទី២៦ ខែតុលា ឆ្នាំ២០២៥។ ក្រសួងការបរទេសបានលើកឡើងថា”សេចក្តីរាយការណ៍ព័ត៌មានទាំងនេះក៏បានឱ្យដឹងដែរថា ព្រឹត្តិការណ៍​ផ្ទុះមីន​នៅថ្ងៃទី១០ ខែវិច្ឆិកា ឆ្នាំ២០២៥ ដែលបានធ្វើ​ឱ្យ​ទាហាន​ថៃបីនាក់រងរបួសនៅព្រំដែនកម្ពុជា-ថៃ ត្រង់​តំបន់ភ្នំទ្រព្យ ស្ថិតជិត ប្រាសាទព្រះវិហាររបស់កម្ពុជា ត្រូវបានលើកឡើងថាជាមូលហេតុនៃការផ្អាកអនុវត្តសេចក្តីថ្លែងការណ៍រួម ខាងលើនេះ រួមទាំងការលុបចោល​គម្រោងដោះលែងយោធិនខ្មែរ ១៨រូប ពីការឃុំឃាំងនៅ​ប្រទេសថៃ ដែលភាគីថៃបានប្រកាសថានឹងអនុវត្ត​នៅថ្ងៃទី១២ ខែវិច្ឆិកា ឆ្នាំ២០២៥”។ ជាមួយគ្នានេះក្រសួងការបរទេសបានបញ្ជាក់ដែរថារាជរដ្ឋាភិបាលកម្ពុជាសូមបដិសេធយ៉ាងដាច់អហង្ការចំពោះរាល់ការចោទប្រកាន់របស់ប្រទេសថៃ ថាកម្ពុជាបាន​ដាក់​មីនថ្មីនៅតាមព្រំដែនជាមួយប្រទេសថៃ។ វាជាការសំ​ខាន់​​ដែលត្រូវកត់សម្គាល់ពីការដឹងឮ យ៉ាងសុះសាយនូវ​ការពិតថា…

(ភ្នំពេញ)៖ ក្រសួងការងារកម្ពុជានិង សមាគមកម្ពុជា-ជប៉ុន (JCA) បានបង្ហាញពីឆន្ទៈរួមគ្នានៅក្នុងការពង្រឹង​ភាពជាដៃគូលើការជំរុញ ការបណ្តុះបណ្តាលជំនាញ​បច្ចេកទេសដល់យុវជនកម្ពុជា ជាពិសេស ការផ្ដល់​ឱកាស​ទៅធ្វើការនៅក្នុងប្រទេសជប៉ុន។ ការប្តេជ្ញាចិត្តនេះធ្វើឡើងនៅក្នុងឱកាស ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបជាមួយ ឯកឧត្តម TAKAHASHI Fumiaki ប្រធានសមាគមកម្ពុជា-ជប៉ុន (JCA) ដែលបាន​​ដឹកនាំប្រតិភូ ២៩រូប ដែលជាថ្នាក់ដឹកនាំ​សមាគម JCA និងតំណាងក្រុមហ៊ុនសមាជិក ចូល​ជួប​សម្តែងការគួរសម និងពិភាក្សាការងារ នារសៀល​ថ្ងៃទី​១០ ខែវិច្ឆិកា ឆ្នាំ២០២៥ នៅទីស្តីការ​ក្រសួង។ ជំនួបដ៏មានសារសំខាន់នេះ មានគោលបំណង​ស្វែង​យល់​ឱ្យកាន់តែស៊ីជម្រៅអំពីស្ថានភាពទីផ្សារការងារ និងការអភិវឌ្ឍធនធានមនុស្ស ព្រមទាំងផ្លាស់ប្តូរ​យោ​បល់ក្នុងការសិក្សាលទ្ធភាពសហការលើគម្រោងផ្សេងទៀត និងចែករំលែកអំពីវឌ្ឍនភាព នៃគម្រោងដែលបាន​អនុវត្តជាមួយក្រសួង។ ឯកឧត្តមរដ្ឋមន្ត្រី ហេង សួរ បានសម្តែងនូវការស្វាគមន៍​យ៉ាងកក់ក្តៅ ចំពោះប្រតិភូសមាគមកម្ពុជា-ជប៉ុន និង​បាន​កោតសរសើររួមទាំងវាយតម្លៃខ្ពស់ចំពោះ​ភាពរីក​ចម្រើនយ៉ាងល្អប្រសើរ នៃកិច្ចសហការដែលក្រសួង​មានជាមួយ JCA ក្នុងការរួមចំណែកអភិវឌ្ឍសេដ្ឋកិច្ច​កម្ពុជា ជាពិសេស ការផ្តល់ឱកាសទៅធ្វើកម្មសិក្សា និងធ្វើការនៅប្រទេសជប៉ុន លើជំនាញថែទាំ និងជួស​ជុលយានយន្ត។ បន្ថែមពីនេះ ឯកឧត្តមរដ្ឋមន្ត្រី បាន​បញ្ជាក់​ពីការស្វាគមន៍រាល់កិច្ចសហការទាំងអស់​ជាមួយ​ភាគីជប៉ុន ក្នុងការបណ្តុះបណ្តាលជំនាញបច្ចេកទេស​ដល់យុវជនកម្ពុជា…

(ភ្នំពេញ)៖ ក្រសួងការពារជាតិកម្ពុជា បានសម្តែងការ​សោកស្តាយចំពោះឧបទ្ទវហេតុនៃការផ្ទុះគ្រាប់មីនដែលបណ្តាលឱ្យកងទ័ពថៃមួយចំនួនរងរបួសនៅពេលដើរល្បាតចូលតំបន់ចម្ការមីនចាស់ដែលបន្សល់ទុកពីសង្គ្រាមស៊ីវិលរបស់កម្ពុជា កាលពីថ្ងៃទី១០ ខែវិច្ឆិកា ឆ្នាំ២០២៥ ។ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំ​ពាក្យ​​ក្រសួង​ការពារជាតិកម្ពុជានៅព្រឹកថ្ងៃទី ១១ ខែ វិច្ឆិកា ឆ្នាំ២០២៥ បានបញ្ជាក់ថា៖ ”ក្រសួងការពារ​ជាតិ​កត់សម្គាល់ឃើញថា ចាប់តាំងពីថ្ងៃម្សិលមិញ​រហូត​មកដល់ថ្ងៃនេះ សារព័ត៌មានរបស់ថៃមួយចំនួន​បានចេញផ្សាយដោយដកស្រង់សម្តីថ្នាក់ដឹកនាំប្រទេសថៃ និងមន្ត្រីនៃកងយោធាថៃដែលបានចោទ​ប្រកាន់មក​លើកម្ពុជាថា បានដាក់គ្រាប់មីនថ្មី និងបណ្តាលឱ្យ​យោធា​​​របស់ខ្លួនជាន់ផ្ទុះ និងរងរបួសធ្ងន់ នៅខេត្តព្រះ​វិហារ។ ក្រសួងការពារជាតិ នៃព្រះរាជាណាចក្រកម្ពុជា សូម​ប្រ​កាស​បដិសេធការចោទប្រកាន់ទាំងនេះ​របស់​ភាគីថៃ​មកលើកម្ពុជា”។ ជាមួយគ្នានេះក្រសួងការពារជាតិ បានបញ្ជាក់យ៉ាង​មុត​មាំ​​ដែរ​ថា ចាប់តាំងពីក្លាយជារដ្ឋភាគី នៃអនុ​សញ្ញា​អូតាវ៉ា កម្ពុជាតែងតែប្រកាន់ខ្ជាប់នូវគោលការណ៍ និងកាតព្វកិច្ច​របស់ខ្លួននៅក្រោមច្បាប់អន្តរជាតិ ដោយមិនដែល​ដាក់​មីនថ្មីដែល​គំរាមកំហែងដល់សន្តិសុខ និងសុវត្ថិភាព​របស់​មនុស្សជាតិនោះឡើយ។ អ្នកនាំពាក្យក្រសួងការពារជាតិបានលើកឡើងថា៖ជា​ការ​ពិតណាស់ បើទោះបីជាមានកិច្ចខិតខំប្រឹងប្រែង ក្នុង​ការបោសសម្អាតមីនអស់រយៈពេលជាច្រើនទសវត្សរ៍កន្លងមកនេះក៏ដោយ គ្រាប់មីនមិនទាន់ផ្ទុះដែលជា​សំណល់​​ពីសង្គ្រាមនៅតែបន្តគំរាមកំហែងដល់សន្តិសុខ និងសុវត្ថិភាពប្រជាជនស្លូតត្រង់កម្ពុជានៅតាមតំបន់ជាច្រើន ជាពិសេសនៅតាមតំបន់ព្រំដែនកម្ពុជា និងប្រ​ទេសជិតខាង ក្នុងនោះរួមទាំងថៃផងដែរ។ ក្នុងន័យនេះ ក្រសួងការពារជាតិអំពាវនាវឱ្យភាគីថៃចៀសវៀងការដើរល្បាតចូលក្នុងតំបន់ចម្ការមីនចាស់ៗ ជាពិសេសតំបន់​ដែលត្រូវបានអន្តរជាតិទទួលស្គាល់ថាជាចម្ការមីនដែលជាសំណល់ពីសង្គ្រាម ដើម្បីចៀសវាងគ្រោះថ្នាក់ដោយ​សារការផ្ទុះមីនចាស់ទាំងនេះ ដែលអាចបង្កឱ្យមានភាព​តាន​តឹងដោយមិនចាំបាច់។ បើតាមអ្នកនាំពាក្យក្រសួងការពារជាតិបានលើកឡើងថា”បើ យោងតាមព័ត៌មានដែលទទួលបាន​ពីយោធភូមិ​ភាគទី៤ របស់កម្ពុជា បានបញ្ជាក់ថាក្រោយពេលកើត ហេតុរួចកងកម្លាំងទាំងសងខាងដែលនៅជួរមុខបានធ្វើការទំនាក់ទំនងគ្នា ហើយគិតមកដល់ម៉ោងនេះសភាព​ការណ៍​មានភាពស្ងប់ស្ងាត់មិនមានភាពតានតឹងទេ”។…

(ភ្នំពេញ)៖ ក្រសួងរៀបចំដែនដី នគរូបនីយកម្ម និង​សំណង់ បើកកិច្ចប្រជុំជជែកពិភាក្សាដើម្បីកសាង​ឯកភាព​ផ្ទៃក្នុង លើការរៀបចំលិខិតបទដ្ឋានគតិយុត្តិក្នុង​វិស័យសំណង់ក្នុងអាណត្តិនេះ ដើម្បីឱ្យមានបទដ្ឋាន​បច្ចេកទេស គោលការណ៍ណែនាំជាក្បួនខ្នាតលើវិស័យ​សំណង់ សម្រាប់ឱ្យប្រជាជនយកទៅប្រើប្រាស់ដើម្បី​ធានា​ថាសំណង់មានសុវត្ថិភាព គុណភាព និង​សោភណភាព ជាការបើកទំព័រថ្មីនៃស្ថាបត្យកម្មខ្មែរនា​សហសម័យ ។ ថ្លែងក្នុងកិច្ចប្រជុំពិភាក្សាលើសេចក្តីព្រាងគោលការណ៍ណែនាំបច្ចេកទេសស្ដីពីវិធីសាស្រ្តសម្រាប់ការអនុវត្តការងាររុះរើសំណង់ ការប្រើប្រាស់រន្ទានិងសំណាញ់​សុវត្ថិ​ភាព វិធីសាស្ត្រនៃការងារជីកដីនិងការងារខួងគ្រឹះជ្រៅ វិធីសាស្រ្តនៃការក្តារពុម្ព, ការគ្រប់គ្រងការអនុវត្តការងារ​គ្រឿងផ្គុំ ការងារMEPនិងការងារបញ្ចប់ នាថ្ងៃទី១០ ខែវិច្ឆិកា ឆ្នាំ២០២៥ នៅទីស្ដីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ការជួបជុំគ្នានាពេលនេះ គឺដើម្បីស្វែង​រកការ​​ឯកភាពផ្ទៃក្នុងសំដៅធានាដំណើរការអនុវត្ត​ការងារ​ទាក់ទិននឹងវិស័យសំណង់ឱ្យបានរលូនទៅមុខ​និងមានប្រសិទ្ធភាព ។ ម្យ៉ាងទៀតការជួបពិភាក្សាគ្នា​ជាមួយក្រុមប្រឹក្សាជាតិបទបញ្ញត្តិសំណង់នាពេលនេះ ក៏ដើម្បីកសាងការឯកភាពផ្ទៃក្នុងទៅលើបទដ្ឋានបច្ចេកទេសនិងបទដ្ឋាននយោបាយ ធ្វើយ៉ាងណាឱ្យ​សេចក្តី​ព្រាង​គោលការណ៍ណែនាំបច្ចេកទេសស្ដីពី​វិធីសាស្រ្ត​សម្រាប់ការអនុវត្តការងាររុះរើសំណង់ ការប្រើប្រាស់​រន្ទានិងសំណាញ់សុវត្ថិភាព វិធីសាស្ត្រនៃការងារ​ជីកដី​និងការងារខួងគ្រឹះជ្រៅ វិធីសាស្រ្តនៃការក្តារពុម្ព ការគ្រប់​គ្រងការអនុវត្តការងារគ្រឿងផ្គុំ ការងារMEPនិង​ការងារ​បញ្ចប់នេះ មានលក្ខណៈត្រឹមត្រូវគ្រប់ជ្រុ​ង​ជ្រោយ​និងងាយស្រួលយកទៅអនុវត្តប្រកប​ដោយ​ទំនុកចិត្ត ធានាបាននូវគុណភាពសុវត្ថិភាព និង​សោភ័ណភាព​សំណង់ផងដែរ។ តាមរយៈកិច្ចប្រជុំនាពេលនេះ ក្រសួងរៀបចំដែនដី នគរូបនីយកម្ម និងសំណង់ បានជជែកពិភាក្សាដើម្បី​កសាង​ឯកភាពផ្ទៃក្នុង លើការរៀបចំលិខិតបទដ្ឋាន​គតិយុត្តិក្នុងវិស័យសំណង់ក្នុងអាណត្តិនេះ ដើម្បី​ឱ្យមានបទដ្ឋានបច្ចេកទេស គោលការណ៍ណែនាំជាក្បួន​ខ្នាតលើវិស័យសំណង់សម្រាប់ឱ្យប្រជាជនកម្ពុជាយកទៅប្រើប្រាស់ដើម្បីធានាថាសំណង់នៅកម្ពុជាមានសុវត្ថិភាព គុណភាព និងសោភណភាព ជាការបើកទំព័រថ្មី​របស់​យើងនៃស្ថាបត្យកម្មខ្មែរនាសហសម័យ៕…

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំពិព័រណ៍ការងារ សន្តិសុខសង្គម និងបណ្តុះ​បណ្តាលវិជ្ជាជីវៈ នៅខេត្តធំៗចំនួន ៣គឺខេត្តបាត់ដំបង ខេត្តសៀមរាប និងខេត្តបន្ទាយមានជ័យ ដើម្បីផ្តល់​ឱកាសការងារជូនប្រជាពលរដ្ឋ ជាពិសេស អតីតពលករ​ដែលត្រឡប់មកពីប្រទេសថៃ។ ការរៀបចំពិព័រណ៍នេះនឹងប្រព្រឹត្តទៅក្នុងខេត្តបាត់ដំបងពីថ្ងៃទី១៥-១៦ ខែវិច្ឆិកា ឆ្នាំ២០២៥ ខេត្តបន្ទាយមានជ័យ​ពីថ្ងៃទី២២-២៣ ខែវិច្ឆិកា ឆ្នាំ២០២៥ និងខេត្តសៀមរាបពីថ្ងៃទី២៩-៣០ ខែវិច្ឆិកា ឆ្នាំ២០២៥។ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក ស៊ុន មេសា បានឱ្យដឹងថា ក្នុងពិព័រណ៍នេះ នឹងមានសហគ្រាស ក្រុមហ៊ុន និងរោងចក្រជាច្រើន​ចូលរួមផ្ដល់ឱកាសការងារជាង ៧ម៉ឺនកន្លែងជាមួយការ​សម្ភាសជ្រើសរើសបុគ្គលិកនៅកន្លែងផ្ទាល់។ ក្នុងនោះ​អ្នកចូលរួមទាំងអស់នឹងទទួល​បានព័ត៌មានអំពីឱកាស​ការងារដ៏សម្បូរបែប វគ្គបណ្តុះ​បណ្តាលបច្ចេកទេស និងអត្ថប្រយោជន៍របស់​បេឡាជាតិសន្តិសុខសង្គម​ផងដែរ។ បន្ថែមពីនេះ អ្នកចូលរួមនឹងទទួលបាន សេវាកាត់សក់ អាហារ ភេសជ្ជៈ និងអាវយឺតដោយឥតគិតថ្លៃថែម​ទៀតផង។ ទន្ទឹមនឹងនេះ លោក ស៊ុន មេសា បានអំពាវនាវ​ឱ្យអតីត​ពលករទាំងអស់ ដែលបានត្រឡប់មកពីប្រទេសថៃ ចូលរួម​ឱ្យបានច្រើនក្នុងពិព័រណ៍នេះ ដើម្បីរកឱកាស​ការងារ​ថ្មី បង្កើនជំនាញ និងបង្កើនគុណភាពជីវិត៕ ដោយ៖ង៉ាន់ ទិត្យ

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ នឹងរៀបចំ “វេទិការដ្ឋាភិបាលឌីជីថល ឆ្នាំ២០២៥ និងព្រឹត្តិការណ៍ជាតិ-អន្តរជាតិពាក់ព័ន្ធ” ដែលប្រព្រឹត្ត​ទៅចាប់ពីថ្ងៃទី៥-៧ ខែធ្នូ ឆ្នាំ២០២៥ នៅមណ្ឌល​សន្និបាតនិងពិព័រណ៍កោះពេជ្រ ក្រោមប្រធានបទ “ការពន្លឿនអនាគតឌីជីថល៖ អភិបាលកិច្ច កំណើន និងភាពជាដៃគូសកល” ។ ពិព័រណ៍នេះធ្វើឡើង ក្នុងគោលបំណង ៖១) បង្ហាញអំពីដំណើរវិវឌ្ឍន៍នៃអភិបាលកិច្ចឌីជីថលនៅ​កម្ពុជា២) ជំរុញឧត្តមភាពប្រកួតប្រជែងរបស់កម្ពុជាលើវិស័យ​ឌីជីថលក្នុងតំបន់អាស៊ាន៣) លើកកម្ពស់កិច្ចសហប្រតិបត្តិការនិងភាពជាដៃគូនិង ៤) ចែករំលែកនវានុវត្តន៍ឌីជីថលរបស់រដ្ឋាភិបាល និងវិស័យឯកជន។ វេទិការដ្ឋាភិបាលឌីជីថល ឆ្នាំ២០២៥ គឺជាព្រឹត្តិការណ៍​បច្ចេកវិទ្យាឌីជីថលដ៏ធំមួយរបស់កម្ពុជាដែលត្រូវបានផ្តួចផ្តើមឡើងដោយរួមបញ្ចូលគ្នានូវ ១) វេទិកាចែករំលែក​បទ​ពិសោធពាក់ព័ន្ធនឹងដំណើរការនៃការធ្វើ​បរិវត្តកម្ម​ឌីជីថល អភិបាលកិច្ចឌីជីថល និងបច្ចេកវិទ្យាឌីជី​ថលថ្មីៗ ជាពិសេសបច្ចេកវិទ្យាបញ្ញាសិប្បនិម្មិត ២) ពិព័រណ៍បច្ចេកវិទ្យាឌីជីថលដែលបង្ហាញអំពីសមិទ្ធផល ថ្នាលនិងកម្មវិធីរដ្ឋាភិបាលឌីជីថល (DGPs) និង​ដំណោះស្រាយឌីជីថលរបស់ក្រសួង ស្ថាប័ន ក្រុមហ៊ុន​បច្ចេកវិទ្យាឌីជីថល និងធុរកិច្ចថ្មីឌីជីថល និង ៣) ព្រឹត្តិការណ៍ជាតិនិងអន្តរជាតិអម (Side Event) វេទិការដ្ឋាភិបាលឌីជីថល ដែលសហការជាមួយអង្គការ​សហប្រជាជាតិសម្រាប់អាស៊ីនិងប៉ាស៊ីហ្វិក (UN-ESCAP) កម្មវិធីអភិវឌ្ឍន៍អង្គការសហប្រជាជាតិ (UNDP) អង្គការអប់រំ វិទ្យាសាស្ត្រ និងវប្បធម៌ នៃសហប្រជាជាតិ…