(ភ្នំពេញ)៖ សម្ដេចធិបតី ហ៊ុន ម៉ាណែត បានថ្លែងអំណរគុណចំពោះ គ្រប់ភាគីពាក់ព័ន្ធទាំងអស់ ដែលបានបំពេញភារកិច្ច និងការពារសុខសុវត្ថិភាព ជូនប្រជាពលរដ្ឋ ក្នុងឱកាសព្រះរាជពិធីបុណ្យអុំទូក ។ តាមរយៈបណ្ដាញសង្គមហ្វេសប៊ុក នាព្រឹកថ្ងៃទី៧ ខែតុលា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា សូមថ្លែងអំណរគុណចំពោះ ក្រុមការងារគ្រប់លំដាប់ថ្នាក់ និងកងកម្លាំងគ្រប់ប្រភេទ ដែលបានបំពេញភារកិច្ច ការពារសុខសុវត្ថិភាព សណ្ដាប់ធ្នាប់សាធារណៈ និងថែរក្សាអនាម័យបរិស្ថានបានល្អប្រសើរ នៅទូទាំងប្រទេស ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ពីថ្ងៃទី៤-៦ វិច្ឆិកា ២០២៥ ។ សូមរំលឹកថា ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល៣ថ្ងៃ ចាប់ពីថ្ងៃទី៤-៦ វិច្ឆិកា ២០២៥ មានប្រជាពលរដ្ឋយ៉ាងច្រើនកុះករ បានធ្វើដំណើរកម្សាន្តនៅតាមរមណីយដ្ឋាននានាទូទាំងប្រទេស ខណៈ រាជធានី-ខេត្តមួយចំនួន ក៏រៀបចំពីធីប្រណាំងទូកផងដែរ ៕ ដោយ ៖ វណ្ណលុក

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា ការលើកកម្ពស់អនាម័យជនបទ នៅតែជាការងារអាទិភាពរបស់រាជរដ្ឋាភិបាល ។ នេះបើតាមសារលិខិតរបស់សម្តេចធិបតី ហ៊ុន ម៉ាណែត ក្នុងឱកាសអបអរសាទរទិវាជាតិលើកកម្ពស់អនាម័យជនបទ លើកទី១៦ ថ្ងៃទី១៣ ខែវិច្ឆិកា ឆ្នាំ២០២៥ ។ សម្តេចបវរធិបតី បានមានប្រសាសន៍ថា រាជរដ្ឋាភិបាល បានកំណត់យកថ្ងៃទី១៣ ខែវិច្ឆិកា ជាថ្ងៃប្រារព្ធទិវាជាតិលើកកម្ពស់អនាម័យជនបទក្នុង គោលបំណងដើម្បីផ្សព្វផ្សាយ និងបង្កើនការយល់ដឹងអំពីសារៈសំខាន់នៃការលើកកម្ពស់អនាម័យជនបទនិងរួម គ្នាធ្វើឱ្យស្ថានភាពអនាម័យនៅកម្ពុជាកាន់តែប្រសើរឡើង ដើម្បីឈានទៅសម្រេចបាននូវគោលដៅដែលបានកំណត់ ក្នុងគោលនយោបាយជាតិស្តីពីការផ្គត់ផ្គង់ទឹកស្អាត និងអនាម័យ។ ការលើកកម្ពស់អនាម័យជនបទនៅតជាការងារ អាទិភាពរបស់រាជរដ្ឋាភិបាល។ ជាក់ស្ដែង យុទ្ធសាស្ត្របញ្ចកោណដំណាក់កាលទី១ និងកម្មវិធីនយោបាយរបស់ រាជរដ្ឋាភិបាលនីតិកាលទី៧ នៃរដ្ឋសភាសម្រាប់ការកសាង និងការការពារមាតុភូមិឆ្នាំ២០២៣-២០២៨ បានបញ្ជាក់ យ៉ាងច្បាស់អំពីការបន្តជំរុញការអភិវឌ្ឍជនបទ តាមរយៈការកែលម្អលក្ខខណ្ឌនៃការរស់នៅរបស់សហគមន៍ជនបទដោយផ្តោតជាសំខាន់លើការពង្រីកវិសាលភាពនៃការផ្តល់សេវាផ្គត់ផ្គង់ទឹកស្អាត និងអនាម័យជនបទឱ្យបាន១០០%នៅឆ្នាំ២០៣០ ។ សម្ដេច ហ៊ុន ម៉ាណែត បន្តថា អត្រានៃការទទួលបានសេវាអនាម័យជនបទមានការកើនឡើងគួរជាទីមោទនៈ។ គិតមកដល់ពេលបច្ចុប្បន្ននេះ រាជធានី ខេត្តទាំង២៥ នៅទូទាំងប្រទេសសម្រេចបានការបញ្ចប់ការបន្ទោបង់ពាសវាលពាសកាល(ODF) ដែល ក្នុងនោះមានភូមិចំនួន១៤…

(ភ្នំពេញ)៖ នៅថ្ងៃទី៨ ខែវិច្ឆិកា ឆ្នាំ២០២៥ នេះ កម្ពុជា និង ថៃនឹងអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ជំហានទី២ នៃដំណាក់កាលទី១។ អ្នកនាំពាក្យក្រសួងការពារជាតិកម្ពុជា លោក ជំទាវ ឧត្តមសេនីយ៍ឯក ម៉ាលី សុជាតា បានឱ្យដឹងនៅយប់ថ្ងៃទី០៦ ខែវិច្ឆិកា ឆ្នាំ២០២៥ ថា ការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ជំហានទី២ នៃដំណាក់កាលទី១នេះដែរធ្វើឡើងស្របតាមផែនការសកម្មភាពដែលត្រូវបានចុះហត្ថលេខាដោយ ឯកឧត្តម ឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ នៃព្រះរាជាណាចក្រកម្ពុជា និង ឯកឧត្តម ឧត្តមសេនីយ៍ទោ វីរ៉ាក់យុទ្ធ រ៉ាក់ស៉ីង មេបញ្ជាការកងទ័ពភូមិភាគទី២ នៃព្រះរាជាណាចក្រថៃ កាលពីថ្ងៃទី៣១ ខែតុលា ឆ្នាំ២០២៥។ លោក ជំទាវ ឧត្តមសេនីយ៍ឯក ម៉ាលី សុជាតាបានគូសបញ្ជាក់ថាភាគីទាំងពីរបានអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ជំហានទី១ នៃដំណាក់កាលទី១ ដោយជោគជ័យនៅក្រោមការសង្កេត និងផ្ទៀងផ្ទាត់របស់ក្រុមអ្នកសង្កេតការណ៍អាស៊ាន (AOT) កាលពីថ្ងៃទី១ ខែវិច្ឆិកា ឆ្នាំ២០២៥ ។ កម្ពុជានឹងបន្តធ្វើការយ៉ាងជិតស្និទ្ធជាមួយភាគីថៃដើម្បីធានាថា ផែនការសកម្មភាពនេះនឹងត្រូវបានអនុវត្តឱ្យបានពេញលេញ…

(ប៊ុលហ្គារី)៖ ឯកអគ្គរាជទូតខ្មែរ ប្រចាំនៅសាធារណរដ្ឋប៊ុលហ្គារី ឯកឧត្តមបណ្ឌិត ជា ច័ន្ទបរិបូណ៌ បានក្លាយជាសាស្ត្រាចារ្យកម្ពុជាដំបូងគេបង្អស់ ដែលបានធ្វើបទឧទ្ទេសនាម ដល់និស្សិតបរទេសពីប្រវត្តិនៃប្រទេសខ្មែរ នៅសាកលវិទ្យាល័យ សូហ្វៀ (Sofia University) ដែលជាស្ថាប័នអប់រំល្បីបំផុតមួយ នៅប្រទេសប៊ុលហ្គារី ។ ការធ្វើបទបង្ហាញ បានធ្វើឡើង នៅថ្ងៃទី០៤ ខែវិច្ឆិកា ឆ្នាំ២០២៥ ដែលនៅបន្ទាប់ពីថ្នាក់ដឹកនាំសាកលវិទ្យាល័យ បានអញ្ជើញ ឯកឧត្តមឯកអគ្គរាជទូត ជាផ្លូវការ ដើម្បីធ្វើបទបង្ហាញដល់និស្សិតនៃមហាវិទ្យាល័យប្រវត្តិសាស្ត្រ និងវិទ្យាសាស្ត្រនយោបាយ អំពីប្រវត្តិសាស្ត្រ និងដំណើរវិវត្តន៍នយោបាយរបស់កម្ពុជា ។ ប្រធានបទដែលបានបង្ហាញរួមមាន ទី១ តើអ្នកស្គាល់ព្រះរាជាណាចក្រកម្ពុជាដែរឬទេ? និងទី២ ដំណើរជាតិកម្ពុជា ១៥សម័យកាល ដែលតាមរយៈប្រធានបទទាំងពីរនេះ បាននាំឲ្យនិស្សិតបរទេស បានចាប់អារម្មណ៍អារម្មណ៍យ៉ាងខ្លាំងអំពីប្រវត្តិសាសន៍ដ៏ជូរចត់ ដែលគ្របដណ្តប់ដោយសង្គ្រាម នៃប្រទេសកម្ពុជា ទម្រាំមានការអភិវឌ្ឍដូចសព្វថ្ងៃ ។ សូមបញ្ជាក់ថា ឯកឧត្តមបណ្ឌិត ជា ច័ន្ទបរិបូណ៌ គឺជាអតីតបេក្ខបណ្ឌិតខ្មែរមួយរូប ដ៏ល្បីល្បាញ ដែលបានបញ្ចប់ថ្នាក់បណ្ឌិត សេដ្ឋកិច្ចនយោបាយ នៅសាកលវិទ្យាល័យ សូហ្វៀ ដោយការសរសេរនិក្ខេបបទ មានកម្រាស់ច្រើនដល់…

ភ្នំពេញ៖បរិមាណស្រូវសើមចំនួនជិតមួយម៉ឺនតោនត្រូវបានរោងម៉ាស៊ីន ដៃគូជាមួយក្រសួងកសិកម្ម សម្រុកប្រមូលទិញ​ពីប្រជា​កសិករ​នៅទូទាំងប្រទេសក្នុងថ្ងៃទី៦ ខែវិច្ឆិកា ឆ្នាំ២០២៥។នេះបើយោងតាមការ​បញ្ជាក់​លើ​បណ្ដាញសង្គមហ្វេសប៊ុក​ផ្លូវការក្រសួងកសិកម្ម រុក្ខាប្រមាញ់ និងនេសាទ​ ។ ប្រភពដដែលបន្តថា ចំនួននេះត្រូវបានរំពឹងទុកថានឹងហក់ឡើងខ្ពស់ខ្លាំងនៅក្នុងខែវិច្ឆិកានេះ ដែលជាខែប្រមូល​ផលធំ​ក្នុងរដូវកាលនេះ លើផ្ទៃដីដាំដុះប្រហែល១,៥លានហិកតា ជាមួយនឹងបរិមាណផលចន្លោះពី៤-៥លានតោនស្រូវសើម។ប៉ុន្មានខែកន្លងមកនេះ តាមរយៈមន្ត្រីកសិកម្មឃុំនិងរោងម៉ាស៊ីនដៃគូទាំងអស់ ក្រសួងកសិកម្ម​និងសហព័ន្ធស្រូវអង្ករបាន​ធ្វើការជាមួយគ្នាយ៉ាងជិតស្និទ្ធស្ទើរតែរៀងរាល់ថ្ងៃជាមួយនឹងវិសាលភាពដ៏ធំធេង ដើម្បីធានាឱ្យបានថាការប្រមូល​ទិញស្រូវពីបងប្អូនកសិករយើងនៅតាមទីវាលនៅតែមានលំហូរជាប់ជាប្រចាំ និងជួយមិនឱ្យកសិករកកស្ទះរហូត​ដល់ខូចស្រូវនោះឡើយ៕ ដោយ៖ម៉ាដេប៉ូ

បន្ទាយមានជ័យ៖ព្រះរាជពិធីបុណ្យអុំទូក បណ្តែតប្រទីបនិងសំពះព្រះខែ អកអំបុក ឆ្នាំ២០២៥ បានប្រារព្ធតាំងពី​រសៀល​ថ្ងៃទី ៤ខែវិច្ឆិកា ឆ្នាំ២០២៥ នៅបរិវេណបរិវេណសួនតេជោសន្តិភាព សង្កាត់ព្រះពន្លា ក្រុងសិរីសោភ័ណ ដែលស្ថិតនៅជាប់ដងស្ទឺងក្រុងសិរីសោភ័ណ។ឆ្នាំនេះដែរមានប្រទីបចម្រុះចំនួន៤១ បានចូលរួមបណ្ដែតបង្អួតរាងគួរជាទីគយគន់ក្រៃលែង។ លោក បៀវ ថាន ប្រធានមន្ទីធម្មការនិងកិច្ចការសាសនាខេត្តបានលើកឡើងពីប្រវត្តិសង្ខេបនៃការបណ្ដែតប្រទីប ។លោកថា ពិធីនេះបានកើតឡើងនៅសម័យអង្គរនាសតវត្សទី១២ ។ជាបុណ្យប្រពៃណី​ក្នុងបំណងសម្ដែងការ​ “ដឹង​គុណ​ដល់ ព្រះគង្គា និងព្រះធរណី”ដែលបានផ្តល់ជីវភាពរស់នៅនឹងសុខុមាលភាព ។ពិធីបណ្ដែតប្រទីបនេះទៀត​ស្របនឹងទំនៀមទំលាប់នៃព្រហ្មញសាសនាផងដែរ។ លោកបន្តថា ដល់រដូវទឹកស្រកបុរាណខ្មែរយើងកំណត់យកថ្ងៃពេញបូណ៌មី ខែកត្តិក ជារៀង រាល់ឆ្នាំ រៀបចំបណ្តែត​ប្រទីបភ្ជាប់ជាមួយពិធីបុណ្យអុំទូក សំពះព្រះខែ និងអកអំបុក ដើម្បីសម្តែងការដឹងគុណទន្លេមេគង្គ និងទន្លេសាប ដែលបានផ្តល់ជីជាតិ យ៉ាងសំខាន់ បម្រើវិស័យកសិកម្ម និងមច្ឆាជាតិរួមទាំងផ្ដល់ទឹកប្រើប្រាស់សម្រាប់មនុស្ស រុក្ខជាតិ សត្វនិងធម្មជាតិ។មួយវិញទៀតពិធីបុណ្យនេះគេតែងតែប្រារព្ធធ្វើអស់ថេរវេលា ៣ថ្ងៃ គឺ ថ្ងៃ ១៤ កើត ១៥កើត និងថ្ងៃ១រោជ ខែកត្តិករៀងរាល់ឆ្នាំ។ ចំណែក លោក យង់ តាំងកួយ ប្រធានមន្ទីរវប្បធម៌និងវិចិត្រសិល្បៈខេត្តបានបញ្ជាក់ថា ឆ្នាំនេះប្រទីបបានដាក់​បណ្ដែត​តាម​​បណ្ដោយដងស្ទឹងសិរីសោភ័ណ នៃ​សង្កាត់ព្រះពន្លា ក្រុងសិរីសោភ័ណ…