(ភ្នំពេញ)៖ សម្តេចនាយករដ្ឋមន្ត្រី ហ៊ុន ម៉ាណែត បានណែនាំដល់អ្នកលក់ម្ហូបអាហារ ចូលរួមប្រើប្រាស់ផលិតផលក្នុងស្រុក និងយកចិត្តទុកដាក់ខ្ពស់ លើសុវត្ថិភាពម្ហូបអាហារ ។ ការណែនាំនេះ តាមរយៈសារលិខិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសអបអរសាទរទិវាជាតិអាហារូបត្ថម្ភ លើកទី១២ (៦ វិច្ឆិកា ២០១៤-៦ វិច្ឆិកា ២០២៥) ក្រោមប្រធានបទ«អាហារូបត្ថម្ភដើម្បីសន្តិភាព សន្តិភាពដើម្បីអាហារូបត្ថម្ភ» ដែលបានចេញផ្សាយនៅថ្ងៃទី ៣ ខែវិច្ជិកា ឆ្នាំ២០២៥ ។ តាមសារលិខិតនេះ សម្ដេចធិបតី បានលើកទឹកចិត្តដល់បងប្អូនប្រជាពលរដ្ឋគ្រប់រូប រដ្ឋបាលថ្នាក់ក្រោមជាតិ ម្ចាស់ក្រុមហ៊ុនសិប្បកម្ម អ្នកប្រកបមុខរបរអាជីវកម្មម្ហូបអាហារ ផ្សារទំនើប ភោជនីយដ្ឋាននានា គ្រឹះស្ថានសិក្សា រមណីយដ្ឋានទេសចរណ៍ និងអ្នកលក់ដូរម្ហូបអាហារតាមដងផ្លូវ សូមចូលរួមប្រើប្រាស់ផលិតផលក្នុងស្រុក ដោយយកចិត្តទុកដាក់ខ្ពស់ក្នុង ការផលិត កែច្នៃ រក្សាទុក និងចែកចាយផលិតផលម្ហូបអាហារ ទាំងម្ហូបអាហារស្រស់ និងឆ្អិនស្រាប់ឱ្យមានអនាម័យ មានសុវត្ថិភាព និងមានគុណភាព ស្របតាមស្តង់ដា បច្ចេកទេស និងលក្ខខណ្ឌតម្រូវស្តីពីអនាម័យ និងសុវត្ថិភាពម្ហូបអាហារ ស្របតាមពាក្យស្លោក…

(ខេត្តស្ទឹងត្រែង)៖ អភិបាលខេត្តស្ទឹងត្រែង ឯកឧត្តម សរ សុពុត្រា បានដឹកនាំមន្ត្រីរាជការ មន្ទីរ អង្គភាព ជុំវិញខេត្ត លោក យី គីមថាន នាយកប្រចាំប្រទេសស្តីទីនៃអង្គការភ្លែនអន្តរជាតិកម្ពុជា និង មានអ្នកចូលរួមប្រមាណ ១ពាន់ ៥០០នាក់ នៅក្នុងយុទ្ធនាការ នៃកម្មវិធី «រត់ដើម្បីក្មេងស្រី និងដើម្បីទាំងអស់គ្នា» ក្រោមប្រធានបទ «ភាពជាអ្នកដឹកនាំរបស់ក្មេងស្រីដើម្បីទាំងអស់គ្នា» ដើម្បីអបអរសាទរ ទិវាអន្តរជាតិក្មេងស្រី ឆ្នាំ២០២៥ នៅថ្ងៃអាទិត្យទី២ ខែវិច្ឆិកា ឆ្នាំ២០២៥ ដោយមានការគាំទ្រពី ក្រសួងកិច្ចការនារី និងរដ្ឋបាលខេត្តស្ទឹងត្រែង រួមទាំងមន្ទីរ អង្គភាពជុំវិញខេត្ត ផងដែរ។ យុទ្ធនាការ «ដើម្បីក្មេងស្រី និងអ្នកទាំងអស់គ្នា» នាពេលនេះ គឺមានការរៀបចំឲ្យរត់លើចម្ងាយផ្លូវ ៥គីឡូម៉ែត្រ ជុំវិញក្រុងស្ទឹងត្រែង ហើយយុទ្ធនាការនេះ មានគោលបំណងលើកកម្ពស់ការគាំទ្រ ពីសំណាក់ក្រុមគ្រួសារ សហគមន៍ និងប្រជាជនគ្រប់រូប ជាពិសេសបុរស និងក្មេងប្រុស ក្នុងការអនុញ្ញាតឱ្យក្មេងស្រី ទទួលបានឱកាសពេញលេញ ដើម្បីអនុវត្តនូវសិទ្ធិ និងការចូលរួមយ៉ាងសកម្ម នៅក្នុងកិច្ចអភិវឌ្ឍសង្គមនិងសេដ្ឋកិច្ច ព្រមទាំងបង្កើនការអភិវឌ្ឍសមត្ថភាព…

(ខេត្តព្រះវិហារ)៖ យុទ្ធនាការប្រឆាំងនឹងព័ត៌មានមិនពិត ត្រូវ«និយាយថាទេចំពោះព័ត៌មានក្លែងក្លាយ.Say No to Fake News» ២០២៥ ត្រូវបានធ្វើឡើងជាផ្លូវការ ថ្ងៃអាទិត្យទី២ ខែវិច្ឆិកា ឆ្នាំ២០២៥ ដោយមានការចូលរួមពីថ្នាក់ដឹកនាំ មន្ត្រីរាជការ មន្ទីរ-អង្គភាពជុំវិញខេត្ត កងកម្លាំងទាំងបី អាជ្ញាធរក្រុង-ស្រុក យុវជន អ្នកផលិតមាតិការ ភ្នាក់ងារសារព័ត៌មាន វិទ្យុ ទូរទស្សន៍ និងគេហទំព័រជាច្រើនអង្គភាព ដើម្បីបង្ហាញការប្តេជ្ញាចិត្តរួមគ្នាប្រយុទ្ធប្រឆាំងនឹងព័ត៌មានមិនពិត ក្រោមវត្តមាន លោក គឹម ចាន់បញ្ញា អភិបាលរងខេត្តព្រះវិហារ។ ក្រោយបិទបញ្ចប់ការផ្សព្វផ្សាយប្រឆាំងព័ត៌មានមិនពិត «និយាយថាទេចំពោះព័ត៌មានក្លែងក្លាយ.Say No to Fake News» នៅសាលាខេត្តនោះមក អាជ្ញាធរខេត្ត រួមទាំងមន្ត្រីរាជការ កងកម្លាំងគ្រប់លំដាប់ថ្នាក់ ក៏បានបន្តដង្ហែរក្បួនតាមដងផ្លូវសំខាន់ៗក្នុង ក្រុងព្រះវិហារ ដើម្បីផ្សព្វផ្សាយសារអប់រំ និងជំរុញការយល់ដឹងដល់សាធារណជន ឱ្យរួមគ្នាទប់ស្កាត់ការរីកសាយភាយ នៃព័ត៌មានមិនពិត (Fake News) ព្រមទាំងលើកកម្ពស់ក្រមសីលធម៌ នៃការប្រើប្រាស់បណ្តាញសង្គម ប្រកបដោយការទទួលខុសត្រូវខ្ពស់ និងការពិចារណាឱ្យបានច្បាស់លាស់មុននឹងចែករំលែកព័ត៌មាន៕ ដោយ ៖ ឡុង សំបូរ

(កំពង់ធំ)÷ ឯកឧត្ដម ថោ ជេដ្ឋា អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ និងជាប្រធានក្រុមការងារចុះមូលដ្ឋានស្រុកស្ទោង បាន ជំរុញ និង លើក ទឹក ចិត្ត យ៉ាង ខ្លាំង ដល់ សិស្សានុសិស្ស ទាំងអស់ ឲ្យ ខិតខំ សិក្សា រៀនសូត្រ រហូត ដល់ ចប់ ជំនាញ វិជ្ជាជីវៈ ឬ ថ្នាក់ មហាវិទ្យាល័យ ដើម្បី ត្រឡប់ មក ចូលរួម អភិវឌ្ឍ មូលដ្ឋាន ស្រុក កំណើត របស់ ខ្លួន វិញ។ ការ លើក ឡើង នេះ ខណៈ ឯកឧត្ដម អញ្ជើញ ជា អធិបតីភាព ក្នុង ពិធី សំណេះសំណាល ផ្ដល់ រង្វាន់ លើកទឹកចិត្ត…

(កំពង់ធំ)÷ ឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានសង្កាត់ស្រយ៉ូវ បានអញ្ជើញជាអធិបតីក្នុងពិធីបើកបវេសនកាលឆ្នាំសិក្សា ២០២៥-២០២៦ នៅវិទ្យាល័យស្ទឹងសែន នាព្រឹកថ្ងៃទី០១ ខែវិច្ឆិកា ឆ្នាំ២០២៥។ ពិធីនេះមានការចូលរួមពីអាជ្ញាធរដែនដី គណៈគ្រប់គ្រងសាលា លោកគ្រូអ្នកគ្រូ និងសិស្សានុសិស្សសរុប ១.៣៩០ នាក់។ ឯកឧត្តម លី ច័ន្ទតុលា បញ្ជាក់ថា រាជរដ្ឋាភិបាលនីតិកាលទី ៧ នៅតែបន្តយកចិត្តទុកដាក់ខ្ពស់លើវិស័យអប់រំ តាមរយៈការពង្រឹងវិធានការ និងយុទ្ធសាស្ត្របន្ថែមទៀត ដើម្បីធ្វើយ៉ាងណាឱ្យសាលារៀនក្លាយជាអង្គភាពផ្តល់សេវាសាធារណៈប្រកបដោយប្រសិទ្ធភាពខ្ពស់ និងគណនេយ្យភាព។ ឯកឧត្តមរដ្ឋលេខាធិការបានបន្ថែមទៀតថា រាជរដ្ឋាភិបាលនឹងបន្តអនុវត្តវិធានការគន្លឹះចំនួន ៤ ដើម្បីពង្រឹងគុណភាពសាលារដ្ឋចាប់ពីថ្នាក់មត្តេយ្យដល់មធ្យមសិក្សា ដោយផ្តោតលើ៖ការពង្រឹងអភិបាលកិច្ចសាលារៀន។ការរៀបចំកម្មវិធីសិក្សា និងសកម្មភាពក្រៅម៉ោង ដើម្បីពង្រឹងចំណេះដឹង វិន័យ និងសីលធម៌សិស្ស។ការយកចិត្តទុកដាក់លើសុខភាពរបស់សិស្ស តាមរយៈកម្មវិធីអាហារូបត្ថម្ភ និងការត្រួតពិនិត្យគុណភាពចំណីអាហារ។ ការជំរុញការចូលរួមរបស់មាតាបិតា អាណាព្យាបាល និងសហគមន៍ ក្នុងការអប់រំ។ឯកឧត្តមបានលើកទឹកចិត្តដល់សិស្សានុសិស្សទាំងអស់ ឲ្យខិតខំរៀនសូត្រ ប្រកបដោយវិន័យ សីលធម៌ និងឥរិយាបថថ្លៃថ្នូរ សមជាកុលបុត្រ កុលធីតាខ្មែរ និងជាទំពាំងស្នងឫស្សីរបស់ជាតិ។ ដោយ ៖ ប៊ុន រដ្ឋា

(ភ្នំពេញ)៖ ក្រសួងមុខងារសារធារណៈ សូមជូនសេចក្តីជូនព័ត៌មាន អំពី «ដំណើរការនៃការជ្រើសរើសគ្រូបង្រៀនផ្អែកលើកិច្ចព្រមព្រៀងការងារឱ្យចូលបម្រើ ការងារនៅតាមគ្រឹះស្ថានបឋមសិក្សាសាធារណៈ នៅក្នុងខេត្តគោលដៅ កំពង់ចាម តាកែវ បាត់ដំបង ត្បូងឃ្មុំ និងព្រៃវែង» ដំណើរការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ ត្រូវបានរៀបចំយ៉ាងម៉ត់ចត់ និងប្រកបដោយវិជ្ជាជីវៈខ្ពស់ ឈរលើគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន និង ប្រសិទ្ធភាព ព្រមទាំងប្រតិបត្តិយ៉ាងខ្ជាប់ខ្ជួន តាមប្រសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៖ “រើសឱ្យចំ បំពេញឱ្យត្រូវ រក្សាឱ្យនៅ” និង “ជាប់ដោយមោទនៈ ធ្លាក់ដោយអស់ចិត្ត”៕ ដោយ ៖ ង៉ាន់ ទិត្យ