(ភ្នំពេញ)៖ ក្រសួងការពារជាតិបានបង្ហាញពីលទ្ធផលនៃកិច្ចប្រជុំពិសេស នៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) សម្រាប់ការកែ សម្រួលអាវុធនិងយុទ្ធោបករណ៍ បំផ្លិចបំផ្លាញធុនធ្ងន់ រវាងយោធភូមិភាគទី៤ នៃព្រះរាជាណាចក្រកម្ពុជា និង យោធភូមិភាគទី២ នៃព្រះរាជាណាចក្រថៃ ត្រូវបានធ្វើឡើងនៅថ្ងៃទី៣១ ខែតុលា ឆ្នាំ២០២៥ នៅច្រកព្រំដែន អន្តរជាតិអូស្មាច់ ខេត្តឧត្តរមានជ័យ របស់កម្ពុជា។ ប្រភពខាងលើនេះបានបញ្ជាក់ថាកិច្ចប្រជុំនេះត្រូវបានដឹកនាំសហប្រធានដោយ ឯកឧត្តម ឧត្តមសេនីយ៍ឯក ពៅ ហេង មេបញ្ជាការ យោធភូមិភាគទី៤ នៃព្រះរាជាណាចក្រកម្ពុជា និង ឯកឧត្តម ឧត្តមសេនីយ៍ទោ វីរ៉ាក់យុទ្ធ រ៉ាក់ស៊ីង មេបញ្ជាការយោធភូមិភាគទី២ នៃព្រះរាជាណាចក្រថៃ។ កិច្ចប្រជុំនេះត្រូវបាន ចូលរួមសង្កេតការណ៍ ដោយក្រុមអ្នកសង្កេតការណ៍អាស៊ាន (AOT) ប្រចាំនៅប្រទេសកម្ពុជា និងក្រុមអ្នក សង្កេតការណ៍អាស៊ាន (AOT) ប្រចាំនៅប្រទេសថៃ។ ក្រសួងការពារជាតិបានឱ្យដឹងដែរថាកិច្ចប្រជុំនេះត្រូវបានរៀបចំឡើង តាមស្មារតីនៃលទ្ធផលកិច្ចប្រជុំពិសេសលើកទី២ នៃគណៈកម្មាធិការ ព្រំដែនទូទៅ កម្ពុជា-ថៃ (GBC) ដែលបានប្រព្រឹត្តនៅថ្ងៃទី២៣ ខែតុលា ឆ្នាំ២០២៥ នៅទីក្រុងកូឡាឡាំពួរ ប្រទេសម៉ាឡេស៊ី…

(ភ្នំពេញ)៖ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជាបានឱ្យដឹងថា៖ នៅថ្ងៃទី៣១ ខែតុលា ឆ្នាំ២០២៥ នាវេលាម៉ោង ១៥:០៥នាទីរសៀលនេះ នៅច្រកព្រំដែនអូរស្មាច់ ខេត្តឧត្តរមានជ័យ យោធភូមិភាគទី៤ កម្ពុជា និងកងទ័ពភូមិភាគទី២ ថៃ បានរៀបចំកិច្ចប្រជុំពិសេស នៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) សម្រាប់ពិភាក្សាលើការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ បន្ទាប់ពីកិច្ចប្រជុំពិសេសក្រុមលេខាធិការដ្ឋាន នៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) កាលពីព្រឹកមិញនេះ ។ ប្រភពខាងលើនេះបានឱ្យដឹងថា សម្រាប់សហប្រធានដឹកនាំកិច្ចប្រជុំដោយ ឯកឧត្តម ឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ នៃព្រះរាជាណាចក្រកម្ពុជា និង ឯកឧត្តម ឧត្តមសេនីយ៍ទោ វីរ៉ាក់យុទ្ធ រ៉ាក់ស៊ីង មេបញ្ជាការ កងទ័ពភូមិភាគទី២ នៃព្រះរាជាណាចក្រថៃ ដោយមានការចូលរួមពីក្រុមអ្នកសង្កេតការណ៍អាស៊ាន (AOT) ប្រចាំនៅប្រទេសកម្ពុជា និងប្រចាំនៅប្រទេសថៃ ដើម្បីតាមដាន ផ្ទៀងផ្ទាត់ និងធានាការអនុវត្តបទឈប់បាញ់ឱ្យបានពេញលេញ ភាពត្រឹមត្រូវ និងមានប្រសិទ្ធភាព ។…

(ភ្នំពេញ)៖ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និង ជាប្រធានក្រុមការងារជំរុញការ វិនិយោគក្នុងភូមិភាគឦសាន (ក.វ.ឦសាន) នាព្រឹកថ្ងៃទី ៣១ ខែ តុលា ឆ្នាំ ២០២៥ បានដឹកនាំកិច្ចប្រជុំពិនិត្យសម្រេចលើការផ្តល់គោលការណ៍លើកទឹកចិត្តពិសេស ជាលើកទី ២ សម្រាប់គម្រោងវិនិយោគចំនួន ១១ ក្រោមទុនវិនិយោគសរុបប្រមាណ៤០០ លានដុល្លារអាមេរិក និង អាចបង្កើតការងារបានប្រមាណ ៨០០កន្លែង ។ គម្រោងទាំងនេះ រួមមាន៖ គម្រោងចំនួន ៤ នៅខេត្តក្រចេះ, ១ នៅខេត្តស្ទឹងត្រែង, ៤ នៅខេត្តរតនគិរី និង ២ នៅខេត្តមណ្ឌលគិរី ដែលគ្របដណ្តប់លើវិស័យ និង សកម្មភាពចម្រុះ មានជាអាទិ៍ សកម្មភាពផលិតកម្មនិង ការកែច្នៃកសិកម្ម, ការដាំដុះ និង ការកែច្នៃដំណាំកសិ-ឧស្សាហកម្ម, ការសាងសង់សណ្ឋាគារ-រីសត, ការបង្កើតគ្រឹះស្ថានអប់រំ, ថែទាំសុខភាពឯកជន និង ការសាងសង់ហេដ្ឋារចនាសម្ព័ន្ធដឹកជញ្ជូន ដែលក្នុងនោះគម្រោងសាងសង់កំពង់ផែពហុបំណង និង ការកសាងហេដ្ឋារចនាសម្ព័ន្ធតភ្ជាប់…

(ភ្នំពេញ)៖ ឯកឧត្តម រដ្ឋមន្ត្រី កែវ រតនៈ មានប្រសាសន៍លើកឡើងថា កម្ពុជា ជាប្រទេសដែលបំពុលឧស្ម័នលើផែនដីតិចបំផុត ពីព្រោះកម្ពុជា មិនមានប្រភេទឧស្សាហកម្មធន់ធ្ងន់នោះទេ ខណៈកម្ពុជា ជាប្រទេសទី២ នៅក្នុងតំបន់អាស៊ាន ដែលបានបញ្ចូលថាមពលស្អាតរហូត៦២ភាគរយ នៅក្នុងបណ្តាញជាតិ។ ប្រសាសន៍ ឯកត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ក្នុងឱកាសផ្តល់បទសម្ភាសដល់ក្រុមអ្នកសារព័ត៌មាន បន្ទាប់ពីលោកបានបញ្ចប់ថ្លែងសន្ទករថាគន្លឹះបើកកិច្ចប្រជុំទី៣៖ ពីដំណើរបម្លាស់ប្តូរការប្រើប្រាស់ថាមពលរបស់ប្រទេសកម្ពុជាឆ្ពោះទៅកាន់អនាគតដែលគ្មានកាបូន កាលពីរសៀលថ្ងៃទី៣០ ខែតុលា ឆ្នាំ២០២៥ ដែលកម្ពុជា ធ្វើជាម្ចាស់ផ្ទះនៃកិច្ចប្រជុំកំពូលបៃតង និងចីរភាពសកលឆ្នាំ២០២៥ ក្រោមប្រធានបទ «ការកសាងអនាគត និងការស្ថាបនាពិភពលោកប្រកបដោយចីរភាព» នៅសណ្ឋាគារ Shangri-la រាជធានីភ្នំពេញ។ រដ្ឋមន្ត្រី កែវ រតនៈ បញ្ជាក់ថា ៖ «កម្ពុជា ជាប្រទេសដែលមានការបំពុលឧស្ម័នលើផែនដីតិចបំផុត ដោយសារតែយើងអត់មានឧស្សាហកម្មធន់ធ្ងន់ណាមួយដែលបំផ្លាញដល់បរិស្ថាន អាកាសនោះទេ។ ហេតុដូចនេះ បងប្អូនប្រជាពលរដ្ឋអាចសង្កេតឃើញថាជារៀងរាល់ឆ្នាំនៅពេលប្រទេសនៅលើពិភពលោក ខ្ញុំមិននិយាយចំប្រទេសណានោះទេ តែមានផ្សែងពុលក្នុងក្រុងផ្អាកសាលារៀនជាដើមតែកម្ពុជា មិនដែលជួបប្រទះបញ្ហានេះទេ»។ រដ្ឋមន្ត្រី កែវ រតនៈ បានគូសបញ្ជាក់ថា បច្ចុប្បន្ននេះ…

(មណ្ឌលគិរី)៖ សហគមន៍ជនជាតិដើមភាគតិចពូនង(ព្នង)ជាច្រើនបាន ពឹងអាស្រ័យលើ ការប្រមូលអនុផលព្រៃឈើសម្រាប់ការប្រកបរបរចិញ្ចឹមជីវិត។ហើយបើយោងតាមការស្រាវជ្រាវ បង្ហាញថា ស្ទើរតែ៤០ភាគរយ នៃប្រាក់ចំណូល របស់ពួកគាត់ ទទួលបានមកពីការប្រមូលទឹកឃ្មុំព្រៃ និងអនុផលព្រៃឈើផ្សេងៗទៀត ។ តាមរយៈមុខរបរប្រពៃណីពីបុរាណដូនតានេះដែរ ដើម្បីលើកស្ទួយដល់ជីវភាពសហគមន៍ឱ្យមាននិរន្តភាពនោះ សហគមន៍ ជនជាតិដើមភាគតិចពូនង(ព្នង)ភូមិអណ្តូងក្រឡឹង បានបង្កើតគណៈកម្មាធិការប្រមូលឃ្មុំព្រៃដើម្បីលក់លើទីផ្សារឡើងសម្រាប់ជួយដល់ប្រជាសហគមន៍រកទឹកឃ្មុំតាមទីធម្មជាតិ។ លោក ថន ថា ប្រធានគណៈកម្មាធិការ ក្រុម ប្រមូល ឃ្មុំព្រៃ នៅ សហគមន៍ ជនជាតិដើមភាគតិចពូនង(ព្នង)ភូមិអណ្តូងក្រឡឹង ស្ថិតនៅឃុំសែនមនោរម្យ ស្រុកអូររាំង ខេត្តមណ្ឌលគិរី បានឱ្យដឹងថាគណៈកម្មាធិការប្រមូល ទឹកឃ្មុំព្រៃរបស់សហគមន៍លោកគឺទើបតែកើតក្នុងឆ្នាំ២០២៥នេះទេ ហើយការបង្កើតគណៈកម្មាធិការនេះឡើងប្រយោជន៍ដើម្បីចងក្រងគ្នាក្នុងការប្រមូលទឹកឃ្មុំព្រៃសម្រាប់លក់លើទីផ្សារ។ គណៈកម្មាធិការនេះមានតួនាទីសំខាន់សម្រាប់ប្រមូលទឹកឃ្មុំរបស់បងប្អូនសហគមន៍យកទៅលក់ដែលផ្តល់ភាពងាយស្រួលក្នុងការរកចំណូល និងការរកទឹកឃ្មុំពីធម្មជាតិមានភាពស្ថិតស្ថេរ មិនជួបការលំបាកដូចមុននេះទៀត។សម្រាប់ទីផ្សារគឺខាងអង្គការសង្គមស៊ីវិលមួយចំនួនបានប្រមូលយកទៅលក់បន្ត ដែលផ្តល់ភាពលំនឹងសម្រាប់ការរកចំណូលដល់សហគមន៍។ តាមរយៈការពឹងអាស្រ័យលើអនុផលព្រៃឈើនេះដែរ លោក ថនថាន បានឱ្យដឹងថាគណៈកម្មាធិការប្រមូលទទិញទឹកឃ្មុំព្រៃនេះដែរមានគ្នាសរុប១៧ នាក់ដោយរួមថវិការគ្នាទិញទឹកឃ្មុំពីសមាជិកសហគមន៍ក្នុងនេះបានទិញពីសមាជិកក្នុងមួយលីត្រ ៥ម៉ឺនរៀល ដើម្បីលក់លើទីផ្សារបន្តទៀត។ លោក ថន ថា បានប្រាប់បន្ថែមថាសមាជិកទាំងអស់ដែលរកឃ្មុំព្រៃកំណត់ឱ្យយកប្រមាណ៨០ភាគរយនៅសល់២០ភាគរយទៀតដើម្បីឱ្យឃ្មុំអាចបន្តពូជតាមធម្មជាតិរបស់ពួកវា។សម្រាប់ការរកឃ្មុំនៅដែរសហគមន៍របស់លោកឱ្យយក តែចំនួនប្រមាណ៣ទៅ៤ ខែប៉ុណ្ណោះពោលគឺរកចាប់ពី ខែកុម្ភៈដល់ខែឧសភាគឺត្រូវបានបញ្ចប់ហើយ។ ឯកឧត្តម ខ្វៃ អាទិត្យា មន្រ្តី អ្នកនាំពាក្យក្រសួងបរិស្ថានបានថ្លែងបញ្ជាក់ក្នុងពេលដឹកនាំពិធីផ្សព្វផ្សាយ…

(ភ្នំពេញ)៖ នៅថ្ងៃទី២៤ ខែតុលា ឆ្នាំ២០២៥ ឯកឧត្តម កែវ សុទ្ធិ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីក្នុងពិធីសម្ពោធជាផ្លូវការនៃរបាយការណ៍ចីរភាពប្រចាំឆ្នាំ២០២៤ក្រោមប្រធានបទ «បង្កើតសមិទ្ធផលដើម្បីចីរភាព» ដោយមានការអញ្ជើញចូលរួមពី ឯកឧត្តម Shaharuddin Onn ឯកអគ្គរាជទូតម៉ាឡេស៊ីប្រចាំកម្ពុជា, ឯកឧត្ដម Vanlalvawna Bawitlung ឯកអគ្គរដ្ឋទូតឥណ្ឌាប្រចាំនៅកម្ពុជា ឯកឧត្ដម Santo Darmosumarto ឯកអគ្គរដ្ឋទូតឥណ្ឌូនេស៊ីប្រចាំនៅកម្ពុជា រួមជាមួយថ្នាក់ដឹកនាំតំណាងក្រសួង ស្ថានទូត សភាពាណិជ្ជកម្ម ដៃគូអាជីវកម្ម អង្គការក្រៅរដ្ឋាភិបាល និងភាគីពាក់ព័ន្ធនានា នៅសាលបុរីកោះពេជ្រ។ ពិធីសម្ពោធនេះ ត្រូវបានរៀបចំឡើងដោយក្រុមហ៊ុន ស្មាត អាស្យាតា ខូ អិលធីឌី (“ស្មាត”) ក្នុងគោលបំណងផ្សព្វផ្សាយរបាយការណ៍ចីរភាពប្រចាំឆ្នាំ២០២៤ ដែលជាការបោះពុម្ពចេញផ្សាយលើកទី១០ នៃគំនិតផ្តួចផ្តើមនេះ ព្រមទាំងបង្កើតជាវេទិកាផ្លាស់ប្តូរគំនិត ការបំផុសគំនិត និងការជំរុញទៅរកភាពជោគជ័យ ជាមួយនឹងការពង្រឹងសេដ្ឋកិច្ចរបស់ប្រទេស៕ ដោយ ៖ ង៉ាន់ ទិត្យ

(ទីក្រុងសេអ៊ូល)៖ ថ្ងៃទី២០-២៤ ខែតុលា ឆ្នាំ២០២៥ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានដឹកនាំគណៈប្រតិភូចូលរួមវគ្គបណ្តុះបណ្តាលស្តីពីអភិបាលកិច្ចទិន្នន័យនិងទិន្នន័យបើកចំហ នៅទីក្រុងសេអ៊ូល សាធារណរដ្ឋកូរ៉េ ដែលរៀបចំឡើងដោយមជ្ឈមណ្ឌលកិច្ចសហប្រតិបត្តិការរដ្ឋាភិបាលឌីជីថល កម្ពុជា-កូរ៉េ នៃភ្នាក់ងារជាតិព័ត៌មានរបស់ក្រសួងមហាផ្ទៃនិងសុវត្ថិភាពនៃសាធារណរដ្ឋកូរ៉េ។ វគ្គបណ្តុះបណ្តាលនេះមានគោលបំណងផ្តល់នូវចំណេះដឹងបន្ថែមស្តីពី ១) ច្បាប់ គោលនយោបាយ ក្របខណ្ឌអនុវត្តនានាដែលជាមូលដ្ឋានគ្រឹះសំខាន់ៗក្នុងការជំរុញការបើកចំហទិន្នន័យរដ្ឋាភិបាលកូរ៉េ ២) វិធីសាស្ត្រដែលគោលនយោបាយទិន្នន័យបើកចំហ អាចជំរុញនវានុវត្តន៍របស់ក្រុមហ៊ុនឯកជនអាចវិវត្តទៅមុខបានដោយទិន្នន័យនិងបញ្ញាសិប្បនិម្មិត និង ៣) កិច្ចសហការដើម្បីអភិវឌ្ឍសមត្ថភាពក្រុមការងារបច្ចេកទេសនិងភាពជាដៃគូរវាងវិស័យសាធារណៈនិងវិស័យឯកជន។ ឯកឧត្ដម និងគណៈប្រតិភូក៏បានជួបប្រជុំពិភាក្សាជាមួយថ្នាក់ដឹកនាំនៃភ្នាក់ងារជាតិព័ត៌មានរបស់ក្រសួងមហាផ្ទៃនិងសុវត្ថិភាពនៃសាធារណរដ្ឋកូរ៉េ មន្ត្រីជំនាញផ្នែកទិន្នន័យបើកចំហ សាស្ត្រាចារ្យនៃសាកលវិទ្យាល័យ Chungbuk ទស្សនកិច្ចសិក្សានៅសាលរដ្ឋាភិបាលឌីជីថល និងមជ្ឈមណ្ឌលសន្តិសុខសាយប័រ និងជំនួបជាមួយក្រុមហ៊ុនឯកជនចំបងៗដែលបានទទួលអត្ថប្រយោជន៍ពីទិន្នន័យបើកចំហឬផ្តល់ដំណោះស្រាយបច្ចេកវិទ្យាជូនរដ្ឋាភិបាលកូរ៉េ ដូចជាក្រុមហ៊ុន Raon Secure, AllforLand, AIWORKX, LLSOLLU, DataStream៕ ដោយ ៖ ង៉ាន់ ទិត្យ