កំពង់ស្ពឺ៖ អនុវត្តតាមបទបញ្ជា និងការណែនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន អមដំណើរដោយ ឯកឧត្តម ជាម ច័ន្ទសោភ័ណ្ឌ អភិបាលខេត្តកំពង់ស្ពឺ បានអញ្ជើញចុះពិនិត្យ និងជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្សនៃសាលាដូង នៅលើភ្នំគីរីរម្យ ក្នុងភូមិសាស្ត្រខេត្តកំពង់ស្ពឺ ដើម្បីស្វែងយល់ពីដំណើរការជាក់ស្តែងរបស់សាលារៀនមួយនេះ។ ក្នុងឱកាសនោះ ឯកឧត្តមរដ្ឋមន្ត្រី បានកោតសរសើរចំពោះការខិតខំប្រឹងប្រែងរបស់សាលាដូង ក្នុងការបណ្តុះស្មារតីកុមារឱ្យមានចំណេះដឹងសម្រាប់អនាគត ជាពិសេសការអប់រំឱ្យកុមារមានចិត្តស្រឡាញ់បរិស្ថាន ចូលរួមថែរក្សាព្រៃឈើ និងការកាត់បន្ថយការប្រើប្រាស់ប្លាស្ទិក។ បង្កើតឡើងដោយលោក អ៊ុក វណ្ណដេ បច្ចុប្បន្ន សាលាដូងកំពុងផ្តល់ការបណ្តុះបណ្តាលបំណិនជីវិតដល់កុមារជាង ១៥០នាក់ ដែលជាកូនចៅប្រជាពលរដ្ឋនៅក្នុងមូលដ្ឋាន។ សូមរំលឹកថា បន្ទាប់ពីមានការជូនដំណឹងពីអាជ្ញាធរមូលដ្ឋានឱ្យរុះរើសំណង់មិនរៀបរយក្នុងតំបន់ប្រវត្តិសាស្ត្រយោធាតេជោគិរីរម្យ ដែលអាចប៉ះពាល់ដល់ដំណើរការរបស់សាលាដូង សម្តេចធិបតីនាយករដ្ឋមន្ត្រី បានប្រគល់ភារកិច្ចភ្លាមៗជូនរដ្ឋមន្ត្រីក្រសួងបរិស្ថាន និងអភិបាលខេត្តកំពង់ស្ពឺ ចុះស្វែងរកដំណោះស្រាយសមស្រប និងមានចីរភាព ដើម្បីធានាឱ្យសាលារៀនមួយនេះ អាចបន្តបេសកកម្មអប់រំដល់កុមារនៅទីនោះជាធម្មតា។ ចំណាត់ការទាន់ពេលវេលារបស់រាជរដ្ឋាភិបាល ទទួលបានការគាំទ្រ និងស្វាគមន៍យ៉ាងខ្លាំងពីសាធារណជន។ លោកបណ្ឌិត ស៊ឺន សំ អ្នកវិភាគគោលនយោបាយនៃរាជបណ្ឌិត្យសភាកម្ពុជា យល់ឃើញថា ក្រៅពីការរក្សាសាលាដូងឱ្យដំណើរការបន្ត លោកគ្រូ អ្នកគ្រូស្ម័គ្រចិត្តគួរតែទទួលបានការលើកទឹកចិត្តបន្ថែម…

ក្រុមហ៊ុនអាកាសចរណ៍ អ៊ែរ ខេមបូឌា (Air Cambodia) កំពុង ពន្លឿនការធ្វើទំនើបកម្មយន្តហោះ និងពង្រីកបណ្តាញ​ហោះហើរ អន្តរជាតិ ដើម្បីបើកច្រកតភ្ជាប់ផ្លូវអាកាសទៅកាន់ ពិភព លោក។ ការពន្លឿនអនុវត្តយុទ្ធសាស្ត្រស្នូលរបស់ក្រុមហ៊ុនអាកាសចរណ៍ Air Cambodia ក្នុងការធ្វើទំនើបកម្ម និងពិពិធកម្ម​យន្តហោះ គឺធ្វើ ឡើងដើម្បីលើកកម្ពស់ប្រសិទ្ធភាពប្រតិបត្តិការ ,បង្កើនគុណភាពសេវា កម្មនិងជំរុញការតភ្ជាប់ផ្លូវអាកាសរបស់កម្ពុជាទៅកាន់ទីផ្សារអន្តរជាតិ។ ឯកឧត្តម ស៊ីន ចាន់សិរីវុត្ថា អ្នកនាំពាក្យអាកាសចរណ៍ស៊ីវិលកម្ពុជា បានចង្អុលបង្ហាញថា គ្រឹះដ៏សំខាន់នៃចក្ខុវិស័យនេះ គឺកិច្ច​ព្រមព្រៀង ជាប្រវត្តិសាស្ត្រក្នុងការបញ្ជាទិញយន្តហោះទំនើបៗ។ សម្រាប់ខ្សែ ហោះហើរមេ និងចម្ងាយឆ្ងាយ ក្រុមហ៊ុនបានចុះ​ហត្ថលេខា​ទិញ យន្តហោះ ប៊ូអ៊ីង (Boeing) ទំនើបចុងក្រោយបង្អស់ដែលនឹងចាប់ ផ្តើមប្រគល់ពីឆ្នាំ២០៣១ តទៅ ដោយរួម​បញ្ចូល​ទាំងការជួលយន្តហោះ Boeing 737 MAX មកប្រតិបត្តិការជាបណ្តោះអាសន្នចាប់ពី ឆ្នាំ២០២៩។ ទន្ទឹមនឹងនេះក្រុមហ៊ុនបានបង្កើតប្រវត្តិសាស្ត្រថ្មីតាមរយៈការបញ្ជាទិញដុំនូវយន្តហោះ COMAC C909 សម្រាប់ជើងហោះហើរ​ក្នុងតំបន់ រហូតដល់ ២០គ្រឿង ដោយធ្វើឱ្យ អ៊ែរ ខេមបូឌា ក្លាយជាក្រុមហ៊ុន អាកាសចរណ៍ដំបូងគេបង្អស់​ដែលបញ្ជាទិញ​យន្តហោះ​ប្រភេទនេះ ក្នុងទ្រង់ទ្រាយធំ។ការដឹកជញ្ជូនយន្តហោះ…

គណៈរដ្ឋមន្ត្រីថៃ កាលពីថ្ងៃអង្គារ ទី១៨ ខែសីហា ឆ្នាំ២០២៦ បានអនុម័តថវិកាជាង១៣លានដុល្លារអាមេរិក ដើម្បីសាងសង់លេណដ្ឋាន និងកែលម្អប្រព័ន្ធព្រមាន និងទំនាក់ទំនងនៅតាមខេត្តទាំង៧តាមបណ្តោយព្រំដែនរួមជាមួយកម្ពុជា។ បើតាមសារព័ត៌មានថៃ ​ថវិកាមួយផ្នែកធំនឹងត្រូវប្រើប្រាស់ដើម្បីសាងសង់លេណដ្ឋាន និងជម្រកសុវត្ថិភាពពេលមានការទម្លាក់គ្រាប់បែកចំនួន ១ ៦៦៩ កន្លែង ហើយសល់ពីនោះ ត្រូវប្រើសម្រាប់សាងសង់ប៉មប្រកាសអាសន្នចំនួន ១៤៣ កន្លែង និងការធ្វើឱ្យប្រសើរឡើងនូវប្រព័ន្ធទំនាក់ទំនងវិទ្យុឌីជីថលនៅគ្រប់ខេត្តជាប់ព្រំដែន។ រដ្ឋាភិបាលថៃជឿថា វិធានការទាំងនេះនឹងផ្តល់សុវត្ថិភាពកាន់តែល្អដល់ប្រជាពលរដ្ឋ ពេលមានការប៉ះទង្គិចគ្នានៅតាមព្រំដែន ព្រមទាំងពង្រឹងសមត្ថភាពរបស់អាជ្ញាធរក្នុងការឆ្លើយតបទៅនឹងការគំរាមកំហែងសន្តិសុខផ្សេងទៀតតាមបណ្តោយព្រំដែន រួមទាំងអន្តោប្រវេសន៍ខុសច្បាប់ ការរត់ពន្ធ ការជួញដូរគ្រឿងញៀន និងឧក្រិដ្ឋកម្មឆ្លងដែន។ ឯកឧត្តម ចាន់ រតនា អ្នកនាំពាក្យស្តីទីក្រសួងការបរទេស និងកិច្ចសហប្រតិបត្តិការអន្តរជាតិ បានបញ្ជាក់ប្រាប់បណ្តាញព័ត៌មាន AMS ថា អាជ្ញាធរជំនាញបាន និងកំពុងតាមដានជាប្រចាំនូវរាល់សកម្មភាពនានារបស់ភាគីថៃ ប្រសិនជាមានសកម្មភាពសាង់សង់ហេដ្ឋារចនាសម្ព័ន្ធ​កៀកនឹងព្រំដែនកម្ពុជា ឬចូលក្នុងទឹកដីកម្ពុជាដោយខុសច្បាប់ កម្ពុជានឹងធ្វើការតវ៉ាភ្លាមតែម្តង។ លោក សេង វណ្ណលី អ្នក​តាមដានភូមិសាស្ត្រនយោបាយអន្តរជាតិ យល់ឃើញថា ការដែលរដ្ឋាភិបាលថៃចំណាយថវិកាច្រើន ដើម្បីសង់លេណដ្ឋាន និងពង្រឹងប្រព័ន្ធសន្តិសុខតាមព្រំដែនកម្ពុជា មិនមែនត្រឹមតែជាការការពារសុវត្ថិភាពរបស់ប្រជាពលរដ្ឋខ្លួនប៉ុណ្ណោះទេ តែជាបំណងប្រាថ្នាចង់ពង្រឹងការកាន់កាប់ទីតាំងទាំងនោះ និងចង់បង្កើតស្ថានភាពថ្មីនៅលើដីជាក់ស្តែង ដើម្បីឱ្យខ្លួនមានប្រៀបក្នុងការចរចាពេលក្រោយ។ លោក ឆាំង យុ នាយកមជ្ឈមណ្ឌលឯកសារកម្ពុជា ​បានលើកឡើងថា ជម្លោះព្រំដែនរវាងកម្ពុជា និងថៃ នៅតែជា​បញ្ហា​បន្តអូសបន្លាយ…

នៅថ្ងៃទី១៨ ខែសីហា ឆ្នាំ២០២៦នេះ លោក ព្រាប សកល ប្រធាននាយកដ្ឋានផ្នែកលក់ និងទីផ្សា តំណាងក្រុមហ៊ុន អេស អិល ហាយ-ធិច និង ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាកម្ពុជា បានអញ្ជើញចូលរួមក្នុងកម្មវិធីពិធីសន្និសីទសារព័ត៍មាន ស្តីពីការចុះអនុស្សរណៈយោគយល់ (MOU) រវាងសហព័ន្ធ និងក្រុមហ៊ុនទឹកពិសាហាយ-ធិច ដើម្បត្រៀមខ្លួនធ្វើម្ចាស់ផ្ទះរៀបចំព្រឹត្តិការណ៍ការប្រកួតកីឡាវ៉ូវីណាម ជ្រើសរើសជើងឯកអាស៊ី លើកទី៦ ឆ្នាំ២០២៦ (The 6th Asian Vovinam Champion ships in 2026) ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២៧ ខែវិច្ឆិកា ឆ្នាំ២០២៦ នៅវិមាននៃពហុកីឡាដ្ឋានជាតិអូឡាំពិក រាជធានីភ្នំពេញ។ ក្នុងឱកាសនោះ តំណាងក្រុមហ៊ុនអេស អិល ហាយ-ធិច លោក ព្រាប សកល បានលើកឡើងថា ក្នុងនាមជាអាជីវកម្មក្នុងស្រុក ពួកយើងតែងតែផ្ដល់ការយកចិត្តទុកចិត្ត ឧបត្ថម្ភគាំទ្រ ទាំងផ្នែកស្មារតី សម្ភារៈ និងថវិកា ដល់ព្រឹត្តិការណ៍កីឡានានា និងសហព័ន្ធកីឡាជាច្រើនទាំងនៅរាជធានី-ខេត្ត។…

(ភ្នំពេញ)៖ Herbalife ដែលជាក្រុមហ៊ុន សហគមន៍ និងវេទិកាភ្ជាប់ទំនាក់ទំនង លំដាប់ថ្នាក់ពិភពលោក ផ្នែកសុខភាព និងសុខុមាលភាព​បានចែករំលែកអំពី គោលការណ៍ទាំង ៥ នៃការស្តារថាមពល៖ អ្វីដែលកីឡាករអាជីពធ្វើក្នុងរយៈពេលមួយម៉ោងដំបូងក្រោយបញ្ចប់ការប្រកួត។ បើយើងសួរមនុស្សភាគច្រើនថា តើកីឡាករអាជីពៗញ៉ាំអ្វីខ្លះ គេនឹងនិយាយអំពី អាហារមុនពេលប្រកួត ការញ៉ាំចេកមុនពេលកម្តៅសាច់ដុំ ឬ ភេសជ្ជៈកីឡាជាដើម។ ប៉ុន្តែ មិនសូវមានអ្នកនិយាយពីអ្វីដែលកីឡាករអាជីពធ្វើបន្ទាប់ពីបញ្ចប់ការប្រកួតនោះឡើយ។ ម៉ោងដំបូងក្រោយបញ្ចប់ការប្រកួត ជារឿងសំខាន់បំផុតមួយនៅក្នុងផ្នែកអាហារូបត្ថម្ភកីឡា។ វាជាពេលវេលាដែលការខូចខាតសាច់ដុំពីការហាត់ប្រាណត្រូវបានជួសជុល ជាពេលដែលថាមពលត្រូវបានបំពេញឡើងវិញ និងជាពេលដែលរាងកាយរៀបចំខ្លួនសម្រាប់ការប្រកួតឬហ្វឹកហាត់លើកក្រោយបន្តទៀត។ វេជ្ជបណ្ឌិត Krissy Ladner ជាអ្នកជំនាញផ្នែករបបអាហារកីឡា ដែលធ្វើការជាមួយកីឡាករបាល់ទាត់អាជីព គាត់បានចំណាយពេលលើអាហារូបត្ថម្ភសម្រាប់ការស្តារថាមពលឡើងវិញ ច្រើនដូចគ្នាលើការបំពេញថាមពលមុនពេលប្រកួតដែរ។ គាត់តែងតែប្រើវិធីចំណាំងាយៗមួយ ដែលកីឡាករគ្រប់កម្រិតទាំងអស់អាចចងចាំបាន ពោលគឺ ”គោលការណ៍ R ទាំង ៥”។ R ទី១៖ Replenish (ការបំពេញបន្ថែម) រឿងដំបូងគេគឺត្រូវបំពេញគ្លីកូសែន (Glycogen) នៅក្នុងសាច់ដុំឡើងវិញ។ ក្នុងអំឡុងពេលប្រកួត ឬការហ្វឹកហាត់ខ្លាំងៗ រាងកាយរបស់អ្នកនឹងទាញយកសារធាតុ កាបូអ៊ីដ្រាត (Carbohydrate) ដែលបានរក្សាទុកក្នុងសាច់ដុំ ដើម្បីមកបង្កើតថាមពលសម្រាប់ការធ្វើសកម្មភាពដែលមានកម្រិតធ្ងន់ធ្ងរ។ វិធីសាកល្បងដ៏ល្អមួយដើម្បីសង្កេតថារាងកាយប្រើកាបូអ៊ីដ្រាតដែលរាងកាយរក្សាទុក៖…

ប្រទេសកម្ពុជា និងចិនបានប្រកាសដាក់ឱ្យដំណើរការជាផ្លូវការនូវការទូទាត់ឆ្លងដែនតាម QR Code ដំណាក់កាលទី១។ ភ្ញៀវទេសចរបរទេស ដែលប្រើប្រាស់កម្មវិធីទូទាត់ចល័ត Weixin Pay ជាពិសេស ភ្ញៀវទេសចរដែលធ្វើដំណើរមកពីប្រទេសចិន អាចប្រើប្រាស់កម្មវិធីទូទាត់ចល័ត Weixin Pay ដើម្បីស្កេន KHQR Code នៅកម្ពុជាសម្រាប់ទូទាត់ការចំណាយផ្សេងៗ។ ក្នុងឱកាសដាក់ឱ្យដំណើរការការទូទាត់ឆ្លងដែនតាម QR Code រវាងកម្ពុជា និងចិន នៅថ្ងៃទី១៨ ខែសីហានេះ លោកជំទាវ ជា សិរី ទេសាភិបាលធនាគារជាតិនៃកម្ពុជា បានគូសបញ្ជាក់ពីសារៈប្រយោជន៍ចំនួន២ ដែលទទួលបានពីការដាក់ឱ្យដំណើរការទូទាត់ឆ្លងដែននេះ។ សម្រាប់ភ្ញៀវទេសចរបរទេស ដែលប្រើប្រាស់កម្មវិធីទូទាត់ចល័ត Weixin Pay ជាពិសេស ភ្ញៀវទេសចមកពីចិន អាចទទួលបានបទពិសោធន៍នៃការទូទាត់ដែលរហ័ស សុវត្ថិភាព និងងាយស្រួល ដោយពុំចាំបាច់ប្តូររូបិយប័ណ្ណ កាន់សាច់ប្រាក់ផ្ទាល់ និងមិនតម្រូវឱ្យមានប័ណ្ណទូទាត់។ ចំពោះសហគ្រាសក្នុងស្រុករបស់កម្ពុជាវិញ រាប់ចាប់ពីម្ចាស់អាជីវកម្ម ឬសហគ្រាសធំៗ រហូតដល់សហគ្រាសធុនមីក្រូ តូច និងមធ្យម ព្រមទាំងពាណិជ្ជករ អាចទទួលការទូទាត់ពីអតិថិជនជាជនបរទេសបានកាន់តែច្រើន តាមរយៈ KHQR Code ដែលមានស្រាប់ ដោយពុំប្រឈមនឹងការកាត់កម្រៃប្រតិបត្តិការបន្ថែមនោះឡើយ ។…

មជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB) បានលែងសត្វត្រយងចង្គំកសចំនួន ៦ក្បាល ចូលទៅក្នុងព្រៃធម្មជាតិវិញ នៅក្នុងដែនជម្រកសត្វព្រៃសៀមប៉ាង ខេត្តស្ទឹងត្រែង។ នេះជាលើកដំបូងហើយដែលសត្វបក្សីប្រភេទនេះ ដែលត្រូវបានបង្កាត់ពូជក្រោមការថែទាំរបស់មនុស្ស ហើយត្រូវបានលែងចូលក្នុងព្រៃធម្មជាតិ។ បើតាមសេចក្តីប្រកាសរបស់ ACCB  ត្រយងចង្គំកសទាំង ៦ក្បាល – ឈ្មោល ៣ក្បាល និងញី ៣ក្បាល – ត្រូវបានបង្កាត់ពូជនៅមជ្ឈមណ្ឌលអង្គរសម្រាប់ការអភិរក្សជីវៈចម្រុះ និងបានញាស់នៅចន្លោះឆ្នាំ២០២៣​ ដល់ឆ្នាំ២០២៥។ ពួកវាបានចំណាយពេល ៤សប្តាហ៍នៅក្នុងទ្រុងបន្សាំ ដើម្បីសម្របខ្លួនទៅនឹងបរិស្ថានធម្មជាតិ មុនពេលលែង។ ក្នុងចំណោមសត្វទាំង ៦ក្បាល មាន ៤ក្បាលត្រូវបានបំពាក់ឧបករណ៍ GPS សម្រាប់តាមដានការផ្លាស់ទី និងការរស់នៅរបស់ពួកវានៅក្នុងជម្រកធម្មជាតិ។ មជ្ឈមណ្ឌលអង្គរសម្រាប់ការអភិរក្សជីវៈចម្រុះ បានសហការជាមួយក្រុមហ៊ុន Rising Phoenix ដើម្បីគ្រប់គ្រងដែនជម្រកសត្វព្រៃទំហំជាង១សែន៣ម៉ឺន៣ពាន់ហិកតាសម្រាប់សត្វត្រយងចង្គំកស​។ ក្រុមការងារអភិរក្សសង្ឃឹមថា ត្រយងចង្គំកសដែលបានលែងទាំងនេះនឹងអាចសម្របខ្លួន និងបង្កើតកូនចៅថ្មីៗនៅក្នុងព្រៃធម្មជាតិ ដើម្បីផ្តល់នូវកំណើនកាន់តែច្រើនបន្ថែមទៀត។ ប្រសិនការលែងនេះទទួលបានជោគជ័យ គម្រោងនេះអាចបើកផ្លូវសម្រាប់ការលែងសត្វប្រភេទនេះបន្ថែមទៀតនៅពេលអនាគត និងផ្តល់ចំណេះដឹងថ្មីៗអំពីជីវសាស្ត្រ និងអាកប្បកិរិយារបស់ពួកវា។ ត្រយងចង្គំកសជាប្រភេទបក្សីរងគ្រោះជិតផុតពូជបំផុត ដែលមានចំនួនប្រមាណតែ ១,០០០ក្បាល នៅទូទាំងពិភពលោក ក្នុងនោះប្រមាណ ៩៥% មានវត្តមាននៅភូមិភាគឦសាននៃកម្ពុជា។ ​ដែនជម្រកសត្វព្រៃសៀមប៉ាង ត្រូវបានចាត់ទុកថាជាតំបន់ការពារដ៏សំខាន់មួយសម្រាប់ការរស់នៅរបស់សត្វប្រភេទនេះ។ មជ្ឈមណ្ឌលអង្គរសម្រាប់ការអភិរក្សជីវៈចម្រុះ ដែលមានទីតាំងនៅខេត្តសៀមរាប ​បច្ចុប្បន្ន កំពុងថែទាំត្រយងចង្គំកសចំនួន…

លោក មីន អោងឡាំង ប្រធានាធិបតីមីយ៉ាន់ម៉ា គ្រោងនឹងបំពេញទស្សនកិច្ចផ្លូវរដ្ឋនៅក្នុងព្រះរាជាណាចក្រកម្ពុជា នាពេលខាងមុខនេះ។ នេះបើយោងតាមការប្រកាសរបស់ព្រឹទ្ធសភាកម្ពុជា។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាកម្ពុជា បានប្រាប់បណ្ដាញសារព័ត៌មាន AMS នៅថ្ងៃទី១៨ ខែសីហា ថាដំណើរទស្សនកិច្ចរបស់លោក មីន អោងឡាំង នឹងធ្វើឡើងនៅដើមខែកញ្ញា ដោយគ្រោងមានជំនួបជាមួយថ្នាក់ដឹកនាំកំពូលៗមួយចំនួនរបស់កម្ពុជា ដើម្បីរឹតចំណងទំនាក់ទំនងរវាងកម្ពុជា និងមីយ៉ាន់ម៉ាឲ្យកាន់តែស៊ីជម្រៅថែមមួយកម្រិតទៀត។ លោកបណ្ឌិត គិន ភា ប្រធានវិទ្យាសាស្រ្តទំនាក់ទំនងអន្តរជាតិកម្ពុជា យល់ឃើញថា ដំណើរទស្សនកិច្ចរបស់លោក មីន អោយឡាំង គឺជាកិច្ចខិតខំប្រឹងប្រែងនៃការពង្រឹង និងពង្រីកទំនាក់ទំនងទ្វេភាគីរវាងកម្ពុជា និងមីយ៉ាន់ម៉ា។ សម្រាប់លោកបណ្ឌិត ទស្សនកិច្ចជាន់ខ្ពស់នេះ គឺជាសុឆន្ទៈរបស់មីយ៉ាន់ម៉ា ដែលចង់បង្កើនទំនាក់ទំនងល្អជាមួយកម្ពុជា ក៏ដូចជាអាស៊ានផងដែរ។ សូមបញ្ជាក់ថា មុនពេលបំពេញទស្សនកិច្ចនៅកម្ពុជា នាដើមខែក្រោយ អតីមេដឹកនាំយោធាមីយ៉ាន់ម៉ា បានបំពេញទស្សនកិច្ចផ្លូវរដ្ឋជាលើកដំបូងគេបង្អស់នៅប្រទេសឡាវ កាលពីដើមខែកក្កដា និងបំពេញទស្សនកិច្ចនៅប្រទេសថៃ កាលពីដើមខែសីហា។ ក្រៅពីនោះ លោកកំពុងរឹតចំណងការទូតជាមួយបណ្ដាប្រទេសធំៗ ដូចជា ចិន ឥណ្ឌា និងរុស្ស៊ី តាមរយៈទស្សនកិច្ចក្នុងនាមជាប្រធានាធិបតីថ្មីរបស់មីយ៉ាន់ម៉ា៕ ខន ណារី…

បារីក្លែងម៉ាក សំបកកញ្ចប់ និងសម្ភារវេចខ្ចប់បារីក្លែងម៉ាកប្រមាណ ៤០០តោន ត្រូវបានដុតកម្ទេចចោលនៅខេត្តត្បូងឃ្មុំ នាព្រឹកថ្ងៃទី១៨ ខែសីហា ឆ្នាំ២០២៦នេះ។ នៅក្នុងពិធីដុតបំផ្លាញចោលបារីនេះ មានការអញ្ជើញចូលរួមពីឯកឧត្តម លី សុផាណា អនុរដ្ឋលេខា​ធិការក្រសួងមហា​ផ្ទៃ អាជ្ញាធរខេត្តត្បូងឃ្មុំ ស្ថាប័នអយ្យការ តុលាការ  អង្គភាពចំណុះរដ្ឋបាលខេត្ត ព្រមទាំងថ្នាក់ដឹកនាំអង្គភាពជំនាញនៃអគ្គស្នងការនគរបាលជាតិ តំណាងភ្នាក់ងារស៊ើបអង្កេតសន្តិសុខមាតុភូមិរបស់សហរដ្ឋអាមេរិកប្រចាំកម្ពុជា ស្ថានតំណាងចក្រភពអង់គ្លេស ភ្នាក់ងារអនុវត្តច្បាប់អន្តរជាតិ រួមទាំងក្រុមហ៊ុនម្ចាស់ម៉ាកពាក់ព័ន្ធផងដែរ។ បារីក្លែងម៉ាក និងសម្ភារផលិតបារីក្លែងម៉ាកប្រមាណ ដែលត្រូវដុតបំ​ផ្លាញចោលមានជាង ៦០ម៉ាក រួមមាន Marlboro, ESSE, MEVIUS, 555, បារីចិន និងបារីដាក់ម៉ាកបរ​ទេសជាច្រើនទៀត។ បារីទាំងនេះត្រូវបានសមត្ថកិច្ចនៃអគ្គស្នងការដ្ឋាននគរបាលជាតិ សហការជាមួយស្នងការដ្ឋាននគរ​បាលខេត្តត្បូង​ឃ្មុំ ស្រាវជ្រាវ និងប្រតិ​បត្តិការបង្ក្រាបនៅទីតាំងរោងចក្រ ២កន្លែង និងឃ្លាំងស្តុក ១កន្លែង កាលពីថ្ងៃទី០៩ កុម្ភៈ ឆ្នាំ២០២៦ ក្នុងមូលដ្ឋានខេត្តត្បូងឃ្មុំផ្ទាល់តែម្ដង។ ក្រសួងមហាផ្ទៃគូសបញ្ជាក់ថា ការដុតបំផ្លាញចោលបារីក្លែងម៉ាក និងសម្ភារពាក់ព័ន្ធនាពេលនេះ ធ្វើឡើងក្នុងគោលដៅបង្ការ ទប់ស្កាត់ និងបង្ក្រាបការផលិត ការជួញដូរ និងចរាចរណ៍នូវផលិតផលក្លែងក្លាយ ដែល​បំផ្លាញសុខភាព និងមានហានិភ័យខ្ពស់ ក៏ដូចជាការកាត់ផ្តាច់បណ្ដាញឧក្រិដ្ឋកម្មឆ្លងដែន សំ​ដៅធានាប្រសិទ្ធភាពក្នុងការអនុវត្តច្បាប់ ធានាសុខមាលភាព ព្រមទាំងបង្កើនការគាំទ្រ…

(បាត់ដំបង)៖ លោក អ៊ុច ហ៊ីង អគ្គនាយករងនៃអគ្គនាយកដ្ឋានកិច្ចការបច្ចេកទេស បានដឹកនាំក្រុមការងារសម្របសម្រួលការងារគ្រប់គ្រងទំនប់អាងទឹក និងប្រព័ន្ធធារាសាស្ត្រ ចុះពិនិត្យស្ថានភាពជាក់ស្តែងនៃការគ្រប់គ្រង និងការប្រើប្រាស់អាងទឹកដូនទ្រី ព្រមទាំងប្រព័ន្ធធារាសាស្ត្រមួយចំនួនទៀតនៅភាគខាងក្រោម ស្ថិតតាមបណ្តោយស្ទឹងមោងឫស្សី ក្នុងភូមិសាស្ត្រស្រុកមោងឫស្សី និងស្រុករុក្ខគិរី ខេត្តបាត់ដំបង នាថ្ងៃទី១៧ ខែសីហា ឆ្នាំ២០២៦ ។ អាងទឹកដូនទ្រី ស្ថិតក្នុងស្រុករុក្ខគិរី ចម្ងាយ ៣៨គីឡូម៉ែត្រ ខាងលិចទីប្រជុំជនមោងឫស្សី មានសមត្ថភាពស្តុកទឹក ១៦៣.៦ លានម៉ែត្រគូប។ អាងទឹកនេះមានសារប្រយោជន៍សំខាន់ៗសម្រាប់ស្រោចស្រពស្រូវវស្សា ៣៣,០០០ ហិកតា និងស្រូវប្រាំង ៤,៥០០ ហិកតា លើឃុំចំនួន១១ (ក្នុងស្រុកមោងឫស្សី រុក្ខគិរី និងស្រុកបាកាន) ផ្គត់ផ្គង់ទឹកប្រើប្រាស់ប្រចាំថ្ងៃ និងជួយកាត់បន្ថយជំនន់ទឹកភ្លៀងនៅផ្នែកខាងក្រោមនារដូវវស្សា។ លោកអគ្គនាយករង និងក្រុមការងារ ក៏បានបន្តចុះពិនិត្យមើលអាងទឹកបាសាក់ ប្រព័ន្ធធារាសាស្ត្រព្រែកជីក ប្រព័ន្ធធារាសាស្ត្រប្រឡាយប៉ូ និងប្រព័ន្ធធារាសាស្ត្ររាមគន់ ដើម្បីវាយតម្លៃពីប្រសិទ្ធភាពនៃការចែកចាយទឹកផងដែរ។លោក បានណែនាំយ៉ាងម៉ឺងម៉ាត់ដល់មន្ទីរធនធានទឹក និងឧតុនិយមខេត្តបាត់ដំបង ត្រូវយកចិត្តទុកដាក់ខ្ពស់ក្នុងការទប់ស្កាត់ និងចាត់វិធានការចំពោះការរំលោភបំពានយកដីអាងទឹកពីសំណាក់ជនខិលខូច ព្រមទាំងត្រូវពង្រឹងការគ្រប់គ្រង និងអាស្រ័យផលពីអាងទឹកឱ្យមានប្រសិទ្ធភាពខ្ពស់ និងចីរភាពយូរអង្វែង៕