អារាមមួយកន្លែងដែលនៅកៀកនឹងព្រំដែនកម្ពុជា ថៃ គឺវត្តតាមាន់សែនជ័យ ដែលធ្លាប់រងការខូចខាត​ដោយ​សារការទម្លាក់​គ្រាប់បែក​ពីយន្តហោះ F-16 ហាក់មានសភាពស្ងប់ស្ងាត់ មិនសូវមានពុទ្ធបរិស័ទមក​ធ្វើបុណ្យទានច្រើនឡើយ ក្នុងអំឡុងពិធីបុណ្យកាន់បិណ្ឌ​និង​ភ្ជុំបិណ្ឌនេះ។ នៅក្នុងអំឡុងពិធីបុណ្យភ្ជុំបិណ្ឌនេះ វត្តតាមាន់សែន​ជ័យ ស្ថិតក្នុងស្រុកបន្ទាយអំពិល ខេត្តឧត្តរមានជ័យ ពុំសូវមានពុទ្ធបរិស័ទមកធ្វើ​បុណ្យទានច្រើនឡើយ។ តាមថេរដីការបស់ព្រះតេជគុណ ឡាយ លន ព្រះគ្រូសូត្រ​ស្តាំ បច្ចុប្ប​ន្នវត្តនេះមានព្រះសង្ឃគង់នៅ​ចំនួន ៥អង្គ ខណៈការកាន់បិណ្ឌនាពេលនេះ គឺអាស្រ័យ​លើគ្រួសារយោធិនដែលផ្លាស់វេនគ្នាមកជួយឧបត្ថម្ភ និងកាន់បិណ្ឌ ចំណែក​អ្នកមកពី​ចម្ងាយ​មានចំនួនតិចតួច។ ព្រះគ្រូសូត្រស្តាំវត្តតាមាន់សែនជ័យ បានការអំពាវនាវ​ដល់​ពុទ្ធបរិស័ទជិតឆ្ងាយ មេត្តាចូលរួមធ្វើបុណ្យទាន និងចាប់កុសលផលបុណ្យ ដើម្បីទទួលបានបច្ច័យយក​មកទ្រទ្រង់ និងកសាងវត្តឡើងវិញ។ ព្រះអង្គមាន​ថេរដីកា​ថា បច្ចុប្បន្នព្រះសង្ឃបានត្រឹមសាងសង់រោងទំហំ ១២​ម៉ែត្រ​បួនជ្រុង សម្រាប់គង់នៅបណ្តោះអាសន្នប៉ុណ្ណោះ ដោយពុំទាន់មានលទ្ធភាពកសាងកុដិ ឬសាលាឆាន់​ឡើងវិញ​នៅឡើយ ក្រោយពេលត្រូវរងការទម្លាក់គ្រាប់​បែកខូចខាតទាំងស្រុង។ ជាមួយគ្នានេះ លោក ព្រំ ចិន្តា អាចារ្យវត្តតាមាន់សែន​ជ័យ បានឱ្យដឹងថា វត្តកំពុងជួបប្រទះការខ្វះខាតបច្ច័យ និងទេយ្យទានជាច្រើន ជាពិសេសគឺបញ្ហាប្រព័ន្ធអគ្គិសនី​ដែលត្រូវបានកាត់ផ្តាច់ ដោយបច្ចុប្បន្នត្រូវពឹងផ្អែកលើ​ការ​ប្រើប្រាស់អំពូលសូឡាប៉ុណ្ណោះ។ លោកអាចារ្យ​ក៏បានទទូចសុំឱ្យសប្បុរសជននានា មេត្តាជួយឧបត្ថម្ភ​ជ្រោម​ជ្រែងដល់វត្តនេះផងដែរ។ គួររំលឹកថា វត្តតាមាន់សែនជ័យ ត្រូវបានយន្តហោះ​ចម្បាំង F-16 របស់ភាគីថៃ ទម្លាក់គ្រាប់បែកចំនួន ២លើក…

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានផ្ញើសារអបអរសាទរជូនលោក Lee Jae-myung ប្រធានាធិបតីនៃសាធារណរដ្ឋកូរ៉េ និងលោក Cho Jeong-sik ប្រធានរដ្ឋសភា នៃសាធារណរដ្ឋកូរ៉េ ក្នុងឱកាសទិវាបុណ្យបង្កើតជាតិនៃសាធារណរដ្ឋកូរ៉េ ដែលប្រារព្ធធ្វើឡើងនៅថ្ងៃទី៣ ខែតុលា ឆ្នាំ២០២៦។ នៅក្នុងសារលិខិតរបស់សម្តេចតេជោ ហ៊ុន សែន ផ្ញើជូនលោក Lee Jae-myung ប្រធានាធិបតីនៃសាធារណរដ្ឋកូរ៉េ និងលោក Cho Jeong-sik ប្រធានរដ្ឋសភា នៃសាធារណរដ្ឋកូរ៉េ ប្រធានព្រឹទ្ធសភាកម្ពុជា បានកោតសរសើរអំពីការអភិវឌ្ឍគួរកត់សម្គាល់របស់សាធារណរដ្ឋកូរ៉េ ទៅជាប្រទេសនាំមុខក្នុងពិភពលោក ក្នុងវិស័យឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ និងវេជ្ជសាស្ត្រ ដែលមិនត្រឹមតែផ្តល់ប្រយោជន៍ដ៏ធំធេងសម្រាប់ជាតិកូរ៉េប៉ុណ្ណោះទេ ប៉ុន្តែបានរួមចំណែកជាវិជ្ជមានដល់ការអភិវឌ្ឍនៃតំបន់ទាំងមូលផងដែរ។ សម្ដេចតេជោ ចាត់ទុកសមិទ្ធផលដែលគួរឱ្យកោតសរសើរនេះ ឆ្លុះបញ្ចាំងនូវទស្សនវិស័យ និងការប្តេជ្ញាចិត្តដ៏អស្ចារ្យរបស់ថ្នាក់ដឹកនាំកូរ៉េ ក៏ដូចជាការវិនិយោគក្នុងការអភិវឌ្ឍមូលធនមនុស្ស និងអភិបាលកិច្ចល្អផងដែរ។ សម្ដេចជឿជាក់យ៉ាងមុតមាំថា សាធារណរដ្ឋកូរ៉េនឹងបន្តលើកកម្ពស់ការអភិវឌ្ឍជាតិកាន់តែខ្ពស់បន្ថែមទៀត ដើម្បីរួមចំណែកដល់សន្តិភាព ស្ថិរភាព និងវឌ្ឍនភាពសេដ្ឋកិច្ច-សង្គម នៅក្នុងតំបន់ និងពិភពលោក។ ក្រៅពីនេះ សម្ដេចតេជោ ហ៊ុន…

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បាន​ដឹកនាំកិច្ចប្រជុំផ្ទៃក្នុងមួយនៅថ្ងៃសុក្រទី២តុលានេះ ដើម្បីពិនិត្យលទ្ធភាព និងស្វែងរកយន្តការរៀបចំផែនការយុទ្ធសាស្ត្ររំដោះទឹកជំនន់នៅតំបន់ភាគពាយ័ព្យជាប់ព្រំដែន ជាពិសេសការពង្វាងទឹក និងការទាញយកទឹកដែលហូរធ្លាក់ពីប្រទេសថៃ រក្សាទុកសម្រាប់ប្រើប្រាស់ក្នុងរដូវប្រាំង។ កិច្ចពិភាក្សាបានផ្តោតលើគម្រោងរំដោះទឹក និងពង្វាងទឹកនៅតំបន់អូរខៃដន និងបឹងកន្សែង ព្រមទាំងផែនការពង្រីកសមត្ថភាពរំដោះទឹកចេញពីខេត្តបន្ទាយមានជ័យ ចាប់ពីស្ទឹងបត់ អូរបីជាន់ និងតំបន់រណប រហូតធ្លាក់ចូលបឹងទន្លេសាប។ កិច្ចប្រជុំនេះធ្វើឡើងបន្ទាប់ពីក្រុងប៉ោយប៉ែត ខេត្តបន្ទាយមានជ័យ បានទទួលរងនូវគ្រោះទឹកជំនន់ ដោយទឹកមួយផ្នែកគឺហូរមកពីប្រទេសថៃ​។ មកដល់ថ្ងៃសុក្រនេះ ទឹកជំនន់នៅតំបន់ខ្លះបានចាប់ផ្តើមស្រក ខណៈនៅតំបន់ខ្លះទៀតនៅក្នុងខេត្តបន្ទាយមានជ័យ​នៅបន្តជន់លិច​។​ នៅព្រឹកថ្ងៃទី២តុលា មន្ទីរសាធារណការ និងដឹកជញ្ជូនខេត្តបន្ទាយមានជ័យបានសម្រេចផ្អាកជាបណ្តោះអាសន្នចំពោះយានយន្តធុនធំគ្រប់ប្រភេទ ដែលធ្វើដំណើរឆ្លងកាត់តាមកំណាត់ផ្លូវជាតិលេខ៥ ចាប់ពីគីឡូម៉ែត្រ ៣៤០​ ដល់គីឡូម៉ែត្រ ៣៦១។ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានសរសេរនៅលើគណនីហ្វេសប៊ុកផ្ទាល់ខ្លួនថា  ដើម្បីដោះស្រាយបញ្ហាទឹកជំនន់ គឺត្រូវរៀបចំប្រព័ន្ធធារាសាស្ត្រ និងប្រព័ន្ធលូឱ្យបានគ្រប់គ្រាន់ ព្រមទាំងរក្សាទុកអាងស្តុកទឹក បឹង និងស្រះ។ ជាមួយគ្នានេះ ត្រូវបង្កើនការដាំដើមឈើ ការការពារព្រៃឈើ ដើម្បីស្រូបទឹក និងកាត់បន្ថយការហូរច្រោះ​។ ឯកឧត្តមបានថ្លែងថា ការអភិវឌ្ឍដែលមិនគិតពីធម្មជាតិ អាចបង្កើតបញ្ហាសម្រាប់មនុស្សនៅថ្ងៃអនាគត។ ការអភិវឌ្ឍដែលគោរពធម្មជាតិ គឺជាការការពារជីវិត និងទ្រព្យសម្បត្តិរបស់មនុស្សគ្រប់គ្នា។ បច្ចុប្បន្ន នៅក្នុងប្រទេសកម្ពុជា មានប្រព័ន្ធធារាសាស្ត្រសរុបចំនួន ២…

លោកបណ្ឌិត ហេង គង់ នាយកវិទ្យាស្ថានស្រាវជ្រាវ និងអភិវឌ្ឍន៍ជលផលវារីវប្បកម្ម នៃបណ្ឌិត្យសភាវិទ្យាសាស្រ្តកសិកម្ម បានប្រាប់បណ្ដាញព័ត៌មាន AMS ថា ចាប់ពីខែតុលា ឆ្នាំ២០២៥ រហូតមកដល់ពេលបច្ចុប្បន្ន ​ត្រីកម្រជិតផុតពូជចំនួន ៤ប្រភេទសរុបចំនួន ១១៨ក្បាលត្រូវបានកិបស្លាកលែងចូលទឹកទន្លេវិញ ដើម្បីសិក្សាពីជម្រកសំខាន់ៗ និងការបំលាស់ទីរបស់ពួកវា។ នាយកវិទ្យាស្ថានស្រាវជ្រាវរូបនេះបានគូសបញ្ជាក់ថា ត្រីកម្រជិតផុតពូជខាងលើ ដែលត្រូវនេសាទបានដោយចៃដន្យ ហើយប្រលែងចូលទឹកទន្លេវិញ​ រួមមាន ត្រីគល់រាំងចំនួន ៤៥ក្បាល ត្រីរាជចំនួន ៣៥ក្បាល ត្រីត្រសក់ចំនួន ៣៧ក្បាល និងត្រីប៉ាសាណាកចំនួន ១ក្បាល។ វិទ្យាស្ថានស្រាវជ្រាវ និងអភិវឌ្ឍន៍ជលផល វារីវប្បកម្ម នៃបណ្ឌិត្យសភាវិទ្យាសាស្រ្តកសិកម្ម ជាមួយអច្ឆរិយភាពទន្លេមេគង្គ និងអគ្គនាយកដ្ឋានជលផលបានសហការណ៍សិក្សាស្រាវជ្រាវ និងអភិរក្សប្រភេទធនធានជលផលកំពុងរងគ្រោះថ្នាក់នៅតាមដងទន្លេ និងទីជម្រកសំខាន់ក្នុងប្រទេសកម្ពុជា ជាពិសេសប្រភេទត្រីកម្រ។ លោក បណ្ឌិត ហេង គង់ បានបញ្ជាក់ថា ការសិក្សាស្រាវជ្រាវ និងអភិរក្សប្រភេទវារីសត្វកម្រកំពុងរងគ្រោះថ្នាក់នៅកម្ពុជា បានចាប់ផ្តើមតាំងពីឆ្នាំ ២០០០មកម្លេះ។ លោកសង្កេតឃើញថា ក្នុងពេលបច្ចុប្បន្ន អ្នកនេសាទនៅតាមដងទន្លេសំខាន់ៗ និងសាធារណជនមានការយល់ដឹង និងចូលរួមខ្លាំងក្នុងការរាយការណ៍ និងអភិរក្សប្រភេទត្រីកម្រ។ វិទ្យាស្ថានស្រាវជ្រាវ…

ទីក្រុងកូឡាឡាំពួរ ថ្ងៃទី២៨ ខែកញ្ញា ឆ្នាំ២០២៦ – ក្រុមហ៊ុនអាកាសចរណ៍ AirAsia នៅតែបន្តរក្សាតំណែងយ៉ាងរឹងមាំជាក្រុមហ៊ុនអាកាសចរណ៍តម្លៃសមរម្យឈានមុខនៅអាស៊ី ដោយបានឈ្នះពានរង្វាន់កំពូលចំនួនពីរនៅក្នុងកម្មវិធី World Travel Awards ក្នុងតំបន់អាស៊ី អូសេអានី និងមហាសមុទ្រឥណ្ឌាសម្រាប់ឆ្នាំ២០២៦ ដែលបានប្រារព្ធឡើងនៅសាធារណរដ្ឋម៉ាល់ឌីវ (Maldives) កាលពីរាត្រីយប់មិញនេះ។ ក្រុមហ៊ុនអាកាសចរណ៍ AirAsia បានទទួលពានរង្វាន់ជាក្រុមហ៊ុនអាកាសចរណ៍តម្លៃសមរម្យឈានមុខនៅអាស៊ីសម្រាប់ ឆ្នាំ២០២៦ លើកទី ១៤ និងទទួលពានរង្វាន់ក្រុមបាហុនិកាផ្តល់សេវាកម្មលើយន្តហោះ នៃក្រុមហ៊ុនអាកាសចរណ៍តម្លៃសមរម្យឈានមុខនៅអាស៊ី សម្រាប់ឆ្នាំ២០២៦ ក្នុងរយៈពេល ១០ ឆ្នាំជាប់ៗគ្នា។ ក្រុមហ៊ុនអាកាសចរណ៍ AirAsia នឹងបន្តពង្រឹងភាពជាក្រុមហ៊ុននាំមុខ ក្នុងការផ្តល់សេវាកម្មធ្វើដំណើរតាមផ្លូវអាកាសមួយដែលមានតម្លៃសមរម្យបំផុត និងសេវាកម្មគួរជាទីពេញចិត្ត។ ជាមួយនឹងបណ្តាញហោះហើរយ៉ាងទូលំទូលាយដែលអាចតភ្ជាប់ទៅកាន់គោលដៅជាង ១៣០ ក្នុងតំបន់អាស៊ីអូស្ត្រាលី និងតំបន់ផ្សេងៗទៀត គួបផ្សំនឹងសេវាកម្មដែលប្រកបដោយភាពច្នៃប្រឌិតឥតឈប់ឈរ ក្រុមហ៊ុនអាកាសចរណ៍ AirAsia បានរក្សាតំណែងជាក្រុមហ៊ុនអាកាសចរណ៍ដែលតម្លៃសមរម្យឈានមុខគេនៅអាស៊ីអាគ្នេយ៍ ដោយតភ្ជាប់ទីក្រុង និងសហគមន៍ឱ្យកាន់តែច្រើននៅទូទាំងតំបន់ និងជុំវិញពិភពលោក។ អស់រយៈពេលជាង ២៥ ឆ្នាំមកនេះ ក្រុមហ៊ុនអាកាសចរណ៍ AirAsia បានផ្តល់សេវាកម្មហោះហើរតភ្ជាប់ជូនអ្នកដំណើរទៅកាន់គោលដៅនានាជុំវិញពិភពលោក ហើយបានបម្រើសេវាកម្មហោះហើរជូនអ្នកដំណើរជិត មួយពាន់លាននាក់ ដោយតួលេខនេះបានឆ្លុះបញ្ចាំងពីវិសាលភាពនៃបណ្តាញហោះហើរដ៏ធំទូលាយ…

ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា បានគូសបញ្ជាក់ថា ការកែទម្រង់វិស័យយុត្តិធម៌ គឺជាបេសកកម្ម យុទ្ធសាស្ត្រដ៏សំខាន់ និងជាអាទិភាពចម្បងក្នុងការពង្រឹងនីតិរដ្ឋ លើកកម្ពស់អភិបាលកិច្ចល្អ និងធានាឱ្យប្រជាពលរដ្ឋគ្រប់ រូបទទួលបាន យុត្តិធម៌ប្រកបដោយសមធម៌។ ការថ្លែងនេះបានធ្វើឡើងក្នុងឱកាសសម្តេចប្រធានរដ្ឋសភា អញ្ជើញជាអធិបតីបើកវេទិកាស្តីពី «ការកែទម្រង់វិស័យយុត្តិធម៌» កាលពីព្រឹក ថ្ងៃទី១ ខែតុលា ឆ្នាំ២០២៦ នៅវិមានព្រឹទ្ធសភា ដែលរៀបចំឡើងក្រោមកិច្ចសហការរវាងគណៈកម្មការនីតិកម្ម និងយុត្តិធម៌​នៃព្រឹទ្ធសភា រដ្ឋសភា និងក្រសួងយុត្តិធម៌ ដោយមានអ្នកចូលរួមសរុបជាង ៣០០នាក់។ សម្តេចរដ្ឋសភាធិបតី ឃួន សុដារី បានសង្កត់ធ្ងន់លើចំណុចសំខាន់ៗនៃកំណែទម្រង់នេះរួមមាន៖ការកែលម្អក្របខ័ណ្ឌច្បាប់ ពង្រឹង​សមត្ថភាពស្ថាប័ន អភិវឌ្ឍធនធានមនុស្ស និងធ្វើទំនើបកម្មប្រព័ន្ធយុត្តិធម៌ ឱ្យឆ្លើយតបនឹងការវិវត្តនៃសង្គម ស្របតាមស្តង់ដា​យុត្តិធម៌​ទំនើប។ វិស័យយុត្តិធម៌ជាយន្តការការពារសិទ្ធិសេរីភាពប្រជាពលរដ្ឋ ធានាការអនុវត្តច្បាប់ដោយស្មើភាព ដោះស្រាយវិវាទ រក្សា​សណ្តាប់ធ្នាប់សង្គម និងពង្រឹងស្ថិរភាពសន្តិភាពប្រកបដោយចីរភាព។ទន្ទឹមនេះ​ អង្គនីតិប្បញ្ញត្តិបំពេញមុខងារស្នូលក្នុងការគាំទ្រគោល​នយោបាយរាជរដ្ឋាភិបាល តាមរយៈការបង្កើត និងធ្វើទំនើបកម្មច្បាប់ឱ្យមានភាពច្បាស់លាស់ និងគ្រប់ជ្រុងជ្រោយ។ សម្តេចប្រធានរដ្ឋសភា បានលើកទឹកចិត្តឱ្យមានវេទិកាបែបនេះបន្តទៀត ដើម្បីបម្រើផលប្រយោជន៍ប្រទេសជាតិនិងប្រជាពលរដ្ឋ។ សម្ដេចចាត់ទុកវេទិកាអន្តរស្ថាប័ននេះ ជាយន្តការមួយដ៏មានប្រសិទ្ធភាពសម្រាប់ពង្រឹងកិច្ចសន្ទនា ការសម្របសម្រួល និងកិច្ចសហប្រតិ​បត្តិការរវាងស្ថាប័នពាក់ព័ន្ធ សំដៅធានាឱ្យការអនុវត្តច្បាប់ កាន់តែមានប្រសិទ្ធភាព…