ក្រសួងបរិស្ថាន និងទីភ្នាក់ងារអាល្លឺម៉ង់សម្រាប់កិច្ចសហប្រតិបត្តិការអន្តរជាតិ (GIZ) បានចាប់ផ្តើមអនុវត្តគម្រោងសាកល្បងញែកសំរាមនៅក្រុងបាត់ដំបង ដោយណែនាំឱ្យប្រជាពលរដ្ឋបែងចែកសំរាមជា ៣ប្រភេទ គឺ សំរាមសរីរាង្គ សំរាមអាចកែច្នៃបាន និងសំរាមផ្សេងៗទៀត ដើម្បីងាយស្រួលប្រមូល កែច្នៃ និងកាត់បន្ថយការបំពុលបរិស្ថាន។ ការញែកសំរាមនេះ នឹងជួយកាត់បន្ថយសំរាមដែលត្រូវយកទៅបោះចោល និងជួយឱ្យសំរាមដែលអាចកែច្នៃបាន អាចយកទៅប្រើប្រាស់ឡើងវិញ ព្រមទាំងកាត់បន្ថយការចំណាយក្នុងការប្រមូល និងដឹកជញ្ជូនសំណល់។ យោងតាមសេចក្តីប្រកាសព័ត៌មានរបស់ក្រសួងបរិស្ថាន គម្រោងនេះត្រូវបានប្រកាសចាប់ផ្តើមនៅថ្ងៃទី១៨ ខែសីហា ឆ្នាំ២០២៦ នៅសាលាក្រុងបាត់ដំបង ដោយមានការចូលរួមពីថ្នាក់ដឹកនាំក្រសួងបរិស្ថាន រដ្ឋបាលខេត្តបាត់ដំបង អង្គការ GIZ ដៃគូអភិវឌ្ឍន៍ អង្គការពាក់ព័ន្ធ និងប្រជាពលរដ្ឋ។ រដ្ឋលេខាធិការក្រសួងបរិស្ថាន ឯកឧត្តម សាបូ អូហ្សាណូ បានបញ្ជាក់ថា គម្រោងនេះមិនត្រឹមតែផ្តល់វិធីសាស្ត្រថ្មីក្នុងការគ្រប់គ្រងសំរាមប៉ុណ្ណោះទេ ប៉ុន្តែជាការចាប់ផ្តើមនៃការផ្លាស់ប្តូរទម្លាប់ និងឥរិយាបថរបស់ប្រជាពលរដ្ឋចំពោះសំណល់ ដោយចាប់ផ្តើមពីកន្លែងដែលយើងរស់នៅ និងពីគ្រួសាររបស់យើងផ្ទាល់។ ចំណែកលោក Frank Jattke ប្រធានក្រុមការងារអាស៊ាននៃទីភ្នាក់ងារអាល្លឺម៉ង់សម្រាប់កិច្ចសហប្រតិបត្តិការអន្តរជាតិ (GIZ) បានបញ្ជាក់ថា ដើម្បីដោះស្រាយបញ្ហាការកើនឡើងសំរាមនៅតាមទីប្រជុំជន ក្រសួងបរិស្ថាន និងទីភ្នាក់ងារ GIZ កំពុងអនុវត្តគម្រោងគំនិតផ្តួចផ្តើមកំណើនបៃតងសម្រាប់សេដ្ឋកិច្ច ចក្រា សម្រាប់ការគ្រប់គ្រងសំណល់ប្រកបដោយចីរភាព។ ដោយឡែក ឯកឧត្តម សុខ លូ អភិបាលខេត្តបាត់ដំបង សង្ឃឹមថា គម្រោងនេះនឹងជួយពង្រឹងការគ្រប់គ្រងសំរាមប្រចាំថ្ងៃ…

ស្របពេលដែលការដោះដូរពាណិជ្ជកម្មរបស់កម្ពុជាជាមួយដៃគូពាណិជ្ជកម្មធំៗ ដូចជា សហរដ្ឋអាមេរិក ចិន និង វៀតណាម មានសន្ទុះកើនឡើងខ្លាំង ពាណិជ្ជកម្ម​ទ្វេភាគីរវាងកម្ពុជា និងថៃ មានការធ្លាក់ចុះយ៉ាងខ្លាំងជាបន្តទៀត។​ របាយការណ៍ផ្លូវការរបស់ក្រសួងពាណិជ្ជកម្មបង្ហាញថា នៅក្នុងរយៈពេល ៧ខែ​ដើមឆ្នាំនេះ ទំហំពាណិជ្ជកម្មសរុបរបស់កម្ពុជា សម្រេចបានជាង ៤៥ពាន់លានដុល្លារ កើនឡើង ២៣ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ចិនគឺជាដៃគូពាណិជ្ជកម្មធំជាងគេរបស់កម្ពុជា ដោយការផ្លាស់ប្តូរទំនិញមានទំហំទឹកប្រាក់ជាង ១៣,៦ពាន់លានដុល្លារ កើនឡើងជាង ២៣ភាគរយ។ ចំណែក ពាណិជ្ជកម្មកម្ពុជា ជាមួយសហរដ្ឋអាមេរិក សម្រេចបានទំហំទឹកប្រាក់ជាង ៩,៤ពាន់លានដុល្លារ កើនឡើង ៣២ភាគរយ។ ដោយឡែក ពាណិជ្ជកម្មកម្ពុជា ជាមួយវៀតណាម សម្រេចបានទំហំទឹកប្រាក់ជាង ៥,៣ពាន់លានដុល្លារ កើនឡើងជាង ៨ភាគរយ។ ផ្ទុយទៅវិញ​ ការធ្វើពាណិជ្ជកម្មរវាងកម្ពុជា និងថៃ ប៉ុណ្ណោះ បានធ្លាក់ចុះជាង ៣២ភាគរយក្នុងរយៈពេល ៧ខែឆ្នាំនេះ ដោយសម្រេចបានទំហំទឹកប្រាក់ជាង ១,៦ពាន់លានដុល្លារប៉ុណ្ណោះ។ ក្នុងនោះ ការនាំចេញទំនិញកម្ពុជាទៅកាន់ប្រទេសថៃ ថយចុះជាង ១៤ភាគរយ ចំណែកការនាំចូលទំនិញថៃមកកម្ពុជាវិញថយចុះ ៣៧ភាគរយ។ របាយការណ៍ដដែលបានឲ្យដឹងទៀតថា ពីខែមករាដល់ខែកក្កដា ការធ្វើពាណិជ្ជកម្មរបស់កម្ពុជា ជាមួយដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) សម្រេចបានទឹកទំហំទឹកប្រាក់រហូតដល់…

ឯកឧត្តម កែវ រ៉េមី ទេសរដ្ឋមន្ត្រី ប្រធានគណៈកម្មាធិការសិទ្ធិមនុស្សកម្ពុជា បានប្រាប់ឯកឧត្តម Christian Des Roches ឯកអគ្គរាជទូតកាណាដាប្រចាំកម្ពុជា ពីសកម្មភាពផ្សេងៗរបស់ភាគីថៃ និងស្ថានភាពជាក់ស្តែងនៅតាមតំបន់ព្រំដែនកម្ពុជា-ថៃ ដែលជាការរំលោភយ៉ាងធ្ងន់ធ្ងរលើច្បាប់អន្តរជាតិ ជាពិសេសច្បាប់សិទ្ធិមនុស្ស និងច្បាប់មនុស្សធម៌អន្តរជាតិ។ យោងតាមសេចក្ដីប្រកាសព័ត៌មានរបស់គណៈកម្មាធិការសិទ្ធិមនុស្សកម្ពុជា ការបញ្ជាក់របស់ឯកឧត្តម កែវ រ៉េមី បានធ្វើឡើងនៅពេលដែលឯកឧត្តមបានទទួលជួបសម្តែងការគួរសម និងពិភាក្សាការងារជាមួយឯកអគ្គរាជទូតកាណាដា នៅថ្ងៃទី១៨ សីហា ឆ្នាំ២០២៦នេះ ក្នុងគោលបំណងបន្តពង្រឹងកិច្ចសហប្រតិបត្តិការរវាងគណៈកម្មាធិការសិទ្ធិមនុស្សកម្ពុជា និងប្រទេសកាណាដា លើវិស័យសិទ្ធិមនុស្ស។ ក្នុងជំនួបនោះ ប្រធានគណៈកម្មាធិការសិទ្ធិមនុស្សកម្ពុជា បានលើកឡើងពីការរើសអើងចំ​ពោះពលករទេសន្តរប្រវេសន៍កម្ពុជា ដែលធ្វើការនិងរស់នៅក្នុងប្រទេសថៃ រួមទាំងការគំរាមកំហែង និងប្រើប្រាស់អំពើហិង្សាក្នុងទម្រង់ផ្សេងៗពីភាគីថៃ និងការចាប់រំលោភបូកយ៉ាងព្រៃផ្សៃចំពោះពលការិនីខ្មែរចំណាក​ស្រុកម្នាក់ ពីសំណាក់យោធាថៃ នៅពេលត្រឡប់ពីប្រទេសថៃមកប្រទេសកម្ពុជាវិញ។ ជាមួយគ្នានេះ ឯកឧត្តម កែវ រ៉េមី​ ក៏បានបញ្ជាក់ពីការវាយប្រហារដោយមិនរើសគោលដៅពីយោធាថៃ​ចូលជ្រៅមកលើដែនអធិបតេយ្យភាពរបស់ប្រទេសកម្ពុជា ដោយប្រើប្រាស់អាវុធធុនធ្ងន់ គ្រាប់បែកចង្កោម ផ្សែងពុល និងយន្តហោះចម្បាំងប្រភេទ F-16, Gripen និង T-50 បណ្តាលឱ្យខូចខាតទ្រព្យសម្បត្តិឯកជន និងសាធារណៈ រួមទាំង ប្រាសាទព្រះវិហារ ដែលជាសម្បត្តិបេតិកភណ្ឌពិភពលោក និងបង្កឱ្យមានជនភៀសសឹកជាង ៦៤ម៉ឺននាក់។ ឯកឧត្តមបន្ថែមថា ជាងនេះទៀតភាគីថៃព្យាយាមបង្កើតតថភាពថ្មីនៅនឹងកន្លែង តាមរយៈការឈូសបំ​ផ្លាញផ្ទះប្រជាពលរដ្ឋ…

ភ្នំពេញ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងស្ថានទូតសិង្ហបុរីប្រចាំព្រះរាជាណាចក្រកម្ពុជា នាថ្ងៃទី១៧ ខែសីហា ឆ្នាំ២០២៦ បានសហការរៀបចំវគ្គបណ្តុះបណ្តាលរយៈពេល៥ថ្ងៃ ដើម្បីពង្រឹងប្រព័ន្ធសុវត្ថិភាពម្ហូបអាហារ ជំរុញការកែច្នៃកសិផល និងគាំទ្រសហគ្រាសកម្ពុជាក្នុងការផលិតអាហារដែលមានគុណភាព និងត្រៀមសម្រាប់ការនាំចេញ។ វគ្គបណ្តុះបណ្តាលស្តីពី «ការកែច្នៃ និងសុវត្ថិភាពម្ហូបអាហារ» ប្រព្រឹត្តទៅនៅមជ្ឈមណ្ឌលសហប្រតិបត្តិការកម្ពុជា-សិង្ហបុរី ចាប់ពីថ្ងៃទី១៧ ដល់ថ្ងៃទី២១ ខែសីហា មានមន្ត្រីជំនាញកម្ពុជា ផ្តោតលើការពង្រឹងចំណេះដឹងស្តីពីការគ្រប់គ្រងសុវត្ថិភាពម្ហូបអាហារ ការរក្សាទុកផលិតផលអាហារ ការបង្កើនតម្លៃបន្ថែម និងផលិតកម្មអាហារប្រកបដោយចីរភាព និងមានគោលបំណងលើកកម្ពស់សុខុមាលភាពសាធារណៈ និងជំរុញការប្រកួតប្រជែងពាណិជ្ជកម្ម កម្ពុជា ព្រមទាំងពង្រឹងកិច្ចសហប្រតិបត្តិការយ៉ាងជិតស្និទ្ធជាមួយប្រទេសសិង្ហបុរី លើការអភិវឌ្ឍសមត្ថភាពមន្ត្រីជំនាញ និងការគ្រប់គ្រងប្រព័ន្ធសុវត្ថិភាពម្ហូបអាហារឱ្យកាន់តែមានប្រសិទ្ធភាពខ្ពស់ដើម្បីធានាបាននូវស្តង់ដារសុវត្ថិភាពតឹងរឹងស្របតាមបទដ្ឋានអន្តរជាតិ។ ថ្លែងក្នុងពិធីបើកវគ្គបណ្តុះបណ្តាលនេះ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងឯកអគ្គរដ្ឋទូតសឹង្ហបុរី មានការប្តេជ្ញារួមគ្នាដើម្បីពង្រឹង កិច្ចសហការជាមួយដៃគូអភិវឌ្ឍន៍ អ្នកជំនាញមកពីសិង្ហបុរី ក្នុងការជួយដល់មន្ត្រីជំនាញកម្ពុជាឱ្យទទួលបាននូវជំនាញបច្ចេកទេសថ្មីៗ ការវិភាគសំណាកទំនើប និងការអនុវត្តប្រព័ន្ធគ្រប់គ្រងសុវត្ថិភាពម្ហូបអាហារប្រកបដោយប្រសិទ្ធភាពខ្ពស់ ដើម្បីការពារសុខភាពប្រជាពលរដ្ឋ និងលើកកម្ពស់ផលិតផលក្នុងស្រុក។ វគ្គបណ្តុះបណ្តាលផ្តល់អត្ថប្រយោជន៍សម្រាប់ទីផ្សារ និងសុខភាពសាធារណៈ ក៏ដូចជា ការពង្រឹងសមត្ថភាពស្ថាប័ន និងការអនុវត្តច្បាប់ស្ដីពីសុវត្ថិភាពម្ហូបអាហារឱ្យបានតឹងរឹង នឹងផ្តល់ផលចំណេញយ៉ាងខ្លាំងដល់សេដ្ឋកិច្ចជាតិ…

ភ្នំពេញ៖ ឯកឧត្តម អាន ពេជ្រ ហត្ថដា រដ្ឋលេខាធិការ និងជាប្រធានលេខាធិការដ្ឋាននៃគណៈកម្មាធិការគ្រប់គ្រងធនធានខ្សាច់ បានដឹកនាំក្រុមការងារលេខាធិការដ្ឋាន ចុះសិក្សា ស្វែងយល់ និងពិនិត្យជាក់ស្តែងនៅទីតាំងធ្វើអាជីវកម្មធនធានខ្សាច់ ស្ថិតក្នុងភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញនាថ្ងៃទី១៧ ខែសីហា ឆ្នាំ២០២៦។ ការចុះពិនិត្យផ្ទាល់នេះមានគោលបំណងពង្រឹងប្រសិទ្ធភាពអភិបាលកិច្ច និងធានាឱ្យបាននូវការអនុវត្តការគ្រប់គ្រងធនធានខ្សាច់ប្រកបដោយការទទួលខុសត្រូវ។ ដំណើរបេសកកម្មនេះ មានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ, ក្រសួងរ៉ែ និងថាមពល, ក្រសួងបរិស្ថាន, មន្ទីរសាធារណការ និងដឹកជញ្ជូនរាជធានីភ្នំពេញ, មន្ទីរធនធានទឹក និងឧតុនិយមរាជធានីភ្នំពេញ ព្រមទាំងតំណាងក្រុមហ៊ុនអាជីវកម្មបូមខ្សាច់ និងអាជ្ញាធរមូលដ្ឋានពាក់ព័ន្ធ ដោយផ្តោតជាសំខាន់លើការអនុវត្តតាមបទដ្ឋានគតិយុត្ត យន្តការគ្រប់គ្រង ក៏ដូចជាបទដ្ឋានបច្ចេកទេសរបស់ក្រុមហ៊ុនអាជីវកម្ម ដើម្បីទប់ស្កាត់ផលប៉ះពាល់អវិជ្ជមានជាយថាហេតុលើបរិស្ថាន បរិមាណទឹក និងការច្រាំងច្រោះតាមដងទន្លេ ដែលអាចប៉ះពាល់ដល់សុវត្ថិភាពសាធារណៈ និងប្រព័ន្ធអេកូឡូស៊ី។ ឆ្លងកាត់តាមរយៈការចុះត្រួតពិនិត្យផ្ទាល់នៅនឹងកន្លែង ក្រុមការងារអន្តរក្រសួងបានធ្វើការណែនាំ និងក្រើនរំលឹកដល់ម្ចាស់អាជីវកម្ម ឬក្រុមហ៊ុនម៉ៅការទាំងអស់ ឱ្យគោរពឱ្យបានហ្មត់ចត់ចំពោះលក្ខខណ្ឌកំណត់ដែលមានក្នុងប័ណ្ណអនុញ្ញាត ព្រមទាំងបង្កើនស្មារតីសហការជិតស្និទ្ធជាមួយអាជ្ញាធរមូលដ្ឋាន និងមន្ត្រីជំនាញពាក់ព័ន្ធ ដើម្បីធានាថាការប្រមូលផលធនធានធម្មជាតិមួយនេះផ្តល់នូវឧត្តមប្រយោជន៍សេដ្ឋកិច្ចជាតិ ដោយឈរលើមូលដ្ឋាននៃការអភិរក្ស និងការអភិវឌ្ឍប្រកបដោយនិរន្តរភាព៕ អត្ថបទ៖វណ្ណា