(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាស់តាមរយៈបណ្ដាញសង្គមនារសៀលថ្ងៃទី១៤មិថុនា ថា ក្នុងករណីមានការវិលត្រឡប់ក្នុងទ្រង់ទ្រាយធំដោយមូលហេតុណាមួយ របស់បងប្អូនពលករខ្មែរយើងពីប្រទេសថៃ រាជរដ្ឋាភិបាលបានត្រៀមលក្ខណៈរួចជាស្រេចក្នុងការសម្របសម្រួលដោះស្រាយ ៖ ក្រសួង-ស្ថាប័នពាក់ព័ន្ធ កងកម្លាំងប្រដាប់អាវុធគ្រប់ប្រភេទ និងរដ្ឋបាលខេត្តជាប់ព្រំដែនថៃទាំង៧ ត្រៀមសម្របសម្រួលការឆ្លងកាត់ព្រំដែន និងស្នាក់នៅ ហូបចុក បណ្ដោះអាសន្នរបស់បងប្អូននៅតំបន់ព្រំដែន។ ក្រសួងការពារជាតិ កងទ័ពជើងគោក សាលារាជធានីភ្នំពេញ ត្រៀមរថយន្ត ដើម្បីដឹកជញ្ជូនបងប្អូនពីព្រំដែន ត្រឡប់ទៅស្រុកកំណើត។ ក្រសួងការងារនិងបណ្ដុះបណ្ដាលវិជ្ជាជីវៈ ត្រៀមជួយស្វែងរកការងារក្នុងប្រទេសជូនបងប្អូនដែលត្រលប់មកវិញ ដោយបច្ចុប្បន្ននៅក្នុងប្រទេសយើងនៅខ្វះកម្លាំងពលកម្មជាមធ្យមជាង ៧ម៉ឺននាក់។ ក្រសួងសេដ្ឋកិច្ចនិងហិរញ្ញវត្ថុ ក្រសួងស្ថាប័នពាក់ព័ន្ធ ត្រៀមលក្ខណៈក្នុងការជួយអន្តរាគមន៍ ដល់បងប្អូនពលករខ្មែរដែលត្រូវត្រឡប់មកវិញក្នុងការសម្រួលជីវភាពប្រចាំថ្ងៃ តាមរយៈកញ្ចប់អន្តរាគមន៍សេដ្ឋកិច្ចនិងសង្គមកិច្ចមួយចំនួន។ ជាមួយគ្នានេះ សម្ដេចធិបតី សូមអំពាវនាវឲ្យសមាគមធនាគារនៅកម្ពុជា និង សមាគមមីក្រូហិរញ្ញវត្ថុកម្ពុជា ពិនិត្យលទ្ធភាពក្នុងការជួយសម្រាលបន្ទុកហិរញ្ញវត្ថុសម្រាប់បងប្អូនប្រជាពលករដែលត្រលប់មកពីថៃវិញ ចំពោះអ្នកដែលមានជាប់ជំពាក់បំណុលជាមួយធនាគារ ឬគ្រឹះស្ថានមីក្រូហិរញ្ញវត្ថុ ទៅតាមលទ្ធភាព ឬ ក្នុងមួយរយៈពេលកំណត់ណាមួយដែលអាចធ្វើទៅបាន ។ ពេលប្រទេសជាតិនិងប្រជាពលរដ្ឋខ្មែរយើងប្រឈមនឹងបញ្ហា ស្មារតីសាមគ្គីឯកភាពជាតិ និងការជួយគ្នាទៅវិញទៅមក គឺជាចំណុចខ្លាំងរបស់ប្រជាជាតិខ្មែរយើង ៕ ដោយ ៖ វណ្ណលុក

(ភ្នំពេញ)៖ មហោស្រពចាប៉ីដងវែងទូទាំងប្រទេស ឆ្នាំ២០២៥ ដែលរៀបចំដោយនាយកដ្ឋានសិល្បៈទស្សនីយភាព រយៈពេល ៣ថ្ងៃ បានបិទបញ្ចប់ជាស្ថាពរ ដោយលទ្ធផលបានរកឃើញបេក្ខជនឆ្នើមចំនួន ៣រូប ដែលទទួលបានជ័យលាភីក្នុងវគ្គផ្តាច់ព្រ័ត្រនោះ ។ វេទិការមហោស្រប ចាប៉ីដងវែងទូទាំងប្រទេស ឆ្នាំ២០២៥ បានរៀបចំឡើងចាប់ពីថ្ងៃ១១ ដល់ថ្ងៃទី១៣ ខែមិថុនា ក្រោមប្រធានបទ «ទំពាំងស្នងឬស្សី» ដែលប្រព្រឹត្តទៅនៅរោងមហោ ស្រពនាយកដ្ឋានសិល្បៈទស្សនីយភាព ស្ថិតនៅសង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ ។ កម្មវិធីបើក និងបិទវេទិកាប្រកួតចាប៉ីដងវែង បានប្រព្រឹត្តទៅក្រោមអធិបតីភាព ឯកឧត្តម ហាប់ ទូច រដ្ឋលេ ខាធិការប្រចាំការក្រសួងវប្បធម៌ និងវិចិត្រសិល្បៈ និងមានការចូលរួមពីថ្នាក់ដឹកនាំក្រសួង ប្រធាននាយកដ្ឋាន ប្រធាន-អនុប្រធាន មន្ទីររាជធានី-ខេត្ត ទាំង២៥ មន្ត្រីរាជការ លោកគ្រូ អ្នគ្រូ សិល្បករ សិល្បការិនី និងសិស្សានុសិស្សជាច្រើនរូបទៀតផងដែរ។ លោក ឈាង ឆដាភ័ក្រ ប្រធាននាយកដ្ឋានសិល្បៈទស្សនីយភាព នៃក្រសួងវប្បធម៌ បានឲ្យដឹងថា ការរៀបចំមហោស្រពចាប៉ីដងវែងនេះ គឺស្របទៅតាមគោលបំណងរបស់រាជរដ្ឋាភិបាល ក៏ដូចជាក្រសួងវប្បធម៌ និងវិចិត្រសិល្បៈ…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ប្រធានគណៈកម្មាធិការកណ្តាល សមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតី ក្នុងពិធីប្រកាសកែសម្រួល និងបំពេញបន្ថែមសមាសភាពគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកណ្តាល នាព្រឹកថ្ងៃសៅរ៍ ៤រោច ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី១៤ ខែមិថុនា ឆ្នាំ២០២៥។ មានប្រសាសន៍ក្នុងពិធីនោះ ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល បានលើកឡើងថា ដើម្បីឆ្លើយតបចំពោះការយកចិត្តទុក្ខដាក់របស់រាជរដ្ឋាភិបាល ក្នុងការលើកកម្ពស់ សមភាពយ៉ែនឌ័រ និងសិទ្ធិរបស់ស្រ្តី និងក្មេងស្រី រដ្ឋបាលខេត្តកណ្តាល បានបង្កើនចំនួនស្រីនៅក្នុងមុខតំណែងគ្រប់គ្រងនៅក្នុងរចនាសម្ព័ន្ធដឹកនាំនៃរដ្ឋបាលក្រុង ស្រុក និងមន្ទីរអង្គភាព ព្រមទាំងបន្តលើកកម្ពស់សីលធម៌សង្គម តម្លៃស្ត្រី និងសុខុដុមរមនានៅក្នុងគ្រួសារ តាមរយ: ការទប់ស្កាត់អំពើហឹង្សាលើស្ត្រី និងកុមារ ទប់ស្កាត់រាល់ទម្រង់នៃការរើសអើងប្រឆាំងនឹងស្ត្រី និងអំពើហឹង្សាទាក់ទងនឹងយែនឌ័រ អំពើជួញដូរ និងកេងប្រវ័ញ្ចគ្រប់ទម្រង់ ពិសេស បានចាត់វិធានការក្នុងការទប់ស្កាត់ និងកាត់បន្ថយហានិភ័យនានា ដែលប៉ះពាល់ដល់សុវត្ថិភាព និងសេចក្តីថ្លៃថ្នូររបស់ស្ត្រី និងក្មេងស្រីនៅតាមប្រព័ន្ធបច្ចេកវិទ្យា និងអនឡាញ…

(ភ្នំពេញ)៖ ចាប់ពីព្រឹកម៉ោង ៧ជាងនៃថ្ងៃទី១៤ ខែ មិថុនា ឆ្នាំ ២០២៥ក្រុមអ្នកសារព័ត៌មាន កម្ពុជា-ថៃបានមកចាំយកព័ត៌មានយ៉ាងត្រៀបត្រានៃគណៈកម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា-ថៃ (JBC) ដែលបាន ចាប់ផ្តើមបើកកិច្ចប្រជុំនៅសណ្ឋាគារ សូហ្វីតែល ភូគិត្រា នារាជធានីភ្នំពេញ។ យ៉ាងហោចណាស់អ្នកសារព័ត៌មានថៃជិត ១០ស្ថាប័ន និងកម្ពុជាច្រើនស្ថាប័នមកចាំយកព័ត៌មានបញ្ហាដោះស្រាយព្រំដែនដែលកំពុងក្តៅគគុករវាងប្រទេសទាំង២នេះ។ គួរបញ្ជាក់ថា ក្នុងកិច្ចប្រជុំនេះសមាសភាពគណៈកម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា-ថៃ (JBC) ខាងកម្ពុជាមានឯកឧត្តមឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន ជាប្រធាន។ចំណែកខាងភាគីថៃមាន ឯកឧត្តម Prasas Prasasvinitchai ទីប្រឹក្សាក្រសួងការបរទេស ទទួលបន្ទុកកិច្ចការព្រំដែន ជាប្រធានគណៈប្រតិភូ ដើម្បីចរចាជាមួយកម្ពុជា ក្នុងកិច្ចប្រជុំ JBC នៅរាជធានីភ្នំពេញ ។ សូមជម្រាបថាមុននឹងបើកកិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា-ថៃ (JBC)គឺភាគីកម្ពុជា-ថៃ បានជួបប្រជុំចង្អៀតមួយដែលមានអ្នកចូលរួមត្រឹម ១០នាក់ប៉ុណ្ណោះ ដោយកម្ពុជាចំនួន ៥នាក់ និងថៃចំនួន ៥នាក់។ កិច្ចប្រជុំចង្អៀតនេះ ភាគីកម្ពុជា ដឹកនាំដោយ ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន ចំណែកភាគីរដ្ឋាភិបាលថៃ តំណាងដោយលោក…

(ព្រៃវែង)៖ ក្រុមការងារចុះជួយសហភាពសហព័ន្ធយុវជនកម្ពុជាស្រុកពារាំង ដឹកនាំដោយលោក មៀច វណ្ណៈ និងលោក សេង ម៉េងឡុង អនុប្រធានក្រុមការងារតំណាងឯកឧត្តម រាជ រ៉ា ប្រធានក្រុមការងារចុះជួយសភាពសហព័ន្ធយុវជនកម្ពុជាស្រុកពារាំង រួមជាមួយ លោក ចេម ប្រា អភិបាលស្រុកពារាំង សហការជាមួយកងកម្លាំងទាំងបី និងអាជ្ញាធរឃុំ បានរៀបចំដាំកូនឈើចំនួន ៤០០ដើម ស្ថិតនៅទីតាំងទួលព្រៃជ័ស ស្ថិតនៅក្នុងឃុំកំពង់ពពិល ស្រុកពារាំង ខេត្តព្រៃវែង នាព្រឹកថ្ងៃទី១៤ ខែមិថុនា ឆ្នាំ២០២៥ ។ លោកអភិបាលស្រុក លើកឡើងថា យុទ្ធនាការនេះ រៀបចំឡើងក្នុងគោលបំណងបំផុសស្មារតី និងពង្រឹងសមត្ថភាព សិស្ស និស្សិត និងយុវជន ក្នុងការឆ្លើយតបទៅនឹងការចូលរួមទប់ស្កាត់ការប្រែប្រួលអាកាសធាតុ និងលើកកម្ពស់ការដាំកូនឈើ ដើម្បីបង្កើនគម្របព្រៃឈើ និងជំរុញទេសចរណ៍ធម្មជាតិឱ្យកាន់តែមានភាពទាក់ទាញ និងផ្តល់ឱកាសដលយុវជន សិស្ស និស្សិត ក្លាយជាភ្នាក់ងារផ្សព្វផ្សាយ និងចូលរួមថែរក្សាធនធានធម្មជាតិ ។ លោក មៀច វណ្ណៈ និងលោក សេង ម៉េងឡុង បានឱ្យដឹងថា ដើមឈើ និងព្រៃឈើ បានផ្ដល់អត្ថប្រយោជន៍យ៉ាងសំខាន់សម្រាប់មនុស្សគ្រប់ៗរូប…

(ភ្នំពេញ)៖ ការចាក់ផ្សាយរឿងភាពយន្តថៃត្រូវបានហាមឃាតនៅលើអនឡាញគ្រប់ទម្រង់ និងស្ថានីយទូរទស្សន៍ថៃ ដែលមានចាក់រឿងភាពយន្តថៃនៅក្នុងបណ្តាញទូរទស្សន៍ខ្សែកាប្លិ៍ និងតាមផ្កាយរណបក៏ត្រូវបិទផងដែរ។នេះជាការបញ្ជាក់ពីសំណាក់ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន។ គួរបញ្ជាក់ថា ការលើកឡើងពីសំណាក់ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានបែបនេះធ្វើឡើងក្នុងជំនួបពិភាក្សាការងារ និងសំណេះសំណាលជាមួយតំណាងម្ចាស់ស្ថានីយទូរទស្សន៍ទាំងអស់នៅកម្ពុជាដើម្បីផ្សព្វផ្សាយពីវិធានការរបស់កម្ពុជាចំពោះមុខនៃការគំរាមកំហែងរបស់ថៃ។ ជាមួយគ្នានេះ ឯកឧត្តមរដ្ឋមន្រ្តីក្រសួងព័ត៌មាន ក៏បញ្ជាក់ប្រាប់អំពីការដាក់ចុះនូវវិធានការទាក់ទងនឹងវិស័យព័ត៌មាននិងសោតទស្សន៍នៅចំពោះមុខនេះមានដូចជា៖១-ក្រសួងព័ត៌មាន បានបញ្ជាឱ្យស្ថានីយទូរទស្សន៍ទាំងអស់បញ្ឈប់ការចាក់ផ្សាយរឿងភាពយន្តថៃគ្រប់ប្រភេទនៅលើកញ្ចក់ទូរទស្សន៍ចាប់ពីម៉ោង ១២ ថ្ងៃទី១២ ខែមិថុនា ឆ្នាំ២០២៥២-ក្រសួងវប្បធម៌និងវិចិត្រសិល្បៈណែនាំឱ្យក្រុមហ៊ុនចែកចាយភាពយន្តនិងរោងភាពយន្តទាំងអស់បញ្ឈប់ការនាំចូលនិងបញ្ឈប់ការចាក់បញ្ចាំងភាពយន្តថៃ នៅតាមរោងភាពយន្តរបស់ខ្លួន និងនៅតាមទីតាំងផ្សេងៗចាប់ពីម៉ោង១២ ថ្ងៃទី១៣ ខែមិថុនា៣-សហព័ន្ធកីឡាប្រដាល់គុនខ្មែរបានណែនាំឱ្យម្ចាស់ស្ថានីយទូរទស្សន៍និងក្រុមហ៊ុនដៃគូអភិវឌ្ឍន៍ត្រូវបញ្ឈប់ការចាប់គូរាល់កីឡាករ កីឡាការិនីជនជាតិថៃនៅគ្រប់ស្ថានីយទូរទស្សន៍ និងសង្វៀននានា ក្រោមការគ្រប់គ្រងរបស់សហព័ន្ធកីឡាប្រដាល់គុនខ្មែរ ចាប់ពីថ្ងៃទី១៣ ខេមិថុនា ឆ្នាំ២០២៥។ សូមបញ្ជាក់ថា ការបញ្ឈប់ការនាំចូល និងការចាក់បញ្ចាំងភាពយន្តថៃនេះដែរធ្វើឡើងបន្ទាប់ពីសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានជូនយោបល់ទៅកាន់រដ្ឋាភិបាលកម្ពុជា ជម្រុញឱ្យបិទការផ្សាយភាពយន្តថៃ និងការនាំទំនិញរបស់ថៃ មកកាន់កម្ពុជា ដើម្បីជាការឆ្លើយតបការព្រមានរបស់ថៃក្នុងការបិទអ៉ិនធើណែត និងផ្ដាច់អគ្គិសនី មកកម្ពុជានាពេលថ្មីៗមកនេះ៕ ដោយ ៖ ម៉ាដេប៉ូ