ភ្នំពេញ៖នៅថ្ងៃទី១០ ខែមិថុនា ឆ្នាំ២០២៥ឯកឧត្តម​អភិសន្តិ​បណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានធ្វើលិខិតទៅកាន់ឯកឧត្តម លោកជំទាវ អភិបាលនៃ​គណៈអភិបាល​ខេត្តជាប់ព្រំដែនកម្ពុជា-ថៃ ឱ្យយកចិត្តទុកដាក់​អនុវត្ត​កិច្ចការចាំបាច់មួយចំនួនក្នុងនោះ លើការការពារអធិប​តេយ្យ​ជាតិ បូរណភាពទឹកដី សន្តិសុខ សុវត្ថិភាព សណ្តាប់ធ្នាប់ របៀបរៀប​រយ​សាធារណៈ និងប្រក្រតីភាពនៅតាមបណ្តោយខ្សែ​បន្ទាត់​ព្រំដែនកម្ពុជា-ថៃ។សូមជូនខ្លឹមសារលិខិត៖

(ភ្នំពេញ)៖ សម្តេចមហាបវរធិបតី ហ៊ុន មាណែត ប្រមុខរាជរដ្ឋភិបាលកម្ពុជា បានចេញសេចក្តីសម្រេច ស្តីពី ការបង្កើតគណៈកម្មការរៀបចំឯកសារ ដើម្បីប្ដឹងទៅតុលាការយុត្តិធម៌អន្តរជាតិ (ICJ) ករណីតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាកបី ។ យោងតាមតម្រូវការចាំបាច់របស់រាជរដ្ឋាភិបាល ៖ ប្រការ១ . សម្រេច ត្រូវបានបង្កើតគណៈកម្មការរៀបចំឯកសារ ដើម្បីប្ដឹងទៅតុលាការយុត្តិធម៌អន្តរជាតិ ករណីតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ដែលមានសមាសភាពដូចខាងក្រោម៖ ១- ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ជាប្រធាន ។២- ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ជាអនុប្រធាន។៣- ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ជាអនុប្រធាន។៤- លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ជាអនុប្រធាន។៥-…

(នីស)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទទួលជួបពិភាក្សាការងារជាមួយឯកឧត្តម Robert Beugré Mambé នាយករដ្ឋមន្ត្រីនៃសាធារណរដ្ឋ Cote d’lvoire នាព្រឹកថ្ងៃទី១០ ខែមិថុនា ឆ្នាំ២០២៥ នៅទីក្រុងនីស ប្រទេសបារាំង។ រូបថត៖ បណ្ដាញសង្គមសម្តេចធិបតីដោយ ៖ វណ្ណលុក

(ភ្នំពេញ)៖ កាលពីរសៀលថ្ងៃទី៩ ខែមិថុនា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ បានអនុញ្ញាតជូនលោកស្រី Bridgette L. Walker ភារៈធារីស្ដីទីនៃស្ថានទូតសហរដ្ឋអាម៉េរិកប្រចាំកម្ពុជា និងសហការី ចូលជួបសម្ដែងការគួរសម និងពិភាក្សាការងារ នៅទីស្តីការក្រសួងប្រៃសណីយ៍និងទូរគមនាគមន៍។ ក្នុងជំនួបនេះ ឯកឧត្តមរដ្ឋមន្រ្តី បានជម្រាបជូនលោកស្រី ភារៈធារីស្ដីទី អំពីវឌ្ឍនភាពការងារដែលក្រសួងសម្រេចបាន នាពេលកន្លងមក។ ជាមួយគ្នានេះដែរ ឯកឧត្តមរដ្ឋមន្រ្តី និងលោកស្រីភារៈធារីស្ដីទី ក៏បានពិភាក្សាលើការងារធ្វើបរិវត្តកម្មរដ្ឋាភិបាលឌីជីថលនិងការធ្វើទំនើបកម្មស្ថាប័ន គំនិតផ្តួចផ្តើមរៀបចំបង្កើតសួនឌីជីថល ការបង្កើតមជ្ឈមណ្ឌលបច្ចេកវិទ្យាសហគមន៍ មជ្ឈមណ្ឌលបច្ចេកវិទ្យាឌីជីថល ការបណ្តុះបណ្តាលធនធានមនុស្សឌីជីថល ការដាក់ឱ្យប្រើប្រាស់ថ្នាលនិងកម្មវិធីរដ្ឋាភិបាលឌីជីថល ថ្នាលផ្ទៀងផ្ទាត់ឯកសារ verify.gov.kh ថ្នាលពហុបំណង DG SuperApp និងថ្នាលជាច្រើនទៀត ព្រមទាំងទស្សនកិច្ចរបស់គណៈប្រតិភូក្រសួងទៅកាន់ក្រុមហ៊ុន Plug and Play នៅតំបន់ Silicon Valley សហរដ្ឋអាមេរិក នាពេលថ្មីៗនេះ។ ឯកឧត្តមរដ្ឋមន្រ្តី និងលោកស្រីភារៈធារីស្ដីទី បានប្តេជ្ញាបន្តកិច្ចសហប្រតិបត្តិការជាមួយគ្នាឱ្យកាន់តែល្អប្រសើរបន្ថែមទៀត ៕ ដោយ៖ង៉ាន់ ទិត្យ

(នីស)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទទួលជួបពិភាក្សាការងារទ្វេភាគីជាមួយលោកជំទាវ Annelies Jan Louisa Verlinden រដ្ឋមន្រ្តីក្រសួងយុត្តិធម៌ នៃព្រះរាជាណាចក្របែលហ្សិក នាព្រឹកថ្ងៃទី១០ ខែមិថុនា ឆ្នាំ២០២៥ នៅទីក្រុងនីស ប្រទេសបារាំង ៕ រូបថត ៖ បណ្ដាញសង្គមសម្តេចធិបតីដោយ ៖ វណ្ណលុក

កំពង់ធំ៖ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជាអធិបតី​ក្នុងពិធីប្រកាសចូល​កាន់​តំណែងលោក តាន់ វាសនា ជាប្រធានមន្ទីរអភិវឌ្ឍន៍ជនបទខេត្តកំពង់ធំ ។ ក្នុងពិធីដែលបានប្រព្រឹត្តទៅនៅសាលប្រជុំសាលាខេត្តកាលពីថ្ងៃទី៩ ខែមិថុនាលោក តាន់ វាសនា បានថ្លែងអំណរ​គុណចំពោះសេចក្ដី​ទុកចិត្ត និងប្តេជ្ញាខិតខំបំពេញការងារដោយសុចរិតភាព ស្មោះត្រង់ រួមចំណែកជាមួយ​រដ្ឋបាលខេត្ត រាជរដ្ឋាភិបាលក្នុងការអភិវឌ្ឍ​សេដ្ឋកិច្ច​សង្គម និងកែលម្អជីវភាពប្រជាពលរដ្ឋ៕ ដោយ៖​ប៊ុន​រដ្ឋា

កំពង់ធំ៖លោកឧត្តមសេនីយ៍ត្រី កែវ ពិសិដ្ឋ ស្នងការរង​នគរបាល​ខេត្តកំពង់ធំ និងជាប្រធាន​ក្រុមបាល់ទាត់បេះដូង ប្រជាជន កាលពី​ថ្ងៃទី៩ ខែមិថុនា បានដឹកនាំក្រុម​​ធ្វើសកម្មភាពសប្បុរសធម៌ ដោយ​ចែកអំណោយ​ជូន​សិស្សក្រីក្រ និងកំព្រាចំនួន ១៦១នាក់ នៅសាលា​បឋមសិក្សាខ្សាច់ជីរស និងអនុវិទ្យាល័យកំពង់គោ ស្ថិតនៅឃុំកំពង់គោ ស្រុកកំពង់ស្វាយ ខេត្តកំពង់ធំ។ អំណោយដែលផ្តល់ជូនមាន សៀវភៅសរសេរ ប៊ិច ខ្មៅដៃ ស៊ីមី ភេសជ្ជៈ សាច់បាក់យ៉ុង ទឹកសុទ្ធ និងថវិកាមួយចំនួន។ក្នុងឱកាសនោះ លោកឧត្តមសេនីយ៍ត្រី កែវ ពិសិដ្ឋ បានថ្លែងអំណរ​គុណចំពោះថ្នាក់ដឹកនាំនានា និងសប្បុរសជន​ទាំងក្នុងនិងក្រៅខេត្ត ដែលបានគាំទ្រក្រុមបាល់ទាត់បេះដូងប្រជាជន ក្នុងការសម្រេចការងារ​សប្បុរសធម៌​ជាក់ស្តែងនេះ៕ដោយ៖​ប៊ុន​រដ្ឋា

បន្ទាយមានជ័យ៖គ្រឿងឧបភោគ បរិភោគមួយចំនួនធំ រួមជាមួយ​ឱសថផង ជាអំណោយរបស់ឯកឧត្តមសាស្ត្រាចារ្យ ម៉ម ប៊ុនហេង តំណាងរាស្ត្រមណ្ឌលរាជធានីភ្នំពេញនិងសប្បុរសជននានា ត្រូវបាន​លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរ​សុខា​ភិបា​លខេត្ត​បន្ទាយ​មានជ័យនិងប្រតិភូយកទៅប្រគល់ជូនកងទ័ពជួរមុខយោធភូមិភាគទី៥ ទិស​ខេត្តបន្ទាយមាន​ជ័យ។ ក្នុងពេលទទួលអំណោយកាលពីព្រឹកថ្ងៃទី១០ ខែមិថុនា ឆ្នាំ២០២៥ ឧត្តមសេនីយ៍ទោ ឈុន ម៉ៅ មេបញ្ជាការរង​យោធ​ភូមិភាគទី៥ និងជា​មេបញ្ជាការទិសទី១ ខេត្តបន្ទាយមានជ័យ តំណាងឱ្យឯកឧត្តម​មេបញ្ជាការ​យោធ​ភូមិភាគទី៥ បាន​ថ្លែងអំណរគុណយ៉ាង​ជ្រាលជ្រៅ​ជូន ប្រតិភូ មន្ទីរសុខាភិបាលខេត្តបន្ទាយមានជ័យ ពិសេស​ឯកឧត្តម​សាស្ត្រាចារ្យ ម៉ម ប៊ុនហេង តំណាងរាស្ត្រមណ្ឌលរាជធានីភ្នំពេញ ដែលជានិច្ចជាកាល​តែងតែគាំទ្រនិង​លើកទឹក​ចិត្តដល់កងទ័ពជួរមុខ។នេះ​គឺជាកាយវិការដ៏ប្រពៃថ្លៃថ្លាផ្សាភ្ជាប់សមរភូមិមុខ និងសមរភូមិ​ក្រោយ។ ​សូមជម្រាបថា អំណោយដែលលោកវេជ្ជបណ្ឌិត ឡេ ច័ន្ទសង្វាត នាំយកទៅប្រគល់ជូនមាន អង្ករ ត្រីខកំប៉ុង មី ទឹកសុទ្ធ ទឹកស៊ីអ៊ីវ ទឹកត្រី ពងទា ភេសជ្ជៈ បន្លែចម្រុះ សាច់​ជ្រូក​ សាច់ក្រក ត្រី​ចំហុយ៣កន្ត្រក ឆៃប៉ូវផ្អែម ត្រីងៀត មុងជ្រលក់ថ្នាំ ឱសថ និងសេរ៉ូមដោយ៖ឃិន គន្ធា

(ភ្នំពេញ)៖ ឆ្នាំនេះ ត្រីមានការសម្បូរ ឯទឹកទន្លេក៏មិនសូវខ្វះបើប្រៀបធៀបទៅនឹងឆ្នាំមុនៗ ធ្វើឱ្យអ្នកនេសាទមួយចំនួនតែងតែលួចឆ្មក់ចូល ទៅនេសាទក្នុងកន្លែងអភិរក្សទាំងនេះ នៅពេលដែលយើងមានការធ្វេសប្រហែស ។ នេះជាការលើកឡើងពីសំណាក់ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្មរុក្ខាប្រមាញ់ និងនេសាទ។ បញ្ជាក់ក្នុងពិធីចុះទៅពិនិត្យ និងសួរសុខទុក្ខមន្រ្តីជលផល កងកម្លាំងចម្រុះ នៅឃុំផាត់សណ្តាយ ខេត្តកំពង់ធំ នៅថ្ងៃ ០៩ មិថុនា ២០២៥ ឯកឧត្តម ប៉ែន ផល្លីកា ថ្លែងដោយបានធ្វើការកោតសរសើរ ចំពោះកិច្ចសហការចុះល្បាត ផ្សព្វផ្សាយ ត្រួតពិនិត្យ និងបង្រ្កាបបទល្មើសនេសាទយ៉ាងសស្រាក់សស្រាំដូចភ្លៀងរលឹម។ ឯកឧត្តមអនុរដ្ឋលេខាធិការក៏បានលើកឡើងថា”រៀងរាល់ថ្ងៃមន្រ្តីដែលប្រចាំការក្នុងភូមិសាស្រ្តជុំវិញបឹងទន្លេសាប ត្រូវតែសហការជាមួយកម្លាំងចម្រុះឱ្យកាន់តែស្អិតរមួត ចុះល្បាតរួមគ្នាដើម្បីឱ្យបេសកកម្មនេះកាន់តែមានប្រសិទ្ធភាព”។ ឯកឧត្តមបានណែនាំទៅមន្ត្រីជំនាញត្រួតពិនិត្យ និងជួយផ្សព្វផ្សាយឱ្យប្រជានេសាទ ក្នុងអន្តរកាលនៃរដូវបិទនេសាទ នៅក្នុងភូមិសាស្រ្តបឹងទន្លេសាប ពីឧបករណ៍នេសាទឱ្យបានត្រឹមត្រូវ ដើម្បីជួយអភិរក្ស និងអភិវឌ្ឍធនធានជលផលរបស់យើងឱ្យកាន់សម្បូរណ៍ថែមទៀត ធ្វើយ៉ាងណាឱ្យពួកគាត់អនុវត្តទៅតាមគោលការណ៍មួយដែលបានឯកភាពគ្នារវាងរដ្ឋបាលជលផល និងមេបញ្ជាការដែលទទួលបន្ទុកកិច្ចការនេះ។ ជាមួយគ្នានេះ ឯកឧត្តម អនុរដ្ឋលេខាធិការបានលើកឡើងដែរថាកន្លងមកនេះ ការបំពេញកាតព្វកិច្ចរបស់ក្រុមចម្រុះយើងតែងតែទប់ស្កាត់បានល្អ និងទាន់ពេលវេលា។ ឯកឧត្តមអនុរដ្ឋលេខាធិការ បានថ្លែងអំណរគុណក្រុមការងារចំពោះបេសកកម្មប្រកបដោយអត្ថន័យឆន្ទៈជាតិ និងតម្កល់ផលប្រយោជន៍ជាតិជាធំ ដើម្បីជួយទប់ស្កាត់បទល្មើស និងអភិរក្សធនធានជលផលក្នុងបឹងទន្លេសាប ដែលជាធនធានដ៏មានតម្លៃមិនអាចកាត់ថ្លៃបាន…