កំពង់ធំ៖ឯកឧត្តម នួន ផារ័ត្ន អភិបាលខេត្តកំពង់ធំបានអំពាវនាវ​ដល់​ប្រជាពលរដ្ឋដែលរស់នៅដងស្ទឹងសែនក្នុង ក្រុងស្ទឹងសែន សូមបញ្ឈប់ការសាងសង់លំនៅដ្ឋានដោយខុសច្បាប់ និងការ​បង្ហូរ​ទឹកកខ្វក់ចូលក្នុងទឹកស្ទឹងសែន ដែលប៉ះពាល់ដល់គុណភាពទឹក និងបង្កផលប៉ះពាល់ដល់វិស័យទេសចរណ៍។ ក្នុងពិធីសម្ពោធដាក់ឱ្យប្រើប្រាស់ផ្លូវបេតុងប្រវែងជាងមួយគីឡូម៉ែត្រស្ថិតនៅភូមិបល្ល័ង្កកើត សង្កាត់ដំរីជាន់ខ្លា ក្រុង​ស្ទឹងសែនកាល​ពីចុងសប្ដាហ៍កន្លងទៅនេះឯកឧត្តម នួន ផារ័ត្ន បានប្រាប់ដល់​ប្រជាពលរដ្ឋចូលរួមថា អាជ្ញាធរ​ខេត្ត​កំពង់ធំ​កំពុងអនុវត្តផែនការ​អភិវឌ្ឍក្រុងស្ទឹងសែនឱ្យក្លាយជាទីក្រុងទាក់ទាញទេសចរ និង​វិនិយោគទុន ជា​ពិសេស​​​​ក្នុងវិស័យកសិកម្ម និងទេសចរណ៍។ដូចនេះត្រូវតែមានភាពស្អាត និងសោភណភាពដែលផ្តើម​ចេញពី​យើងម្នាក់ៗ​​។ ឯកឧត្តមបានស្នើដល់ប្រជាពលរដ្ឋដែលរស់នៅ​អមដងស្ទឹងសែនក្នុងក្រុងស្ទឹងសែន សូមបញ្ឈប់ការសាង​សង់​លំនៅដ្ឋានដោយខុសច្បាប់និងការបង្ហូរទឹកកខ្វក់ចូលក្នុងទឹកស្ទឹងសែន ដែលប៉ះពាល់ដល់គុណភាពទឹក និងបង្ក​ផលប៉ះពាល់ដល់​វិស័យទេសចរណ៍ ។ទន្ទឹមនេះអាជ្ញាធរមូលដ្ឋានត្រូវអប់រំ​ផ្សព្វផ្សាយ​​ដល់ប្រជាពលរដ្ឋនិងទប់ស្កាត់​ទាន់ពេលវេលា​ក្នុង​ករណីបំពានណាមួយ ។ ទាក់ទងនឹងផ្លូវទើបសម្ពោធឯកឧត្តមអភិបាលខេត្ត បានក្រើន​រំលឹក​ដល់​ប្រជាពលរដ្ឋ និងអ្នកប្រើប្រាស់ផ្លូវទាំងអស់ ចូលរួម​ថែរក្សា ការពារផ្លូវ ដោយមិនដឹកជញ្ជូនទំនិញធ្ងន់លើសកំណត់ ព្រម​ទាំងគោរពច្បាប់ចរាចរណ៍ឱ្យបានខ្ជាប់ខ្ពួន៕ដោយ៖ ​ប៊ុន ​រដ្ឋា

(ភ្នំពេញ)៖ មជ្ឈមណ្ឌលផលិតភាពជាតិនៃកម្ពុជា ក្នុងគោលបំណងដើម្បីផ្សព្វផ្សាយ និងពង្រឹងសមត្ថភាពមន្ត្រីសាធារណក្នុងបំរើសេវាកម្មជូនប្រជាពលរដ្ឋឲ្យមានភាពរហ័សជាងមុន បានរៀបចំវគ្គបណ្តុះបណ្តាលនេះក្រោមប្រធានបទ «ការរចនាការងារវៃឆ្លាតសម្រាប់ធ្វើឲ្យប្រសើឡើងនូវផលិតភាពក្នុងសវិស័យសាធារណៈ» ។ វគ្គបណ្តុះបណ្តាលនេះ ធ្វើឡើងក្រោមការចូលរួមសហការពីអង្គការ APO ដែលមានរយៈពេល ៨ថ្ងៃ ចាប់ពីថ្ងៃទី២៩ ខែកញ្ញា ដល់ថ្ងៃទី០៦ ខែតុលា ឆ្នាំ២០២៥ នៅសណ្ឋាគាសាន់វ៉េ ក្នុងរាជធានីភ្នំពេញ ។ លោក អ៊ុំ សេរីវុទ្ធ ប្រធានមជ្ឈមណ្ឌលផលិតភាពជាតិ បានថ្លែងថា ការអភិវឌ្ឍអ្នកជំនាញផលិតភាពក្នុងវិស័យសាធារណៈ គឺពិតជាមានសារៈសំខាន់ណាស់ ដែលមិនត្រឹមតែសម្រាប់ការកែលម្អការផ្តល់សេវាសាធារណៈប៉ុណ្ណោះទេ ប៉ុន្តែក៏នឹងបង្កើនទំនុកចិត្តសាធារណជន និងធានាថា ធនធានត្រូវបានប្រើប្រាស់ប្រកបដោយប្រសិទ្ធភាពសម្រាប់ការអភិវឌ្ឍជាតិ ។ សិក្ខាសាលា ដែលធ្វើឡើងរយៈ៨ថ្ងៃនេះ រួមមាន៥ថ្ងៃ គឺជាការសិក្សាទ្រឹស្តី និង៣ថ្ងៃទៀត នឹងចុះទៅទស្សនកិច្ចនៅមជ្ឈមណ្ឌលផលិតភាពជាតិ ក្រសួងមុខងាសាធារណ និងសាលារាជធានីភ្នំពេញ ដើម្បីពិភាក្សាលើការរចនាការងារ និងការរៀបចំអង្គភាពរបស់ក្រសួង ។ អញ្ជើញធ្វើបទបង្ហាញ និងចែករំលែកចំណេះដឹងនៅក្នុងសក្ខាសាលានេះ គឺបណ្ឌិត Ali Rarazmand ជាអ្នកជំនាញការមកពីអង្គការ APO និងជាសាស្ត្រាចារ្យនៃសាកលវិទ្យាល័យ Florida សហរដ្ឋអាមេរិកផងដែរ ។ សិក្ខាកាមដែលបានចូលរួមសិក្សាក្នុងវគ្គបណ្តុះបណ្តាលនេះ…

សៀមរាប៖ ក្រុមប្រឹក្សាខេត្តសៀមរាបអាណត្តិទី៤ កាលពី​ថ្ងៃទី២៩ ខែកញ្ញា ឆ្នាំ២០២៥ បានអញ្ជើញ​ជួបសំណេះ​សំណាល,ស្ដាប់សំណូមពរ និងដោះស្រាយបញ្ហានានារបស់​ប្រជាពលរដ្ឋនៃស្រុកពួក ។ ជំនួបដែលបានប្រព្រឹត្តធ្វើក្នុងបរិវេណវត្តឥស្សរារាម ហៅ វត្តពួក ឯកឧត្តម តោ គឹមស៊ាន សមាជិកក្រុមប្រឹក្សាខេត្ត និងជាប្រធាន​ក្រុមការងារក្រុមប្រឹក្សាបានមានប្រសាសន៍ថា ការងារចុះ​មូលដ្ឋាន​​របស់ “ក្រុមការងារក្រុមប្រឹក្សា” គឺជា​កិច្ចការដ៏សំខាន់​មួយក្នុងការធានាថាតម្រូវការនិងបញ្ហាប្រឈមរបស់ប្រជាពលរដ្ឋត្រូវបានទទួលស្គាល់ និងដោះ​ស្រាយ​​ដោយអាជ្ញាធរមូលដ្ឋាន។ឯកឧត្តមបន្ថែមថាគោលបំណងស្នូលនៃការចុះមូលដ្ឋានគឺដើម្បីជួបសំណេះសំណាល និងសួរសុខទុក្ខ ,បង្កើតទំនាក់ទំនងជិត​ស្និទ្ធ​រវាងថ្នាក់ដឹកនាំខេត្ត និងប្រជាពលរដ្ឋដើម្បីស្វែងយល់ពីជីវភាព​រស់នៅ ។ ក្នុងឱកាសនោះដែរប្រជាពលរដ្ឋក៏ដូចជាអាជ្ញាធរមូលដ្ឋានដែលតំណាងឱ្យប្រជាពលរដ្ឋក៍បានមានមតិអំពីបញ្ហានិងសំណូមពរមួយចំនួនដែលទាក់ទងវិស័យផ្សេងៗហើយត្រូវបានលោក លោកស្រី ប្រធាន អនុប្រធាន ឬតំណាង មន្ទីរ​ពាក់ព័ន្ធបានធ្វើការបក​ស្រាយ និងពន្យល់ភ្លាមៗដែរ។ ការលើកឡើងទាក់ទងនឹងវិស័យអប់រំ ការងារបណ្ដុះបណ្ដាល​វិជ្ជាជីវៈ សុខាភិបាល រដ្ឋាករទឹក វប្បធម៌ និងវិចិត្រ​សិល្បៈ ការងារធម្មការនិងសាសនា ការងារវិស័យព័ត៌មាន ការងារកិច្ចការនារី ការងារសង្គមកិច្ច ជាដើម៕ ដោយ​៖ប៊ុន​រដ្ឋា

សៀមរាប៖មុងចំនួនបីពាន់មុង ទឹកស៊ីអ៊ីវ៥០កេស និងទឹកត្រី ៧៥យួរ ដែលជាអំណោយដ៏ថ្លៃថ្លារបស់លោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការសមាគមន៍កាយឬទ្ធិនារី​កម្ពុជា ត្រូវបានផ្តល់ជូនដល់ រដ្ឋបាល​ខេត្ត​សៀមរាបកាលពី​ព្រឹកថ្ងៃទី២៩ ខែកញ្ញា ឆ្នាំ២០២៥ ដើមី្បយកទៅធ្វើការចែក​ជូនដល់ប្រជាពលរដ្ឋភៀសសឹក​ដោយការឈ្លាន​ពានរបស់​ទាហានថៃនិងកំពុងរស់នៅបណ្ដោះអាសន្នតាមមណ្ឌលភៀសសឹកក្នុងភូមិសាស្ត្រខេត្តសៀមរាប ។ លោក ស៊ុន ចំណាន នាយករងរដ្ឋបាលសាលាខេត្តសៀមរាប​បាន​បញ្ជាក់ថា អំណោយ​ទាំងនេះអាជ្ញាធរខេត្តនឹង ធ្វើការបែង​ចែកជូនដល់បងប្អូនប្រជាពលរដ្ឋដែលកំពុងស្នាក់នៅតាមមណ្ឌលសុវត្ថិភាពតាមក្រុង ស្រុក ក្នុងខេត្ត។វត្តមានប្រជាពលរដ្ឋ​ទាំង​នេះ​ដោយសារសភាពការណ៍នៅតាមព្រំដែនមិនធានាបាន​សុវត្ថិភាពនៅឡើយ៕    ដោយ៖​ប៊ុន​រដ្ឋា

(ភ្នំពេញ)៖ ឯកឧត្ដមសេង ឌីណា រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានគូសបញ្ជាក់ថា៖”យោងតាមច្បាប់ទំនៀមទម្លាប់អន្តរជាតិស្តីពីសន្ធិសញ្ញា (Customary international law of treaties) និងយុត្តិសាស្ត្រនៃតុលាការអន្តរជាតិ ICJ (សាលដីកាក្នុងសំណុំរឿង Somalia v. Kenya, 2017), កិច្ចព្រមព្រៀងអន្តរជាតិជាលាយលក្ខណ៍អក្សរ ដែលចុះហត្ថលេខារវាងរដ្ឋ និងរដ្ឋ ដោយអនុលោមតាមច្បាប់អន្តរជាតិ គឺជាសន្ធិសញ្ញា បើទោះកិច្ចព្រមព្រៀងនោះត្រូវបានភាគីដាក់ចំណងជើងបែបណាក៏ដោយ។ ជាមួយគ្នានេះ ឯកឧត្តមបានលើកឡើងថា MOU ឆ្នាំ២០០០ ស្តីពីការវាស់វែង និងខ័ណ្ឌសីមាព្រំដែនគោក រវាងកម្ពុជា និងថៃ៖-ទោះបីមានឈ្មោះជា MOU ប៉ុន្តែជាកិច្ចព្រមព្រៀងអន្តរជាតិ ដែលមានតម្លៃដូចសន្ធិសញ្ញា-ត្រូវបានចុះបញ្ជីនៅអ.ស.ប. និងផ្សព្វផ្សាយជាផ្លូវការដោយអ.ស.ប. ស្របតាមមាត្រា ១០២ នៃធម្មនុញ្ញសហប្រជាជាតិ-មិនមានកាលបរិច្ឆេទផុតកំណត់-មិនមានបទប្បញ្ញត្តិចែង ឬបង្កប់ដោយតណ្ហីភាព (Imply) អំពីលទ្ធភាពក្នុងការលុបចោលជាឯកតោភាគី ឯកឧត្ដម សេង ឌីណា បានថ្លែងដោយបញ្ជាក់ដែរថា៖ដូច្នេះ MOU2000 ត្រូវមានសុពលភាពរហូតដល់កម្មវត្ថុរបស់វា គឺការវាស់វែង និងខ័ណ្ឌសីមាព្រំដែនគោករវាងកម្ពុជា និងថៃ ត្រូវបានធ្វើចប់សព្វគ្រប់ ដោយមិនមានរដ្ឋភាគីណាមួយ អាចលុបចោល MOU2000 ដោយមិនមានការឯកភាពពីរដ្ឋភាគីម្ខាងទៀតបាននោះទេ៕…

(ភ្នំពេញ)៖ នៅក្នុងឱកាសចូលជួបសម្តែងការគួរសមនិងពិភាក្សាការងារជាមួយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នាព្រឹកថ្ងៃទី៣០ខែកញ្ញា ឆ្នាំ២០២៥ នៅវិមានរដ្ឋសភា ឯកឧត្តម ម៉ាកូស ដូស រ៉េហ្ស ដា ខូលតា (Marcos dos Reis da Costa) ឯកអគ្គរដ្ឋទូតថ្មី នៃសាធារណរដ្ឋប្រជាធិបតេយ្យទីម័រខាងកើត បានថ្លែងអំណរគុណ សម្តេចតេជោ ហ៊ុន សែន និងកម្ពុជា ដែលបានជួយគាំទ្រដល់ប្រទេសទីម័រខាងកើតបានចូលជាសមាជិកទី១១ របស់អាស៊ានពេញសិទ្ធិនៅខែតុលាខាងមុខនេះ។ ឯកឧត្តម បញ្ជាក់ថា កម្ពុជា-ទីម័រខាងកើតជាមិត្តដ៏ល្អ ដែលបានជួយគ្នាក្នុងគ្រាលំបាក ហើយថ្នាក់ដឹកនាំប្រទេសទាំងពីរបានផ្លាស់ប្តូរទស្សនកិច្ចគ្នាទៅវិញទៅមក។ ជាពិសេសវត្តមានដ៏ខ្ពង់ខ្ពស់ របស់ សម្តេចតេជោ ហ៊ុន សែន ដែលបានបំពេញទស្សនកិច្ចផ្លូវការ និងមិត្តភាព នៅទីម័រខាងកើតកាលពីខែឧសភាកន្លងមកនេះ បានធ្វើឱ្យទំនាក់ទំនងប្រទេសទាំងពីរកាន់តែរឹងមាំឡើង។ សម្តេចមហារដ្ឋសភាធិការធិបតី ឃួន សុដារី បញ្ជាក់ថា កម្ពុជា និងទីម័រខាងកើត គឺជាមិត្តដ៏ជិតស្និទ្ធ មានបទពិសោធន៍ស្រដៀងគ្នា និងធ្លាប់ជាប្រទេសដែលរងគ្រោះដោយសារសង្គ្រាម ដូចគ្នា។ នៅឆ្នាំ២០២២ ក្នុងខណៈពេលដែលកម្ពុជាធ្វើជាប្រធានអាស៊ាន…