(ភ្នំពេញ)៖ ស្ថានទូតឥណ្ឌាប្រចាំនៅកម្ពុជា ដើម្បីលើកកម្ពស់ការរួបរួម និងពង្រីកភាពជាដៃគូមិត្តភាពជាសកល បានរៀបចំ ”ព្រឹត្តិការណ៍រត់អបអរសាទរការអភិវឌ្ឍន៍ប្រទេសឥណ្ឌា ឆ្នាំ២០២៥” (Viksit Bharat Run 2025) ក្នុងរាជធានីភ្នំពេញ ។ កម្មវិធីនេះបានរៀបចំដោយសហការជាមួយសមាគមឥណ្ឌានៃសហគ មន៍កម្ពុជា (IACC) ដែលមានអ្នកចូលរួមប្រមាណជាង ២០០នាក់ ជាជនជាតិឥណ្ឌា មកពីសមាគមឥណ្ឌានៃសហគម ន៍កម្ពុជា ភ្ញៀវបរទេស និងប្រជាពលរដ្ឋខ្មែរទូទៅ ដែលបានរត់ជុំគ្នា ក្នុងចំងាយ ៥គីឡូម៉ែត្រ ចាប់ផ្តើមពីមុខវត្តបុទុម របតាមបណ្តោយមាត់ទន្លេ និងត្រឡប់មកមុខវត្តបុទុមវិញ នៅថ្ងៃទី២៨ ខែកញ្ញា ឆ្នា២០២៥ ។ ឯកអគ្គរដ្ឋទូតឥណ្ឌា លោក Vanlalvawna Bawitlung ដែលអញ្ជើញចូលរួមក្នុងឱកាសនោះ បានថ្លែងថា រដ្ឋាភិបាលឥណ្ឌា បានរៀបចំគំនិតផ្តួចផ្តើមសហគមន៍ដ៏អស្ចារ្យនៃការរត់សម្រាប់ប្រទេសឥណ្ឌាអភិវឌ្ឍន៍ឆ្នាំ២០២៥ នេះ ដែលកម្មវិធីនេះ ក៏មានធ្វើឡើងដូចគ្នានៅក្នុងទីក្រុងចំនួន ១២៥ ដែលបានជ្រើសរើសទូទាំងពិភពលោក ដើម្បីលើកកម្ពស់ការរួបរួម និងពង្រីកភាពជាដៃគូជាសកល ។ កម្មវិធីរត់នេះទៀត ក៏បានបង្ហាញពីអភិបាលកិច្ចដែលមានការផ្លាស់ប្តូរ និងសមិទ្ធិផលសេដ្ឋកិច្ច ដែលមានការអភិវឌ្ឍន៍ប្រកបដោយបរិយាបន្ន នៃប្រទេសឥណ្ឌា ដោយមានបំណងពង្រឹងចំណងមិត្តភាព…

(ភ្នំពេញ)៖ ក្រសួងបរិស្ថាននៅថ្ងៃទី ២៩ ខែ កញ្ញា ឆ្នាំ២០២៥នេះបានបង្ហាញពីអត្ថបទ បរទេស ដើម្បីស្វែងយល់អំពីគ្រោះថ្នាក់កើតចេញពីសារជាតិបា្លស្ទិក។អត្ថបទនេះដែរបានបង្ហាញពីការវិវត្តនៃគ្រោងឆ្អឹង និង ភាពរឹងមាំរបស់វា មានតួនាទីសំខាន់សម្រាប់សុខភាពមនុស្សយើង។ យោងតាមប្រភពខាងលើនេះបានបញ្ជាក់ថាតាមរយៈការសិក្សាមួយនាពេលថ្មីៗនេះគេបានរកឃើញថា ទោះបីជាយើងរស់នៅក្នុងសម័យទំនើបស៊ីវីល័យ យ៉ាងណាក្តី ក៏បញ្ហាសុខភាពទាក់ទងនឹងកត្តាហានិភ័យថ្មីសម្រាប់ជំងឺឆ្អឹងមិនត្រូវបានបង្ហាញឱ្យឃើញទូលំទូលាយនៅឡើយ។ មីក្រូប្លាស្ទិក និងលម្អងប្លាស្ទិក (Micro-nanoplastics, MPs) បានបង្កជាបញ្ហាយ៉ាងខ្លាំងដល់បរិស្ថាន និងសុខភាព ដោយសារវាមានការរកើនឡើងច្រើននៅក្នុងបរិស្ថានជុំវិញ។ តាមរយៈគេហទំព័រ Springer Link បានផ្សាយអត្ថបទស្រាវជ្រាវ របស់ស្ថាប័ន Osteoporosis International បានឱ្យដឹងថា ការស្រាវជ្រាវលម្អិតមួយត្រូវបានធ្វើឡើងដើម្បីរកមូលហេតុដែល មីក្រូប្លាស្ទិក និងលម្អងប្លាស្ទិក MPs ប៉ះពាល់ទៅលើឆ្អឹង និងខួរឆ្អឹង នាពេលបច្ចុប្បន្ន និងបញ្ហាចម្បងដែលនាំឱ្យមានជំងឺឆ្អឹង ដូចជាជំងឺពុកឆ្អឹងជាដើម។ ការស្រាវជ្រាវបានបង្ហាញឱ្យឃើញលទ្ធផលគួរឱ្យព្រួយបារម្ភ ដោយសារធាតុ MPs នេះ ត្រូវបានគេរកឃើញនៅក្នុងជាលិកាឆ្អឹងរបស់មនុស្ស។ ក្នុងរយៈពេលប៉ុន្មានឆ្នាំចុងក្រោយនេះ MPs បានបង្កផលប៉ះពាល់ដល់លទ្ធភាពនៃការរីកចម្រើនរបស់កោសិកា ជំរុញឱ្យកោសិកាឆាប់ចាស់ ផ្លាស់ប្តូររូបរាងនៃកោសិកា ការផលិតជាលិកានៃស្រទាប់ខ្លាញ់និងឆ្អឹង ធ្វើឱ្យមានការប្រែប្រួលហ្សែន បង្កើនប្រតិកម្មលើការផលិតអុកស៊ីហ្សែនក្នុងកោសិកា បង្កឱ្យមានការរលាក និងជំរុញឱ្យឆ្អឹងពុកជាដើម ។…

(ភ្នំពេញ)៖ ក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន) កាលពីថ្ងៃទី ២៩ ខែ កញ្ញា ឆ្នាំ ២០២៥ បានរៀបចំ «វេទិកាជំនួបរវាងក្រុមការងារជំរុញការវិនិយោគក្នុងភូមិភាគឦសាន និង វិនិយោគិន» ក្រោមការដឹកនាំរបស់ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្ត្រី, រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និង ជាប្រធាន ក.វ.ឦសាន ដោយមានការចូលរួមពីសំណាក់ថ្នាក់ដឹកនាំរបស់ក្រសួង-ស្ថាប័ន និង រដ្ឋបាលខេត្តក្រចេះ, ស្ទឹងត្រែង, មណ្ឌលគិរី, និង រតនគិរីព្រមទាំងមន្ទីរពាក់ព័ន្ធ ក៏ដូចជាវិនិយោគិនជាតិ និង អន្តរជាតិ ជាច្រើនរ វេទិកាជំនួបនេះ ត្រូវបានរៀបចំក្នុងគោលបំណង ៖ (១) បន្តផ្សព្វផ្សាយអំពី «កម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសានឆ្នាំ ២០២៥-២០២៨», (២) ស្វែងយល់អំពីកាលានុវត្តភាពនៃការវិនិយោគក្នុងភូមិភាគឦសាន តាមរយៈ បទបង្ហាញអំពីសកម្មភាពវិនិយោគរបស់ក្រុមហ៊ុនកំពុងវិនិយោគស្រាប់, និង (៣) ពិគ្រោះយោបល់ដោយផ្ទាល់ រវាងវិនិយោគិននិង ក.វ.ឦសាន និង តំណាងរដ្ឋបាលខេត្តទាំងបួននៃភូមិភាគឦសាន អំពីបញ្ហាប្រឈម និង ដំណោះស្រាយសម្រាប់ការវិនិយោគ…

ភ្នំពេញ៖សម្ដេចតេជោ ហ៊ុន សែន បានប្រកាសថា រដ្ឋឈប់ផ្ដល់ដី​សម្បទានទៅក្រុមហ៊ុនឯកជនទៀតហើយ ដោយ​ទុកដីចែកជូន​ពលរដ្ឋក្រីក្រ អតីតយុទ្ធជន និងនិវត្តន៍ជន និងបានរំលឹក​ក្រសួង​រៀបចំដែនដី នគរូបនីយកម្មនិងសំណង់ ត្រូវផ្តល់ដីសង្គមកិច្ចឱ្យ​អតីតយុទ្ធជន និងនិវត្តន៍ជនដែលអត់ពិតប្រាកដ ។ សម្តេចអគ្គមហាសេនាបតីតេជោ ហ៊ុន សែន នាយឧត្តមសេនីយ៍​ផុតលេខផ្កាយមាស៥ ប្រមុខរដ្ឋស្ដីទី និងជាប្រធាន​សមាគម​អតីតយុទ្ធជនកម្ពុជាបានថ្លែងដូច្នេះក្នុងមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជា​ទូទាំង​ប្រទេសកាលពីព្រឹក​ថ្ងៃទី២៩ ខែកញ្ញា ឆ្នាំ២០២៥ នៅទីស្តីការក្រសួងមហាផ្ទៃ រាជធានីភ្នំពេញ ដោយមានការចូលរួម ពីសំណាក់សមាជិក​គណៈអចិន្ត្រៃយ៍ ថ្នាក់ដឹកនាំ សមាជិកសមាជិកា ជាតំណាង​អតីត​យុទ្ធជន និងនិវត្តជនគ្រប់ប្រភេទ ព្រមទាំងភ្ញៀវកិត្តិយស​សរុបប្រមាណ ៤០០នាក់ ។ សម្ដេចតេជោ ហ៊ុន សែន បានប្រកាសថា ចាប់តាំងពីឆ្នាំ២០១២​មក យើងមិនបានផ្ដល់ដីសម្បទានសេដ្ឋកិច្ច ឱ្យទៅ​ក្រុមហ៊ុនណា​ទៀតទេ ហើយយើងនឹងបន្ដមិនផ្ដល់ដីធ្លីសម្រាប់ក្រុមហ៊ុនបន្ដ​ទៀត​ទេ ។ បន្ថែមពីនោះទៀត សម្ដេច​តេជោបញ្ជាក់ថា ដីធ្លីដែល​រដ្ឋបានដកហូតមកវិញសម្ដេចបានណែនាំជាបន្ដបន្ទាប់ឱ្យរក្សាទុកដីធ្លី​នោះ គឺជាដីធ្លី​សម្រាប់ផ្ដល់សម្បទានសង្គមកិច្ច ជូនអ្នកខ្វះ​ដី ដែលក្នុងនោះ គឺមួយភាគក៏ត្រូវបានផ្ដល់សម្រាប់អតីតយុទ្ធជន ។ ក្នុងឱកាសដដែលនេះសម្ដេចតេជោ ក៏បានជំរុញដល់ក្រសួងរៀប​ចំដែនដី នគរូបនីយកម្ម និងសំណង់ និងគណៈ​កម្មការសម្បទាន​ដីសង្គមកិច្ចថ្នាក់ជាតិ ត្រូវបន្ដពិនិត្យវាយតម្លៃលើលទ្ធភាព…