ភ្នំពេញ៖ដើមឈើថ្មមួយដើម ដែលអ្នកជំនាញប៉ានស្មានថា មានអាយុកាល​ចន្លោះពី១០ម៉ឺនឆ្នាំ ទៅ២លានឆ្នាំ ត្រូវបាន​កំណាយរកឃើញនៅភូមិកាតូត ឃុំភុន ស្រុកសេសាន ខេត្តស្ទឹងត្រែង។ នេះបើតាមការវាយតម្លៃរបស់ លោក លឹម វណ្ណច័ន្ទ មន្ត្រីជំនាញ និងជាប្រធានការិយល័យបេតិកភណ្ឌវប្បធម៌​នៃ​នាយកដ្ឋានតំបន់បេតិកភណ្ឌ អគ្គនាយក​ដ្ឋាន​សហគមន៍មូលដ្ឋានក្រសួង​បរិស្ថាន។ ដោយមានកិច្ចសហការចម្រុះដោយមានការចូលរួមពីរដ្ឋបាលស្រុកសេសាន មន្ទីរវប្បធម៌ខេត្តស្ទឹងត្រែង មន្ទីរបរិស្ថាន​ខេត្តស្ទឹងត្រែង និងអ្នកជំនាញនៃ​ក្រសួងបរិស្ថានផង បានធ្វើកំណាយស្រាវជ្រាវដើមឈើថ្មនេះ ។ជាលទ្ធផល​បឋម កំណាយបានប្រវែង១៧.៥ម៉ែត្រ។ អ្នកជំនាញបានឱ្យដឹងទៀតថា សម្រាប់ដើមឈើថ្ម អាចមានប្រវែង ប្រហែល ៣០ម៉ែត្រ ឬ វែងជាងនេះ ខណៈដែល​កំណាយមិនទាន់រួច។ ដើមឈើនេះ កប់ក្នុងស្រទាប់ដីឥដ្ឋ និងថ្មបាយក្រៀម។ទាក់ទឹងនឹងការងារកំណាយនេះដែរ​នៅមិនទាន់បញ្ចប់នៅឡើយទេ។តាមគម្រោងនឹងបន្តធ្វើនៅឆ្នាំក្រោយទៀត។ ទីតាំងដើមឈើថ្មនេះ នឹងរៀបចំទៅជាកន្លែងទេសចរណ៍របស់សហគមន៍ ជនជាតិ ដើមព្រៅផងដែរ៕ ដោយ៖ង៉ាន់ ទិត្យ

កំពង់ចាម៖ឯកឧត្តម អ៊ុន ចាន់ដា អភិបាលខេត្តកំពង់ចាម និងសហការី នៅព្រឹកថ្ងៃចន្ទទី១៨ ខែសីហា ឆ្នាំ២០២៥ នេះបានអមដំណើរឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួងអប់រំយុវជន និងកីឡា និងជាប្រធានក្រុមការងារចុះមូលដ្ឋានស្រុកកងមាស អញ្ជើញចុះសួរសុខទុក្ខ នាំយកអំណោយ​មនុស្សធម៌​ដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ទៅជូនអ្នកស្រី អេន ស៊ីណា អាយុ ៣៨ឆ្នាំ ជាភរិយា វីរយុទ្ធជនជួរមុខ រស់នៅភូមិរាយប៉ាយកណ្តាល ឃុំរាយប៉ាយ ស្រុកកងមាស មានកូនក្នុង​បន្ទុកចំនួន២នាក់​មានគ្រួសារជាយុទ្ធជនឈ្មោះ ផុន សុធា កំពុងឈរជើងការពារព្រំដែនកម្ពុជានៅចំណុចមុំបី ខេត្តព្រះវិហារ​ ។ អំណោយដែលត្រូវបានផ្តល់ជូនមាន៖ម៉ូតូមួយគ្រឿង សម្ភារៈបរិក្ខារ គ្រឿងឧបភោគបរិភោគ និងថវិកាមួយចំនួន។ ទន្ទឹមនោះគម្រោងផ្ទះថ្មីមួយខ្នង និងបន្ទប់អនាម័យមួយ ក៏ត្រូវបានចាប់ចាក់គ្រឹះព្រមគ្នាផងដែរ ដែលតាមមេជាង​បានបញ្ជាក់ថា សំណង់នេះនឹងសាងសង់រួចរាល់នៅដើមខែក្រោយ៕ដោយ៖លី ពៅ

បាត់ដំបង៖បន្ទាប់ពីបានទទួលជោគជ័យនាពេលកន្លងមក ខណៈនេះសហគ្រិនខ្មែររួមគ្នាជាមួយសាកលវិទ្យា​ល័យ​ជាតិបាត់ដំបង(NUBB)បានរៀបចំនូវកម្មវិធីប្រកួតប្រជែងគំរូអាជីវកម្ម សហគ្រិនមហាវិទ្យាល័យនៃសាកលវិទ្យា​ល័យ​ជាតិបាត់ដំបងសម្រាប់រដូវកាលទី៣ (NUBB UniPreneur’s Business Model Competition Season ៣)។កម្មវិធីនេះរៀបចំឡើងក្នុងគោលបំណងលើកកម្ពស់នវានុវត្តភាពនិងសហគ្រិនភាពទៅដល់និស្សិត ដោយប្រែក្លាយ​នូវគំនិតច្នៃប្រឌិតរបស់និស្សិត ឱ្យក្លាយទៅជាផលិតផលឬសេវាកម្ម។ ក្នុងកម្មវិធីដែលរៀបចំឡើងនៅចុងសប្ដាហ៍មានការចូលរួមពីសហគ្រិននិស្សិត៤៨នាក់ និងម្ចាស់អាជីវកម្មចំនួន៤នាក់ ដែលមកពីក្រុងបាត់ដំបងក្រោមវត្តមានឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុក​​ជានាយកប្រតិបត្ដិនៃសហគ្រិនខ្មែរ , គណៈគ្រប់គ្រងសាលា, សាស្ត្រាចារ្យ, ក្រុមនិស្សិត​បេក្ខជន,និស្សិត និងភ្ញៀវ​កិត្តិយសជាង ១០០ នាក់ ។ តាមរយ:នៃកម្មវិធីប្រកួតប្រជែងគំរូអាជីវកម្មនេះ ក្រុមនិស្សិតចំនួន៤៨នាក់ក្នុងចំណោម ១១ក្រុម ដែលមាន​សមត្ថភាព​​បានធ្វើបទបង្ហាញនូវគំនិតធុរកិច្ចថ្មី ជូនដល់ក្រុមគណៈកម្មការ ដែលជាសហគ្រិនមានបទពិសោធន៍ និងជា អ្នកដឹកនាំក្នុងវិស័យនវានុវត្តន៍ ជាច្រើនរូប។ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលបានបញ្ជាក់ទៅកាន់អ្នកចូលរួមថា​កម្មវិធីថ្ងៃនេះ យុវសិស្ស​មានឱកាសបង្កើតនវានុវត្តន៍ថ្មី ដើម្បីទុកជាទុនសម្រាប់គំនិតច្នៃប្រឌិតថ្ងៃក្រោយ ដែល​ជាការ​អភិវឌ្ឍ​មូលធនមនុស្ស ស្របតាមយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា។ ចំណែកឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបងបានផ្តល់នូវអនុសាសន៍​គន្លឹះ​ថា«ដើម្បីអភិវឌ្ឍសហគ្រាសពីធុនតូច ទៅជាធុនមធ្យម និងពីធុនមធ្យមទៅជាធុនធំ និង ចុងក្រោយ ក្លាយជាក្រុម​ហ៊ុនអន្តរជាតិ។សហគ្រាសត្រូវការធាតុបីសំខាន់គឺហិរញ្ញវត្ថុ បច្ចេកវិទ្យា…

នាព្រឹកថ្ងៃអាទិត្យ ទី១៧ ខែសីហា ឆ្នាំ២០២៥ បន្ទាប់ពីទទួលបានបណ្តឹងពីអ្នកប្រើប្រាស់ ពាក់ព័ន្ធការច្នៃបន្លំប្រើបាកូដ (Barcode) កម្ពុជា (884) បិតលើបាកូដថៃ (885) នៃសំបកវេចខ្ចប់ផលិតផលទឹកដោះគោម៉ាក Kofi ។ មន្រ្តីនៃអគ្គនាយកដ្ឋាន ក.ប.ប. បានចុះទៅត្រួតពិនិត្យដល់ទីតាំងដាក់បង្ហាញលក់ (Showroom) របស់ក្រុមហ៊ុន ដែលស្ថិតនៅផ្លូវម៉ៅសេទុង ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ បានរកឃើញថាពិតជាមានការបន្លំបិតបាកូដលើផលិតផលនោះនិងមានការទទួលស្គាល់ពីម្ចាស់ផលិតផលប្រាកដមែន។ តាមរយៈកិច្ចសហការពីម្ចាស់ផលិតផល មន្រ្តីនៃអគ្គនាយកដ្ឋាន ក.ប.ប. នៃក្រសួងពាណិជ្ជកម្ម បានបន្តចុះទៅត្រួតពិនិត្យនៅទីតាំងឃ្លាំងស្តុកទុកផលិតផល ដែលមានអាស័យដ្ឋានស្ថិតនៅម្តុំផ្សារដើមថ្កូវ ក្នុងសង្កាត់បឹងត្របែក និងបានរកផលិតផលទឹកដោះគោម៉ាក Kofi សរុបទាំងអស់ចំនួន ២០៥កេស ក្នុងនោះបិតរួចមានចំនួន ១៤៤កេស និងមិនទាន់បិតមានចំនួន ៦១កេស ដោយម្ចាស់ផលិតផលបានសារភាពថា បានធ្វើការចែកចាយលក់បន្តទៅតាមបណ្តាខេត្តចំនួន៦ និងបានផ្តល់នូវឯកសារពាក័ព័ន្ធនៃការនាំចូលផលិតផលដល់សមត្ថកិច្ចក.ប.ប. ដើម្បីត្រួតពិនិត្យ។ ជាវិធានការបន្ទាន់របស់ក្រុមការងារ៖១. តម្រូវឱ្យម្ចាស់ទំនិញប្រមូលផលិតផលដែលមានបិតបាកូដទាំងអស់ត្រឡប់មកវិញ ពីបណ្តាគោលដៅ លក់ ចែកចាយ ទាំងនៅក្នុងរាជធានីភ្នំពេញ និងតាមខេត្តពាក់ព័ន្ធក្នុងរយៈពេលពីរថ្ងៃ ដោយមន្រ្តីអគ្គនាយកដ្ឋាន ក.ប.ប. នឹងចុះតាមឃ្លាំពិនិត្យចំពោះសកម្មភាពនេះ។២. តម្រូវឱ្យបកស្ទីកឃ័របាកូដកម្ពុជា ចេញពីផលិតផលទាំងអស់…

សៀមរាប៖ព្រះសង្ឃខេត្តសៀមរាប ដឹកនាំដោយព្រះបវរវិជ្ជា ទេព ភឿន ព្រះវិន័យធរគណខេត្តសៀមរាប កាលពីរសៀលថ្ងៃទី១៦ ខែសីហាឆ្នាំ២០២៥ បាននាំយក វិទ្យុទាក់ទង នឹងសម្ភារៈប្រើប្រាស់ប្រចាំថ្ងៃជាច្រើនមុខ ដែលជាជំនួយឧបត្ថម្ភពីសប្បុរសជនខ្មែរសហរដ្ឋអាមេរិក ផ្តួចផ្តើមដោយព្រះតេជគុណ គង់ ហែមរង្សី ព្រះចៅអធិការវត្តខេមរារាមសហរដ្ឋអាមេរិក តាមរយៈព្រះសច្ចានុបាល នឿម វុទ្ធី ព្រះគ្រូចៅអធិការវត្តស្វាយរមៀត ក្រុងសៀមរាប យកទៅផ្តល់ជូនវីរកងទ័ពជួរមុខតាមខ្សែបន្ទាត់ព្រំដែននៃខេត្តឧត្តរមានជ័យ។ ព្រះសច្ចានុបាល នឿម វុទ្ធី បានមានសង្ឃដីកាថា ក្នុងស្មារតីខ្មែររួបរួមសាមគ្គីគ្នា លើកទឹកចិត្តដល់បងប្អូនកងទ័ពដែលកំពុងឈរជើងតាមបន្ទាត់ព្រំដែនការពារបូរណភាពទឹកដីពីការឈ្លានពានពីប្រទេសថៃព្រះតេជគុណ គង់ ហែមរង្សី ព្រះចៅអធិការវត្តខេមរារាម រួមជាមួយសប្បុរសជនខ្មែរនៅសហរដ្ឋអាមេរិក ទោះបីជានៅឆ្ងាយពីស្រុកកំណើត ប៉ុន្តែនៅតែមានទឹកចិត្ត ទឹកព្រះទ័យ ចូលរួមលើកទឹកចិត្តដល់កងទ័ព ដែលមានដូចជា វិទ្យុទាក់ទង នឹងសម្ភារៈប្រើប្រាស់ប្រចាំថ្ងៃជាច្រើនមុខ។ការផ្តល់ជូននូវសម្ភារៈទាំងនេះ មិនមែនថា រាជរដ្ឋាភិបាលខ្វះខាតនោះទេ តែជាការចូលរួមជួយឧបត្ថម្ភបន្ថែម។ ព្រះអង្គបានបន្តថា យើងពិតជាមានមោទកភាពចំពោះវីរកងទ័ព ពោរពេញដោយឆន្ទៈ មនសិការ ស្មារតីក្លាហាន និងសេចក្តីស្មោះត្រង់ចំពោះជាតិ ដែលពួកគាត់បានសុខចិត្តយកទ្រូងពាំងគ្រាប់រំសេវ និងអាវុធគ្រប់ប្រភេទ ប្តូរយកសុខសន្តិភាពជូនប្រជាជនកម្ពុជាទាំងមូល ដែលយើងអាចសម្រានលក់ ហូបឆ្ងាញ់ ប្រកបដោយស្នាមញញឹម និងភាពកក់ក្តៅជាមួយក្រុមគ្រួសារ៕ដោយ: ប៊ុន…