ភ្នំពេញ៖ប្រមុខរាជរដ្ឋាភិបាលនៃព្រះរាជាណាចក្រកម្ពុជា សម្ដេចមហា បវរធិបតី ហ៊ុន ម៉ាណែត​ នៅថ្ងៃទី៧ ខែសីហា ឆ្នាំ២០២៥​បានផ្ញើលិខិត ផ្លូវការទៅគណៈកម្មការពានរង្វាន់ណូបែលសន្តិភាព ដើម្បីគាំទ្របេក្ខភាព ឯកឧត្តមប្រធានាធិបតី អាមេរិក ដូណាល់ ត្រាំ សម្រាប់ពានរង្វាន់ណូបែល សន្តិភាព។ ជាមួយគ្នានេះលើបណ្ដាញសង្គមហ្វេសប៊ុកនារាត្រីថ្ងៃទី៧ ខែសីហានេះ សម្ដេចធិបតី ហ៊ុន ម៉ាណែត បានបង្ហោះសារដែល​មានខ្លឹមសារដូច្នេះថា “ត​បតាមសំណូមពររបស់ប្រជាពលរដ្ឋខ្មែរទាំងក្នុងនិងក្រៅប្រទេស និង ដើម្បីជាការថ្លែង​អំណរ​គុណចំពោះឯកឧត្តមប្រធានាធិបតី Donald Trump ដែលឯកឧត្តមបានយកចិត្តទុកដាក់ដោយផ្ទាល់ ក្នុងការផ្ដួច ផ្ដើមនិង​ជំរុញឲ្យមានបទឈប់បាញ់គ្នារវាងកងទ័ពកម្ពុជានិងកងទ័ពថៃ និងបន្តតាមដានការអនុវត្តបទឈប់បាញ់រហូត​ដល់មាន​សន្តិភាព​ពេញលេញរវាងប្រទេសទាំងពីរ ខ្ញុំក្នុងនាមជានាយករដ្ឋមន្ត្រីនៃ ព្រះ រាជាណាចក្រកម្ពុជា បានផ្ញើលិខិតជាផ្លូវការ​ទៅគណៈកម្មការពានរង្វាន់ ណូបែលសន្តិភាព ដើម្បីគាំទ្របេក្ខភាពឯកឧត្តមប្រធានាធិបតី Donald Trump សម្រាប់​ពានរង្វាន់ណូបែលសន្តិភាព”។ លិខិតទៅកាន់គណៈកម្មការពានរង្វាន់ណូបែលសន្តិភាពនេះ បាន កើតឡើងតែប៉ុន្មានម៉ោងបន្ទាប់ពី កិច្ចប្រជុំវិសាមញ្ញ​គណៈកម្មាធិការ​ព្រំដែនទូទៅកម្ពុជា-ថៃ (GBC)បានប្រព្រឹត្តទៅប្រកបដោយ ជោគជ័យ និងផ្លែផ្កា ដោយភាគី​ទាំងពីរ​ក៏បានឯកភាពលើលក្ខខណ្ឌនៃបទឈប់បាញ់ និងការរៀបចំយន្តការសម្រាប់អនុវត្តនូវលក្ខខណ្ឌ ១៣ចំណុច ក្រោមការ​ចូលរួមសង្កេតការណ៍ពី ម៉ាឡេស៊ី សហរដ្ឋអាមេរិក និងសាធារណរដ្ឋ ប្រជាមានិតចិន…

(ភ្នំពេញ)៖ ក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC)ដែលប្រព្រឹត្តទៅនៅប្រទេសម៉ាឡេស៊ី បានព្រមព្រៀងគ្នាលើលក្ខខណ្ឌដោយ រក្សាកងកម្លាំងរបស់ខ្លួននៅក្នុងទីតាំងបច្ចុប្បន្នដោយមិនអនុញ្ញាតឱ្យផ្លាស់ទី ហួសពីទីតាំងដែលខ្លួនបានឈរជើងក្នុងពេលកិច្ចព្រមព្រៀងបទឈប់បាញ់បានចូលជាធរមាននៅម៉ោង ២៤,០០ថ្ងៃទី ២៨ ខែកក្កដា ឆ្នាំ២០២៥ឡើយ ។ ថ្លែងក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅរសៀលថ្ងៃទី៧ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិកម្ពុជាបានថ្លែងថា ចំពោះលទ្ធផលការព្រៀងព្រៀងនេះដែរ គឺ ភាគីទាំងពីរត្រូវតែចៀសវាងដាច់ខាតរាល់ការបាញ់គ្នា ដោយគ្មានមូលហេតុច្បាស់លាស់លើទីតាំងឬកងទ័ពភាគីម្ខាងទៀត។ ហើយភាគីទាំងពីរមិនត្រូវរំលោភបំពានលើកិច្ចព្រមព្រៀងនេះឡើយទោះក្នុងស្ថានការណ៍ណាក៏ដោយ។ អ្នកនាំពាក្យក្រសួងការពារជាតិថ្លែងបញ្ជាក់បន្ថែមថា ភាគីទាំងពីរឯកភាពគ្នាថា មិនបង្កើនកម្លាំងបន្ថែម តាមបណ្តោយព្រំដែន។ ការពង្រឹងកម្លាំង នឹងបង្កើនភាពតានតឹង និងប៉ះពាល់ជាអវិជមានដល់កិច្ចខិតខំប្រឹងប្រែងយៈពេលវែងក្នុងការដោះស្រាយជម្លោះ ។ ជាមួយគ្នានេះភាគីទាំងពីរឯកភាពគ្នាថា មិនគួរសាងសង់ ឬពង្រីកហេដ្ឋារចនាសម្ព័ន្ធយោធា ឬទីតាំងការពារខ្លួនលើសពីផ្នែកខ្លួនឯងឡើយ ៕ ដោយ ៖ ម៉ាដេប៉ូ

ភ្នំពេញ៖ សម្តេចតេជោ ហ៊ុន សែន តាមរយៈបណ្ដាញសង្គមនាយប់ថ្ងៃទី៦ ខែសីហា ឆ្នាំ២០២៥ បានសូមកុំឱ្យពង្រីករឿងថៃបានអាវុធមកពីណា ហើយរឿងប៉ងធ្វើឃាតខ្ញុំ និងសម្តេចធិបតី ពិបាកឱ្យជឿណាស់ ។ សម្ដេចតេជោ ហ៊ុន សែន បានបញ្ជាក់លើបណ្ដាញសង្គមដថា ប៉ុន្មានថ្ងៃនេះមានការផ្សព្វផ្សាយព័ត៌មានពីរគឺទីមួយទាក់ទងដល់ការផ្តល់ជំនួយដ្រូនរបស់ជប៉ុនឲ្យថៃ ការផ្តល់ដ្រូនពីចិនឲ្យកម្ពុជា និងការលក់គ្រាប់និងយន្តហោះពីកូរ៉េខាងត្បូងឲ្យថៃ ដើម្បីធ្វើឃាដលើ ហ៊ុន សែន និងហ៊ុន ម៉ាណែត។ ទីពីរគឺការរៀបចំផែនការធ្វើឃាដពីសំណាក់មេដឹកនាំថៃមកលើខ្ញុំ និងនាយករដ្ឋមន្ត្រី ហ៊ុន ម៉ាណែត។ បញ្ហាទាំងពីរនេះបើមិនមានការបកស្រាយឬរំលត់ទេ វានឹងក្លាយជាបញ្ហាធំសម្រាប់ថ្ងៃក្រោយ។ ដូចនេះខ្ញុំសូមធ្វើការបកស្រាយដូចខាងក្រោម៖ ១. រឿងដ្រូន និងអាវុធ ឬយន្តហោះទោះកម្ពុជា ឬថៃ បានមកពីប្រភពណាក៏ សូមមេត្តាកុំពង្រីកបញ្ហាចេញផុតពីជម្លោះរវាងកម្ពុជា និងថៃទៅកាន់ប្រទេសផ្សេង ក្នុងពេលប្រទេសទាំងនោះកំពុងជួយដល់ការបញ្ឈប់ជម្លោះ និងគាំទ្រដល់ការឈប់បាញ់ និងជំរុញឲ្យមានសន្តិភាពឡើងវិញរវាងប្រទេសទាំងពីរកម្ពុជា-ថៃ។ ២. រឿងផែនការធ្វើឃាតរបស់មេដឹកនាំថៃមកលើរូបខ្ញុំ និងនាយករដ្ឋមន្ត្រី ហ៊ុន ម៉ាណែត រឿងនេះពិបាកជឿណាស់ បើទោះបីជាមេដឹកនាំថៃស្អប់ ឬមិនចូលចិត្តខ្ញុំ និង ហ៊ុន ម៉ាណែត ក៏ដោយក៏មេដឹកនាំថៃមិនទាន់ឈានដល់កំរិតអគុណធម៌មករៀបចំផែនការសម្លាប់ខ្ញុំ និងហ៊ុន…

បន្ទាយមានជ័យ៖ប្រជាពលរដ្ឋ៧៥គ្រួសារ ដែលជម្លៀសពីទីតាំងតាមជាយ​ដែនក្នុងភូមិសាស្រ្តស្រុកស្វាយចេក មកកាន់ទីកន្លែងសុវត្ថិភាពស្នាក់នៅ​បណ្ដោះអាសន្ននៅវត្តប្រាសាទភាស ភូមិភាសត្បូង ឃុំសារង្គ ស្រុកស្វាយចេក ខេត្តបន្ទាយមានជ័យបានទទួលការចុះសួរសុខទុក្ខឯកឧត្តម ភួង សោភា និងលោកជំទាវ គង់ សុធីរី រដ្ឋលេខាធិការ​ក្រសួងអភិវឌ្ឍន៍ជនបទ ឯកឧត្តមឌូ ដាលីតូ អនុរដ្ឋលេខាធិការក្រសួងអភិវឌ្ឍន៍ជនបទ និងលោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ និងក្រុមការងារជាច្រើនរូប។ ក្នុងដំណើរសួរសុខទុក្ខនិងផ្តល់អំណោយនៅថ្ងៃទី៦ ខែសីហា ឆ្នាំ២០២៥ ឯកឧត្តមភួង សោភា​បាននាំនូវ​ប្រសាសន៍​ផ្ដាំផ្ញើសួរសុខទុក្ខពីសំណាក់​សម្ដេចតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត សម្ដេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ព្រមទាំងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍​ជនបទ​។ អំណោយដែលចែកជូនមានសម្ភារៈប្រើប្រាស់និងថវិកាមួយចំនួន។ ដោយឡែកនៅថ្ងៃដដែលនោះឯកឧត្តមភួង សោភា និងមន្រ្តីចូលរួម​បានអញ្ជើញបន្តចុះសួរសុខទុក្ខ និងនាំយក​អំណោយ​ជូនដល់បងប្អូន​វីរយុទ្ធជនចំនួនពីរនាក់ និងនគរបាលការពារព្រំដែនបីនាក់ ដែលរងផល​ប៉ះពាល់ផ្សែង​ពុលរបស់ទាហានថៃដែលកំពុងសម្រាកព្យាបាល​នៅមន្ទីរពេទ្យ​មិត្តភាពកម្ពុជា-ជប៉ុន ស្រុកមង្គលបូរី៕ ដោយ៖ឃិន គន្ធា

សៀមរាប​៖គិតមកត្រឹមល្ងាចថ្ងៃទី៥ ខែសីហា ឆ្នាំ២០២៥ ខេត្តសៀមរាប មានពលរដ្ឋជាជនភៀសសឹក​ចំនួន ១៦ ៧១២គ្រួសារ ស្មើនឹង ៥៥ ៨៤៨នាក់ ត្រូវបានជម្លៀសមកកាន់ទីតាំងសុវត្ថិភាពតាមបណ្ដាក្រុង ស្រុក នៅក្នុង​ខេត្តសៀមរាប។នេះយោងតាមរបាយការណ៍របស់រដ្ឋបាលខេត្តសៀមរាប ។ របាយការណ៍ដដែលបង្ហាញថា ក្នុងចំណោម ១៦.៧១២គ្រួសារខាងលើ មានអ្នកកំពុងស្នាក់នៅតាមបណ្ដាទីតាំង​សុវត្ថិភាព​ដែលរៀបចំដោយរដ្ឋបាលខេត្ត និងរដ្ឋបាលក្រុងស្រុកចំនួន ៨.២៧៥គ្រួសារស្មើនឹង ២៨.៣៤៥នាក់ និងចំនួន​៨.៤៣៧គ្រួសារ ស្មើនឹង ២៧.៥០៣នាក់ បានកំពុងស្នាក់នៅ​តាមផ្ទះ​ប្រជា​ពលរដ្ឋ។ជាមួយគ្នានោះដោយ​សារស្ថានភាពព្រំដែនមានភាពពុំច្បាស់លាស់ មានពលរដ្ឋភៀសសឹកចំនួន ៤.៥៧១គ្រួសារ ស្មើនឹង ១៦.៣៦២នាក់ បាន​ត្រឡប់​មកស្នាក់នៅតាមទីតាំងនានាក្នុងខេត្តសៀមរាបជាថ្មី របាយការណ៍ដដែលបង្ហាញថា ដោយសារស្ថានភាពកើនឡើងនេះចំនួនអ្នកវិលត្រឡប់នេះ អាជ្ញាធរក៏បានជួប​បញ្ហា​មួយចំនួន ដូចជាពុំមានសម្ភារប្រើប្រាស់គ្រប់គ្រាន់ ដូចជាមុង ភួយ ថ្នាំមូស ធុងទឹក សម្ភារផ្ទះបាយ ខ្វះខាតបន្ទប់ទឹក បង្គន់អនាម័យ ទឹកស្អាត អគ្គិសនី និងការពារសត្វអាសិរពិសដើម។ ជាមួយនឹងការខ្វះខាតនេះដែរ ក្រោយមានការ​អំពាវនាវរបស់រដ្ឋបាលខេត្ត សប្បុរសជនទាំងក្នុង និងក្រៅប្រទេស នៅតែបន្តនាំយកនូវអំណោយ ជាគ្រឿងឧបភោគ​បរិភោគ សម្ភារប្រើប្រាស់ និងថវិកា ហើយរដ្ឋបាលខេត្តក៏បន្តនាំយកទៅជួយឧបត្ថម្ភដល់បងប្អូន​ជាជនភៀសសឹកជាបន្តបន្ទាប់ផងដែរ  ។  ដោយឡែកចំពោះបញ្ហាកុមារ…

ព្រះវិហារ៖ គិតរហូតមកដល់ពេលនេះ យ៉ាងហោចណាស់មានមណ្ឌលជនភៀសសឹក សរុប១៩កន្លែង នៅខេត្តព្រះវិហារ។ ក្នុងចំណោមស្រុកទាំងអស់នៅខេត្តមួយនេះពលរដ្ឋដែលរស់នៅស្រុកជាំក្សាន្តបានមករស់នៅមណ្ឌលសុវត្តិភាពច្រើនជាងគេដោយសារការវាយប្រហារពីសំណាក់ភាគីថៃឈ្លានពាន។ នេះបើតាមការបញ្ជាក់ពីសំណាក់ ឯកឧត្តម មិន ស៊ីថា អភិបាលរងនៃគណៈអភិបាលខេត្តព្រះវិហារ។ ថ្លែងប្រាប់បណ្តាញសារព័ត៌មាននៅមណ្ឌលសុវត្ថិភាពជនភៀសសឹក ស្ថិតនៅវត្តទួលអណ្ដែត ភូមិថ្មី ឃុំថ្មី ស្រុក គូលែន ខេត្តព្រះវិហារនារសៀ់លថ្ងៃទី ០៥ ខែ សីហា ឆ្នាំ ២០២៥កន្លងមក ឯកឧត្តម មិន ស៊ីថា បានឱ្យដឹងថា ប្រជាពលរដ្ឋរស់នៅស្រុកជាំក្បាន្តទាំងមូល ទទួលរងនូវផលលំបាកខ្លាំង ដោយសារជម្លោះព្រំដែនរវាងកម្ពុជា-ថៃ នាពេលកន្លងមក។ ក្នុងចំណោមពលរដ្ឋរស់នៅស្រុកជាំក្សាន្ត ដែលមាន ៨ឃុំ ពលរដ្ឋស្ទើរទាំងអស់បាននាំគ្រួសារជម្លៀសចេញពីស្រុកភូមិ។ លោកបានប្រាប់ថា ៖ «ពលរដ្ឋបានសម្រុកមករស់នៅតាម មណ្ឌលភៀសខ្លួនចាប់តាំងតែពីថ្ងៃទី២៤ ខែកក្កដា ឆ្នាំ២០២៥មកម្ល៉េះ ដែលថៃវាយប្រហារមកលើកម្ពុជា ហើយចំនួននេះមិនទាន់មានការថមថយគួរកត់សម្គាល់នោះទេ»។ យ៉ាងណាក្តី ឯកឧត្តម អភិបាលរងខេត្តព្រះវិហារ បានបញ្ជាក់ប្រាប់ថា ក្នុងចំណោមពលរដ្ឋដែលជាជនភៀសសឹកក្នុងស្រុកជាំក្សាន្តដែលមានចំនួនប្រមាណ៣ទៅ៤ម៉ឺននាក់នេះគឺមកស្នាក់នៅតាម មណ្ឌលទាំង១៩ ក្នុងខេត្តព្រះវិហារនេះគឺស្ទើរទាំងអស់។ ដោយឡែក សម្រាប់ស្បៀងអាហាររបស់គាត់ត្រូវបានផ្គត់ផ្គង់គ្រប់គ្រាន់ តែមិនបរិបូណ៍ពេកទេ។ បើស្ថានការណ៍នៅតែអូសបន្លាយបន្តទៀតស្បៀងទាំងនេះក៏មានតម្រូវការបន្ថែមទៀតដូចគ្នា។ ឯកឧត្តមបានថ្លែងបញ្ជាក់បន្ថែមថា…