ភ្នំពេញ ៖ បើទោះបីជាបទឈប់បាញ់រវាងកម្ពុជា និងថៃ ចូលជាធរមានក៏ដោយ ក៏សាលានរៀន​មួយចំនួនក្នុង​តំបន់​សមរភូមិ​បន្តបិទទ្វារ ហើយបងប្អូនប្រជាពលរដ្ឋក៏មិន​ទាន់វិលត្រលប់ទៅលំនៅឋានវិញនៅឡើយទេ។ ជាក់ស្ដែងខេត្តឧ​ត្តរមានជ័យ សាលារៀនចំនួន២៦០កន្លែងបន្តបិទទ្វារបណ្ដោះអាសន្ន ។ នេះបើតាមការបញ្ជាក់ពីលោកបណ្ឌិត ទូច សុខៈ អ្នកនាំពាក្យរងក្រសួងមហាផ្ទៃនៅល្ងាចថ្ងៃទី៣០ កក្កដា ២០២៥ ។ បើតាមលោកបណ្ឌិតទូច សុខៈបានឱ្យដឹងថា គិតត្រឹមល្ងាចថ្ងៃទី ៣០ ខែកក្កដា ២០២៥ ខេត្តឧត្តរមានជ័យមានសភាពការណ៍ស្ងប់ស្ងាត់ល្អ ដោយបងប្អូនបប្រជាពលរដ្ឋដែលបានជម្លៀសមកមណ្ឌលសរុបទាំងអស់ចំនួន ១០ ៨០៣គ្រួសារ ដែលស្មើនឹង៣៨ ៤៤៧នាក់ ។ លោកបណ្ឌិតបន្តថា សាលារៀននៅក្នុងខេត្តឧត្តរមានជ័យចំនយន២៦០កន្លែង ក៏នៅតែបន្តបិទជាបណ្ដោះអាសន្ននៅឡើយ ដោយរដ្ឋបាលខេត្តឧត្តរមានបន្តចាត់កម្លាំងថែរក្សាការពារសន្តិសុខ សុវត្ថិភាព ទ្រព្យសម្បត្តិរបស់បងប្អូនប្រជាពលរដ្ឋ រួមទាំងការផ្គត់ផ្គង់ឧបត្ថម្ភគាំទ្រគ្រឿងឧបភោគបរិភោគ និងសេវាផ្សេងៗប្រចាំថ្ងៃ ។

បាងកក៖ មនុស្សយ៉ាងតិច ៩នាក់បានស្លាប់ នៅក្នុងការផ្ទុះរោងចក្រផលិត កាំជ្រួច នៅភាគកណ្តាល ប្រទេសថៃ នៅថ្ងៃទី៣០ ខែកក្កដា ឆ្នាំ២០២៥នេះ ហើយ ប៉ូលិស នៅតែស្វែងរកអ្នកបាត់ខ្លួន បន្ទាប់ពីការផ្ទុះ បានកើតឡើង ភ្លាមៗ។ រោងចក្រ បានចាប់ផ្តើមផ្ទុះ ត្រូវភ្លើងឆាបឆេះ នៅម៉ោងប្រហែល ១១ព្រឹក ថ្ងៃពុធនេះ ស្ថិតនៅក្នុងស្រុកមឿង នៃ ខេត្ត ស៊ូផានបូរី ភាគខាងជើង ទីក្រុងបាងកក។ ការិយាល័យ ទំនាក់ទំនងសាធារណៈ ប្រចាំខេត្ត ស៊ូផានបូរី បាននិយាយ តាមរយៈការបង្ហោះ នៅលើទំព័រហ្វេសប៊ុករបស់ខ្លួន ថា «មនុស្ស៤នាក់ បានស្លាប់ និងជាច្រើននាក់ទៀត បានរងរបួស» ដោយបន្ថែមថា ក្រុមន្ត្រីជំនាញ កំពុងស៊ើបអង្កេត រកមូលហេតុ នៃ ឧបទ្ទេវហេតុ លើកនេះ។ យ៉ាងណាមិញ ទីភ្នាក់ងារព័ត៌មាន AFP បានចេញផ្សាយថា អគ្គិភ័យឆាបឆេះលើរោងចក្រ តែងតែកើតមាន ជាញឹកញាប់ នៅក្នុងប្រទេសថៃ…

បរទេស៖ អនាគត ឯកអគ្គរដ្ឋទូតអាមេរិកប្រចាំប្រទេសថៃ កាលពីថ្ងៃទី២៩ ខែកក្កដា ឆ្នាំ២០២៥ បានបន្ទោស ប្រទេសថៃ យ៉ាងចាស់ដៃ រឿងបង្កជម្លោះព្រំដែន ជាមួយនឹងកម្ពុជា នេះបើយោងតាមការចេញផ្សាយ របស់ទីភ្នាក់ងារព័ត៌មានសិង្ហបុរី CNA។ លោក Sean O’Neill ដែលទើបតែងតាំង ក្រោមរដ្ឋបាល របស់លោកប្រធានាធិបតី Donald Trump បានផ្តាំប្រាប់ ទៅរដ្ឋាភិបាល ក្រុងបាងកក ថា ជម្លោះព្រំដែនថៃជាមួយកម្ពុជា នាពេលថ្មីៗនេះ មិនបានជួយប្រជាជនថៃ ឬ សម្ព័ន្ធភាព របស់ប្រទេសថៃ ជាមួយរដ្ឋាភិបាល ទីក្រុងវ៉ាស៊ីនតោន នោះទេ។ នៅពេលសួរថា តើលោកនឹងធ្វើអ្វី ដើម្បីធានាថា «បទឈប់បាញ់» ក្លាយជាកិច្ចព្រមព្រៀងសន្តិភាព រយៈពេលវែង លោក O’Neill បាននិយាយថា «ខ្ញុំគិតថា រឿងដំបូង ដែលខ្ញុំនឹងធ្វើ គឺចង្អុលប្រាប់ទៅប្រទេសថៃ ដែលជាសម្ព័ន្ធមិត្តរបស់យើងនៅអាស៊ីថា សង្រ្គាមបែបនេះ ជម្លោះបែបនេះ មិនបានធ្វើអ្វី ដើម្បីជួយប្រជាជន របស់ពួកគេ ទេ៕…

(ភ្នំពេញ)៖ ប្រទេសថៃបានកំពុងប្រើប្រាស់នូវព័ត៌មានក្លែងក្លាយដើម្បីជាយុទ្ធសាស្ត្រក្នុងការបំពុលសាធារណៈមតិជាតិនិងអន្តរជាតិ។ពួកគេតែងចោទប្រកាន់ថា កម្ពុជាបំពានកិច្ចព្រមព្រៀងឈប់បាញ់រវាងកម្ពុជា-ថៃ នៅតែកើតមានឡើងជាបន្តបន្ទាប់។ ក្នុងសន្និសីទសារព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ»នារសៀលថ្ងៃទី ៣០ ខែកក្កដា ឆ្នាំ ២០២៥ នារសៀលថ្ងៃទី៣០ ខែកក្កដា ឆ្នាំ២០២៥ ឯកឧត្តម ប៉ែន បូណា ប្រធានអង្គភាពអ្នកនាំពាក្យរាជរដ្ឋាភិបាល បានពន្យល់ប្រាប់ពីកលល្បិចយុទ្ធសាស្រ្តបញ្ចេញព័ត៌មានក្លែងក្លាយ ពីសំណាក់របស់ប្រទេសថៃថាកំពុងសាបព្រួសដើម្បីបំណងបន្លំ សាធារណៈមតិជាតិ និងអន្តរជាតិ ។ ហេតុនេះដើម្បី ជៀសវាងការជាប់អន្ទាក់ជឿតាមការញុះញង់របស់សារព័ត៌មានថៃគេត្រូវស្វែងយល់ និងត្រូវដឹងពីការអនុវត្តយ៉ាងម៉ឺងម៉ាត់របស់កម្ពុជាក្នុងអនុវត្តកិច្ចព្រមព្រៀងឈប់បាញ់ដែលធ្វើឡើងនៅប្រទេសម៉ាឡាស៊ីនាថ្ងៃទី ២៨ ខែ កក្កដា ឆ្នាំ ២០២៥។ ឯកឧត្តម ប៉ែន បូណា បានអ្នកនាំពាក្យរាជរដ្ឋាភិបាលថ្លែងដោយបញ្ជាក់ថា«សូមបងប្អូនប្រជាពលរដ្ឋខ្មែរគ្រប់ទិសទីទាំងក្នុងនិងក្រៅប្រទេស សូមប្រយ័ត្នចំពោះព័ត៌មានក្លែងក្លាយ ជាពិសេសគឺ ព័ត៌មានមកពីប្រទេសថៃ ទាំងបណ្ដាញសារព័ត៌មានផ្លូវការ ទាំងបណ្ដាញសង្គម ព័ត៌មានទាំងនោះមួយចំនួនគឺថា មានគោលដៅបំពុលសតិអារម្មណ៍សាធារណៈមតិជាតិនិងអន្តរជាតិ ហើយជាពិសេសគឺបំបែកបំបាក់ឯកភាពជាតិដ៏រឹងមាំរបស់យើង។ដូច្នេះសូមបងប្អូនយើងប្រុងប្រយ័ត្នខ្ពស់ ហើយត្រូវផ្ទៀងផ្ទាត់ព័ត៌មានមុននឹងជឿ»៕ ដោយ ៖ ម៉ាដេប៉ូ