ផ្សាយផ្ទាល់ ៖ សេចក្តីសង្ខេបព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅទីស្តីការគណៈរដ្ឋមន្ត្រី ថ្ងៃពុធ ទី៣០ ខែកក្កដា ឆ្នាំ២០២៥។

ឧត្តរមានជ័យ៖ ដើម្បីជាការយកចិត្តទុកដាក់ ក៏ដូចជាការលើកទឹកចិត្តដល់បងប្អូនប្រជាពលរដ្ឋយើងដែលជាជនភៀសសឹក ឯកឧត្តម លីវ សុភក្ត្រាបានដឹកនាំគណៈប្រតិភូនាំយកអំណោយមនុស្សធម៌ ១០០០ កញ្ចប់ ( ១០០០ Kits) របស់មូលនិធិជនភៀសខ្លួន និង វីរកងទ័ពជួរមុខ សម្រាប់ប្រជាពលរដ្ឋភៀសសឹក ដែលបានជម្លៀសចេញពីតំបន់ឈ្លានពានរបស់ថៃ នៅស្រុកអន្លង់វែង ខេត្តឧត្តរមានជ័យ មកចុះចែកជូនដល់បងប្អូនប្រជាពលរដ្ឋដែលជាជនភៀសសឹកចំនួន១០០០គ្រួសារ នៅរសៀលថ្ងៃទី២៩ ខែកក្កដា ឆ្នាំ២០២៥ នេះ។ ក្នុងពិធីប្រគល់ និងចែកជូនអំណោយនេះដែរ ក៏មានការទទួលស្វាគមន៍យ៉ាងកក់ក្តៅពី សំណាក់ ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយផងដែរ ក្នុងឱកាសជួបសំណេះ សំណា លសួរសុខទុក្ខបងប្អូនជាជនភៀសសឹក នាពេលនេះ ឯកឧត្តម លីវ សុភត្ត្រា បានមានប្រសាសន៍បញ្ជាក់ថា អំណោយមនុស្សធម៌ដែលបាននាំយកមកចែកជូនដល់បងប្អូនប្រជាពលរដ្ឋយើងនៅពេលនេះ បានមកពីការចូលរួមវិគាគទានពីសប្បុរសជន ថ្វីត្បិតតែមិនអាចបំពេញនូវតម្រូវការរបស់បងប្អូនក៏ពិតមែន តែក៏ជាការរួមចំណែក ជួយសម្រួលដល់ការខ្វះខាតដល់បងប្អូនយើងបានមួយ រយៈពេលផងដែរ ។ជាមួយគ្នានោះដែរ ឯកឧត្តមក៏បានសំដែងនូវសេចក្តីនឹករលឹក  និងបានផ្ដាំផ្ញើឱ្យបងប្អូនប្រជាពលរដ្ឋយើងត្រូវរក្សាភាពអត់ធ្មត់ ស៊ូទ្រាំ និងថែរក្សាខ្លួននៅទីកន្លែងសុវត្ថិភាព ដើម្បីបញ្ចៀសហានិភ័យពីការប្រយុទ្ធគ្នា និងដើម្បីជួយសម្រួល…

ផ្សាយបន្តផ្ទាល់ ៖​ សេចក្តីសង្ខេបព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅទីស្តីការគណៈរដ្ឋមន្ត្រី។នៅទីស្តីការគណៈរដ្ឋមន្ត្រី ថ្ងៃពុធ ទី៣០ ខែកក្កដា ឆ្នាំ២០២៥ ។

ផ្សាយបន្តផ្ទាល់ ៖ សេចក្តីសង្ខេបព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅទីស្តីការគណៈរដ្ឋមន្ត្រី។ ថ្ងៃពុធ ទី៣០ ខែកក្កដា ឆ្នាំ២០២៥ ។

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នៅតែបន្តតាមដាន បទឈប់បាញ់រវាងកម្ពុជា-ថៃ រហូតទទួលបានសន្តិភាពតាមព្រំដែន។ នេះបើតាម សំណេរលើគេហទំព័រ Facebook នៅថ្ងៃទី២៩ ខែកក្កដា ឆ្នាំ២០២៥។ សម្តេចតេជោ ហ៊ុន សែន លើកឡើងថា “ទោះមានការឈប់បាញ់តែខ្ញុំមិនបានសម្រាកច្រើនទេ។យប់មិញខ្ញុំសម្រាកបានជាង២ម៉ោងនិងបន្តការងារហូតពេលនេះដែលនឹងអាចបន្តរហូតម៉ោង៧ល្ងាច ឬលើសពីនេះទៅតាមការវិវត្តនៃសភាពការណ៍។កិច្ចការរបស់ខ្ញុំចាប់ពីម៉ោង១២យប់ថ្ងៃ២៨ឆ្លងចូលថ្ងៃ២៩កក្កដា២០២៥នេះ គឺជួយជ្រោមជ្រែងអនុវត្តនូវកិច្ចព្រមព្រៀងឈប់បាញ់ឲ្យទទួលបានជោគជ័យដើម្បីធានាថា សង្គ្រាមនឹងត្រូវបិទបញ្ចប់ជំនួសដោយសន្តិភាព។ ខ្ញុំសូមវាយតម្លៃខ្ពស់និងសូមអរគុណកងទ័ពនៃប្រទេសទាំងពីរកម្ពុជា-ថៃដែលបានគោរពនិងអនុវត្តនូវកិច្ចព្រមព្រៀងនេះនិងបង្កើតឲ្យមានការប្រជុំថ្នាក់ភូមិភាគប្រកបដោយជោគជ័យ។ សូមរួមគ្នាការពារសន្តិភាពដើម្បីជៀសវាងបាត់សន្តិភាពទើបស្វែងរកសន្តិភាពដែលជារឿងដ៏លំបាក៕”

ផ្សាយបន្តផ្ទាល់ ៖ សេចក្តីសង្ខេបព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅទីស្តីការគណៈរដ្ឋមន្ត្រី ថ្ងៃអង្គារ ទី២៩ ខែកក្កដា ឆ្នាំ២០២៥ ។

ភ្នំពេញ៖ ក្នុងកិច្ច ប្រជុំ រវាងកងទ័ពភូមិភាគទី៤និង មេបញ្ជាការភូមិភាគទី២របស់ថៃ ដែល ធ្វើឡើងនៅ អូរស្មាច់ ក្នុងខេត្តឧត្តរមានជ័យនៅវេលាម៉ោង ១០,២០នាទី ហើយបញ្ចប់ទៅវិញនៅម៉ោង១០,៤៥នាទីព្រឹក ថ្ងៃទី២៩ ខែ កក្កដា ឆ្នាំ ២០២៥នេះខាងកម្ពុជាបានស្នើឱ្យកងទ័ពថៃ កុំដើរចូលមកទីតាំងដែនដីកម្ពុជា និងត្រូវគោរពឱ្យបាននូវបទឈប់បាញ់គ្នា តាមរយៈ កិច្ចព្រមព្រង នៃ ថ្នាក់ដឹកនាំប្រទេសទាំងពីរ។ លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិបានថ្លែងក្នុងសន្និសីទសារព័ត៌មាននារសៀលថ្ងៃទី ២៩ ខែកក្កដា ឆ្នាំ ២០២៥ ថា៖ក្នុងកិច្ចប្រជុំនេះបញ្ជាការភូមិភាគទី២ខាងភាគីថៃបានលើកឡើងដូចជាទី១ភាគីទាំង២បានជួបគ្នាក្នុងកម្រិតថ្នាក់យុទ្ធភូមិភាគគឺជាកម្រិតគ្មានសិទ្ធសម្រេចគ្រប់កិច្ចការហួសពីដែនសមត្ថកិច្ននោះទេ។ទី២ ៖ ក្រោយព្រឹត្តការកើតឡើងក៏មានការលើកឡើងនៅបណ្តាញសង្គមជាច្រើនដែលធ្វើឱ្យមានការយល់ច្រឡំទាំងសងខាង ។ ទី៣៖សូមសម្តែងការសោកស្តាយចំពោះការខូចខាតបាត់បង់ជីវិត ទ្រព្យសម្បត្តិធ្វើឱ្យមានការលំបាកទាំងសងខាង។ដោយឡែកខាងភាគីកម្ពុជាវិញបានថ្លែងចំណុចមួយចំនួនដូចជា៖ទី១៖ត្រូវអនុវត្តបទឈប់បាញ់នៅនឹងកន្លែង ទៅតាមកិច្ចព្រមព្រៀងដែលនាយករដ្ឋមន្រ្តីនៃប្រទេសទាំងពីរ បានសម្រេចនៅទីក្រុងកូឡាឡាំពួរ ប្រទេសម៉ាឡេស៊ី។ទី២៖មិនត្រូវធ្វើការចល័តទ័ព និងគ្រឿងសព្វាវុធ។ទី៣៖ចំពោះបងប្អូនកងទ័ពដែលមានជំងឺ របួសដែលត្រូវដឹកជញ្ជូនទៅព្យាបាលភាគីថៃមិនត្រូវមានការភាន់ច្រឡំ និងមិនត្រូវបាញ់មកលើកម្ពុជាទេ ត្រូវសួរបញ្ជាក់គ្នាជាមុន និងជូនដំណឹងគ្នាជាមុនសិន។ទី៤៖សំណូមពរទៅកាន់ភាគីថៃមិនត្រូវដើរចូលមកទីតាំងដែនអធិបតេយ្យរបស់កម្ពុជា ហើយកម្ពុជាបានគោរពនូវបទឈប់បាញ់ យ៉ាងម៉ឺងម៉ាត់រួចហើយ ចាប់តែពីចូលជាធរមាន និង ស្នើឱ្យភាគីថៃគោរពឱ្យបានដូចគ្នាផងដែរ។ត្រូវដោះស្រាយជាបន្ទាន់ដោយគ្មានលក្ខខណ្ឌចំពោះករណីដែលបានជជែកគ្នា ។ លោកជំទាវបានបញ្ជាក់ដែរថាជាកិច្ចឆ្លើយតបក្នុងពិធីនេះភាគីថៃថានឹងចូលរួមដោះស្រាយ ។ ជាមួយគ្នានេះភាគីទាំងពីរបានឯកភាពក្នុងការបង្កើតក្រុមទំនាក់ទំនងគ្នាក្នុងនេះកំណត់ខាងភាគីថៃ៤រូប និងកម្ពុជាចំនួន៤រូប…