ភ្នំពេញ៖ស្ថានទូតកម្ពុជាប្រចាំប្រទេសថៃ អំពាវនាវឱ្យបងប្អូនពលរដ្ឋខ្មែរដែលកំពុងស្នាក់នៅប្រទេសថៃ ចៀសវាងការ ធ្វើដំណើរដែលមិនចាំបាច់ និងសូមបងប្អូនប្រជាពលរដ្ឋខ្មែរទាំងអស់មេត្តាចៀសវាងធ្វើដំណើរទៅកាន់ប្រទេសថៃ នៅពេលចំពោះមុខនេះប្រសិនបើពុំមានការចាំបាច់បំផុត។នេះបើយោងតាមសេចក្តីជូនដំណឹងរបស់ ស្ថានទូតកម្ពុជា ប្រចាំប្រទេសថៃនៅថ្ងៃទី២៤ ខែកក្កដា ឆ្នាំ២០២៥។ សេចក្តីជូនដំណឹងដដែលបន្តថា ក្នុងករណីបងប្អូនប្រជាពលរដ្ឋខ្មែរមានតម្រូវការជំនួយបន្ទាន់ សូមទាក់ទងស្ថានទូត ឬ ស្ថានអគ្គកុងស៊ុលកម្ពុជានៅប្រទេសថៃ តាមរយៈលេខទូរសព្ទដូចមានជូនភ្ជាប់ក្នុងលិខិត៕ ដោយ៖ង៉ាន់ ទិត្យ

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត បានលើកឡើងថា ទោះបីជាពេលនេះមានការប្រយុទ្ធគ្នារវាងកងទ័ពកម្ពុជានិងកងទ័ពថៃនៅព្រំដែនក៏ដោយ ខ្ញុំសូមអំពាវនាវឲ្យបងប្អូនប្រជាពលរដ្ឋខ្មែររក្សានូវសីលធម៌ សេចក្តីថ្លៃថ្នូ ជៀសវាងពីការរើសអើង ឬធ្វើសកម្មភាពណាមួយដែលប៉ះពាល់ដល់ស្ថានទូតថៃនៅកម្ពុជា ក្រុមហ៊ុនថៃ និងប្រជាពលរដ្ឋថៃដែលកំពុងរស់នៅក្នុងប្រទេសកម្ពុជា។ ចំពោះប្រជាពលរដ្ឋខ្មែរដែលកំពុងរស់នៅ ធ្វើការឬសិក្សានៅប្រទេសថៃ ដែលអាចរងសម្ពាធពីការរើសអើង ហើយត្រូវការត្រឡប់មកកម្ពុជាវិញ សូមត្រឡប់មកប្រទេសយើងវិញ ។ ក្នុងករណីបងប្អូនត្រូវការជំនួយ សូមទាក់ទងទៅស្ថានទូតកម្ពុជាប្រចាំនៅទីក្រុងបាងកក ឬស្ថានអគ្គកុងស៊ុលកម្ពុជាប្រចាំខេត្តស្រះកែវនៅប្រទេសថៃ តាមរយៈលេខទូរស័ព្ទខាងក្រោម៖ Even though there is currently fighting between the Cambodian and Thai armies at the border, I appeal to all Cambodian citizens to maintain their morality and dignity, and to avoid discrimination or any…

ភ្នំពេញ៖ការចាប់ផ្តើមនូវភាពតានតឹងរវាងកម្ពុជានិងថៃជុំវិញបញ្ហាព្រំដែនគឺកើត​ឡើងដោយសារកងទ័ពថៃបានលួច បាញ់ប្រហារមកលើកទាហានកម្ពុជាម្នាក់ដែល​កំពុង​ឈរជើងនៅ លេណដ្ឋាននៅតំបន់មុំបី​ម្នាក់ស្លាប់បាត់បង់ជីវិត​កាល​ពីថ្ងៃទី២៨ ខែឧសភា ឆ្នាំ២០២៥។ ថ្លែងក្នុងសន្និសីទសារព័ត៌មាននារសៀលថ្ងៃទី២៤ខែ កក្កដា ឆ្នាំ២០២៤នេះនៅ​ទីស្តីការ​គណៈរដ្ឋមន្រ្តីឯកឧត្តម ប៉ែន បូណា រដ្ឋមន្រ្តីប្រតិភូអមនាយករដ្ឋមន្រ្តីនិង​ជាប្រធានអ្នកនាំពាក្យរាជរដ្ឋាភិបាលកម្ពុជា បានគូសបញ្ជាក់ថា​មុននឹងផ្ទុះ​អាវុធ​ឈ្លានពានប្រទេសកម្ពុជា ថៃបានយកបញ្ហាជាន់មីន ,ដាក់របងលួស ,ដាក់កងទ័ព​និងបញ្ហាផ្សេងទៀតដាក់កំហុសមកលើកម្ពុជារហូតបើការបាញ់ប្រហារលើកងទ័ពកម្ពុជាមុន។ ឯកឧត្តមបន្តថា ភាគីថៃតែងបានពន្លាតបញ្ហារហូត ។មានបញ្ហាព្រំដែន ដោយបិទ​ព្រំដែនដោយឯកតោភាគី គំរាម​ផ្តាច់អគ្គិសនី ផ្តាច់អ៊ីនធឺណិត ប្រេងឥន្ធនៈ ឧស្ម័ន​ជាដើម ហើយចុងក្រោយនេះ​ថៃបានយកបញ្ហាទាហានជាន់មីន មកធ្វើជាមូលហេតុ ឬលេសឱ្យមានបញ្ហាធំឡើងៗ។ឯកឧត្តមបានបញ្ជាក់ថា៖« ថៃបានចោទកម្ពុជា​ថាបានដាក់មីនថ្មី ហើយក្រសួងការពារជាតិ,ក្រសួងការបរទេសបានធ្វើការ​ឆ្លើតតបវិញហើយ បានបញ្ជាក់ហើយថា កម្ពុជាមិនបានដាក់ មីនថ្មីនោះទេ។ប៉ុន្តែកងទ័ពថៃមិនបានដើរតាមតម្រាយផ្លូវធម្មតានោះទេ គឺបានធ្វើការបង្កើត តម្រាយផ្លូវថ្មី ចូលដី​កម្ពុជា ហើយដីនោះមានសល់គ្រាប់ មីនដែលសម័យសង្គ្រាម»។ ឯកឧត្តមលើកឡើងដែរថា ក្រោយពីកងទ័ពរបស់ខ្លួនបានជាន់មីន ថៃបានធ្វើឱ្យ​សភាពការណ៍ កាន់តែតានតឹង​ខ្លាំងឡើង។ ជាក់ស្តែងកាលពី ថ្ងៃទី២៣ខែកក្កដា​ថៃបានប្រកាសបិទមិនឱ្យទេសចរណ៍ចូល ,ប្រកាសបិទប្រាសាទ​តាមាន់ធំ រហូតក្លាយ​ជាការចាប់ផ្តើមនៃសង្គ្រាម។ជាងនេះយប់មិញក៏បានដាក់របងលួសនៅប្រាសាទតាមាន់ ហើយព្រឹកឡើងគាត់ចាប់ផ្តើម ធ្វើសកម្មភាពបាញ់មកលើទាហានកម្ពុជាមុនថែម​ទៀត។ ឯកឧត្តម ប៉ែន បូណា បានបន្ថែមថាកងកម្លាំងប្រដាប់អាវុធរបស់កម្ពុជាមានភាព​ក្លាហាន និងរឹងមាំកក់កៅ្ត ហើយពេញមួយថ្ងៃនេះនៅសមរភូមិកងទ័ពកម្ពុជា​យកប្រៀបលើកងទ័ពថៃ ដែលសត្រូវឈ្លានពានទឹកដី​កម្ពុជា​នោះ​ឡើយ៕ដោយ៖ម៉ាដេប៉ូរូបភាព៖ វេងលឹមហួត

(ភ្នំពេញ)៖ ក្នុងការប៉ះទង្គិចប្រដាប់អាវុធដែលកងទ័ពថៃបានបាញ់ប្រហារយ៉ាងងងើលមកលើដែនអធិបតេយ្យភាពកម្ពុជានៅព្រឹកថ្ងៃទី ២៤ ខែ កក្កដា ឆ្នាំ ២០២៥នេះភាគីបានបាញ់អាវុធធន់ធំ និងបានប្រើយន្តហោះ F-១៦មកលើកម្ពុជាយ៉ាងណាក្តី តែកងទ័ពកម្ពុជាដ៏អង់អាចក្លាហានបានធ្វើការវាយបកយ៉ាងអង់អាចក្លាហានក្នុងនេះបានកាន់កាប់យ៉ាងរឹងមាំនៅប្រាសាទតាក្របី និងប្រាសាទតាមាន់ធំ។ លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិបានថ្លែងក្នុងសន្និសីទសារព័ត៌មាននារសៀលថ្ងៃទី ២៤ ខែ កក្កដាឆ្នាំ ២០២៥នេះបានឱ្យដឹងថាចំពោះតំបន់ទាំង៨ដែលកំពុងមានការផ្ទុះអាវុធយ៉ាងខ្លាំងក្លានេះរួមមាន ប្រាសាទឧត្តរមានជ័យ និងប្រាសាទព្រះវិហារដូចជា៖ប្រាសាទតាមាន់ធំ ប្រាសាទតាក្របី តំបន់ភ្នំទ្រព្យ វាលឥន្ទ្រី ភ្នំខ្មោច អានសេះ និងតំបន់មុំបី។ លោកជំទាវបានមានប្រសាសន៍ថា”មកដល់ពេលនេះកងទ័ពកំពុងឈរយ៉ាងរឹងមាំ។សម្រាប់តំបន់ចាប់ផ្តើមផ្ទុះនៅប្រាសាទតាមាន់ធំ និងប្រាសាទតាក្របីយើងបានកាន់កាប់យ៉ាងរឹងមាំទាំងស្រុង”។ គួរបញ្ជាក់ថាក្រសួងការពារជាតិនៃព្រះរាជាណាចក្រកម្ពុជា ប្រកាសថ្កោលទោសយ៉ាងដាច់អហង្ការចំពោះទង្វើឈ្លានពានយោធាយ៉ាងកម្រោល សាហាវ ឃោរឃៅ របស់ព្រះរាជាណាចក្រថៃ មកលើអធិបតេយ្យ និងបូរណភាពទឹកដីកម្ពុជា ដោយនៅព្រឹកថ្ងៃទី២៤ ខែកក្កដា ឆ្នាំ២០២៥ វេលាម៉ោងប្រមាណ០៦:៣០នាទី ភាគីថៃបានចាប់ផ្តើមបង្កសកម្មភាពបំពានលើកិច្ចព្រមព្រៀងដែលបានឯកភាពគ្នា ដោយឡើងលើប្រាសាទតាមាន់ធំ ហើយលបចូលរាយលួសបន្លាតាមជើងប្រាសាទ, នៅវេលាម៉ោង ០៧:០៤នាទី ភាគីថៃបានបង្ហោះដ្រូន រយៈពេល០២នាទី ហើយនៅវេលាម៉ោង ០៨:៣០នាទី ភាគីថៃបានធ្វើការបាញ់ឡើងលើ បន្ទាប់មកនៅវេលាម៉ោង ០៨:៤៦ នាទីព្រឹកនេះ កងទ័ពឈ្លានពានថៃបានបើកការបាញ់ប្រហារមុនមកលើកងទ័ពកម្ពុជានៅតំបន់ប្រាសាទតាមាន់ធំ…

(ភ្នំពេញ)៖ ការឈ្លានពាន និងបង្កហេតុ បាញ់ប្រហារមកលើកម្ពុជាមុន ពីសំណាក់យោធាថៃ បានបង្កការលំបាកដល់ពលរដ្ឋខ្មែរ ពិសេស បងប្អូនប្រជាពលរដ្ឋ ដែលរស់ជាប់ព្រំដែនកម្ពុជា-ថៃ ធ្វើឲ្យប្រជាពលរដ្ឋខ្មែរស្លូតត្រង់ ត្រូវមកពួនសម្ងំក្នុងលេណដ្ឋាន ដើម្បីការពារជីវិតពីការបាញ់គ្រាប់ផ្លោងរបស់ទាហានថៃ។ គួរបញ្ជាក់ថា នាព្រឹកថ្ងៃព្រហស្បតិ៍ ទី២៤ ខែកក្កដា ឆ្នាំ២០២៥ កងទ័ពថៃ បានវាយប្រហារឈ្លានពានមកលើកម្ពុជាមុន ជាហេតុបង្ខំឱ្យកងទ័ពកម្ពុជា គ្មានជម្រើសអ្វី ក្រៅតែពីវាយបកតបតទៅលើខ្មាំងសត្រូវឈ្លានពាន។ អ្នកនាំពាក្យក្រសួងការពារជាតិកម្ពុជាបញ្ជាក់ថា ទាហានថៃគឺជាអ្នកឈ្លានពាន និងបាញ់ប្រហារមុនមកលើទាហានកម្ពុជា ដោយបង្ខំឱ្យទាហានកម្ពុជាត្រូវបាញ់តបតវិញ ដើម្បីការពារខ្លួន ។ សូមជម្រាបថា យោងតាមសេចក្តីថ្លែងការណ៍​របស់អ្នកនាំ​ពាក្យក្រសួងការពារជាតិ នៃព្រះរាជាណាចក្រកម្ពុជា នៅថ្ងៃ​ទី​២៤ ខែកក្កដា ឆ្នាំ២០២៥ បានបញ្ជាក់យ៉ាងច្បាស់ពីពេលវេលា​ទៅតាមដំណាក់កាល​នីមួយ​ៗ​ ដែលភាគីថៃបាន​ឈ្លានពាន​មកលើអធិបតេយ្យ និងបូរណភាពទឹកដីកម្ពុជា ។ កំណត់ហេតុដែលបានចេញផ្សាយដោយក្រសួងការពារជាតិកម្ពុជា មានដូចខាងក្រោមនេះ៖ -ម៉ោងប្រមាណ ០៦:៣០នាទី ភាគីថៃបានចាប់ផ្តើមបង្កសកម្មភាព​បំពានលើកិច្ច​ព្រម​ព្រៀង​ដែល​បាន​ឯក​ភាពគ្នា ដោយឡើងលើប្រាសាទតាមាន់ធំ ហើយលបចូលរាយលួស​បន្លា​តាម​ជើង​ប្រាសាទ​ -ម៉ោង ០៧:០៤នាទី ភាគីថៃបានបង្ហោះដ្រូន រយៈពេល២នាទី -ម៉ោង ០៨:៣០នាទី ភាគីថៃបានធ្វើការបាញ់ឡើងលើ -ម៉ោង ០៨:៤៦នាទី កងទ័ពឈ្លាន​ពាន​ថៃ​បាន​បើក​ការ​បាញ់ប្រហារមុនមក​លើ​កង​ទ័ព​កម្ពុជា​នៅ​តំបន់​ប្រាសាទ​តាមាន់ធំ…

បាត់ដំបង៖មិនមែនកើតឡើងដោយឯកឯង តែបានកើតឡើងដោយកិច្ចខិតខំប្រឹង​ប្រែង​​និងយកចិត្តទុកដាក់ពី​រាជរដ្ឋា​ភិបាល​ផ្លូវ​ក្រាលកៅស៊ូចំនួន៧ខ្សែមានប្រវែងសរុប ១២២គីឡូម៉ែត្រ ស្ថិតនៅស្រុកចំនួន៦ ក្នុងភូមិសាស្ត្រ​ខេត្តបាត់ដំបង​បានទទួល​ការថែទាំជាប្រចាំ និងកំពុងបម្រើដល់ការធ្វើចរាចររបស់ប្រជាពលរដ្ឋនៅ​ក្នុងតំបន់​ទាំងនេះ។ពិសេសការដឹកជញ្ជូននានា។ ផ្លូវថែទាំប្រចាំទាំង៧ខ្សែនេះ គឺជាប្រភេទផ្លូវក្រាលកៅស៊ូDBST មាន ទទឹង៥ម៉ែត្រ និង ៦ម៉ែត្រ ស្ថិតនៅក្នុង​ស្រុកមោងឬស្សី រុក្ខគីរី សង្កែ គាស់ក្រឡ សំឡូត និងស្រុកថ្ម​គោល។​ជាមួយនឹងការក្រាលកៅស៊ូ ដងផ្លូវក៏​មានការដាក់​នូវស្លាកចរាចរណ៍ចំនួន​៣០៨ស្លាក នៅស្ថិតស្រុកថ្មគោល ស្រុកបាណន់ ស្រុករុក្ខគីរី ស្រុកមោងឫស្សី ស្រុកឯកភ្នំ និងសង្កាត់វត្តគរ ក្រុងបាត់ដំបង ផងដែរ ។ការដ្ឋាននេះអនុវត្តដោយ​នាយកដ្ឋាន​ផ្លូវលំជនបទ។ ពិនិត្យវាយតម្លៃអំពីគុណភាពផ្លូវ កាលពីថ្ងៃទី២២ ខែកក្កដា ឆ្នាំ២០២៥ ឯកឧត្តម អ៊ិន ចន្ថា រដ្ឋលេខាធិការតំណាង​ឯកឧត្តមរដ្ឋមន្ត្រីក្រសួងអភិវឌ្ឍន៍ជនបទ និងជាសមាជិក​គណៈកម្មាធិការលទ្ធកម្មនៃក្រសួងអភិវឌ្ឍន៍​ជនបទបាន​ដឹកនាំគណៈប្រតិភូអន្តរ​ក្រសួង ព្រមទាំងមន្ត្រីជំនាញពាក់ព័ន្ធនៃមន្ទីរអភិវឌ្ឍន៍ជនបទខេត្តបាត់​ដំបង អញ្ជើញ​ត្រួត​ពិនិត្យ​​និងធ្វើការវាយតម្លៃលើការងារថែទាំប្រចាំ តំណាក់កាលទី១។ ក្នុងដំណើរពិនិត្យវាយតម្លៃ​ឯកឧត្តមរដ្ឋលេខាធិការក្រសួងអភិវឌ្ឍន៍ជនបទ និងជា​សមាជិក​គណៈកម្មាធិការលទ្ធកម្ម បានកោតសរសើរ និងលើកទឹកចិត្ត​ដល់ក្រុមការងារ និងមន្ត្រីអនុវត្តគម្រោងផ្ទាល់ ឱ្យ​បន្តខិតខំក្នុងការបំពេញ​កាតព្វកិច្ច​លើការងារអនុវត្ត​គម្រោងដោយការទទួលខុសត្រូវខ្ពស់ និងត្រូវធ្វើឱ្យសម្រេចបាននូវលទ្ធផលល្អប្រសើរ។ ស្ថិតនៅលើផ្លូវទើបជួសជុលរួច ឯកឧត្តមរដ្ឋលេខាធិការបានគូសរំលេចថា ក្រោយពីការ​ថែ​ទាំ​ជួសជុល កែលម្អឱ្យ​ប្រសើរ​រួចហើយ ប្រជាពលរដ្ឋរស់នៅនិងអាស្រ័យផល​តាម​ដង​ផ្លូវទាំងនោះ ពិតជាទទួលបាននូវការលើកកម្ពស់​ជីវភាព ទាំងការរស់នៅនិងសេដ្ឋ​កិច្ចគ្រួសារ។ប៉ុន្តែមានរឿងមួយដែលឯកឧត្តមរដ្ឋលេខាធិការមិនភ្លេចក្នុងការរំលឹកនោះ គឺការចុះត្រួតពិនិត្យមើលផ្លូវនិងយកចិត្តទុកដាក់ក្នុងការថែទាំផ្លូវ…

កំពង់ស្ពឺ៖ឧត្តមសេនីយ៍ត្រី ម៉េង ស៊្រុន មេបញ្ជាការ កងរាជអាវុធហត្ថខេត្តកំពង់ស្ពឺ បានចាត់ឱ្យលោកវរសេនីយ៍ទោ ណុល តារា ប្រធានមន្ទីរស្រាវជ្រាវ និងបង្ក្រាប​បទល្មើស រួមទាំងក្រុមការងារចុះផ្សព្វផ្សាយលើកកម្ពស់ការអប់រំ ដើម្បី​សហគមន៍​គ្មានគ្រឿងញៀន(បារីអេឡិចត្រូនិក) និងក្មេងទំនើង នៅវិទ្យាល័យ ហ៊ុន សែន បាត់ដឹងខេត្តកំពង់​ស្ពឺ  ដោយមានការចូលរួមពីសិស្សចំនួន ១ ៦០៧នាក់(ស្រីចំនួន ៨៨១នាក់) លោកគ្រូ អ្នកគ្រូចំនួន៥១។ តាមរយៈក្រុមការងារដែលចុះផ្សព្វផ្សាយកាលពីព្រឹកថ្ងៃទី២៣ ខែកក្កដា ក្នុង​គោលបំណង ដើម្បីការកាត់បន្ថយ​ការ​ប្រើប្រាស់គ្រឿងញៀន,ការអប់រំអំពី​គ្រោះថ្នាក់នៃគ្រឿងញៀន ដែលអាចជួយឱ្យយុវជនយល់ដឹង និងជៀសវាង​ការប្រើប្រាស់វា។ ជាងនេះក្នុងបំណងកាត់បន្ថយអំពើឧក្រិដ្ឋ ដូចជាលួចឆក់ ប្លន់ ឬហិង្សាក្នុងគ្រួសារ និងប៉ះពាល់ធ្ងន់ធ្ងរដល់សង្គមជាតិជាដើម ៕ដោយ៖ ម៉ុន សំអាត