ព្រះវិហារ៖សម្ដេចតេជោ ហ៊ុន សែន ប្រកាសព្រមាននាយក​រដ្ឋមន្ត្រីថៃបើនៅតែព្រហើន ដោយសម្ដេច នឹងទម្លាយការ​សម្ងាត់ទាំងអស់ដែលគ្រួសារ ថាក់ ស៊ីន បានប្រាប់មកសម្ដេច រាប់ទាំងការប្រមាថព្រះមហាក្សត្ររបស់ខ្លួនផងដែរ ។ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ថ្លែងដូច្នេះ ក្នុងឱកាសអញ្ជើញជួបសំណេះសំណាល សួរសុខទុក្ខ​ជនភៀសខ្លួន នៅទីទួលសុវត្ថិភាព វត្តពោធិ៥០០០ ដើមនាល្ងាច​ថ្ងៃ​ទី២៦ ខែមិថុនា ឆ្នាំ២០២៥ ។ សម្តេចតេជោ ហ៊ុន សែន បានថ្លែងបន្តថា “ជម្លោះនយោបាយ​នៅបាងកក បានផ្ទេរជម្លោះមកកាន់ព្រំដែនកម្ពុជា-ថៃ។អ្នកត្រូវ​យល់ មិនមែនកម្ពុជាល្ងង់ដែលមិនដឹងរឿងរបស់អ្នកឯងទេ ថ្ងៃស្អែក ខ្ញុំនឹងបកស្រាយជូនអ្នកឯង សូម្បីតែអ្នកឯង ដូរ​ឧបនាយក​រដ្ឋមន្ត្រី រដ្ឋមន្ត្រីមហាផ្ទៃចេញ ក៏អ្នកឯងផ្តាំមកខ្ញុំដែរ សូម្បីគ្នារបស់អ្នកឯង អ្នកឯងក្បត់ទៅហើយ តើជាមួយខ្ញុំ អ្នកឯងហ៊ានក្បត់ទេ? សម្ដេចតេជោបានបង្ហើបថា កាលពី​ថ្ងៃទី១៥ ខែមិថុនា កន្លងទៅ នាយករដ្ឋមន្ត្រីថៃ ធ្លាប់បានផ្តាំ​តាម​មនុស្សម្នាក់មកប្រាប់សម្តេច អំពីផែនការប្តូរ លោក អនុធីន ឆានវីរ៉ៈគូន ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃថៃ ចេញពីតំណែង ដោយដាក់គ្នារបស់ខ្លួន…

ព្រះវិហារ៖សម្តេចអគ្គមហាសេនាបតីតេជោ នាយឧត្តមសេនីយ៍​ផុតលេខផ្កាយមាស៥ ហ៊ុន សែន បានថ្លែងថា បច្ចុប្បន្ន មិន​ដឹង​ថា អំណាចពិតប្រាកដរបស់ថៃ គឺជាអ្នកណានោះទេ ដែលធ្វើឱ្យ​ពិបាកក្នុងការដោះស្រាយបញ្ហាជាមួយកម្ពុជា ។ សម្ដេចសង្ឃឹមថា ប្រទេសថៃ នឹងមាននាយករដ្ឋមន្ត្រីថ្មី នាពេលឆាប់ៗខាងមុខ ដើម្បីដោះស្រាយបញ្ហាជាមួយកម្ពុជា ។ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានថ្លែងដូច្នេះ ក្នុងឱកាសអញ្ជើញជួបសំណេះសំណាលសួរសុខទុក្ខ​ជនភៀស​ខ្លួននៅទីទួលសុវត្ថិភាពវត្តពោធិ ៥០០០ដើមខេត្តព្រះវិហារនា​ល្ងាច​ថ្ងៃទី២៦ ខែមិថុនា ឆ្នាំ២០២៥ ។ សម្ដេចតេជោ ហ៊ុន សែន បានគូសរំលេចថា ជំនាន់នាយក​រដ្ឋមន្ដ្រី​ថៃ ប្រាយុទ្ធ ចាន់អូចារ រយៈពេលជាង ១០ឆ្នាំ មិនមាន​បញ្ហា គឺកម្ពុជា-ថៃ បានឈានទៅភ្ជាប់ទំនាក់ទំនងខ្ពស់បំផុត ប៉ុន្តែឥឡូវនេះប្រទេសថៃ មានបញ្ហាជាមួយប្រទេសទាំងអស់​ជុំវិញ​ខ្លួន ខណៈដែលព្រំដែនកម្ពុជាត្រូវបានបិទក្រោយគេនោះទេ ។ ត្រង់ចំណុចនេះ សម្ដេចតេជោ សង្ឃឹមថា នឹងមាននាយក​រដ្ឋមន្ត្រី​ថ្មីមួយ ឡើងមកកែសម្រួល ហើយយើង នឹងត្រៀមខ្លួនធ្វើ​ការជា​មួយនឹងនាយករដ្ឋមន្ត្រី ក្រោយទៀត ។សម្ដេចតេជោ ហ៊ុន សែន បញ្ជាក់ថា…

សូមគោរពជូននូវសេចក្តីថ្លែងការណ៍របស់គណៈកម្មាធិការសិទ្ធិមនុស្សកម្ពុជា ពាក់ព័ន្ធនឹងការបិទព្រំដែនជាឯកតោភាគីរបស់ប្រទេសថៃ។

(ភ្នំពេញ)៖ ពិព័រណ៍សៀវភៅដ៏ធំមួយដែលនឹងត្រូវរៀបចំឡើងនាសាលបុរីរុងរឿង ក្នុងភូមិគៀនឃ្លាំង សង្កាត់ព្រែកលាប ខណ្ឌ ជ្រោយចង្វារ ក្នុងរាជធានីភ្នំពេញ ដែល​នឹង​ចាប់ផ្តើមពីថ្ងៃទី២៦ ខែមិថុនា ដល់ថ្ងៃទី ៦ ខែ កក្កដា ឆ្នាំ ២០២៥ ត្រូវបានគេ​រំពឹង​ថានឹងទទួលបានការចាប់អារម្មណ៍ពី យុវជន យុវនារី ដែលជាសិស្ស និស្សិត និងពលរដ្ឋកម្ពុជាគ្រប់ទិសទីដែលចូលចិត្តអានសៀវភៅ។ បញ្ជាក់ក្នុងសន្និសីទសារព័ត៌មាននារសៀលថ្ងៃទី ២៥ ខែ មិថុនា ឆ្នាំ ២០២៥នេះ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានបានឱ្យដឹងថា៖ ពិព័រណ៍លក់សៀវភៅ Big Bad Wolf Books នេះ នឹងមានការដាក់តាំងបង្ហាញលក់ចំនួនជាងមួយ​លាន​ក្បាល ហើយច្រើនជាង ២០,០០០ ចំណងជើង។ ការតាំងពិព័រណ៍លក់សៀវភៅ​នេះ​ដែរធ្វើឡើងដើម្បីលើកទឹកចិត្តឱ្យប្រជាពលរដ្ឋអានសៀវភៅ។សៀវភៅទាំង​អស់​នេះ​នឹងបាន​ផ្តល់នូវប្រភពសំខាន់ៗដែលជាចំណេះដឹងទៅឱ្យដល់ប្រជាពលរដ្ឋ សិស្ស និស្សិត។ ក្រៅពីនេះក៏ជាប្រភពស្រាវជ្រាវដល់យុវជនដែលអាច​នាំមកនូវ​ចំណេះដឹងថ្មីៗបន្ថែមទៀតក្រៅពីប្រទេសកម្ពុជា ក៏ដូចជាលំហ ប្រភពនៃចំណេះ​ដឹងក្នុងប្រទេសដទៃៗទៀតផងដែរ។ ឯកឧត្តម នេត្រ ភក្រ្តាមានប្រសាសន៍ថា”នេះជាដំណើរនៃចំណេះដឹង ដើម្បីផ្តល់នូវ​ជម្រើស​ទៅឱ្យប្រជាពលរដ្ឋ និងពិសេសយុវជន និងកុមារ ដែលសម្បូរសៀវភៅអាន ។…

ពោធិ៍សាត់៖ក្នុងសប្ដាហ៍នេះ រដ្ឋបាលស្រុកកណ្តៀង ខេត្តពោធិ៍សាត់ ដឹកនាំដោយ លោក សុខ លីមុត ប្រធានក្រុម​ប្រឹក្សាស្រុក លោក ណារ៉ា ចំរើន អភិបាលស្រុកកណ្តៀងនិងព្រះគ្រូចៅអធិការវត្តកញ្ជរខាងត្បូង បាននិមន្តនិង​អញ្ជើញ​សួរសុខទុក្ខនិងនាំយកគ្រឿងឧបភោគ បរិភោគ​និងថវិកាទៅជូនកងការពារព្រំដែនលេខ៥០១ ជួរមុខ​ទិសថ្មដា ឃុំថ្មដា​ ស្រុកវាល​វែង ខេត្តពោធិ៍សាត់ ។ ក្នុងឱកាសនេះលោកវរសេនីយ៍ឯក ចាន់ ប៊ុតឌី មេបញ្ជាការកង​ការពារ​ព្រំដែនលេខ​៥០១នៃយោធភូមិភាគទី៥​មាន​ក្តីរំភើបរីករាយដោយ​អង្គភាពបានទទួលនូវការមកសាកសួរសុខទុក្ខពីរដ្ឋបាលសាលាស្រុកកណ្តៀង ព្រមទាំង​ព្រះ​ចៅអធិការវត្តកញ្ជរខាងត្បូង ។ ក្នុងឱកាសនោះលោក ណារ៉ា ចំរើន អភិបាលស្រុកកណ្តៀង បាននាំ​នូវប្រសាសន៍ផ្តាំផ្ញើសាកសួរសុខទុក្ខពីសំណាក់ ឯកឧត្តម ខូយ រីដា អភិបាលខេត្តនិងកោតសរសើរចំពោះភាពអង់អាចក្លាហាន និងលះបង់​ខ្ពស់ចំពោះវីរកងទ័ពដែលកំពុងឈរជើងការពារបូរណភាព​ទឹកដី៕ដោយ៖ចេង ពុំ

រតនគិរី៖អភិបាល អភិបាលរងស្រុកចំនួន២នៃរដ្ឋបាលខេត្តរតនគិរី ត្រូវបានប្រកាសចូលកាន់តំណែងនៅថ្ងៃទី២៥ ខែមិថុនា ឆ្នាំនេះក្រោម​អធិបតីភាពឯកឧត្តម ញ៉ែម សំអឿន អភិបាលខេត្តបន្ទាយមានជ័យ។ អភិបាល អភិបាលរងស្រុកចំនួន២ក្នុងនោះ ផ្ទេរភារកិច្ច លោក នូ ថេរ ឋានន្តរស័ក្តិឧត្តមមន្ត្រីថ្នាក់លេខ១ ពី​អភិបាល​ស្រុកលំផាត់ឱ្យកាន់មុខ​តំណែងជាអភិបាលស្រុកកូនមុំ,តែងតាំង លោក កិ សុគា ឱ្យកាន់មុខ​តំណែង អភិបាល​ស្រុកលំផាត់,ផ្ទេរភារកិច្ចលោកសេក ហៃ អភិបាល​ស្រុកកូនមុំឱ្យទៅបម្រើការងារនៅរដ្ឋបាលខេត្តរតនគិរី, ផ្ទេរភារកិច្ច លោក ស៊ូ ផល្លី ពីអភិបាលរងស្រុកលំផាត់ ទៅទទួលតំណែងជា​អភិបាល​រងស្រុកកូនមុំ។ មានប្រសាសន៍ក្នុងឱកាសនេះ ឯកឧត្តម ញ៉ែម សំអឿន អភិបាល​ខេត្ត​រតនគិរីបានបង្ហាញនូវការជឿជាក់លើ អភិបាល អភិបាលរងស្រុក​ទាំងពីរ ដែលទើប នឹងទទួល មុខតំណែងថ្មីនេះ ខិតខំប្រឹងប្រែង បំពេញតួនាទី និងភារកិច្ចរបស់​ខ្លួន​ទទួលបានលទ្ធផលជាច្រើន​ថែម​ទៀត តាមរយៈចំណេះដឹង សមត្ថភាព និងបទពិសោធន៍ ។បន្តចូល​រួមក្នុង​ការងារ​ដឹកនាំ គ្រប់គ្រង និងអភិវឌ្ឍន៍មូលដ្ឋានស្រុកកូនមុំ និងស្រុកលំផាត់ ឱ្យកាន់តែរីកចម្រើននិងទទួលបានសមិទ្ធផល​ថ្មីៗបន្ថែមទៀត៕ដោយ៖គតិយុត្ត

(កំពត)៖ ប្រទេសកម្ពុជាក្រោយមហានគររយៈពេល ៥០០ឆ្នាំ គឺមិនដែលទទួលបាន​នូវ​សុខសន្តិភាពពេញលេញនោះទេ តែបច្ចុប្បន្ន ក្រោមការដឹកនាំប្រទេសដ៏ប៉ិន​ប្រ​សប់របស់សម្តេចតេជោ ហ៊ុន សែន បាននាំមកនូវសុខសន្តិភាពពេញលេញជូន​ពល​រដ្ឋ និងប្រទេសជាតិ ដែលពោរពេញទៅដោយការអភិវឌ្ឍរីកចម្រើនលើគ្រប់វិស័យ​យ៉ាងឆាប់រហ័ស ហើយ ការដែលយកបានមកនូវសុខសន្តិភាពជូនជាតិ ជូនពល​រដ្ឋ​នេះ គឺមិនមែនជាការងាយនោះទេ គឺថ្នាក់ដឹកនាំ ពិសេសសម្តេចតេជោ ហ៊ុន សែន បានលះបង់គ្រប់បែបយ៉ាង ពុះពារគ្រប់ឧបសគ្គក្នុងការបញ្ចប់សង្គ្រាមដោយមិន​ប្រើប្រាស់​អាវុធក្រោមគោលនយោបាយ ឈ្នះ ឈ្នះ នេះជាប្រសាសន៍របស់ឯក ឧត្តម ម៉ៅ ធនិន អភិបាលខេត្ត កំពត បានលើកឡើង នៅថ្ងៃទី២៥ ខែមិថុនា​ឆ្នាំ២០២៥ក្នុង ក្នុងពេលជួបសំណេះសំណាលជាមួយ គណៈ:ប្រត្តិភូ១ក្រុម នៃកម្មវិធី Fturu Lider ba ASEAN (FLBA)ជាកម្វវិធីសម្រាប់អ្នកដឹកនាំវ័យក្មេង និងអនាគតរបស់ប្រទេស ទីម័រខាងកើត ដោយបានមកធ្វើទស្សន:កិច្ចសិក្សានៅ​ខេត្តកំពត ។ ឯកឧត្តម អភិបាលខេត្តកំពត បានមានប្រសាសន៍​បន្តថា: បច្ចុប្បន្ន ប្រទេសកម្ពុជា ក្រោមការដឹកនាំបន្តដោយសម្តេចធិបតី ហ៊ុន ម៉ាណែត ជានាយករដ្ឋមន្ត្រីសម្តេច​នៅ​តែមានគោលជំហររក្សាឱ្យបាននូវសុខសន្តិភាព និងបន្តអភិវឌ្ឍន៍លើគ្រប់វិស័យ ក្នុង​ន័យដើម្បីលើកកម្ពស់ជីវភាពប្រជាពលរដ្ឋ…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា​ចក្រកម្ពុជា អញ្ជើញដឹកនាំកិច្ចប្រជុំលើកទី៣ ដើម្បីត្រួតពិនិត្យវឌ្ឍនភាពនៃគម្រោង​ក្នុងវិស័យស្រូវអង្ករ ដែលមានការចូលរួមពីក្រសួង-ស្ថាប័នពាក់ព័ន្ធ សហព័ន្ធស្រូវ​អង្ករកម្ពុជា និងវិស័យឯកជន នៅវិមានសន្តិភាព រាជធានីភ្នំពេញ នារសៀលថ្ងៃទី២៥ ខែមិថុនា ឆ្នាំ២០២៥។ ដោយ ៖ វណ្ណលុក