(ភ្នំពេញ)៖ គណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល បានរៀបចំពិធីប្រគល់-ទទួលថវិកា និងសម្ភារៈគាំទ្រកងកម្លាំងជួរមុខក្នុងបុព្វហេតុពង្រឹងខឿនការពារអធិបតេយ្យជាតិខ្មែរ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធាន យុវជនគណបក្សប្រជាជនកម្ពុជាថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល។ ក្នុងនាមសម្តេចមហាបវរធិបតី ប្រធានយុវជនគណបក្សថ្នាក់កណ្តាល ឯកឧត្តមបណ្ឌិត បានថ្លែងអំណរគុណ និងវាយតម្លៃខ្ពស់ ចំពោះទឹកចិត្តដ៏ប្រពៃថ្លៃថ្លារបស់ឯកឧត្តម លោកជំទាវ អ្នកឧកញ៉ា លោក លោកស្រី និងសប្បុរសជនទាំងអស់ ដែលបានចំណាយធន់ធានហិរញ្ញវត្ថុ និងសម្ភារ:ផ្ទាល់ខ្លួន ឧបត្ថម្ភដល់វីរ:កងទ័ពជួរមុខ ដែលកំពុងឈរជើងការពារបូរណភាពទឹកដី តាមបណ្តោយព្រំដែនកម្ពុជា-ថៃ ស្របតាមការអំពាវនាវរបស់សម្តេចតេជោកាលពីថ្ងៃទី២៩ ខែឧសភាកន្លងមកនេះ ។ ឯកឧត្តមបណ្ឌិត បានលើកឡើងពីគោលនយោបាយរបស់គណបក្សប្រជាជនកម្ពុជា និងគោលនយោបាយរបស់រាជរដ្ឋាភិបាល ដឹកនាំដោយសម្តេចតេជោ និងសម្តេចធិបតី ក្នុងការការពារអធិបតេយ្យភាព និងបូរណភាពទឹកដី និងសូមអោយប្រជាពលរដ្ឋខ្មែរទាំងក្នុង និងក្រៅប្រទេស ជាពិសេសយុវជន ជឿជាក់លើការដឹកនាំរបស់សម្តេចធិបតី និងរួបរួមសាមគ្គីគ្នាជាធ្លុងមួយ ដើម្បីបង្ហាញពីភាពរឹងមាំនៃខឿនការពារជាតិកម្ពុជា។ ឯកឧត្តមបណ្ឌិត ក៏បានជម្រាបជូនថា ថវិកា និងសម្ភារ:ទាំងនោះ ឯកឧត្តមបណ្ឌិត រួមជាមួយឯកឧត្តមលោកជំទាវ ជាថ្នាក់ដឹកនាំយុវជនគណបក្ស នឹងយកទៅប្រគល់ដល់កងទ័ពជួរមុខនៅថ្ងៃទី១៥ ខែមិថុនាខាងមុខនេះ ហើយឯកឧត្តម លោកជំទាវ អ្នកឧកញ៉ា…

(ភ្នំពេញ)៖ ការវិវត្តថ្មីៗជាបន្តបន្ទាប់អំពីសភាពការណ៍បញ្ហាជម្លោះព្រំដែនកម្ពុជា-ថៃ ពិតជាបានធ្វើឱ្យយើងទាំងអស់គ្នា ផ្តោតការយកចិត្តទុកដាក់ និងតាមដានជាប់ជាប្រចាំ ជាពិសេស ការផុសឡើងកាន់តែខ្លាំងក្លា នូវទឹកចិត្តស្នេហាជាតិ ស្នេហាទឹកដី និងស្នេហាសម្បត្តិវប្បធម៌ដែលជាកេរមរតកដូនតារបស់យើង។ ខ្ញុំក៏បានកត់សម្គាល់ឃើញមានការអំពាវនាវឱ្យជនរួមជាតិយើង ចេញធ្វើសកម្មភាពប្រឆាំងតបនឹងទង្វើរបស់ជនជ្រុលនិយមនៃប្រទេសជិតខាង។ ក្នុងស្ថានការណ៍នេះ ខ្ញុំសូមអំពាវនាវសារជាថ្មីម្តងទៀត សូមបងប្អូនប្រជាពលរដ្ឋខ្មែរទាំងអស់គ្រប់និន្នាការ បន្តរក្សាឱ្យបាននូវសេចក្តីថ្លៃថ្នូររបស់យើង ក្នុងភាពជាម្ចាស់ស្របច្បាប់ បន្តលើកតម្កើងកិត្តិយស កិត្យានុភាពខ្មែរស្រឡាញ់សន្តិភាព ហើយជឿជាក់លើសមត្ថភាពរបស់រាជរដ្ឋាភិបាលកម្ពុជា ក្រោមដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការដោះស្រាយបញ្ហាប្រឈមចំពោះមុខនេះតាមយន្តការច្បាប់ ការទូត និងយោធា ដើម្បីការពារឱ្យបានដាច់ខាតនូវបូរណភាពទឹកដី និងសម្បត្តិវប្បធម៌ជាតិរបស់យើង។ ពិតណាស់ បូរណភាពទឹកដី គឺជារឿងរបស់យើងទាំងអស់គ្នា ហើយលើសពីនេះ ខ្ញុំសូមកោតសរសើរ និងសូមអរគុណដ៏ស្មោះចំពោះបងប្អូនប្រជាពលរដ្ឋទាំងអស់ រួមទាំងយុវជន ដែលតែងតែត្រៀមខ្លួនជានិច្ច ក្នុងការចូលរួម ក្នុងបុព្វហេតុខឿនការពារជាតិប្រជាជន។ សូមបងប្អូនទាំងអស់ បន្តយកចិត្តទុកដាក់តាមដានសភាពការណ៍ព្រំដែន រក្សាទំនាក់ទំនង ក៏ដូចជាកិច្ចសហប្រតិបត្តិការប្រចាំថ្ងៃជាមួយប្រទេសជិតខាងឱ្យបានល្អប្រសើរ ដើម្បីការពារបូរណភាពទឹកដីរបស់យើងផង និងភាពរីកចម្រើននៃប្រជាជនរបស់យើងផង៕ ដោយ ៖ ង៉ាន់ ទិត្យ

(ភ្នំពេញ)៖ ប្រមុខដឹកនាំក្រសួងការពារជាតិកម្ពុជា-ថៃ បានឯកភាពគ្នាប្រឹងប្រែងឱ្យអស់ពីលទ្ធភាពដើម្បីរក្សាសន្តិភាព សន្តិសុខ និងស្ថិរភាព តាមបណ្តោយព្រំដែន ជាពិសេសតំបន់ដែលកំពុងមានភាពតានតឹង តាមរយៈការរក្សាការប្រាស្រ័យទាក់ទង គ្នាទៅវិញទៅមក ការយោគយល់គ្នា និងការសន្ទនាប្រកបដោយសន្តិវិធី ក្នុងគោលបំណងជៀសវាងការប៉ះ ទង្គិចយោធា ដែលភាគីទាំងសងខាងសុទ្ធតែមិនចង់ឃើញ។ នេះបើយោងតាមសេចក្តីជូនដំណឹងរបស់ក្រសួងការពារជាតិ កម្ពុជា ដែលបានចេញនៅរសៀលថ្ងៃទី៦ ខែមិថុនា ឆ្នាំ២០២៥ នេះ ។ យោងតាមសេចក្តីជូនដំណឹងឱ្យដឹងថា នៅរសៀលថ្ងៃទី៥ ខែមិថុនា ឆ្នាំ២០២៥ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួង ការពារជាតិ នៃព្រះរាជាណាចក្រកម្ពុជា បានជួបពិភាក្សាជាមួយ ឯកឧត្តម Phumtham Wechayachai ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រថៃ អំពីភាព តានតឹងនៅតាមបណ្តោយព្រំដែនប្រទេសទាំងពីរ ដែលបានប្រព្រឹត្តិទៅនៅស្រុកអារញ្ញប្រថេត ខេត្តស្រះកែវ ព្រះរាជាណាចក្រថៃ ដោយមានខ្លឹមសារសំខាន់ៗដូចខាងក្រោម៖ នៅក្នុងជំនួបនោះ ភាគីថៃក៏បានស្នើសុំឱ្យភាគីកម្ពុជាដកកងទ័ពចេញ ពីទីតាំងឈរជើងនៅតំបន់មុំបី ដែលបានប្រយុទ្ធគ្នាកាលពីថ្ងៃទី២៨ ខែឧសភា ឆ្នាំ២០២៥ កន្លងទៅ ភាគីកម្ពុជាបានបដិសេធមិនទទួលការស្នើ សុំនេះទេ…

(ភ្នំពេញ)៖ សេចក្តីប្រកាសព័ត៌មានរបស់ក្រសួងការពារជាតិកម្ពុជាបានឱ្យដឹងថា កាលពីរសៀលថ្ងៃទី៥ ខែមិថុនា ឆ្នាំ២០២៥ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួង ការពារជាតិ នៃព្រះរាជាណាចក្រកម្ពុជា បានជួបពិភាក្សាជាមួយ ឯកឧត្តម Phumtham Wechayachai ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រថៃ អំពីភាព តានតឹងនៅតាមបណ្តោយព្រំដែនប្រទេសទាំងពីរ ដែលបានប្រព្រឹត្តិទៅនៅស្រុកអារញ្ញប្រថេត ខេត្តស្រះកែវ ព្រះរាជាណាចក្រថៃ ដោយមានខ្លឹមសារសំខាន់ៗដូចខាងក្រោម ៖ សូមអញ្ជើញអានខ្លឹមសារទាំងស្រុង ដោយ ៖ ង៉ាន់ ទិត្យ

(ភ្នំពេញ)៖ ឆ្លើយតបនឹងសំណួររបស់អ្នកកាសែត ពាក់ព័ន្ធនឹងករណីបាតុកម្មនៅមុខស្ថានទូតព្រះរាជា ណាចក្រកម្ពុជានៅទីក្រុងបាងកក នៅព្រឹកថ្ងៃទី៦ ខែមិថុនា ឆ្នាំ២០២៥ ឯកឧត្តម ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានថ្លែងថាកម្ពុជា សូមប្រកាសទាត់ចោលនូវការចោទប្រកាន់ផ្ទុយពីការពិត ថា កងទ័ពព្រំដែនកម្ពុជា បានរំលោភបំពានទៅលើអធិបតេយ្យភាពរបស់ប្រទេសថៃ ។ អ្នកនាំពាក្យរូបនេះ បានគូសបញ្ជាក់ថា ហេតុការណ៍ពិតប្រាកដ គឺនៅព្រលឹមថ្ងៃទី២៨ ខែឧសភា ឆ្នាំ២០២៥ វេលាម៉ោងប្រមាណ ៥ និង ៣០នាទីព្រឹក មានករណីផ្ទុះអាវុធមួយបានកើតឡើង នៅពេលដែលកងកម្លាំងយោធាថៃ បានបើកការបាញ់ប្រហារមកលើទីតាំងកងទ័ពកម្ពុជា ក្នុងភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដែលជាតំបន់ ត្រូវបានទទួលស្គាល់ថា ជាប៉ុស្តិ៍យោធាកម្ពុជា ជាយូរមកហើយ។ ការផ្ទុះអាវុធនេះ បានបណ្តាល ឱ្យទាហានខ្មែរម្នាក់បាត់បង់ជីវិត ។ ឯកឧត្តម ជុំ សុន្ទរី បានសង្កត់ធ្ងន់ថា ការវាយប្រហារនេះបានបំពានទៅលើ អធិបតេយ្យភាពរបស់កម្ពុជា ហើយនិង MOU ដែលបានចុះហត្ថលេខា រវាងរដ្ឋាភិបាលប្រទេសទាំងពីរ ក្នុងខែមិថុនាឆ្នាំ២០០០ ដែលមានគោលដៅថែរក្សាសន្តិភាព…

ព្រៃវែង៖ ឯកឧត្តមសួន សុម៉ាលីន អភិបាលខេត្តព្រៃវែង​កាលពី​ព្រឹកថ្ងៃទី៥ ខែមិថុនា ឆ្នាំ២០២៥ បានអញ្ជើញចូលរួម​ប្រារព្ធ​ទិវាបរិស្ថានជាតិ និងទិវាបរិស្ថានពិភពលោក ៥ មិថុនា ២០២៥ ក្រោមប្រធានបទ៖«ប្រយុទ្ធប្រឆាំង ការបំពុល​ដោយប្លាស្ទិក​» ។ ក្នុងឱកាសនេះឯកឧត្តមអភិបាលខេត្តបានថ្លែងទៅកាន់អ្នកចូលរួមយ៉ាងច្រើនកុះករថា ប្រធានបទ៖«ប្រយុទ្ធប្រឆាំង ការ​បំពុល​ដោយ​ប្លាស្ទិក» គឺស្របតាមបរិបទសកល និងស្ថានភាពជាក់​ស្តែងនៅ​ក្នុងប្រទេសកម្ពុជា ដែលកំពុងប្រឈម​នឹង​បញ្ហាការ​កើនឡើងនៃសំណល់ប្លាស្ទិក ។សំណល់ប្លាស្ទិកគឺ​ជាបញ្ហាដ៏​ធ្ងន់ធ្ងរ ដោយសារតែការកើនឡើងនៃការ​ប្រើប្រាស់​ផលិតផល​ប្លាស្ទិកក្នុងជីវភាពរស់នៅប្រចាំថ្ងៃ។ការបំពុលដោយប្លាស្ទិក​មិនត្រឹមតែប៉ះពាល់ដល់សោភណភាពទីក្រុង ប៉ុណ្ណោះទេ តែថែមទាំងបង្កផលប៉ះពាល់យ៉ាងធ្ងន់ធ្ងរដល់បរិស្ថាន ប្រព័ន្ធ​អេកូឡូស៊ី សុខភាពសាធារណៈ និងសេដ្ឋកិច្ច​ជាតិផងដែរ។ ឯកឧត្តមអភិបាលខេត្តបានអំពាវនាវដល់ប្រជាពលរដ្ឋទាំងអស់ ឈប់បោះសំរាមចោលតាមដងផ្លូវ ហើយសូមឱ្យចូលរួម​សាមគ្គី​គ្នាសម្អាតបរិស្ថាន និងថែរក្សាបរិស្ថានទាំងអស់គ្នា ដើម្បីខេត្ត​ព្រៃវែងមានសោភណភាពស្អាត ពោរពេញ​ទៅដោយ​ពណ៌បែតង និងគ្មានសំរាមនៅតាមទីសាធារណៈ។ លោក ម៉ននី បណ្ឌិត អភិបាលក្រុងព្រៃវែងបានថ្លែងថា ការប្រារព្ធទិវាបរិស្ថានជាតិ ក្នុងគោលបំណងបង្កើនការ​យល់​ដឹងដល់បងប្អូនប្រជាពលរដ្ឋដែលរស់នៅក្នុងក្រុងព្រៃវែង អំពីបញ្ហាបរិស្ថាន និងលើកទឹកចិត្តដល់​ប្រជាពលរដ្ឋឱ្យ​ចូលរួម​ថែរក្សាអនាម័យបរិស្ថាន វេចខ្ចប់សំរាមឱ្យបានត្រឹមត្រូវទាំងនៅ​គេហដ្ឋាននិងសហគមន៍។ការដោះស្រាយបញ្ហានេះ មិនមែនជា​ការងាររបស់បុគ្គលណាម្នាក់ ឬស្ថាប័នណាមួយនោះទេ ប៉ុន្តែជា​ការ​ទទួលខុសត្រូវរួមរបស់យើងទាំងអស់គ្នា ដើម្បីក្រុងព្រៃវែង​មានភាពស្អាត ភាពបៃតង និងចីរភាពស្របតាមពាក្យស្លោក “ កម្ពុជាស្អាត ខ្មែរធ្វើបាន “៕ដោយ៖នុត នាង

កំពង់ធំ៖ខណៈរដូវបិទនេសាទបានមកដល់ កងកម្លាំងនៃ​បញ្ជាការ​ដ្ឋានតំបន់ប្រតិបត្តិការសឹករងកំពង់ធំ សហការជា​មួយ​កម្លាំងចម្រុះ បន្តធ្វើសកម្មភាពបង្ក្រាបបទល្មើសនេសាទខុស​ច្បាប់ក្នុងភូមិសាស្ត្របឹងទន្លេសាប នៅឃុំផាត់សណ្ដាយ ស្រុក​កំពង់ស្វាយ និងឃុំពាមបាង ស្រុកស្ទោង ខេត្តកំពង់ធំ ។ ឧត្ដមសេនីយ៍ទោសោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំ បានឱ្យដឹងថា កាលពីព្រឹកថ្ងៃទី៥ ខែមិថុនា កម្លាំង​ដែលប្រចាំការនៅឃុំផាត់សណ្តាយ ស្រុកកំពង់ស្វាយ ដឹកនាំ​ដោយ​លោកវរសេនីយ៍ទោ ទិត ចាន់ នាយ​សេនាធិការ​រងប្រចាំ​ការ​នៅទីបញ្ជការស្រាលឃុំផាត់សណ្តាយ និងកម្លាំងប្រចាំការនៅទី​បញ្ជាការស្រាលទិសពាមបាង ស្រុកស្ទោង ខេត្តកំពង់ធំដឹកនាំ​ដោយលោកអនុសេនីយ៍ឯក លុយ សុភាព បានបន្តល្បាតនិង​បង្ក្រាប​ឧបករណ៍នេសាទល្មើសច្បាប់ ដោយបានបំផ្លាញចោល​របាំងស្បៃអួនក្រឡាញឹកខុសច្បាប់ប្រវែង៣៥០ ម៉ែត្រ របាំងស្បៃ​មុង​ចំនួន១៣របាំង ប្រវែង ៦៥០ម៉ែត្រ និងបំផ្លាញចោលនូវ​ឧបករណ៍​ល្មើសច្បាប់នេសាទមួយចំនួនទៀត ផងដែរ។ ឧត្តមសេនីយ៍ទោ សោម ស៊ុន បានឱ្យដឹងថាក្នុងឱកាសនៃ​ការ​ល្បាតនេះ​កងកម្លាំងចម្រុះដោយមាន​អាជ្ញាធរមូលដ្ឋានផង​នោះក៏បានធ្វើការផ្សព្វផ្សាយជូនប្រជាពលរដ្ឋ នូវលិខិតជូន​ដំណឹង​ស្ដីពី​​រដូវបិទនេសាទឆ្នាំ២០២៥ របស់រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ ដោយចាប់អនុវត្ត​ពីថ្ងៃទី១ ខែមិថុនា ដល់ថ្ងៃទី៣០ ខែកញ្ញា ឆ្នាំ២០២៥ នៅក្នុងតំបន់បឹងទន្លេសាបដែរ ៕ដោយ៖ ប៊ុន រដ្ឋា

(ភ្នំពេញ)៖ រយៈពេល៥ខែ នៃដើមឆ្នាំ២០២៥នេះ ពោលគិតចាប់ពីខែមករាដល់ដំណាច់ខែឧសភាឆ្នាំ ២០២៥ កម្ពុជាបាននាំចេញអង្ករចំនួន ៣៤៤ ១៩៩ តោន គិតជាទឹកប្រាក់ បានចំនួន ២៥២.៣០លានដុល្លារ សហរដ្ឋអាម៉េរិក។ បើយោងតាមសេចក្តីប្រកាសព័ត៌មានរបស់សព័ន្ធស្រូវអង្ករកម្ពុជាបានឱ្យដឹងថា៖ក្នុងចំណោមអង្ករដែលនាំចេញនេះរួមមានដូចជា៖អង្ករក្រអូបគ្រប់ប្រភេទចំនួន ៧៥.៥៦ភាគរយ, ប្រភេទអង្ករសគ្រាប់វែង ១៩.៣៣ភាគរយ, អង្ករសរីរាង្គចំនួន ២.០៣ភាគរយ, អង្ករចំហ៊ុយ ២.៤៣ភាគរយ និងអង្ករផ្សេងៗទៀតចំនួន ០.៦៥ភាគរយ ។ ប្រភពដដែលនេះបានបញ្ជាក់ដែរថាក្រុមហ៊ុននាំចេញអង្ករចំនួន ៤៨ ក្រុមហ៊ុន ទៅកាន់គោលដៅចំនួន ៦៣ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ១៦០ ៧៣២តោន គិតជាទឹកប្រាក់ចំនួន ១២៦.៧៥ លានដុល្លារសហរដ្ឋអាមេរិក ទៅកាន់ប្រទេសចិន និងហុងកុង ចំនួន ៩០ ៦៦៥តោន គិតជាទឹកប្រាក់ចំនួន ៥៣.២៥ លានដុល្លារសហរដ្ឋអាមេរិក ទៅកាន់ប្រទេសក្នុងអាស៊ាន ចំនួន ៥ ប្រទេសបានបរិមាណចំនួន ៤៩ ៧០០ តោន គិតជាទឹកប្រាក់ចំនួន ៣៤.៥៦ លានដុល្លារសហរដ្ឋអាមេរិក…

(ភ្នំពេញ)៖ ក្រសួងពាណិជ្ជកម្មបានឱ្យដឹងថា ដើម្បីជំរុញវិស័យពាណិជ្ជកម្មទ្វេភាគី រវាង កម្ពុជា និងប្រទេស វៀតណាម ដែលបានចុះហត្ថលេខាកាលពីថ្ងៃទី២៨ ខែមេសា ឆ្នាំ២០២៥ ក្នុងនោះ កម្ពុជា ទទួលបានភាពអនុគ្រោះពន្ធសូន្យភាគរយ (0%) នូវមុខទំនិញដែលមានដើមកំណើតនៅប្រទេសកម្ពុជា ចំនួន ២៨បន្ទាត់ពន្ធគយ ពីសាធារណរដ្ឋសង្គមនិយមវៀតណាម សម្រាប់អនុវត្តឆ្នាំ២០២៥-២០២៦។ យោងតាមសេចក្តីប្រកាសរបស់ក្រសួងពាណិជ្ជកម្មបានឱ្យដឹងនៅថ្ងៃទី០៥ ខែមិថុនា ឆ្នាំ២០២៥នេះថា ផលិតករ និងអ្នកនាំចេញ អាចធ្វើការស្នើសុំវិញ្ញាបនបត្របញ្ជាក់ដើមកំណើតទំនិញជាទម្រង់អេស (CO Form S) តាមរយៈគេហទំព័រ https://co.moc.gov.kh ចំពោះមុខទំនិញដូចមានក្នុងឧបសម្ព័ន្ធ១ ដើម្បីទទួលបានអត្រាអនុគ្រោះពន្ធសូន្យភាគរយ (0%)។ ប្រភពដដែលនេះបានបញ្ជាក់ថា សម្រាប់បរិមាណមុខទំនិញអង្ករ និងសន្លឹកថ្នាំជក់ សម្រាប់អនុវត្តឆ្នាំ២០២៥ ផលិតករ និងអ្នកនាំចេញ អាចមកដាក់ពាក្យស្នើសុំនៅក្រសួងពាណិជ្ជកម្ម (នាយកដ្ឋាននាំចេញ នាំចូល នៃអគ្គនាយកដ្ឋានសេវាពាណិជ្ជកម្ម) រៀងរាល់ម៉ោងធ្វើការចាប់ពី ថ្ងៃជូនដំណឹងរហូតដល់ថ្ងៃទី២៧ ខែមិថុនា ឆ្នាំ២០២៥ ។ គួរបញ្ជាក់ថា សម្រាប់ប្រទេសកម្ពុជាទទួលបានភាពអនុគ្រោះពន្ធសូន្យភាគរយ (០%) នេះ ក្រោមកិច្ចសម្របសម្រួលជំរុញពាណិជ្ជកម្មទ្វេភាគីរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម ដែលបានចុះហត្ថលេខាកាលពីថ្ងៃទី២៨…