(ភ្នំពេញ)៖ សមាជ រដ្ឋសភា និង ព្រឹទ្ធសភា លើកទី១ បានបិទបញ្ចប់ដំណើរការកិច្ចប្រជុំរបស់ខ្លួននាថ្ងៃទី៣ មិថុនា ឆ្នាំ២០២៥ ក្រោយបានបើកដំណើរការ កាលពីថ្ងៃទី២ ខែមិថុនា ។ ជាលទ្ធផលនៃសមាជលើកទី១នេះ អង្គសមាជទាំងមូល បានលើកដៃបោះឆ្នោតគាំទ្រសកម្មភាពរបស់រាជរដ្ឋាភិបាលកម្ពុជា លើប្រព័ន្ធគាំពារសង្គម,សេដ្ឋកិច្ចក្រៅប្រព័ន្ធ និង កសិកម្ម ហើយអង្គសមាជ បានបន្តជំរុញឱ្យរាជរដ្ឋាភិបាល បន្តអនុវត្តគោលនយោបាយរបស់ខ្លួនបន្ថែមទៀត ដើម្បីបម្រើជាផលប្រយោជន៍ជូនប្រជាពលរដ្ឋដែលជាម្ចាស់ឆ្នោត ។ កិច្ចប្រជុំ នៃសមាជរដ្ឋសភា និងព្រឹទ្ធសភា លើកទី១ បានចាប់ផ្តើមតាំងពីម៉ោង៨ព្រឹកថ្ងៃទី២ មិថុនា ឆ្នាំ២០២៥ ដោយប្រជុំរហូតដល់ម៉ោង ១២ និង ២៣នាទី រំលងអាធ្រាតឈានចូលថ្ងៃទី០៣មិថុនា ដែលជាកិច្ចប្រជុំឆ្លងថ្ងៃមិនធ្លាប់មានពីមុន ដោយសមាជិករដ្ឋសភា និងព្រឹទ្ធសភា មកពីគណបក្សនយោបាយទាំងអស់ បានបោះឆ្នោតជាឯកច្ឆ័ន្ទគាំទ្រ និងអនុម័តទៅលើរបៀបវារៈសំខាន់ៗចំនួន២ រួមមាន៖ ប្រព័ន្ធគាំពារសង្គម និងសេដ្ឋកិច្ចក្រៅប្រព័ន្ធ ដែលជាគោលនយោបាយរបស់រដ្ឋាភិបាល អាណិត្តទី៧ ក្នុងការជួយគាំទ្រ និងថែទាំសុខភាពសាធារណៈជូនប្រជាពលរដ្ឋ និងការពារភាពធន់នៃអាជីវកម្មខ្នាតតូចជាដើម ។ កិច្ចប្រជុំនាថ្ងៃទី១ បានពិភាក្សាលើរបៀបវារៈ ដោយផ្តើមដំបូងដឹកនាំដោយសម្តេចតេជោ ហ៊ុន…

(ខេត្តកណ្តាល)៖ កម្ពុជានឹងមានឯករាជ្យភាពលើការដឹកជញ្ជូនតាមផ្លូវទឹកដោយខ្លួនឯង ដូច្នេះរាជរដ្ឋាភិបាលបានខិតខំធ្វើយ៉ាងណាឱ្យគម្រោងព្រែកជីកហ្វូណនតេជោនេះទទួលបានជោគជ័យ។ នេះគឺជាការលើកឡើង របស់ ឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល នៅក្នុងឱកាសជួបសំណេះសំណាលជាមួយបងប្អូនប្រជាពលរដ្ឋដែលមានក្បាលដីពាក់ព័ន្ធជាមួយគម្រោងព្រែកជីកហ្វូណនតេជោ ដោយមានការចូលរួមពីក្រុមការងារអន្តរក្រសួង នៅបរិវេណវត្តពោធិអណ្តែត ស្ថិតក្នុងឃុំត្រើយស្លា ស្រុកស្អាង នាព្រឹកថ្ងៃទី០៣ ខែមិថុនា ឆ្នាំ២០២៥ ។ ជាមួយគ្នានេះ ឯកឧត្តម អភិបាលខេត្ត ក៏បានថ្លែងអំណរគុណបំផុត ចំពោះទឹកចិត្តដ៏ប្រពៃថ្លៃថ្លារបស់បងប្អូនប្រជាពលរដ្ឋទាំងអស់ ដែលបានចូលរួមគាំទ្រជាមួយរាជរដ្ឋាភិបាលក្នុងការកសាងគម្រោងព្រែកជីកហ្វូណនតេជោ ដែលជាសមិទ្ធផលប្រវត្តិសាស្ត្ររបស់កម្ពុជាយើង ។ ឯកឧត្តមបាន បន្ថែមថា ក្រុមមការងារអន្តរក្រសួង បានធ្វើការសិក្សាច្បាស់លាស់ ធ្វើយ៉ាងណា ឱ្យផ្លូវទឹកនេះ បើកនាវាចេញចូលបាន ហើយរងផលប៉ះពាល់តិចតួចបំផុត ទៅលើបងប្អូនប្រជាពលរដ្ឋ ។ ហើយនៅពេលព្រែកជីករបស់យើងសាងសង់រួចរាល់ នោះនឹងផ្ដល់អត្ថប្រយោជន៍ដល់ប្រទេសកម្ពុជាយើង ក្នុងការទាក់ទាញអ្នកវិនិយោគទាំងក្នុង និងក្រៅប្រទេស ដើម្បីរកស៊ីនៅក្នុងប្រទេសរបស់យើងហើយបង្កើតការងារជូនបងប្អូនប្រជាពលរដ្ឋយើង។ ធានាដល់ការផ្គត់ផ្គង់ត្រីសាច់បាននៅក្នុងតំបន់ព្រែកជីកនេះ ពិសេសព្រែកជីកនេះអាចទាក់ទាញដល់ភ្ញៀវទេសចរណ៍ នៅពេលដែលព្រែកជីកនេះសាងសង់រួច ហេដ្ឋារចនាសម្ព័ន្ធជាច្រើនត្រូវបានសាងសង់ ដែលអាចទាក់ទាញដល់ភ្ញៀវទេសចរណ៍មកកម្សាន្តសប្បាយ និងបង្កើតការងារកាន់តែច្រើនទៀតជូនបងប្អូនប្រជាពលរដ្ឋយើង និងលើកកម្ពស់ជីវភាពរបស់បងប្អូនប្រជាពលរដ្ឋនៅក្នុងតំបន់ឱ្យកាន់តែល្អប្រសើរឡើង ។ ក្នុងឱកាសនោះដែរ ក្រុមការងារអន្តរក្រសួង ក៏បានពន្យល់ អំពីលក្ខខណ្ឌបច្ចេកទេស ការសាងសង់ព្រែកជីកហ្វូណនតេជោ…

ភ្នំពេញ ៖ ក្រុមហ៊ុន Smart Axiata ដែលជាក្រុមហ៊ុនផ្តល់សេវាទូរគមនាគមន៍ និង ICT ព្រមទាំងក្រុមហ៊ុន ទ្រូម៉ាន់នី ខេមបូឌា ដែលជាក្រុមហ៊ុនបច្ចេកវិទ្យា ហិរញ្ញវត្ថុល្បីឈ្មោះរបស់កម្ពុជា និងជាម៉ាកយីហោបច្ចេកវិទ្យាហិរញ្ញវត្ថុ លំដាប់អន្តរជាតិស្ថិតក្រោម ការគ្រប់គ្រង របស់ក្រុមហ៊ុន Ascend Money បានពង្រឹងកិច្ចសហការតាមរយៈអនុស្សរណៈនៃការយោគយល់គ្នា (MoU) កាលពីថ្ងៃទី 29ខែឧសភា ឆ្នាំ 2025 ដើម្បីពង្រឹងសមត្ថភាពរបស់ក្រុមហ៊ុនទាំងពីរក្នុងការផ្ដល់សេវាកម្មជូនដល់អតិថិជនឱ្យបានកាន់តែទូលំទូលាយ។ សម្ព័ន្ធភាពនេះ មិនត្រឹមតែជាការផ្ដួចផ្ដើមយ៉ាងសំខាន់សម្រាប់វិស័យឌីជីថលរបស់ប្រទេសកម្ពុជាប៉ុណ្ណោះទេ ប៉ុន្តែវាបានបង្ហាញពីទំនាក់ទំនងយ៉ាងស្អិតរមួតរវាងក្រុមហ៊ុនទូរគមនាគមន៍ និងក្រុមហ៊ុនបច្ចេកវិទ្យា ហិរញ្ញវត្ថុ នៅក្នុងជីវិតប្រចាំថ្ងៃ។ កិច្ចសហការដែលស្ថិតក្រោមមូលបទ “The Digital Crossroad”បង្ហាញពីទស្សនវិស័យដើម្បីសម្រេចបាននូវអន្តរកម្មយ៉ាងជិតស្និតរវាងការតភ្ជាប់ និងសេវាកម្មហិរញ្ញវត្ថុ។ តាមរយៈកិច្ចសហការនេះ ក្រុមហ៊ុនទាំងពីរនឹងបង្កើតឱ្យមាននូវការផ្លាស់ប្ដូរវិជ្ជមានសម្រាប់ប្រជាជនកម្ពុជា មិនថាសម្រាប់ការបង់ប្រាក់ ការភ្ជាប់ទំនាក់ទំនង ឬការអភិវឌ្ឍខ្លួននៅសម័យឌីជីថលឡើយ។ភាពជាដៃគូនេះមានគោលបំណងរួមបញ្ចូលសេវាកម្មសំខាន់ៗ និងបណ្តាញភ្នាក់ងារនៅបណ្ដាខេត្តក្រុងនានាដើម្បីឱ្យអ្នកប្រើប្រាស់អាចទទួលបានដំណោះស្រាយ និងសេវាកម្មឌីជីថលបានកាន់តែងាយស្រួល និងលើកកម្ពស់ការរស់នៅប្រចាំថ្ងៃរបស់ពួកគេ។ ក្រោមលក្ខខណ្ឌនៃអនុស្សរណៈនេះ ក្រុមហ៊ុន Smart Axiata និងទ្រូម៉ាន់នី ខេមបូឌា នឹងធ្វើការរួមគ្នាដើម្បី៖ លោក Ziad Shatara នាយកប្រតិបត្តិក្រុមហ៊ុន…

(ជប៉ុន)៖ កាលពីថ្ងៃទី១-២ ខែមិថុនា ឆ្នាំ២០២៥ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូជួបពិភាក្សាការងារជាមួយក្រុមហ៊ុនបច្ចេកវិទ្យាឌីជីថលប្រមាណ ១៣៥ក្រុមហ៊ុន នៅទីក្រុងតូក្យូនិងទីក្រុងអូសាកា ប្រទេសជប៉ុន ក្រោមការសម្របសម្រួលរៀបចំដោយសមាគមកម្ពុជា-ជប៉ុន និងក្រុមហ៊ុន Next Make របស់ជប៉ុន ។ កិច្ចប្រជុំទាំងនេះ មានគោលបំណងជំរុញនិងពង្រឹងការអនុវត្តកម្មវិធី Japanese IT Pathway ប្រកបដោយជោគជ័យ ដោយសារក្រុមហ៊ុនទាំងនេះ អាចជាដៃគូក្នុងការទទួលយកនិស្សិតកម្ពុជាដែលបានបញ្ចប់ការសិក្សាក្រោម កម្មវិធី Japanese IT Pathway មកបម្រើការនៅប្រទេសជប៉ុន។ ឆ្លៀតក្នុងឱកាសនៃជំនួបទាំងនេះ ឯកឧត្តមរដ្ឋមន្រ្តីក៏បានផ្សព្វផ្សាយនិងជំរុញការប្រើប្រាស់ថ្នាលផ្ទៀងផ្ទាត់ឯកសារ VERIFY.GOV.KH នៅប្រទេសជប៉ុន ព្រមទាំងជំរុញឱ្យក្រុមហ៊ុនបច្ចេកវិទ្យាឌីជីថលទាំងនោះមកវិនិយោគនៅកម្ពុជា ជាពិសេសក្នុងសួនឌីជីថល។ គួរបញ្ជាក់ផងដែរថា កម្មវិធី Japanese IT Pathway គឺជាកម្មវិធីមួយរៀបចំឡើងក្រោមកិច្ចសម្របសម្រួលរបស់ ក្រសួងប្រៃសណីយ៍និងទូរគមនាគមន៍ ជាមួយក្រុមហ៊ុន Next Make ដើម្បីផ្តល់ឱកាសឱ្យនិស្សិតកម្ពុជាអាចបំពេញការងារនៅប្រទេសជប៉ុនក្នុងវិស័យបច្ចេកវិទ្យាឌីជីថល។ តាមរយៈកម្មវិធីនេះ និស្សិតឆ្នាំទី៣និងទី៤ត្រូវទទួលការបណ្តុះបណ្តាលភាសាជប៉ុននិងជំនាញបច្ចេកវិទ្យាឌីជីថល ហើយបន្ទាប់ពីបញ្ចប់ការសិក្សាដោយជោគជ័យ និស្សិត នឹងមានឱកាសទទួលបានការងារនៅក្រុមហ៊ុនបច្ចេកវិទ្យាឌីជីថលនានានៅប្រទេសជប៉ុន៕ ដោយ ៖…

កំពង់ធំ៖ឯកឧត្តម នួន ផារ័ត្ន អភិបាលខេត្តកំពង់ធំ បានអញ្ជើញជា​អធិបតីក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុ ចំនួន ១ ៧៧៣បណ្ណជូនប្រជាពលរដ្ឋចំនួន ៥៤១ គ្រួសារ នៅភូមិនាងល្អ និងភូមិវាលអំពិល ស្ថិតក្នុងឃុំទ្រៀល ស្រុកតាំងគោក ។ ក្នុងកម្មវិធីដែលបានប្រារព្ធកាលពីថ្ងៃទី២ ខែមិថុនា ឯកឧត្តមបាន​បញ្ជាក់ថា ការចុះបញ្ជី និងចែកបណ្ណដីនេះ ជាសមិទ្ធផល​សំខាន់​មួយក្នុងការអនុវត្តគោលនយោបាយដីធ្លីរបស់រាជរដ្ឋាភិបាល។ វាបានជួយពង្រឹងសុវត្ថិភាពនៃការកាន់កាប់ដីធ្លី កាត់បន្ថយវិវាទដីធ្លី បង្កើនទីផ្សារដី និងចំណូលថវិការដ្ឋ តាមរយៈការបង់ពន្ធប្រថាប់ត្រា និងពន្ធអចលនទ្រព្យប្រចាំឆ្នាំ។ ឯកឧត្តមបានស្នើសុំឱ្យអាជ្ញាធរដែនដី សហការជាមួយស្ថាប័នពាក់ព័ន្ធ ដើម្បីជំរុញ​ការចុះបញ្ជីដីឱ្យ​បានគ្រប​ដណ្តប់​គ្រប់​ភូមិឃុំ នៅតំបន់​ដែលមិនទាន់វាស់វែង។ការចុះបញ្ជីត្រូវធ្វើដោយសហការជាមួយ​ប្រជាពលរដ្ឋ ក្នុងការកំណត់ព្រំដីផ្លូវ ត្រពាំង ប្រឡាយទឹកឱ្យ​បានច្បាស់លាស់ និងដោះស្រាយវិវាទព្រំដីឬការលូតលាស់សិទ្ធិលើដី។មន្ទីរជំនាញ និងអាជ្ញាធរ​មាន​សមត្ថកិច្ចពង្រឹងការងារវាស់វែង និងចុះបញ្ជីដីឱ្យបានចប់នៅទូទាំងខេត្តតាមផែនការរបស់ក្រសួង​រៀបចំដែនដី នគរូបនីយ​កម្ម និងសំណង់នៅក្នុងឆ្នាំ ២០២៥នេះ៕ ដោយ៖​ប៊ុន​រដ្ឋា

ភ្នំពេញ ៖ ធនាគារវីង (ខេមបូឌា)ម.ក និង ធនាគារ CIMB នៃប្រទេស​សិង្ហបុរីកាលពីព្រឹកថ្ងៃទី២ ខែមិថុនា ឆ្នាំ២០២៥​បាន​ចុះហត្ថលេខា​លើអនុស្សរណៈនៃការយោគយល់មួយដើម្បីជំរុញកំណើនសេវាហិរញ្ញវត្ថុ ក្នុងគោលបំណងលើកកម្ពស់​សេវាហិរញ្ញវត្ថុអន្តរជាតិ ក៏ដូចជាជំរុញ​កិច្ចសហប្រតិបត្តិការសេដ្ឋកិច្ចរវាងប្រទេសកម្ពុជា និងប្រទេសសិង្ហបុរី​ឱ្យ​​កាន់តែ​ប្រសើរឡើង ។ ភាពជាដៃគូគ្នារវាងធនាគារ វីង (ខេមបូឌា) ម.ក និង ធនាគារ CIMB សិង្ហបុរី គឺជាការបោះជំហានដ៏​សំខាន់មួយ​ក្នុង​ការ​ពង្រឹងទំនាក់​ទំនងប្រព័ន្ធហិរញ្ញវត្ថុនៅក្នុងតំបន់អាស៊ាន តាមរយៈភាពខ្លាំងក្នុង​តំបន់របស់ធនាគារ CIMB និងភាពឈាន​មុខនៅក្នុងមូលដ្ឋានរបស់​ធនាគារ វីង ដើម្បីផ្តល់នូវសេវាហិរញ្ញវត្ថុសម្បូរបែបដែលឆ្លើយ​តបតម្រូវ​ការអតិថិជនគ្រប់រូប ដោយរួមមានទាំង ក្រុមហ៊ុនពាណិជ្ជកម្ម សហគ្រាស​ខ្នាតតូច និងមធ្យមនិងអតិថិជនដែលមានចំណូលខ្ពស់​ជាដើម។ បណ្ឌិត Dmytro Kolechko អគ្គនាយកធនាគារ វីង បានលើក​ឡើងថា “ការចាប់ដៃសហការជាមួយធនាគារ CIMB សិង្ហបុរី នាពេលនេះ នឹងនាំយកនូវដំណោះស្រាយហិរញ្ញវត្ថុលំដាប់ពិភព​លោកដើម្បីបំពេញតម្រូវការអតិថិជន ហើយថែម​ទាំង​រួមចំណែក​ពង្រឹងកិច្ចសហប្រតិបត្តិការសេដ្ឋកិច្ចរវាងប្រទេសកម្ពុជា និងប្រទេស​សិង្ហបុរីឱ្យកាន់តែរីកចម្រើនថែមទៀត ដែលនេះគឺជាជំហ៊ានដ៏សំខាន់​មួយសំដៅលើកកម្ពស់បរិយាបន្នហិរញ្ញវត្ថុ និងកាលានុវត្តភាព​ពាណិជ្ជកម្មអន្តរ​ជាតិឱ្យកាន់​តែប្រសើរឡើង។” កិច្ចសហប្រតិបត្តិការនេះនឹងផ្តល់ជូនដំណោះស្រាយធនាគារជាច្រើនដូចជា ប្រាក់បញ្ញើ កម្ចី ការផ្ទេរប្រាក់ និងហិរញ្ញប្បទាន​ពាណិជ្ជកម្មជា​ដើម ដើម្បីគាំទ្រកំណើនតម្រូវការអាជីវកម្មអន្តរជាតិ ។ ការផ្តោតសំខាន់​គឺគាំទ្រដល់សហគ្រាសខ្នាតតូច…

(ភ្នំពេញ)៖ ទីភ្នាក់ងារសហប្រតិបត្តិការអន្តរជាតិកូរ៉េ ហៅកាត់ថា (កយកា-KOICA) ប្រចាំកម្ពុជា នៅថ្ងៃទី២ ខែមិថុនា ឆ្នាំ២០២៥បានរៀបចំវគ្គតម្រង់ទិសមុនចេញដំណើរ សម្រាប់មន្ត្រីរដ្ឋាភិបាលកម្ពុជាមកពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្ដន៍ និងក្រសួងពាណិជ្ជកម្ម មុនពេលពួកគាត់ចូលរួមវគ្គបណ្តុះបណ្តាលឆ្នាំទីបីក្នុងកម្មវិធីស្តីពី”ការកសាងសមត្ថភាពសម្រាប់កម្មសិទ្ធិបញ្ញានិងប្រព័ន្ធកម្មវិធីទទួលស្គាល់ប្រកាសនីយបត្រតក្កកម្មនៅកម្ពុជាសម្រាប់ឆ្នាំ២០២៣ ដល់ឆ្នាំ២០២៥”។ វគ្គបណ្តុះបណ្តាលនេះនឹងប្រព្រឹត្តទៅនៅសាធារណរដ្ឋកូរ៉េ ចាប់ពីថ្ងៃទី៨ដល់ថ្ងៃទី២១ ខែមិថុនាឆ្នាំ២០២៥ដែលជាផ្នែកមួយនៃកិច្ចសហប្រតិបត្តិការទូលំទូលាយរបស់ទីភ្នាក់ងារសហប្រតិបត្តិការអន្តរជាតិកូរ៉េ(កយកា-KOICA)ជាមួយកម្ពុជា ដើម្បីពង្រឹងមូលដ្ឋានគ្រឹះសេដ្ឋកិច្ចរបស់ ប្រទេសកម្ពុជាតាមរយៈ ការអភិវឌ្ឍធនធានមនុស្ស ដោយផ្តោតលើការច្នៃប្រឌិតនិងសិទ្ធិកម្មសិទ្ធិបញ្ញា។ បន្ទាប់ពីវគ្គបណ្តុះបណ្តាលឆ្នាំទី១និងទី២ កម្មវិធីឆ្នាំនេះនឹងមានសិក្ខាកាមចូលរួមចំនួន១៥នាក់ដែលនឹងទទួលបានការបណ្តុះបណ្តាលជាក់ស្តែងស្តីពី ម៉ាក (trademarks) ម៉ាកសម្គាល់ភូមិសាស្រ្តទំនិញ (geographical indication-GI) គំនូរឧស្សហកម្ម និងយុទ្ធសាស្ត្រសម្រាប់ពាណិជ្ជកម្មនិងការគ្រប់គ្រងបច្ចេកវិទ្យា។ កម្មវិធីនេះមានគោលបំណងលើកកម្ពស់សមត្ថភាពរបស់កម្ពុជាក្នុងការបង្កើត និងប្រើប្រាស់កម្មសិទ្ធិបញ្ញា(intellectual property-IP)ដោយហេតុនេះគាំទ្រដល់កំណើនសេដ្ឋកិច្ចប្រកបដោយនិរន្តរភាព និងការបង្កើតឱកាសថ្មីៗតាមរយៈការការពារប្រកបដោយប្រសិទ្ធភាព និងការអនុវត្ត កម្មសិទ្ធិបញ្ញា។ នៅក្នុងសុន្ទរកថាបើក លោកស្រី សេជីន លី (Ms. Sejin Lee) នាយិការងនៃការិយាល័យកយកា-KOICAប្រចាំប្រទេសកម្ពុជា បានអបអរសាទរដល់សិក្ខាកាមចូលរួមទាំងអស់ដែលបានត្រូវបានជ្រើសរើសឱ្យចូលរួមវគ្គបណ្តុះបណ្តាល និងបានសង្កត់ធ្ងន់ថា ការបណ្តុះបណ្តាលនេះត្រូវបានរៀបចំឡើងដើម្បីឆ្លើយតបទៅនឹងតម្រូវការដែលកំពុងកើនឡើងរបស់កម្ពុជា សម្រាប់វឌ្ឍនភាពក្នុងវិស័យកម្មសិទ្ធិបញ្ញា។ លោកស្រីបានថ្លែងថា គំនិតផ្តួចផ្តើមនេះឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់រដ្ឋាភិបាលកូរ៉េ ក្នុងការគាំទ្រដល់ការអភិវឌ្ឍសេដ្ឋកិច្ច សង្គមរបស់កម្ពុជា តាមរយៈការពង្រឹងធនធានមនុស្សនៅក្នុងវិស័យសំខាន់នេះ។ លោកស្រី លី ក៏បានកត់សម្គាល់ផងដែរថា កិច្ចសហប្រតិបត្តិការរបស់ កយកា-KOICA…

បាត់ដំបង៖ឯកឧត្តម សុខ លូ អភិបាលខេត្តបាត់ដំបង បានណែនាំ​ដល់អាជ្ញាធរភូមិ ឃុំ ស្រុក ត្រូវរៀបចំដាំដើម​ឈើតាម​សងខាងផ្លូវ​ដើម្បីលម្អ និងលើកកម្ពស់នូវសោភណភាពតាមដងផ្លូវ។បន្ថែមលើស​ពីនេះ​ត្រូវរឹតបន្តឹងលើការ​គ្រប់គ្រងដី​ចំណីផ្លូវ ដើម្បីរក្សាសុវត្ថិភាព​ដល់អ្នកធ្វើដំណើរ និងត្រូវម៉ឺងម៉ាត់ចៀសវាងកុំមានការសាងសង់​សំណង់ នៅលើដីចំណី​ផ្លូវសាធារណៈ។ ឯកឧត្តម សុខ លូ ថ្លែងបែបនេះក្នុងឱកាសឯកឧត្តមបានអញ្ជើញ​បើកការដ្ឋានសាងសង់ផ្លូវបេតុងអាមេមួយខ្សែ ប្រវែង​ជាង៨០០ម៉ែត្រ ដែលជាគម្រោងមូលនិធិឃុំអន្លង់វិល ស្រុកសង្កែ ខេត្តបាត់ដំបង កាលពីចុងសប្ដាហ៍នេះ។ឯកឧត្តម​​អភិ​បាល​​ខេត្តបន្តទៀតថា បច្ចុប្បន្ន​រាជរដ្ឋាភិបាលបានជួយដល់រដ្ឋបាលថ្នាក់ក្រោមជាតិឱ្យជំរុញការ​អភិវឌ្ឍនៅតាមមូលដ្ឋាន របស់ខ្លួន។ជាពិសេសការអភិវឌ្ឍ ផ្លូវថ្នល់ សាលារៀន សួនច្បារ និងការរៀបចំសណ្តាប់ធ្នាប់សាធារណៈ​ដើម្បីសំដៅដល់​ការបម្រើផលប្រយោជន៍សាធារណៈជូនប្រជា​ពលរដ្ឋនៅក្នុងមូលដ្ឋាន។ ក្នុងឱកាសដដែលនេះ ឯកឧត្តមអភិបាលខេត្តបាត់ដំបងក៏បាន​អំពាវនាវដល់ប្រជាពលរដ្ឋឱ្យចូលរួមគោរពនិងអនុវត្តច្បាប់​ចរាចរណ៍ផ្លូវគោក ដើម្បីរួមគ្នាចូលរួមទប់ស្កាត់ ក៏ដូចជាកាត់បន្ថយ​ចំនួន​អ្នកស្លាប់ និងរបួសដោយគ្រោះថ្នាក់​ចរាចរណ៍​ផ្លូវគោក ឱ្យនៅកម្រិតទាប។ត្រូវបើកបរបង្កើននូវការប្រុងប្រយ័ត្ននិងមាន​ការ​យោគយល់អធ្យាស្រ័យគ្នាទៅវិញទៅមក៕អត្ថបទ-រូបភាព៖ អ៊ុក សំអាន ប.ប