កំពង់ធំ៖រដ្ឋបាលខេត្តកំពង់ធំ តែងប្រារព្ធពិធីបុណ្យអុំទូក បណ្ដែត​ប្រទីប និងសំពះព្រះខែ អកអំបុកជារៀងរាល់ឆ្នាំ ។ឆ្នាំនេះពិធីបុណ្យ​អុំទូក​ដែល​នឹងប្រារព្ធនៅថ្ងៃទី១៦ និង១៧ ខែតុលា ឆ្នាំ២០២៤ ដោយមានការប្រណាំងទូក៦៤ ទូក ក្នុងនោះមានប្រភេទទូកង ៩ ទូក ប្រភេទទូកខ្នាតអន្តរជាតិចំនួន៤០ ទូក និងទូកផ្កាចារ១៥ ទូក និងមាន​ការបាញ់កាំជ្រួចនៅមាត់ស្ទឹងសែន ដើម្បីអបអរសាទរ​និងបង្កភាព​សប្បាយរីករាយក្រោមដំបូលសុខសន្តិភាព និងការអភិវឌ្ឍជូនប្រជា​ពលរដ្ឋ។ កាលពីថ្ងៃទី៩ ខែតុលា នៅទីបញ្ជាការតំបន់ប្រតិបត្តិការសឹករងកំពង់ធំ​ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករង​កំពង់ធំបានដឹកនាំកិច្ចប្រជុំដាក់ផែនការជាក់ស្ដែងរបស់បញ្ជាការដ្ឋាន​តំបន់ប្រតិ​បត្តិការ​សឹករងកំពង់ធំស្ដីពីការប្រើប្រាស់កម្លាំង និងការបែង​ចែកភារកិច្ចទទួលខុសត្រូវតាមតំបន់នីមួយៗជូនបណ្ដាកងឯកភាព ដែលមានការពាក់ព័ន្ធ ។ ឧត្តមសេនីយ៍ទោ សោម ស៊ុន បានណែនាំ បណ្ដាកងឯកភាពដែល​មានភារកិច្ចត្រូវសហការអនុវត្តឱ្យបានត្រឹមត្រូវតាមផែនការ ការពារ​ឱ្យបានសន្តិសុខសុវត្ថិភាពជូនភ្ញៀវទេសចរជាតិ អន្តរជាតិ ចូលរួមក្នុង​ពិធីបុណ្យខេត្តកំពង់ធំ៕ដោយ៖ប៊ុន រដ្ឋា

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញចុះពិនិត្យសកម្មភាពរស់នៅរបស់​ប្រជាពលរដ្ឋ ដែលទទួលផលពីគម្រោងបែងចែកដើម្បីសង្គមកិច្ច និងការអភិវឌ្ឍសេដ្ឋកិច្ច ( LASED ) នៅខេត្តជាប់ព្រំដែនប្រទេសវៀតណាម មាននៅភូមិស្រែលើសែនជ័យ ឃុំជាំក្រវៀន ស្រុកមេម៉ត់ ខេត្តត្បូងឃ្មុំ ( LASED I&II ) និងភូមិអូរអណ្ដូង ស្រុកអូររាំង ខេត្តមណ្ឌលគិរី ( LASED III ) នាថ្ងៃ១០ ខែតុលា ឆ្នាំ២០២៤ ។ គម្រោង បែងចែកដីដើម្បីសង្គមកិច្ច និងការអភិវឌ្ឍន៍សេដ្ឋកិច្ច (LASED) របស់រាជរដ្ឋាភិបាល បានអនុវត្តដោយក្រសួងរៀបចំដែនដី នគរូបនីយកម្ម និងសំណង់ កំពុងធ្វើឲ្យប្រជាពលរដ្ឋរស់នៅតាមបន្ទាត់ព្រំដែនកម្ពុជា ជាប់នឹងប្រទេសវៀតណាម ដែលទទួលបានផលពីគម្រោង កាន់តែមានជីវភាពល្អប្រសើរ ។ ឯកឧត្តមឧបនាយករដ្ឋមន្ត្រី សាយ សំអាល់ លើកទឹកចិត្តបន្ថែមទៅដល់ប្រជាពលរដ្ឋ ដែលទទួលផលពីគម្រោង សូមបន្តខិតខំប្រែងប្រែងក្នុងការដាំដុះដាំណាំ បង្កបង្កើនផលបន្ថែមទៀត ដើម្បីលើកកម្ពស់ជីវភាពគ្រួសារឱ្យកាន់តែប្រសើរឡើង ។ប្រជាពលរដ្ឋរស់នៅភូមិស្រែលើសែនជ័យ…

(ភ្នំពេញ)៖ ក្នុងសិក្ខាសាលា ស្តីពីការលើកកម្ពស់បរិយាបន្នហិរញ្ញវត្ថុ និងការប្រើ​ប្រាស់ ប្រាក់រៀល នាមណ្ឌលសិក្សាបច្ចេកទេសធនាគារ នារសៀលថ្ងៃទី៩ ខែតុលា ឆ្នាំ២០២៤ ឯកឧត្តម យឹម លាត ទេសាភិបាលរង ធនាគារជាតិនៃកម្ពុជា បានលើកឡើងថា ការទូទាត់ជាប្រាក់រៀលតាមប្រព័ន្ធអេឡិចត្រូនិក បានកើនឡើងយ៉ាងឆាប់រហ័ស ដែលក្នុងឆមាសទី១ ឆ្នាំ២០២៤នេះ មានកំណើន ១,៨ដង ធៀបនឹងគ្រាដូចគ្នាឆ្នាំមុន និង ២,៨ដង ធៀបនឹងឆមាសទី១ ឆ្នាំ២០២២ ។ ឯកឧត្តម យឹម លាត បានបន្តថា ផ្អែកតាមលទ្ធផលនៃការធ្វើអង្កេតការណ៍របស់​ទីភ្នាក់ងារ​សហប្រតិបត្តិការអន្តរជាតិជប៉ុន (JICA) កាលពីឆ្នាំ២០២២ ទៅលើការ​ប្រើប្រាស់ប្រាក់រៀល បានបង្ហាញថា ហាងលក់ទំនិញស្ទើរទាំងអស់​បានបិទស្លាក​តម្លៃជាប្រាក់រៀល ជាមួយនឹងប្រាក់ដុល្លារអាមេរិក ហើយហាងលក់ទំនិញកាន់​តែច្រើនឡើង បានទទួលការទូទាត់ប្រាក់រៀលតាមប្រព័ន្ធអេឡិចត្រូនិក ។ ជាមួយ​គ្នានេះ ធនាគារជាតិនៃកម្ពុជា និងក្រសួងពាណិជ្ជកម្ម ក៏បានលើកកម្ពស់​ការប្រើប្រាស់ ការទូទាត់ជាប្រាក់រៀលតាមប្រព័ន្ធអេឡិចត្រូនិក។ ថ្មីៗនេះ ការប្រើប្រាស់ប្រាក់រៀលក្នុងទីផ្សារពាណិជ្ជកម្មអេឡិចត្រូនិក Cambodiatrade.com គឺជាការបោះជំហានមួយដ៏សំខាន់ ក្នុងការជំរុញការទូទាត់ប្រាក់រៀលជាអេឡិចត្រូនិក។ ឯកឧត្តមទេសាភិបាលរង បានបន្ថែមថា ធនាគារជាតិនៃកម្ពុជា បានដាក់ឱ្យប្រើប្រាស់ប្រព័ន្ធបាគងចាប់…

(ឡាវ)៖ ខណៈជំនួបពិភាក្សាទ្វេភាគី នារសៀលថ្ងៃទី១០ ខែតុលា ឆ្នាំ២០២៤ សម្តេចមហាបវរធិបតីត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Christopher Luxon នាយករដ្ឋមន្ត្រីនូវ៉ែលសេឡង់ បង្ហាញពីឆន្ទៈជំរុញ និងបង្កើនទំហំពាណិជ្ជកម្ម រវាងប្រទេសទាំងពីរ ។ ជំនួបរវានាយករដ្ឋមន្ត្រីទាំងពីរ ក្នុងឱកាសនៃការចូលរួមកិច្ចប្រជុំ កំពូលអាស៊ាន លើកទី៤៤ និង ៤៥ និងកិច្ចប្រជុំកំពូលពាក់ព័ន្ធ ពីថ្ងៃទី៩ ដល់ថ្ងៃទី ១១ ខែតុលា ឆ្នាំ២០២៤ នៅរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវ ។ ក្នុងជំនួបនេះ សម្ដេចធិបតី បានសម្ដែងនូវការស្វាគមន៍ និងក្ដីសោមនស្សរីករាយដែលបានជួបពិភាក្សាការងារទ្វេភាគីជាមួយឯកឧត្តម Christopher Luxon ជាថ្មីបន្ទាប់ពីជំនួបលើកដំបូង កាលពីខែមីនា ឆ្នាំ២០២៤ នៅទីក្រុងមែលប៉ន នៃប្រទេសអូស្រ្តាលី ។ សម្តេចធិបតី បានថ្លែងអំណរគុណចំពោះការរួមចំណែករបស់ ប្រទេសនូវ៉ែលសេឡង់ ក្នុងដំណេីរការស្វែងរកសុខសន្ដិភាព និងការអភិវឌ្ឍនៅកម្ពុជា តាមរយៈការបញ្ជូនកងកម្លាំងថែរក្សាសន្ដិភាព កាលពីដើមទសវត្សរ៍ឆ្នាំ១៩៩០ ការចូលរួមបោសសម្អាតមីន នៅកម្ពុជា និងការអភិវឌ្ឍធនធានមនុស្សតាមរយៈការផ្ដល់ អាហារូបករណ៍ដល់និស្សិត…

(ឡាវ)៖ ដើម្បីរក្សាអាស៊ាន ជាកម្លាំងចលករ សម្រាប់វិបុលភាពពិភពលោក, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា អាស៊ាន គួរតែប្រើប្រាស់សក្តានុពលដ៏ធំ នៃវិស័យដែលកំពុងរីកចម្រើន ដូចជា៖ សេដ្ឋកិច្ចឌីជីថល អន្តរកាលបៃតង សេដ្ឋកិច្ចពណ៌ខៀវ និងខ្សែច្រវាក់ផ្គត់ផ្គង់ ប្រកបដោយភាពធន់ ដើម្បីបន្តទទួលបាន នូវកំណើនខ្ពស់ប្រកបដោយនិរន្តរភាព ។ នេះយោងតាមលទ្ធផល នៃកិច្ចប្រជុំកំពូលអាស៊ាន លើកទី៤៤ និង៤៥ របស់ក្រសួងការបរទេស នាថ្ងៃទី១០ ខែតុលា ឆ្នាំ២០២៤ ។ ក្នុងឱកាសអញ្ជើញ ចូលរួមកិច្ចប្រជុំកំពូលអាស៊ាន លើកទី៤៤ និងលើកទី៤៥ និងកិច្ចប្រជុំកំពូលពាក់ព័ន្ធ ក្រោមមូលបទ “អាស៊ាន៖ ការពង្រឹងការតភ្ជាប់ និងភាពធន់” ដែលដឹកនាំដោយ លោកបណ្ឌិត សនសៃ ស៊ីផាន់ដន នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ នៅទីក្រុងវៀងចន្ទន៍ នៅថ្ងៃទី៩ ខែតុលា ឆ្នាំ២០២៤ សម្តេចធិបតី ហ៊ុន ម៉ាណែត បានលើកឡើងថា អាស៊ាន…

(ភ្នំពេញ)៖ កម្ពុជាមានដំរីស្រុកប្រមាណជាង ៧០ ក្បាលដែលកំពុងថែរក្សានិងអភិរក្ស និងមានដំរីព្រៃចន្លោះពី ៤០០ ទៅ ៦០០ ក្បាលដែលកំពុងរស់នៅក្នុងព្រៃធម្មជាតិកម្ពុជានៅក្នុងភូមិភាគឦសាន និងតំបន់ជួរភ្នំក្រវាញ តំបន់ព្រៃឡង់ជាដើម។ សម្រាប់ការបង្កាត់ពូជដំរីក្នុងស្រុក របស់សមាគមនេះបានផ្តល់លទ្ធផលដ៏ត្រចះត្រចង់ដោយទទួលកូនដំរីមួយក្បាលឈ្មោះណូអែល ដែលជាក្តីសង្ឃឹមថ្មីសម្រាប់ការងារអភិរក្សដំរីស្រុក។នេះជាការថ្លែងបញ្ជាក់ពីសំណាក់ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន។ ក្នុងដំណើរសួរសុខទុកនិងពិនិត្យការងារអភិរក្ស ចិញ្ចឹមដំរីស្រុកនៅទីស្នាក់ការសមាគមក្នុងខេត្តមណ្ឌលគិរី ឯកឧត្តម នេត្រ ភក្រ្តាបានថ្លែងថា”ក្នុងនាមប្រធានកិត្តិយសនៃសមាគមអភិរក្សដំរីខ្មែរអៃរាវត្តាខ្ញុំបានមកសាកសួរសុខទុក្ខនិងពិនិត្យលើការងារអភិរក្សនិងចិញ្ចឹមដំរីស្រុក ខ្ញុំពិតជាសប្បាយរីករាយដែលបានឃើញការរីកលូតលាស់នៃសមាគម និងការថែរក្សា និងអភិរក្សដំរីស្រុកបានយ៉ាងល្អ។ ខ្ញុំសូមថ្លែងអំណរគុណដល់សប្បុរសជន ជាពិសេសក្រុមគ្រួសារលោក Pierre-Yves Clais និងលោកស្រី ក្លេ ចិន្តា ដែលបានលះបង់កម្លាំងកាយ កម្លាំងចិត្ត និងថវិកាក្នុងការចូលរួមថែរក្សាអភិរក្សដំរីស្រុកនេះ។ ឯកឧត្តម នេត្រ ភក្រ្តាបានថ្លែងដោយបញ្ជាក់ថា៖នៅភូមិកាទៀង ឃុំល្បាំងពីរ ស្រុកលំផាត់ ខេត្តរតនគិរី សមាគមអភិរក្សដំរីខ្មែរអៃរាវត្តា បាននិងកំពុងថែរក្សានិងអភិរក្សដំរីស្រុកចំនួន ៤ ក្បាលក្នុងនោះឈ្មោលពីរ ញី មួយ និងកូនដំរីញីមួយ ហើយការថែរក្សា និងអភិរក្សសត្វដំរីស្រុកនេះធ្វើឡើងក្នុងគោលបំណងសំខាន់គឺចូលរួមចំណែកលើកស្ទួយវិស័យទេសចរណ៍ ការពារបរិស្ថាន លើកតម្កើងប្រពៃណីវប្បធម៌នៃបង្កាត់ពូជដំរីស្រុក ដើម្បីឱ្យមានកំណើនកូនដំរី បន្តនិរន្តរភាពនៃដំរីខ្មែរ។…

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ នឹងរៀបចំ “កម្មវិធីពានរង្វាន់ឌីជីថលកម្ពុជា ឆ្នាំ២០២៤” ក្រោមប្រធានបទ “គាំទ្រដល់ពលរដ្ឋកម្ពុជាក្នុងការប្រើប្រាស់ បច្ចេកវិទ្យាឌីជីថល ដើម្បីអនាគតកាន់តែល្អប្រសើរ”។ កម្មវិធីនឹងចាប់ផ្តើមបើកទទួលពាក្យលើប្រព័ន្ធអនឡាញ ពីថ្ងៃទី៧ ខែតុលា ដល់ថ្ងៃទី៧ ខែវិច្ឆិកា ឆ្នាំ២០២៤ តាមរយៈតំណភ្ជាប់ https://mptc.gov.kh/cda2024/ ។ “កម្មវិធីពានរង្វាន់ឌីជីថលកម្ពុជា ឆ្នាំ២០២៤” ធ្វើឡើងក្នុងគោលបំណងជំរុញការធ្វើបរិវត្តិកម្មឌីជីថល ប្រកបដោយបរិយាបន្ន ដោយលើកកម្ពស់ការប្រើប្រាស់ បច្ចេកវិទ្យាគមនាគមន៍និងព័ត៌មាន និងនវានុវត្តន៍ ឌីជីថល នៅកម្ពុជា តាមរយៈការផ្តល់ពានរង្វាន់ដល់ស្ថាប័ន និងសហគ្រិននូវ៖ គួរបញ្ជាក់ថា កម្មវិធីពានរង្វាន់ ឌីជីថលកម្ពុជា គឺជាកម្មវិធី ប្រកួតប្រជែង ថ្នាក់ជាតិធំជាងគេបំផុត ក្នុង ព្រះរាជា ណាចក្រកម្ពុជា ដែល ត្រូវបានរៀបចំតាំងពីឆ្នាំ២០១៥ ដោយអតីត វិទ្យាស្ថានជាតិ ប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) ក្រោមការគាំទ្រ ពី ក្រសួងប្រៃសណីយ៍និងទូរគមនាគមន៍៕ ដោយ ៖ ង៉ាន់ ទិត្យ