កំពត៖ឯកឧត្តម សក់ សេដ្ឋា ទេសរដ្ឋមន្រ្តីទទួលបន្ទុកបេសកកម្ម​ពិសេសអនុប្រធានអចិន្ដ្រៃយ៍នៃគណៈកម្មាធិការជាតិសម្រាប់​ការ​អភិវឌ្ឍតាម​បែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.)​ និងជាប្រធានក្រុមការងារបច្ចេកទេសអន្តរ​ក្រសួង​បាន​បញ្ជាក់​ថា ការធ្វើកំណែទម្រង់វិមជ្ឈការ និងវិសហមជ្ឈការ គឺជាការសម្រេច​ចិត្តដ៏ត្រឹមត្រូវរបស់រាជរដ្ឋាភិបាល ដើម្បីឆ្លើយតបទៅនឹង​ការអភិវឌ្ឍ​និងសេចក្តីត្រូវការរបស់ប្រជាពលរដ្ឋ។ការផ្ទេរមុខងារ សិទ្ធអំណាចនេះ អាជ្ញាធរថ្នាក់ក្រោមជាតិអាច​ធ្វើអ្វីក៏បានឱ្យ​តែជា​តម្រូវការរបស់ពលរដ្ឋ ហើយស្របនឹងរដ្ឋធម្មនុញ្ញ និងច្បាប់តួយ៉ាងដូចជាខេត្តកំពតជា​គំរូ​ស្រាប់។ ឯកឧត្តម សក់ សេដ្ឋា បានថ្លែងបែបនេះក្នុងឱកាសបិទវេទិកាថ្នាក់​ខេត្តស្តីពីកំណែទម្រង់វិមជ្ឈការ និងវិសហមជ្ឈការ ដើម្បីសម្រេច​បានចក្ខុវិស័យកម្ពុជា ឆ្នាំ២០៥០ ដែលធ្វើឡើងនៅខេត្តកំពតនៅថ្ងៃទី ២៦ ខែកញ្ញា ឆ្នាំ២០២៤  ។ឯកឧត្តមបានគូសរំលេចពីវេទិកា​ដែលទើបបញ្ចប់នេះថា ក្នុងគោលបំណងបង្ហាញពីការតាំងចិត្តខាង​នយោបាយរបស់រាជរដ្ឋាភិបាល អាណត្តិទី៧ ក្នុងការ​ជំរុញ​ដំណើរ​ការកំណែទម្រង់សំដៅរួមគ្នាសម្រេចឱ្យបាននូវចក្ខុវិស័យកម្ពុជាឆ្នាំ២០២៣០ និងឆ្នាំ២០៥០ ។ដើម្បីសម្រេចទស្សនៈវិស័យនេះ រាជ​រដ្ឋាភិបាលបានដាក់ចុះនូវយុទ្ធសាស្ត្របញ្ចកោណដំណាក់កាលទី១ ដែលទាមទារឱ្យអាជ្ញាធរថ្នាក់ក្រោមជាតិ មានការគិតគូរថ្មីៗ ដើម្បី​សម្រប និងពិនិត្យមើលកំណែទម្រង់នេះ។ក្នុងកំណែទម្រង់នេះ រាជរដ្ឋាភិបាលបានផ្តល់សិទ្ធឱ្យអាជ្ញាធរថ្នាក់​ក្រោមជាតិធ្វើអ្វីក៏​បាន ឱ្យតែជាសេចក្តីត្រូវការរបស់ប្រជាពលរដ្ឋ ហើយមិនខុសរដ្ឋធម្មនុញ្ញ និងច្បាប់។ ឯកឧត្តមលើកទឹកចិត្តឱ្យអាជ្ញាធររាជធានី ខេត្ត យក​បទពិសោធន៍ និងធ្វើតាមគំរូល្អៗរបស់អាជ្ញាធរខេត្តកំពតដែល​បាន​អនុវត្តកន្លងមក។   ឯកឧត្តមម៉ៅ ធនិន អភិបាលខេត្តកំពត បានបញ្ជាក់ថា វេទិកាថ្នាក់​ខេត្ត​ស្តីពីកំណែទម្រង់វិមជ្ឍការ និងវិសហមជ្ឍការ ដើម្បីសម្រេច​បាន​ចក្ខុវិស័យ​កម្ពុជា ឆ្នាំ២០៥០ ពិតជាមានសារៈសំខាន់ក្នុងការលើកកម្ពស់​អភិបាលកិច្ចល្អ ការផ្តល់សេវាសាធារណៈ និងការ​អភិវឌ្ឍ​សេដ្ឋកិច្ចមូល​ដ្ឋាន…

កំពង់ធំ៖លោកជំទាវ លឹម មួយស្រៀន នួនផារ័ត្ន លោកស្រី លំ គន្ធារី អភិបាលរងខេត្តកំពង់ធំ និងក្រុមការងារខេត្តកំពង់ធំ បាន​អញ្ជើញ​សួរសុខទុក្ខកុមារកំព្រាដែលកំពុងរស់នៅបុរីកុមារខេត្តកំពង់ធំ ស្ថិតនៅភូមិអាចារ្យលាក់ សង្កាត់​អាចារ្យលាក់ ក្រុងស្ទឹងសែន ខេត្តកំពង់ធំ នៅថ្ងៃទី២៦ ខែកញ្ញា ឆ្នាំ២០២៤។ វត្តមាននៅពេលនោះលោកជំទាវ លឹម មួយស្រៀន នួនផារ័ត្ន បាននាំ​យកនំធុង នំកញ្ចប់ សម្ភារៈសិក្សា​និងថវិកាមួយចំនួនទៅ​ផ្ដល់​ជូន​ដល់​កុមារកំព្រា ក្នុងឱកាសបុណ្យកាន់បិណ្ឌ ។   លោក ភិន រ៉ាមីន ប្រធានបុរីកុមារខេត្តកំពង់ធំ បានឱ្យដឹងថា បុរីកុមារ​កំព្រា​ខេត្តមាន កុមារកំព្រាចំនួន៤៦នាក់ និងបុគ្គលិក​បម្រើ​ការ​នៅមណ្ឌលចំនួន៦នាក់ ។លោកបានថ្លែងអំណរគុណដល់លោកជំទាវ លឹម មួយស្រៀន នួនផារ័ត្ន លោកស្រី លំ គន្ធារី​និងក្រុមការងារ​ខេត្តដែល​បានគិតគូដល់បុរីកុមារខេត្តកំពង់ធំពិសេសក្នុងឱកាស​បុណ្យ​ភ្ជុំបិណ្ឌនាពេលខាងមុខនេះ៕  ដោយ៖​ប៊ុន​រដ្ឋា

កំពង់ឆ្នាំង៖ឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការ​សឹករងកំពង់ឆ្នាំងបានអញ្ជើញសំណេះសំណាល​និងនាំយក​អំណោយ​ដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃព្រះរាជាណាចក្រ​កម្ពុជា និងលោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត ទៅចែកជូនដល់នាយទាហាន នាយទាហានរង ពលទាហាន គ្រប់បណ្តាកង​ឯកភាព ការិយាល័យ ផ្នែកចំណុះ និង គ្រួសារកង​ទ័ព​ក្នុងរដូវបុណ្យកាន់បិណ្ឌ និងភ្ជុំបិណ្ឌ ។ ក្នុងពិធីដែលរៀបចំធ្វើឡើងកាលពីថ្ងៃទី២៦ ខែកញ្ញា ឆ្នាំ២០២៤ នៅទីបញ្ជាការតំបន់ប្រតិបត្តិការសឹករងកំពង់ឆ្នាំង ឯកឧត្តមមេ​បញ្ជាការ​​បាននាំអំណោយមាន អង្ករ​​ចំនួន​១,៦៧៥គីឡូក្រាម មី២៥កេស ត្រីខ២៥​យួរ ទឹកត្រី២៥យួរ ទឹកស៊ីអ៊ីវ២៥យួរ និងថវិកា​មួយចំនួន។ ក្នុងឱកាសនេះឯកឧត្តមមេបញ្ជាការបាននាំប្រសាសន៍ផ្តាំផ្ញើសួរសុខទុក្ខក្នុងពិធីបុណ្យភ្ជុំបិណ្ឌ ពីសំណាក់សម្តេចធិបតី នាយករដ្ឋមន្ត្រី​កម្ពុជា​និងលោកជំទាវបណ្ឌិតចំពោះនាយទាហាន ពលទាហានទាំងអស់៕ដោយ៖សុខ គឹមសៀន

ក្រចេះ៖ អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តមទេសរដ្ឋមន្រ្តី កិត្តិសង្គហបណ្ឌិត គន់ គីម អម​ដំណើរដោយ លោក ហេង សុថា អភិបាលរងខេត្ត និង លោក ទុយ ប៊ុនសេរីរ័ត្នមុនី អភិបាលរងខេត្ត តំណាងឯកឧត្តម វ៉ា ថន អភិបាលខេត្តក្រចេះ អាជ្ញាធរស្រុកចិត្របុរី និងមន្ទីរជំនាញកសិកម្មខេត្ត បានចុះត្រួត​ពិនិត្យស្ថានភាពទឹកជំនន់ទន្លេមេគង្គ និងចុះជួបសាកសួរសុខ​ទុក្ខប្រជាពលរដ្ឋ ដែលបានជម្លៀសមកកាន់ទីទួលសុវត្ថិភាពតាឃីន នៅឃុំបុសលាវ ស្រុកចិត្របុរី ខេត្តក្រចេះ។ ក្នុងសកម្មភាពនៅថ្ងៃទី២៦ ខែកញ្ញា ឆ្នាំ២០២៤ ឯកឧត្តមទេសរដ្ឋមន្រ្តី គន់ គីម បានរំលឹកដល់ប្រជាពលរដ្ឋដែលត្រូវបាន​ជម្លៀសមកកាន់​ទីទួលសុវត្ថិភាព និងគ្រួសារដែលប្រឈមរងផលប៉ះពាល់ ដោយរបប​ទឹកជំនន់ទន្លេមេគង្គ និងជំនន់ទឹកភ្លៀង នៅក្នុងឃុំបុសលាវ ស្រុកចិត្របុរី ទាំងអស់ ឱ្យយកចិត្តទុកដាក់ថែទាំសុខភាព ដោយត្រូវ​ហូបស្អាត រស់នៅស្អាត និងចេះ​អនាម័យ​ខ្លួនប្រាណ ដើម្បីចៀស​ឆ្ងាយពីការឆ្លងការជំងឺរាតត្បាតផ្សេងៗ។ទន្ទឹមនេះអាជ្ញាធរមូលដ្ឋានភូមិ ឃុំ ស្រុក ត្រូវបន្តយកចិត្តទុកដាក់​តាមដាន និងរាយការណ៍មក​អាជ្ញាធរខេត្តភ្លាមៗ ។ ឯកឧត្តមទេសរដ្ឋមន្រ្តី បានបញ្ជាក់ថា កាលពី៥ឆ្នាំមុន…

(ភ្នំពេញ)៖ ក្រសួងសេដ្ឋកិច្ច និងហិរញ្ញវត្ថុ បានរៀបចំសិក្ខាសាលា ពិគ្រោះយោបល់លើសេចក្តីព្រាងអនុក្រឹត្យចំនួន ២ និងប្រកាសចំនួន ១ សម្រាប់អនុវត្តច្បាប់ស្តីពីលទ្ធកម្មសាធារណៈ នាព្រឹកថ្ងៃទី២៥ ខែកញ្ញា ឆ្នាំ២០២៤ នៅសណ្ឋាគារសុខាភ្នំពេញ ក្នុងនោះ រួមមាន៖ ១. សេចក្តីព្រាងអនុក្រឹត្យស្តីពីបែបបទ និងនីតិវិធី នៃការប្តឹងនិងការដោះស្រាយបណ្តឹងតវ៉ាលទ្ធកម្ម, ២. សេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅនៃគណៈកម្មាធិការលទ្ធកម្មនិងអង្គភាពលទ្ធកម្ម និង ៣. សេចក្តីព្រាងប្រកាស ស្តីពីការរៀបចំ និងការប្រព្រឹត្តទៅ នៃក្រុមលទ្ធកម្ម ។ គោលបំណង នៃការៀបចំសិក្ខាសាលានេះ គឺដើម្បីពិគ្រោះយោបល់ និងប្រមូលធាតុចូលបន្ថែមទៀត សម្រាប់រៀបចំសេចក្តីព្រាងលិខិតបទដ្ឋានគតិយុត្តទាំងនេះ ឱ្យកាន់តែមានសុក្រឹតភាព និងមានភាពគ្រប់ជ្រុងជ្រោយ និងមានសង្គតិភាព ជាមួយលិខិតបទដ្ឋានគតិយុត្តជាធរមាន ដទៃទៀត ។ ឯកឧត្តម ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា កម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ បានឈានមកដល់ ដំណាក់កាលទី៤ ដែលត្រូវបានប្រសិទ្ធនាមថា “គណនេយ្យភាពសមិទ្ធកម្ម” ដែលមានគោលដៅឆ្ពោះទៅរក “ការប្រែក្លាយប្រព័ន្ធហិរញ្ញវត្ថុសាធារណៈកម្ពុជាពីប្រព័ន្ធផ្តោតលើធាតុចូល និងមានលក្ខណៈមជ្ឈការ ទៅជាប្រព័ន្ធ…

(ភ្នំពេញ)៖ ក្នុងឱកាសអនុញ្ញាតឱ្យលោកស្រីសាស្ត្រាចារ្យ YAMANAKA Akiko អតីតអនុរដ្ឋមន្ត្រីក្រសួងការបរទេសជប៉ុន និងជាអតីតឯកអគ្គរាជទូតពិសេសសម្រាប់ការកសាងសន្តិភាពនៃរដ្ឋាភិបាលជប៉ុន ចូលជួបសម្តែងការគួរសម និងពិភាក្សាការងារ នៅវិមានព្រឹទ្ធសភា នាព្រឹកថ្ងៃទី២៦ ខែកញ្ញា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានស្វាគមន៍ លោកស្រីសាស្ត្រាចារ្យ និងគណប្រតិភូ ដែលអញ្ជើញមកបំពេញទស្សនកិច្ចនៅកម្ពុជា និងសង្ឃឹមថា លោកស្រីអាចនឹងមើលឃើញដោយផ្ទាល់ពីការរីកចម្រើនរបស់កម្ពុជា ក្រោយសម្រេចបាននូវសុខសន្តិភាព ដែលទាំងអស់នេះ បង្ហាញឱ្យឃើញពីទំនាក់ទំនង និងកិច្ចសហប្រតិបត្តិការ សព្វបែបយ៉ាងដែលជប៉ុនបានជួយកម្ពុជា ។ លោកស្រីសាស្ត្រាចារ្យ YAMANAKA Akiko បានរំលឹកពីជំនួបជាមួយសម្តេច កាលពីជាង ២០ឆ្នាំមុន ដែលសម្តេចបានផ្តល់កិត្តិយសក្នុងបទសម្ភាសន៍នៅក្នុងកម្មវិធី «Voice of Asia to the West» ក្រោមការរៀបចំរបស់មូលនិធិសាសាកាវ៉ា។ លោកស្រី បានវាយតម្លៃខ្ពស់ និងអបអរសាទរ សម្ដេច ដែលបានដឹកនាំប្រទេស សម្រេចបានការអភិវឌ្ឍន៍យ៉ាងត្រចះត្រចង់ និងអបអរសាទរចំពោះភាពជោគជ័យ ដែលសម្ដេចបានបណ្ដុះបណ្ដាលបុត្រាបុត្រីសម្ដេច សម្រាប់បន្តវេន ដែលរួមចំណែកក្នុងការអភិវឌ្ឍប្រទេស។ លោកស្រី បញ្ជាក់ថា គោលបំណងចម្បងរបស់លោកស្រីចំពោះដំណើរទស្សនកិច្ចមកកាន់តំបន់នាពេលនេះគឺ…

កំពត៖មានប្រសាសន៍នៅក្នុងវគ្គបណ្ដុះបណ្ដាលគ្រូបង្គោលស្ដីពី​ការ​អនុវត្តកម្មវិធីអាហារូបករណ៍សិស្ស ក្រីក្រនៅបឋមសិក្សា និងមធ្យម​សិក្សាចំណេះទូទៅនៃកម្មវិធីជាតិជំនួយសង្គមក្នុងកញ្ចប់គ្រួសារ កាលពីថ្ងៃទី២៥ខែកញ្ញា ឆ្នាំ២០២៤ នៅមន្ទីរសង្គមកិច្ច អតីតយុទ្ធជន​និងយុវនីតិសម្បទាខេត្តកំពត  ឯកឧត្តម ស៊ឹម សុធន ប្រតិភូរាជរដ្ឋា​ភិបាលកម្ពុជា ទទួលបន្ទុកជាអគ្គនាយក​មូលនិធិ​ជាតិជំនួយសង្គម នៃក្រសួងសង្គមកិច្ចអតីតយុទ្ធជន និងយុវនីតិសម្បទាបានបញ្ជាក់ថា កម្មវិធីជាតិជំនួយសង្គមក្នុងកញ្ចប់គ្រួសារ គឺជាកម្មវិធីគោលនយោបាយ​អាទិភាពរបស់រាជរដ្ឋាភិបាល ក្នុងគោលបំណងបង្កើត​ប្រព័ន្ធគាំពារ​សង្គម ដែលមានលក្ខណៈឆ្លើយតប បានគ្រប់ជ្រុងជ្រោយទៅនឹងតម្រូវ​ការរបស់គ្រួសារក្រីក្រ និងសមាជិកដែលងាយ​រងគ្រោះ ចាប់តាំងពីពេល​ចាប់កំណើត រហូតដល់​មរណភាព ។ជួយពង្រឹងស្ថានភាពគ្រួសារ កសាងសង្គមឱ្យមានភាពធន់ និងរួម​ចំណែក​អភិវឌ្ឍសេដ្ឋកិច្ចឱ្យ​ល្អប្រសើរ។  ឯកឧត្តម ស៊ឹម សុធន បន្តថា រាជរដ្ឋាភិបាលអាណត្តិទី៧ ក្រោមការ​ដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់ចេញនូវគោលការណ៍ណែនាំជំរុញការអនុវត្តកម្មវិធីមូលនិធិជាតិជំនួយសង្គមក្នុងកញ្ចប់គ្រួសារ  ក្នុងគោលបំណងបង្កើតប្រព័ន្ធគាំពារ​សង្គម ដែលមានលក្ខណៈឆ្លើយតបបានគ្រប់ជ្រុងជ្រោយ ទៅនឹងតម្រូវ​ការរបស់គ្រួសារក្រីក្រ និងសមាជិកដែលមាន​ភាព​ងាយ​រងគ្រោះ ចាប់តាំងពីពេលចាប់កំណើត រហូតដល់មរណភាព និងជួយពង្រឹង​ស្ថានភាពគ្រួសារ កសាងសង្គមឱ្យមានភាពធន់ ព្រមទាំងរួមចំណែក​ដល់​ការអភិវឌ្ឍសេដ្ឋកិច្ចប្រកបដោយបរិយាបន្ន។ ឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជាបន្តថា កម្មវិធីជាតិជំនួយសង្គមក្នុងកញ្ចប់គ្រួសារ ត្រូវបានអនុវត្តជាផ្លូវការនៅ​ខែមេសា ឆ្នាំ២០២៤ ហើយបានដំណើរការ​ចុះឈ្មោះផ្តល់​ប្រាក់ឧបត្ថម្ភគោល សម្រាប់គ្រួសារមានបណ្ណសមធម៌ និងសមាជិក​គ្រួសារដែលងាយរងគ្រោះ ដូចជាស្ត្រីមានផ្ទៃពោះ…

បន្ទាយមានជ័យ៖មន្ត្រីសង្ឃបានបង្ហាញនូវការជឿជាក់ថា ពុទ្ធបរិស័ទ​នឹងចូលរួមកសាងវត្តគីរីរុក្ខារាម ថ្មរមៀលឱ្យ​ក្លាយជារមណីយ​ដ្ឋាន​ធម្មជាតិ និងជាកន្លែងទេសចរណ៍ក្រោយពីសម្រាកបំពេញភារកិច្ច ព្រោះថាក្នុងបរិវេណទីអារាមមួយនេះ ពោរពេញទៅ​ដោយ​ព្រៃព្រឹក្សាល​តាវល្លិ៍ គួរជាទីគយគន់ នាជើងភ្នំដងរែក ចែកខ័ណ្ឌសីមារវាងកម្ពុជា និងថៃ ការបញ្ជាក់នេះកាលពីព្រឹកថ្ងៃទី២៥ ខែកញ្ញា ក្នុងពិធីបុណ្យកាន់បិណ្ឌ៨ នា​ភូមិថ្មរមៀល ឃុំបន្ទាយឆ្មារ ស្រុកថ្មពួក​ ខេត្តបន្ទាយ​មានជ័យ ខណៈ​មានវត្តមានលោក កែ សួន សុភាព អភិបាលរងខេត្ត និងក្រុមគ្រួសារ សមាជិក សមាជិការ ឧកញ៉ា អ៊ឹង វ៉ាន់ម៉ៅ ប្រធានសភាពាណិជ្ជកម្មខេត្ត​បន្ទាយមានជ័យ ព្រមទាំងលោក លោកស្រីជិតឆ្ងាយយ៉ាងច្រើនកុះករ៕ដោយ៖ ឃិន គន្ធា

រតនគិរី៖សាខាធនាគារជាតិនៃកម្ពុជា ខេត្តរតនគិរី រួមជាមួយគ្រឹះស្ថាន​ធនាគារ និងហិរញ្ញវត្ថុក្នុងខេត្តរតនគិរីចំនួន១២គ្រឹះស្ថាន បានរៀបចំ​យុទ្ធនាការ​ប្តូរក្រដាសប្រាក់រៀលចាស់ ទក់ រហែក ជូនសាធារណជន ដោយមិនគិតកម្រៃសេវា និងត្រូវផ្ទេរចូលតាមរយៈ​គណនី​បាគង និង​គណនីធនាគារដែលជាសមាជិកបាគង។កម្មវិធីនេះបាន​ប្រារព្ធនៅ​សួនច្បារសម្តេចតេជោ ស្រុកកូនមុំនៅថ្ងៃទី២៥ខែកញ្ញា ឆ្នាំ២០២៤។ កម្មវិធីយុទ្ធនាការប្តូរក្រដាសប្រាក់រៀលចាស់ ទក់ រហែកនេះ ក្នុងគោល​បំណង ទី១- ដើម្បីលើកកម្ពស់ការប្រើប្រាស់ប្រាក់រៀល ធ្វើឱ្យ សាធារណ​ជន ឬុយុវជន ជំនាន់ក្រោយ​ ស្រលាញ់ ពេញចិត្ត ប្រាក់រៀល យើងធ្វើការផ្សព្វផ្សាយតាមរយៈរៀបចំយុទ្ធនាការ​ស្រលាញ់​ប្រាក់រៀល ប្តូរក្រដាសប្រាក់រៀលចាស់ ទក់ រហែក ដោយជំនួសមកវិញនូវក្រដាស​ប្រាក់រៀលថ្មី ការប្រើប្រាក់រៀល ដើម្បីលើកតម្កើង​មោទកជាតិ។ ទី២- ជំរុញការប្រើប្រាស់ KHQR ប្រព័ន្ធទូទាត់បាគង លើកកម្ពស់ការទូទាត់​ឌីជីថល និងជំរុញបរិញ្ញាបត្រហិរញ្ញវត្ថុ ក្នុងប្រព័ន្ធប្រតិបត្តិការធនាគារ​ឱ្យកាន់តែ ទូលំទូលាយ​ និងទី៣ – ដើម្បីបង្កើតគណនីបាគង និង​គណនី​ធនាគារជូនសាធារណ​ជន​ដោយមិនគិតកម្រៃសេវា នៅតាមស្តង់​គ្រឹះស្ថានធនាគារ និងហិរញ្ញវត្ថុ។ សូមជម្រាបថា ប្រព័ន្ធបាគង បានដាក់ឱប្រើប្រាស់ជាផ្លូវការ កាលពី​ថ្ងៃទី២៨ ខែតុលា ឆ្នាំ២០២០ ដោយធនាគារជាតិ​នៃកម្ពុជា។​ ប្រព័ន្ធបាគង…

ស្ទឹងត្រែង៖ នាយករដ្ឋមន្ត្រីនៃកម្ពុជាសម្តេចធិបតី ហ៊ុន ម៉ាណែត នាយក​រដ្ឋមន្រ្តីកម្ពុជា និងលោកជំទាវបណ្ឌិត ពេជ ចន្ទមុន្នី បាន​ផ្តល់​អំណោយសង្គ្រោះបន្ទាន់តាមរយៈរដ្ឋបាលខេត្តស្ទឹងត្រែងជូនដល់ប្រជាពលរដ្ឋដែលមានជីវភាពខ្វះខាត ក៏ដូចប្រជាពលរដ្ឋ​រង​ផលប៉ះពាល់ ដោយសារគ្រោះធម្មជាតិ ។ លោកស្រី កែវ សាវឿន អភិបាលរងខេត្តស្ទឹងត្រែង​តំណាងអភិបាល​ខេត្ត​ស្ទឹង​ត្រែង ឯកឧត្តម សរ សុពុត្រា នៅថ្ងៃទី២៥ ខែកញ្ញា​ឆ្នាំ២០២៤​នេះ បានដឹកនាំមន្ត្រីខេត្ត ក្រុង ស្រុក មន្ត្រីថ្នាក់មូលដ្ឋាន នាំយក​អំណោយ​ដ៏ថ្លៃថ្លារបស់ សម្តេចធិបតី ហ៊ុន ម៉ាណែត និងលោកជំទាវ​បណ្ឌិត ពេជ ចន្ទមុន្នី ចែកជូនប្រជាពលរដ្ឋក្រីក្រ និងពលរដ្ឋរងផល​ប៉ះពាល់ពីគ្រោះធម្មជាតិ ៤៥០គ្រួសារ មកពីឃុំចំនួន៥ នៅក្នុងស្រុក​ថាឡាបរិវ៉ាត់ ខេត្តស្ទឹងត្រែង។ លោក ស៊ុត វណ្ណា ប្រធានមន្ទីរសង្គមកិច្ច អតីតយុទ្ធជន និងយុវនិតី​សម្បទាខេត្តស្ទឹងត្រែងបានបញ្ជាក់ថា អំណោយដែល​នាំយក​មក​ចែកជូនប្រជាពលរដ្ឋ ទាំង៤៥០គ្រួសារតាមរយៈមន្ទីរសង្គមកិច្ច អតីតយុទ្ឋជន និងយុវនីតិសម្បទាមាន៖ អង្ករ មី ត្រីខកំប៉ុង ទឹកត្រី និងភួយ៕ដោយ៖ឡុង សំបូរ