កំពង់ឆ្នាំង៖កាលពីព្រឹកថ្ងៃទី២៥ ខែកញ្ញា ឆ្នាំ២០២៤កម្លាំងចម្រុះ​ខណ្ឌរដ្ឋបាលជលផលកំពង់ឆ្នាំង បង្ក្រាបបទល្មើសជលផលក្នុងភូមិសាស្រ្តខេត្តកំពង់ឆ្នាំង ។ សកម្មភាពខាងលើនេះក្នុងនោះ ទី១. កម្លាំងខណ្ឌរដ្ឋបាលជល​ផលកំពង់ឆ្នាំង ដឹកនាំដោយ លោកអ៊ូ សោភ័ណ ​នាយរង​ខណ្ឌសហ​ការជាមួយអធិការនគបាលស្រុកកំពង់លែង បានចុះប្រតិបត្តិការបង្ក្រាប​បទល្មើសនេសាទនៅក្នុង ក្នុងភូមិសាស្ត្រឃុំច្រណូក ស្រុក​កំពង់លែង ចាប់ពីចំណុចភ្នំត្រង់ ទៅដល់ផ្លូវ ៥០C និងបានរុះរើបំផ្លាញ​ចោលរបាំង​ស្បៃមុង ដែលជាបទល្មើសជលផល។ ទី២.កម្លាំងខណ្ឌរដ្ឋបាលជលផលសហការជាមួយសហគមន៍នេសាទភូមិពាមពពេច ដឹកនាំដោយលោក នួន ឬទ្ធី នាយផ្នែករដ្ឋបាល​ជលផល​កំពង់ប្រាសាទ ចុះប្រតិបត្តិការបង្ក្រាបបទល្មើសនេសាទ ដែល​ឧបករណ៍​របាំងស្បៃមុង ស្ថិតនៅចំណុចមេទឹកដីក្រហម មេទឹកសារកា ភូមិកោះថ្កួវ   ឃុំកោះថ្កូវ ស្រុកជលគិរី ។ក្នុងសកម្មភាពនេះ​​សមត្ថ​កិច្ច​បានរុះរើ ដុតបំផ្លាញចោលនៅនឹងកន្លែងវត្ថុតាងរួមមាន រុះរើរបាំង​ស្បៃមុងចំនួនពីរករណី ស្មើនឹង ៦១កន្លែង ប្រវែង ១ ៣៥០ ម៉ែត្រ ,លូស្បៃមុងចំនួន៦១, បង្គោលចំនួន ៦៥០ដើម និងចាក់លែងត្រីចម្រុះ​ចូលដែននេសាទវិញចំនួន ៧០គីឡូក្រាម៕ដោយ៖សុខ គឹមសៀន

កំពង់ធំ ៖ ពិធីប្រណាំងទូកដែលជា ទំនៀមទំលាប់ប្រពៃណីខ្មែរ ត្រូវ​បាន​ប្រារព្វជារៀងរាល់ឆ្នាំ ដោយមានកីឡាករ កីឡាការិនី ចូលរួម​ក្នុងពិធីប្រណាំងទូក ដែលនឹងប្រារព្ធឡើងនៅខេត្តកំពង់ធំនាពេលខាង​មុខនេះ ។ក្នុងនោះទូកដែល​មានឈ្មោះ​ថា “ខ្លាខ្មៅសាមគ្គីមាន​ជ័យ បារមីសឹករងកំពង់ធំ” តំណាងឱ្យ​បញ្ជាការតំបន់ប្រតិបត្តិការសឹករង​កំពង់ធំ កាលពីព្រឹកថ្ងៃទី២៥ ខែកញ្ញា បានទទួលការ​ជួយ​ឧបត្ថម្ភគាំទ្រ​កីឡាករ និងលើកទឹកចិត្តដល់កីឡាករ​ទូកខ្នាត​អន្តរជាតិ ដែលមាន​ចំណុះទូកចំនួន២២នាក់ និងកម្លាំងបម្រុងចំនួន៨​នាក់។សរុបចំនួន​៣០នាក់ ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹក​រង​កំពង់ធំ បានដឹកនាំសហការីបង្ហាញនូវការចូលរួមអបអរ អមជា​មួយនឹងទឹកចិត្តស្រឡាញ់វិស័យកីឡាដោយបានឧបត្ថម្ភថវិកា១,៥លានរៀលនិងភេសជ្ជៈមួយចំនួនជូនដល់កម្លាំងក្រុមកីឡាករ ដើម្បីបង្កើន​ការហ្វឹកហាត់ត្រៀមចូលរួមអបអរសាទរ និងដណ្ដើមយកជ័យជម្នះ​ក្នុងពិធីបុណ្យអុំទូក បណ្ដែតប្រទីប និងអកអំបុក សំពះព្រះខែនៅ​ខេត្តកំពង់ធំ ។ លោក ឈឿន សុខគា តំណាងឱ្យក្រុមកីឡាករទូកខ្លាខ្មៅសាមគ្គីមាន​ជ័យ បារមីសឹករងកំពង់ធំ បានអគុណឧត្តមសេនីយ៍ទោ សោម ស៊ុន និងថ្នាក់ដឹកនាំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែល​បានជួយគាំទ្រដល់ក្រុមកីឡាករទូកទាំងអស់ ព្រមទាំង​បានប្ដេជ្ញា​ចិត្តក្នុង​ការហ្វឹកហាត់ចាប់ពីពេលនេះតទៅ រហូតដល់ពេលប្រកួតក្នុង​ពិធីបុណ្យអុំទូក​ឆ្នាំ២០២៤នេះឱ្យទទួល​បាន​ជោគជ័យ៕ដោយ៖ ប៊ុន រដ្ឋា

ព្រះវិហារ៖ អគ្គលេខាធិការនៃអគ្គលេខាធិការដ្ឋានក្រសួងសេដ្ឋកិច្ច ឯកឧត្តម ឯក ចន្ថា បានដឹកនាំគណៈប្រតិភូក្រសួង នាំយក​អំណោយ​របស់ឯកឧត្ដមអគ្គបណ្ឌិតសភាចារ្យ អូនព័ន្ធ មុនីរ័ត្ន ឧបនាយករដ្ឋមន្រ្ដី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ មកឧបត្ថម្ភ​ដល់កងកម្លាំងប្រដាប់​អាវុធ ដែលកំពុងឈរជើងការពារបូរណភាពទឹកដី នៅតាមបណ្តោយ​ខ្សែ​បន្ទាត់ព្រំដែនកម្ពុជា-ថៃ នៅថ្ងៃទី២៥ ខែ​កញ្ញា២០២៤ នាឱកាស​នៃពិធីបុណ្យភ្ជុំបិណ្ឌប្រពៃណីជាតិខ្មែរ។ នៅក្នុងដំណើរចុះសួរសុខទុក្ខនិងការនាំយកអំណោយ គ្រឿងឧបភោគ បរិភោគ រួមទាំងថវិកាមួយចំនួនជូនដលនាយទាហាន នាយ​ទាហានរង និងពលទាហាន វរសេនាតូចអន្តរាគមន៍លេខ ៣៩៥ ចំណុះយោធ​ភូមិភាគ៤ ព្រមទាំងនាយ នាយរងនគរបាល និងពល​នគរបាលជាតិ នៃវរសេនាតូចនគរបាលការពារព្រំដែនគោកលេខ១០៥ ដែលកំពុង​ប្រចាំការនៅតំបន់មុំបី ស្ថិតក្នុងភូមិសែន​តេជះ ឃុំមរកត ស្រុកជាំក្សាន្ត ខេត្តព្រះវិហារ។ អំណោយរួមមាន ៖គ្រឿងបរិក្ខារបច្ចេកវិទ្យាព័ត៌មាន សម្ភារៈប្រើប្រាស់ គ្រឿងឧបភោគ បរិភោគ ថ្នាំពេទ្យ និងថវិកាមួយចំនួន​។សរុប ប្រមាណ ២១២ លានរៀល។ ក្នុងឱកាសនេះឯកឧត្តម ឯក ចន្ថា បាននាំនូវការផ្តាំផ្ញើសួរសុខ​ទុក្ខពី​សំណាក់ ឯកឧត្ដមអគ្គបណ្ឌិតសភាចារ្យ អូនព័ន្ធ មុនីរ័ត្ន ដែល​តែង​តែយកចិត្តទុកដាក់ចំពោះសុខទុក្ខកងកម្លាំងប្រដាប់អាវុធគ្រប់ប្រភេទ និងគ្រប់ជាន់ថ្នាក់…

កំពត​​​​​​៖នៅវត្តត្រើយកោះ ក្រុងកំពត នាបិណ្ឌ៧កន្លងទៅនេះ ពុទ្ធ បរិស័ទ និងព្រះសង្ឃ បានថ្លែងនិងមានថេរដីកាថា ពិធីបុណ្យ​កាន់​បិណ្ឌ និងភ្ជុំបិណ្ឌឆ្នាំនេះ មានប្រជាពុទ្ធបរិស័ទជាច្រើនបានមកចូលរួម​គ្រប់កិច្ចកម្មវិធីប្រពៃណី នៃពិធីបុណ្យ មិនថា​ពេល​បោះបាយ​បិណ្ឌ ប្រគេន​ចង្ហាន់ព្រឹក ចង្ហាន់ថ្ងៃត្រង់ និងប្រគេនភេសជ្ជៈនៅពេលល្ងាច ដើម្បីសមាទានសីល និងស្តាប់ព្រះសង្ឃ​សម្តែងធម៌​ទេសនា​ជាដើម។ទាក់ទងនឹងពិធីបុណ្យនេះដែរ ព្រះសាសនបាល ស៊ឹម ពន ព្រះវិន័យធម៌ គណខេត្ត ព្រះអនុគណក្រុងកំពត និងជាព្រះចៅអធិការវ​ត្តត្រើយកោះ មានថេរដីកាថា តាមការពិនិត្យក្នុងរយៈ៧ថ្ងៃកន្លងមកនេះ ប្រជាពុទ្ធ បរិស័ទជិតឆ្ងាយបានមក បំពេញកុសលផលបុណ្យ​នៅវត្តត្រើយកោះ ច្រើន ដូចឆ្នាំមុនៗដែរ។ព្រះសាសនបាល ស៊ឹម ពន មានថេរដីកាថា ការចូលរួមក្នុងពិធី បុណ្យ កាន់បិណ្ឌ និងភ្ជុំបិណ្ឌនេះ ទី១. ដើម្បីឧទ្ទិសមគ្គ​ផលកុសល​បុណ្យ ដល់បុព្វការីជនដែលបានចែកឋានរំលាយក្ខន្ធទៅហើយ ,ទី២ ដើម្បី បំពេញមគ្គផលកុសលបុណ្យសម្រាប់ខ្លួនឯង តាមរយៈ​ការផ្គត់ផ្គង់់​ចង្ហាន់ដល់សង្ឃ និងចម្រើនចាគៈ , ទី៣.ដើម្បីថែរក្សាទំនៀម​ទម្លាប់​ប្រពៃណីសាសនាកុំឲ្យបាត់បង់។ដើម្បីថែរក្សាទម្រង់នៃ​​ទំនៀម​ទម្លាប់ប្រពៃណីសាសនាឱ្យបានល្អ  ព្រះចៅអធិការ​អំពាវនាវ​ដល់ក្មេងៗជំនាន់ក្រោយ ខិតខំថែរក្សា​ប្រពៃណីបុណ្យនេះឱ្យបានល្អ ។ពិសេសត្រូវចេះស្លៀកពាក់ និងចេះរបៀបប្រណិប័តន៍ឱ្យបានសមរម្យ (សំពះមនុស្សចាស់ មាតាបិតា ជូនតា ថ្វាយបង្គំព្រះសង្ឃ…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិ​ការសឹករង ប្រធានសមាគមអតីតយុទ្ធជនកម្ពុជា ខេត្តកំពង់ធំ ផ្សព្វផ្សាយជូនអតីតយុទ្ធជនស្តីពីប្រមុខរាជរដ្ឋាភិបាលកម្ពុជាសម្រេចបញ្ចប់ការចូលរួម តំបន់ត្រីកោណអភិវឌ្ឍន៍កម្ពុជា-ឡាវ-វៀតណាម។ការផ្សព្វផ្សាយនេះក្នុងឱកាសអញ្ជើញ​សួរសុខទុក្ខ ក្រុមគ្រួសារ​អតីតយុទ្ធជនឱកាសបុណ្យកាន់បិណ្ឌ និងភ្ជុំបិណ្ឌ ស្ថិតនៅភូមិដងក្តារ ឃុំក្រយា ស្រុកសន្ទុក ខេត្តកំពង់ធំ កាលពីព្រឹកថ្ងៃទី២៤ ខែកញ្ញា ឆ្នាំ២០២៤ ។ ក្នុងឱកាសនេះដែរឧត្តមសេនីយ៍ទោ សោម ស៊ុន ក៏បាននាំ​ប្រសាសន៍សាកសួរសុខទុក្ខពីសម្ដេចតេជោ ហ៊ុន សែន ប្រធាន​សមាគម​អតីតយុទ្ធជនកម្ពុជា សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងរដូវបុណ្យកាន់បិណ្ឌ និងភ្ជុំបិណ្ឌ។ឧត្តមសេនីយ៍ទោ ក៏បាននាំយកអំណោយរបស់សម្តេចធិបតី ហ៊ុន ម៉ាណែត និងលោកជំទាវ ជូនអតីតយុទ្ធជនចំនួន១២គ្រួសារ ដែល​កំពុងរស់នៅ​លើដីសម្បទានសង្គមកិច្ចនូវអង្ករ មី ទឹកត្រី ទឹកស៊ីអ៊ីវ និងត្រីខកំប៉ុង៕ដោយ៖ ប៊ុន រដ្ឋា

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានគូសបញ្ជាក់ថា កិច្ចការរៀបចំដែនដី គឺដល់ពេលវេលាហើយដែលយើងត្រូវកំណត់ទិសដៅឱ្យបានច្បាស់លាស់ ដើម្បីឱ្យកម្ពុជាធ្វើដំណើរឆ្ពោះទៅមុខ និងធ្វើយ៉ាងណាកែប្រែឱ្យកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់ និងឈានទៅប្រទេសដែលមានចំណូលខ្ពស់ នាឆ្នាំ២០៥០ ។ នេះជាប្រសាសន៍លើកឡើងរបស់ឯកឧត្តមឧបនាយករដ្ឋមន្ត្រី សាយ សំអាល់ ក្នុងឱកាសអញ្ជើញជាអធិបតី វគ្គបំពាក់បំប៉នស្ដីពីការអនុវត្តការងារកសាងផែនការប្រើប្រាស់ដីឃុំ សង្កាត់ ទីប្រជុំជន ក្រុង ស្រុក នាព្រឹកថ្ងៃទី២៥ ខែកញ្ញា ឆ្នាំ២០២៤ នៅទីស្ដីការក្រសួង ។ ឯកឧត្តម បេងហុង សុជាតិខេមរ៉ូ អគ្គនាយកនៃអគ្គនាយកដ្ឋានរៀបចំដែនដី និងនគរូបនីយកម្ម បានឱ្យដឹងថា វគ្គបំពាក់បំប៉ននេះមានរយៈពេល ៣ ថ្ងៃ ជាឱកាសសម្រាប់មន្ត្រីបង្គោលទទួលបន្ទុកការងាររៀបចំដែនដី និងនគរូបនីយកម្មនៅថ្នាក់ក្រោមជាតិ និងអ្នកស្ម័គ្រចិត្តអនុវត្តការងារកសាងផែនការប្រើប្រាស់ដីឃុំ សង្កាត់ជាទីប្រជុំជន ក្រុង ស្រុក ទទួលបាននូវចំណេះដឹងថ្មីៗបន្ថែមទៀតពាក់ព័ន្ធនឹងវិធីសាស្ត្រប្រមូលទិន្នន័យ ការវិភាគទិន្នន័យ ការសរសេររបាយការណ៍បច្ចេកទេស និងការប្រើប្រាស់កម្មវិធីប្រព័ន្ធព័ត៌មានភូមិសាស្ត្រ (GIS) សម្រាប់ការពង្រឹងសមត្ថភាពឱ្យកាន់តែប្រសើរឡើង និងកាន់តែមានប្រសិទ្ធភាព ដល់ការអនុវត្តការងារជាក់ស្តែងពាក់ព័ន្ធវិស័យរៀបចំដែនដី នគរូបនីយកម្មប្រកបដោយឆន្ទៈ ការប្តេជ្ញាចិត្តខ្ពស់ និងស្មារតីទទួលខុសត្រូវ…

ភ្នំពេញ៖មន្រ្តីជាន់ខ្ពស់ក្រសួងព័ត៌មានបានអះអាងថា ចាប់តាំងពីថ្ងៃ​ចេញ​សេចក្តីជូនដំណឹងជាសាធារណកាលពីថ្ងៃទី២៨ ខែសីហា ឆ្នាំ២០២៤ អំពីការចែកជូនកូន​សៀវភៅ​ធម្មនុញ្ញ​វិជ្ជាជីវៈសារព័ត៌មាន​មក ក្រសួងព័ត៌មានបានបន្តទទួលសំណើសុំកូនសៀវភៅ​នេះជាច្រើន និងជាបន្តបន្ទាប់ ពីអ្នកសារព័ត៌​មាន អ្នកផលិតមាតិកា និងអ្នកធ្វើការងារ​ក្នុងវិស័យព័ត៌មាននិងសោតទស្សន៍។ ឯកឧត្តម ទេព អស្នារិទ្ធ អនុរដ្ឋលេខាធិការនិងជាអ្នកនាំពាក្យក្រសួង​ព័ត៌មាន​បានបញ្ជាក់ឱ្យដឹងតាមរយៈសារអេឡិចត្រូនិក​នៅ​រសៀល​ថ្ងៃទី២៥ ខែកញ្ញា ឆ្នាំ២០២៤នេះថា មកទល់​ពេល​នេះ​ការស្នើសុំមានចំនួន ៨,២០០ ក្បាលហើយ។ ឯកឧត្តមបន្តថា បច្ចុប្បន្នមានកូនសៀវភៅធម្មនុញ្ញវិជ្ជាជីវៈសារព័ត៌មាន​សរុបចំនួន១,២០០ ក្បាលហើយ ដែលកំពុងស្ថិតក្នុងដៃ​អ្នកប្រកប​អាជីពសារព័ត៌មាន និងត្រូវបានអ្នកសារព័ត៌មានដាក់តាមខ្លួនជាប្រចាំ ខណៈអ្នកសារព័ត៌មានផ្សេងទៀតបានប្រើប្រាស់​ធម្មនុញ្ញវិជ្ជាជីវៈ​សារព័ត៌មាន​ក្នុងទម្រង់អេឡិចត្រូនិក។ ទាំងនេះបានឆ្លុះបញ្ចាំងយ៉ាង​ច្បាស់អំពីឆន្ទៈ នៃការគោរពតួនាទីនិងករណីយ​កិច្ចក្នុងអាជីព​សារព័ត៌មាន និងការគាំទ្រយ៉ាងពេញលេញដល់ការអនុវត្តនូវធម្មនុញ្ញ​វិជ្ជាជីវៈសារព័ត៌មានពីសំណាក់តួអង្គ​ក្នុងវិស័យព័ត៌មាននិងសោត​ទស្សន៍។ ការអនុវត្តយ៉ាងពេញលេញនេះគឺដោយសារតែអ្នក​សារព័ត៌មាន អ្នកផលិតមាតិកា និងអ្នកធ្វើការងារ​ក្នុងវិស័យព័ត៌មាន​និងសោតទស្សន៍ បានយល់យ៉ាងច្បាស់អំពីអត្ថប្រយោជន៍នៃ​ធម្មនុញ្ញ​វិជ្ជាជីវៈសារព័ត៌មាន និងអំពីសារៈសំខាន់​នៃការ​ប្រតិបត្តិធម្មនុញ្ញ​វិជ្ជាជីវៈនេះក្នុងការប្រកបការងារប្រចាំថ្ងៃរបស់ពួកគេ ដើម្បីរួមចំណែក​លើកកម្ពស់គុណភាពការងារ គុណ​តម្លៃវិជ្ជាជីវៈ និងធានាប្រសិទ្ធភាពនៃ​ការផ្សព្វផ្សាយព័ត៌មានប្រកបដោយក្រមសីលធម៌និងការទទួលខុសត្រូវ។ អ្នកសារព័ត៌មាន អ្នកផលិតមាតិកា និងអ្នកធ្វើការងារក្នុងវិស័យព័ត៌មាន​និងសោតទស្សន៍ ទាំងអស់ អាចស្នើសុំកូនសៀវភៅធម្មនុញ្ញ​វិជ្ជាជីវៈសារព័ត៌មាន ដោយគ្រាន់តែបំពេញព័ត៌មានក្នុងទម្រង់ស្នើសុំ​អនឡាញ។ សម្រាប់​ការស្នើសុំទាំងអស់ ក្រសួងព័ត៌មាននឹង​រៀបចំ​ការប្រគល់ជូនក្នុងពេលឆាប់ៗនេះ។ ដូច្នេះដើម្បីទទួលបានកូនសៀវភៅ​ធម្មនុញ្ញវិជ្ជាជីវៈ​សារព័ត៌មាន សូមចូលទៅកាន់ទម្រង់​ស្នើសុំអនឡាញ​តាមរយៈQR Code ដែលអាចរកឃើញនៅក្នុងសេចក្តី​ជូនដំណឹងរបស់​ក្រសួងព័ត៌មាន និងតាមរយៈការផ្សព្វផ្សាយ​របស់ប្រព័ន្ធផ្សព្វផ្សាយ​ផ្លូវការ​រដ្ឋ​និងឯកជន។នេះបើតាមការគូសបញ្ជាក់របស់មន្រ្តីអ្នកនាំពាក្យ​ក្រសួងព័ត៌មានដដែល៕ដោយ៖ ង៉ាន ទិត្យ

(ភ្នំពេញ) ៖ ច្រាំងកសិន្ធុប្រាសាទអង្គរ ផ្នែកខាងជើងស្ពានហាលប្រវែងចំនួន២០ម៉ែត្រត្រូវបានអាជ្ញាធរជាតិអប្សរាធ្វើការជួសជុលបានបន្តទៀត ក្នុងដំណាក់កាលទី៨ នៅឆ្នាំ២០២៤ ។ អាជ្ញាធរជាតិអប្សរាបានឱ្យដឹងថានៅថ្ងៃទី២៥ ខែកញ្ញា ឆ្នាំ ២០២៤ថា ការងារជួសជុលច្រាំងកសិន្ធុប្រាសាទអង្គរវត្ត ផ្នែកខាងជើងស្ពានហាល គ្រោងនឹងបញ្ចប់នៅដើមឆ្នាំ២០២៥ ខាងមុខ ។ អ្នកស្រី នង បូរ៉ាវី មន្រ្តីបច្ចេកទេសគ្រប់គ្រងការដ្ឋានជួសជុលច្រាំងកសិន្ធុប្រាសាទអង្គរវត្ត ឱ្យដឹងថា ស្ថានភាពច្រាំងកសិន្ធុប្រវែង២០ម៉ែត្រ ដែលត្រូវបន្តជួសជុលនេះ កាំជណ្តើរថ្មភក់មួយចំនួនស្រុតធ្លាក់ចូលក្នុងកសិន្ធុ និងកប់ក្នុងភក់ នាំឱ្យខូចខាតប្រមាណ៦០ភាគរយ។ អ្នកជំនាញរូបនេះ បញ្ជាក់ថា ដំបូងគឺត្រូវធ្វើទំនប់ហើយបូមទឹកចេញ ធ្វើសម្រង់ប្លង់ សម្អាតកំណកដី ហើយលើកកាំជណ្តើរថ្មភក់ មកលាងសម្អាត ចុះបញ្ជីថ្ម គូសប្លង់លម្អិតស្ថានភាពដុំថ្មនីមួយៗមុននឹងជួសជុលពង្រឹងថ្មដែលខូចខាត។ ជួសជុលពង្រឹងគ្រឹះ ហើយរៀបកាំជណ្តើរថ្មបាយក្រៀមថ្មីចំនួន៧កាំ ជំនួសថ្មបាយក្រៀមចាស់ដែលខូចខាត។ បន្ទាប់មក រៀបកាំជណ្តើរថ្មភក់ចំនួន ៤កាំតាមលំនាំដើមឡើងវិញ ។ អ្នកស្រី នង បូរ៉ាវី បន្ថែមថា ការដ្ឋានជួសជុលដែលស្ថិតនៅជាប់នឹងទឹកនេះ មានបញ្ហាប្រឈមមួយចំនួនត្រូវការពេលវេលា ការយកចិត្តទុកដាក់ អត់ធ្មត់ ការស្រឡាញ់ និងចង់ថែរក្សាមរតកដូនតា ដើម្បីឱ្យរឹងមាំគង់វង្សយូរអង្វែងបន្តទៀត។ មកដល់បច្ចុប្បន្ននេះ គិតទាំងនៅដំណាក់កាលទី៨នេះផង…

(មណ្ឌលគិរី)៖ដែនជម្រកសត្វព្រៃកែវសីមា ខេត្តមណ្ឌលគិរី ត្រូវបានចាត់ទុកជាតំបន់ការពារធម្មជាតិដែលមានតម្លៃសំខាន់ជាសកលដោយសារភាពសម្បូរបែប នៃប្រភេទធនធានជីវៈចម្រុះដែលបានរកឃើញនៅតំបន់នេះ និងបានធ្វើឱ្យដែនជម្រកសត្វព្រៃកែវសីមាក្លាយជា តំបន់ការពារធម្មជាតិមួយដែលមានធនធានជីវៈចម្រុះសម្បូរបែបជាងគេបំផុតក្នុងចំណោមតំបន់ការពារធម្មជាតិ ផ្សេងៗទៀតនៅក្នុងប្រទេសកម្ពុជា។ ដែនជម្រកសត្វព្រៃកែវសីមាគ្របដណ្តប់លើផ្ទៃដី៣១៧ ៤៥៦ហិកតាស្ថិតនៅភាគខាងកើតប្រទេសកម្ពុ ជា ដោយមួយផ្នែកធំស្ថិតក្នុងខេត្តមណ្ឌលគិរី និងមួយផ្នែកតូចស្ថិតក្នុងខេត្តក្រចេះ។តំបន់នេះស្ថិតគឺជាតំបន់ការពារធម្មជាតិមួយក្នុងចំណោមតំបន់ការពារធម្មជាតិសរុបទាំង៧៥តំបន់នៅក្នុងប្រទេសកម្ពុជា។ ដែនជម្រកសត្វព្រៃកែវសីមាមានសារសំខាន់កម្រិតអន្តរជាតិក្នុងការអភិរក្សប្រភេទសត្វពានរ ឬវានរ រួមមានទោចថ្ពាល់លឿង ស្វាកន្ទុយស ដំរីអាស៊ី ប្រភេទមំសាសី និងប្រភេទសត្វស្លាប ជាច្រើនប្រភេទដែលប្រភេទសត្វនិងរុក្ខជាតិ៨៥ប្រភេទជា ប្រភេទរងការគំរាមកំហែង នេះបើយោងតាមបញ្ជីក្រហមរបស់សហភាពអន្តរជាតិសម្រាប់ការអភិរក្សធម្មជាតិ (IUCN)។ ក្រៅពីនេះដែនជម្រកសត្វព្រៃកែវសីមាគឺជាផ្នែកមួយនៃទឹកដីកំណើតតាំងពីដូនតារបស់ជនជាតិដើមភាគតិចពូនងឬព្នង។ សម្រាប់ពួកគាត់ ព្រៃឈើនិងធនធានធម្មជាតិផ្សេងៗទៀតគឺជាប្រភពប្រាក់ចំណូលដ៏សំខាន់និងជាតម្លៃ ស្នូលនៃអត្តសញ្ញាណវប្បធម៌ ប្រពៃណីទំនៀមទម្លាប់ និងជំនឿសាសនារបស់ខ្លួន។ឯកឧត្តម ខ្វៃ អាទិត្យា មន្រ្តីនាំពាក្យក្រសួងបរិស្ថានបានថ្លែថា៖ដើម្បីគ្រប់គ្រងធនធានធម្មជាតិនៅកែវសីមានិងតំបន់ផ្សេងៗទៀតក្រសួងបរិស្ថានបានដាក់ចេញនូវវិធានការចំនួន៤គឺទីមួយអនុវត្តវិធានការច្បាប់១០០ភាគរយ និងបញ្ចប់វប្បធម៌ចរចាដោះលែង។ ក្នុងករណីប្រព្រឹត្តិបទល្មើសគឺកសាងសំណុំរឿងបញ្ជូនទៅតុលាការផ្តន្ទាទោស,ទី២សហការជាមួយរដ្ឋបាលខេត្តដើម្បីគ្រប់គ្រងធនធានធម្មជាតិរួមគ្នា, ទី៣ សហការជាមួយអង្គភាពប្រឆាំងអំពើពុករលួយ កងអាវុធហត្ថលើផ្ទៃប្រទេស និងកងខេរៈភូមិន្ទដើម្បីរួមគ្នាបន្ថែមទៀតលើកិច្ចការពារធនធានធម្មជាតិរបស់យើង និងទី៤ជំរុញការបណ្តុះកូនឈើដើម្បីដាំស្តារគម្របព្រៃឈើឱ្យបានច្រើនគ្រប់តំបន់ និង សហគមន៍ដើម្បីទាក់ទាញភ្ញៀវទេសចរបន្ថែមទៀត។ លោក នេត្រ វិបុល នាយករង អង្គការសមាគមអភិរក្សសត្វព្រៃ (WCS)បានឱ្យដឹងថា អង្គការសមាគមអភិរក្សសត្វព្រៃសហការជាមួយ ក្រសួងបរិស្ថាន កំពុងអនុវត្ត គម្រោង​កាត់បន្ថយឧស្ម័នផ្ទះកញ្ចក់ ដែលបណ្តាលមកពីការបាត់បង់និងការរេចរឹលនៃព្រៃឈើ (REDD+) ក្នុងដែន ជម្រកសត្វព្រៃកែវសីមា…