(ភ្នំពេញ)៖ នៅរសៀលថ្ងៃទី២៥ ខែឧសភា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួម កិច្ច ប្រជុំកំពូល អាស៊ាន លើកទី៤៦ និងកិច្ចប្រជុំកំពូលពាក់ព័ន្ធ ដែលរៀបចំ ឡើង នៅប្រទេសម៉ាស៊ី ចាប់ពីថ្ងៃទី២៦ ដល់២៧ ខែឧសភា ឆ្នាំ២០២៥ ។ ដំណើរអញ្ជើញចូលរួមកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនេះ ធ្វើឡើងតបតាមការអញ្ជើញរបស់ឯកឧត្តម ដាតុ ស៊េរី អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានកិច្ចប្រជុំកំពូលអាស៊ានឆ្នាំ២០២៥។ ក្រសួងការបរទេសកម្ពុជា បានឱ្យដឹងថា អញ្ជើញអមដំណើរសម្ដេចធិបតី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត រួមមាន ៖ ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ, រដ្ឋមន្ត្រី និងមន្ត្រីសំខាន់ៗនៃរាជរដ្ឋាភិបាល ព្រមទាំង តំណាងពីសភាពាណិជ្ជកម្មកម្ពុជា…

(ភ្នំពេញ)៖ វគ្គពាក់កណ្តាលផ្តាច់ព្រ័តរបស់Miss Cosmo Cambodia 2025 ដែលបានរៀបចំឡើងនៅសាលមហោស្រពកោះពេជ្រ នាល្ងាចថ្ងៃទី២៤ ខែឧសភា ឆ្នាំ២០២៥ ម្សិលមិញនេះ ទទួលបានការចាប់អារម្មណ៍ខ្លាំង ពីសំណាក់អ្នកចូលរួម និងទស្សនិកជន ខណៈត្រូវបានរំពឹងទុកយ៉ាងខ្ពស់ គឺជាពេលវេលាប្រវត្តិសាស្ត្រមួយនៅក្នុងឧស្សាហកម្មបវរកញ្ញារបស់ប្រទេសកម្ពុជា ដោយបានប្រមូលផ្តុំនូវបវរកញ្ញាសម្រស់លំដាប់កំពូល មុខមាត់ថ្មី រួមទាំងអ្នកឧបត្ថម្ភដែលបំបែកកំណត់ត្រា។ នេះគេអាចចាត់ទុកបានថា ជាកម្មវិធីប្រកួតសម្រស់លើកដំបូងក្នុងប្រទេសកម្ពុជា ដើម្បីទាក់ទាញដៃគូរសហការដ៏ខ្លាំងបែបនេះ។ ព្រឹត្តិការណ៍នេះដែរបានធ្វើឱ្យ Miss Cosmo Cambodia ក្លាយជាវេទិកាឈានមុខគេសម្រាប់ការពង្រឹងសមត្ថភាព សម្រស់ និងតំណាងទូទាំងពិភពលោក។ តាមការឲ្យដឹងពី លោកស្រី Fiffany Vu នាយកជាតិ (National Director)របស់ Miss Cosmo Cambodia បានលើកឡើងនូវចំណាប់អារម្មណ៍ថា ក្នុងនាមជា នាយកជាតិ មួយរូប លោកស្រីពិតជាមានភាពសប្បាយរីករាយដែលឃើញបងប្អូនប្រជាពលរដ្ឋចាប់អារម្មណ៍ខ្លាំង ចូលរួមទស្សនាដោយផ្ទាល់ និងតាមទូរទស្សន៍ និងផេកផ្លូវការមួយចំនួនរបស់កម្មវិធី Miss Cosmo Cambodia យ៉ាងច្រើនកុះករ ក្នុងវគ្គពាក់កណ្តាលផ្តាច់ព្រ័តនេះ ពិសេសលោកស្រី សូមថ្លែងអំណរគុណដល់ម្ចាស់ឧបត្ថម្ភកម្មវិធីទាំងអស់ដែលបានសហការយ៉ាងល្អជាមួយកម្មវិធីមួយនេះ។ ចំណែក លោកជំទាវ…

(ខេត្តពោធិ៍សាត់)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីរសៀលថ្ងៃទី២៤ ខែឧសភា ឆ្នាំ២០២៥ បានអញ្ជើញជួបសំណេះសំណាលជាមួយប្រជាកសិករដាំទុរេន នៅឃុំអូរសោម ស្រុកវាលវែង ខេត្តពោធិ៍សាត់ ដើម្បីក្តាប់ស្ថានភាពផលិតកម្ម ស្តាប់សំណូមពរ និងផ្តល់ការគាំទ្រចាំបាច់ ។ ឯកឧត្តមរដ្ឋមន្ត្រីពិតជារីករាយដែលបានស្តាប់ឮផ្ទាល់ថា កសិករដាំទុរេននៅឃុំអូរសោមទទួលបានប្រាក់ចំណេញច្រើន និងកំពុងបង្កើនការដាំដុះបន្ថែមដើម្បីត្រៀមផ្គត់ផ្គង់ទៅទីផ្សារប្រទេសចិន នាពេលខាងមុខ ក្រោយពីរាជរដ្ឋាភិបាលសម្រេចបានការបើកទីផ្សារដើម្បីនាំចេញទុរេនកម្ពុជាទៅប្រទេសចិន កាលពីខែមេសាកន្លងទៅ។ ជាក់ស្តែង កសិករមួយរូបដែលមានផ្ទៃដីដាំដុះទុរេនចំនួន៣០ហិកតា អះអាងថា លោកអាចរកបានប្រាក់ចំណេញប្រមាណ ២៥ម៉ឺនដុល្លារ ក្នុងមួយឆ្នាំ។ ជាមួយគ្នានេះ កសិករមួយរូបទៀតកំពុងសាងសង់ឃ្លាំងវេចខ្ចប់ទុរេនអូរសោម ដើម្បីសាកល្បងនាំចេញទៅប្រទេសចិន នាពេលខាងមុខផងដែរ។ ឯកឧត្តមរដ្ឋមន្ត្រីបានផ្តាំផ្ញើ និងលើកទឹកចិត្តបងប្អូនកសិករដាំទុរេនឱ្យអនុវត្តកម្មវិធីកសិកម្មល្អឱ្យបានខ្ជាប់ខ្ជួនដើម្បីរក្សាកេរ្តិ៍ឈ្មោះល្អរបស់ទុរេនកម្ពុជា ហើយក្រសួងនឹងផ្តល់ការគាំទ្រចាំបាច់ រួមមានការចុះបញ្ជីចម្ការ ការប្រើប្រាស់ជីនិងថ្នាំកសិកម្មឱ្យមានប្រសិទ្ធភាព ព្រមទាំងការចាត់មន្ត្រីចុះមកពិនិត្យ និងវាយតម្លៃការរៀបចំឃ្លាំងវេចខ្ចប់ទុរេនសម្រាប់នាំចេញនេះឱ្យត្រូវតាមស្តង់ដារដែលប្រទេសចិនតម្រូវ។ ជាងនេះទៀត ក្រសួងគ្រោងនឹងបង្កើតស្ទីកឃ័រកំណត់ប្រភពកសិផលកម្ពុជាក្នុងទម្រង់ជា QR Code ដើម្បីជួយបង្ការការក្លែងបន្លំប្រភពកសិផលកម្ពុជា ក៏ដូចជាបង្កើនទំនុកចិត្តរបស់អ្នកទិញ និងអ្នកទទួលទាន។ ក្រោយកិច្ចសំណេះសំណាល ឯកឧត្តមរដ្ឋមន្ត្រីបានអញ្ជើញពិនិត្យចម្ការទុរេន និងឃ្លាំងវេចខ្ចប់ទុរេនដែលកំពុងសាងសង់សម្រាប់បម្រើឱ្យការនាំចេញ៕ ប្រភព ៖ ក្រសួងកសិកម្ម

(ខេត្តពោធិ៍សាត់)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកទឹកចិត្តឱ្យបងប្អូនធ្វើពិពិធកម្មមុខដំណាំ និងរួមគ្នាបង្កើតជាសហគមន៍កសិកម្មទំនើប ដើម្បីកាត់បន្ថយហានិភ័យនៃអស្ថិរភាពតម្លៃ និងដើម្បីក្រសួងអាចផ្តល់ការគាំទ្របានកាន់តែច្រើន និងជួយផ្សារភ្ជាប់ជាមួយទីផ្សារដែលមានស្រាប់ជូនបងប្អូនប្រជាកសិករ ។ ឯកឧត្តមរដ្ឋមន្ត្រី មានប្រសាសន៍ដូចនេះក្នុងឱកាស អញ្ជើញចុះជួបសំណេះសំណាលជាមួយបងប្អូនប្រជាកសិករដាំដំឡូងមី ក្នុងឃុំអន្លង់រាប ស្រុកវាលវែង ខេត្តពោធិ៍សាត់ ដោយអមដំណើរពី ឯកឧត្តម ខូយ រីដា អភិបាល ខេត្តពោធិ៍សាត់ កាលពីថ្ងៃទី២៤ ខែឧសភា ឆ្នាំ២០២៥ ។ ឯកឧត្តមរដ្ឋមន្ត្រី បាននាំកសិដ្ឋានគីរីទេស ដែលប្រមូលទិញម្ទេសពូជដៃនាង និងណាលី ដើម្បីផ្គត់ផ្គង់ក្នុងស្រុកផង និងនាំចេញផង មកពន្យល់ពីតម្រូវការ និងតម្លៃដែលក្រុមហ៊ុនអាចចុះកិច្ចសន្យាទិញពីប្រជាពលរដ្ឋ នៅពេលប្រមូលផល ក្នុងករណីបងប្អូនចូលរួមដាំ។ ទន្ទឹមនេះ ឯកឧត្តមឌិត ទីណា បានណែនាំឱ្យមានការពិភាក្សាគ្នាបន្ថែមជាមួយក្រុមការងារក្រសួងលើមុខដំណាំសក្តានុពលផ្សេងទៀត ស្របតាមតម្រូវការទីផ្សារ។ លោក ញ៉េន សំអូន តំណាងប្រជាកសិករបានថ្លែងអំណរគុណឯកឧត្តមរដ្ឋមន្ត្រី ដែលយកចិត្តទុកដាក់ដល់សុខទុក្ខ និងផលប្រយោជន៍ប្រជាកសិករ តាមរយ:ការអញ្ជើញចុះផ្ទាល់ដល់មូលដ្ឋាន ដើម្បីពិនិត្យស្ថានភាព នៃការដាំដុះ បកស្រាយពន្យល់អំពីយន្តការទីផ្សារ និងតម្រង់ទិសផលិតកម្មឱ្យទទួលបានប្រាក់ចំណេញ…

(ភ្នំពេញ)៖ ឧកញ៉ា ជា តុងហ៊ួរ បានប្រមែប្រមូលយកនូវចំណេះដឹងផ្សេងៗដែលខ្លួនមាន និងបទពិសោធជីវិតពិតនៅក្នុងការធ្វើជំនួញ និងបទពិសោធជីវិតពិតនៅក្នុងសង្គម ដែលលោកបានប្រឡូកជាង ១៥ឆ្នាំ មកចែករំលែកទុកជាចំណេះដឹង និងមេរៀនសម្រាប់ប្រជាពលរដ្ឋខ្មែរ ជាពិសេស យុវជនជំនាន់ក្រោយបានដឹងជៀសវាងការចាញ់បោកគេ។ សៀវភៅផែនទីជីវិត គឺឧកញ៉ា ជា តុងហ៊ួរ បានចាប់ដៃ និងរួមសហការសរសេរ និងផលិតមកជាមួយអ្នកនិពន្ធជើងចាស់របស់កម្ពុជា ១រូប លោក ទឹម ម៉ានី (ស្មេរ) គឺជាអ្នកនិពន្ធជើងចាស់ដែលមានឈ្មោះបោះសំឡេងខ្លាំងនៅក្នុងវិស័យតែងនិពន្ធដែលមកដល់ពេលនេះ លោកបានសរសេរសៀវភៅបានចំនួន ៣៤២ចំណងជើងរួចមកហើយ។ លោក ទឹម ម៉ានី និងឧកញា ជា តុងហ៊ួរ បានសហការសរសេរសៀវភៅផែនទីជីវិតនេះ មានកម្រាស់ដល់ទៅ ៥៩៩ទំព័រ ហើយសៀវភៅនេះ បង្ហាញ និងបរិយាយពីចំណេះដឹងពិតជាក់ស្តែង និងបទពិសោធជីវិតពិតរបស់ឧកញ៉ា ជា តុងហ៊ួរ នៅក្នុងពិភពជំនួញ និងនៅក្នុងសង្គមជាក់ស្តែងដែលលោកបានឆ្លងកាត់ប្រមាណជាង ១៥ឆ្នាំ។ សៀវភៅនេះ ក៏បកអាក្រាតផងដែរពីទម្រង់នៃការឆបោកជាច្រើននៅក្នុងប្រទេសកម្ពុជា រួមទាំង ការចាញ់បោកទៅលើជំនឿអរូបីផ្សេងៗ។ ឧកញ៉ា ជា តុងហ៊ួរ បានអះអាងថា គោលដៅរបស់លោកធំបំផុតនៅក្នុងការសរសេរសៀវភៅផែនទីជីវិតនេះ…

(ភ្នំពេញ)៖ នៅពេលនេះផ្លូវថ្មើរជើង (Walk Street) កំពុងទទួលបានប្រជាប្រិយ៍ភាពកាន់តែខ្លាំងឡើងដែលល្បីរហូតដល់ក្រៅប្រទេសតាមរយៈប្រ័ពន្ធផ្សព្វផ្សាយធំៗលើពិភពលោក ។ រដ្ឋបាលរាជធានីភ្នំពេញបានយកចិត្តទុកដាក់យ៉ាងខ្លាំងលើបញ្ហាសន្តិសុខសណ្តាប់ធ្នាប់ របៀបរៀបរយសាធារណៈនៅពេលចំនួនប្រជាពលរដ្ឋនៅផ្លូវថ្មើរជើង (Walk Street) កើនឡើងឥតឈប់ឈរ។ ឥឡូវនេះចំនួន ប្រជាពលរដ្ឋមកលេងកំសាន្តនៅផ្លូវថ្មើរជើងកាន់តែកើនឡើងក៏កើតមានបញ្ហាខ្វះចន្លោះខ្លះបញ្ហាការលក់ដូរ បញ្ហាចំណតនិងបញ្ហា បរិស្ថានត្រូវតែធ្វើការកែលម្អរ ។ ក្រោមការដឹកនាំនិងការយកចិត្តទុកដាក់ពីឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញដែលតែងយកចិត្តទុកដាក់ទៅលើការរៀបចំសន្តិសុខសណ្តាប់ធ្នាប់ របៀបរៀបរយសាធារណៈនៅផ្លូវថ្មើរជើង (Walk Street) ។ ការកំណត់ចំនួនស៊ីក្លូឱ្យចូលផ្លូវថ្មើរជើងតែ ១៤គ្រឿងក្នុងមួយថ្ងៃ (សៅរ៍ និង អាទិត្យ)ដោយឆ្លាស់គ្នាសម្រាប់ចូលដឹកភ្ញៀវដែលលំបាកក្នុងការធ្វើដំណើរ។ ចំពោះបញ្ហាធុងសំរាមដែលរដ្ឋបាលរាជធានីភ្នំពេញមិនអនុញ្ញាតិឲ្យដាក់លើផ្លូវថ្មើរជើង (Walk Street)ទេ គឺត្រូវដាក់លើចិញ្ចើមផ្លូវ។ តែអ្នកលក់ដូរតែងរុញចេញដើម្បីញែកកន្លែងសម្រាប់លក់ដូរ ។ សូមជម្រាបជូនថា មកដល់ពេលនេះផ្លូវថ្មើរជើង (Walk Street) មានអាយុ ១៥សប្តាហ៍ហើយ ។ យោងតាមសេចក្តីជូនដំណឹងរបស់ក្រសួងទេសចរណ៍ បានឱ្យដឹងពីការរៀបចំពិធីបើកជាផ្លូវការ(ឆ្នាំទេសចរណ៍កម្ពុជា.ចិន២០២៥) ដែលគ្រោងធ្វើឡើងពីថ្ងៃទី២៣ ដល់ថ្ងៃទី២៥ ឧសភា ឆ្នាំ២០២៥ ខាងមុខនេះដែលក្នុងនោះនៅថ្ងៃសៅរ៍ និង ថ្ងៃអាទិត្យទី២៤ និង ២៥ឧសភា ព្រឹត្តិការណ៍នេះនឹងមានការសម្តែងទស្សនីយ៍ភាពសិល្បៈរួមគ្នាកម្ពុជា.ចិន…

(ភ្នំពេញ)៖ ក្រសួងទេសចរណ៍ និងសមាគមទេសចរណ៍អាស៊ីប៉ាស៊ីភិច នៅកម្ពុជា ព្រមទាំងដៃគូសហការ នឹងរៀបចំវេទិកាជំនួបវិនិយោគកម្ពុជា CIM 2025 ផ្លាស់ប្តូរបទពិសោធន៍សហគ្រិនភាពក្នុងស្រុក និងការទាក់ទាញអ្នកវិនិយោគនៅក្រៅប្រទេស រយៈពេល ២ថ្ងៃ ចាប់ពីថ្ងៃទី២ ដល់ថ្ងៃទី៣ ខែមិថុនានេះ នៅសណ្ឋាគារសុខារាជធានីភ្នំពេញ ដែលមានសហគ្រិនជាតិ អន្តរជាតិចូលរួមប្រមាណជិត ២៥០ក្រុមហ៊ុន ។ លោកបណ្ឌិត ធួន ស៊ីណាន ប្រធានសមាគមទីភ្នាក់ទេសចរណ៍អាស៊ីប៉ាស៊ីភិច ប្រចាំនៅកម្ពុជា ថ្លែងប្រាប់បណ្តាអ្នកសារព័ត៌មានថ្ងៃទី២៤ ខែឧសភានេះថា វេទិកាជំនួបវិនិយោគកម្ពុជា CIM 2025 ដែលកម្ពុជាធ្វើជាម្ចាស់ផ្ទះរៀបចំនេះ មកដល់ពេលនេះ មានក្រុមហ៊ុនវិនិយោគទុននៅក្រៅប្រទេសបានចុះឈ្មោះបានប្រមាណ ៩០ក្រុមហ៊ុន និងក្រុមហ៊ុនក្នុងស្រុកចំនួន ១៥០ក្រុមហ៊ុន នឹងចូលរួមដើម្បីស្វែងរកឱកាសភ្ជាប់ដៃគូអាជីវកម្ម បង្កើតឱកាសការងារ ជាពិសេសការជំរុញកំណើនអាជីវកម្ម និងការងារក្នុងវិស័យទេសចរណ៍នៅកម្ពុជា។ ឯកឧត្តម នី ផល្លី រដ្ឋលេខាធិការក្រសួងទេសចរណ៍ ថ្លែងថា បច្ចុប្បន្ន ក្រសួងទេសចរណ៍មានគម្រោងអាជីវកម្ម ដែលមានសក្តានុពលជាច្រើន នៅក្នុងវិស័យទេសចរណ៍ ហើយតាមរយៈ វេទិកាជំនួបវិយោគកម្ពុជា ២០២៥នេះ បណ្តាក្រុមហ៊ុននានានឹងពង្រីកអាជីវកម្ម ពង្រីកការវិយោគទុន ជាពិសេសការទទួលបានការបណ្តាក់ទុនវិយោគថ្មីៗមកពីក្រៅប្រទេសច្រើនថែមទៀត…

(ភ្នំពេញ)៖ ឯកឧត្តមរដ្ឋមន្ត្រី ជា វ៉ាន់ដេត និងលោកជំទាវ ព្រមទាំងថ្នាក់ដឹកនាំនិងមន្ត្រីរាជការក្រោមឱវាទក្រសួងប្រៃសណីយ៍និងទូរគមនាគមន៍ សូមបួងសួងដល់វត្ថុស័ក្ដិសិទ្ធិក្នុងលោក និងទេវតាឆ្នាំថ្មី តាមបីបាច់ ថែរក្សា និងប្រសិទ្ធិពរជ័យ សិរីមង្គល បវរមហាប្រសើរ ជូនចំពោះ សម្តេចអគ្គមហាពញាចក្រី ហេង សំរិន ប្រធានកិត្តិយសនៃក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសចម្រើនជន្មាយុ ៩១ឆ្នាំ ឈានចូល ៩២ឆ្នាំ។ សូម សម្តេចអគ្គមហាពញាចក្រី និង សម្តេចធម្មវិសុទ្ធវង្សា ព្រមទាំងក្រុមគ្រួសារ មានបញ្ញាញាណភ្លឺថ្លាត្រចះត្រចង់ កាយពលរឹងមាំខ្លាំងក្លា សុខភាពល្អបរិបូរណ៍ ជន្មាយុយឺនយូរ និងសូមប្រកបដោយពុទ្ធពរដ៏ប្រសើរថ្លៃថ្លាទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕ ដោយ ៖ ង៉ាន់ ទិត្យ

បន្ទាយមានជ័យ៖ដើម្បីបញ្ចៀសពីការលិចលង់ស្រូវ ដោយសារការមានភ្លៀងធ្លាក់ជាប់ៗគ្នាប៉ុន្មានថ្ងៃ រដ្ឋបាលខេត្តបន្ទាយមានជ័យដោយមានមន្ទីរជំនាញជាសេនាធិការ បានបញ្ជូនគ្រឿងចក្រទៅកាយបើកមុខទឹកពីផ្នែកខាងលើ ត្រង់​ចំណុចភូមិតាម៉ា សង្កាត់ម្កាក់ ក្រុងសិរីសោភ័ណ ដែលមានព្រំប្រទល់ជាប់នឹងស្រុកស្វាយចេក ដើម្បីបញ្ចៀសការ លិចលង់ដំណាំស្រូវដែលទើបនឹងដាំដុះ។ នៅចុងសប្ដាហ៍នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមន្រ្តីជំនាញនៃមន្ទីរធនធានទឹកនិង​ឧតុនិយមខេត្ត អភិបាលក្រុងសិរីសោភ័ណ បានអញ្ជើញពិនិត្យសកម្មភាពគ្រឿងចក្រចុះ​កាយបើកមុខទឹក ដើម្បី​បញ្ចៀស​ការជន់លិចដំណាំស្រូវនៅចំណុចអូរព្រំប្រទល់ឃុំស្លក្រាម ស្រុកស្វាយចេក និងភូមិតាម៉ា សង្កាត់ម្កាក់ ក្រុងសិរីសោភ័ណ ។ ក្នុងឱកាសនេះឯកឧត្តមអភិបាលខេត្ត បានរំលឹកដល់រដ្ឋបាលក្រុង -ស្រុកទាំង៩ ឱ្យ យកចិត្តទុកដាក់តាមដានស្ថានភាពទឹក ខណៈមួយរយៈនេះមានភ្លៀងជាបន្តបន្ទាប់ ដែលអាចប្រឈមនឹងជំនន់ទឹកភ្លៀង ។ឯកឧត្តមបញ្ជាក់ថា ក្នុងករណី​តំបន់​ដែលប្រឈមនឹងជំនន់ទឹកភ្លៀង ត្រូវរកគ្រប់មធ្យោបាយដើម្បីការរំដោះទឹកកុំឱ្យមានការជន់លិច។មួយវិញទៀត ក្នុងករណី​ជំនន់ទឹកភ្លៀងធំ ​ត្រូវជម្លៀសប្រជាពលរដ្ឋទៅកាន់ទីទួលសុវត្ថិភាព៕អត្ថបទនិងរូបភាព៖ ឃិន គន្ធា