(ត្បូងឃ្មុំ) ៖ យុទ្ធនាការដាំកូនត្នោតត្រូវបានធ្វើឡើងដូចភ្លៀងរលឹម​ក្នុងរយៈពេល​ប៉ុន្មាន​ថ្ងៃចុងក្រោយនេះរបស់ក្រសួងបរិស្ថាននៅក្នុងទឹកដីខេត្តត្បូងឃ្មុំ។យុទ្ធនាការដាំដើម​ត្នោត​នេះដែរគឺបង្ហាញពីដើមរុក្ខជាតិមួយប្រភេទនេះដែលផ្តល់អត្ថប្រយោជន៍ច្រើនយ៉ាងណាស់ដល់ពលរដ្ឋកម្ពុជាតាំងតែពីយូរលង់ណាស់មកហើយ និងមិនតែប៉ុណ្ណោះវាជារុក្ខជាតិ​តំណាងអត្តសញ្ញាណរបស់កម្ពុជាទៀតផង។ ថ្លែងក្នុងយុទ្ធនាការដាំកូនឈើនៅតាមបណ្តា ក្រុង ស្រុក ក្នុងភូមិសាស្រ្ត ខេត្ត ត្បូងឃ្មុំ ក្រោមប្រធានបទ”បណ្តុះគំនិតពន្លកបៃតង”នាវិទ្យាល័យ ហេង សំរិន ចក ក្នុងខេត្តត្បូង​ឃ្មុំ ឯកឧត្តមបណ្ឌិត អ៊ាង សុផល្លែតបានថ្លែងថា៖”ខ្ញុំបានបំផុសឱ្យមានការដាំដើមត្នោត​នៅក្នុង​ព្រះរាជាណាចក្រកម្ពុជាយើងដែលជារូបភាពថែរក្សាទ្រព្យ​សម្បត្តិរុក្ខជាតិ​របស់​ខ្មែរយើងដើម្បីដាំតាមព្រំដែន។យើងបានដាំហើយ១ម៉ឺនដើម ឥឡូវខ្វះ ៤ម៉ឺនដើមទៀត​គឺនឹងដាំបាន ១២០គីឡូម៉ែត្រតាមព្រំដែន ហើយ នៅពេលនោះគឺដើមត្នោតខ្មែរ​យើង​នឹង​ដុះនៅតាមព្រំដែនទាំងអស់”។ ឯកឧត្តមរដ្ឋមន្រ្តីបានថ្លែងដែរថា៖”ពេលនេះយើងដាំបាន១ម៉ឺនដើមហើយ នៅខែក្រោយ​យើង​អាចដាំបាន៣ម៉ឺនដើម។សម្រាប់ឆ្នាំនេះយើងនឹងដាំឱ្យបាន ១២០គីឡូម៉ែត្រ​តាមព្រំ​ដែនរបស់យើង។នៅខេត្តត្បូងឃ្មុំដាំឱ្យបានតាមព្រំដែនទាំងអស់។បើឆ្នាំនេះយើងដាំ​បាន​ទាំង​អស់ពោលគឺ ១២០គីឡូម៉ែត្រតាមព្រំដែននោះ ២០ឆ្នាំក្រោយសងខាងផ្លូវ​តាម​ព្រំ​ដែន​នឹងស្អាតល្អ ។ នេះគឺការអភិវឌ្ឍន៍ទឹកដីរបស់យើង។ឃើញដើមត្នោតគឺដូច​ឃើញ​ខ្មែរយើងហើយ”។ ឯកឧត្តម អ៊ាង សុផល្លែតបានថ្លែងដោយបញ្ជាក់បន្ថែមថា៖ការដាំដើមត្នោតគឺមិនត្រឹមតែ​ធ្វើ​នៅតាមខេត្តត្បូងឃ្មុំនោះទេគឺឯកឧត្តមក៏មានយុទ្ធសាស្រ្តជា៣ដំណាក់កាល​ផងដែរ​ក្នុងនេះគឺទី១ការគូសវាសគិតគូក្នុងការធ្វើ។ទី២គឺការសាកល្បង និង ទី៣គឺការអនុវត្ត។ពេលនេះក្រសួងធ្វើការបណ្តុះកូនត្នោតបានហើយចំនួន៣០ម៉ឺនដើ់មក្នុងឆ្នាំនេះ។សាក​ល្បងដាំរួចហើយ១ម៉ឺនដើម។ឆ្នាំនេះខេត្តត្បូងឃ្មុំ ឆ្នាំក្រោយខេត្តផ្សេងទៀត។នៅតាមផ្លូវ​ព្រំដែនត្រូវតែដាំ និងមានដើមត្នោតខ្មែរយើង។មិនត្រឹមតែដាំតាមព្រំដែនទេ កន្លែងណា​ក៏ដាំដែរគឺមិនដាំរប៉ាត់រប៉ាយទេគឺដាំមានជួរបន្ទាត់ ជារង្វង់ ដាំយកផលធ្វើពាណិជ្ជកម្ម យកផលពីរុក្ខជាតិរបស់ជាតិយើងមួយនេះ។សម្រាប់ឆ្នាំក្រោយដាំដើមត្នោត​យ៉ាងតិច​បំផុតឱ្យបាន១លានដើម។យើងបណ្តុះដើម្បីចែកចាយសម្រាប់ដាំ។ ជាមួយនឹងយុទ្ធសាស្រ្តនៃការដាំដើមត្នោតដែលជារុក្ខជាតិនៃអត្តសញ្ញាណជាតិនេះដែរឯកឧត្តមរដ្ឋមន្រ្តីបានផ្តាំផ្ញើដល់សិស្សានុសិស្ស និងពលរដ្ឋចូលរួមថែរក្សាដើមត្នោត​ដែល​បាន​ដាំ និងដើមឈើទាំងអស់ដោយដាក់ជីស្រោចទឹកធ្វើយ៉ាងណាឱ្យរីកធំធាត់ និង​ទទួលបានផលនៅថ្ងៃខាងមុខ។ ឯកឧត្តមរដ្ឋមន្រ្តីបានថ្លែងដោយបញ្ជាក់បន្ថែមថា”សូមលោកគ្រូ អ្នកគ្រូ និងបងប្អូនធ្វើ​យ៉ាង​ណា​បំ​ផុសចលនា”ពន្លកបៃតង”មានន័យថាកាលណាដាំដើមត្នោត ដាំដើមឈើ​ហើយត្រូវស្រោចទឹក ដាក់ជីថែទាំងដោយឱ្យវារីកធំធាត់សុះសាយពេញផ្ទៃ​ប្រទេសដើម្បី​ធ្វើយ៉ាងណាឱ្យសម្រេចជោគជ័យតាមបំណងរាជរដ្ឋាភិបាលក្រោមការដឹកនាំរបស់សម្តេចធិបតីហ៊ុនម៉ាណែត”។ គួរបញ្ជាក់ថាដើមត្នោត មានភាគច្រើននៅក្នុងខេត្ត កំពង់ស្ពឺ កំពង់ឆ្នាំង ពោធិ៍សាត់…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករង​កំពង់ធំ បានលើកឡើងថា កងទ័ពប្រៀប​បានទៅ​នឹង​សរសៃ​ឈាមរបស់រាជរដ្ឋាភិបាល។ត្រូវត្រៀមខ្លួនជានិច្ចក្នុងការទទួលភារកិច្ច អនុវត្តតាមបទបញ្ជាពីថ្នាក់លើ ដូច្នេះត្រូវ​មានសុខភាពល្អ និងមាន​គុណភាព ទាំងចំណេះដឹង តួនាទីភារកិច្ច គោរពវិន័យ និងសេចក្ដី​ថ្លៃថ្នូររបស់កងយោធពលខេមរភូមិន្ទ ។ឧត្តមសេនីយ៍ទោ លើកឡើង​ដូច្នេះក្នុងឱកាសចុះសួរសុខទុក្ខ សិក្ខាកាមនៃបញ្ជាការដ្ឋានតំបន់​ប្រតិបត្តិការសឹករងកំពង់ធំក្នុងទីលានហ្វឹកហ្វឺនហាត់ ទីបញ្ជាការ​កងវរសេនាតូចលេខ១ ស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ នៅថ្ងៃទី១៦ ខែសីហា ឆ្នាំ២០២៤។ លោកវរសេនីយ៍ទោ ថនស៊ី សក្តា មេបញ្ជាការកងវរសេនាតូចលេខ១ និងជាអនុប្រធានអចិន្ត្រៃយ៍គណៈកម្មការគ្រប់គ្រងវគ្គហ្វឹកហ្វឺន បាន​បញ្ជាក់ថា នេះគឺជាការហ្វឹកហ្វឺនរៀនសូត្រពង្រឹងនាយទាហាន នាយ​ទាហានរង និងពលទាហានប្រចាំឆ្នាំ២០២៤ រយៈ​ពេលមួយ​ខែ។ វគ្គនេះ មានប្រាក់ឧបត្ថម្ភ​បំប៉នហ្វឹកហ្វឺន​របស់​​សម្តេចតេជោ ហ៊ុន សែន និងការជួយឧបត្ថម្ភម្ហូបអាហារ​បន្ថែមពីតាម​បណ្តាកងឯកភាព​នៅ​ផ្នែក​សឹករងក្រុងស្រុកទាំងប្រាំបួន។ ឧត្តមសេនីយ៍ទោ សោម ស៊ុន ដល់សិក្ខាកាមទាំងអស់ត្រូវស្តាប់គ្រូ​យោធាចារ្យបង្រៀន និងរៀនសូត្រតាម​ផែនការ​ដែលថ្នាក់​លើ​បាន​ប្រគល់ជូន ។ទី១-មានស្មារតីទទួលខុសត្រូវឱ្យទទួលបាន​លទ្ធផលល្អ, ទី២-ត្រូវត្រៀមបម្រុងកម្មវិធីហ្វឹកហ្វឺនយុទ្ធ​ដំណើរ​ទ័ពមុនពេល​កម្មវិធី​បិទហ្វឹកហ្វឺន មានចម្ងាយផ្លូវពី១៥ទៅ២០គីឡូម៉ែត្រ នៅក្នុងតំបន់​ព្រៃឡង់ , ទី៣-យោធិនគ្រប់រូប ត្រូវតែស្មោះ​ត្រង់ដាច់ខាត​ចំពោះជាតិ សាសនា ព្រះមហាក្សត្រ ការពារឱ្យបានរាជរដ្ឋា​ភិបាល​ស្របច្បាប់ ដែលប្រសូត្រចេញពីការបោះឆ្នោត…

កំពង់ធំ៖ឯកឧត្តម នួន ផារ័ត្ន អភិបាលខេត្តកំពង់ធំ និងសហការី ព្រមទាំងអាជ្ញាធរមូលដ្ឋាន បានអញ្ជើញចុះសួរសុខទុក្ខ និងនាំអំណោយដ៏ថ្លៃថ្លារបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជារួមមាន អង្ករ មី ត្រីខ ទឹកត្រី ទឹកស៊ីអ៊ីវ និងគ្រឿងឧបភោគបរិភោគ សម្ភារៈប្រើប្រាស់ផ្សេង​ទៀតព្រមទាំងថវិកាមួយចំនួនមកជូន លោក ស៊ិន រ៉ាន់ ដែលជាជន​ចាស់ជរា គ្មានទីពឹង រស់នៅតែម្នាក់ឯង នៅក្នុងភូមិសាស្ត្រភូមិតាម៉ើ  ឃុំបន្ទាយស្ទោង  ស្រុកស្ទោង ខេត្តកំពង់ធំ ហើយក្រុម​ការងារ​គ្រោងនឹងជួសជុលលំនៅឋានជូនលោក ស៊ិន រ៉ាន់ ។ ក្នុងឱកាសនេះលោក ស៊ិន រ៉ាន់ បានសម្តែងនូវការគោរពអរគុណ​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម​កម្ពុជា ដែលតែងតែបារម្ភ និងគិតគូរពីសុខទុក្ខរបស់បងប្អូន​ប្រជា​ពលរដ្ឋគ្រប់គ្រប់ទីកន្លែង៕ដោយ៖​ប៊ុន​រដ្ឋា

សៀមរាប៖ ដោយមានការគាំទ្រពីរដ្ឋបាលខេត្តសៀមរាប កាលពីព្រឹក​ថ្ងៃទី១៦ ខែសីហា ឆ្នាំ២០២៤ មន្ទីរព័ត៌មានខេត្ត បានរៀប​ចំពិធី​សំណេះសំណាល និងផ្សព្វផ្សាយធម្មនុញ្ញវិជ្ជាជីវៈសារព័ត៌មាន​ដល់អ្នកសារព័ត៌មាន កងកម្លាំង និងមន្រ្តីនៃមន្ទីរ អង្គភាពជុំវិញ​ខេត្តចំនួន ១៤៨នាក់ (ស្រី ១៨នាក់) ក្រោមអធិបតីភាពឯកឧត្តម ជា ច័ន្ទបរិបូរណ៌ រដ្ឋលេខាធិការក្រសួងព័ត៌មាន និងលោក ង៉ូវ សេងកាក់ អភិបាលរងខេត្តតំណាងឯកឧត្តមអភិបាលខេត្តសៀមរាប។ ឯកឧត្តម ជា ច័ន្ទបរិបូរណ៍  លើកឡើងថា សម្រាប់ខេត្តសៀមរាប​ជាគោលដៅដំបូងគេបង្អស់ ដែលក្រសួងព័ត៌មាន បានរៀបចំធ្វើការ​ផ្សព្វផ្សាយពី ធម្មនុញ្ញវិជ្ជាជីវៈសារព័ត៌មាន បន្ទាប់ពីបានដាក់ឱ្យ​អនុវត្តន៍ជាផ្លូវការកាលពីថ្ងៃទី៦ ខែសីហា ឆ្នាំ២០២៤។ ឯកឧត្តម បន្ថែមថា ក្នុងសម័យបដិវត្តឧស្សាហកម្ម៤.០ វិស័យព័ត៌មានកាន់​តែមានភាពទំនើប ហើយប្រជាជនគ្រប់រូបសុទ្ធតែមាន​ប្រព័ន្ធ​ផ្សព្វផ្សាយ​របស់ខ្លួន។ប៉ុន្តែសម្រាប់អ្នកសារព័ត៌មានអាជីពធម្មនុញ្ញ​វិជ្ជាជីវៈ​សារព័ត៌មាន  គឺជាអាវក្រោះការពារខ្លួនយើងឱ្យ​មាន​សុវត្ថិភាព កិត្តិយស និងសេចក្តីថ្លៃថ្នូរ ។ ដូច្នេះការគោរពបាននូវក្រមវិជ្ជាជីវៈនេះ គឺជាការផ្តល់តម្លៃដល់អាជីពរបស់យើង។ តាមការពន្យល់របស់ឯកឧត្តមរដ្ឋលេខាធិការក្រសួងព័ត៌មាន ធម្មនុញ្ញវិជ្ជាជីវៈសារព័ត៌មាន គឺមូលដ្ឋានគ្រឹះ នៃក្រមវិជ្ជាជីវៈ​សារព័ត៌មាន​នៅកម្ពុជា ដែលនឹងជួយឱ្យអ្នកសារព័ត៌មាន និងសាធារណជនទូទៅ យល់កាន់តែច្បាស់ ពីសិទ្ធក្នុងការផ្សព្វផ្សាយ​ព័ត៌មាន និង ចៀសវាងការផ្សាយព័ត៌មានទាំងឡាយណាមិន​ច្បាស់លាស់ ដែលអាចបង្កឲ្យមានចលាចលសង្គម។…

កំពង់ស្ពឺ៖ក្នុងពិធីសំណេះសំណាលជាមួយកម្មកររោងចក្រ សាប៊្រីណា ស្ថិតក្នុងឃុំសំបូរ ស្រុកសំរោងទង ខេត្តកំពង់ស្ពឺ កាលពី​រសៀលថ្ងៃទី១៥ ខែសីហា​ឯកឧត្តម​បណ្ឌិត ជាម ច័ន្ទសោភ័ណ អភិបាលខេត្តកំពង់​ស្ពឺបានថ្លែងទៅកាន់កម្មករ និយោជិត​ប្រមាណ៦.០០០នាក់ ​​ថា មកដល់ពេល នេះបងប្អូនកម្មករមានប្រាក់ខែគោលជាង ២០០ ដុល្លារអាមេរិក និងអ្នកខ្លះទៀត​បានធ្វើការថែមម៉ោងទទួលបាន​រហូតដល់ទៅជាង ៤០០ ដុល្លារ។ ដូច្នេះសូមឱ្យបងប្អូនត្រូវខិត​ខំបន្តធ្វើការងារជូនរោងចក្រ ដើម្បីបានប្រាក់ចំណូលបន្ថែមទៀត យកមកលើក​ស្ទួយ​ជីវភាពគ្រួសារ។ ទាក់ទងនឹងព្រឹត្តិការណ៍ដែលកំពុងក្តៅ ឯកឧត្តមអភិបាលខេត្ត​បានលើកឡើងថា ប៉ុន្មានថ្ងៃកន្លងមកនេះសម្ដេចអគ្គមហា​សេនា​បតីតេជោ ហ៊ុន សែន ប្រធានព្រឹទ្ធសភា និងសម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់បន្ថែម ទៅ​លើគម្រោងអភិវឌ្ឍន៍ត្រីកោណ (CLV)។សម្ដេចបានគូសបញ្ជាក់​ម្ដងហើយម្ដងទៀតថា មិនឱ្យបាត់បង់ទឹកដី សូម្បីតែមួយ​មីលី​ម៉ែត្រ។ ដូច្នេះសូមបងប្អូនកម្មករនិយោជិតទាំងអស់ត្រូវជឿជាក់លើរាជរដ្ឋាភិបាល នៅតំបន់អភិវឌ្ឍន៍ឦសានចំនួនបួនខេត្តនោះ ចំណូលប្រជាពលរដ្ឋ​ម្នាក់ៗប្រមាណជាង១.៧០០ ដុល្លារក្នុងមួយឆ្នាំ។ដូច្នេះប្រាក់ចំណូល​នេះ​បើធៀបទៅនឹងប្រជាពលរដ្ឋ រស់​នៅខេត្តផ្សេងទៀត គឺពួកគាត់​មានប្រាក់ចំណូលខ្ពស់ជាងខេត្តដទៃទៀត។ ឯកឧត្តមបានបញ្ជាក់ទៀតថា ជនអគតិមួយចំនួនបានញុះញង់​ឱ្យបង​ប្អូនកម្មករយើងចូលរួមធ្វើបាតុកម្ម នៅថ្ងៃទី១៨ ខែសីហា​ខាងមុខនេះ ដូច្នេះសូមបងប្អូនកុំជឿតាមការញុះញង់ និងកុំចូលរួមធ្វើបាតុកម្មព្រោះ វាពុំមានផលចំណេញដល់បងប្អូន​កម្មករ​និយោជិតនោះឡើយ៕ដោយ៖ ម៉ុន សំអាត

កំពង់ស្ពឺ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល អមដោយថ្នាក់ដឹកនាំ និងមន្ត្រីបច្ចេកទេសក្រសួងសុខាភិបាល កាលពី​រសៀលថ្ងៃទី១៥ ខែសីហា ឆ្នាំ២០២៤បានអញ្ជើញសកម្មភាពផ្តល់​សេវាសុខាភិបាលសាធារណៈនៅមន្ទីរពេទ្យខេត្តកំពង់ស្ពឺ។ នៅចំពោះមុខវេជ្ជបណ្ឌិត និងក្រុមគ្រូពេទ្យជាថ្នាក់ដឹកនាំមន្ទីរពេទ្យ មន្ទីរពេទ្យបង្អែក មន្ទីរពេទ្យស្រុកប្រតិបត្តិ និងមណ្ឌលសុខភាព នៅទូទាំងខេត្តកំពង់ស្ពឺ ឯកឧត្តមសាស្ត្រាចារ្យរដ្ឋមន្ត្រី​ក្រសួង​សុខាភិបាល បានថ្លែងអំណរគុណ និងកោតសរសើរ ដល់មន្រ្តី​សុខាភិបាលនិងអាជ្ញាធរមូលដ្ឋានដែលប្រឹងប្រែងរួមគ្នាក្នុងការបម្រើសេវាថែទាំសុខភាពជូនប្រជាពលរដ្ឋនៅតាមមូលដ្ឋានក្នុងខេត្តកំពង់ស្ពឺ បាន ២៤ម៉ោង លើ២៤ម៉ោង ប្រកបដោយប្រសិទ្ធភាព ប្រសិទ្ធផល។  ឯកឧត្តមសាស្ត្រាចារ្យរដ្ឋមន្ត្រី ក៏បានលើកទឹកចិត្តដល់មន្រ្តី​សុខាភិបាល​ទាំងអស់ បន្តការសិក្សារៀនសូត្របន្ថែម ដោយផ្តោតលើ​មុខជំនាញ​ដែលនៅពុំទាន់មាន ឬនៅមិនទាន់មុតស្រួច ដើម្បីបម្រើសេវាថែទាំ​ព្យាបាលឱ្យកាន់តែមានគុណភាព សុវត្ថិភាព សក្តិសិទ្ធភាព និងសមធម៌ ជាពិសេសប្រកាន់ខ្ជាប់នូវស្មារតីទទួលខុសត្រូវ និងក្រមសីលធម៌​វិជ្ជាជីវៈខ្ពស់ជូនប្រជាពលរដ្ឋ៕ដោយ៖ ម៉ុន សំអាត

(ភ្នំពេញ)៖ លោកជំទាវបណ្ឌិត ពេជ ចន្ទមុន្នី បានគូសបញ្ជា់ថា កត្តាសុខសន្តិភាព អនុញ្ញាតឱ្យយុវជនកម្ពុជា មានឱកាស ប្រឡងយកអាហារូបករណ៍ទៅបន្តការ​សិក្សានៅបរទេស ។ លោកជំទាវបណ្ឌិត ពេជ ចន្ទមុន្នី ប្រធានគណៈកម្មាធិការ អាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងជាប្រធានសមាគម អ.ម.ត បានបញ្ជាក់ដូច្នេះ ក្នុងឱកាសអញ្ជើញជាអធីបតីភាព ក្នុងពិធីសំណេះសំណាលជាមួយនិស្សិតជ័យលាភីអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) ផ្តល់ជូនតាមរយៈ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ផ្ទាល់សម្រាប់ទៅបន្តការសិក្សានៅសាធារណរដ្ឋប្រជាមានិតចិន ឆ្នាំសិក្សា ២០២៤-២០២៥ ចំនួន ៧៤ រូប នាព្រឹកថ្ងៃទី១៦ ខែសីហា ឆ្នាំ២០២៤ ។ លោកជំទាវបណ្ឌិត បានមានប្រសាសន៍ថា កត្តាសុខសន្តិភាព ដែលកម្ពុជាកំពុងមាននាពេលបច្ចុប្បន្ន បានអនុញ្ញាតឱ្យសិស្ស និស្សិត យុវជនកម្ពុជា មានឱកាសប្រឡងយកអាហារូបករណ៍ ទៅសិក្សានៅបរទេស ដើម្បីទទួលបានការអប់រំបន្ថែម ព្រមទាំងឱកាសសិក្សារៀនសូត្រទាំងជំនាញ…

សៀមរាប៖វិទ្យាស្ថានស្តង់ដារកម្ពុជា នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី១៦ ខែសីហា ឆ្នាំ២០២៤​បានបើកវគ្គ​បណ្តុះបណ្តាលស្តីពី “របាំងបច្ចេកទេសចំពោះពាណិជ្ជកម្ម (TBT) និងកិច្ចព្រមព្រៀងពាណិជ្ជកម្មសេរី (FTA)” និង “ការធ្វើអធិការកិច្ច និងផ្ទៀងផ្ទាត់លទ្ធផលនៃការវាយតម្លៃភាពអនុលោមរបស់ផលិតផល ” ។ ក្នុងពិធីដែលប្រព្រឹត្តទៅនៅសណ្ឋាគារស៊ីនតា ម៉ានី( Shinta Mani) ខេត្តសៀមរាប លោក នូវ ថារ៉ា អគ្គនាយករង វិទ្យាស្ថាន​ស្តង់ដារ​កម្ពុជាបានប្រាប់សិក្ខាកាមថា វគ្គមានគោលបំណងដើម្បីពង្រឹង​នូវចំណេះដឹង ដល់មន្ត្រីតំណាងមន្ទីរ ស្ថាប័នពាក់ព័ន្ធ និងវិស័យ​ឯកជននៅក្នុងខេត្តសៀមរាបឱ្យយល់កាន់តែច្បាស់អំពីរបាំងបច្ចេកទេសចំពោះពាណិជ្ជកម្ម (TBT) និងការធ្វើ អធិការកិច្ច ដែលជាផ្នែក​ដ៏សំខាន់មួយក្នុងការជំរុញឱ្យផលិតករទាំងអស់ចូលរួមអនុវត្តស្តង់ដារ បទប្បញ្ញត្តិបច្ចេកទេស និងការវាយតម្លៃ​ភាព​អនុលោម ដើម្បីផ្តល់​ទំនុកចិត្តដល់អ្នកប្រើប្រាស់ទាំងគុណភាព សុវត្ថិភាព និងឈានទៅ​ធ្វើការប្រកួត ប្រជែងលើទីផ្សារក្នុង និងក្រៅប្រទេស ជាពិសេស​ជួយដល់ផលិតផលរបស់កម្ពុជា អាចនាំផលិតផលចេញដោយមិនជាប់ របាំងបច្ចេកទេស​ចំពោះ​ពាណិជ្ជកម្ម។ លោកបន្តថា រាជរដ្ឋាភិបាលកម្ពុជា បានចូលរួមយ៉ាងសកម្មជា​មួយប្រទេសជាសមាជិកអាស៊ានក្នុងការចរចាបង្កើតកិច្ចព្រមព្រៀង យ៉ាងច្រើនជាមួយប្រទេសជាដៃគូក្នុងតំបន់ និងអន្តរជាតិ មានដូចជា១. កិច្ចព្រមព្រៀងភាពជាដៃគូ​សេដ្ឋកិច្ចគ្រប់ជ្រុងជ្រោយតំបន់ (RCEP)២. កិច្ចព្រមព្រៀងអាស៊ានជាមួយដៃគូប្រទេសផ្សេងទៀត៣. កិច្ចព្រមព្រៀងពាណិជ្ជកម្មសេរីទ្វេភាគី។លោកបន្ថែមថា…

(ភ្នំពេញ៖)សត្វទោចថ្ពាល់លឿងនៅក្នុងក្រុមគ្រួសារសត្វទោចទី២ នៅតំបន់ជំរុំសត្វទោច ចាហ៊ូ ដែនជម្រកសត្វព្រៃកែវសីមា ខេត្តមណ្ឌលគិរី ទើបតែបង្កើតបានកូនតូចថ្មីមួយ ដែលធ្វើឱ្យគ្រួសាររបស់សត្វទោចមួយក្រុមនេះមានសមាជិកឡើងរហូតដល់ ៦ ក្បាលហើយនាពេលនេះ។ បើតាមទីភ្នាក់ងារជំនួយអាមេរិក USAID មរតកបៃតងបានឱ្យដឹងនៅថ្ងៃទី ១៦ ខែ សីហា ឆ្នាំ ២០២៤នេះថា តាមរយៈ អង្គការសេចក្ដីសង្ឃឹមពិភពលោកអន្តរជាតិប្រចាំកម្ពុជា ក្រុមស្រាវជ្រាវចាហ៊ូ បានតាមដាន និងសិក្សាពីអាកប្បកិរិយារបស់គ្រួសារសត្វទោចថ្ពាល់​លឿងមួយក្រុមនេះអស់រយៈពេល ៤ ជំនាន់មកហើយ ចាប់តាំងពីឆ្នាំ ២០១៣ មក ដែលធ្វើឱ្យក្រុមនេះក្លាយជាក្រុមគ្រួសារសត្វទោចដែលមានភាពសាំងច្រើនជាងគេ ក្នុងចំណោមក្រុមគ្រួសារសត្វទោចទាំងបួនដែលក្រុមអ្នកស្រាវជ្រាវ ចាហ៊ូ កំពុងតាមដាន។ USAID មរតកបៃតងបានឱ្យដឹងដែរថា នៅខេត្តមណ្ឌលគិរី ដែនជម្រកសត្វព្រៃកែវសីមា ជាតំបន់​ដែលមានចំនួនសត្វជិតផុតពូជប្រភេទនេះរស់នៅច្រើនជាងគេ។ ជាអកុសល ចំនួនសត្វទោចដ៏អស្ចារ្យទាំងនេះមានការថយចុះយ៉ាងឆាប់រហ័ស ដែលភាគច្រើន​ដោយសារតែការបាត់បង់ទីជម្រក និងការជួញដូរធ្វើជាសត្វចិញ្ចឹម។ ដើម្បីជួយការពារប្រភេទសត្វជិតផុតពូជនេះ USAID មរតកបៃតង ធ្វើការជាមួយ អង្គការសេចក្ដីសង្ឃឹមពិភពលោកអន្តរជាតិប្រចាំកម្ពុជា ដើម្បីជួយដល់ក្រុមស្រាវជ្រាវ តំបន់ជំរុំសត្វទោច ចាហ៊ូ ក្នុងការត្រួតពិនិត្យ និងសិក្សាពីអាកប្បកិរិយារបស់ក្រុម​គ្រួសារសត្វទោចថ្ពាល់លឿងចំនួន ៤ ក្រុម ក្នុងគោលបំណងផ្សាំង​ពួកវាទៅនឹងវត្តមាន​របស់ក្រុមអ្នកស្រាវជ្រាវរបស់ ចាហ៊ូ ដែលយើងហៅថា…

(ភ្នំពេញ)៖ ឆ្លើយតបទៅនឹងគោលនយោបាយអាទិភាពរបស់សម្តេចធិបតី នាយក​រដ្ឋមន្ត្រី​ក្នុងការពង្រឹងសមត្ថភាពមន្ត្រី និងការពង្រឹងសមត្ថភាពស្ថាប័ន, ឯកឧត្តម ជា វ៉ាន់ដេត រដ្ឋមន្រ្តី​ក្រសួងប្រៃសណីយ៍និងទូរគមនាគមន៍ បានណែនាំឱ្យបន្តរៀបចំកម្មវិធី​កសាង​សមត្ថភាពមន្ត្រីរាជការលើជំនាញវិជ្ជាជីវៈ និងបច្ចេកវិទ្យាឌីជីថលព្រមទាំង​ចែករំលែក​បទពិសោធការអនុវត្តការងារជាក់ស្តែងពីថ្នាក់ដឹកនាំក្រសួងដល់មន្ត្រីថ្នាក់ក្រោមជាតិ ដើម្បីបង្កើនប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋដល់មូលដ្ឋាន និងការរួមចំណែកដើម្បីអភិវឌ្ឍក្រសួង និងប្រទេសជាតិឱ្យរីកចម្រើនបន្ថែមទៀត។ នៅថ្ងៃទី១៣ ដល់ ១៥ ខែសីហា ឆ្នាំ២០២៤ ក្រសួងបានរៀបចំសិក្ខាសាលាពង្រឹង​សមត្ថភាពអនុវត្តការងារនៅមន្ទីរប្រៃសណីយ៍និងទូរគមនាគមន៍ ជំហានទី៣ តំបន់ទី៣ នៅសណ្ឋាគារពោធិ៍សាត់រីវើសាយ ខេត្តពោធិ៍សាត់ ក្រោមអធិបតីភាព ឯកឧត្តមរដ្ឋ​លេខា​ធិការ ខាយ ឃុនហេង និងលោកជំទាវរដ្ឋលេខាធិការ រស់ សូរក្ខា ព្រមទាំងមានការ​អញ្ជើញ​ចូលរួមពី ឯកឧត្តម លោកជំទាវ អនុរដ្ឋលេខាធិការ អគ្គនាយក អភិបាលរង​នៃគណៈអភិបាលខេត្តពោធិ៍សាត់ គ្រូឧទ្ទេសជាថ្នាក់ដឹកនាំ និងមន្ត្រីជំនាញជាន់ខ្ពស់​នៃក្រសួង​ប្រៃសណីយ៍និងទូរគមនាគមន៍ និងសិក្ខាកាមចំនួន ៨២រូប ដែលជាមន្ដ្រីរាជ​ការ​មកពីមន្ទីរប្រៃសណីយ៍និងទូរគមនាគមន៍ ១៩ខេត្ត។ សិក្ខាសាលានេះត្រូវបានរៀបចំឡើងក្នុងគោលបំណង៖ (១) ផ្សាភ្ជាប់ទំនាក់ទំនង​យ៉ាង​ជិត​ស្និទ្ធរវាងមន្ត្រីថ្នាក់ដឹកនាំនៅថ្នាក់ជាតិ និងមន្ត្រីរាជការថ្នាក់ក្រោមជាតិ (២) បង្កើន​សមត្ថភាពជំនាញវិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍​និង​ព័ត៌មាន ដល់មន្ត្រីរាជការមន្ទីរប.ទ. ដើម្បីបម្រើសេវាសាធារណៈជូនប្រជាពលរដ្ឋ​ឱ្យកាន់​តែល្អប្រសើរឆាប់រហ័សប្រកបដោយប្រសិទ្ធភាពខ្ពស់រួមទាំងផ្សព្វផ្សាយអំពីច្បាប់ គោល​នយោបាយនិងលិខិតបទដ្ឋានគតិយុត្តពាក់ព័ន្ធផ្សេងៗទៀត ដើម្បីងាយស្រួល​ដោះ​ស្រាយ​​នូវរាល់បញ្ហាប្រឈមនានាដែលកំពុងជួបប្រទះ ពិសេសគុណភាពសេវាទូរគម​នាគមន៍…