បាត់ដំបង៖នៅព្រឹកថ្ងៃទី៥ ខែសីហា ឆ្នាំ២០២៤ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាលខេត្ត​បាត់​ដំបង និងលោកជំទាវ បានអញ្ជើញដឹកនាំមន្រ្តីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស យុវជននិងប្រជាពលរដ្ឋយ៉ាងច្រើន កុះករ បានមកជួបជុំនៅខាងមុខអគារសារមន្ទីរខេត្តបាត់ដំបង ដើម្បីអបអរសាទរពិធីបើកការដ្ឋានសាង​សង់​ព្រែក​ជីកហ្វូណនតេជោ​ ដោយការទូងស្គរ គោះត្រដោក គ្រវីទង់ជាតិ និងបន្លឺសំឡេងស្រែក ជយឃោសយ៉ាងខ្ទរខ្ទា។ ក្រៅពីពិធីអបអរសាទរដែលធ្វើឡើងនៅខាងមុខអគារសាលាខេត្តចាស់ នៅតាមមន្ទីរ អង្គភាព ជុំវិញខេត្ត រដ្ឋបាលក្រុង ស្រុក រដ្ឋបាលឃុំ សង្កាត់ វិហារសាសនា គ្រប់ទីវត្តអារាម សាលារៀន មន្ទីរពេទ្យ គ្រឹះស្ថាន សាធារណៈ និងឯកជន ក៏សុទ្ធតែបាន​រៀបចំ​ដោយ​ឡែក​រៀងខ្លួនៗ នាវេលាម៉ោង ៩:០៩នាទីព្រឹក ។ សូមជម្រាបថា គម្រោងព្រែកជីកហ្វូណនតេជោ ជាគំនិតផ្តួចផ្តើមប្រកប ដោយចក្ខុវិស័យវែង​ឆ្ងាយ របស់សម្ដេចអគ្គមហា​សេនា​បតីតេជោ ហ៊ុន សែន អតីតនាយករដ្ឋមន្រ្តីកម្ពុជា ប្រធានព្រឹទ្ធសភា និងជាប្រធានឧត្តម ក្រុមប្រឹក្សាផ្ទាល់ព្រះមហាក្សត្រនៃ​ព្រះរាជាណាចក្រកម្ពុជា…

បាត់ដំបង៖បន្ទាប់ពីចាប់តាំងពីព្រឹកព្រលឹម​នៅក្នុងក្រុងបាត់ដំបង និងក្រុង ស្រុក ប្រជាពលរដ្ឋខ្មែរទូទាំងខេត្តបាន​ត្រៀមខ្លួនចូល​រួមអបអរសាទរពិធីបើកការដ្ឋានសាងសង់ព្រែកជីកហ្វូណនតេជោ ជាប្រវត្តិសាស្រ្តក្នុងសម័យទំនើបនោះ នាពេលរាត្រី​ថ្ងៃទី៥ ខែសីហា ឆ្នាំ២០២៤ រដ្ឋបាល​ខេត្ត​បាត់ដំបង បានរៀបចំការសម្តែងទស្សនីយភា​ពសៀក និងការបាញ់កាំជ្រួច នៅទីលានសួន​សម្តេចក្រឡាហោម វិមានឯករាជ្យ ក្នុងទីប្រជុំជនទីក្រុងបាត់ដំបង ដើម្បីអបអរសាទរថ្ងៃ​បើកការដ្ឋានព្រែកជីកហ្វូណនតេជោ។ ពិធីដ៏មហាឡារឹកនារាត្រីបានប្រារព្ធក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាលខេត្ត​​បាត់​ដំបង​និងលោកជំទាវ និងមានការចូលរួមពីមន្រ្តីរាជការ កងកម្លាំងប្រដាប់​អាវុធ សិស្សានុសិស្ស ប្រជាពលរដ្ឋយ៉ាងច្រើនកុះករ។ សំឡេងហ៊ោរកញ្ជៀវបានលាន់លឺរំពង ស្របពេល​ពន្លឺកាំជ្រួចប្រកប​ដោយ​ក្បូរក្បាច់ភ្លឺរន្ទាលស្ទើរមួយចំហៀងមេឃនៃក្រុង​បាត់ដំបង។​អ្នកចូលរួមសុទ្ធសឹងតែបានបង្ហាញទឹកមុខញញឹមពព្រាយ អបអរសាទរ និងការគាំទ្រយ៉ាងក្លៀវក្លាចំពោះការសាង​សង់​ព្រែកជីក​ហ្វូណនតេជោ ដែលជាសមិទ្ធផលប្រវត្តិសាស្រ្តទី១របស់កម្ពុជា ជាផ្លូវទឹកតភ្ជាប់ពីទន្លេ​ទៅកាន់សមុទ្រ។ ដោយមិនភ្លេចពីគុណបំណាច់របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តីកម្ពុជា ប្រធានព្រឹទ្ធសភា ជា​ស្ថាបនិក​គម្រោងព្រែកជីកហ្វូណនតេជោ ,ក្រុមយុវជនបានថ្លែងអំណរគុណដល់​សម្ដេចតេជោ ហ៊ុន សែន និងសម្ដេចមហា​បវរធិបតី ហ៊ុន ម៉ាណែត នាយករដ្ឋមន្រ្តីនីតិកាលទី៧នៃរដ្ឋសភា ដែលអនុវត្តបន្តនូវគម្រោងដ៏​មានតម្លៃមហាសាលសម្រាប់ប្រទេសជាតិ និងប្រជាជនកម្ពុជា។ សូមបញ្ជាក់ថា ព្រែកជីកហ្វូណនតេជោមានប្រវែង១៨០គីឡូម៉ែត្រ​ដោយឆ្លងកាត់ខេត្តចំនួនបួន គឺខេត្តកណ្ដាល តាកែវ កំពត និងខេត្តកែប។…

(ភ្នំពេញ) តាមការចាត់តាំងរបស់ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈដើម្បីពិនិត្យមើលស្ថានភាពការងារ និងសាកសួរសុខទុក្ខបងប្អូនកម្មករនិយោជិតនៅតាមរោងចក្រ សហគ្រាសនានា នៅថ្ងៃទី៦ ខែ សីហា ឆ្នាំ២០២៤នេះ ថ្នាក់ដឹកនាំចំនួន៣រូប ជាតំណាងដ៏ខ្ពង់ខ្ពស់ឯកឧត្តម រដ្ឋមន្រ្តីបានចុះជួបជាមួយបងប្អូនកម្មករនិយោជិត និងតំណាងនិយោជកក្នុងរោងចក្រចំនួន៣ទីតាំង ក្នុងខណ្ឌពោធិ៍សែនជ័យ រាជធានីភ្នំពេញ ដើម្បីពិនិត្យមើលស្ថានភាពការងារ និងលក្ខខណ្ឌការងារ។ គួរបញ្ជាក់ថា កម្មវិធីចុះជួបសំណេះសំណាល រួមនិងទទួលទានអាហារថ្ងៃត្រង់ជាមួយបងប្អូនកម្មករនិយោជិតនេះ រួមមានរោងចក្រ CWKH Garment (Cambodia) Limited. ដឹកនាំដោយ ឯកឧត្តម ឡេង សែ រដ្ឋលេខាធិកា, រោងចក្រ VICMARK FASHIONS (CAMBODIA) CO.,LTD. ដឹកនាំ ឯកឧត្តម សោម អូន រដ្ឋលេខាធិការ និងរោងចក្រ XIN YUNFENG (CAMBODIA) FASHION CO., LTD. ដឹកនាំដោយឯកឧត្តម វ៉េង ហៀង អនុរដ្ឋលេខាធិការ។ នៅក្នុងឱកាសជួបសំណេះសំណាល…

(ភ្នំពេញ)៖ ឯកឧត្តម ហែម វណ្ណឌី បានជំរុញឲ្យសហគ្រាសផលិតម្ហូបអាហារខ្មែរ ត្រូវរក្សាបាននូវស្តង់ដារគុណភាពខ្ពស់ សុវត្ថិភាព អនាម័យ និងការច្នៃប្រឌិតផលិតផលម្ហូបអាហារខ្មែរ ក្នុងគោលបំណងទទួលបានការចាប់អារម្មណ៍ និងទទួលស្គាល់ជាអន្តរជាតិ។ ការជំរុញបែបនេះរបស់ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្ត ក្នុងដំណើរទស្សនកិច្ចទៅកាន់សហគ្រាសម្ហូបអាហារ នៃក្រុមហ៊ុន Phnom Penh Food Yummy Manufacturing ដែលជាសហគ្រាសកែច្នៃកសិកម្ម និងអាហារខ្មែរដ៏លេចធ្លោរបស់កម្ពុជា ដែលមានទីតាំងនៅខណ្ឌសែនសុខ រាជធានីភ្នំពេញ ដើម្បីបង្ហាញការគាំទ្រដល់ធុរកិច្ចក្នុងស្រុកផងដែរ។ ឯកឧត្តម ហែម វណ្ណឌី បានបន្តថា ក្រសួងលើកទឹកចិត្តឱ្យសហគ្រាសក្រុមហ៊ុនចាប់យកនវានុវត្តន៍ និងពង្រីកទីផ្សារពិសេសរបស់ខ្លួន ដោយការផលិតម្ហូបប្រពៃណីខ្មែរ និងផលិតផលផ្សេងទៀត ដែលបំពេញតាមតម្រូវការ ដែលផ្តោតកាន់តែខ្លាំងលើគុណភាព សុខភាព និងបរិស្ថាន ជាពិសេសក្នុងទីផ្សារនាំចេញ។ ឯកឧត្តម ហែម វណ្ណឌី គូសបញ្ជាក់ថា ក្រសួងត្រៀមគាំទ្រ និងសម្រួលដល់ការរីកលូតលាស់នៃវិស័យឧស្សាហកម្មចំណីអាហាររបស់កម្ពុជា ហើយបានសង្កត់ធ្ងន់លើភាពចាំបាច់នៃការទិញវត្ថុធាតុដើម ពីកសិករក្នុងស្រុក ដើម្បីរួមចំណែកដល់ការបង្កើតការងារ បង្កើនប្រាក់ចំណូល និងគាំទ្រដល់ជីវភាពរបស់កសិករ…

(ភ្នំពេញ)៖ ឯកឧត្តមរដ្ឋមន្ត្រី ហេង សួរ បានគូសបញ្ជាក់ថា កិច្ចខិតខំប្រឹងប្រែងរបស់រាជរដ្ឋាភិបាលក្នុងគោលបំណងពង្រឹងសមត្ថភាព និងការយល់ដឹងអំពីច្បាប់ស្តីពីការងារ និងច្បាប់ពាក់ព័ន្ធដើម្បីជួយឱ្យសហជីពបំពេញតួនាទីប្រកបដោយទំនួលខុសត្រូវខ្ពស់ និងកាន់តែមានតម្លាភាពក្នុងការការពារសិទ្ធិ និងអត្ថប្រយោជន៍ដែលស្របតាមច្បាប់ជូនកម្មករនិយោជិត។ ឯកឧត្តមរដ្ឋមន្ត្រី បានគូសបញ្ជាក់ពីភាពចាំបាច់នៃប្រសិទ្ធភាពរបស់អង្គការវិជ្ជាជីវៈ តំណាងឱ្យកម្មករនិយោជិត ដែលនឹងរួមចំណែកយ៉ាងសំខាន់ដើម្បីភាពប្រសើរឡើងជាលំដាប់ក្នុងវិស័យកាត់ដេរ និងវិស័យផ្សេងៗទៀតក្នុងប្រព័ន្ធដែលជាចំណុចគន្លឹះសំខាន់នៃភាពសុខដុមនីយកម្មក្នុងផ្នែកទំនាក់ទំនងវិជ្ជាជីវៈ នៅតាមរោងចក្រ សហគ្រាសដែលនឹងនាំដល់ការរក្សានូវការវិនិយោគ និងទាក់ទាញវិនិយោគបន្ថែម ដែលមានទិសដៅក្នុងការកសាងជីវភាពកម្មករនិយោជិតឱ្យកាន់តែប្រសើរ។ ឯកឧត្តមរដ្ឋមន្ត្រី បានអំពាវនាវឱ្យសហជីពនៅកម្ពុជាមិនគួរមានការរើសអើងតាមរយៈការប្រើប្រាស់ពាក្យសហជីពឯករាជ្យ ឬមិនឯករាជ្យដែលនឹងនាំឱ្យមានការបែកបាក់ក្នុងសង្គម។ ប្រសាសន៍លើកឡើងរបស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីព្រឹកថ្ងៃទី៣ ខែសីហា ឆ្នាំ២០២៤នេះ បានជួបសំណេះសំណាលជាមួយថ្នាក់ដឹកនាំសហជីពប្រមាណ២០០នាក់ ដែលមកពីវិស័យការងារ ទេសចរណ៍ សំណង់ និងកំសាន្តជាដើម។ វេទិកាពិភាក្សាដែលធ្វើឡើងនៅក្រសួងការងារ និងបណ្តុះបណ្តាលវិជ្ជាជីវៈ មានគោលបំណងដើម្បីពិភាក្សា ចែករំលែកព័ត៌មាន និងស្វែងយល់ពីវឌ្ឍនភាព និងគោលនយោបាយថ្មីៗដែលរាជរដ្ឋាភិបាលបានដាក់ចេញ និងគិតគូរដល់កម្មករនិយោជិត ក៏ដូចជាការស្តាប់បញ្ហាប្រឈមផ្សេងៗក្នុងវិស័យពីតំណាងសហជីពផងដែរ។ ឯកឧត្តមរដ្ឋមន្ត្រី ក៏បានអំពាវនាវឲ្យសហជីពបន្តជួយ និងផ្សព្វផ្សាយនូវកម្មវិធីថ្នាក់ជាតិរបស់រាជរដ្ឋាភិបាលលើការបណ្តុះបណ្តាលជំនាញបច្ចេកទេស និងវិជ្ជាជីវៈដោយឥតគិតថ្លៃដែលមានទិសដៅបង្កើនសមត្ថភាពនិងផលិតភាព ឬបង្កើតជំនាញថ្មីដែលជាផ្នែកមួយយ៉ាងសំខាន់សម្រាប់វឌ្ឍនភាពរបស់កម្មករនិយោជិត។ គួររំលឹកថា ជំនួបពិភាក្សាការងារជាមួយថ្នាក់ដឹកនាំសហជីពនាពេលនេះ គឺជាយន្តការសន្ទនា និងពិភាក្សារវាងរាជរដ្ឋាភិបាលតាមរយៈក្រសួងការងារ និងបណ្តុះបណ្តាលវិជ្ជាជីវៈ និងថ្នាក់ដឹកនាំសហជីព…

(ខេត្តកំពត)៖ រាជរដ្ឋាភិបាលកម្ពុជា នីតិកាលទី៧នេះ បានកំណត់ទិសដៅការងារជាអាទិភាព គឺការលើកកម្ពស់ការយល់ដឹង និងការចូលរួមរបស់ប្រជាពលរដ្ឋ សំដៅផ្លាស់ប្តូរឥរិយាបទ និងទម្លាប់ការរស់នៅនៅស្អាត មានបរិស្ថានបៃតង ការរស់នៅប្រកបដោយចីរភាព ដោយធានាបាននូវគុណភាពបរិស្ថានល្អ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានលើកឡើងបែបនេះ នៅក្នុងពិធីជួបសំណេះសំណាលជាមួយថ្នាក់ដឹកនាំ និងមន្រ្តីរាជការនៃមន្ទីរបរិស្ថានខេត្តកំពត នាព្រឹកថ្ងៃទី០៣ ខែសីហា ឆ្នាំ២០២៤ ។ ដើម្បីធ្វើឱ្យកម្ពុជាយើងស្អាត ឯកឧត្តមរដ្ឋមន្រ្តី បានលើកឡើងបន្ថែមពីការដាំដើមឈើ គឺជាអ្វីដែលធ្វើឡើងស្របនឹងយុទ្ធសាស្រ្តចក្រាវិស័យបរិស្ថានផងដែរ ដែលគឺការផ្តួចផ្តើមឱ្យមានការវិនិយោគបៃតង និងគិតគូរដល់ប្រយោជន៍សហគមន៍ជាចម្បង ។ ការធ្វើឱ្យប្រជាពលរដ្ឋ ជាពិសេសប្រជាសហគមន៍នៅតាមតំបន់ការពារធម្មជាតិ មានលំនឹងសេដ្ឋកិច្ចតាមរយៈការបង្កើតមុខរបរបន្ថែមពីរបរ ដែលមានស្រាប់ ដោយការវិនិយោគបៃតង គឺជាគោលដៅចម្បងឆ្ពោះ ទៅរកភាពស្អាត ភាពបៃតង និងចីរភាព ដែល កៀរគរអ្នកវិនិយោគ និងអ្នកទេសចរណ៍ ក្នុងនិងក្រៅស្រុក ឱ្យចូលរួមចំណែកជាមួយវិស័យបរិស្ថាននិងការអភិវឌ្ឍរបស់កម្ពុជា ។ ឯកឧត្តមបណ្ឌិត អ៊ាង សុផល្លែត បានថ្លែងកោតសរសើរ និងវាយតម្លៃខ្ពស់ចំពោះមន្រ្តីរាជការរបស់ក្រសួងទាំងអស់ បានខិតខំប្រែងប្រែងបំពេញភារកិច្ច ឆ្លងកាត់ឧបសគ្គ ការលំបាក ទាំងយប់ថ្ងៃ ដើម្បីបុព្វហេតុបរិស្ថានកម្ពុជា ហើយកន្លងមកត្រូវបានក្រុមអគតិមួយចំនួន…

(ខេត្តស្វាយរៀង)៖ ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២ សហព័ន្ធកីឡាទូកកានូ និងរ៉ូអ៊ីងកម្ពុជា តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានសហព័ន្ធ បានអញ្ជើញចូលរួមក្នុងពិធីបើក ការប្រកួតកីឡាទូកប្រណីខ្នាតអន្តរជាតិ ជ្រើសរើសជើងឯកថ្នាក់ជាតិ «ពានរង្វាន់ឯកឧត្តមអភិសន្តិបណ្ឌិត ស សុខា លើកទី១ ឆ្នាំ២០២៤» នៅបរិវេណទន្លេវ៉ៃគោ ក្រុងស្វាយរៀង ថ្ងៃទី០៣ ខែសីហា ឆ្នាំ២០២៤ ។ ថ្លែងក្នុងពិធីបើកការប្រកួតកីឡាទូកប្រពៃណីខ្នាតអន្តរជាតិ ឯកឧត្តម សរ សិទ្ធិ សំណូមពរទៅកាន់កីឡាករ-កីឡាការិនីដែលបានចូលរួមការប្រកួតពានរង្វាន់ ឯកឧត្តមអភិសន្តិបណ្ឌិត សរ សុខា លើកទី១ នេះឱ្យគោរពនូវគោលការណ៍យុត្តិធម៌ មិនបំពានលក្ខខណ្ឌបច្ចេកទេស និងបទបញ្ជានៃការប្រកួត ព្រោះកីឡាមិនមែនដើម្បីតែចាញ់ ឬឈ្នះនោះទេ តែកីឡាគឺដើម្បីសុខភាព មិត្តភាព និងសាមគ្គីភាព។ បន្ថែមពីលើនោះទៀត ឯកឧត្តមអនុប្រធានសហព័ន្ធទី២ ចាត់ទុកការរៀបចំព្រឹត្តិការណ៍កីឡាទូករៀងរាល់ឆ្នាំ គឺដើម្បីចូលរូមលើកកម្ពស់ និងអភិវឌ្ឈវិស័យកីឡាប្រណាំងទូកនៅកម្ពុជា ក៏ដូចជាការបង្កើតភាពសប្បាយរីករាយជូនបងប្អូនប្រជាពលរដ្ឋទាំងមូលផងដែរ។ ឆ្លៀតក្នុងឱកាសនោះដែរ ឯកឧត្តម សរ សិទ្ធិ…