(ភ្នំពេញ)៖ ក្រុមហ៊ុនអាកាសចរណ៍ AirAsia Cambodia (ជើងហោះហើរលេខ KT) នៅថ្ងៃទី០១ ខែ សីហា ឆ្នាំ ២០២៤បានប្រារព្ធពិធីអបអរសាទរព្រឹត្តិការណ៍ដ៏អស្ចារ្យក្នុងការសម្ពោធដាក់ឱ្យដំណើរការជើងហោះហើរជាអន្តរជាតិលើកដំបូងរបស់ខ្លួន ពីទីក្រុងភ្នំពេញទៅកាន់ទីក្រុងកូឡាឡាំពួរ ។ ភ្ញៀវទេសចរដែលធ្វើដំណើរតាមជើងហោះហើរ KT១៦៨ របស់ក្រុមហ៊ុន AirAsia Cambodia ត្រូវបានអបអរសាទរជាមួយនឹងការសម្តែងសិល្បៈដ៏រំភើបអស្ចារ្យនៅអាកាសយានដ្ឋានអន្តរជាតិភ្នំពេញ មុនពេលចេញដំណើរ នាព្រឹកនេះដើម្បីផ្តល់ជូនអ្នកដំណើរនូវអនុស្សាវរីយ៍នៃការធ្វើដំណើររបស់ពួកគាត់។ ជើងហោះហើរនេះបានចាកចេញនៅវេលាម៉ោង ១២.២៥ នាទីថ្ងៃត្រង់ និងបានចុះចតនៅអាកាសយានដ្ឋានអន្តរជាតិកូឡាឡាំពួរ នៅវេលាម៉ោង ៣.១៥ នាទីល្ងាច អមជាមួយនឹងការបាញ់ទឹកទទួលស្វាគមន៍នៅពេលអញ្ជើញមកដល់។ ក្នុងនាមជាក្រុមហ៊ុនអាកាសចរណ៍មួយរបស់កម្ពុជា និងជាចំណែកមួយនៃអាស៊ាន ការបើកសម្ពោធដាក់ឱ្យដំណើរការនេះប្រព្រឹត្តទៅស្របពេលនឹងការប្រារព្ធពិធីអបអរសាទរទិវាអាស៊ានលើកទី ៥៧ នាខែនេះ។ ការបើកសម្ពោធជើងហោះហើរនេះ គឺជាការបោះជំហានឆ្ពោះទៅមុខដ៏សំខាន់មួយ ក្នុងការពង្រឹងការតភ្ជាប់រវាងប្រទេសកម្ពុជា និងម៉ាឡេស៊ីឱ្យកាន់តែរឹងមាំឡើង។ ជើងហោះហើរប្រចាំសប្តាហ៍ទាំងប្រាំពីរ គឺជាការបំពេញបន្ថែមប្រតិបត្តិការពីរដងក្នុងមួយថ្ងៃរបស់ក្រុមហ៊ុនអាកាសចរណ៍ AirAsia Malaysia និងសបញ្ជាក់ពីការប្តេជ្ញាចិត្តរបស់ក្រុមហ៊ុនអាកាសចរណ៍ក្នុងការជំរុញទំនាក់ទំនងលើវិស័យទេសចរណ៍ និងសេដ្ឋកិច្ចរវាងប្រទេសទាំងពីរ។ លោក ណម វិស្សុត ប្រធាននាយកប្រតិបត្តិនៃក្រុមហ៊ុនអាកាសចរណ៍ អ៊ែរអេស៊ា ខេមបូឌា បានមានប្រសាសន៍ថា “ការទទួលបានអ្នកដំណើរលើសពី ៩០ ភាគរយនៃចំនួនកៅអីដែលបានដាក់លក់សម្រាប់ការហោះហើរជាអន្តរជាតិរបស់យើងនាថ្ងៃនេះ គឺជាកត្តាមួយដែលជំរុញលើកទឹកចិត្តយ៉ាងខ្លាំង។…

(ភ្នំពេញ)៖ ឯកឧត្តម ផន រឹម អនុរដ្ឋលេខាធិការ និងជាអ្នកនាំពាក្យក្រសួង​សាធា​រណៈការ និងដឹកជញ្ជូន បានបញ្ជាក់ថា ភ្លៀងធ្លាក់ជាប់ៗគ្នាជារៀងរាល់​ថ្ងៃមកនេះ ធ្វើឱ្យដំណើរការការដ្ឋាន និងស្ថានភាពខ្លះលើកំណាត់ផ្លូវជាតិលេខ​៤៨ (ស្រែអំបិល-កោះកុង) បានជួប ប្រទះបញ្ហា និងបង្កការលំបាកដល់ការធ្វើ​ដំណើរ​របស់បងប្អូនប្រជាពលរដ្ឋ ជាពិសេសនៅចំណោតតាប៉ន និងចំណោត​តាតៃ ។ ឯកឧត្តមអ្នកនាំពាក្យក្រសួងសាធារណៈការ និងដឹកជញ្ជូន បានអំពាវ​នាវ​ដល់​អ្នកប្រើប្រាស់ដងផ្លូវជាតិលេខ៤៨ (ស្រែអំបិល- កោះកុង) ជាពិសេស​រថយន្ត​ដឹកទំនិញធុនធ្ងន់គ្រប់ប្រភេទ សូមមានការប្រុងប្រយ័ត្នខ្ពស់ និងមេត្តាកុំដឹក​ធ្ងន់​ពេក ដោយសារអំឡុងពេលនេះជារដូវវស្សា មានភ្លៀងធ្លាក់ជោគជាំ ផ្លូវរអិល​ពិបាក​ធ្វើដំណើរ ជាពិសេសកន្លែងឡើងទូល និងចំណោត។ ម្យ៉ាងវិញទៀត រថយន្តឈ្នួល(TAXI) និងអ្នកធ្វើដំណើរផ្សេង ទៀត ក៏ត្រូវបើក​បរ​ក្នុងល្បឿនមួយអាចគ្រប់គ្រងបាន ធានាសុវត្ថិភាពខ្លួនឯង និងអ្នកដទៃ។ ក្រុមការងារការដ្ឋានបានព្យាយាមបង្កើនបង្គោលសុវត្ថិភាព ស្លាកសញ្ញាចរាចរ​ណ៍​បន្ថែមទៀត ដើម្បីញ្ចៀសហានិភ័យផ្សេងៗអាចកើតឡើងជាយថាហេតុ ។ សូមសាធារណជន ជាពិសេសអ្នកប្រើប្រាស់ផ្លូវជាតិលេខ៤៨ មេត្តា​យោគ​យល់ និងអធ្យាស្រ័យខ្ពស់បំផុត។ គួរបញ្ជាក់ថា បច្ចុប្បន្ននេះផ្លូវជាតិលេខ៤៨ កំពុងស្តារ និងលើកកម្រិតគុណភាព ដោយសម្រេចបានលទ្ធផលជារួម ៦៣,៣១% ហើយ គិតត្រឹមចុងខែកក្កដា ឆ្នាំ២០២៤…

កំពត៖ កាលពីថ្ងៃទី២៩-៣០ ខែកក្កដាឆ្នាំ២០២៤វេទិកា​សម្ព័ន្ធ​សង្គម​ស៊ីវិល​(វ.ស.ស)បានរៀបចំវេទិកាសន្ទនាជាមួយអង្គការសង្គម​ស៊ីវិល​នៅខេត្តតាកែវ កំពត និងខេត្តកែបក្រោមការអញ្ជើញចូលរួមឯកឧត្តម កឹមរ័ត្ន វិសិដ្ឋ នាយករងខុទ្ទកាល័យ សម្តេចមហា​បវរ​ធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋលេខាធិការ​ទីស្តីការគណៈរដ្ឋមន្ត្រី និងជាប្រធានក្រុមប្រឹក្សាភិបាល វ.ស.ស ។វេទិកាដែលប្រារព្ធនៅខេត្តតាកែវក៏មានការចូលរួមពីលោក ស៊ុត ខុន អភិបាលរងខេត្តតាកែវ ,ខេត្តកំពតនិងកែប មានការ​ចូលរួមពីលោក អ៊ឹង ឆាយ អភិបាលរងខេត្តកំពត  និងតំណាងអង្គការសង្គមស៊ីវិលនៅក្នុង​ខេត្តទាំងបី រួមទាំងសមាជិក​ដៃគូសហការ​របស់ វ.ស.ស.។ នេះជាកិច្ចប្រជុំដែលវ.ស.ស រៀបចំធ្វើជារៀងរាល់ឆ្នាំ ដើម្បីស្វែងយល់​ពីសុខទុក្ខរបស់អង្គការសង្គមស៊ីវិលនៅថ្នាក់ ក្រោមជាតិ ហើយនៅ​ឆ្នាំនេះ វ.ស.សបានជ្រើសរើសប្រធានបទស្តីពី «ការឈ្វេងយល់​ពីតួនាទីអង្គការសង្គមស៊ីវិលក្នុងក្របខ័ណ្ឌ​យុទ្ធសាស្រ្ត​បញ្ចកោណ​ដំណាក់កាលទី១» និងផ្សព្វផ្សាយពីអត្ថប្រយោជន៍ជាច្រើនដែល​អង្គការសង្គមស៊ីវិលទទួលបានពីគម្រោងកម្មវិធីរបស់ វ.ស.ស ដោយមានការចូលរួមធ្វើបទបង្ហាញពីតំណាងបេឡាជាតិសន្តិសុខសង្គម (ប.ស.ស.) ប្រចាំខេត្តនីមួយៗ។ បន្ទាប់ពីការធ្វើបទបង្ហាញរបស់វាគ្មិនពាក់ព័ន្ធមក វេទិកាទាំងមូលបានបើកឱ្យមានការពិភាក្សាយ៉ាងផុសផុល និងមានការចូលរួមយ៉ាង​សកម្មពីសំណាក់អង្គការសង្គមស៊ីវិលទាំងអស់៕ ដោយ៖ សិលា សារិន

កំពង់ធំ៖យោងសេចក្ដីប្រកាសព័ត៌មានរបស់អយ្យការអមសាលាដំបូង​ខេត្តកំពង់ធំបានឱ្យដឹងថា កាលពីថ្ងៃទី២៨ ខែកក្កដាឆ្នាំ ២០២៤​តំណាងអយ្យការបានទទួលចាត់ការសំណុំរឿងព្រហ្មលេខ៧៥១ ចុះ​ថ្ងៃទី២៨ ខែកក្កដា ឆ្នាំ២០២៤ទាក់ទិននឹងករណី បំផ្លាញដោយ​ចេតនា និងគៃបំបាត់ដោយទុច្ចរិត (ដីព្រៃលិចទឹក)ដែលអង្គភាព​ប្រឆាំងអំពើ​ពុករលួយបញ្ជូនមក។ ប្រភពដដែលបន្តថា ក្រោយពីស្ដាប់ចម្លើយរបស់ជនសង្ស័យ និង​ពិនិត្យភស្តុតាង ព្រមទាំងឯកសារពាក់ព័ន្ធក្នុងសំណុំរឿងរួចមក តំណាងអយ្យការបានសម្រេចចោទប្រកាន់លើបុគ្គលពីររូប ។ទីមួយឈ្មោះ ហេ គឿន ភេទប្រុស អាយុ៥៨ឆ្នាំ តួនាទី ជាប្រធាន​ការិយាល័យសេដ្ឋកិច្ច និងអភិវឌ្ឍន៍ ក្រុងស្ទឹងសែន ពីបទបំផ្លាញ​ដោយចេតនា និងគៃបំបាត់ដោយទុច្ចរិត និងទីពីរឈ្មោះ សែ សុងហេង ភេទប្រុស អាយុ៥៨ឆ្នាំ ទីលំនៅភូមិម្នាវ សង្កាត់ស្រយ៉ូវ ពីបទសមគំនិត​ក្នុងអំពើបំផ្លាញដោយចេតនា និងគៃបំបាត់ដោយ​ទុច្ចរិត ប្រព្រឹត្តទៅនៅ​ចំណុចដីតំបន់ស្នងម៉ែន ជាតំបន់ហាមឃាត់ ក្នុងភូមិសាស្ត្រភូមិ​ស្រយ៉ូវត្បូង សង្កាត់ស្រយ៉ូវ ក្រុងស្ទឹងសែន ខេត្តកំពង់ធំកាលពីថ្ងៃទី២០ ខែមីនា ២០២៣ តាមមាត្រា២៩ និងមាត្រា៦០១ នៃក្រមព្រហ្មទណ្ឌ​ឆ្នាំ២០០៩ និងមាត្រា៣២ នៃច្បាប់ស្ដីពីការប្រឆាំងអំពើរពុករលួយ​ឆ្នាំ២០១០ ។ គួររំលឹកថា កន្លងមកសម្ដេចមហាបវរធិបតី ហ៊ុន ម៉ាណែត នាយករដ្ឋ​មន្រ្តីកម្ពុជា​បានដាក់បទបញ្ជាឱ្យរដ្ឋបាលខេត្តទាំងប្រាំមួយ​ជុំវិញបឹង​ទន្លេសាប ការពារដីតំបន់៣…

ភ្នំពេញ៖ អង្គភាពប្រឆាំងអំពើពុករលួយកម្ពុជា អាជ្ញាធរអធិការកិច្ចរដ្ឋ​ឡាវ និងគណៈកម្មការជាតិប្រឆាំងអំពើពុករលួយថៃ បានជួប​ប្រជុំក្រុមការងារត្រីភាគីលើកទី៣ រយៈពេលពីរថ្ងៃនៅលើទឹកដីនៃខេត្ត​សៀមរាប ខណៈកម្ពុជាធ្វើម្ចាស់ផ្ទះ​។ កិច្ចប្រជុំដែលប្រារព្ធឡើងកាលពីព្រឹកថ្ងៃទី៣១ ខែកក្កដា ឆ្នាំ២០២៤​ក្រោមអធិបតីភាពឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានអង្គភាព​ប្រឆាំង​អំពើពុករលួយកម្ពុជា និង ឯកឧត្ម ស្នងការ គណៈកម្មការ​ជាតិប្រឆាំងអំពើពុករលួយ នៃព្រះរាជាណាចក្រថៃ ឯកឧត្តមអនុ​ប្រធាននៃ អាជ្ញាធរអធិការកិច្ចរដ្ឋនៃសាធារណរដ្ឋ​ប្រជាធិបតេយ្យ​ប្រជាមានិតឡាវ ។ក្នុងឱកាសនេះឯកឧត្តមកិត្តិនីតិកោសលបណ្ឌិត ឱម យ៉ិនទៀង មានប្រសាសន៍ថា​ អំពើពុករលួយជាបញ្ហាធ្ងន់ធ្ងរ ស្មុគស្មាញ និងមានលក្ខណៈឆ្លងដែន ហើយប្រាកដណាស់គ្មានប្រទេសណាអាច​កម្ចាត់វាតែម្នាក់ឯងបានទេ។ នេះជាមូលហេតុដែលយើង​ត្រូវរួមដៃគ្នាប្រយុទ្ធប្រឆាំងនឹងសត្រូវរួមនេះ ដើម្បីប្រជាជនយើង និងប្រទេសរៀងៗខ្លួន។ ការប្រយុទ្ធប្រឆាំងនឹងអំពើពុករលួយ​មិនមែនគ្រាន់តែជាការអនុម័តបទប្បញ្ញត្តិ និងច្បាប់ និងការអនុវត្ត​បទប្បញ្ញត្តិ និងច្បាប់ទាំងនោះប៉ុណ្ណោះទេ ការងារនេះទាមទារ​ពេលវេលា និងការខិតខំប្រឹងប្រែងជាច្រើនដែល​យើងមានលើវិធាន​ការចាំបាច់ចំនួនពីរ គឺ ការអប់រំ និងការបង្ការទប់ស្កាត់។ ឯកឧត្តមបានបញ្ជាក់ថា វិធានការទាំងពីរនេះអាចអនុវត្តជាទម្រង់ និងបែបបទ ព្រមទាំងមធ្យោបាយ និងយុទ្ធសាស្ត្រផ្សេងៗគ្នា អាស្រ័យលើបរិបទ និងអាទិភាពរបស់ប្រទេសនីមួយៗ ។ប៉ុន្តែគោលបំណងរួមគឺ ដើម្បីធ្វើឱ្យសង្គមមានអំពើពុករលួយតិច​ជាងមុន និងចុងក្រោយគឺរួចផុតពីអំពើពុករលួយ៕ដោយ៖​ប៊ុន​រដ្ឋា

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចូលរួមកិច្ចប្រជុំពិភាក្សាលើគម្រោងបង្កើតប្រព័ន្ធព័ត៌មានសន្តិសុខស្បៀងអាស៊ាន និងការអភិវឌ្ឍធនធានមនុស្ស ដំណាក់កាលទី៣ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ ក្នុងកិច្ចប្រជុំដែលប្រព្រឹត្តិទៅនាព្រឹកថ្ងៃទី៣១ ខែកក្កដា ឆ្នាំ២០២៤ ឯកឧត្តមរដ្ឋមន្ត្រី បានណែនាំដល់មន្ត្រីជំនាញត្រូវតាមដានវិភាគ ពីតួលេខស្ថិតិនៃប្រភេទដំណាំសំខាន់ៗឱ្យច្បាស់លាស់ រាយការណ៍នូវភាពជាក់ស្តែង និងពិតប្រាកដ ហើយត្រូវអនុវត្តការងារប្រកបដោយការទទួលខុសត្រូវខ្ពស់ និងមានភាពម្ចាស់ការ។ ឯកឧត្តមរដ្ឋមន្ត្រី បានគូសបញ្ជាក់ដល់អ្នកជំនាញ ត្រូវសិក្សាលម្អិតបន្ថែមទៀតដើម្បីរៀបចំគម្រោងផែនការមួយច្បាស់លាស់ ព្រមទាំងវាយតម្លៃនូវលទ្ធផល និងផលប៉ះពាល់ផ្សេងៗទាំងលក្ខណៈបច្ចេកទេសនិងនយោបាយ ជាពិសេសត្រូវប្រើប្រាស់ថវិកា ឱ្យចំគោលដៅ និងមានប្រសិទ្ធភាព និងគ្រប់ជ្រុងជ្រោយមុនធ្វើលការអនុវត្តគម្រោងនេះ៕ ដោយ ៖ ម៉ាដេប៉ូ

(ភ្នំពេញ)៖ ក្រសួងកសិកម្ម រុក្ខាប្រមាញ់ និងនេសាទ និង អង្គការស្បៀង និងកសិកម្មនៃសហប្រជាជាតិ (FAO) ប្រចាំកម្ពុជា បានឯកភាពគ្នា​ក្នុង​ការកសាងកិច្ចសហប្រតិបត្តិការថ្មីបន្ថែមទៀត ដោយក្នុងនេះបានចុះហត្ថ​លេខា​លើកិច្ចព្រមព្រៀងផ្ដល់មូលនិធិសម្រាប់គម្រោងការទប់ស្កាត់ ការត្រៀមបង្ការ និងការឆ្លើយតបចំពោះជំងឺរាតត្បាត (CamPPR) នៅកម្ពុជា។ ពិធីចុះហត្ថលេខានេះបានធ្វើឡើងនៅ អគ្គនាយកដ្ឋានសុខភាពសត្វ និងផលិតកម្មសត្វ ដែលនេះត្រូវបានគេចាត់ទុកថាជាការបញ្ជាក់ពី​ជំហានដ៏រឹងមាំឆ្ពោះទៅរកការពង្រឹងសុវត្ថិភាពសុខភាពសាធារណៈនៅកម្ពុជា និងក្នុងតំបន់ តាមរយៈអភិក្រមសុខភាពតែមួយ (One Health)។ បើយោងតាមអង្គការ FAO បានឱ្យដឹងនៅថ្ងៃទី ៣១ ខែ កក្កដា ឆ្នាំ ២០២៤​នេះ​ថា កិច្ចព្រមព្រៀងនេះត្រូវបានចុះហត្ថលេខាជាផ្លូវការក្រោមអធិបតីភាព​ ឯកឧត្តម តាន់ ផាន់ណារ៉ា អគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ និងលោកស្រី រេប៊ែកកា ប៊ែល តំណាងអង្គការស្បៀង និងកសិកម្មនៃសហប្រជាជាតិ (FAO) ប្រចាំកម្ពុជា។ តាមរយៈពិធីចុះហត្ថលេខានេះ វាក៏នឹងជួយបង្កើនកិច្ចសហការយូរអង្វែង​រវាងអង្គការស្បៀង និងកសិកម្មនៃសហប្រជាជាតិ (FAO) ជាមួយនឹង​អគ្គនាយកដ្ឋានសុខភាពសត្វ និងផលិតកម្ម​សត្វមួយ​កម្រិតបន្ថែម​ទៀតផងដែរ ដោយភាគីទាំងសងខាងនឹងផ្តោតការយកចិត្ត​ទុកដាក់ជាសំខាន់ទៅលើការពង្រឹងសមត្ថភាពទូទៅ ក៏ដូចជាសមត្ថភាពនៃការតាមដាន សេវាមន្ទីរពិសោធន៍ និងធនធានមនុស្សនៅក្នុងប្រព័ន្ធសុខភាពសត្វរបស់កម្ពុជា។ គួរបញ្ជាក់ថាគម្រោងការទប់ស្កាត់…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានលើកទឹកចិត្តឱ្យកងទ័ព នៃប្រទេសកម្ពុជា និងឡាវ បន្តរក្សាមិត្តភាព សាមគ្គីភាព និងកិច្ចសហការ នៅតាមបណ្តាខេត្តជាប់ព្រំដែន ។ សម្ដេចធិបតី បានថ្លែងដូច្នេះ ក្នុងឱកាសអនុញាតិឱ្យ ឯកឧត្តម ឧត្តមសេនីយ៍ឯក ខាំលៀង ឧថាក់កែសន (Khamlieng Outhakaysone) អនុរដ្ឋមន្ត្រីក្រសួងការពារប្រទេស និងជាប្រធានអគ្គសេនាធិការកងទ័ពប្រជាជនឡាវ ចូលជួបសម្ដែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី៣១ កក្កដា ២០២៤ ។ ក្នុងឱកាសនៃជំនួប ឯកឧត្តម ឧត្តមសេនីយ៍ឯក ខាំលៀង ឧថាក់កៃសន (Khamlieng Outhakaysone) អនុរដ្ឋមន្ត្រីក្រសួងការពារប្រទេស និងជាប្រធានអគ្គសេនាធិការកងទ័ពប្រជាជនឡាវ បានគោរពជម្រាបជូនសម្ដេចធិបតី អំពីគោលបំណងនៃដំណើរទស្សនកិច្ចរបស់ឯកឧត្តម គឺ ដើម្បីពង្រឹង និងពង្រីកកិច្ចសហប្រតិបត្តិការរវាងកងទ័ព នៃប្រទេសទាំងពីរ។ ឯកឧត្តម អនុរដ្ឋមន្ត្រី បានគោរពជម្រាបជូនសម្តេចធិបតីបន្ថែម អំពីលទ្ធផលសំខាន់ៗនៃដំណើរទស្សនកិច្ចនេះ មានជាអាទិ៍៖ (១) កិច្ចសហប្រតិបត្តិការសន្តិសុខ…

ភ្នំពេញ៖ ថ្ងៃទី៣១ ខែកក្កដា ឆ្នាំ២០២៤នេះ គឺជាខួបលើកទី១៥ សារមន្ទីរឧក្រិដ្ឋកម្មប្រល័យពូជសាសន៍ ទួលស្លែង ត្រូវបានចុះក្នុង​បញ្ជី​ស្មារតីចងចាំនៃពិភពលោក របស់អង្គការយូណេស្កូ (៣១ កក្កដា ២០០៩ – ៣១ កក្កដា ២០២៤)។ ​បណ្ណសារ​សារមន្ទីរ​ទួលស្លែង ត្រូវបានគណៈកម្មាធិការប្រឹក្សា​អន្តរជាតិ កម្មវិធីស្មារតីចងចាំនៃពិភពលោករបស់អង្គការយូណេស្កូ បានបញ្ចូល​ទៅក្នុងបញ្ជីស្មារតីចងចាំនៃពិភពលោក ជាផ្លូវការនៅថ្ងៃទី៣១ ខែកក្កដា ឆ្នាំ២០០៩ នាទីក្រុងប្រ៊ីតថោន ប្រទេស​បារបាដូស។ បណ្ណសារសារមន្ទីរទួល​ស្លែង ​ជាភស្ដុតាងដ៏សំខាន់បំផុត បង្ហាញពីអំពើ​ឧក្រិដ្ឋកម្ម​កើតឡើង ក្នុងសម័យខ្មែរក្រហម។ សារមន្ទីរទទួល​បានការ​សម្រប​សម្រួល​ជាច្រើនពីសហគមន៍​អន្តរជាតិ ទាំងផ្នែកបច្ចេកទេស និងហិរញ្ញវត្ថុ ជាពិសេសភ្នាក់ងារកយកា(KOICA)​​របស់កូរ៉េខាងត្បូង តាមរយៈការសម្របសម្រួលរបស់អង្គការយូណេស្កូ ក្នុងការអភិរក្ស និងថតចម្លងឯកសារទាំងនេះ ព្រមទាំងផ្ដល់​ភាព​ងាយស្រួល ក្នុងការ​ស្វែងរកព័ត៌មានរបស់ជនរងគ្រោះពីសាច់ញាតិ និងផ្ដល់ការប្រើប្រាស់​ឯកសារ តាមប្រព័ន្ធអ៊ីធឺណិត។ សូមជម្រាបថា ស្មារតីនៃការចងចាំពិភពលោករបស់អង្គការយូណេស្កូ បានបញ្ចូលបណ្ណសារសារមន្ទីរទួលស្លែងទៅក្នុងបញ្ជីររបស់ខ្លួន នាខែកក្កដា ឆ្នាំ២០០៩ ដើម្បីទទួលស្គាល់អំពីសារសំខាន់ផ្នែក​ប្រវត្តិសាស្ត្រ​របស់ឯកសារទាំងនោះ។នៅឆ្នាំ២០២០ គម្រោង​ថតចម្លង និងអភិរក្សបណ្ណសារ ក៏បានទទួលពានរង្វាន់ ’’ជីកជី” នៃស្មារតី​ចងចាំពិភពលោកប្រចាំឆ្នាំ២០២០ ដោយទទួលស្គាល់​ពីតួនាទី​របស់សារមន្ទីរទទួលស្លែង ក្នុងការលើកម្ពស់សន្តិភាព និងការ​ធានាការមិនកើតឡើងវិញនៃឧក្រិដ្ឋកម្មនេះ តាមរយៈ​បណ្ណសារ​របស់ខ្លួន។…

(ភ្នំពេញ)៖ ក្នុងជំនួបសម្ដែងការគួរសម និងពិភាក្សាការងារជាមួយ សម្ដេច​មហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព រាជធានីភ្នំពេញ នាព្រឹកថ្ងៃទី៣១ កក្កដា ឆ្នាំ២០២៤ ឯកឧត្តម Xaysana Khotphouthone អគ្គរដ្ឋអាជ្ញា នៃមហាអយ្យការអម​តុលាការប្រជាជន នៃសាធារណរដ្ឋប្រជាធិបតេយ្យប្រជាមានិតឡាវ បាន​គោរព​ជម្រាបជូនថា ដំណើរទស្សនកិច្ចរបស់ឯកឧត្តម នៅកម្ពុជា នាឱកាស​នេះ មានគោលបំណងពង្រឹង និងពង្រីកកិច្ចសហប្រតិបត្តិការជាមួយនឹងមហា​អយ្យការអមតុលាការកំពូលនៃព្រះរាជាណាចក្រកម្ពុជា។ ឯកឧត្តមអគ្គរដ្ឋអាជ្ញា ក៏បានគោរពជម្រាបជូនបន្ថែម អំពីលទ្ធផលសំខាន់ៗ​ដែលសម្រេចបានក្នុងដំណើរទស្សនកិច្ចនេះ មានជាអាទិ៍៖ (១) ការសម្រេច​បាននូវការចុះអនុស្សរណៈនៃការយោគយល់គ្នាក្នុងការបន្តពង្រឹងកិច្ចសហប្រតិបត្តិការរវាងអយ្យការប្រជាជនកំពូល នៃសាធារណរដ្ឋប្រជាធិបតេយ្យ​ប្រជា​មានិតឡាវ និងមហាអយ្យការអមតុលាការកំពូល នៃព្រះរាជាណាចក្រកម្ពុជា (២) ការបណ្តុះបណ្តាល និងការបន្តការផ្លាស់ប្ដូរទស្សនកិច្ច ព្រមទាំងការបន្ត​ការ​ចែករំលែកបទពិសោធន៍ និងព័ត៌មាន ក្នុងការប្រយុទ្ធប្រឆាំងនឹងឧក្រិដ្ឋកម្ម​ឆ្លង​ដែន និងការជួញដូរគ្រឿងញៀន និង(៣) ការបន្តជួយគាំទ្រគ្នាទៅវិញ​ទៅមក នៅក្នុងវេទិកាតំបន់ និងអន្តរជាតិ។ ឯកឧត្តមអគ្គរដ្ឋអាជ្ញា បានប្ដេជ្ញា​ចិត្ត​ក្នុងការបន្តពង្រឹង និងពង្រីកកិច្ចសហប្រតិបត្តិការ ជាមួយមហាអយ្យការ​អមតុលាការកំពូលកម្ពុជា ឱ្យកាន់តែរឹងមាំបន្ថែមទៀត។ ជាការឆ្លើយតប សម្ដេចធិបតីបានគូសបញ្ជាក់អំពីទំនាក់ទំនងដ៏ល្អ និងមិត្តភាព​ដ៏យូរអង្វែង រវាងកម្ពុជា និងឡាវ…