កំពង់ឆ្នាំង៖សាលាក្រុងកំពង់ឆ្នាំងបានទុកពេលវេលាចុងក្រោយដល់​គ្រប់បណ្ដាក្រុមហ៊ុនស្រាបៀរ ក្នុងក្រុងកំពង់ឆ្នាំង​ទាំងអស់​ទម្លាក់​ផ្លាកផ្សាយពាណិជ្ជកម្មតាមដងផ្លូវនានាត្រឹមថ្ងៃទី៣១ខែកក្កដា ។នេះបើយោងតាមស្មារតី​នៃកិច្ចប្រជុំកាលពីរសៀលថ្ងៃទី ២៥ ខែកក្កដាឆ្នាំ ២០២៤។ លោក ទូច លីហួត អភិបាលរងក្រុងកំពង់ឆ្នាំងកាលពីរសៀលថ្ងៃទី២៦ ខែកក្កដាបានបញ្ជាក់ថា សាលាក្រុងបានប្រជុំជាមួយ​​​ម្ចាស់​ក្រុមហ៊ុន​ស្រាបៀរទាំងអស់ដែលបានលើកផ្លាកផ្សាយពាណិជ្ជកម្មតាមដងផ្លូវនានាពិសេសនៅតាមផ្លូវជាតិលេខ ៥ត្រូវរុះរើផ្លាក របស់ខ្លួនឱ្យរួចរាល់ក្នុង​រយៈពេលមួយសប្តាហ៍។បើមិនអនុវត្តទេចាប់ពីថ្ងៃទី១ ខែសីហាទៅ​សាលា​ក្រុងនឹងមានវិធានការឱ្យម្ចាស់​ក្រុមហ៊ុនទទួលខុសត្រូវដោយ​ខ្លួនឯង។ អភិបាលរងក្រុងកំពង់ឆ្នាំងក៏បានបន្តថា ក្រុមហ៊ុនអាចបិទផ្សាយពាណិ​ជ្ជ​កម្មជាភេសជ្ជៈដូចជាទឹកក្រូចឬទឹកផ្លែឈើបាន ប៉ុន្តែ​មិនអនុញ្ញាតឱ្យ​ផ្សាយពាណិជ្ជកម្មស្រាបៀរនោះទេ ។ សូមជម្រាប​ថា កន្លងមកថ្មីៗនេះផ្លាកផ្សាយពាណិជ្ជកម្មស្រាបៀរ​នៅខេត្ត ក្រុង មួយចំនួនត្រូវបាន​ទម្លាក់ចេញ៕ ដោយ៖សុខ គឹមសៀន

កំពង់ធំ៖នៅមន្ទីរពេទ្យបង្អែកខេត្តកំពង់ធំ ដោយមានការសម្រប​សម្រួល​ពីរដ្ឋបាលខេត្តកំពង់ធំ ក្រុមគ្រូពេទ្យនៃសមាគមគ្រូពេទ្យ​ស្ម័គ្រចិត្ត​ខេត្ត​ឃ្យុង​​សាងប៊ុកដូនៃសាធារណរដ្ឋកូរ៉េ សហការជា​មួយមន្ទីរពេទ្យបង្អែក​ខេត្តកំពង់ធំ និងសមាគមប្រឹក្សាសុខភាព​ប្រជាជន បានធ្វើការពិនិត្យ​ព្យាបាលជំងឺដល់ប្រជាពលរដ្ឋនៅខេត្តកំពង់ធំដោយឥតគិតថ្លៃ តាមរយៈ «កម្មវិធីអ្នកតំណាងរាស្ត្រដើម្បី​សុខភាពប្រជាជន» ក្រោមគំនិត​ផ្តួចផ្តើមរបស់ឯកឧត្តម សួស យ៉ារ៉ា អ្នកតំណាង​រាស្រ្តមណ្ឌលខេត្តកំពង់ធំ។ ក្នុងសកម្មភាពក្រុមគ្រូពេទ្យឯកទេសកាលពីថ្ងៃទី២៦ ខែកក្កដា ឆ្នាំ២០២៤​ បានពិនិត្យព្យាបាលជំងឺទូទៅ ជំងឺមាត់ធ្មេញ ថតឆ្លុះក្រពះ ពោះវៀន រោគស្ត្រី ជំងឺកុមារ ចក្ខុរោគ (ជំងឺភ្នែក) ចាក់ម្ជុលវិទ្យាសាស្ត្រ និងពិនិត្យឈាមដោយឥតគិតថ្លៃ។កម្មវិធីនេះមានរយៈពេល បីថ្ងៃ ចាប់ពីថ្ងៃទី២៦ ខែកក្កដាដល់ថ្ងៃទី២៨ ខែកក្កដានៅមន្ទីរពេទ្យ​បង្អែកខេត្តកំពង់ធំ ក្រុងស្ទឹងសែន ។ លោក ងួន រាសី អភិបាលរងខេត្តកំពង់ធំបានបញ្ជាក់ថា កម្មវិធីអ្នក​តំណាងរាស្ត្រដើម្បីសុខភាពប្រជាជន ត្រូវបានបង្កើត​ឡើងក្រោម​គំនិតផ្តួចផ្តើមរបស់ឯកឧត្តម សួស យ៉ារ៉ា តាំងពីឆ្នាំ២០១៣ ដោយមានការគាំទ្រពីសមាគម​គ្រូពេទ្យស្ម័គ្រចិត្តខេត្ត​ឃ្យុងសាងប៊ុក​ដូនៃសាធារណរដ្ឋកូរ៉េ ដើម្បីលើកកម្ពស់សុខភាពប្រជាជនតាម​រយៈការពិនិត្យព្យាបាលជំងឺដោយឥតគិតថ្លៃ និងការបរិច្ចាគ​នូវសម្ភារៈ​បរិកា្ខរពេទ្យ និងឱសថដល់មន្ទីរពេទ្យនៅកម្ពុជា ស្របតាមគោលនយោ​បាយរបស់រាជរដ្ឋាភិបាល ក្រោមការដឹកនាំប្រកប​ដោយគតិបណ្ឌិត​របស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា៕ ដោយ៖ ប៊ុន រដ្ឋា

កំពង់ធំ៖លោក បែន វណ្ណរិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទ​ខេត្តកំពង់ធំបានឱ្យដឹងក្នុងសប្ដាហ៍នេះថា ទឹកជំនន់​ទឹក​ភ្លៀងបាន​ធ្វើឱ្យប៉ះពាល់និងខូចខាតដំណាំស្រូវក្រុង-ស្រុកចំនួនប្រាំពីរ មាន ស្រុកកំពង់ស្វាយ ប្រាសាទសំបូរ សណ្ដាន់ បារាយណ៍ សន្ទុក ស្ទោង និងក្រុងស្ទឹងសែន។ ផ្ទៃដីស្រូវរងផលប៉ះពាល់ចំនួន​១.៧១៣​ហិកតា និងខូចខាតទាំងស្រុងចំនួន១.១៨២ហិកតា។ រយៈពេលប៉ុន្មានថ្ងៃកន្លងទៅនេះមានភ្លៀងធ្លាក់នៅផ្នែកខាងលើជាប់ៗគ្នា ជាហេតុធ្វើ​ស្ថានភាពកជំនន់ស្ទឹង​ទាំងបួន​របស់​ខេត្ត​កំពង់ធំបន្ត​កើនឡើង។ លោកប្រធានមន្ទីរកសិកម្មបានបញ្ជាក់ថា ស្រុកកំពង់ស្វាយរងផល​ប៉ះពាល់ ខូចខាតធ្ងន់ធ្ងរជាងគេ​ដោយ​ប៉ះពាល់ដំណាំស្រូវ​ចំនួន​១.១០៨ហិកតា និងខូចខាត៩៩៦ហិកតា ។លោកបន្តថា អាជ្ញាធរស្រុក ឃុំ បានចុះពិនិត្យស្ថានភាពជាក់ស្ដែង​នៅឃុំ​កំពង់ស្វាយ ស្រុកកំពង់​ស្វាយ ឃើញថាប្រជាកសិករកំពុងប្រមូលផលស្រូវពីទឹក បើទោះបី​ពុំទាន់ដល់​អាយុប្រមូលផលក៏​ដោយ(ពេលស្រូវដាក់​ម្សៅទុំស្លាបសេក)។ តាមសេចក្ដីរាយការណ៍របស់មន្ទីរធនធានទឹកនិងឧតុនិយមខេត្តកំពង់ធំកាលពីថ្ងៃទី២៦ ខែកក្កដា បានឱ្យដឹងថា​ទឹកស្ទឹងសែន​នៅ​ស្ថានីយ​កំពង់ធំទឹកមានកម្ពស់១៣,៤៣ម៉ែត្រខ្ពស់ជាងថ្ងៃម្សិលមិញចំនួន០,០៩ម៉ែត្រ។កម្ពស់​ទឹកដែលត្រូវប្រកាសប្រុង​ប្រយ័ត្ន​១៣,៥០ម៉ែត្រ។ចំពោះស្ថានីយស្រុកសណ្ដាន់ទឹក​មានកម្ពស់១៨,៣៧ម៉ែត្រខ្ពស់ជាង​ថ្ងៃម្សិលមិញ​ចំនួន០,៣៤ម៉ែត្រ​កម្ពស់ទឹក​ដែលត្រូវប្រកាសប្រុងប្រយ័ត្ន​១៨,៥០ម៉ែត្រ។ សូមជម្រាបថា ការងារបង្កបង្កើនផលស្រូវរដូវវស្សារបស់ប្រជា​កសិករ​ខេត្តកំពង់ធំ គិតត្រឹមថ្ងៃទី២៥ ខែកក្កដាអនុវត្តបានចំនួន១៩៨ ០៥៣ហិកតាស្មើនឹង៩២.៨៥ភាគរយនៃផែនការ២៣១.៣០០ហិកតាខ្ពស់ជាងឆ្នាំមុនក្នុងរយៈពេលដូចគ្នាចំនួន១.២៧៩ហិកតា ។ក្នុងនោះ​ស្រូវស្រាលដើមរដូវឬស្រូវបង្កើនរដូវចំនួន៣៣.២៥៤ហិកតា៕ ដោយ៖ ប៊ុន រដ្ឋា

កំពង់ធំ៖បន្ទាប់ពីទទួលបានដំណឹងពីអជ្ញាធរមូលដ្ឋានថា មានពលរដ្ឋ​កំពុងខ្វះខាត កាលព្រឹកថ្ងៃសុក្រទី២៦ ខែកក្កដា ឆ្នាំ២០២៤ លោក​ជំទាវ ញូង ចរិយា អ៊ុន ចាន់ដា អមដំណើរដោយលោក ប៉ាង ដានី អនុប្រធាន អចិន្រ្តៃយ៍សាខាកាកបាទក្រហមកម្ពុជាខេត្ត រួមជាមួយ​សប្បុរសជនជាច្រើនរូបបាននាំយកអំណោយមនុស្សធម៌របស់សាខាកាកបាទក្រហមកម្ពុជាខេត្តកំពង់ចាម ចែកជូន​ជនមានពិការភាពដែលខ្វះខាតជីវភាពចំនួន ១០ គ្រួសាររស់​នៅ​ភូមិពង្របួនគ្រួសារ និង ភូមិរមូលចំនួនប្រាំមួយគ្រួសារស់នៅក្នុង ឃុំរអាង ស្រុកកំពង់សៀម។ ក្នុងឱកាសនោះលោកជំទាវពាំនាំនូវការសួរសុខទុក្ខពីសំណាក់សម្ដេចកិតិ្តព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហម​កម្ពុជាដែលជានិច្ចជាកាល​តែងជួយឧបត្ថម្ភដល់គ្រួសារខ្វះខាតមិនឱ្យអត់អាហារនោះទេ៕ដោយ៖លីពៅ

បាត់ដំបង៖កូនឈើចម្រុះ ជិតបួនម៉ឺនដើម ត្រូវបានមន្ទីរបរិស្ថានខេត្ត​បាត់​ដំបង​ចែកជូនយកទៅដាំក្នុងរដូវវស្សា​ឆ្នាំ២០២៤ ខណៈ​​មន្ទីរបានត្រៀមចំនួន៤៥ ០០០ ដើមសម្រាប់ឆ្នាំនេះ។ លោក កត បូរាន ប្រធានមន្ទីរបរិស្ថានខេត្តបាន​ប្រាប់ទូរទស្សន៍អប្សរាថា រហូតមកដល់ពេលនេះកូនឈើប្រមាណជិតបួនម៉ឺនដើមត្រូវបាន​មន្ទីរចែកជូនស្ថាប័ន មន្ទីរ អង្គភាព រដ្ឋបាលក្រុង ស្រុក និង​ប្រជាពល​រដ្ឋយកទៅដាំលម្អ នៅតាមភូមិឋាន ផ្ទះសម្បែង​ទីធ្លាសាធារណៈនានា ដើម្បីរួមចំណែកបង្កើតធនធានធម្មជាតិនិងសម្រេចបាននូវយុទ្ធនាការ” ផ្ទះមួយខ្នង ឈើមួយដើម”។ លោកបានបន្ថែមថា ក្នុងឆ្នាំនេះដែរ មន្ទីរបានត្រៀមកូនឈើប្រមាណ​៤៥ ០០០ដើម សម្រាប់ចែកជូនដល់ប្រជាពលរដ្ឋ​​ទូទៅ​​តែតម្រូវ​ការកូនឈើ អាចច្រើនជាងនេះ។លោកបន្តថា នៅឆ្នាំ​ក្រោយៗ​មន្ទីរនឹងត្រៀម​បណ្តុះកូនឈើបន្ថែម​ទៀតក្នុងចន្លោះពីប្រាំម៉ឺន ទៅប្រាំមួយម៉ឺនដើម ដើម្បីបំពេញនូវតម្រូវការដាំក្នុងខេត្ត។ តាមរយៈនៃការចែកជូនកូនឈើនេះ លោកប្រធានមន្ទីរបរិស្ថាន​ខេត្តបាត់​ដំបង ក៏បានអំពាវនាវដល់ប្រជាពលរដ្ឋទូទៅក្នុងខេត្ត សូមឱ្យចូលរួមដាំកូនឈើតាមផ្ទះសម្បែង តាមទីធ្លាមុខផ្ទះ ឱ្យបានច្រើន ដើម្បីលើកកម្ពស់បរិស្ថានបៃតង និងទប់ស្កាត់ការ​បម្រែ​​បម្រួលអាកាសធាតុ ។ ព្រមជាមួយគ្នានេះ លោក កត បូរ៉ាន បានបង្ហាញនូវក្ដីសង្ឃឹមយ៉ា​ងមុតមាំថា នៅក្នុងរង្វង់ឆ្នាំ២០៥០ ប្រទេសកម្ពុជានឹងទទួល​បានព្រៃឈើប្រមាណ៦០ភាគរយឬលើសពីនេះ ខណៈដែល​ប្រជាពលរដ្ឋកម្ពុជា បានយល់ដឹងពីអត្ថប្រយោជន៍របស់ព្រៃឈើ និងកំពុងតែចាប់ផ្ដើមដាំស្ដារព្រៃឈើឡើងវិញជាបន្តបន្ទាប់ មកនេះ។ សូមបញ្ជាក់ថា ការចែកជូនកូនឈើរបស់មន្ទីរបរិស្ថានខេត្តបាត់ដំបង​បានធ្វើឡើងចាប់ពីថ្ងៃទី១១ ខែកក្កដាកន្លងមកដែល​ជាការ​អបអរ​ពិធីរុក្ខទិវា ស្របពេលដែលរដ្ឋបាលខេត្តបាត់ដំបងប្រកាសបាន​បើកយុទ្ធនាការ “ផ្ទះមួយខ្នង…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំបន្ទាប់ពីទទួលដំណឹងថា កងកម្លាំងដែលស្នាក់នៅ ប្រចាំការបំពេញបេសកកម្មការពារបង្រ្កាបបទល្មើសធនធានធម្មជាតិនៅតំបន់ត្រពាំងក្រវិល ក្នុងដែនជម្រកសត្វបឹងពែរ ស្ថិតក្នុង​ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ រងការវាយប្រហារដោយខ្យល់​កន្រ្តាក់ លោកឧត្តមសេនីយ៍ទោ​បានដឹកនាំក្រុម​ការងារទៅសាកសួរ​សុខទុក្ខផ្ទាល់កាលពីព្រឹកថ្ងៃទី២៦ ខែកក្កដា ឆ្នាំ២០២៤។ លោកអនុសេនីយ៍ឯក ចាន់ រ៉ន មេបញ្ជាការកងអនុសេនាធំទី៣ កងវរសេនាតូចលេខ២ បានឱ្យដឹងថា នៅយប់ម៉ោង១១ថ្ងៃទី២៤ ខែកក្កដាមានភ្លៀងមួយមេធំ និងមានខ្យល់កន្ត្រាក់ បណ្តាលឱ្យ​បាក់មែកឈើសង្កត់លើរោងស្នាក់នៅរបស់កងកម្លាំង បានធ្វើឱ្យ​ខូចខាតជម្រកស្នាក់នៅ ប៉ុន្តែមិនបណ្តាលឲ្យងរបួសធ្ងន់ធ្ងរ ដល់កងកម្លំាងយោធិនដែលកំពុងសម្រាក នៅក្នុងរោងឡើយ។ ឧត្តមសេនីយ៍ទោ សោម ស៊ុន អនុប្រធានអចិន្ត្រៃយ៍គណៈកម្មការ​ការពារ គ្រប់គ្រង និងបង្ក្រាបទល្មើសធនធានធម្មជាតិខេត្តកំពង់ធំ កោតសរសើរកងកម្លាំងនៃបញ្ជាការរដ្ឋានតំបន់ប្រតិបត្តិការសឹករងកំពង់ធំ បានពុះពាររាល់ការលំបាកទាំងការស្នាក់នៅ ការហូបចុក ប៉ុន្តែបង​ប្អូននៅតែខិតខំបំពេញភារកិច្ចតាមបទបញ្ជារបស់ថ្នាក់ដឹកនាំ គ្រប់​លំដាប់ថ្នាក់នៃកងយោធពលខេមរភូមិន្ទ និងបទបញ្ជា​របស់ឯកឧត្ដម​អភិបាលខេត្ត ប្រធានគណៈបញ្ជាការឯកភាពរដ្ឋបាលខេត្តកំពង់ធំ ប្រកបដោយស្មាតីទទួលខុសត្រូវខ្ពស់ ។ ក្នុងឱកាសនេះ ឧត្តមសេនីយ៍ទោ សោម ស៊ុន បាននាំយកអំណោយ​មួយចំនួន​របស់សម្តេចធិបតី ហ៊ុន ម៉ាណែត នាយករដ្ឋមន្ត្រី​កម្ពុជា និង​លោកជំទាវបណ្ឌិត ពេជ ចន្ទមុន្នី ប្រគល់ជូនកងកម្លាំងនៃបញ្ជាការ​ដ្ខានតំបន់ប្រតិបត្តិការសឹករងកំពង់ធំ…

ស្វាយរៀង៖មន្រ្តីជាន់ខ្ពស់ធនាគារជាតិនៃកម្ពុជាបានគូសបញ្ជាក់ថា នៅពេលដ៏ខ្លីខាងមុខនេះ ធនាគារជាតិនៃកម្ពុជា នឹងដាក់​ឱ្យភ្ញៀវ​ទេសចរអន្តរជាតិប្រើប្រាស់នូវប្រព័ន្ធទូទាត់ទំនើប ដែលហៅថា “បាគងសម្រាប់ទេសចរ” (Bakong Tourists App) ដើម្បីសម្រួល​ដល់ការទូទាត់ចាយវាយនានារបស់ភ្ញៀវទេសចរ។ លោក យឹម លាត ទេសាភិបាលរងធនាគារជាតិកម្ពុជាបានថ្លែង​បន្ត​ទៀតថា ការប្រើការទូទាត់អេឡិចត្រូនិកនេះ នឹងអាចជំរុញ​ឱ្យភ្ញៀវ​ទេសចរបង្កើនការចាយនៅកម្ពុជា និងនៅបណ្តាប្រទេសក្នុងតំបន់ ដែលកម្ពុជាបានភ្ជាប់ប្រព័ន្ធទូទាត់នេះជាមួយ មានដូច​ជាប្រទេស ថៃ វៀតណាម ឡាវ និងមានប្រទេសជាច្រើនទៀតនាពេលខាងមុខ។ ដោយត្រឡប់ទៅរំលឹកអ្វីដែលធនាគារជាតិកម្ពុជាសម្រេចរួចមកហើយ លោកទេសាភិបាលរងបានគូសរំលេចថា ប្រព័ន្ធទូទាត់​បាគង​ត្រូវបាន​ដាក់ឱ្យប្រើប្រាស់ជាផ្លូវការកាលពីថ្ងៃទី២៨ ខែតុលា ឆ្នាំ២០២០ សម្រាប់ធ្វើប្រតិបត្តិការ​ឌីជីថលផ្សេងៗ ដូចជាទូទាត់ និង​ផ្ទេរប្រាក់បាន​យ៉ាងឆាប់រហ័ស ងាយស្រួល និងមានសុវត្ថិភាពខ្ពស់ ទាំងក្នុងប្រទេស និងនៅ​ប្រទេសជាដៃគូ។ ក្នុងនោះមាន​ប្រទេស​ថៃ វៀតណាម និងឡាវ តាមរយៈ KHQR Code ។ ក្រៅពីនេះធនាគារជាតិនៃកម្ពុជា នឹង​អាចតភ្ជាប់ជាមួយប្រទេសឥណ្ឌា និងចិន ក្នុងឆ្នាំនេះ តាមផែនការ​តភ្ជាប់ជាមួយប្រទេសផ្សេងៗទៀតក្នុងពិភពលោក។  ការបញ្ជាក់របស់លោកយឹម លាត ទេសាភិបាលរងធនាគារជាតិនៃ​កម្ពុជា​បានធ្វើឡើងក្នុងសិក្ខាសាលាផ្សព្វផ្សាយស្តីពី”ប្រាក់រៀល ប្រព័ន្ធបាគង និងខេអេចឃ្យូអរ” ដល់​ប្រជាពលរដ្ឋ លោកគ្រូ អ្នកគ្រូ…

(ភ្នំពេញ)៖ មហោស្រពមេគង្គលើកទី២ ឆ្នាំ២០២៤ ក្រោមប្រធានបទ ឥទ្ធិពលនៃបញ្ញាសិប្បនិម្មិត និងម៉ាស៊ីនសិក្សាសម្រាប់អនាគតយុវជន ដែលរៀបចំឡើងរយៈពេល ២ថ្ងៃ នឹងរួមចំណែកជាមួយសកម្មភាពស្នូលនៃយន្តការអភិវឌ្ឍរបស់រាជរដ្ឋាភិបាលកម្ពុជាលើវិស័យបច្ចេកវិទ្យានិងនវានុវត្ដន៍ ដែលជាមុំមួយនៃយុទ្ធសាស្រ្តបញ្ចកោណដំណាក់កាលទី១របស់រាជរដ្ឋាភិបាល ក្នុងគោលដៅអភិវឌ្ឍប្រទេសឱ្យក្លាយទៅជាប្រទេសមានចំណូលមធ្យម ត្រឹមឆ្នាំ២០៣០ និងចំណូលខ្ពស់ នៅឆ្នាំ២០៥០ ។ នេះបើយោង តាមការគូសបញ្ជាក់ របស់ប្រធានរៀបចំ មហោស្រពមេគង្គ លើកទី២ លោក ធៀម ពេជ្រវិសាល ក្នុងកិច្ចសម្ភាសន៍ជាមួយទូរទស្សន៍អប្សរា ក្នុងថ្ងៃបើកមហោស្រព មេគង្គលើទី២ នាព្រឹកថ្ងៃទី២៧ ខែ កក្តដា ឆ្នាំ២០២៤ នៅផ្សារទំនើប អូឡាំព្យា ។ អ្នករៀបចំមហោស្រពរូបនេះ បានអះអាងថា មហោស្រពមេគង្គនេះ គឺជាវេទិកាមួយដែលផ្សាភ្ជាប់ភាគីសំខាន់ទាំង៣ រួមមានក្រសួងរដ្ឋាភិបាល សហគ្រិនធំតូច និងយុវជនដែលជាកំលាំង ចលករដ៏ធំក្នុងវិស័យបច្ចេកវិទ្យា ។ លើសពីនេះ វេទិការបច្ចេកវិទ្យាមេគង្គ បានផ្តល់ឳកាស ដល់យុវជនដែលមានគម្រោងបច្ចេកវិទ្យា នវានុវត្តន៍ តាំងបង្ហាញស្នារដៃរបស់ខ្លួន ជូនសាធារណៈជន ជាពិសេសសហគ្រិនធំៗ ដែលជាឱកាសទទួលបានការវិនិយោគនាពេលអនាគត ។ ពិសេស ជាងនេះទៀត មហោស្រពមួយនេះ…

(កំពត)៖ ប្រទេសជាតិមានសុខសន្តិភាព មានការយកចិត្តទុកដាក់ពីសំណាក់ថ្នាក់ដឹកនាំកំពូលរបស់ជាតិ បានធ្វើសមិទ្ធផលនានានៅក្នុង វិស័យពុទ្ធចក្រ កំពុងកើតឡើងជាបន្តបន្ទាប់ និងបានឆ្លុះបញ្ចាំងឱ្យឃើញពីស្មារតីសាមគ្គីជាប្រពៃណី ការស្រឡាញ់ និងការគោរព ប្រណិប័តន៍ព្រះពុទ្ធសាសនា។ នេះជាប្រសាសន៍របស់ លោកជំទាវបណ្ឌិត ជា សិរី ទេសាភិបាលធនាគារជាតិនកម្ពុជា ក្នុងពិធីសម្ពោធខ្លោងទ្វារវត្ត និងសមិទ្ធផលនានា ក្នុងវត្តពោធិព្រឹក្សាខារាម នៅស្រុកទឹកឈូ ខេត្តកំពត ថ្ងៃទី ២៦-២៧ ខែកក្កដា ឆ្នាំ២០២៤ ។ លោកជំទាវបណ្ឌិត ថ្លែងថា សមិទ្ធផលខ្លោងទ្វារថ្មីនេះ និងសមិទ្ធផលនានាក្នុងវត្តពោធិព្រឹក្សាខារាម អាចកើត មានឡើង ក៏ដោយសារតែប្រទេសជាតិយើងមានសុខសន្តិភាព មានការយកចិត្តទុកដាក់ពីសំណាក់ថ្នាក់ដឹកនាំកំពូលរបស់ជាតិ លើវិស័យព្រះពុទ្ធសាសនា ហើយបានបន្តជំរុញឱ្យមានការអភិវឌ្ឍ ដើរទន្ទឹមគ្នារវាងអាណាចក្រ និងពុទ្ធចក្រ ព្រោះព្រះពុទ្ធសាសនា គឺជាសាសនារបស់រដ្ឋ ដែលប្រជាពលរដ្ឋទូទាំងប្រទេសគោរពប្រណិប័តន៍ ក្នុងនោះការចូលរួមពីសប្បុរសជន ញាតិមិត្តជិតឆ្ងាយ បានរួមគ្នាសាងសង់សមិទ្ធផលនេះ និងសមិទ្ធផលនានាក្នុងវត្តពោធិព្រឹក្សាខារាម ដើម្បីទុកជាប្រយោជន៍រួម របស់លោកតាលោកយាយ ពូមីងបងប្អូនទាំងអស់គ្នា។ ការណ៍នេះបង្ហាញពីស្មារតីសាមគ្គីភាព និងភាតរភាពរវាងលោកតាលោកយាយ ពូមីង បងប្អូន ពុទ្ធបរិស័ទ ចំណុះជើងវត្តពោធិព្រឹក្សាខារាមទាំងអស់។ លោកជំទាវបណ្ឌិត ជា…

ភ្នំពេញ៖ អតីតក្រុមយុវជនស្នូលនៃគណបក្សប្រជាជនកម្ពុជា ហៅក្រុម២២ ប្រមាណ៦០នាក់ កាលពីល្ងាចថ្ងៃទី២៦ ខែកក្កដា ឆ្នាំ២០២៤ បានជួបជុំគ្នាពិសាអាហារសាមគ្គីដើម្បីជាការរំឭកអនុស្សាវរីយ៍នៃការខិតខំប្រឹងប្រែងតស៊ូអនុវត្តតាមគោលនយោបាយរបស់គណបក្សប្រជាជនកម្ពុជានិ ងបង្កើនទំនាក់ទំនងគ្នាឲ្យកាន់តែស្អិតរមួតថែមទៀតក្នុងគោលដៅបម្រើប្រជាជន និងប្រទេសជាតិឲ្យកាន់តែមានប្រសិទ្ធភាព។ នៅក្នុងពិធីជួបជុំបងប្អូនក្រុម២២មកពីជំនាន់ផ្សេងៗគ្នានៅភោជនីយដ្ឋាន សេង ហុកហេង ស្ថិតនៅក្នុងខណ្ឌសែនសុខ រាជធានីភ្នំពេញដែលផ្តួចផ្តើមរៀបចំឡើងដោយលោកឡេង ចាន់វិរៈ នេះពុំមានការថ្លែងអ្វីជាផ្លូវការក្រៅពីថាការជួបជុំគ្នានៅថ្ងៃនេះ ដើម្បីសួរសុខទុក្ខគ្នានិងពិសាហារសាមគ្គីប្រកបដោយបរិយាកាសសប្បាយរីករាយនិងស្និតស្នាលគ្នាក្រៃលែង។ ពិធីខាងលើនេះឃើញមានវត្តមានឯកឧត្តមហួត ហាក់ រដ្ឋមន្ត្រីក្រសួងអធិការកិច្ច ឯកឧត្តម ឃួង ស្រេង អភិបាលរាជធានីភ្នំពេញ និងបងប្អូនមានមុខតំណែងជារដ្ឋលេខាធិការ អនុរដ្ឋលេខាធិការ អភិបាលរងខេត្ត អភិបាលខណ្ឌ ស្រុក និង មន្ត្រីមកពីស្ថាប័នផ្សេងគ្នាច្រើនរូបទៀត ហើយបងប្អូនបានគាំទ្រនូវការលើកឡើងថាសុំឱ្យមានការជួបជុំគ្នាបែបនេះឱ្យបានមួយឆ្នាំម្តង ។ អតីតក្រុមយុវជនស្នូលនៃគណបក្សប្រជាជនកម្ពុជា( ក្រុម២២ )នេះ បច្ចុប្បន្នអ្នកខ្លះបាននិងកំពុងកាន់ដំណែងជា រដ្ឋមន្ត្រី ឯកអគ្គរាជទូត រដ្ឋលេខាធិការ អនុរដ្ឋលេខាធិកា អគ្គនាយក អគ្គនាយករង ប្រធាន-អនុប្រធាននាយកដ្ឋាននៅតាមក្រសួងស្ថាប័ន និង ជាអភិបាល អភិបាលរងរាជធានី-ខេត្ត ប្រធាន-អនុប្រធានមន្ទីរ អភិបាល-អភិបាលរងខ័ណ្ឌ-ស្រុក នៅក្មុងជួររាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី…