(ភ្នំពេញ)៖ អគ្គនាយកដ្ឋានពន្ធដារ រៀបចំសិក្ខាសាលាផ្សព្វផ្សាយ ស្តីពីសៀវភៅណែនាំស្តីពីបែបបទនិងនីតិវិធី នៃការធ្វើសវនកម្មពន្ធដារសម្រាប់មន្ត្រីពន្ធដារនិងអ្នកជាប់ពន្ធ និង សៀវភៅណែនាំស្តីពី ការស៊ើបអង្កេតបទល្មើសព្រហ្មទណ្ឌលើបទប្បញ្ញត្តិស្តីពីពន្ធដារ នាថ្ងៃទី២៣ ខែកក្កដា ឆ្នាំ២០២៤ នៅសណ្ឋាគារ សូហ្វីតែលភ្នំពេញ ភូគីត្រា ដោយមានអ្នកចូលរួមផ្ទាល់ជាង ៨៥០នាក់ និងតាមប្រព័ន្ធអនឡាញ ប្រមាណជាង ៥០០នាក់ ។ ឯកឧត្តម គង់ វិបុល បានមានប្រសាសន៍ថា ជាគោលការណ៍ចម្បង អគ្គនាយកដ្ឋានពន្ធដារ បាននិងបន្តយកចិត្តទុកដាក់ខ្ពស់ក្នុងការពង្រឹង និងសម្រួលពាណិជ្ជកម្ម និងការវិនិយោគនៅកម្ពុជា ស្របតាមគោលនយោបាយរបស់រាជរដ្ឋាភិបាលជាពិសេស គោលនយោបាយពន្ធដារ បានសម្រួល និងលើកកម្ពស់បន្ថែមទៀត នូវបរិយាកាសធុរកិច្ចជូនដល់វិនិយោគិនក្នុងស្រុក សំដៅសម្រួលដល់ការវិនិយោគ និងការប្រកបអាជីវកម្មឱ្យកាន់តែមានភាពងាយស្រួល និងទទួលបានប្រាក់ចំណេញ និងឈានទៅបន្តទាក់ទាញបន្ថែមទៀត នូវវិនិយោគិនបរទេសឱ្យចូលមកប្រទេសកម្ពុជា ។ មួយវិញទៀត អនុលោមទៅតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ ដែលផ្តោតលើការកែទម្រង់និងការពង្រឹងអភិបាលកិច្ចល្អ និងដើម្បីចូលរួមពង្រឹងអភិបាលកិច្ចសាជីវកម្មរបស់វិស័យឯកជន ព្រមទាំងបន្តពង្រឹងសមត្ថភាពការងារគ្រប់គ្រង និងប្រមូលចំណូលពន្ធ ។ ឯកឧត្តមអគ្គនាយកពន្ធដារ បានបន្តថា ការរៀបចំនូវសៀវភៅណែនាំស្តីពីបែបបទ និងនីតិវិធីនៃការធ្វើសវនកម្មពន្ធដារ សម្រាប់មន្ត្រីពន្ធដារ…

ស្ទឹងត្រែង៖ ឯកឧត្តម សរ សុពុត្រា អភិបាលខេត្តស្ទឹងត្រែង​បានអំពាវនាវដល់មន្រ្តីរាជការ កងកម្លាំងប្រដាប់អាវុធ ប្រជាពលរដ្ឋសូម​ចាប់ដៃដាំដើមឈើ។ឯកឧត្តមបន្តថា ដាំដើមឈើផ្តើមចេញពីយើងទាំងអស់គ្នា។ដាំដើមឈើ​ឱ្យបានច្រើន ដើម្បីបង្ការ​ស្ថានភាព​គ្រោះថ្នាក់ផ្សេងៗ ពីការបម្រែបម្រួលអាកាសធាតុ និងផ្តល់នូវភាពបៃតង​។​យើងត្រូវនាំគ្នាចូលរួមទប់ស្កាត់ការកាប់​ទន្ទ្រាន​ព្រៃឈើ​គ្រប់រូបភាព ។ ឯកឧត្តមអភិបាលខេត្តស្ទឹងត្រែងថ្លែងដូចនេះកាលពីព្រឹកថ្ងៃទី២៣ ខែកក្កដា ក្នុងពិធីរុក្ខទិវា ៩កក្កដា ឆ្នាំ២០២៤ នៅ​អនុវិទ្យាល័យ​ព្រះបាទ នៅភូមិកាំងដីស សង្កាត់ព្រះបាទ ក្រុងស្ទឹងត្រែងក្រោមវត្តមានចូលរួមពីឯកឧត្តម ឈាង ឡាក់ ប្រធានក្រុមប្រឹក្សាខេត្ត ។ឯកឧត្តម សរ សុពុត្រា បន្តថា យើងទាំងអស់គ្នា ត្រូវបន្តអនុវត្ត​គោលការណ៍”គូស្វាមីភរិយាថ្មី១គូ ដាំដើមឈើ១ដើម “និង​”ប្រជាពលរដ្ឋមួយរូបដាំដើមឈើ១ដើម “។ ក្នុងព្រឹត្តិការណ៍នេះដែរ មន្ទីរកសិកម្មដែលមានខណ្ឌរដ្ឋបាល​ព្រៃឈើស្ទឹងត្រែង ជាសេនាធិការ បានបណ្តុះកូនឈើចម្រុះ​ចំនួន១១ ០០០ដើម ក្នុងនោះមាន កូនគ្រញូងចំនួន៤០០០​ដើម កូនដើមក្ងោកចំនួន៣៥០០ដើម កូនឈើបេងចំនួន២ ៥០០ដើម កូនឈើ​ធ្នង់ចំនួន៣០០ដើម នាងនួន​៣៥០ដើម កូនព្រីងចំនួន ៣០០ដើម និងលឿងរាជចំនួន៥០ដើម សម្រាប់ដាំនិងចែកចាយ​ជូនប្រជាពលរដ្ឋ មន្ទីរ ស្ថាប័នផ្សេងៗ​ទៀតយកទៅដាំតាមទីសាធារណៈ សួនច្បារ វត្តអារាម និង សាលារៀន…

បន្ទាយមានជ័យ៖មន្ទីរធនធានទឹក និងឧតុនិយម បានកាយ​ប្រឡាយបង្ហូរទឹកចូលអាងស្តុកដើម្បីផលិតទឹកស្អាតជូន​ប្រជា​ពលរដ្ឋនៅ​ក្រុងប៉ោយប៉ែត ដែលជាក្រុងនៅជាប់ព្រំដែនកម្ពុជា-ថៃ។ លោក ឡាយ សុទ្ធី អនុប្រធានមន្ទីរធនធានទឹក តំណាងលោក យឹម ប៊ុនរ៉ុម ប្រធានមន្ទីរធនធានទឹក និងឧតុនិយម​ខេត្ត​បន្ទាយ​មានជ័យបានបញ្ជាក់ក្នុងកិច្ចប្រជុំនៅសាលាក្រុង​ប៉ោយប៉ែតនាថ្ងៃទី២៣ ខែកក្កដា ឆ្នាំ២០២៤ថា ទំនប់អូរខៃដន ស្ថិតក្នុង​គម្រោង​អភិវឌ្ឍន៍ប្រព័ន្ធស្រោចស្រព និងកាត់បន្ថយ​គ្រោះទឹកជំនន់ខេត្តបន្ទាយមានជ័យ ។អូរខៃដនជាប្រភពស្តុក​ទឹកដ៏សំខាន់សម្រាប់ផលិត​ទឹកស្អាតប្រើប្រាស់ក្នុងក្រុង​ប៉ោយប៉ែត​ទាំងមូល ប៉ុន្តែវាត្រូវការចាំបាច់យកទឹកពីបណ្ដា​ប្រភពទឹកផ្សេងៗទៀត ទើបធានាបានទឹក​ផលិតទឹកស្អាត​សម្រាប់ប្រើប្រាស់មាននិរន្តរភាព។លោករំពឹងថា ក្រោយ​គម្រោងអភិវឌ្ឍន៍​ប្រព័ន្ធធារាសាស្ត្រស្រោចស្រព និងកាត់​បន្ថយគ្រោះទឹកជំនន់នៅខេត្តបន្ទាយមានជ័យសាងសង់រួចរាល់នាពេលខាងមុខនឹងបំពេញឱ្យសេចក្តីត្រូវការទឹកស្អាតនេះបាន។ លោក ឃ្លោក នួយ អភិបាលរងខេត្តបន្ទាយមានជ័យបាន​លើកឡើងក្នុងកិច្ចប្រជុំនេះថា របាយទឹកភ្លៀងធ្លាក់មិន​គ្រប់​គ្រាន់។ទឹកមាន​ត្រឹមតែពី២០ទៅ៦០ភាគរយនៃចំណុះ​ទឹកអាងឬអូរដែលជាប្រភពទឹកធម្មជាតិ។ដូច្នេះដំណោះ​ស្រាយចំពោះមុខ ក្រុម​ការងារបច្ចេក​ទេសមន្ទីរធនធាន​ទឹកនិង​អាជ្ញាធរបានអន្តរាគមន៍កាយប្រឡាយនាំទឹកពីប្រភពប៉ែកខាងលើចូលទៅក្នុងអូរខៃដនដែលអាងស្ដុកទឹកទុកសម្រាប់ផលិតទឹកស្អាត។ ទាក់ទងនឹងសំណង់ប្រព័ន្ធធារាសាស្ត្រស្រោចស្រព និងកាត់​បន្ថយគ្រោះទឹកជំនន់ខេត្តបន្ទាយមានជ័យ​ដែលជាគម្រោង​របស់រាជ​រដ្ឋា​ភិបាល,លោកអភិបាលខេត្តបានលើកឡើងថា គម្រោងនេះមិនត្រឹមជួយកាត់បន្ថយគ្រោះទឹកជំនន់ប៉ុណ្ណោះទេ តែថែមទាំង ជា​បណ្ដាញ​ប្រភពដ៏មានសក្ដានុពលក្នុងការផ្ដល់​ទឹកសម្រាប់ប្រើប្រាស់ផងដែរ។ លោកស្នើដល់ក្រមហ៊ុនផលិត​ទឹកស្អាតក្រុងប៉ោយប៉ែត ក៏ដូចជាទូទាំងខេត្តចូលរួមអនុវត្ត​គម្រោង​ដូចបានលើកមកក្នុងកិច្ចប្រជុំ។ សូមជម្រាបថា ក្រុងប៉ោយប៉ែតមានប្រជាជន​ចំនួន៣០ម៉ឺននាក់​ដោយប្រើប្រាស់ទឹកស្អាតរបស់ក្រុមហ៊ុន​កុកអាន​តែមួយ​ប៉ុណ្ណោះ។​ក្រុមហ៊ុននេះពឹងផ្អែកលើប្រភពទឹកអូរខៃដន​តែមួយ។ ជាបន្តបន្ទាប់អាជ្ញាធរខេត្ត និងមន្ទីរជំនាញបានណែនាំ​ដល់ក្រុមហ៊ុនផលិតទឹកស្អាត ត្រូវស្វែងរកប្រភពទឹក​ផ្សេងទៀតដូចជា​ ជីក​ស្រះឬ ជីកអណ្ដូងជាដើម ត្រៀម​បង្ការកង្វះទឹកប្រើប្រាស់ ។គិតចាប់ពីដើមរដូវ​វស្សាមក​ដល់ថ្ងៃទី២៤ ខែកក្កដា​ ខេត្តបន្ទាយមានជ័យ ​មាន​ទឹក​ភ្លៀងធ្លាក់រាយប៉ាយច្រើន ឬតិចតាមតំបន់ ហើយ​ក៏​ពុំទាន់មានជំនន់ទឹកភ្លៀងនៅឡើយដែរ៕ ដោយ៖ គៀន ច័ន្ទហ៊ីន

កំពង់ធំ៖ឯកឧត្តម ឃឹង នុភាព អ្នកតំណាងរាស្ត្រមណ្ឌលខេត្ត​​កំពង់ធំនិងជាអនុប្រធានក្រុមការងារចុះមូលដ្ឋានខេត្ត​កាលពី​ថ្ងៃទី២១ ខែកក្កដា បាននាំទៀនព្រះវស្សានិងទេយ្យយកទៅ​ប្រគេនដល់ព្រះសង្ឃនៅវត្តចំនួនបួន នៅក្នុងឃុំស្រើង ស្រុក​ប្រាសាទសំបូរ ខេត្ត កំពង់ធំដែលនឹងគង់ចាំព្រះវស្សាអស់​កាលមួយត្រីមាស។ វត្តទាំងបួន មាន វត្តជាំបឹង វត្តទំនប់   វត្តសុខាវណ្ណារាមហៅ​វត្តភូមិថ្មីនិងវត្តធ្នួសតាព្រហ្ម វត្តទទួលបានទៀនព្រះវស្សា  អង្ករ  ត្រីខកំប៉ុង ទឹកត្រី ទឹកស៊ីអ៊ីវ ប្រេងឆា ភេសជ្ជៈ ទឹកសុទ្ធ និងបច្ច័យកសាងមួយចំនួន៕ដោយ៖​ប៊ុន​រដ្ឋា

កំពង់ធំ៖នៅខេត្តកំពង់ធំអង្គការសកម្មភាពដើម្បីអភិវឌ្ឍន៍​(AFD )​បានបើកវគ្គបណ្តុះបណ្តាល កែច្នៃសិប្បកម្មរពាក់ ផលអនុផល​ព្រៃឈើ ការផលិតម្សៅរំដេង និងការបង្កើត​ផែនការគម្រូអាជីវកម្ម ដល់តំណាងកសិករក្នុងតំបន់គោលដៅ​ជាជនជាតិដើមភាគតិច សហគមន៍ព្រៃឈើ ក្រុមស្រ្ដីកែច្នៃ​ សហគមន៍នេសាទនិងសហគមន៍​កសិកម្ម ដើម្បីបង្កើនប្រាក់​ចំណូល នៅក្នុងភូមិខ្វាន់ទៀង ឃុំ​សាលាវិស័យ ស្រុកប្រាសាទ​បល្ល័ង្ក ខេត្តកំពង់ធំ កាលពីព្រឹកថ្ងៃទី២២ ខែកក្កដា​ឆ្នាំ២០២៤។ សកម្មភាពនេះដោយមានការគាំទ្រថវិកាពី​SDC/Ireland នៃគម្រោង “ការប្រើប្រាស់ដី និងការការពារធនធានធម្មជាតិ​ជនជាតិ​ដើមភាគតិច”។ លោក នាង ថៃ មន្ត្រីបច្ចេកទេសទីផ្សារបានបញ្ជាក់ថា គោលបំណងនៃវគ្គបណ្ដុះបណ្ដាលគឺ ផ្ដល់ការយល់ដឹងស្ដីពី​ផែនកា​រគម្រូ​អាជីវកម្ម(CANVAS)ដល់អ្នកចូលរួម។លោកបន្តថា ច្រវាត់តម្លៃលើគម្រូអាជីវកម្ម គឺជាវិធីសាស្ត្រ​មួយដែលអាចពិនិត្យ មើលពីប្រព័ន្ធ​ដំណើរការតាមទស្សនៈ​វិស័យជាសាកល។ ការពង្រីកមើលទៅលើផ្នែកត​ភ្ជាប់ណា​មួយនៃខ្សែច្រវ៉ាក់ បង្ហាញ ពីគម្រូអាជីវកម្មផ្សេងៗ​គ្នារបស់​អ្នកចូលរួម។ គម្រូផែនការអាជីវកម្ម អនុញ្ញាតិឱ្យយើងអាច​ពិនិត្យបានកាន់តែកៀកទៅលើ កំណត់ជាក់លាក់ណាមួយនៅ​ក្នុងខ្សែច្រវាក តាមរយៈការសង្កេតពីគ្រប់ជ្រុងទាំងអស់។ វគ្គបណ្ដុះបណ្ដាលមានរយៈពេលបីថ្ងៃ ចាប់ពីថ្ងៃទី២២-២៤ ខែកក្កដាដោយមានអ្នកចូលរួមចំនួន១៥នាក់ ,​បុគ្គលិកអង្គការ​សកម្មភាព​ដើម្បីអភិវឌ្ឍន៍(AFD )មានចំនួនប្រាំនាក់( ស្រី៤នាក់) ​និងគ្រូឧទ្ទេសមួយនាក់៕ដោយ៖​ប៊ុន​រដ្ឋា

ភ្នំពេញ ៖ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តី​ក្រសួងរៀបចំដែនដី នគរូបនីយកម្ម និងសំណង់ បានថ្លែងថា ក្នុងនាម ក្រសួងសូមស្វាគមន៍វិស័យឯកជនក្នុងការចូល​រួមរាល់គំនិត ដើម្បីកសាង និងអភិវឌ្ឍកម្ពុជាឱ្យឆ្ពោះទៅមុខ​ស្រប​តាមចក្ខុវិស័យ របស់រាជរដ្ឋាភិបាលនីតិកាលទី៧ ។ ឯកឧត្តមឧបនាយករដ្ឋមន្ត្រី បានលើកឡើងដូច្នេះក្នុងឱកាស​អញ្ជើញជាអធិបតីក្នុងកិច្ចប្រជុំក្រុមការងារផ្នែកសំណង់ និងអចលន​ទ្រព្យ ( ក្រុម “ឌ”) ជាមួយផ្នែកឯកជនកាលពីព្រឹក​ថ្ងៃទី២២ កក្កដា ឆ្នាំ២០២៤ នៅទីស្ដីការក្រសួង ។ ឯកឧត្តមឧបនាយករដ្ឋមន្ត្រី សាយ សំអាល់ បានបន្តថា ក្រៅពីច្បាប់ផ្សេងៗ ច្បាប់សំណង់ និងលិខិតបទដ្ឋាន​គតិយុត្តពាក់ព័ន្ធ ក៏​ត្រូវរៀបចំបន្ថែម ដើម្បីធ្វើឱ្យការបំពេញ​ការងារទាំងវិស័យសាធារណៈ និងវិស័យឯកជន មានភាព​ងាយស្រួល ក្នុងគោលដៅ​ធ្វើយ៉ាង​ណាធានាបាននូវកំណើន​សេដ្ឋកិច្ចរបស់កម្ពុជា ពោលគឺការធានាបាននូវនិរន្តរភាព​ចំណូល ប្រជាពលរដ្ឋមានការងារធ្វើ និងការរស់​នៅប្រកប​ដោយ​សុភមង្គល និងសេចក្តីថ្លៃថ្នូរ ស្របតាមចក្ខុវិស័យរបស់​រាជរដ្ឋាភិបាលកម្ពុជា នីតិកាលទី៧ ។ ឯកឧត្តមឧបនាយករដ្ឋមន្រ្តីបានបញ្ជាក់អំពីគោលបំណងរបស់ក្រសួងរៀបចំដែនដី នគរូបនីយកម្ម និងសំណង់ ក្នុងការធានា​បាន​នូវភាពងាយស្រួលសម្រាប់ជីវិត និងការរស់នៅប្រចាំថ្ងៃ​របស់ប្រជាពលរដ្ឋកម្ពុជា តាមរយៈការផ្ដល់សេវាផ្សេងៗ​តាមប្រព័ន្ធអនឡាញ ដោយមិនចាំបាច់ចំណាយពេលវេលា​ច្រើនឡើយ ។ ដោយឡែកក្រៅពីការងារចុះបញ្ជីដីបង្ហើយ និងបញ្ចប់វិវាទដីធ្លីទូទាំងប្រទេស ក្រសួងក៏មានគោលដៅក្នុង​ការរៀបចំទីក្រុងឱ្យក្លាយជាទីកន្លែងដែលងាយស្រួលរស់នៅ…

កំពង់ឆ្នាំង៖ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី​ទទួលបន្ទុកបេសកកម្មពិសេស និងជាប្រធានក្រុមការងាររាជ​​រដ្ឋា​ភិបាល ចុះមូលដ្ឋានខេត្តកំពង់ឆ្នាំងកាលពីព្រឹកថ្ងៃទី២២ ខែកក្កដា បានអញ្ជើញជួបសំណេះសំណាលនិងជូន​អំណោយសម្ដេចធិបតី ហ៊ុន ម៉ាណែត និងលោកជំទាវបណ្ឌិត ជូនដល់អតីតយុទ្ធជនកម្ពុជាខេត្តកំពង់ឆ្នាំង ចំនួន ៦០គ្រួសារ​នៅទីបញ្ជាការ​តំបន់​ប្រតិ​បត្តិការ​សឹករងកំពង់ឆ្នាំង។ក្នុង​ឱកាសនោះក៏មានការដាំកូនឈើប្រណិតមួយចំនួននៅក្នុងទីធ្លាទីបញ្ជាការដ្ឋានផងដែរ។ ក្នុងឱកាសនេះឯកឧត្តមបណ្ឌិតសភាចារ្យ  អ៊ុក រ៉ាប៊ុន ក៏បាន​កោតសរសើរចំពោះ​កិច្ចខិតខំប្រឹងប្រែងរបស់កងកម្លាំង​តំបន់​ប្រតិបត្តិ​ការសឹក​រងកំពង់ឆ្នាំង ដែលមានមេបញ្ជាការឧត្តម​សេនីយ៍ត្រី អ៊ុំ សុភា តែងតែយកចិត្តទុកដាក់នាំយកនូវ​អំណោយ​របស់សម្ដេចធិបតី ហ៊ុន ម៉ាណែត និងលោកជំទាវ ពេជ ច័ន្ទមុន្នី  មកចែកជូនអតីតយុទ្ធជនពលី ពិការ និងគ្រួសាររងគ្រោះជួបការ​លំបាកបាន​ទាន់​ពេលវេលា។ យោងតាមរបាយការណ៍របស់ឧត្តមសេនីយ៍ត្រី អ៊ុំ សុភា បានឱ្យដឹងថា អតីតយុទ្ធជនក្នុងខេត្តកំពង់ឆ្នាំងមានចំនួន៣ ៨៨៥នាក់។ ចាប់តាំងពីខែមិថុនាឆ្នាំ២០២៣ ដល់ខែមិថុនា​ឆ្នាំ២០២៤ សមាគម​បានជូនអំណោយរបស់សម្ដេចធិបតី ហ៊ុន ម៉ាណែតនិងលោកជំទាវ ពេជ ច័ន្ទមុន្នី ជូនដល់អតីត​យុទ្ធ​ជនពិការ ជួបការលំបាក ពលី មរណៈ គ្រួសារកងទ័ព ប្រជាពលរដ្ឋ ជួបការលំបាកមានជំងឺ ជួបគ្រោះមហន្តរាយ​នានាចំនួន៣៨ លើកស្មើនឹង ៣៥១គ្រួសារ ។ងំណោយរួមមាន អង្ករ…

(ភ្នំពេញ)៖ ប្រជាពលរដ្ឋទាំងអស់ សូមកុំមានការរើសអើងចំពោះជនរងគ្រោះដោយសារធាតុញៀន នៅពេលគាត់បានធ្វើសមាហរណកម្មទៅសង្គមជាតិវិញ ត្រូវជួយផ្តល់កម្លាំងចិត្ត និងលើកទឹកចិត្តគាត់ឲ្យផ្តាច់ពីសារធាតុញៀននេះ ។ នេះជាប្រសាសន៍លើកឡើងរបស់ ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ក្នុងឱកាសចុះសួរសុខទុក្ខ និងសំណេះសំណាលជាមួយបងប្អូន ដែលកំពុងស្នាក់នៅទទួលការព្យាបាល និងស្តារនីតិសម្បទា ក្នុងមជ្ឈមណ្ឌលឱកាសខ្ញុំ ចំនួន ៧៨៩នាក់ ស្រី ៧៨នាក់ នាព្រឹកថ្ងៃទី២២ ខែកក្កដា ឆ្នាំ២០២៤ ។ ឯកឧត្តមទេសរដ្ឋមន្ត្រី កែវ រ៉េមី បន្តថា បញ្ហាដែលកើតមានក្នុងសង្គមជាតិ និងក្រុមគ្រួសារ ដោយឪពុកម្តាយចិញ្ចឹមបីបាច់ថែរក្សាកូនរំពឹងឲ្យកូនក្លាយជាកូនល្អ សិស្សល្អ ពលរដ្ឋល្អរបស់សង្គមជាតិ ប៉ុន្តែបើក្មួយៗដើរខុសផ្លូវនាំឲ្យមានមហន្តរាយដល់សង្គមជាតិ គ្រួសារ និងខ្លួនឯងផងដែរ ព្រោះគ្រឿងញៀននេះបានបំផ្លាញសុខភាពធ្ងន់ធ្ងរ ធ្វើឲ្យសុខភាពរាងកាយ និងសុខភាពផ្លូវចិត្តបាត់បង់ទាំងស្រុងដែលបណ្តាលឱ្យបុគ្គលនោះក្លាយជាជនមានវិបល្លាសស្មារតី ដែលឈានទៅដល់ការប្រើ អំពើហិង្សាក្នុងគ្រួសារ បំផ្លិចបំផ្លាញទ្រព្យសម្បត្តិ បង្កគ្រោះថ្នាក់ចរាចរណ៍ អុកឡុកដល់សន្តិសុខ សណ្តាប់ធ្នាប់របៀបរៀបរយសារធារណៈ បាត់បង់នូវអនាគត និងឱកាសការងារ បង្កការភ័យខ្លាចដល់ក្រុមគ្រួសារ ប្រជាជនក្នុងមូលដ្ឋានធ្វើឱ្យបាត់បង់នូវធនធានមនុស្សក្នុងសង្គម និងក្លាយជាបន្ទុករបស់រដ្ឋាភិបាលទៀតផង។ ឯកឧត្តមទេសរដ្ឋមន្ត្រីបានសម្រេចផ្តល់នូវគ្រូបង្វឹកកីឡាតៃក្វាន់ដូ-ITF ដើម្បីជួយបង្ហាត់បង្រៀនក្បាច់ហាត់ប្រាណដល់បងប្អូននៅក្នុងមជ្ឈមណ្ឌល ដើម្បីឲ្យមានសុខភាពល្អ និងកាយសម្បទារឹងមាំ…

កំពត៖ឧត្តមសេនីយ៍ឯក ហ៊ុន ម៉ានិត អគ្គនាយកនៃអគ្គនាយក​ដ្ឋានស្រាវជ្រាវចារកម្ម ក្រសួងការពារជាតិ និងជាមេបញ្ជាការ​រងកង​ទ័ព​ជើងគោក នៅថ្ងៃទី២២ ខែកក្កដា ឆ្នាំ២០២៤​បានអញ្ជើញចូលរួម​អគារសិក្សាមួយខ្នងកម្ពស់ពីរ​ជាន់ស្មើ​នឹង១០បន្ទប់និង​សមិទ្ធ​ផល​នានា​​ដែល​ជាអំណោយដ៏ថ្លៃថ្លា​របស់​​សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានិង​លោកជំទាវបណ្ឌិត ជូនសាលា​បឋម​សិក្សា ហ៊ុន សែន វត្តត្រើយកោះ ក្រុងកំពត ។ ឧត្តមសេនីយ៍ឯក ហ៊ុន ម៉ានិត មានប្រសាសន៍ក្នុងឱកាស​នេះ​ថា កម្ពុជាក្រោមការដឹកនាំរបស់រាជរដ្ឋាភិបាល​ដែលប្រសូត្រ​ចេញពី​គណបក្សប្រជាជនកម្ពុជា តាំងពី​ជំនាន់សម្តេចតេជោ ហ៊ុន សែន បន្តមកដល់សម្តេចធិបតី ហ៊ុន ម៉ាណែត តែង​តែចាត់​ទុក​ប្រជា​ពលរដ្ឋជាកែវភ្នែក ជាបេះដូង ជាម្ចាស់​ប្រទេស ។ប្រមុខរាជរដ្ឋាភិបាលតែងតែខំប្រឹងប្រែងលះ​បង់គ្រប់បែបយ៉ាង ដើម្បីបុព្វហេតុ​នៃការអភិវឌ្ឍប្រទេស និងជួយសង្គ្រោះប្រជា​ជន  ខណៈដែលក្រុមអ្នកជ្រុលនិយម តែងតែប្រឆាំងរារាំង មិនចង់ឱ្យប្រជាពលរដ្ឋ និងប្រទេសកម្ពុជា​មានភាពរីកចច្រើន។ ឯកឧត្តមបន្តថា ក្នុងនាមពលរដ្ឋជាម្ចាស់ប្រទេស សិស្សា​នុសិស្ស យុវជនខ្មែរជំនាន់ក្រោយ ត្រូវមានស្មារតីសាមគ្គីគ្នា ចេះជួយគ្នា លើកទឹកចិត្តគ្នា គ្រាលំបាក ឬពេលមានអាសន្ន ហើយបោះបង់នូវវប្បធម៌ជាន់ពន្លិកគ្នាឯង។ ឯកឧត្តម ហ៊ុន ម៉ានិត ក៏បានអំពាវនាវដល់ប្រជាពលរដ្ឋ សិស្សានុសិស្ស យុវជនចូលរួម និងជួយធ្វើជាកញ្ចក់…