(ខេត្តស្ទឹងត្រែង)៖ ឯកឧត្តម សរ សុពុត្រា អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្ទឹងត្រែង បានអញ្ជើញផ្តល់កិត្តិយសលើកទឹកចិត្ត ដល់កម្លាំងកងរាជអាវុធហត្ថ ក្នុងការពិនិត្យពីការបង្ហាញមុខជនសង្ស័យ ៧នាក់ ក្នុងអំពើចោរកម្ម បង្កភាពអសន្តិសុខ និងដើរលួចទ្រព្យសម្បត្តិប្រជាពលរដ្ឋយ៉ាងសកម្ម នារសៀលថ្ងៃទី១៩ កក្កដា ២០២៤ ក្រោយការបង្ក្រាបរបស់ កម្លាំងកងរាជអាវុធហត្ថខេត្ត រយៈពេល២ ថ្ងៃ (១៧-១៨កក្កដា២០២៤) កន្លងមក នៅក្នុងមូលដ្ឋានក្រុងស្ទឹងត្រែង ។ ក្នុងចំណោមជនសង្ស័យ ៧នាក់ ក្នុងនោះស្រី ១នាក់ ត្រូវបានឃាត់ខ្លួន និងដកហូតវត្ថុតាងបទល្មើសជាច្រើនប្រភេទ ក្រោយការស្រាវជ្រាវ និងស៊ើបអង្កេតយ៉ាងយកចិត្តទុកដាក់បំផុត ពីកម្លាំងកងរាជអាវុធហត្ថខេត្ត ក្រោមការដឹកនាំរបស់ លោកឧត្តមសេនីយ៍ត្រី សេង សុភាព ដែលជាមេបញ្ជាការកងរាជអាវុធហត្ថខេត្តស្ទឹងត្រែង និងមានការចូលរួមគាំទ្រពីស្ថាប័នអយ្យ និងសាលាដំបូងខេត្តស្ទឹងត្រែង ផងដែរ ។ លោកឧត្តមសេនីយ៍ត្រី សេង សុភាព បានបញ្ជាក់ថា ជនសង្ស័យ ៧នាក់ ក្នុងនោះស្រី ១នាក់ ត្រូវបានឃាត់ខ្លួន ជាមួយនឹងការដកហូតវត្ថុតាងបទល្មើស រួមមាន ៖ ម៉ូតូ…

(ស្វាយរៀង)៖ ឯកឧត្តមបណ្ឌិត សម តារា អ្នកតំណាងរាស្ត្រមណ្ឌលស្វាយរៀងនិងលោកជំទាវ ព្រមទាំងក្រុមគ្រួសារ ,ឯកឧត្តមប៊ុន សាវ៉ាន់ សមាជិកក្រុមប្រឹក្សាខេត្ត,លោកសុច ពិសីអភិបាលស្រុកកំពង់រោទិ៍ អាជ្ញាធរដែនដី ប្រជាពុទ្ធបរិស័ទនៅព្រឹកថ្ងៃទី២០ខែកក្កដាឆ្នាំ២០២៤នេះ បានអញ្ជើញប្រគេនទៀនព្រះវស្សាដល់ព្រះសង្ឃ ដែលគង់ចាំព្រះវស្សាអស់ត្រីមាសនៅ ចំនួន ៤វត្ត នៅស្រុកកំពង់រោទិ៍រួមមានវត្តឬស្សីសាញ់ វត្តមហាវ័នស្ថិតនៅក្នុងឃុំព្រៃធំ វត្តទួលអំពិល វត្តពោធិមង្គលនៅឃុំសំយ៉ោង។ ទេយ្យទានដែល ឯកឧត្តមបណ្ឌិតសម តារានិងលោកជំទាវបានវេរ និងប្រគេនដល់ព្រះសង្ឃចំនួន ៤វត្ត នៅក្នុងថ្ងៃនេះរួមមាន ៖ ទៀនព្រះវស្សាធំ ១គូ, ទៀនតូច ១គូ និងគ្រឿងឧបភោគបរិភោគ ព្រមទាំងបច្ច័យក្នុងមួយវត្តចំនួន ៤០មុឺនរៀល និងចែកជូនពុទ្ធបរិស័ទដែលបានចូលរួមនូវថវិកាមួយចំនួនដែលសរុបថវិកានៅក្នុងកម្មវិធីចំនួន ២៥៥០ដុល្លារ ៕ នុត នាង

(ព្រះវិហារ)៖ ប្រជាពលរដ្ឋ និងសិស្សានុសិស្ស ព្រមទាំងយានយន្តជំនេះ ត្រូវបានជួយចម្លងឆ្លងទឹកទំនប់បង្ហៀអូស្វាយ ស្ថិតក្នុងភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ខេត្តព្រះវិហារ ដោយក្រុមសង្គ្រោះគ្រោះមហន្តរាយអង្គភាពកងពលតូចអន្តរាគមន៍លេខ៧ ។ បើតាមរបាយការណ៍ លោកវរសេនីយ៍ត្រី ជី រិទ្ធី មេបញ្ជាការរង ប្រចាំបញ្ជាវរសេនាតូចលេខ៣៧១ បានបញ្ជាក់ថា៖ នៅក្នុងបេសកកម្មនេះ លោកបានដឹកនាំកងកម្លាំងចំនួន ២៨នាក់ ដោយបំពាក់អាវពោង និងសម្ភារៈសង្គ្រោះ ដើម្បីចុះអន្តរាគមន៍ជួយចម្លងប្រជាពលរដ្ឋ និងសិស្សានុសិស្សប្រមាណជាង ៣៥០នាក់ ម៉ូតូជាង ១៥០គ្រឿង កាលពីថ្ងៃទី១៩ ខែកក្កដា ឆ្នាំ២០២៤ម្សិលមិញ។ លោកថាចំពោះបេសកកម្មនេះ នឹងនៅតែបន្តជួយចម្លងរហូតដល់ទឹកស្រកជាធម្មតាវិញផងដែរ ។ លោកសូមអំពាវនាវដល់បងប្អូនប្រជារដ្ឋទាំងអស់ត្រូវមានការប្រុងប្រយ័ត្ន ឲ្យបានខ្ពស់ ពីរគ្រោះទឹកជំនន់ ជៀសវាងការបង្ករគ្រោះថ្នាក់ដល់អាយុជីវិត និងទ្រព្យសម្បត្តិផ្សេងៗឡើងជាយថាហេតុ ៕ សួន លីណា

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច នាថ្ងៃទី១៩ ខែកក្កដា ឆ្នាំ ២០២៤បានអនុញ្ញាតឱ្យលោក សឿង ម៉ូរ៉ារិទ្ធ នាយកប្រតិបត្តិធនាគារពាណិជ្ជ ឈីហ្វ (ខេមបូឌា) ម.ក (Chief Cambodia Commercial Bank Plc.) និងសហការី ចូលជួបសម្តែងការគួរសម និងពិភាក្សាការងារ នៅទីស្តីការក្រសួងអធិការកិច្ច។ ឯកឧត្តមរដ្ឋមន្ត្រី បានថ្លែងអំណរគុណចំពោះការវិនិយោគ ក្នុងវិស័យធនាគារដែលបានចូលរួមចំណែកក្នុងការជួយអភិវឌ្ឍវិស័យហិរញ្ញវត្ថុ ក៏ដូចជាផ្តល់ការងារជូនប្រជាពលរដ្ឋនៅកម្ពុជា។ លោក សឿង ម៉ូរ៉ារិ ឱ្យដឹងថា ធនាគារពាណិជ្ជ ឈីហ្វ (ខេមបូឌា) ម.ក បានបង្កើតឡើងនៅថ្ងៃទី៥ ខែធ្នូ ឆ្នាំ២០១៣ ជាធនាគារឯកទេស ត្រូវបានកាន់កាប់ទាំងស្រុងដោយក្រុមហ៊ុន Chief Financial Group (Cambodia) Limited (ចុះបញ្ជីនៅ British Virgin Island) និងជាបុត្រសម្ព័ន្ធនៃក្រុមហ៊ុន Chief Group ដែលបង្កើតឡើងតាំងពីឆ្នាំ១៩៧៩ នៅទីក្រុងហុងកុង។…

បន្ទាយមានជ័យ៖ឯកឧត្តម កែ គឹមយ៉ាន ឧត្តមប្រឹក្សាផ្ទាល់ ព្រះមហាក្សត្រ និងលោកជំទាវអគ្គមហាឧបាសិកា ម៉ៅ ម៉ាល័យ កែ គឹមយ៉ាន​បានប្រគេនទៀនព្រះវស្សានិងទេយ្យ​ដល់វត្តចំនួន១១វត្ត នៅខេត្តបន្ទាយមានជ័យកាលពីព្រឹក ថ្ងៃទី១៩ ខែកក្កដាឆ្នាំ២០២៤ ឱកាសបុណ្យចូលព្រះវស្សា ។ ជាមួយនឹងទៀនព្រះវស្សានិងទេយ្យវត្ថុ ឯកឧត្តម កែ គឹមយ៉ាន និងលោកជំទាវក៏បានប្រគេននូវគ្រឿងបរិភោគមាន មីកញ្ចប់ ត្រីខកំប៉ុង ទឹកសុទ្ធ ទឹកភេសជ្ជៈនិងបច្ច័យមួយចំនួន៕ដោយ៖ គៀន ច័ន្ទហ៊ីន

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានផ្ញើសារលិខិតជូនចំពោះ ឯកឧត្តម ផាម មិញជិញ (Pham Minh Chinh នាយករដ្ឋមន្ត្រី នៃសាធារណរដ្ឋសង្គមនិយមវៀតណាម ដោយចូលរួមរំលែកទុក្ខចំពោះមរណភាពរបស់ ឯកឧត្តម ង្វៀន ហ៊្វូចុង (Nguyen Phu Trong) អគ្គលេខាធិការ គណៈកម្មាធិការមជ្ឈិមបក្សកុម្មុយនីស្ដវៀតណាម ។ តាមការចេញផ្សាយដោយ ទីភ្នាក់ងារព័ត៌មាន Reuters បានឱ្យដឹងថា គណបក្សកុម្មុយនិស្តនៃប្រទេសវៀតណាម បានប្រកាសថា អគ្គលេខាធិការបក្សលោក Nguyen Phu Trong បានទទួលមរណភាពហើយ នៅអាយុ៨០ឆ្នាំ ដោយសាររោគាពាធ ។ ដំណឹងមរណភាពខាងលើធ្វើឡើង បន្ទាប់ពីបក្សកុម្មុយនិស្តវៀតណាម បាននិយាយកាលពីថ្ងៃព្រហស្បតិ៍សប្តាហ៍នេះថា លោក To Lam ដែលជាប្រធានាធិបតីវៀតណាម ត្រូវបានផ្តល់តួនាទីឱ្យឡើងជាមេដឹកនាំស្តីទី ដើម្បីទទួលបន្ទុកដឹកនាំកិច្ចការងាររដ្ឋទាំងឡាយ ជាបណ្តោះអាសន្ន ស្របពេលដែលលោក Trong សម្រាកពីការងារមួយរយៈ ដើម្បីផ្តោតលើការពិនិត្យតាមដាន និងព្យាបាលជំងឺ។ នៅក្នុងប្រទេសវៀតណាម…

បាត់ដំបងៈនាយឧត្តមសេនីយ៍ ស ថេត អគ្គស្នងការនគរបាលជាតិបានថ្លែងថា បញ្ហាសន្តិសុខជាតិ គឺជាខ្នងបង្អែកដ៏រឹងមាំសម្រាប់វិស័យផ្សេងៗទៀតដើម្បីចូលរួម ក្នុងការអភិវឌ្ឍប្រទេសជាតិឱ្យកាន់តែមានការរីកចម្រើន។ នាយឧត្តមសេនីយ៍ ស ថេត ថ្លែងបែបនេះនៅថ្ងៃទី១៩ ខែកក្កដា ឆ្នាំ ២០២៤នេះ ក្នុងពិធីប្រកាសឧត្តមសេនីយ៍ទោ ដាញ់ អេងប៊ុនចាន់ ចូលកាន់តំណែងជាស្នងការនគរបាលខេត្តបាត់ដំបង ជំនួសឧត្តមសេនីយ៍ទោ សាត គឹមសាន ដែលចូលនិវត្តន៍។ នាយឧត្តមសេនីយ៍ ស ថេត ក៏បានណែនាំដល់ស្នងការថ្មីត្រូវខិតខំពង្រឹងនូវសមត្ថភាពនគរបាល,ពង្រឹងផែនការងារសន្ដិសុខ,ត្រូវយកចិត្តទុកដាក់ ទៅលើការងារប្រយុទ្ធប្រឆាំងបទល្មើសបច្ចេកវិទ្យា ដែលជាបទល្មើស មិនប្រពៃណីនិងល្បែងស៊ីសងគ្រប់ប្រភេទ,បញ្ហាវិវាទដីធ្លី,ការតវ៉ារបស់ប្រជាពលរដ្ឋ,ត្រូវប្រយុទ្ធប្រឆាំងគ្រឿងញៀនខុសច្បាប់ឳ្យសកម្ម និងត្រូវជំរុញការអនុវត្ត គោលនយោបាយភូមិ ឃុំ-សង្កាត់មានសុវត្ថិភាពឱ្យកាន់តែមានប្រសិទ្ធភាពខ្ពស់។យកចិត្តទុកដាក់ក្នុងការដោះស្រាយនូវរាល់កង្វល់របស់ប្រជាពលរដ្ឋ ។ ឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបងដែលទើបតែប្រកាសចូលកាន់តំណែងថ្មីបានប្ដេជ្ញាសហការជាមួយអង្គភាពនានាជាជាពិសេសកងកម្លាំងប្រដាប់អាវុធគ្រប់ប្រភេទ អាជ្ញាធរគ្រប់លំដាប់ថ្នាក់ នៅក្នុងខេត្តបាត់ដំបង ។ធ្វើជាសេនាធិការ ជូនគណៈបញ្ជាការឯកភាពរដ្ឋបាលខេត្ត។លើកកម្ពស់ប្រសិទ្ធភាពការងារ រក្សាសន្តិសុខសង្គម ជូនប្រជាពលរដ្ឋ។ ឯកឧត្តម សុខ លូ អភិបាលខេត្តបាត់ដំបង បានផ្ដាំផ្ញើដល់ស្នងការថ្មីត្រូវរក្សាសាមគ្គីភាពផ្ទៃក្នុង និងត្រូវពង្រឹងការកសាងអង្គភាព និងអភិវឌ្ឍន៍សមត្ថភាពរបស់មន្រ្តី។ចូលរួមថែរក្សាសន្ដិសុខសណ្ដាប់ធ្នាប់ និងសុវត្ថិភាពសង្គម ៕( អត្ថបទ-រូបភាព៖ អ៊ុក សំអាន…

ក្រុមធ្វើនយោបាយនៅក្រៅប្រទេស បន្តការចិញ្ចឹមគំនិតទុច្ចរឹត ដើម្បីបំផ្លាញកម្ពុជា ដែលកំពុងមានសន្តិភាព។ មនុស្សជំនិតរបស់ សម រង្ស៊ី ឈ្មោះ ប៉ែន វ៉ាណូ នៅក្នុងប្រទេសបារាំង បានប្រកាសបង្កើត «ក្រុមសាធារណរដ្ឋខ្មែរទី២» ដែលការបង្កើតនោះ ត្រូវបានគេចាត់ទុកស្មើនឹងការបង្កើតរដ្ឋាភិបាលនិរទេសមួយ។ អប្សរាណិតមានបទអត្ថាធិប្បាយមួយក្រោមចំណងជើងថា «ខ្មែរត្រូវរួបរួមគ្នាជាធ្លុងមួយ ទប់ស្កាត់ចលនាប្រឆាំងជ្រុលនិយម នៅកម្ពុជា»

(ភ្នំពេញ)៖ សេដ្ឋកិច្ចកម្ពុជា បន្តកើនឡើងប្រមាណ ៦,៣% នៅឆមាសទី១ និងត្រូវបានព្យាករថាមានអត្រា ៦% សម្រាប់ឆ្នាំ២០២៤ ដែលខ្ពស់ជាងឆ្នាំមុន (៥%) ។ នេះជាការគូសបញ្ជាក់របស់លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ក្នុងសន្និបាតបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៤ នៅព្រឹកថ្ងៃទី១៩ ខែកក្កដា ឆ្នាំ២០២៤ នៅធនាគារជាតិនៃកម្ពុជា អគារសែនសុខ ដោយមានការចូលរួមពីមន្ត្រី-បុគ្គលិកធនាគារជាតិនៃកម្ពុជាប្រមាណ ៣៣០រូប ។ លោកជំទាវបណ្ឌិត ជា សិរី បានគូសបញ្ជាក់ថា នៅកម្ពុជា ការដាក់ចេញឱ្យអនុវត្តយុទ្ធសាស្ត្របញ្ចកោណដំណាក់កាលទី១ នៃរាជរដ្ឋាភិបាលអាណត្តិថ្មី កំពុងត្រូវបានអនុវត្តដោយពិលាស ដែលបានជ្រោងសេដ្ឋកិច្ចកម្ពុជា ឱ្យបន្តកើនឡើងប្រមាណ ៦,៣% នៅឆមាសទី១ និងត្រូវបានព្យាករថា មានអត្រា ៦% សម្រាប់ឆ្នាំ២០២៤ ដែលខ្ពស់ជាងឆ្នាំមុន (៥%)។ កំណើននេះ ត្រូវបានគាំទ្រជាចម្បងដោយកំណើនវិស័យកាត់ដេរ និងទេសចរណ៍។ ការនាំចេញផលិតផលកាត់ដេរកើន ១៧,២% ការនាំចេញផលិតផលកសិកម្មកើន ៤៧,៨% ខណៈចំនួនភ្ញៀវអន្តរជាតិបានកើនឡើង ២១,២%។ ដោយឡែក…