បាត់ដំបង៖ឯកឧត្តម ប៉ែន បូណា រដ្ឋមន្ត្រីប្រតិភូអមនាយក​រដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល​បានថ្លែង​ថា រាជ​រដ្ឋាភិបាលនីតិកាលទី៧ នៃរដ្ឋសភា ដឹកនាំ​ដោយសម្តេចធិបតី ហ៊ុន ម៉ាណែត ដែលបានដាក់ចេញនូវ​ចក្ខុវិស័យកម្ពុជា​ឆ្នាំ២០៥០និង​ប្រែក្លាយជាប្រទេសដែល​មានចំណូលខ្ពស់បន្តពីសម្តេចតេជោ ហ៊ុន សែន គឺដើម្បីធ្វើឱ្យ​សម្រេចនូវក្តីសុបិនដ៏ធំមួយរបស់ប្រជាពល​​រដ្ឋខ្មែរ។ ឯកឧត្តមបន្តថា បន្ទាប់ពីឆ្លងកាត់ភ្លើងសង្គ្រាម និងរបប​ប្រល័យពូជសាសន៍ដ៏គួរឱ្យរន្ធត់តក់ស្លុត និងមិនធ្លាប់​មានក្នុងប្រវត្តិសាស្ត្រ​ប្រជាពល​រដ្ឋខ្មែរគ្រប់រូប តែងតែ​ប្រាថ្នាចង់រស់នៅក្នុងសុខសន្តិភាព និងរស់នៅក្នុង​សង្គមជឿនលឿនមួយ ដូចបណ្តាប្រទេស​អភិវឌ្ឍ​លើសកល​លោកដែរ ហើយអ្នកដែលអាចធ្វើឱ្យក្តី​សុបិននេះបាន​សម្រេច​នោះ គឺមានតែរាជរដ្ឋាភិបាល ដឹកនាំដោយគណបក្សប្រជា​ជនកម្ពុជាតែមួយគត់។នេះគឺជាហេតុផលដែលប្រជាពលរដ្ឋ​ខ្មែរបានផ្តល់នូវសេចក្តីទុកចិត្តដល់គណបក្សប្រជាជន​កម្ពុជា​ដើម្បី​បន្ត​ដឹកនាំរាជរដ្ឋាភិបាលរហូតមក និងដើម្បីធ្វើឱ្យសម្រេច​នូវគោលដៅនេះ។ ឯកឧត្តមបន្តថា ការដ្ឋានមួយក្នុងចំណោមការដ្ឋានដ៏សំខាន់​បំផុតដែលមិនអាចមើលរំលងបានគឺការប្រយុទ្ធប្រឆាំងជាមួយ​ព័ត៌មាន​ក្លែងក្លាយ និងប្រសិទ្ធភាព នៃការផ្តល់ព័ត៌មានពិតជូន​ប្រជាពលរដ្ឋ។ ក្នុងឱកាសនេះដែរ ឯកឧត្តម ប៉ែន បូណា ក៏បានថ្លែងនូវ​ការកោតសរសើរដល់ឯកឧត្តម សុខ លូ អភិបាលខេត្ត​បាត់ដំបងដែល​បាន​សហការជាមួយនិងអង្គភាពអ្នកនាំ​ពាក្យរាជរដ្ឋាភិបាលដើម្បីបង្កើតឱ្យមានវគ្គបណ្តុះបណ្តាល« ប្រសិទ្ធភាពនៃការងារព័ត៌មាន និងនាំពាក្យ »នេះឡើងដើម្បី​ពង្រឹងនូវប្រសិទ្ធភាពក្រុមការងារព័ត៌មាននិងអ្នកនាំពាក្យចំណុះក្រោមរដ្ឋបាលខេត្ត។ ឯកឧត្តម ប៉ែន បូណា បានថ្លែងដូច្នេះក្នុងពិធីបើកវគ្គ​បណ្តុះបណ្តាលស្តីពី « ប្រសិទ្ធភាពនៃ ការងារព័ត៌មាន និងនាំពាក្យ » នៅសាលា​ខេត្តបាត់ដំបងកាលពីថ្ងៃទី១៨ ខែកក្កដា ឆ្នាំ២០២៤៕

(កំពត)៖ អង្គភាពប្រឆាំងអំពើពុករលួយបានកោតសរសើរ និងវាយតម្លៃខ្ពស់ចំពោះការដោះស្រាយវិវាទក្រៅប្រព័ន្ធតុលាការរបស់ឯកឧត្តមម៉ៅធនិនអភិបាលខេត្តកំពត ដែលបានខិតខំដោះស្រាយដោយមិនមានការរារែក និងផ្អែកលើមូលដ្ឋានច្បាប់ យុត្តធម៌ សាក្សី និងភស្តុតាង។ នៅថ្ងៃទី១៨ ខែកក្កដា ឆ្នាំ២០២៤ អាជ្ញាធរខេត្តកំពតបានបើកវេទិការដោះស្រាយវិវាទក្រៅប្រព័ន្ធតុលាការជូនប្រជាពលរដ្ឋក្នុងខេត្ត ជាបន្ត ដោយមានការអញ្ជើញចូលរួមដោយផ្ទាល់ពីសំណាក់ លោកស្រី អ៊ូ ស៊ីថា ឧបការីអង្គភាពប្រឆាំងអំពើពុករលួយ តំណាងឯកឧត្តមកិត្តិនីតិកោសលបណ្ឌិត ឱម យិនទៀង ទេសរដ្ឋមន្ត្រី និងជាប្រធានអង្គភាពប្រឆាំងអំពើពុករលួយ ។ លោកស្រី អ៊ូ ស៊ីថា ឧបការីអង្គភាពប្រឆាំងអំពើពុករលួយក៍បានពាំនាំ ប្រសាសន៍ផ្តាំផ្ញើរពី ឯកឧត្តមកិត្តិនីតិកោសលបណ្ឌិត ឱម យិនទៀង ទេសរដ្ឋមន្ត្រី និងជាប្រធានអង្គភាពប្រឆាំងអំពើពុករលួយ ជូន ចំពោះឯកឧត្តម ម៉ៅ ធនិន អភិបាលខេត្តកំពត ដែលតែងតែដោះស្រាយរកភាពយុត្តិធម៌ជូនប្រជាពលរដ្ឋ មិនថាមានឬក្រ ឋានៈតូចឬធំ ហើយការដោះស្រាយលើសំណុំរឿងមួយចំនួនគឺមានភាពល្អប្រសើជាងប្រព័ន្ធតុលាការ។ ជាមួយគ្នានេះដែរ ឯក ឧត្តម ក៏បានវាយតម្លៃខ្ពស់នូវគុណសម្បត្តិរបស់ឯកឧត្តមអភិបាលខេត្ត កំពតគឺជាអភិបាលខេត្តដំបូងបង្អស់មានភាពក្លាហានប្រឈមក្នុងការដោះស្រាយទំនាស់ដីធ្លីដែលជាបញ្ហាស្មុគស្មាញ ហើយធ្វើការដោះស្រាយដោយមិនមានការរារែក និងគេចវេះ។ លោកស្រី អ៊ូ សុីថា ឧបការីអង្គភាពប្រឆាំងអំពើពុករលួយបានបញ្ជាក់ថា ការចូលរួមរបស់អង្គភាពប្រឆាំងអំពើពុករលួយក្នុងការដោះស្រាយវិវាទក្រៅប្រព័ន្ធតុលាការនាពេលនេះ…

កំពង់ធំ៖ឧត្តមសេនីយ៍ទោ សុក រីនណា មេបញ្ជាការរងនាយ​សេនាធិការតំណាងឧត្ដមសេនីយ៍ឯក ពៅ ហេង មេបញ្ជាការ​រង​កង​ទ័ពជើងគោក មេបញ្ជាការយោធភូមិភាគទី៤ និងឧត្ដម​សេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹក​រងកំពង់ធំ បានអញ្ជើញជាអធិបតីក្នុងពិធីបើកវគ្គហ្វឹកហ្វឺន បំប៉នយុទ្ធវិធី និងអប់រំចិត្តសាស្ត្រប្រចាំឆ្នាំ២០២៤។ វគ្គនេះបានប្រារព្ធកាលពីព្រឹកថ្ងៃទី១៧ ខែកក្កដា ឆ្នាំ២០២៤ ដែលមានរយៈពេល៩១ថ្ងៃ ដោយមានសិក្ខាកាមចូលរួម​៨០នាក់ និងគណៈគ្រប់គ្រងវគ្គ គ្រូយោធាចារ្យ ព្រមទាំងអ្នក​បម្រើការចំនួន១០នាក់ ។ ឧត្ដមសេនីយ៍ទោ សុក រីនណា កោតសរសើរនូវកិច្ចការ​ដែលសម្រេចបានជោគជ័យ របស់នាយទាហានទាំងអស់ និងបានផ្តាំផ្ញើ​ដល់យោធាចារ្យ និងសិក្ខាកាមយកចិត្តទុកដាក់​បង្រៀន រៀនសូត្រតាមកម្មវិធី និងខ្លឹមសារមេរៀន គោរពវិន័យ​សាលាក្នុង​ពេល​រៀនសូត្រ ព្រមទាំងមានការសាមគ្គីភាពល្អ រវាងគ្នានឹងគ្នា រវាងសិក្ខាកាម និងយោធាចារ្យ ប្រកបដោយ​ស្មារតីទទួលខុសត្រូវខ្ពស់ ។ ក្នុងឱកាសនេះឧត្ដមសេនីយ៍ឯកពៅ ហេង បានឧបត្ថម្ភជា​ថវិកានិងឧត្ដមសេនីយ៍ទោ សោម ស៊ុន បានឧបត្ថម្ភ ជាអង្ករ មី ត្រីខកំប៉ុង ទឹកត្រី ទឹកស៊ីអ៊ីវសម្រាប់ផ្គត់ផ្គង់ដល់រោង​បាយប្រចាំថ្ងៃសិក្ខាកាម ៕ ដោយ ប៊ុន រដ្ឋា

សៀមរាប៖ ព្រះមន្ត្រីសង្ឃខេត្ត ព្រះគ្រូចៅអធិការ ព្រះថេរា​នុត្ថេរៈ មកពីបណ្តាវត្តអារាមនានាក្នុងខេត្ត រួមជាមួយ​ពុទ្ធបរិស័ទ ទាំងជិតឆ្ងាយ បាននិមន្ត និងអញ្ជើញចូល​រួមដង្ហែព្រះបរមអដ្ឋិធាតុ (មួយចំណែកតូច) សម្ដេចព្រះ​អគ្គមហាសង្ឃរាជាធិបតី កិត្តិឧទ្ទេស បណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា គណៈមហានិកាយដើម្បីយកទៅតម្កល់ នៅ​ទី​ព្រះចុល្លា​មុនីចេតិយវត្តអារញ្ញសាគរ នៃភូមិអារញ្ញ សង្កាត់សៀមរាប ក្រុងសៀមរាប ខេត្តសៀមរាប ។ ពិធីដង្ហែដែលប្រព្រឹត្តទៅដោយថ្មើជើងនិងរថយន្ត ដែល​ប្រព្រឹត្ត​ធ្វើនៅដើមសប្ដាហ៍នេះ បានផ្តើមចាប់ពីវត្តពោធិ៍បន្ទាយ​ជ័យ ឆ្ពោះទៅវត្តអារញ្ញសាគរ។ ក្នុងនាមសិស្សគណ និងក្នុងនាមគណៈអភិបាលខេត្ត ក្រុមប្រឹក្សាខេត្តសៀមរាប ព្រះវិជ័យរង្សី បណ្ឌិត ឡាច លាង ព្រះធម្មធរ​គណខេត្ត ព្រះគ្រូវិភត្តិមុនីញាណ ហ៊ាក់ គឹមហ៊ត់ ព្រះគ្រូចៅធិការវត្តអារញ្ញសាគរ និង លោក ពិន ប្រាកដ អភិបាលរងខេត្ត រួមជាមួយព្រះថេរានុត្ថេរៈនិងប្រជាពុទ្ឋបរិស័ទ​បានបូជាផ្កាកម្រងអុជទៀនធូប សូមឧទ្ទិសថ្វាយព្រះរាជកុសលដល់ដួងព្រះវិញ្ញាណក្ខន្ធរបស់សម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស បានយាងទៅកាន់ឋានព្រះ​បរមសុខជានិច្ចនិរន្តរ៍កុំបីឃ្លៀង ឃ្លាតឡើយ។ ព្រះតេជគុណ ហ៊ាក់ គឹមហ៊ត់ មានថេរដីកាថា ការដង្ហែនាំ​យកព្រះបរមអដ្ឋិធាតុ មួយចំណែកតូចរបស់…

កំពង់ធំ៖ ឯកឧត្តម នួន ផារ័ត្ន អភិបាលខេត្តកំពង់ធំ បន្ទាប់ពី​ប្រកាសចូលកាន់តំណែងកាលពីពេលថ្មីៗកន្លងទៅនេះ និងជា​ប្រធានគណៈបញ្ជាការ ឯកភាពរដ្ឋបាលខេត្ត បានប្តេជ្ញាចិត្ត​យ៉ាងមុះមុត ក្នុងកិច្ចការពារទប់ស្កាត់ បង្ក្រាបបទល្មើសធនធាន​ធម្មជាតិ ក្នុងភូមិសាស្ត្រខេត្តកំពង់ធំ និងបានសម្រេចចិត្ត​យកថវិកាផ្ទាល់ខ្លួនទិញម៉ូតូ១៤គ្រឿង ប្រគល់ជូនដល់កង​កម្លាំងចម្រុះ សម្រាប់​បង្រ្កាបបទល្មើសធនធានធម្មជាតិ រួមទាំងប្រេងសាំង ១. ៤០០លីត្រ ព្រមទាំងភេសជ្ជៈ ស្បៀងអាហារ និងគ្រឿងឧបភោគ​បរិភោគមួយចំនួនទៀត ។ ការសម្រេចចិត្តរបស់ឯកឧត្តម អភិបាលខេត្តកំពង់ធំក្នុង​ឱកាសប្រជុំបូកសរុបលទ្ធផលការងារបង្រ្កាបបទល្មើសនាសប្ដាហ៍នេះ បន្ទាប់សំណូមពរឧត្តមសេនីយ៍​ទោ សោម ស៊ុន អនុប្រធានគណៈបញ្ជាការឯកភាពរដ្ឋបាលខេត្ត និងជាអនុ​ប្រធានអចិន្ត្រៃយ៍​គណៈកម្មការគ្រប់គ្រងការពារទប់ស្កាត់ និងបង្ក្រាបបទល្មើសធនធានធម្មជាតិ ក្នុងភូមិសាស្ត្រខេត្ត​កំពង់ធំ ក្នុងគោលបំណង​បម្រើក្នុងសកម្មភាពការពារទប់ស្កាត់ និងបង្រាបបទល្មើសឱ្យទទួលបានជោគជ័យ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិ​បត្តិការសឹករង បញ្ជាក់ពីលទ្ធផលសកម្មភាពការងារ​រយៈពេល៧៥ថ្ងៃ ក្នុងការបង្រ្កាបបទល្មើស គឺទទួល​បានលទ្ធផលជោគជ័យ ដោយបានគ្រប់គ្រងផ្ទៃដីមក​វិញ​ជាង១.៣០០ហិកតា ស្រាវជ្រាវមុខសញ្ញ ដើម្បីកសាង​សំណុំរឿងបញ្ជូនទៅកាន់តុលាការ និងថា ភាពជោគជ័យនេះ គឺដោយសារកងកម្លាំងប្រដាប់អាវុធទាំងបី មន្ត្រីស្ថាប័នពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ សហការគ្នាបានល្អ និងបន្តសកម្មភាពដូចភ្លៀងរលឹម។ ឯកឧត្តម នួន ផារ័ត្ន បានគាំទ្រការអនុវត្តនូវវិធានការ ការពារទប់ស្កាត់…

កំពង់ធំ៖ ឯកឧត្តម ចាន់ ស៊ីណាត រដ្ឋលេខាធិការក្រសួង ធនធានទឹកនិងឧតុនិយម និងជាប្រធានក្រុមការងារ​ចុះមូល​ដ្ឋានឃុំ​ចំណា​លើ ស្រុកស្ទោង ខេត្តកំពង់ធំ តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម និងជា​ប្រធាន​ក្រុមការងារ​ចុះមូល​ដ្ឋានស្រុកស្ទោង ខេត្តកំពង់ធំ ព្រមទាំងសហការី បានអញ្ជើញនាំយកទៀនវស្សា និង​ទេយ្យទាន ព្រមទាំងបរិក្ខា បច្ច័យ​មួយចំនួន​មកវេរប្រគេន​ព្រះសង្ឃចំនួនប្រាំមួយវត្ត ដែលគង់ចាំព្រះវស្សានៅក្នុង​ឃុំចំណាលើ ។ ទូលប្រគេននិងជម្រាបព្រះគ្រូចៅអធិការ ព្រះសង្ឃ អាចារ្យ គណៈកម្មការ លោកតា លោកយាយ ពុទ្ធបរិស័ទ ប្រជាពលរដ្ឋក្នុង​មូលដ្ឋាននៅក្នុងឱកាសនោះ ឯកឧត្តមបាន​ពាំនាំការផ្ដាំផ្ញើសួរសុខទុក្ខរបស់ឯកឧត្តមរដ្ឋមន្ត្រី ដែលតែងតែ  នឹករលឹក គិតគូរ​យកចិត្តទុកដាក់ដល់សុខទុក្ខ សុខុមាលភាព ប្រជាពលរដ្ឋនៅក្នុងស្រុក​ស្ទោងគ្រប់ពេលវេលា។ ជាពិសេស​ឯកឧត្តម​បានកសាង​នូវផ្លូវបេតុងប្រវែង១១គីឡូម៉ែត្រ នៅក្នុងឃុំចំណាលើ ដែលជាចំណងដៃដល់​ប្រជាពលរដ្ឋ​ក្នុងមូលដ្ឋានធ្វើដំណើរ ដឹកកសិផល និងសិស្សានុសិស្ស​ទៅសាលារៀនមានការងាយស្រួលប្រកបដោយសុវត្ថិភាព​។ វត្តទាំងប្រាំមួយដែលទទួលទៀនព្រះវស្សានិងទេយ្យទានមាន ១.វត្តសោភ័ណរង្សី(ហៅវត្តខ្មាក់,​២.វត្តប្រាសាទស្វាយជ្រុំ​បរម​សុខា​(ហៅវត្តប្រាសាទស្វាយជ្រុំ),៣.វត្តព្រះជ័យហង្សា​(ហៅវត្តល្ហុង),៤.វត្ត​ប្រាសាទបីសិរីសោភ័ណ​(ហៅវត្ត​ប្រាសាទបី)៥.វត្តមុនីសូរិយា(ហៅវត្តក្ដី​​ស្រង៉ែ)និង៦.វត្តអំពិលរលើង (ហៅវត្តអំពិលរលើង) ៕ដោយ៖ប៊ុន ​រដ្ឋា

កំពង់ធំ៖កាលពីព្រឹកថ្ងៃទី១៧ ខែកក្កដា ឆ្នាំ២០២៤រដ្ឋបាល​ខេត្តកំពង់ធំ រៀបចំកិច្ចប្រជុំសាមញ្ញលើកទី របស់ក្រុមប្រឹក្សា​ខេត្ត អាណត្តិទី៤ក្រោមអធិបតីភាព ឯកឧត្តម ដៀប ពីរី ប្រធានក្រុមប្រឹក្សាខេត្តកំពង់ធំ និង ឯកឧត្តម នួន ផារ័ត្ន អភិបាល នៃគណៈ​អភិបាលខេត្តកំពង់ធំ នាសាលប្រជុំ​សាលាខេត្ត។ របៀបវារៈនៃកិច្ចប្រជុំរួមមាន៖១- ពិនិត្យ និងអនុម័ត កំណត់ហេតុនៃកិច្ចប្រជុំសាមញ្ញលើកទី ០១ របស់ក្រុម​ប្រឹក្សាខេត្ត,២- ពិនិត្យ និងអនុម័ត ដីកា ស្តីពីបទបញ្ជាផ្ទៃក្នុង របស់ក្រុមប្រឹក្សាខេត្តអាណត្តិទី៤និង៣- ពិនិត្យ និងអនុម័ត សេចក្តីសម្រេចស្តីពីប្រតិទិននៃកិច្ចប្រជុំសាមញ្ញរយៈពេល១២ខែ របស់ក្រុមប្រឹក្សាខេត្ត៕ដោយ៖​ប៊ុន​រដ្ឋា

កែប៖ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការបាន កាលពីព្រឹកថ្ងៃទី១៧ ខែកក្កដា ឆ្នាំ២០២៤បានអញ្ជើញជួបសំណេះ​សំណាលជាមួយ​ថ្នាក់ដឹកនាំ និងមន្ត្រីរាជការនៃមន្ទីរផែនការខេត្តកែប នាសាលប្រជុំរបស់សាលាខេត្ត។ ក្នុងពិធីនេះលោក គង់ សាវ៉ាត ប្រធានមន្ទីរផែនការខេត្តកែបបានជម្រាបជូនឯកឧត្តមរដ្ឋមន្រ្តីអំពីវឌ្ឍនភាពការងារ និងបញ្ហាប្រឈម​នានា ក្នុងការ​អនុវត្តការងារប្រចាំថ្ងៃ ។ មានប្រសាសន៍ក្នុងឱកាសនេះ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការបានកោតសរសើរ និងវាយតម្លៃខ្ពស់ចំពោះ​កិច្ចខិតខំ​ប្រឹងប្រែងរបស់លោកប្រធានមន្ទីរ ព្រមទាំងថ្នាក់ដឹកនាំ​ និងមន្ត្រីរាជការនៃមន្ទីរផែនការខេត្តកែបទាំងអស់។  ឯកឧត្តម​បានលើក​ឡើងអំពីកិច្ចខិតខំប្រឹងប្រែងរបស់រាជរដ្ឋាភិបាល នីតិកាលទី៧ ក្រោមការដឹកនាំប្រកបដោយគតិបណ្ឌិតដ៏ខ្ពង់ខ្ពស់របស់ សម្ដេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងអាទិភាពគន្លឹះនៃយុទ្ធសាស្ត្រ​បញ្ចកោណ ដំណាក់កាលទី១ គឺ “មនុស្ស ផ្លូវ ទឹក ភ្លើង និងបច្ចេកវិទ្យា”។ ឯកឧត្តមក៏បានចែករំលែកនូវបទពិសោធន៍ និងវឌ្ឍនភាពការងាររបស់ក្រសួងផែនការ ដែលសម្រេចបាននាអំឡុង​ពេលជាង​១១ខែកន្លងមកនេះ ព្រមទាំងបានផ្ដល់នូវអនុសាសន៍តម្រង់ទិសដល់មន្ទីរផែនការ ដើម្បីបន្តសម្រេចបាននូវលទ្ធផល​ការងារ​នាពេលខាងមុខឱ្យកាន់តែល្អប្រសើរថែមទៀត៕ដោយ៖ សិលា សារិន

ក្រុមធ្វើនយោបាយនៅក្រៅប្រទេស បន្តការចិញ្ចឹមគំនិតទុច្ចរឹត ដើម្បីបំផ្លាញកម្ពុជា ដែលកំពុងមានសន្តិភាព។ មនុស្សជំនិតរបស់ សម រង្ស៊ី ឈ្មោះ ប៉ែន វ៉ាណូ នៅក្នុងប្រទេសបារាំង បានប្រកាសបង្កើត «ក្រុមសាធារណរដ្ឋខ្មែរទី២» ដែលការបង្កើតនោះ ត្រូវបានគេចាត់ទុកស្មើនឹងការបង្កើតរដ្ឋាភិបាលនិរទេសមួយ។ អប្សរាណិតមានបទអត្ថាធិប្បាយមួយ ក្រោមចំណងជើងថា «ខ្មែរត្រូវរួបរួមគ្នាជាធ្លុងមួយ ទប់ស្កាត់ចលនាប្រឆាំងជ្រុលនិយមនៅកម្ពុជា»