(ភ្នំពេញ)៖ បើគិតក្នុងរយៈពេល ៦ខែនៃដើមឆ្នាំ២០២៤នេះការនាំចេញស្វាយចន្ទីកែច្នៃទៅលក់កាន់ទីផ្សារក្រៅប្រទេសឃើញថា បានចំនួន ៨៨តោន ថយចុះប្រមាណ ៨៧ភាគរយបើធៀបនឹងរយៈពេលដូចគ្នាក្នុងឆ្នាំ ២០២៣។ ការថយចុះនេះដែរត្រូវបាន មន្រ្តីនាំពាក្យនៃក្រសួងកសិកម្មរុក្ខាប្រមាញ់ និងនេសាទពន្យល់ប្រាប់នាថ្ងៃទី១១ ខែកក្កដា ឆ្នាំ២០២៤នេះថាដោយសារផ្តើមចេញពីការប្រែប្រួលអាកាសធាតុ ដែលមានសភាពក្តៅហួតហែងនាកន្លងមក ។ បញ្ជាក់ប្រាប់បណ្តាញសារព័ត៌មានជុំវិញបញ្ហានេះលោក ជំទាវ អ៊ឹម រចនាបានឱ្យដឹងដែរថា”ការថយចុះនៃបរិមាណនាំចេញនេះអាចមានមតិសាធារណៈជនមួយចំនួនបង្ហាញពីការព្រួយបារម្ភ ដែលនាំឱ្យជះផលអាក្រក់ណាមួយដល់ការដាំដើមស្វាយចន្ទីនៅកម្ពុជា ។ មន្រ្តីអ្នកនាំពាក្យរូបនេះបានលើកឡើងដោយបញ្ជាក់បន្ថែមថា៖ការប្រមួលទិន្នផលស្វាយចន្ទីនាឆ្នាំនេះយើងទទួលបានទិន្នផលទាប បន្តិច ដូចនេះដែរបានធ្វើឱ្យកសិករ តែអ្នកកែច្នៃបានទទួលផលកម្រៃខ្ពស់ដោយសារតែកង្វះទីផ្សារធ្វើឱ្យតម្លៃហក់ឡើងថ្លៃជាងមុន។ លោកជំទាវ អ៊ឹម រចនាបានលើកឡើងដោយបញ្ជាក់បន្ថែមថា ៖ ”នាឆ្នាំនេះដោយសារតែការប្រែប្រួលអាកាសធាតុមិនត្រឹមតែជះផលអាក្រក់ដល់ដំណាំស្វាយចន្ទីទេ ពោលគឺដាំណាំគ្រប់មុខក៏ជួបប្រទះការរងគ្រោះ និងធ្លាក់ចុះទិន្នន័យដូចគ្នា” ។ ដោយសារការប្រែប្រួលអាកាសធាតុកាន់តែអាក្រក់ឡើង ក្រសួងនឹងធ្វើការជ្រើសរើសពូជស្វាយន្ទីដែលធន់នឹងការប្រែប្រួលអាកាសធាតុ ហើយអាចហុចទិន្នផលខ្ពស់ដល់កសិករដាំដុះជំនួសវិញ ។ លើសពីនេះក្រសួងនឹងទាក់ទាញអតិថិជនទាំងក្នុងនិងក្រៅប្រទេសជួយ ទិញគ្រាប់ស្វាយចន្ទីកាន់តែច្រើនឡើងដែលផ្តល់ផលចំណេញដល់ប្រជាកសិករ និងក្រុមហ៊ុនដែលវិនិយោគលើគ្រាប់ស្វាយចន្ទី។ មន្រ្តីនាំពាក្យរូបនេះ បញ្ជាក់ថា ៖ បើទោះបីគ្រាប់ស្វាយចន្ទីនៅកម្ពុជា មានការថយចុះពិតមែនតែសម្រាប់ទីផ្សារពុំមានថយចុះទេ ហើយតម្លៃទៀតសោតក៏បានខ្ពស់ជាងមុនផងដែរ ។ សូមរំលឹកថា សម្រាប់ផ្ទៃដីដែលសមស្របក្នុងការដាំដំណាំស្វាយចន្ទីនៅកម្ពុជាមានប្រមាណ ២,៣៨លានហិកតា ។ ក្នុងខណៈផ្ទៃដីសមស្របជាមួយការដាំដំណាំកសិកម្មជាង៣លាន ២សែនហិកតា ។ ក្រៅពីនេះដំណាំផ្លែចន្ទីមានជិត…

(ភ្នំពេញ)៖ ក្នុងឱកាសនៃជំនួបសម្ដែងការគួរសម និងពិភាក្សាការងារ ជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព នាព្រឹកថ្ងៃទី១១កក្កដា លោក តាំង សិទ្ធី (Sith Tee Tan) ប្រធានការិយាល័យតំណាងសភាពាណិជ្ជកម្មកម្ពុជា នៅទីក្រុងម៉ែលប៊ន ប្រទេសអូស្ត្រាលី បានគោរពរាយការណ៍ជូនសម្តេចធិបតីអំពីដំណើរការនៃការរៀបចំការិយាល័យតំណាង សភាពាណិជ្ជកម្មកម្ពុជា នៅទីក្រុងម៉ែលប៊ន តាមរយៈការសម្របសម្រួលដោយសភាពាណិជ្ជកម្មកម្ពុជា និងក្រសួងពាណិជ្ជកម្ម ដោយអនុលោមតាមច្បាប់ និងលិខិតបទដ្ឋានគតិយុត្ត នៃព្រះរាជាណាចក្រកម្ពុជា និងអំពី ដំណើរការនៃការបោះឆ្នោតជ្រើសរើសថ្នាក់ដឹកនាំ ការិយាល័យតំណាងសភាពាណិជ្ជកម្មកម្ពុជានៅទីក្រុងម៉ែលប៊ន ក៏ដូចជាផែនការសកម្មភាពនានាផងដែរ។ បន្ថែមលើនេះ លោក តាំង សិទ្ធី ក៏បានគោរពជម្រាបជូន សម្តេចធិបតី ថា គោលបំណងនៃដំណើរទស្សនកិច្ចរបស់លោក និង គណៈប្រតិភូ គឺដើម្បីស្វែងយល់បន្ថែមទៀត អំពីសក្តានុពល និងកាលានុវត្តភាពនៃធុរកិច្ច និងការវិនិយោគរបស់កម្ពុជា, គោលនយោបាយ និងយុទ្ធសាស្ត្ររបស់រាជរដ្ឋាភិបាល ក្នុងការទាក់ទាញវិនិយោគ, និងស្វែងរកនូវឱកាសក្នុងការជំរុញ និងផ្សារភ្ជាប់ទំនាក់ទំនងនៃការវិនិយោគរវាង វិស័យឯកជននៃព្រះរាជាណាចក្រកម្ពុជា និងវិស័យឯកជននៃប្រទេសអូស្ត្រាលី ជាពិសេសលើការវិនិយោគ ក្នុងវិស័យកែច្នៃចំណីអាហារ និងកសិកម្ម…

(ភ្នំពេញ)៖ ការអភិវឌ្ឍធនធានមនុស្ស នឹងនៅតែជាវិស័យ អាទិភាពចម្បងគ្រប់ដំណាក់កាល សម្រាប់ប្រទេសកម្ពុជា ។ នេះជាការគូសបញ្ជាក់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្នុងឱកាសអនុញ្ញាតឱ្យក្រុមនិស្សិតអាហារូបករណ៍ទៅសាធារណរដ្ឋឆេក និងជប៉ុន ចូលជួបសម្តែងការគួរសម និងទទួលអនុសាសន៍ដ៏ខ្ពង់ខ្ពស់របស់សម្តេច នៅវិមាន៧មករា រាជធានីភ្នំពេញ នៅព្រឹកថ្ងៃទី១១ ខែកក្កដា ឆ្នាំ២០២៤ ។ សម្តេចតេជោប្រធានព្រឹទ្ធសភា បានសម្តែងនូវសេចក្តីសោមនស្សរីករាយ ដែលបានជួបជាមួយ នឹងនិស្សិតជ័យលាភីអាហារូបករណ៍ ដែលសម្ដេចចាត់ទុកដូចជាកូនៗ ជាចៅៗ មុននឹងត្រូវចាកចេញទៅបន្តការសិក្សានៅសាធារណរដ្ឋឆេក និងជប៉ុន ទាំង ៤០រូប។ សម្តេច មានប្រសាសន៍បន្តថា សម្តេចពិតជាមានមោទនភាពណាស់ចំពោះមរតកដ៏ធំ ដែលសម្តេច បានខិតខំតស៊ូ និងលះបង់កម្លាំងកាយចិត្ត អស់រយៈជាង ៤៥ឆ្នាំ គិតតាំងពីការរំដោះប្រទេសជាតិពីរបបប្រល័យពូជសាសន៍ នៅថ្ងៃ៧មករា រួចបន្តខិតខំកសាង និងថែរក្សាសន្តិភាព និងការអភិវឌ្ឍ ជាពិសេស គឺការសម្រេចបាននូវការការអភិវឌ្ឍធនធានមនុស្សដែលជាការតាំងចិត្តរបស់សម្តេច។ សម្ដេចតេជោ បានលើកឡើងថា ក្នុងដំណាក់កាលដែលសម្ដេច ជារដ្ឋមន្រ្តីក្រសួងការបរទេស និងនាយករដ្ឋមន្ត្រី ទាំងសកម្មភាពនៅក្នុងប្រទេសនិងបំពេញទស្សនកិច្ចនៅក្រៅប្រទេស សម្តេចតែងតែស្វះស្វែងអំពាវនាវរកអាហារូបករណ៍ ដើម្បីផ្ដល់ឱកាសឱ្យនិស្សិតកម្ពុជា បានចេញទៅបន្តការសិក្សានៅក្រៅប្រទេស ងអាហារូបករណ៍នៅក្រៅប្រទេស…

កំពង់ធំ៖ឯកឧត្តម អ៊ុន ចាន់ដា អភិបាលខេត្តកំពង់ចាម និងជា​ប្រធានគណៈកម្មាធិការសាខាកបាទក្រហមកម្ពុជាខេត្ត ព្រះសីលសំវរ ប៊ត តាំងឆេង ព្រះរាជាគណៈថ្នាក់ចត្វានិង​ជាព្រះ​នាគមុនីមេគណខេត្តកំពង់ចាម បានអញ្ជើញនិងនិមន្ត​ចូលរួមប្រគល់ផ្ទះមនុស្សធម៌ ទី២០ និងទី២១របស់សាខាកាក​បាទក្រហមកម្ពុជា ជូនដល់ប្រជាពលរដ្ឋទីទ័លចំនួនពីរ​គ្រួសារ​រស់នៅក្នុងឃុំកោះសូទិន ស្រុកកោះសូទិន ខេត្តកំពង់ចាម។ ក្នុងឱកាសនោះឯកឧត្តមប្រធានគណៈកម្មការសាខាក៏បាននាំនូវអំណោយដ៏ថ្លៃថ្លារបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ផ្តល់ជូនដល់គ្រួសារ​ដែលចូលរួមធ្វើជាសាក្សីចំនួន២៦ គ្រួសារនូវឃីតមួយកញ្ចប់ និងថវិកាមួយចំនួន៕ដោយ៖លី ពៅ

បន្ទាយមានជ័យ៖ក្នុងកិច្ចប្រជុំស្ដីពីការរៀបចំយុទ្ធសាស្ត្រនិង​កញ្ចប់ថវិកាឆ្នាំ២០២៥របស់រដ្ឋបាល ថ្នាក់ក្រោមជាតិ កាល​ពីព្រឹកថ្ងៃទី១១ ខែកក្កដា ឆ្នាំ២០២៤នៅបន្ទប់​ប្រជុំសាលា​ខេត្ត​ឯកឧត្ដម អ៊ុំ រាត្រី អភិបាលខេត្តបន្ទាយមានជ័យបានណែ​នាំ​រដ្ឋបាលក្រុងស្រុក ត្រូវប្រើប្រាស់កញ្ចប់ថវិកាចំគោលដៅអភិវឌ្ឍ​មូលដ្ឋាន។ ឯកឧត្ដមអភិបាលខេត្តបន្ទាយមានជ័យបន្តថា ចំណូលថវិកា​រដ្ឋបាលខេត្តសម្រាប់រយៈពេលមធ្យម ២០២៥-២០២៧ ត្រូវគិត​ពី​ប្រភពចំណូលដែលស្ថិតក្រោមការគ្រប់គ្រង និង​ប្រមូលផ្ទាល់រួម មានចំណូលបានពីថវិកាជាតិ និងចំណូលពី​ប្រភពផ្សេងៗ ស្រប​តាមនីតិវីធី។ ម្យ៉ាង រដ្ឋបាលស្រុកក្រុង ដែលមានប្រភពចំណូលត្រូវរៀបចំដាក់ចេញវិធានការសម្រាប់ ពង្រឹងការគ្រប់គ្រង និង​ប្រមូលចំណូលថវិការបស់រដ្ឋបាល​នីមួយៗ។ ឯកឧត្តមអភិបាលខេត្តបានស្នើដល់រដ្ឋបាលក្រុង ស្រុក និងរដ្ឋបាលឃុំ សង្កាត់នីមួយៗ ត្រូវរៀបចំគម្រោងចំណូល ចំណាយ និងត្រូវ​ខិតខំពង្រឹងនិងជំរុញការប្រមូលចំណូល ឱ្យមានប្រសិទ្ធភាព និងស័ក្តិសិទ្ធភាព ដោយផ្អែកលើមូលដ្ឋាន​ប្រភពចំណូលសារពើ​ពន្ធ និងចំណូលមិនមែនសារពើពន្ធ ដែលបានកំណត់ដោយច្បាប់ស្តីពីរបបហិរញ្ញវត្ថុ។​ត្រូវប្រើប្រាស់​កញ្ចប់ថវិកាឱ្យ​អស់លទ្ធភាព​និង​ចំគោលដៅ៕ដោយ៖ គៀន ច័ន្ទហ៊ីន

កំពង់ធំ៖ លោក សាយ គឹមឡម អភិបាលស្រុកស្ទោងបាន​អញ្ជើញចូលរួមសម្ពោធខ្លោងទ្វារ និងសមិទ្ធផលនានានៅបឋម​សិក្សា​នាងនយ ក្នុងភូមិនាងនយ ឃុំចំណាក្រោម ស្រុកស្ទោង ខេត្តកំពង់ធំ នៅរសៀលថ្ងៃទី១០ ខែកក្កដា ឆ្នាំ២០២៤។ ក្នុងឱកាសនេះលោក សាយ គឹមឡម បានអំពាវនាវដល់​មាតាបិតា អាណាព្យាបាលសិស្ស ត្រូវជំរុញនិងលើកទឹក​ចិត្តកូនចៅ ឱ្យបាន​បន្តសិក្សាយ៉ាងហោចណាស់ចប់​ថ្នាក់ទី១២ហើយជាប់សញ្ញាបត្រមធ្យមសិក្សាទុតិយភូមិ  ដើម្បីងាយស្រួលក្នុងការចូលរួមកសាងសេដ្ឋកិច្ច​សង្គម ក៏ដូចជាគ្រួសារ។  ឆ្លៀតក្នុងឱកាសនេះលោកអភិបាលស្រុកស្ទោង បាន​អំពាវនាវដោយទទូច ដល់ប្រជាពលរដ្ឋនៅក្នុងឃុំចំណារក្រោម ក៏ដូចជា​ស្រុកស្ទោងទាំងមូល សូមកុំចាញ់បោកមេខ្យល់ និងពួកឆ្លៀតឱកាស ដែលបាន ញុះញង់បំផុសបំផុលក្នុងការ កាត់ឆ្វៀលនិង​ចេញប្លង់កម្មសិទ្ធិប្លង់រឹងជូនប្រជាពលរដ្ឋដែល​ផ្ទុយនឹងគោលការណ៍ គោលនយោបាយរបស់រាជរដ្ឋាភិបាល​ក្នុង​ការគ្រប់គ្រងដី​រដ្ឋនិងការពារធនធានធម្មជាតិ ជាពិសេស​ព្រៃលិចទឹក ដីតំបន់បី ជាជម្រកត្រី និងជីវ:ចម្រុះនៅជុំវិញ​បឹងទន្លេសាប។ សូមជម្រាបថា សាលាបឋមសក្សានាងនយ មានសិស្ស​សរុប១៦២នាក់ (ស្រី៧៧នាក់)  លោកគ្រូអ្នកគ្រូ៦នាក់ (ស្រី០៥នាក់)។ ក្នុងឱកាសនេះគណៈអធិបតីក៏ចូលរួម​ថវិកាបុណ្យផ្កាចំនួន៩១៥,០០០រៀលផងដែរ៕ដោយ៖​ប៊ុន​រដ្ឋា

កំពង់ស្ពឺ៖រដ្ឋមន្ត្រីប្រតិភូអមនាយករដ្ឋមន្រ្តី ជួន សុវណ្ណ​ បាន​ផ្តល់​​ការណែនាំដល់រដ្ឋបាលខេត្តនិងគ្រប់សមត្ថកិច្ច​ពាក់ព័ន្ធ​របស់​ខេត្ត​កំពង់ស្ពឺ​ថា​ដើម្បី​គ្រប់គ្រងល្បែងស៊ីសងនៅ​មូលដ្ឋាន​ទទួលបានប្រសិទ្ធិខ្ពស់ ,អាជ្ញាធរនិងសមត្ថកិច្ចគ្រប់ក្រុង ស្រុក ត្រូវតែអនុវត្តវិ​ធានការបើកមួយ បង្ក្រាបមួយ ឬបើកមួយបិទ​មួយ។ ឯកឧត្តម ជួន សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី និង​ជាប្រធានក្រុមការងារពិសេស​តាមដានការអនុវត្ត​គោលការណ៍​របស់​នាយករដ្ឋមន្ត្រីបានបញ្ជាក់ដូច្នេះក្នុងកិច្ចប្រជុំត្រួត​ពិនិត្យវឌ្ឍនភាពនៃការអនុវត្តបទបញ្ជារបស់សម្តេចធិបតី ហ៊ុន ម៉ាណែត នាយក​រដ្ឋមន្ត្រីកម្ពុជា​លើការងារទប់ស្កាត់ បង្ក្រាប​ល្បែងស៊ីសងគ្រប់ប្រភេទក្នុងមូលដ្ឋានខេត្តកំពង់ស្ពឺនៅថ្ងៃទី១០ ខែកក្កដា ឆ្នាំ២០២៤​នៅរដ្ឋបាលខេត្តកំពង់ស្ពឺ។ ឯកឧត្តម ជួន សុវណ្ណ បញ្ជាក់ថា សម្តេចធិបតី ហ៊ុន ម៉ាណែត បានដាក់បទបញ្ជាទៅតាមបណ្តារាជធានី ខេត្តនៅទូទាំង​ព្រះរាជា​ណាចក្រកម្ពុជាឱ្យអនុវត្តឱ្យខានតែបាននូវបញ្ហាបង្រ្កាប​គ្រឿងញៀន ល្បែងស៊ីសង និងក្មេងទំនើងប្រយោជន៍ដើម្បីរក្សា​ឱ្យបាននូវ​សុខសុវត្ថិភាពជូនប្រជាពលរដ្ឋ ។ ឯកឧត្តមបន្តថា រាជរដ្ឋាភិបាលនឹងបញ្ចប់សុពលភាព​អាជ្ញាបណ្ណ​​ល្បែងនៅឆ្នាំ២០២៦នៅទូទាំងប្រទេស ដោយមិនបន្តសុពលភាព​និងមិនឱ្យមានការបង្កើតថ្មីនោះទេ។នៅទូទាំងរាជធានី ខេត្តកន្លងមកទីតាំងល្បែងមានរហូត ៦ ១១៣កន្លែង​។តែក្រោយមាន​បទបញ្ជា​របស់ប្រមុខរាជរដ្ឋា​ភិបាលទីតាំងទាំងនោះក៏ត្រូវបានផ្អាកនិងបិទជាស្ថាពរ។ ឯកឧត្តមបានរំឭកដល់បទបញ្ជារបស់ប្រមុខរាជរដ្ឋាភិបាលនិងវិធានការ​ក្នុងការគ្រប់គ្រងនិងទប់ស្កាត់ការ​ងើបឡើង​វិញនូវ​ល្បែងស៊ី​សងគ្រប់ប្រភេទទាំងល្បែងមានអាជ្ញាបណ្ណនិងគ្មាន​អាជ្ញាបណ្ណនៅតាមមូលដ្ឋាន ។លោកថា វា​គ្មានអ្វីពិបាកក្នុងការ​គ្រប់គ្រង​និង​ទប់ស្កាត់នោះទេ។​សំខាន់អាជ្ញាធរនិងសមត្ថកិច្ច​ពិសេសមន្ត្រីនគរបាលយុត្តិធម៌​មានការតាំងចិត្តឬអត់?​និងមិនមាន​ជាប់ពាក់ព័ន្ធ​និងផលប្រយោជន៍តែប៉ុណ្ណោះ។ និយាយជារួមគឺបើកមួយ បង្ក្រាបមួយ ឬបើកមួយបិទមួយ ។​បើយើងមិន​អនុវត្តវិធាន​ការនេះទេ​យូរទៅជំងឺនឹងមានភាព​ស៊ាំទៅនឹងថ្នាំ ។យូរៗទៅវានឹងក្លាយជាជំងឺមហារីកពិបាក​ព្យាបាលណាស់ ៕ដោយ៖ ម៉ុន សំអាត

កំពង់ស្ពឺ៖មន្ត្រីជាន់ខ្ពស់ក្រសួងមហាផ្ទៃបានផ្តល់ការណែនាំ​ដល់រដ្ឋបាលខេត្តនិងគ្រប់សមត្ថកិច្ចពាក់ព័ន្ធរបស់ខេត្តកំពង់ស្ពឺ​ថា​ដើម្បី​គ្រប់គ្រងល្បែងស៊ីសងនៅមូលដ្ឋានទទួលបាន​ប្រសិទ្ធិ​ខ្ពស់ អាជ្ញាធរនិងសមត្ថកិច្ចគ្រប់ក្រុង ស្រុក ត្រូវតែអនុវត្តវិធាន​ការ​បើកមួយ បង្ក្រាបមួយ ឬបើកមួយបិទមួយ។ ឯកឧត្តម ជួន សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី និងជា​ប្រធានក្រុមការងារពិសេស​តាមដានការអនុវត្ត​គោលការណ៍​របស់​នាយករដ្ឋមន្ត្រីបានបញ្ជាក់ដូច្នេះក្នុងកិច្ចប្រជុំត្រួត​ពិនិត្យ​វឌ្ឍនភាពនៃការអនុវត្តបទបញ្ជារបស់សម្តេចធិបតី ហ៊ុន ម៉ាណែត នាយក​រដ្ឋមន្ត្រីកម្ពុជា​លើការងារទប់ស្កាត់ បង្ក្រាប​ល្បែងស៊ីសងគ្រប់ប្រភេទក្នុងមូលដ្ឋានខេត្តកំពង់ស្ពឺនៅថ្ងៃទី១០ ខែកក្កដា ឆ្នាំ២០២៤​នៅរដ្ឋបាលខេត្តកំពង់ស្ពឺ។ ឯកឧត្តម ជួន សុវណ្ណ បញ្ជាក់ថា សម្តេចធិបតី ហ៊ុន ម៉ាណែត បានដាក់បទបញ្ជាទៅតាមបណ្តារាជធានី ខេត្តនៅទូទាំង​ព្រះរាជា​ណាចក្រកម្ពុជាឱ្យអនុវត្តឱ្យខានតែបាននូវបញ្ហាបង្រ្កាប​គ្រឿងញៀន ល្បែងស៊ីសង និងក្មេងទំនើងប្រយោជន៍ដើម្បីរក្សា​ឱ្យបាននូវ​សុខសុវត្ថិភាពជូនប្រជាពលរដ្ឋ ។ ឯកឧត្តមបន្តថា រាជរដ្ឋាភិបាលនឹងបញ្ចប់សុពលភាព​អាជ្ញាបណ្ណ​ល្បែងនៅឆ្នាំ២០២៦នៅទូទាំងប្រទេស ដោយមិន​បន្តសុពលភាព​និងមិនឱ្យមានការបង្កើតថ្មីនោះទេ។នៅទូទាំង​រាជធានី ខេត្តកន្លងមកទីតាំងល្បែងមានរហូត ៦ ១១៣កន្លែង​។តែក្រោយមាន​បទបញ្ជា​របស់ប្រមុខរាជរដ្ឋាភិបាលទីតាំងទាំង​នោះក៏ត្រូវបានផ្អាកនិងបិទជាស្ថាពរ។ ឯកឧត្តមបានរំឭកដល់បទបញ្ជារបស់ប្រមុខរាជរដ្ឋាភិបាលនិងវិធានការ​ក្នុងការគ្រប់គ្រងនិងទប់ស្កាត់ការ​ងើបឡើង​វិញនូវ​ល្បែងស៊ី​សងគ្រប់ប្រភេទទាំងល្បែងមានអាជ្ញាបណ្ណនិងគ្មាន​អាជ្ញាបណ្ណនៅតាមមូលដ្ឋាន ។លោកថា វា​គ្មានអ្វីពិបាកក្នុងការ​គ្រប់គ្រង​និង​ទប់ស្កាត់នោះទេ។​សំខាន់អាជ្ញាធរនិងសមត្ថកិច្ច​ពិសេសមន្ត្រីនគរបាលយុត្តិធម៌​មានការតាំងចិត្តឬអត់?​និងមិនមាន​ជាប់ពាក់ព័ន្ធ​និងផលប្រយោជន៍តែប៉ុណ្ណោះ។ និយាយជារួមគឺបើកមួយ បង្ក្រាបមួយ ឬបើកមួយបិទមួយ ។​បើយើងមិន​អនុវត្តវិធាន​ការនេះទេ​យូរទៅជំងឺនឹងមានភាព​ស៊ាំទៅ​នឹងថ្នាំ ។យូរៗទៅវានឹងក្លាយជាជំងឺមហារីកពិបាក​ព្យាបាលណាស់ ៕ដោយ៖ ម៉ុន សំអាត

បន្ទាយមានជ័យ៖មន្រ្តីអង្គការដៃគូអភិវឌ្ឍន៍វិស័យអប់រំ​នៅថ្ងៃទី១០ ខែកក្កដាឆ្នាំ២០២៤បានជួបជាមួយលោក យឹម សំណាង អភិបាលរងខេត្តបន្ទាយមានជ័យ ។ក្នុងជំនួប​នេះបានផ្តោតទៅលើការសិក្សារបស់​សិស្សនៅតំបន់ព្រំដែន​ដែលពុំមានលទ្ធភាព​រៀនសូត្រ។ លោក ឡុង សេដ្ឋា នាយកមជ្ឈមណ្ឌលកសាងអនាគត​របស់​អ្នកថ្ងៃនេះ(BFT)ដែលជាដៃគូមន្ទីរអប់រំខេត្តបានលើកយកករណី​ស្ថានភាព​សិក្សា​នៅអនុវិទ្យាល័យភ្នំដងរែកនៃឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ដែលជាតំបន់ព្រំដែន​មានអត្រាសិស្ស បោះបង់ការសិក្សាពាក់កណ្ដាលទី និងឈប់​រៀនមានការកើនឡើង ដោយសារកត្តាជីវភាពក្រុមគ្រួសារ និងដល់អាយុធ្វើ​ពលកម្ម​បានជំរុញឱ្យពួកគេធ្វើចំណាកស្រុក។ លោកបន្តថា ប៊ី អេហ្វ ធី បានចូលរួមជាមួយគណៈកម្មការ និងលោកនាយក អនុវិទ្យាល័យ​ភ្នំដងរែកជួយទំនុកបម្រុង​សិស្សពុំមានលទ្ធភាពរៀនសូត្រឱ្យពួកគេបានចូលសាលាវិញ ដោយឱ្យឪពុកម្ដាយ អាណាព្យាបាល​សហការ​ផ្ដល់ឱកាស​ដល់សិស្សខ្វះខាតទាំងនោះរៀនចប់ត្រឹមថ្នាក់ទី១២បានប្រឡងជាប់បាក់ឌុប ឬបានបញ្ចប់កម្រិត​សិក្សាទុតិយ​ភូមិ ដើម្បីងាយ​ស្រួលក្នុងការរកទីផ្សារការងារ។ ម៉្យាងអាចបន្តការសិក្សាឬ​សិក្សាជំនាញវិជ្ជាជិវៈ។ លោកនាយកប៊ី អេហ្វ ធី ក៏បានបង្ហាញពីផែនការ​បង្កើត​អន្តេវាសិកដ្ឋានសម្រាប់សិស្សអស់ទាំងនោះបានមកស្នាក់នៅ និងរៀនសូត្រ ជាមួយការឧបត្ថម្ភអាហារបីពេលសមរម្យ ផ្ដល់សម្ភារៈសិក្សាមួយចំនួនថែមទៀតនិងឧបត្ថម្ភគ្រូបង្រៀនផងដែរ ។ទន្ទឹមនឹងនេះ BFTក៏បន្តជួយសិស្សមានជីវភាព​ខ្វះខាត​បន្តសិក្សាទៅមុខទៀតឬជួយឱ្យទៅបណ្ដុះបណ្ដាលមុខជំនាញវិជ្ជាជីវៈសម្រាប់ពួកគេទៀតផង។ លោក យឹម សំណាង អភិបាលរងខេត្តបន្ទាយមានជ័យក្នុង​នាមរដ្ឋបាលខេត្តបានគាំទ្រផែនការជួយ​ទំនុកបម្រុង​សិស្សគ្មាន​លទ្ធភាព​សិក្សានៅតំបន់ព្រំដែននេះ ដ្បិតជាការចូលរួមអនុវត្ត​គោលនយោបាយអភិវឌ្ឍន៍វិស័យអប់រំ។មួយវិញទៀត​សកម្មភាព​​ចូលរួមជួយ​ដោះស្រាយបញ្ហាសិស្ស​បោះបង់​ការសិក្សា ក៏ជាផ្នែកមួយបង្កើតធនធានមនុស្ស ,កាត់បន្ថយ​ចំណាកស្រុក​របស់សិស្សក៏ដូច​ជានិរន្តរ​ភាពសិស្ស និងកាត់​បន្ថយអត្រាបោះបង់ការរៀនសូត្រ ។ លោក យឹម សំណាង បានសំណូមពរដល់BFT បន្តជួយទៅដល់សិស្ស​ដែល​គ្មានលទ្ធភាពសិក្សានៅតាមកម្រិតសិក្សានានាទូទាំងខេត្តកាន់តែល្អប្រសើរថែមទៀត។ សូមជម្រាបថា ខេត្តបន្ទាយមានជ័យ មាន​សាលារៀន​ជាង៥០០​សាលារៀន​៕ដោយ៖…

កំពង់ធំ៖ឯកឧត្តម ដៀប ពីរី ប្រធានក្រុមប្រឹក្សាខេត្ត ឯកឧត្តម នួន ផារ័ត្ន អភិបាលខេត្តកំពង់ធំដែលទើបចូលកាន់តំណែង នារសៀល​ថ្ងៃទី១០ ខែកក្កដា ឆ្នាំ២០២៤ បានអញ្ជើញជួប​សំណេះសំណាលថ្នាក់ដឹកនាំមន្ទីរនានាជុំវិញខេត្ត ថ្នាក់ដឹកនាំ​កងកម្លាំងទាំងបី និងមន្ត្រីរាជការនៅសាលប្រជុំសាលា​ខេត្តកំពង់ធំ។ ក្នុងជំនួបជាលើកដំបូងនិងកក់ក្តៅស្និទ្ធស្នាលឯកឧត្តម នួន ផារ័ត្ន អភិបាលខេត្តកំពង់ធំ បានជំរុញលើកទឹកចិត្តដល់​មន្ត្រី​រាជការ នៃរដ្ឋបាលខេត្តកំពង់ធំបន្តពង្រឹងអនុវត្តការងារឱ្យ​បានល្អប្រសើរ ។បង្កើនសាមគ្គីភាព ឯកភាពផ្ទៃក្នុង។ រួមគ្នាធ្វើ រួមគ្នាគិត ធ្វើយ៉ាងណាជំរុញខេត្តកំពង់ធំឱ្យមានការការអភិវឌ្ឍ​រីកចម្រើនលើគ្រប់វិស័យ។ គោលការណ៍ចំនួនបីដែលឯកឧត្តមអភិបាលខេត្តយកចិត្តទុកដាក់និងណែនាំឱ្យអនុវត្ត គឺ ១.រួមគ្នាការពារធនធានធម្មជាតិ និងទប់​ស្កាត់បង្ក្រាបបទល្មើសព្រៃឈើ និងចូលរួមអនុវត្តបទ​បញ្ជា​របស់ប្រមុខរាជរដ្ឋាភិបាលកម្ពុជា ក្នុងទប់ស្កាត់ដល់​មន្ត្រី​ពាក់ព័ន្ធបទល្មើស​ក្នុងភូមិសាស្ត្រខេត្តកំពង់ធំ។ ២.បន្តនិរន្តរ​ភាព​រដ្ឋបាល និរន្តរភាពការងារពង្រឹងបន្ថែមដល់មន្ត្រីជំនាញ​។ផ្សារភ្ជាប់ជាមួយប្រជាពលរដ្ឋ និងទី៣.សូមដកខ្លួនជាប្រញាល់​កុំពាក់ព័ន្ធរាល់បទល្មើសផ្សេងៗ។ក្នុងអាណត្តិរបស់លោក គឺតាំងចិត្តមិនឱ្យមានការពាក់ព័ន្ធ ទៅនឹង​រឿងបទល្មើស​ក្នុងខេត្តកំពង់ធំនោះឡើយ៕ដោយ៖​ប៊ុន​រដ្ឋា