(ភ្នំពេញ)៖ ក្នុងជំនួបជាមួយក្រុមប្រឹក្សាភិបាល សមាគមសិល្បករខ្មែរ ដឹកនាំដោយ លោកជំទាវ ម៉ៅ ចំណាន នៅវិមានសន្តិភាព នាព្រឹកថ្ងៃទី០២កក្កដា សម្តេចធិបតី លើកទឹកចិត្តឱ្យសមាគម បន្តខិតខំប្រមូលចងក្រងសិល្បករ សិល្បការិនីគ្រប់ទម្រង់ ជាពិសេសជួយដល់សិល្បករ ជួបការលំបាក និងមានវ័យចាស់ ។ នៅក្នុងជំនួបនេះ អ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ បានថ្លែងអំណរគុណ យ៉ាងជ្រាលជ្រៅជូនចំពោះសម្ដេចធិបតី ដែលបានឆ្លៀតពេលវេលាដ៏មមាញឹក អនុញ្ញាតឱ្យរូបអ្នកឧកញ៉ា និងសហការី បានចូលជួបសម្ដែងការគួរសម និងពិភាក្សាការងារ។ អ្នកឧកញ៉ា ម៉ៅ ចំណាន ក៏បានគោរពរាយការណ៍ជូន សម្ដេចធិបតីអំពីសមិទ្ធផលការងារ ដែលសមាគមសិល្បករខ្មែរ សម្រេចបាននាពេលកន្លងមក, ការរៀបចំកែសម្រួលរចនាសម្ព័ន្ធដឹកនាំ និងបទបញ្ជាផ្ទៃក្នុងរបស់សមាគម ព្រមទាំងការរៀបចំផែនការសកម្មភាព និងទិសដៅការងារ របស់សមាគម ក្នុងការអនុវត្តការងាររបស់ខ្លួន ដោយផ្តោតលើសកម្មភាពចំបងមួយចំនួន រួមមាន៖ ១).​ ការប្រមូលចងក្រងសមាជិករបស់សមាគម ដែលផ្តោតលើសិល្បករដែលមានអាជីពសម្តែងសកម្ម សិល្បករដែលបាត់បង់សមត្ថភាពសម្តែង អតីតសិល្បករ និងសិល្បករមហាជន និង២). ការផ្តល់នូវអត្ថប្រយោជន៍មួយចំនួនដល់សមាជិករបស់សមាគមសិល្បករខ្មែរ តាមរយៈសេវាជួយសង្គ្រោះជិវិត (ការផ្តល់ឈាម)​ សេវាជំនួយផ្នែកច្បាប់…

ភ្នំពេញ៖មន្ត្រីអាជ្ញាធរជាតិអប្សរា អាជ្ញាធរជាតិព្រះវិហារ អាជ្ញាធរ​សំបូរព្រៃគុក អគ្គនាយកដ្ឋានបេតិកភណ្ឌ នៃក្រសួង​វប្បធម៌ និងវិចិត្រសិល្បៈ មន្ទីរវប្បធម៌ខេត្តសៀមរាប អាជ្ញាធរ​ដែនដីទាំង៥ស្រុក/ក្រុង ក្នុងរមណីយដ្ឋានអង្គរមន្ទីរ​រៀបចំដែនដី ខេត្តសៀមរាប តំណាងរដ្ឋបាល និងក្រុមប្រឹក្សា​ខេត្តសៀមរាបសហភាពសហព័ន្ធយុវជនកម្ពុជាខេត្តសៀមរាបនិងអាជ្ញាធរ ដែនដីពាក់ព័ន្ធចំនួន៤៥រូបបានមកចូលរួម​សិក្ខាសាលាស្ដីពី«ច្បាប់ និងកិច្ចការពារបេតិកភណ្ឌ» រយៈពេលបីថ្ងៃ ចាប់ពីថ្ងៃទី២រហូតដល់ថ្ងៃទី៤ ខែកក្កដា​ឆ្នាំ២០២៤នៅខេត្តសៀមរាបដែលរៀបចំដោយអាជ្ញាធរជាតិអប្សរា។ ឯកឧត្តម ឡុង កុសល អគ្គនាយករងតំណាងឱ្យឯកឧត្តម​បណ្ឌិត ហង់ ពៅអគ្គនាយក អាជ្ញាធរជាតិអប្សរាបាន​អញ្ជើញ​ជាអធិបតី ក្នុងពិធីនេះនិងឧទេ្ទសនាមដោយលោក Etienne Clementមេធាវីអន្តរជាតិឯកទេសខាងបេតិកភណ្ឌវប្បធម៌។ អាជ្ញាធរជាតិអប្សរាបានឱ្យដឹងថា សិក្ខាសាលាធ្វើឡើងក្នុង​គោល​​បំណង ឱ្យយល់ដឹងពីសម្បត្តិបេតិកភណ្ឌវប្បធម៌ ពីការប៉ះពាល់នានា ព្រមទាំងការប្រើច្បាប់ជាតិ អន្តរជាតិ ដើម្បីការពារសម្បត្តិបេតិកភណ្ឌទាំងនោះ ពីការបំផ្លាញ​ដោយមនុស្ស ដោយអាយុកាល និងដោយគ្រោះធម្មជាតិ​ជាដើម។ កម្មវិធីនេះ ក៏ជាវេទិកាសម្រាប់ការចែករំលែកបទពិសោធន៍ ការផ្តល់ឱ្យសិក្ខាកាម ថ្នាក់ដឹកនាំមកពីស្ថាប័នគ្រប់គ្រង​បេតិកភណ្ឌ ដើម្បីស្វែងយល់ពីគោលបំណង មាតិកា និងការបន្ថែមនូវអនុសញ្ញាអន្តរជាតិសំខាន់ៗ រួមនឹងគោល​ការណ៍ច្បាប់ជាតិ ដែលជាទម្រង់ស្របច្បាប់សម្រាប់កិច្ចការពារសម្បត្តិបេតិកភណ្ឌក្នុងប្រទេសកម្ពុជា។ សិក្ខាកាមនឹងទទួលបាននូវចំណេះ​ដឹង​ថ្មីៗ​ក្នុងទម្រង់ច្បាប់ការពារបេតិកភណ្ឌ ដែលឆ្លើយតប​ទៅនឹងតួនាទី និងភារកិច្ចរបស់ខ្លួន ក្នុងនាមជាអ្នកអភិរក្ស និងគ្រប់គ្រងបេតិកភណ្ឌផងដែរ៕ដោយ៖ម៉ាដេប៉ូ

ភ្នំពេញ៖ ក្រសួងសាធារណការនិងដឹកជញ្ជូននៅថ្ងៃទី១ ខែ​កក្កដា​នេះបានឱ្យដឹងថា គម្រោងស្ថាបនាផ្លូវជាតិលេខ១០ ដែល​មាន​ប្រវែងសរុប ១៩៨,២១៨ គីឡូម៉ែត្រ(PK000+000 – PK១៩៨+៥១៨) សម្រេចបានជារួម ៨៨,៣៨ភាគរយហើយ គិតត្រឹម​ដំណាច់​ខែមិថុនាកន្លងទៅនេះ។ដោយឡែកស្ពានខ្ពស់​ជាងគេប្រវែង ៥៣០ម៉ែត្រ គ្រោងនឹងដាក់ឱ្យប្រើប្រាស់​សាកល្បង​នៅចុង​ខែមីនាឆ្នាំ២០២៥ ខាងមុខ។ ការដ្ឋានផ្លូវជាតិលេខ១០ ចាប់ពីផ្លូវជាតិលេខ ៥៧-៧ ត្រង់ PK៣៥+៩០០ នៅភូមិកញ្ចាំង ឃុំស៊ុង ស្រុកសំឡូត ខេត្ត​បាត់ដំបង ឆ្លងកាត់​ឃុំប្រម៉ោយ ស្រុកវាលវែង ខេត្តពោធិ៍សាត់ រហូតដល់ផ្លូវជាតិលេខ៤៨(ចាស់) ត្រង់ PK១+៧០០ ក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ ប្រភពដដែលបន្តថា វឌ្ឍនភាពនេះរួមមាន៖ ការងារផ្លូវ​ថ្នល់សម្រេចបាន ៨០,២៦ភាគរយ,ការងារស្ពានសម្រេចបាន ៩៣,២៣​ភាគរយ, ការងារស្ពានខ្ពស់ជាងគេប្រវែង ៥៣០ម៉ែត្រ សម្រេចបាន ៤៣,៥០ភាគរយ (គ្រោងដាក់ឱ្យប្រើប្រាស់​សាកល្បង​នៅចុងខែមីនា ឆ្នាំ២០២៥ ខាងមុខ) ,ការងារ​លូកាត់ទទឹងថ្នល់សម្រេចបាន ៩៩,៨២ភាគរយ និងការងារ​លូបណ្តោយថ្នល់ និងជញ្ជាំងការពារជើងទេរអនុវត្តបាន ៨៩,៨៤ភាគរយ។ ក្រសួងសាធារណការបានរំលឹកថា នៅរដូវវស្សានេះផ្លូវជាតិ​លេខ១០ ប្រជាពលរដ្ឋអាចធ្វើដំណើរបានដោយរលូន តែត្រូវមានការ​ប្រុងប្រយ័ត្ន ដោយសារកំណាត់ផ្លូវខ្លះនៅ​ជាក្រួសក្រហម…

ភ្នំពេញ៖ ប្រព័ន្ធផ្សព្វផ្សាយឯករាជ្យមិនត្រូវស្ថិតត្រឹមលើបបូរមាត់ទេ តែត្រូវមានការវាស់វែង។នៅកម្ពុជាបច្ចុប្បន្ន គ្រប់តួអង្គទាំងអស់ ទាំងប្រព័ន្ធ ផ្សព្វផ្សាយរដ្ឋនិងឯកជន ដែលប្រកាន់ខ្ជាប់ក្រមសីលធម៌វិជ្ជាជីវៈនិងគោលការណ៍សុចរិតភាព សុទ្ធសឹងរួមចំណែក ក្នុងការលើក កម្ពស់ការអភិវឌ្ឍវិស័យព័ត៌មាន និងចូលរួមយ៉ាងសកម្មក្នុងការលើកតម្កើងសិទ្ធិបញ្ចេញមតិ និងសេរីភាពសារព័ត៌មាន​នៅកម្ពុជា។ ជាក់ស្តែង អ្នកសារព័ត៌មានចំនួនប្រមាណ៨០ភាគរយ ក្នុងចំណោមអ្នកដែលបានចូលរួមសរុបក្នុងការស្ទង់មតិ​ឆ្នាំ២០២៤​ស្តីពី​ស្ថានភាពសេរីភាពសារព័ត៌មាននៅកម្ពុជា បានអះអាងថា ខ្លួនមានសេរីភាពពេញលេញក្នុងការប្រកបអាជីពជាអ្នក​សារព័ត៌មាន ដោយមានភាពងាយស្រួល និងសុវត្ថិភាព និងដោយឯករាជ្យភាព ក្នុងការប្រមូលព័ត៌មានពីប្រភពផ្សេងៗសម្រាប់ការ​សរសេរ ផលិត និងផ្សព្វផ្សាយព័ត៌មានរបស់ខ្លួនដោយសេរី។ នេះជាប្រសាសន៍របស់អ្នកនាំពាក្យក្រសួងព័ត៌មាន ដែលបានលើក​ឡើង​យ៉ាងដូច្នេះ​សម្រាប់ជាការឆ្លើយតបទៅនឹងមតិមួយចំនួនតូចដែលបានបង្ហាញក្តីបារម្ភអំពីការធ្លាក់ចុះនូវសារព័ត៌មានឯករាជ្យ។ ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មានបានពន្យល់បន្ថែមថា ទិន្នន័យឆ្នាំ២០២៣របស់ក្រសួងព័ត៌មានបានបង្ហាញថា កម្ពុជាសព្វថ្ងៃមានអង្គភាពសារព័ត៌មានចំនួនជាងពីរពាន់អង្គភាព ហើយមានអ្នកសារព័ត៌មានចំនួនប្រមាណមួយម៉ឺននាក់ ទាំង​ប្រព័ន្ធផ្សព្វផ្សាយប្រពៃណីនិងទំនើប បាននិងកំពុងអនុវត្តការងារចុះយកព័ត៌មាន ផលិត និងផ្សព្វផ្សាយព័ត៌មានគ្រប់ទម្រង់ ក៏ដូចជា​ធ្វើសេចក្ដីរាយការណ៍ព័ត៌មាននានាបានដោយសេរី គ្រប់ពេលវេលា ដោយសុវត្ថិភាព តាមវិជ្ជាជីវៈខ្លួនដោយតម្លាភាព ហើយទទួល​បានការទុកចិត្ត និងការគាំទ្រពីសាធារណជនទូទៅគ្រប់មជ្ឈដ្ឋានទាំងអស់។ សកម្មភាពទាំងនេះ បាន និងកំពុងចូល​រួមយ៉ាងសកម្ម​ក្នុងការធានាការទទួលព័ត៌មានរបស់ប្រជាជននៅទូទៅប្រទេស ប្រកបដោយគុណភាពនិងសុវត្ថិភាព សម្រាប់ផ្តល់​ព័ត៌មាន​ពិត គ្រប់ជ្រុងជ្រោយ ព្រមទាំងផ្តល់ចំណេះដឹងសម្បូរបែបលើគ្រប់វិស័យក្នុងសង្គម ស្របតាមតម្រូវការប្រចាំថ្ងៃ និងគាំទ្រ​ដល់ការធ្វើការសម្រេចចិត្តត្រឹមត្រូវក្នុងការលើកកម្ពស់ជីវភាពរស់នៅបានកាន់តែប្រសើរ។ ឯកឧត្តមអ្នកនាំពាក្យក្រសួងព័ត៌មានបានបញ្ជាក់ទៀតថា ក្នុងឆ្នាំ២០២៤ក្រសួងព័ត៌មានបានចេញផ្សាយ «របាយការណ៍ស្តីពី​ស្ថានភាព​សេរីភាពសារព័ត៌មាននៅកម្ពុជា» ក្រោយពីក្រសួងបានចំណាយពេលវេលាក្នុងការសិក្សាយ៉ាងម៉ត់ចត់…

ភ្នំពេញ៖ក្រសួងសាធារណការ និងដឹកជញ្ជូននៅថ្ងៃទី៣០ ខែ​មិថុនា បានឱ្យដឹងថា គម្រោងសាងសង់ស្ពានឆ្លងកាត់​ទន្លេ​មេគង្គ​ខេត្តក្រចេះប្រវែង ១ ៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ សម្រេចបាន ៥៥,៨៣ភាគរយ និងផ្លូវតភ្ជាប់និង​ផ្លូវខ្នែង​ទៅកាន់ក្រុងក្រចេះ ខេត្តក្រចេះដែល​មានប្រវែងសរុប ៣៣,៤៥៩គីឡូ​ម៉ែត្រសម្រេចបាន ៤១,៨១ភាគរយគិតត្រឹមខែមិថុនា ឆ្នាំ២០២៤។ គួរជម្រាបថា ស្ពានឆ្លងកាត់ទន្លេមេគង្គក្នុងខេត្តក្រចេះ បានប្រើ​ប្រាស់​ឥណទានសម្បទានពីរដ្ឋាភិបាលនៃសាធារណរ​ដ្ឋប្រជា​មានិតចិននិងបានបើកការដ្ឋានសាងសង់កាលពីថ្ងៃទី២ ខែមករា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់របស់​សម្តេចអគ្គមហាសេនាបតីតេជោ ហ៊ុន សែន អតីតនាយក​រដ្ឋមន្ត្រី នៃព្រះរាជា​ណាចក្រកម្ពុជា និងឯកឧត្តម វ៉ាង វិនធៀន (Wang Wentian) ឯកអគ្គរដ្ឋទូតវិសាមញ្ញ និងពេញ​សមត្ថភាព នៃសាធារណរដ្ឋ​ប្រជាមានិតចិនប្រចាំព្រះរាជា​ណាចក្រកម្ពុជា ។ គម្រោងទាំងមូលគ្រោងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខ៕ដោយ៖ដេប៉ូ

កំពត៖បុគ្គលិកក្រុមហ៊ុន ជីប ម៉ុង អ៊ីនស៊ី ស៊ីមេនខេត្តកំពត​បានបង្ហាញនូវក្តីសប្បាយរីករាយ ក្នុងការស្ម័គ្រចិត្តបរិច្ចាគ​ឈាមជូន​មន្ទីរពេទ្យ  ព្រោះពួកគេយល់ថា ការបរិច្ចាគឈាម​អាចជួយសង្គ្រោះជីវិតមនុស្ស។ ខណៈដែលមន្ត្រីជំនាញ​លើកទឹកចិត្តថា ការបរិច្ចាគឈាមមិនប៉ះពាល់សុខភាពទេ ។ក្នុងមួយឆ្នាំបុរសអាចផ្តល់ឈាមបានបួនដង។ចំណែកស្ត្រី​បានបីដង។ នៅចុងសប្ដាហ៍នេះនារោងចក្ររបស់ក្រុមហ៊ុន ជីប ម៉ុង អ៊ីនស៊ី ស៊ីមេនខេត្តកំពត បានរៀបចំកម្មវិធីបរិច្ចាគឈាមលើកទី៥ ជូនដល់មន្ទីរពេទ្យបង្អែកខេត្តកំពត។បុគ្គលិកក្រុមហ៊ុន ដែល​មកបរិច្ចាគឈាមបានបង្ហាញក្តីរីករាយដោយសារពួកគេ​បានរួម​ចំណែក​ធ្វើសកម្មភាព​មនុស្សធម៌មួយ ដែលអាចជួយសង្គ្រោះ​អាយុជីវិតមនុស្ស ។ពួកគេបានអំពាវនាវដល់ប្រជាពលរដ្ឋ ពិសេស​យុវជន​ដែលមានសុខភាពល្អ សូមចូលរួមបរិច្ចាគ​ឈាមដើម្បីចែករំលែកក្តីស្រឡាញ់ និងចូលរួមជួយ​សង្គ្រោះ​ជីវិតមនុស្ស។  ប្រធានរដ្ឋបាលមន្ទីរពេទ្យបង្អែកខេត្តកំពត លោក សេង ម៉ារ៉ាឌី បានបញ្ជាក់ថា ការបរិច្ចាគឈាមមិនប៉ះពាល់ដល់សុខភាពទេ ដោយសារមុននឹងបរិច្ចាគ ក្រុមគ្រូពេទ្យនឹងធ្វើការពិនិត្យ និងពិគ្រោះសុខភាពយ៉ាងដិតដល់ ដើម្បីធានាថា អ្នកមក​បរិច្ចាគគ្មាន​បញ្ហាសុខភាព។  លោកបានបន្តថា បច្ចុប្បន្ននៅ​មន្ទីរពេទ្យត្រូវការឈាមច្រើន ដើម្បីយកទៅសង្គ្រោះជីវិត​អ្នកជំងឺ ដែលបាត់​បង់ឈាមច្រើន ដូចជាគ្រោះថ្នាក់ចរាចរណ៍ អ្នកជំងឺវះកាត់ជាដើម។ លោកថាការចូលរួមបរិច្ចាគរបស់​ក្រុមហ៊ុនជីប ម៉ុង អ៊ីនស៊ី ស៊ីមេន ជាគំរូដ៏ល្អមួយសម្រាប់​ប្រជាពលរដ្ឋខ្មែរ។  បើតាមការបញ្ជាក់របស់គ្រូពេទ្យជំនាញថា ការបរិច្ចាគ​ឈាមមិន​ប៉ះពាល់ដល់សុខភាពទេ ។ប៉ុន្តែផ្ទុយទៅវិញវា​​ជួយឱ្យ​អ្នកបរិច្ចាគ​មានសុខភាពកាន់តែល្អទៅថ្ងៃមុខ។តាមរយៈនៃ​ការបរិច្ចាគឈាមនេះដែរ ក្រុមគ្រូពេទ្យនឹង​យកឈាមទៅធ្វើ​តេស្ត​ស្វែងរកជំងឺ​សំខាន់ៗចំនួន៥មុខ ហើយលទ្ធផលនឹងផ្តល់​ជូនដល់អ្នកបរិច្ចាគវិញនៅពេលក្រោយ៕ដោយ៖ សិលា សារិន

កំពង់ធំ៖នាយឧត្តមសេនីយ៍ ម៉ៅ សុផាន់ អនុប្រធានក្រុម​ការងារ​រាជរដ្ឋាភិបាលចុះមូលដ្ឋានខេត្ត និងជាប្រធាន​ក្រុម​ការងារចុះ​មូលដ្ឋានស្រុកសណ្ដាន់ បានដាក់បទបញ្ជា​ដល់អាជ្ញាធរដែនដី កងកម្លាំងប្រដាប់អាវុធគ្រប់ប្រភេទ មន្ត្រីស្ថាប័នជំនាញ និងឧត្តម​សេនីយ៍ទោ សោម ស៊ុន អនុប្រធានអចិន្ត្រៃយ៍គណៈកម្មការការពារទប់ស្កាត់ និងបង្ក្រាប​បទល្មើសធនធានធម្មជាតិខេត្តកំពង់ធំ ត្រូវដឹកនាំឱ្យស្រាវជ្រាវ​រកអ្នកនៅពីក្រោយខ្នងនៃការបំផ្លាញធនធានធម្មជាតិ ដើម្បីចាត់វិធានការតាម​ផ្លូវច្បាប់ ។ បទបញ្ជានេះបានបញ្ជាក់ក្នុងកិច្ចប្រជុំបូកសរុបលទ្ធផលការងាររបស់រាជរដ្ឋាភិបាលចុះមូលដ្ឋានខេត្តកំពង់ធំ ក្នុងត្រីមាសទី២ ឆ្នាំ២០២៤ នៅសាលាស្រុកសណ្ដាន់ខេត្តកំពង់ធំកាលពី​ព្រឹកថ្ងៃទី២៩ ខែមិថុនា ឆ្នាំ២០២៤។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹកងរាយការណ៍ពីសកម្មភាពក្រុមការងារចុះមូលដ្ឋានស្រុក សណ្ដាន់​ក្នុង​ការការពារទប់ស្កាត់ និងបង្ក្រាបបទល្មើស​ធនធានធម្មជាតិ ក្នុងខេត្តកំពង់ធំ ពិសេសនៅក្នុងភូមិសាស្ត្រ​ស្រុកសណ្ដាន់ ដោយ​បានការពារទប់ស្កាត់មិនឱ្យមានការកាប់​ទន្រ្ទានជាថ្មី ហើយផ្ទៃដីដែលជនល្មើសបានកាប់ទន្ទ្រានរួច កងកម្លាំងចម្រុះ​ដែលមាន​ស្ថាប័នជំនាញពាក់ព័ន្ធកំពុងគ្រប់​គ្រង និងកសាងសំណុំរឿងអនុវត្តតាមនីតិវិធីច្បាប់ ។ ឯកឧត្ត ម៉ៅ សុផាន់ អគ្គមេបញ្ជាការរងនៃកងយោធពល​ខេមរភូមិន្ទ មេបញ្ជាការកងទ័ពជើងគោក កោតសរសើរ កងកម្លាំងចម្រុះ ដែលលទ្ធផលទទួលបានល្អ និងដាក់បទ​បញ្ជា​​ឱ្យការពារទប់ស្កាត់ និងបង្ក្រាបឱ្យខាងតែបាន ព្រមទាំង​ត្រូវវែកមុខរកជនល្មើស ដែលបានបំផ្លិចបំផ្លាញធនធាន​ធម្មជាតិ ទោះបីមានបុណ្យសក្តិ និងអំណាចប៉ុណ្ណាក៏ដោយ ដើម្បីចាត់ការតាមច្បាប់ ដោយគ្មាន​ការលើកលែងឡើយ ។លោកក៏ស្នើឱ្យក្រសួងស្ថាប័នពាក់ព័ន្ធ និងអាជ្ញាធរដែនដី​គ្រប់លំដាប់ថ្នាក់ រៀបចំការដាំដើមឈើនៅលើដី ដែលបាន​កាប់ទន្ទ្រានដោយខុសច្បាប់កន្លងមក…

កំពត៖​ ផ្លែឈើជាច្រើនមុខដូចជា ទុរេន មង្ឃុត សាវម៉ាវ ក្រូចថ្លុង ដូងក្រអូប ដែលជាផលិតផលក្នុងខេត្តកំពុងមានទីផ្សារល្អ​ ។ផល្លានុ​ផលទាំងនេះមានភ្ញៀវទេសចរជាតិ អន្តរជាតិទិញផ្ទាល់​នៅកន្លែងផង និងនាំចេញទៅកាន់បណ្ដាខេត្តនានាផង។សកម្មភាពរស់​រវើក​នេះត្រូវបានអ្នកលក់ដូរមើលឃើញថា អាស្រ័យដោយសារការអភិវឌ្ឍខេត្តបង្កើតការទាក់ទាញ និងការជំរុញការដាំដុះពីថ្នាក់ដឹកនាំខេត្តផង។ ប្រាប់ទូរទស្សន៍អប្សរាក្រុមអាជីវករផ្លែឈើក្នុងក្រុងកំពតបានបញ្ជាក់ថា ក្រោយឯកឧត្តម ម៉ៅ ធនិន អភិបាលខេត្តកំពត បាន​បង្កើតឱ្យមានតំបន់ទេសចរណ៍ និងកន្លែងកម្សាន្តស្អាតៗ បានធ្វើឱ្យកំណើនភ្ញៀវទេសចរមកសម្រាកកម្សាន្តកាន់តែច្រើន ហើយបានធ្វើឱ្យការលក់ដូររបស់ពួកគាត់ដាច់ជាងមុន។ ក្រុមអាជីវករបានបន្តថា ពីមុនក្នុងមួយថ្ងៃកន្លែងលក់ដូរផ្លែ​ឈើបោះដុំធំៗ ក្នុងមួយថ្ងៃលក់បានប្រមាណតែមួយតោន ទៅ ពីតោន​តែប៉ុណ្ណោះទាំងលក់រាយ និងលក់ដុំសម្រាប់ផ្លែទុរេន​កំពត តែក្រោយខេត្តកំពតមានសមិទ្ធផលទេសចរណ៍​ច្រើនកន្លែង ពិសេស​រូបសំណាក ត្រីសេះសមុទ្របាញ់ទឹក ពួកគាត់អាចលក់បានក្នុងមួយថ្ងៃពីបីទៅបួយតោន។ ចំណែកឯអាជីវករដែលលក់ផ្លែទុរេននៅតំបន់ត្រីសេះសមុទ្របាញ់ទឹកបានប្រាប់ថា កាលពីមុនក្នុងមួយថ្ងៃលក់បានពី១០ ទៅ ២០​គីឡូប៉ុណ្ណោះ តែសព្វថ្ងៃលក់បានចន្លោះពី៤០ ទៅ ៥០​គីឡូ​សម្រាប់ថ្ងៃចុងសប្តាហ៍។​រាល់ការលក់ដូរគឺពួកគាត់បង្ហាញ​ពីភាព​ស្មោះ​ត្រង់អំពីប្រភពនៃផ្លែឈើ ហើយរក្សាតម្លៃនៅ​សមរម្យទៅតាមការណែនាំរបស់ឯកឧត្តមអភិបាលខេត្តកំពត ដែលតម្រូវឱ្យអាជីវករ​ទាំងអស់ប្រើប្រាស់ភាពស្មោះត្រង់ជាមួយ​ភ្ញៀវទេសចរដែលមកលេងកម្សាន្តក្នុងខេត្ត។ ចំណែកក្រុមអាជីវករលក់ផ្លែដូងក្រអូប នៅតាមបណ្តោយ​ផ្លូវជាតិលេខ៣ កំពត-ភ្នំពេញ ឯណោះវិញនិយាយថា បច្ចុប្បន្ន​ការលក់​ដូររបស់ពួកគាត់មានការកើនឡើងគួរឱ្យកត់សម្គាល់ ។កាលពីមុនខេត្តកំពតមិនទាន់មានកន្លែងកម្សាន្ត និងរូប​សំណាក​​ត្រី​សេះ​សមុទ្របាញ់ទឹក ក្នុងមួយថ្ងៃពួកគាត់លក់ដូង​បានប្រមាណតែ៥០ ទៅ ៦០ផ្លែប៉ុណ្ណោះ តែឥឡូវខេត្តមានភ្ញៀវ​មកលេងកម្សាន្តច្រើន ពួកគាត់អាចលក់បានចន្លោះពី ១០០ផ្លែ ទៅ…