បាត់ដំបង៖ អង្គភាពច្រកចេញ-ចូលតែមួយ នៃរដ្ឋបាលខេត្ត​បាត់ដំបងនឹងមានអគារថ្មីសន្លាងនៅចុងឆ្នាំនេះ។ អគារនេះ​នឹងជំនួសអគារចាស់ដែលមានសភាព​ទ្រុឌទ្រោម​ដោយ​សាងសង់នៅក្នុងបរិវេណសាលាខេត្តបាត់ដំបង។ ពិធីបើកការដ្ឋានសាងសង់អគារថ្មី បានប្រារព្ធឡើងកាល​ពី​រសៀលថ្ងៃទី១៨ ខែមិថុនា ឆ្នាំ២០២៤ ក្រោមអធិបតីភាព​ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលខេត្តបាត់ដំបង ។ ប្រាប់ទូរទស្សន៍អប្សរា ,មន្ត្រីជំនាញទទួលការសាងសង់បាន​ឱ្យដឹងថា អគារថ្មីរបស់អង្គភាពច្រកចេញ-ចូលតែ​មួយ​សាលាខេត្ត មានបណ្តាយ២៥ម៉ែត្រ គុណនឹងទទឹង១០ម៉ែត្រ ,,កម្ពស់ពីរជាន់ស្មើនឹងកម្ពស់ប្រវែង ១៦,៣០ម៉ែត្រ។ ក្នុងនោះ​មានកន្លែង​រង់ចាំ​​,បន្ទប់ការិយាល័យចំនួន១០បន្ទប់,មាន​សាល​ប្រជុំតូច ចំនួនមួយ ដែលអាចផ្ទុកមនុស្សប្រជុំបានចំនួន​១២-១៥​នាក់ និងមានសាលប្រជុំធំចំនួនមួយ ដែលអាច​ផ្ទុកមនុស្សប្រជុំបានចំនួន ៧០-៨០នាក់។ រយៈពេលក្នុងការ​សាងសង់​គ្រោង​បញ្ចប់នៅ​ចុងឆ្នាំ២០២៤នេះ។ សូមជម្រាបថានៅក្នុងឆ្នាំ២០២៣កន្លងទៅអង្គភាពច្រកចេញ-ចូលតែមួយសាលាខេត្តបាត់ដំបង បានបម្រើនិងផ្តល់សេវា​សាធារណៈ​ជូនប្រជាពលរដ្ឋនៅក្នុងខេត្តលើវិស័យសំខាន់ៗ​ជាច្រើនបានប្រមាណជាងប្រាំម៉ឺន​សេវា។ ខណៈប្រាំខែនៅដើម​ឆ្នាំ២០២៤នេះ បានផ្តល់និងបម្រើសេវាបានជាងពីរម៉ឺន​សេវា​រួចមកហើយ។ អង្គភាពច្រកចេញ-ចូលតែមួយ ខេត្តបាត់ដំបង គឺជាកន្លែង​ប្រមូលផ្តុំការផ្តល់សេវារដ្ឋបាលលើគ្រប់វិស័យ ដែលរួមបញ្ចូល​ទាំង​សេវារដ្ឋបាល ដែលកំពុងផ្តល់ ដោយរដ្ឋបាលខេត្ត និង​សេវារដ្ឋបាលដែលកំពុងផ្តល់ដោយមន្ទីរអង្គភាពជំនាញនានាក្នុង​ខេត្ត នៅកន្លែងតែមួយ។ អង្គភាពនេះក៏មានតួនាទីផ្តល់សេវារដ្ឋបាលជូនប្រជាពលរដ្ឋក្នុងក្របខណ្ឌសមត្ថកិច្ចរបស់រដ្ឋបាលខេត្ត តាមនីតិវិធីសាមញ្ញ ប្រកបដោយមនសិការវិជ្ជាជីវៈ តម្លាភាព គណនេយ្យ និង អាច​ជឿទុកចិត្តបាន។ ក្នុងចង្កោមសេវារដ្ឋបាលដែលត្រូវបានផ្តល់ជូនប្រជាពលរដ្ឋចំនួន១៤វិស័យដូចជាការងារនីត្យានុកូលកម្ម​(ការបញ្ជាក់​លើឯកសារ​ការថតចម្លង), ការងាររដ្ឋបាល, វិស័យសុខា​ភិបាល,ទេសចរណ៍,សាធារណការ និងដឹកជញ្ជូន, វប្បធម៌…

បន្ទាយមានជ័យ៖គណៈប្រតិភូក្រុមប្រឹក្សាខេត្តបន្ទាយមានជ័យ​អាណត្តិទី៤ ដឹកនាំដោយលោក សុវណ្ណ សុភា សមាជិកក្រុម​ប្រឹក្សា​ខេត្ត​តំណាងឯកឧត្តម ប្លែក វ៉ារី ប្រធានក្រុមប្រឹក្សាខេត្តបា​នអញ្ជើញទៅចូលរួម”សន្និសីទភាពជាអ្នកដឹកនាំ ស្តីពីគ្រួសារ​សន្តិភាព”​ ​​​នៅខេត្តនគរាជសីមា ព្រះរាជាណាចក្រថៃឡង់ ។សន្និសីទរៀបចំឡើងដោយអង្គការ UPF ឥណ្ឌូចិនដែល​មាន​រយៈពេល​ប្រាំថ្ងៃ ចាប់​ពីថ្ងៃ១៨ ដល់ថ្ងៃ២២ ខែមិថុនា ឆ្នាំ​២០២៤។ លោក សុវណ្ណ សុភា បាននិយាយថា ដោយមានការសម្រប​សម្រួលពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងដោយ​មានការផ្តួចផ្តើមរៀបចំឡើងដោយអង្គការUPF ឥណ្ឌូចិននិងលោក ហាជីមិ សៃតុ (Hajime Saito)អនុ​ប្រធានសហព័ន្ធសន្តិភាព​សកលប្រចាំតំបន់អាស៊ីប៉ាស៊ីហ្វិក និងប្រទេសជប៉ុន ទើបគណៈប្រតិភូធ្វើដំណើរទៅចូលរួមបាន។ សូមជម្រាបថា គណៈប្រតិភូទៅចូលរួមនេះធ្វើដំណើររថយន្ត​ទេសចរណ៍ដែលមានចំងាយប្រមាណជាង២១៨គីឡូម៉ែត្រពីខេត្ត​បន្ទាយមានជ័យ៕​ ដោយ៖ ឃិន គន្ធា

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិ​ការសឹករងកំពង់ធំ អនុប្រធានអចិន្ត្រៃយ៍នៃ​គណៈ​កម្មការការពារ​គ្រប់គ្រង និងបង្ក្រាបបទល្មើសធនធាន ក្នុង​ភូមិសាស្ត្រខេត្តកំពង់ធំក្នុងសប្ដាហ៍នេះនាំយកអំណោយរបស់នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកង​យោធ​ពលខេមរភូមិន្ទ  មេបញ្ជាការ កងទ័ពជើងគោក ប្រគល់ជូនកង​កម្លាំងចម្រុះ ដែលកំពុងសហ​ប្រតិបត្តិការក្នុងភារកិច្ចគ្រប់គ្រង ការពារ ទប់ស្កាត់ និងបង្ក្រាបបទល្មើសធនធានធម្មជាតិចំនួន ពីរ​គោលដៅស្ថិតនៅក្នុងតំបន់​ព្រៃឡង់​ក្នុងភូមិសាស្ត្រស្រុក​សណ្តាន់ ខេត្តកំពង់ធំ  ។គោលដៅទី១ នៅតំបន់អូរឃ្មង និងគោលដៅទី២ នៅតំបន់ឃុំសុចិត្រ  ។ ក្នុងឱកាសនេះឧត្តមសេនីយ៍ទោ សោម ស៊ុន បានថ្លែងនូវការ​កោតសរសើរចំពោះកងកម្លាំងប្រដាប់អាវុធទាំងបី មន្ត្រីជំនាញ​ពាក់ព័ន្ធ និង​អាជ្ញាធរដែនដីគ្រប់លំដាប់ថ្នាក់ ដែលបាន​សហការ​គ្នាល្អ ចូលរួមក្នុងការការពារទប់ស្កាត់ និងបង្ក្រាប​បទល្មើស​ធនធានធម្មជាតិ ក្នុង​រយៈពេល៤៥ថ្ងៃកន្លងទៅ​នេះទទួលបានជោគជ័យគួរជាទីមោទនៈដោយគ្មានការកាប់បំផ្លាញជាថ្មី។ដោយឡែកចំពោះ​ការកាប់​ទន្ទ្រានក្នុងរយៈពេល​កន្លងទៅកងកម្លាំងចម្រុះ និងសមត្ថកិច្ចជំនាញបាននឹង​កំពុង​បន្តគ្រប់គ្រង និងស្រាវជ្រាវវែកមុខរកជនល្មើស ដើម្បីកសាង​សំណុំរឿងបញ្ជូនទៅតុលាការ អនុវត្តតាមនីតិវិធីច្បាប់​ជាធរមាន។ នៅក្នុងឱកាសនេះដែរមេបញ្ជាការតំបន់ប្រតិបត្តិការសឹករងកំពង់ធំបាននាំយកនូវស្បៀងអាហារគ្រឿងឧបភោគបរិភោគ    ភេសជ្ជៈ  ប្រេងឥន្ធនៈ  សម្ភារៈសម្រាប់បម្រើឲ្យវិទ្យុទាក់ទង  និងតង់កៅស៊ូតូច ធំ សម្រាប់ធ្វើជម្រកស្នាក់នៅបណ្តោះអាសន្ន ដែលជាអំណោយ​របស់នាយឧត្តមសេនីយ៍ ម៉ៅ សុផាន់៕ដោយ៖ប៊ុន រដ្ឋា

កំពង់ធំ៖សកម្មភាពលួចកាប់ទន្ទ្រានដីព្រៃឈើធ្វើជាកម្មសិទ្ធ​ដោយក្រុមជនល្មើសក្នុងភូមិសាស្ត្រព្រៃឡង់នៅតំបន់អូររកាយស្ថិត​ក្នុង​ឃុំសុចិត្រ ស្រុកសណ្ដាន់  ខេត្តកំពង់ធំ បានស្ងប់ស្ងាត់​មកវិញបន្ទាប់ពីរដ្ឋបាលខេត្ត គណៈបញ្ជាការឯកភាព​ខេត្ត​គណៈ​កម្មការ​គ្រប់គ្រង ការពារ និងបង្ក្រាបបទល្មើសធនធាន​ធម្មជាតិខេត្តកំពង់ធំ ដាក់កម្លាំងចម្រុះទៅបង្រ្កាប។ ទោះបីជាទំហំនៃការលបលួចកាប់ទន្រ្ទានមានទំហំមិនធំប៉ុន្មានក៏ដោយ ក៏ប៉ុន្តែប្រសិនមិនមានការទប់ស្កាត់ទាន់ពេលទេ​ទំហំ​នៃការកាប់ទន្រ្ទានដោយខុសច្បាប់នឹងមាន​ស្ថានភាព​អាក្រក់​ដូចករណីកើតឡើងនៅខេត្តដទៃដូចជាខេត្តពោធិសាត់ ខេត្តស្ទឹងត្រែង​ជាដើម។ លោក គង់ វ៉ាន់ មន្ត្រីបរិស្ថានខេត្តប្រចាំការការពារទប់ស្កាត់ និងបង្ក្រាបបទល្មើសធនធានធម្មជាតិ ជាមួយកងកម្លាំងចម្រុះ ប្រចាំការ​នៅតំបន់អូរឃ្មង និងត្រពាំងប្រើសបានបញ្ជាក់ថា តំបន់ដែលមានការកាប់បំផ្លាញនេះឈ្មោះហៅថា តំបន់​អូររកាយ ស្ថិតនៅក្នុង​ឃុំសុចិត ស្រុកសណ្ដាន់ ដែលមានផ្ទៃដី​ប្រមាណជាង១០ហិកតា។ ក្នុងនោះផ្ទៃដីដែលការកាប់​ទន្ទ្រាន​ថ្មី នៅក្នុងចន្លោះមុន​ពេល​ចូលឆ្នាំថ្មីប្រពៃណីខ្មែរ មុនពេល​កងកម្លាំងចម្រុះមិនទាន់មកបំពេញបេសកកម្មនាពេលកន្លងទៅប្រមាណជាងប្រាំមួយហិកតា។ ចំពោះផ្ទៃដីជាងបួន​ហិកតាទៀត ជាផ្ទៃដីដែលបានកាប់ទន្ទ្រានចាស់ ។ លោកបន្ថែមថា ការកាប់ទន្ទ្រាននាពេលកន្លងទៅជនល្មើស​តែង​ប្រព្រឹត្តនៅពេលយប់ ក្នុងពេលដែលកម្លាំងបរិស្ថានមាន​គ្នាតិចលំបាកក្នុងការធ្វើសកម្មភាពត្រួតពិនិត្យ។ ឧត្តមសេនីយ៍ទោ សោម ស៊ុន អនុប្រធានអចិន្ត្រៃយ៍គណៈ​កម្មការគ្រប់គ្រង ការពារ និងបង្ក្រាបបទល្មើសធនធានធម្មជាតិ​ខេត្តកំពង់ធំ ដឹកនាំកម្លាំងចម្រុះត្រួតពិនិត្យការកាប់ទន្ទ្រាន​ព្រៃឈើយកដីធ្វើកម្មសិទ្ធិ នៅតំបន់ព្រៃឡង់កាលពីថ្ងៃទី១៨ ខែមិថុនាបានកោតសរសើរដល់កម្លាំងចម្រុះ​ប្រចាំការ​ទប់ស្កាត់នៅទៅនោះ។ក្នុងនាមអនុប្រធានអចិន្ត្រៃយ៍​គណៈ​កម្មការការពារ គ្រប់គ្រង និងបង្ក្រាបបទ​ល្មើសធនធានធម្មជាតិ ខេត្តកំពង់ធំ លោកសោកស្ដាយចំពោះការបាត់បង់​នូវធនធាន​ធម្មជាតិ ដែលត្រូវរងការកាប់ទន្ទ្រាន​យកដីធ្វើ​ជាកម្មសិទ្ធិ​របស់ជនល្មើស ជាមួយនឹងការសោកស្តាយ លោកក៏បានណែ​នាំដល់មន្ត្រីជំនាញពាក់ព័ន្ធរួមជាមួយ​​​កង​កម្លាំង​ចម្រុះត្រូវ​គ្រប់គ្រងឲ្យបានល្អនូវផ្ទៃដីដែលបានកាប់ទន្ទ្រានយកដោយខុសច្បាប់ដែលបានប្រមូលមកវិញ  និងត្រូវស្រាវជ្រាវវែក​រកមុខ​សញ្ញាជនល្មើស ដើម្បីកសាងសំណុំរឿងបញ្ជូនទៅតុលាការ ផ្ដន្ទាទោសទៅតាមផ្លូវច្បាប់ដោយពុំមានការលើកលែង។ នៅកម្ពុជា បន្ទាប់ពីរដូវវស្សាបានបញ្ចប់ សកម្មភាពកាប់​ទន្រ្ទាន​ព្រៃឈើយកដីធ្វើកម្មសិទ្ធបានផ្ទុះឡើងនៅតំបន់ព្រៃជ្រៅ តំបន់​លំបាកក្នុងការធ្វើដំណើរ បង្កដោយជនខិលខូច​មួយ​ចំនួន​កៀរគរប្រជាជនឱ្យចូលរួមតាមរយៈការបោកប្រាស់ចែកជាដីធ្លី…

បាត់ដំបង៖មន្រ្តីនៃមន្ទីរសង្គមកិច្ច អតីតយុទ្ធជននិងយុវនីតិ​សម្បទា ខេត្តបាត់ដំបងបានរំលឹកពីវីរភាពដ៏អង់អាចក្លាហាន និងគុណ​បំណាច់ដ៏ធំធេងអតីតយុទ្ធជន ចំពោះជាតិមាតុភូមិ​និង​ប្រជាជនតាមរយៈការបូជាសាច់ស្រស់ ឈាមស្រស់ក្នុង​បុព្វហេតុរំដោះ​ប្រទេសជាតិឲ្យរួចចេញផុតពីរបបប្រល័យ​ពូជ​សាសន៍ ប៉ុល ពត  និងការនាំមកវិញនូវសុខសន្តិភាពដ៏ពេញ​លេញ។ រំលេចឱ្យឃើញពីឧបការគុណនេះបានធ្វើឡើង កាលពីថ្ងៃ​ទី១៩ ខែមិថុនា ឆ្នាំ២០២៤ ក្នុងឱកាសមន្ទីរសង្គមកិច្ច​រួម​ជាមួយ​សមាគម​អតីតយុទ្ធជនកម្ពុជាខេត្តបានប្រារព្ធពិធីអប​អរ​សាទរខួបលើកទី១៧ ទិវាអតីតយុទ្ធជនកម្ពុជា” ២១ មិថុនា ២០០៧-២១ មិថុនា ២០២៤” ។ លោក ភួង សិទ្ធិ ប្រធានមន្ទីរសង្គមកិច្ច អតីតយុទ្ធជន និង​យុវនីតិសម្បទា ខេត្តបាត់ដំបង បានប្រាប់ទូរទស្សន៍អប្សរាថា ការ​ប្រារព្ធ​ទិវាអតីតយុទ្ធជននេះ ដើម្បីផ្សព្វផ្សាយដល់ប្រជាជន​នៅ​ទូទាំងប្រទេសនិយាយជារួមនិងនិយាយដោយឡែក​ប្រជាពលរដ្ឋក្នុង​ខេត្ត​បាត់ដំបងយល់ដឹងកាន់ច្បាស់និងកាន់តែ​ទូលំទូលាយអំពីវិរភាពនៃអតីតយុទ្ធជនកម្ពុជា ។តាមរយៈ​ការផ្សព្វផ្សាយនេះនឹងបំផុស​នូវ​ចលនាចូលរួមគាំទ្រឲ្យកាន់តែ​ផុលផុស​ដល់អតីតយុទ្ធជនក្នុងការលើកកម្ពស់តួនាទី​របស់អតីតយុទ្ធជនក្នុងសង្គមនិង​​ជំរុញនូវ​ស្មារតី​ស្នេហាជាតិ ក្នុងស្រទាប់ប្រជាជននិងកងកម្លាំងប្រដាប់អាវុធ។ លោកប្រធានមន្ទីរបានបន្តថា រាជរដ្ឋាភិបាលកម្ពុជា បាន​យកចិត្តទុកដាក់យ៉ាងខ្លាំងដល់អតីត​យុទ្ធជន តាមរយៈការ​អនុវត្ត​គោល​នយោបាយជាតិចំពោះអតីតយុទ្ធជន និងការគិត​គូរដោះស្រាយជីវភាព ទាំងសម្ភារៈ ទាំងថវិកា។ បច្ចុប្បន្នខេត្តបាត់ដំបងមានអតីតយុទ្ធជនចំនួន១៤ ០១៦នាក់ ។ក្នុងនោះបានចុះឈ្មោះចូលជាសមាជិកសមាគមអតីត​យុទ្ធជន​កម្ពុជា​​ខេត្តចំនួន១១ ៦៩៩នាក់និងអ្នកក្នុងបន្ទុកចំនួន ១៩ ៤៣៩នាក់។ពួកគេស្ថិតនៅក្រោមការគ្រប់គ្រង របស់ សាខាមូលនិធិ​ជាតិជំនួយសង្គមខេត្តបាត់ដំបងដោយទទួល​របបគោលនយោបាយពីរដ្ឋ។ លោក ផេង សិទ្ធី អភិបាលរងខេត្ត និងជាអនុប្រធានកិត្តិយស​សមាគម​អតីតយុទ្ធជនកម្ពុជាខេត្តបាត់ដំបងបានណែនាំ ដល់​អាជ្ញាធរ​គ្រប់លំដាប់ថ្នាក់ជាពិសេសមន្រ្តីនគរបាល​ប៉ុស្តិ៍ត្រូវ​តាមដាននិងយកចិត្តទុកដាក់ចំពោះសុខទុក្ខរបស់បងប្អូនអតីតយុទ្ធជននៅគ្រប់ពេលពេលវេលា និងគ្រប់កាលៈទេសៈ…

កំពង់ធំ៖ម្ចាស់អាជីវកម្មទូកដ នៅភូមិឈូកស្ទឹង ឃុំឈូក ស្រុក​ប្រាសាទសំបូរ ខេត្តកំពង់ធំ ត្រូវបានទទួល​ការដាស់​តឿន​បន្ថែមទៀតពីអភិបាលខេត្តកំពង់ធំ បន្ទាប់ពីទូកចម្លងនៅទីនេះ​បានជួបឧបទ្ទវហេតុលិចទូកនៅពេលឆ្លងស្ទឹង​បណ្ដាលឱ្យក្មេង​ប្រុសជំទង់ម្នាក់​បាត់​បង់ជីវិត។ កាលពីព្រឹកថ្ងៃទី១៩ ខែមិថុនា ឆ្នាំ២០២៤ឯកឧត្តម ងួន រតនៈ អភិបាលខេត្តកំពង់ធំក្រុមការងារថ្នាក់ខេត្ត លោក ឃីម សុខឃាង អភិបាលស្រុកប្រាសាទសំបូរ និងលោកមេឃុំបាន​ចុះពិនិត្យទីតាំងទូកដចម្លងដែលបានជួបនូវរឿងរ៉ាវអាក្រក់កាលពីថ្ងៃទី៨ ខែមិថុនា បានបណ្ដាលឱ្យសិស្សសាលាអនុវិទ្យា​ល័យឈូកម្នាក់ឈ្មោះ អ៊ីន សុភ័ក្រ អាយុ ១៣ឆ្នាំរៀនថ្នាក់​ទី៧ មានទីលំនៅភូមិជាំបឹង ឃុំស្រើង ស្រុកប្រាសាទសំបូរ បាត់បង់ជីវិត ។ នៅទីនោះឯកឧត្តម ងួន រតនៈ បានជួបជាមួយនឹង​ក្មួយៗជា​សិស្សានុសិស្ស ។លោកបានណែនាំដល់ក្មួយៗ ថាត្រូវ​តែ​មានការប្រុង​ប្រយ័ត្ននៅ​ពេលឡើងទូក មិនត្រូវប្រឡែងគ្នានៅ​លើទូក ។ត្រូវពាក់អាវពោងសុវត្ថិភាពឱ្យបានត្រឹមត្រូវ ។សូម​ឱ្យក្មួយៗត្រូវរៀន​ហែលទឹក​ឱ្យបានគ្រប់ៗគ្នា។ សំដៅទៅលើអ្នកទទួលខុសត្រូវឯកឧត្តមអភិបាលខេត្តកំពង់ធំ បានណែនាំដល់ម្ចាស់អាជីវកម្មទូកដ​ត្រូវយកចិត្ត​ទុកដាក់អំពី​បញ្ហា​សុវត្ថិភាពជាចាំបាច់ ។ ត្រូវពិនិត្យមើលលក្ខណៈបច្ចេក​ទេសរបស់ទូកឱ្យបានជាប្រចាំ ហើយប្រសិនបើមានបងប្អូន​ប្រជាពលរដ្ឋ​មិនពាក់អាវពោងសុវត្ថិភាពគឺមិនត្រូវឱ្យ​គាត់​ឆ្លងឡើយ។ឯកឧត្តមអភិបាលខេត្តកំពង់ធំ បានលើកទឹក​ចិត្តដល់​អាជ្ញាធរ​មូលដ្ឋាន ត្រូវបង្កើតគណៈកម្មការដើម្បី​គ្រប់គ្រង និងថែក្សាទូកឱ្យបានច្បាស់លាស់ ។គណៈកម្មការ​ត្រូវមានភារកិច្ចត្រួត​ពិនិត្យដំណើរ​ការអាជីវកម្ម និងត្រួតពិនិត្យ​លើកិច្ចសន្យារបស់ម្ចាស់អាជីវកម្មទាំងអស់ និងត្រួតពិនិត្យ​ការថែរក្សាជួសជុល​ទូកផងដែរ។ ឯកឧត្តមបានបន្តថា ដោយមើលឃើញពីការលំបាករបស់​ប្រជាពលរដ្ឋ ក្មួយៗសិស្សានុសិស្សត្រូវឆ្លងស្ទឹងជារៀងរាល់ថ្ងៃ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា​ចក្រកម្ពុជា បានផ្ដល់ទូកដមួយគ្រឿងដែលមាន​លក្ខណៈ​សម្បត្តិត្រឹមត្រូវ តាមបទដ្ឋាន​បច្ចេកទេស…

(ខេត្តក្រចេះ)៖ សហគមន៍អេកូ-ទេសចរណ៍ធម្មជាតិកោះទ្រង់ គឺជាកោះមួយដែលស្ថិតនៅកណ្តាលទន្លេមេគង្គ ទល់មុខទីរួមខេត្តក្រចេះទិសខាងលិចប្រមាណ ១ គ.ម ។ កោះទ្រង់ជាសង្កាត់មួយក្នុងចំណោមសង្កាត់ទាំង៥ នៃក្រុងក្រចេះ ខេត្តក្រចេះ ។ កោះនេះមានភូមិចំនួន២ មានផ្ទៃដីសរុបទំហំ ២២៣ហិចតា មានប្រជាពលរដ្ឋភាគច្រើនជាកសិករ ពីព្រោះកោះនេះ ដីសម្បូរទៅដោយដីមានជីវជាតិ អំណោយផលដល់វិស័យកសិកម្ម។ កោះទ្រង់ជាតំបន់ដែលមានសក្តានុពលនៃវិស័យអេកូ-ទេសចរណ៍បែបធម្មជាតិមួយដ៏ត្រកាលក្នុងចំណោមតំបន់ជាច្រើនទៀតរបស់ខេត្តក្រចេះ។ កោះនេះមានឆ្នេរខ្សាច់អមដោយទឹកទន្លេថ្លាយង់នារដូវប្រាំង ដែលលាតសន្ធឹងតាមបណ្តោយកោះផ្នែកខាងកើត ទល់មុខនឹងទីរួមខេត្តក្រចេះ គួរជាទីគយគន់ និងការធ្វើដំណើរកំសាន្តដ៏មនោរម្យ របស់ភ្ញៀវទេសចរជាតិ និងអន្តរជាតិ ជាពិសេសគឺការស្រូបយកជំនោរដ៏បរិសុទ្ធពីធម្មជាតិ ។ កោះនេះមានបណ្តោយប្រមាណ ៤.៥ គ.ម ពីជើងទៅត្បូង ព័ទ្ធដោយផ្លូវលំមួយខ្សែប្រវែង ៩ គ.ម និងអមដងផ្លូវសម្បូរទៅដោយដើមក្រូចថ្លុង ដែលមានរស់ជាតិផ្អែមពីធម្មជាតិពិតៗ នៅចំកណ្តាលកោះមានបឹងចំនួន២ ដែលមានចំការបនែ្ល និងស្រែប្រាំង/វស្សាលាស់ខៀវខ្ចីស្ទើរគ្រប់រដូវកាល សហគមន៍អេកូទេសចរណ៍ធម្មជាតិ បង្កើតឡើងនៅថ្ងៃទី២៥ ខែឧសភា ឆ្នាំ២០០៨ ក្រោមការជួយសម្របសម្រួលពីមន្ទីរទេសចរណ៍ខេត្តក្រចេះ អង្គការកាហ្វដុក និងមានការគាំទ្រថវិកាពីអង្គការមូលនិធីអាស៊ី តាមរយៈអង្គការ អុកស្វាមអង់គ្លេស ។ សកម្មភាពទេសចរ ៖ សហគមន៍អេកូ-ទេសចរណ៍ធម្មជាតិកោះទ្រង់បានក្លាយជាភូមិស្អាត មានអនាម័យ និងបរិស្ថានល្អ…

(ភ្នំពេញ)៖ ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច បានទទួលស្វាគមន៍ និងពិភាក្សាការងារជាមួយ លោក WANG FENG និងលោក តាំង ម៉េងឆុង សហនាយកនៃវិទ្យាស្ថានខុងជឺ នៃរាជបណ្ឌិត្យសភាកម្ពុជា នាព្រឹកថ្ងៃទី១៩ ខែមិថុនា ឆ្នាំ២០២៤ នៅទីស្តីការក្រសួង អធិការកិច្ច ។ ឯកឧត្តមរដ្ឋមន្រ្តី បានសម្តែងក្ដីសោមនស្សរីករាយក្នុងការទទួលស្វាគមន៍ លោកសហនាយក មកកាន់ទីស្ដីការក្រសួង ដើម្បីជួបពិភាក្សាការងារនាថ្ងៃនេះ ព្រមទាំងបានកោតសរសើរ និងថ្លែងអំណរគុណយ៉ាងជ្រាលជ្រៅដល់វិទ្យាស្ថានខុងជឺនៃរាជ្យបណ្ឌិតសភាកម្ពុជា ចំពោះទំនាក់ទំនងនិងកិច្ចសហប្រតិបត្តិការដែលមានកន្លងមក ជាពិសេសការបណ្តុះបណ្តាលភាសាចិនជូនដល់មន្រ្តីរាជការចាប់តាំងពីឆ្នាំ២០១៧ រហូតមក ដែលភាសាចិនជាភាសាពេញនិយមសម្រាប់ប្រាស្រ័យទាក់ទងទីពីរនៅក្នុងពិភពលោកនាពេលបច្ចុប្បន្ន ។ ឯកឧត្តមរដ្ឋមន្រ្តី បានជម្រាបជូនអំពីបេសកកម្ម រចនាសម្ព័ន្ធរបស់ក្រសួង និងភាពចាំបាច់ក្នុងការប្តូរឈ្មោះពី « ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច» ទៅជា «ក្រសួងអធិការកិច្ច» ក្នុងគោលដៅឆ្លើយតប និងស្របទៅតាមកម្មវិធីនយោបាយរបស់ រាជរដ្ឋាភិបាលនីតិកាលទី៧ នៃរដ្ឋសភា និងយុទ្ធសាស្រ្តបញ្ចកោណ-ដំណាក់កាលទី១ ដែលបានដាក់ចេញដោយរាជរដ្ឋាភិបាលក្រោមការដឹកនាំដ៏ឈ្លាសវៃរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា ក្នុងសម័យប្រជុំពេញអង្គគណៈរដ្ឋមន្រ្តីដំបូង កាលថ្ងៃទី២៤…

(ភ្នំពេញ)៖ សម្ដេចធិបតី ហ៊ុន ម៉ាណែត និងឯកឧត្តម Lee Hsien Loong បានគូសបញ្ជាក់ថា កម្ពុជា និងសិង្ហបុរី មានសក្តានុពលក្នុងការពង្រីកកិច្ចសហប្រតិបត្តិការជាច្រើនបន្ថែមទៀតសម្រាប់ជាផលប្រយោជន៍នៃប្រទេសទាំងពីរ ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា និងឯកឧត្តម Lee Hsien Loong អតីតនាយករដ្ឋមន្ត្រី និងជាទេសរដ្ឋមន្ត្រី នៃសាធារណរដ្ឋសិង្ហបុរី បានបញ្ជាក់ដូច្នេះក្នុងជំនួបពិភាក្សាការងារ នៅរសៀល ថ្ងៃទី១៩ ខែមិថុនា ឆ្នាំ២០២៤ នាឱកាសនៃដំណើរទស្សនកិច្ចផ្លូវការ របស់សម្ដេចធិបតី នៅសាធារណរដ្ឋសិង្ហបុរី ពីថ្ងៃទី១៨-១៩ ខែមិថុនា ឆ្នាំ២០២៤ ។ ឯកឧត្តមទេសរដ្ឋមន្ត្រី បានសម្តែងនូវកិច្ចស្វាគមន៍ ចំពោះការអញ្ជើញបំពេញទស្សនកិច្ចផ្លូវការជាលើកទី១ ក្នុងនាមជានាយករដ្ឋមន្ត្រីរបស់សម្តេចធិបតី និងគណៈប្រតិភូជាន់ខ្ពស់កម្ពុជា នៅសាធារណរដ្ឋសិង្ហបុរី ព្រមទាំងបានបង្ហាញក្តីរីករាយ ដែលបានជួបជាមួយសម្តេចធិបតី ជាថ្មីម្តងទៀត បន្ទាប់ពីបានជំនួបពិភាក្សាគ្នានាពេលកន្លងមក ជាពិសេសក្នុងអំឡុងពេលកិច្ចប្រជុំកំពូលពិសេស អាស៊ាន-អូស្រ្តាលី នៅប្រទេសអូស្ត្រាលី កាលពីខែមីនា ឆ្នាំ២០២៤ ។ ឯកឧត្តមទេសរដ្ឋមន្ត្រី ក៏បានវាយតម្លៃខ្ពស់ចំពោះលទ្ធផល…