កំពង់ឆ្នាំង ៖ព្រះរាជពិធីច្រត់ព្រះនង្គ័លសាកល្បងបានធ្វើឡើងកាលពីព្រឹកថ្ងៃ​ទី១៣ ខែឧសភា ឆ្នាំ២០២៥ នៅទីលានព្រះ​ស្រែនាមុខសាលាខេត្តកំពង់ឆ្នាំង ស្ថិតនៅក្នុងភូមិឃ្លាំងប្រាក់ សង្កាត់ប្អេរ ក្រុង ខេត្តកំពង់ឆ្នាំង។ ព្រះរាជពិធីច្រត់ព្រះនង្គ័លសាកល្បងត្រូវបានប្រារព្ធដង្ហែចេញពីសាលាខេត្តកំពង់ឆ្នាំងចូលមកទីលានព្រះស្រែដែលមានទីតាំងនៅមុខសាលាខេត្ត ដោយឯកឧត្តម ស៊ុនសុវណ្ណារិទ្ធិ អភិបាលខេត្តកំពង់ឆ្នាំងជាស្ដេចមាឃ ចំណែកព្រះមេហួរ គឺលោក​ជំទាវ ផាត សុផានី ស៊ុនសុវណ្ណារិទ្ធិ ។ពិធីហាត់សមមានចំនួន ៣ គឺ នង្គ័លមុខ​ហៅថា នង្គ័លយោង, នង្គ័លកណ្ដាលកាន់​ដោយស្ដេចមាឃ និងនង្គ័លដើរក្រោយ​មួយ។ចំណែកមេហួ ដើរពីក្រោយនង្គ័លទាំង៣ហើយបាចពូជស្រូវទៅឆ្វេងទៅស្ដាំ ។ក្បួនហែរច្រត់ព្រះនង្គ័លនេះបានប្រព្រឹត្តទៅចំនួន ៣ ជុំ ព្រះស្រែ រួចមកឈប់នៅ​មុខរោងទិសបូព៌។បន្តមកទៀតក្រុម បរោហិត សូត្រអធិដ្ឋានរួចលែងគោ​ឧសុភ​រាជឱ្យទៅស៊ីរបស់ចំនួន ៧ មុខដែលរៀបចំតាំងនៅលើតុប្រាក់មុខព្រះពន្លា។ ព្រះរាជពិធីបុណ្យច្រត់ព្រះនង្គ័លនឹងប្រព្រឹត្តទៅជាផ្លូវការនៅថ្ងៃទី១៥ ខែឧសភា​ក្រោមព្រះរាជវត្តមានដ៏ខ្ពង់ខ្ពស់ព្រះករុណា​ព្រះមហាក្សត្រ​នៃព្រះរាជាណា​ចក្រ​កម្ពុជា៕ដោយ៖សុខ គឹមសៀន

កំពត៖រដ្ឋបាលខេត្តកំពតបានរៀបចំសិក្ខាសាលាមួយ នៅភូមិព្រៃធំ ឃុំអង្គសុភី ស្រុកកំពង់ត្រាច​ស្តីពីគម្រោង​រៀបចំ​​ប្លង់​គោល​ប្រើប្រាស់ដី និងផែនការប្រើប្រាស់​ដីស្រុកកំពង់ត្រាច ។សិក្ខាសាលានៅថ្ងៃទី១៣ ខែឧសភា ឆ្នាំ២០២៥​នេះដែរ​មានការគាំទ្របច្ចេកទេសពីក្រសួងរៀបចំដែនដី នគរូបនីយកម្មសំណង់ និងសុរិយោដី។ ឯកឧត្តមបណ្ឌិត ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់និងជាប្រធាន​ក្រុមការងារ រដ្ឋាភិបាលចុះមូលដ្ឋាន ស្រុកកំពង់ត្រាច ឯក ឧត្តម ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម​សំណង់ និងសុរិយោដី បានមានប្រសាសន៍ថា​សិក្ខាសាលស្តីពីគម្រោង​រៀបចំ​​ប្លង់​គោល​ប្រើប្រាស់ដី និងផែនការប្រើប្រាស់ដីស្រុកកំពង់ត្រាច ក៏ជាការឆ្លើយតប​ទៅនឹង ចក្ខុវិស័យរបស់រាជរដ្ឋាភិបាលដែលបានកំណត់​ថា​​កម្ពុជា​នឹងក្លាយទៅ​ជាប្រទេស​មានចំណូលមធ្យមកម្រិតទាប​នៅឆ្នាំ២០៣០ និងចំណូលមធ្យម​កម្រិតខ្ពស់នៅឆ្នាំ២០៥០ ៕ ដោយ៖ សិលា សារិន

(ភ្នំពេញ)៖ ក្រសួងបរិស្ថានបានចេញសេចក្តីប្រកាសព័ត៌មានមួយស្តីពីការរៀបចំ “ទិវាជីវៈចម្រុះអន្តរជាតិ ២២ ឧសភា ឆ្នាំ២០២៥ ក្រោមប្រធានបទ “សុខដុមនីយកម្មជាមួយធម្មជាតិនិងការអភិវឌ្ឍដោយចីរភាព – Harmony with Nature and Sustainable Development” ដែលនឹងប្រារព្ធឡើងនាថ្ងៃទី២១ ខែឧសភា ឆ្នាំ២០២៥ នៅ ស្រុកអូររាំងឪ ខេត្តត្បូងឃ្មុំ។ ពិធីនេះដែរនឹងមានការចូលរួមពីសំណាក់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព (ក.ជ.អ.ច.)។ គួរបញ្ជាក់ថាទិវាជីវៈចម្រុះអន្តរជាតិ ២២ ឧសភា ត្រូវបានរៀបចំឡើងក្នុងគោលបំណង៖ (១)ជំរុញការយល់ដឹង ជាសាធារណៈអំពីអព្យាក្រឹត្យភាពជីវៈចម្រុះ ចំពោះជីវិតទាំងអស់នៅលើផែនដី រួមទាំងបញ្ហាប្រឈមផ្នែក សេដ្ឋកិច្ច-សង្គម (២)ជំរុញការរៀបចំឱ្យបានលឿននៃយុទ្ធសាស្ត្រ និងផែនការសកម្មភាពជាតិស្តីពីជីវៈចម្រុះ (NBSAP) ស្របតាមគោលដៅនៃក្របខ័ណ្ឌការងារជីវៈចម្រុះសកល គួនមីង-ម៉ុងរ៉េអាល់ (KMGBF) និង បញ្ចូលទៅក្នុងយុទ្ធសាស្ត្រអភិវឌ្ឍន៍ប្រកបដោយចីរភាពជាតិ និង(៣)ពង្រឹងកិច្ចសហប្រតិបត្តិការរវាងបណ្តា ស្ថាប័ន អង្គការដៃគូជាតិ-អន្តរជាតិ និងអ្នកពាក់ព័ន្ធ សំដៅលើកកម្ពស់ការគ្រប់គ្រង និងការអភិរក្សជីវៈចម្រុះ នៅកម្ពុជា ឱ្យកាន់តែមានប្រសិទ្ធភាព ព្រមទាំងបង្ហាញពីសារៈសំខាន់នៃការចូលរួមអនុវត្តនៅគ្រប់កម្រិត ស្របតាមក្របខ័ណ្ឌកិច្ចសហប្រតិបត្តិការអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។…

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី១៣ ខែឧសភា ឆ្នាំ២០២៥នេះ បានសម្ពោធរោងជាងឌីជីថល និងបញ្ញាសិប្បនិម្មិត នៅវិទ្យាស្ថានជាតិពហុបច្ចេកទេសកម្ពុជា (NPIC) ក្រោមអធិបតីភាពឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម ZHAO HAIYAN (ចាវ ហាយយាន) អគ្គទីប្រឹក្សាទូតទទួលបន្ទុកកិច្ចការកុងស៊ុលប្រចាំនៅព្រះរាជាណាចក្រកម្ពុជា ថ្នាក់ដឹកនាំក្រុមហ៊ុន Jiangsu Huibo Robotics Technology រួមទាំងថ្នាក់ដឹកនាំសំខាន់ៗជាច្រើនទៀត។ ថ្លែងទៅកាន់អង្គពិធី ឯកឧត្តមរដ្ឋមន្ត្រី ហេង សួរ បានគូសបញ្ជាក់ថា សមិទ្ធផលរោងជាងឌីជីថល និងបញ្ញាសិប្បនិម្មិតនេះ នឹងធ្វើឱ្យយុវជនកម្ពុជា និយាយជារួម និងសិស្ស-និស្សិតដែលសិក្សានៅវិទ្យាស្ថាន NPIC និយាយដោយឡែក កាន់តែមានសមត្ថភាពជំនាញកាន់តែខ្ពស់បន្ថែមទៀត ដែលស្របទៅតាមតម្រូវការទីផ្សារការងារដែលកំពុងសម្បូរបែបក្នុងបរិបទបច្ចេកវិទ្យាទំនើបនាពេលបច្ចុប្បន្ន។ ការខិតខំបំពាក់បំប៉នដល់សិស្ស-និស្សិតកម្ពុជានូវជំនាញឌីជីថល និងបញ្ញាសិប្បនិម្មិតនេះដែរ ក៏ជាគន្លឹះសំខាន់មួយក្នុងការបង្កើនការទាក់ទាញវិនិយោគិនពីបរទេសឱ្យមកបណ្ដាក់ទុនវិនិយោគនៅកម្ពុជាផងដែរ។ ឯកឧត្តមរដ្ឋមន្ត្រីបានសង្កត់ធ្ងន់ថា៖ “ប្រសិនជាគ្មានការរីកចម្រើនផ្នែកធនធានមនុស្សជំនាញបច្ចេកទេសនិងវិជ្ជាជីវៈ និងផលិតភាពនោះទេ កម្ពុជាក៏មិនអាចពង្រីកឧត្តមភាពនៃការប្រកួតប្រជែងជាមួយបណ្ដាប្រទេសនានាក្នុងការទាក់ទាញគម្រោងវិនិយោគថ្មីៗនោះឡើយ”។ បើតាមឯកឧត្តមរដ្ឋមន្ត្រី ការអភិវឌ្ឍធនធានមនុស្ស គឺជានយោបាយសំខាន់មួយរបស់រាជរដ្ឋាភិបាលនីតិកាលទី៧ ក្រោមអាណត្តិដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា…

ភ្នំពេញ៖ សាកលវិទ្យាល័យពុទ្ធិសាស្ត្រនឹងរៀបចំពិព័រណ៍ជំនាញសិក្សាឆ្នាំ២០២៥ រយៈ​ពេល​បីថ្ងៃចាប់ពីថ្ងៃទី ២០-២១-២២ ខែឧសភា ឆ្នាំ២០២៥ជាមួយនឹង​ការរំពឹងថា អាចមានអ្នកចូលរួមជាងកន្លះម៉ឺននាក់ ដែលភាគច្រើនជា​សិស្ស​វិទ្យាល័យ​ថ្នាក់ទី១២។នេះបើតាមបទពិសោធន៍ដែល​ធ្លាប់​រៀបចំ​កន្លងមក។ ក្នុងកម្មវិធីដែលនឹងប្រារព្ធនៅពេលឆាប់ៗខាងមុខ បុគ្គលិក និស្សិត និង​សាស្ត្រាចារ្យនៃសាកលវិទ្យាល័យ បាន​ត្រៀម​រួច​ជាស្រេចក្នុងការស្វាគមន៍​ប្អូនៗសិស្សានុសិស្ស និងអ្នកចូលរួមទស្សនាយ៉ាងកក់ក្តៅ ហើយនឹង​បង្កើត បរិយាកាស​ដ៏​រំភើប​រីករាយដែលបង្ហាញពីភាពជោគជ័យរបស់សាកល​វិទ្យាល័យពុទ្ធិសាស្ត្រ។ សូមជម្រាបថា សាកលវិទ្យាល័យមានកម្មវិធីសិក្សាជាច្រើនរួមមាន វិទ្យាសាស្ត្រ​សុខាភិបាល (ទន្តវទនសាស្ត្រ វេជ្ជសាស្ត្រ ឱសថសាស្ត្រ គិលានុបដ្ឋាយិកា ឆ្មប បច្ចេកទេសមន្ទីរពិសោធន៍ ក៏ដូចជាជំនាញវិទ្យាសាស្ត្រព័ត៌មានវិទ្យា វិទ្យាសាស្ត្រ​ស្រាវជ្រាវ និងភាសាអង់គ្លេសផងដែរ។សាកលវិទ្យាល័យ ពុទ្ធិសាស្ត្រ ក៏មានឱសថ​ស្ថាន និងមន្ទីរពេទ្យបង្រៀន​ជំនាញ​ទន្តវទនសាស្ត្រធំជាងគេនៅព្រះរាជាណាចក្រ​កម្ពុជាផងដែរ។ សាកលវិទ្យាធិការសាកលវិទ្យាល័យពុទ្ធិសាស្ត្រ សាស្ត្រាចារ្យ អ៊ាន រ៉ូស បានមាន​ប្រសាសន៍ថា “យើងពិតជារំភើប​ក្នុង​ការ​រៀបចំកម្មវិធីពិព័រណ៍នេះឡើង និងចែក​រំលែកព័ត៌មានទៅកាន់អ្នកចូលរួមក្នុងកម្មវិធីនេះ ក៏ដូចជាការផ្តល់ជូន​វគ្គ​តម្រង់​ទិសទៅកាន់សិស្សានុសិស្សឱ្យបានជ្រាបពីកម្មវិធីសិក្សា ដែលមាននៅសាកល​វិទ្យាល័យ ពុទ្ធិសាស្ត្រ។” លោក​សាស្ត្រាចារ្យ​បន្ថែមថា “ព្រឹត្តិការណ៍នេះមាន​សារៈសំខាន់ក្នុង ការផ្តល់ជាព័ត៌មានដល់សិស្សវិទ្យាល័យ និងការអប់រំដែលចាំបាច់​ដើម្បីឱ្យ​សិស្សានុសិស្សទទួលបាន អាជីពដ៏ប្រសើរសម្រាប់ពួកគេនាពេល​អនាគត”។ អ្វីដែលជាចំណុចពិសេសមួយក្នុងចំណោមចំណុចពិសេសជាច្រើន ក្នុង​ព្រឹត្តិការណ៍​ពិព័រណ៍​ដ៏មានអត្ថប្រយោជន៍​រយៈ​ពេល​បីថ្ងៃនេះប្អូនៗសិស្សានុសិស្ស​ក៏មានឱកាសចូលរួមក្នុងការពិសោធន៍ផ្ទាល់ជាមួយនឹងសកម្មភាព​ជាច្រើនដែល​មានដាក់តាំង បង្ហាញក្នុងកម្មវិធីនេះផងដែរ។ សាកលវិទ្យាល័យពុទ្ធិសាស្ត្រ បានបញ្ចូលនូវកម្មវិធីស្ទែម (STEM)ក្នុងកម្មវិធីសិក្សា ដែលជំនាញនេះនឹងនាំឱ្យនិស្សិត​បញ្ចប់ការសិក្សា ទទួលបានការងារល្អប្រសើរ ជាមួយនឹងប្រាក់បៀរវត្សខ្ពស់។…

(ភ្នំពេញ)៖ ក្នុងជំនួបសម្តែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅវិមានសន្តិភាព នាព្រឹកថ្ងៃទី១៣ ខែឧសភា ឆ្នាំ២០២៥ គណៈប្រតិភូសមាគមឧស្សាហកម្មថ្នាំជក់កម្ពុជា (ATIC) ដឹកនាំដោយលោក Barros Figueira Miguel ប្រធានសមាគម ATIC បានអះអាងនឹងចូលរួមលេីកកម្ពស់ការយល់ដឹង អំពីផលិតផលថ្នាំជក់​ និងបារី ដល់ប្រជាពលរដ្ឋកម្ពុជា ។ លោកប្រធានសមាគម បានគោរពថ្លែងអំណរគុណយ៉ាងជ្រាលជ្រៅចំពោះ សម្ដេចបវរធិបតី ដែលបានអនុញ្ញាតឱ្យរូបលោក និងគណៈប្រតិភូសមាគម ចូលជួបសម្ដែងការគួរសម។ លោកប្រធានសមាគមបានគោរពរាយការណ៍ដោយសង្ខេបជូនសម្ដេចបវរធិបតី អំពីស្ថានភាព និងសកម្មភាពការងាររបស់សមាគម ATIC ដែលក្នុងរយៈពេលកន្លងមក ដែលបានចូលរួមចំណែកបង្កើតការងារក្នុងស្រុកបានជាង ៤៥០០ កន្លែង និងរួមចំណែក ដល់ការអភិវឌ្ឍសង្គម-សេដ្ឋកិច្ចនៅកម្ពុជា ។ លោកប្រធានសមាគម បានបន្តថា សមាគមក៏បានចូលរួមចំណែកក្នុង​ការងារសង្គមជាច្រេីនដូចជា​ ការផ្តល់ឧបករណ៍ទឹកស្អាត,​ ការផ្ដល់កុំព្យូទ័រ, សម្ភារបរិក្ខារ​ និង ការជួយដល់សហគមន៍ ជាដើម។ ក្រៅពីនេះ, លោកប្រធានសមាគម បានគូសបញ្ជាក់ ពីការគាំទ្រនូវរាល់គំនិតផ្ដួចផ្ដើមដែលបានដាក់ចេញដោយរាជរដ្ឋាភិបាលកម្ពុជា និងបានបង្ហាញបំណង សហការជាមួយក្រសួង…

(ភ្នំពេញ)៖ សហគមន៍កំពង់ប្រាក់ស្ថិតនៅស្រុកក្រគរ ខេត្តពោធិ៍សាត់គឺជាកន្លែងអភិរក្សជលផលធំលំដាប់ទី៣ នៅបឹងទន្លេសាប។ ទីកន្លែងនេះក៏ជាទីកន្លែងអភិរក្សត្រីមេពូជ ហើយបច្ចុប្បន្ន កំពុងតែ ស្តុកត្រីចម្រុះប្រមាណជា៣០០តោន សម្រាប់បន្តពូជ ដែលមានតម្លៃសេដ្ឋកិច្ចខ្ពស់ ជាពិសេស ត្រីប្រម៉ា ត្រីកេស ត្រីគល់រាំងដែលកំពុងទទួលរងគ្រោះនិងក៏ដូចជាត្រីត្រសក់ជាដើម។ កំពង់ប្រាក់ មានទំហំដី២ ៧០០ហិកតា គឺស្ថិតក្នុង ចំណោមកន្លែងអភិរក្សជលផលចំនួន៣១កន្លែង នៅលើបឹងទន្លេសាប ដែលមានផ្ទៃទំហំ ១ ១៥ ៤៤៦ហិកតា។កន្លែងអភិរក្សជលផលដ៏សំខាន់មួយកន្លែងនេះ មានបណ្តោយ ៧គីឡូម៉ែត្រ និងទទឹង ៣ គីឡូម៉ែត្រ ដោយលាតសន្ធឹងលើផ្ទៃទឹកជាប់ជាមួយភូមិចំនួន៣ ភូមិកំពង់ឡ ឃុំកំពង់ពោធិ៍ ភូមិអូរអាកល់ ឃុំអូរសណ្តាន់ និងភូមិកំពង់ប្រាក់ ឃុំស្នាអន្សារ ស្រុកក្រគរ ខេត្តពោធិ៍សាត់។ អនុប្រធាននាយកដ្ឋានអភិរក្សជលផល នៃរដ្ឋបាលជលផល លោក យូ ចន្ទប្រសិទ្ធបានបញ្ជាក់ប្រាប់ក្រុមប្រតិភូសហភាពអឺរ៉ុប អង្គការFAO និងក្រុមអ្នកសារព័ត៌មាន នៅក្នុងដំណើរទស្សនកិច្ចការអនុវត្តវិធី CAPFISH-Capture ក្នុងខេត្តពោធិ៍សាត់នាថ្មីៗមកនេះថាតំបន់អភិរក្សមួយកន្លែងនេះបានកិច្ចការពារយ៉ាងរឹងមាំដោយមានកងកម្លាំងការពារ២៤ម៉ោង ម្ល៉ោះហើយបច្ចុប្បន្នទីកន្លែងនេះបានក្លាយជាទីកន្លែងស្តុកត្រីដ៏សំខាន់។ដោយក្នុងនេះកំពង់ប្រាក់មានបង្គោលព្រំប្រទល់ចំនួន១៨កន្លែង និងមានកម្លាំងឈរជើងប្រចាំការជាប្រចាំក្នុងនោះរួមមាន មន្រ្តីជលផល អាវុធហត្ថ និងកងទ័ពជើងគោកយោធភូមិភាគ៥។ លោកបានប្រាប់ថានៅកំពុងប្រាក់អ្វីដែលពិសេសមួយទៀតនោះគឺ គេបានធ្វើទីជម្រកត្រី…

(ភ្នំពេញ)៖ រាជរដ្ឋាភិបាលបាននិងកំពុងដាក់ចេញនូវកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១លាន៥សែន ដែលជាកម្មវិធីអាទិភាពមួយធ្វើការបណ្តុះបណ្តាលដោយឥតគិតថ្លៃ ទៅដល់យុវជនមកពីគ្រួសារក្រីក្រ គ្រួសារងាយរងគ្រោះ ក៏ដូចជាបងប្អូនកម្មករនិយោជិក នៅតាមបណ្តារោងចក្រសហគ្រាស ដើម្បីធ្វើការពង្រឹងសមត្ថភាពរបស់ខ្លួនឱ្យមានជំនាញ។ ជាមួយគ្នានេះ វិស័យឯកជនក៏ត្រូវធ្វើការយកចិត្តទុកដាក់ខ្ពស់ ច្បាមឱ្យជាប់ឱកាសនេះ នៅក្នុងការជំរុញបង្កើនផលិតភាព ប្រសិទ្ធលទ្ធភាពបុគ្គលិករបស់ខ្លួន។ នេះគឺជាការលើកឡើង របស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជា្ជជីវៈ កាលពីថ្ងៃទី១២ ខែឧសភា ឆ្នាំ២០២៥ ក្នុងពិធីប្រារព្ធខួប២០ឆាំ្ននៃការបង្កើតវិទ្យាស្ថានជាតិពហុបច្ចេកទេសកម្ពុជា(NPIC) និងពិព័រណ៍ការងារលើកទី៤ឆ្នាំ២០២៥ ដែលធ្វើឡើងនៅទីតាំងវិទ្យាស្ថានផ្ទាល់ក្នុងរាជធានីភ្នំពេញ។ ឯកឧត្តម រដ្ឋមន្រ្តី គូសបញ្ជាក់ថា«វិស័យឯកជនត្រូវច្បាមយកឱកាស ដែលរាជរដ្ឋាភិបាលបានកម្ពុជាផ្តលនូវការបណ្តូះបណ្តាលដោយមិនគិតថ្លៃនេះ ដើម្បីជំរុញបុគ្គលិក កម្មកររបស់ខ្លួនមកធ្វើការរៀនឡើងវិញនូវជំនាញ ដើម្បីឱ្យចាំបាច់ដើម្បីឱ្យស្របទៅនិងខ្សែសង្វាក់ផលិតកម្ម ឬមួយឱកាសការងារនៅក្នុងគ្រឹះស្ថានរបស់ខ្លួនដោយមិនអស់ថ្លៃ ជាមួយនិងឱកាសដើម្បីជម្រុញនូវផលិតភាព ប្រសិទ្ធភាព ដែលធ្វើឱ្យរោងចក្រ សហគ្រាស របស់ខ្លួនកាន់តែអាច ប្រគួតប្រជែងជាមួយសហគ្រាសផ្សេងទៀតមកពីក្រៅប្រទេសផងដែរ»។ ឯកឧត្តម រដ្ឋមន្រ្តីក្រសួងការងារបន្ថែមថា ការដែលយកឱកា១លាន៥សែន គឺជាការជួយមួយរបស់រាជរដ្ឋាភិបាលកម្ពុជា នៅពេលដែលលទ្ធភាព ផលិតភាព ក៏ដូចជាសមត្ថភាពរបស់កម្មករនិយោជិក មានការកើនឡើង នោះនិងជួយកាត់បន្ថយថ្លៃដើមខ្សែសង្វាក់ផលិតកម្ម កាត់បន្ថយកំលាំងពលកម្ម និងពេលវេលាមួយចំនួន ហើយប្រើប្រាស់កំលាំងពលកម្មដែលនៅសល់នេះទៅបម្រើខ្សែសង្វាក់ផលិតកម្មថ្មីៗបន្ថែមទៀត ដែលនិងទទួលបានផ្លែផ្កាទាំងសំរាប់ក្រុមហ៊ុន…

អង្គបាត់ដំបង៖មិនខុសប្លែកពីឆ្នាំមុនៗដែរ រដ្ឋបាលខេត្តបាត់ដំបងបានប្រារព្វពិធី បុណ្យវិសាខបូជា និងរាប់បាត្រព្រះសង្ឃ ចំនួន ១ ០៦៨អង្គ នាបរិវេណ វត្តពោធិ៍វាល ក្រុងបាត់ដំបង។ ពិធីបុណ្យដ៏អធឹកអធមនេះ បានប្រព្រឹត្ត ទៅក្រោមវត្តមានចូលរួមពី ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលខេត្តបាត់ដំបង កាលពីព្រឹកថ្ងៃអាទិត្យទី១១ ខែឧសភា ឆ្នាំ២០២៥ ។ ក្នុងពិធីដ៏ធំនេះឯកឧត្តម សុខ លូ អភិបាលខេត្តបាត់ដំបងបានលើកឡើងថា ថ្វីត្បិតតែប្រទេសកម្ពុជាបានចែងនៅ ក្នុង រដ្ឋធម្មនុញ្ញ “ព្រះពុទ្ធសាសនា” គឺជា សាសនារបស់រដ្ឋក្តី ក៏ប៉ុន្តែប្រជាពលរដ្ឋមានសិទ្ធិ ក្នុងការគោរពនិង មានជំនឿ ជឿ លើសាសនាអ្វី ក៏បានដែរ។នៅកម្ពុជាមិនដែលមានអរិភាពផ្នែកសាសនាឡើយ។ភាពសុខដុមនីយកម្ម ផ្នែកសាសនា ការរីកចម្រើនក្នុងវិស័យពុទ្ធចក្រ និងអាណាចក្រ និងគ្រប់សាសនា គឺ ដោយសារប្រទេសកម្ពុជាមានសុខ សន្តិភាព ពេញលេញ និង ការអភិវឌ្ឍលើគ្រប់វិស័យ ក្រោមការដឹកនាំប្រកបដោយភាព ឈ្លាសវៃរបស់ សម្ដេចអគ្គមហាសេនា បតីតេជោ…

(ភ្នំពេញ)៖ នាព្រឹកថ្ងៃទី៩ ខែឧសភា ឆ្នាំ២០២៥ ឯកឧត្តម កែវ សុទ្ធិ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានជួបប្រជុំទ្វេភាគីជាមួយតំណាងក្រសួងសុខាភិបាល ដឹកនាំដោយ ឯកឧត្តមវេជ្ជបណ្ឌិត ម៉ៅ តាន់អ៊ាង អនុរដ្ឋលេខាធិការក្រសួងសុខាភិបាល ដើម្បីពិភាក្សានិងស្នើសុំផ្តល់ធាតុចូលលើសេចក្តីព្រាងយុទ្ធសាស្រ្តជាតិស្តីពីបញ្ញាសិប្បនិម្មិត នៅទីស្តីការក្រសួងប្រៃសណីយ៍និងទូរគមនាគមន៍។ នារសៀលថ្ងៃដដែលនេះ ឯកឧត្ដមរដ្ឋលេខាធិការ បានបន្តជួបប្រជុំជាមួយតំណាងក្រសួងទេសចរណ៍ ដឹកនាំដោយ លោក ចែម រ៉ាណែល អគ្គនាយករងក្រសួងទេសចរណ៍។ ក្នុងកិច្ចប្រជុំទាំងពីរ ក្រុមការងារក្រសួងប្រៃសណីយ៍និងទូរគមនាគមន៍ បានជម្រាបជូនតំណាងក្រសួងទាំងពីរអំពីមូលហេតុនិងសាវតារនៃការរៀបចំសេចក្ដីព្រាងយុទ្ធសាស្ត្រជាតិនេះ ព្រមទាំងបានធ្វើបទបង្ហាញអំពីខ្លឹមសារសេចក្ដីព្រាងជូនតំណាងក្រសួង។ តំណាងក្រសួងទាំងពីរបានគាំទ្រការរៀបចំសេចក្ដីព្រាងយុទ្ធសាស្ត្រជាតិនេះ និងបានផ្ដល់ព័ត៌មានសំខាន់ៗជាច្រើនអំពីអាទិភាពតាមវិស័យនិងសក្ដានុពលនៃការប្រើប្រាស់បញ្ញាសិប្បនិម្មិតនៅតាមវិស័យរៀងៗខ្លួន។ តំណាងក្រសួងនិងពិភាក្សាបន្តផ្ទៃក្នុងក្រសួង ហើយនឹងផ្ដល់ធាតុចូលជាលាយលក្ខណ៍អក្សរមកក្រសួងប្រៃសណីយ៍និងទូរគមនាគមន៍ ដើម្បីធ្វើឱ្យសេចក្តីព្រាងនេះកាន់តែមានភាពគ្រប់ជ្រុងជ្រោយនិងទិសដៅកាន់តែច្បាស់លាស់សម្រាប់ប្រែក្លាយចក្ខុវិស័យជាការពិតនិងកសាងប្រព័ន្ធអេកូឡូស៊ីបញ្ញាសិប្បនិម្មិតដ៏រស់រវើក សំដៅចូលរួមអភិវឌ្ឍសេដ្ឋកិច្ចនិងសង្គមកម្ពុជា៕ ដោយ ៖ ង៉ាន់ ទិត្យ