បន្ទាយមានជ័យ៖ផ្លូវលំមួយខ្សែប្រវែង៥០០ម៉ែត្រ ទទឹង៤ម៉ែត្រ ស្ថិត​នៅក្នុងភូមិជំទាវ ឃុំឬស្សីក្រោក ស្រុកមង្គលបូរី ខេត្ត​បន្ទាយ​​​មានជ័យ ត្រូវបានលោក ឆុំ ឆាន អភិបាលរងស្រុក​មង្គលបូរី រួមជាមួយអាជ្ញាធរភូមិ ឃុំ កងកម្លាំងអាវុធហត្ថស្រុក នគរបាលស្រុក និងមន្ត្រីជំនាញបានចុះវាស់វែងបើកផ្លូវ​ជូន​កាលពីថ្ងៃទី២ ខែមិថុនា ឆ្នាំ២០២៤។ ក្នុងឱកាសចុះពិនិត្យវាស់វែង លោកអភិបាលរងស្រុក​មង្គលបូរី​បាននិយាយថា ផ្លូវលំមួយខ្សែនេះ​ប្រជាពលរដ្ឋធ្លាប់សំណូមពរ​ដល់​អាជ្ញាធរស្រុក ហើយអាជ្ញាធរស្រុកក៏បានធ្លាប់បើកកិច្ចប្រជុំ​ដោះស្រាយផលប៉ះពាល់រួចម្ដងហើយ។ផ្លូវនេះ​ប្រជាពលរដ្ឋរស់​នៅនិងធ្វើឆ្លងកាត់ជាង ៣៥គ្រួសារ ។ជាផ្លូវចាស់យូរណាស់​មកហើយ។តាមរយៈផ្លូវមួយខ្សែនេះបង្កភាពងាយស្រួល​សម្រាប់​​ការធ្វើដំណើរចេញទៅប្រកបរបររកស៊ី។ បន្ទាប់ពីចុះវាស់វែងរួចមកអាជ្ញាធរស្រុកនិងក្រុមការងារបានដាក់គ្រឿងចក្រឈូសកៀរ​បើកផ្លូវតភ្ជាប់គ្នាឡើងវិញឱ្យ​ប្រជាពលរដ្ឋ​ធ្វើឮដំណើរជាបណ្ដោះអាសន្ន មុននឹងរៀបចំ​ជាផ្លូវ​មានលក្ខណៈពេញលេញ៕ដោយ៖ឃិន គន្ធា

(កំពង់ស្ពឺ)៖ ឯកឧត្តម នាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា ក្នុងនាមតំណាង ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានគូសបញ្ជាក់ថា ក្រសួងមហាផ្ទៃ បានយកចិត្តទុកដាក់ខ្ពស់ ក្នុងការពង្រឹងសត្ថភាពវិជ្ជាជីវៈកងកម្លាំងនគរបាលជាតិ ស្របតាមគោលនយោបាយរបស់រាជរដ្ឋាភិបាល ។ នាយឧត្តមសេនីយ៍ សាស្ត្រាចារ្យ ឯក មនោសែន បានថ្លែងដូច្នេះ ក្នុងឱកាសអញ្ជើញជាអធិបតីក្នុងពិធី បិទវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៨ លើកទី១ ដល់សិស្សនគរបាលជ័យលាភី សរុបចំនួន១៨៨នាក់នៅថ្ងៃទី៣ ខែមិថុនា ឆ្នាំ២០២៤ នៅសាលានគរបាលជាតិភូមិភាគ៣ ខេត្តកំពង់ស្ពឺ ។ លោកឧត្តមសេនីយ៍ទោ វៀក សុភាព នាយកសាលា បានរាយការណ៍សង្ខេបអំពីលទ្ធផលនៃការងារបណ្តុះបណ្តាលសាលានគរបាលជាតិភូមិភាគ៣ ក៏ដូចជាសាលានគរបាលជាតិ ភូមិភាគនានាដែរ បានដើរតួនាទីយ៉ាងសំខាន់ ក្នុងការចូលរួមចំណែកកសាងធនធានមនុស្ស ផ្នែកកងកម្លាំងនគរបាលជាតិ ជាពិសេស ការបណ្តុះបណ្តាលមន្ត្រី នគរបាលប៉ុស្តិ៍រដ្ឋបាល និងសិស្សនគរបាលក្របខណ្ឌថ្មីមកពីអង្គភាពចំនួន៦ រួមមាន៖ ស្នងការដ្ឋាននគរបាលខេត្ត កំពង់ស្ពឺ កំពត កោះកុង ព្រះសីហនុ…

(ភ្នំពេញ)៖ គណៈប្រតិភូព្រះសង្ឃអន្តរជាតិ មកពី១២ប្រទេស និមន្តនិងអញ្ជើញ ដល់ប្រទេសកម្ពុជាហើយ ដើម្បីចូលរួមក្នុងពិធីបុណ្យថ្វាយព្រះភ្លើង សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា នៅថ្ងៃចន្ទទី៣ ខែមិថុនា ឆ្នាំ២០២៤ស្អែកនេះ។ ប្រតិភូព្រះសង្ឃអន្តរជាតិ មកពី១២ប្រទេស ដើម្បីនិមន្តចូលរួមព្រះរាជពិធីបុណ្យទក្ខិណានុប្បទាន ថ្វាយព្រះភ្លើងព្រះបរមសព អភិសេកព្រះបរមអដ្ឋិ និងឆាកមហាបង្សុកូល ខួបគម្រប់១០០ថ្ងៃ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា មានដូចជា៖ ១. គណៈប្រតិភូព្រះសង្ឃខ្មែរសហរដ្ឋអាមេរិកមាន ៦ រូប ។ ២. គណៈប្រតិភូប្រទេសឥណ្ឌូណេស៊ីមានចំនួន២រូប ។ ៣. គណៈប្រតិភូប្រទេសមីយ៉ាន់ម៉ាមានចំនួន ៤ រូប ។ ៤.គណៈប្រតិភូប្រទេសម៉ុងហ្គោលមានចំនួន ២ រូប ។ ៥. គណៈប្រតិភូប្រទេសវៀតណាមមានចំនួន ៣ រូប ។ ៦. គណៈប្រតិភូប្រទេសស្រីលង្កាមានចំនួន ៣ រូប…

(ភ្នំពេញ)៖ ទីបំផុតបានរកឃើញក្រុមដែលបានឈ្នះក្នុងការប្រឡងចម្រៀងជាពួកអន្តរជាតិលើកទី១ ឆ្នាំ២០២៤ ក្រោមពាក្យស្លោក៖ «ចម្រៀង និងស្នាមញញឹម ភ្នំពេញចែងចាំង»ដោយក្រោយពីការប្រកួតស្វិតស្វា្ញញនោះគឺបានទៅក្រុម Gita Suara Choir ISBI Bandung មកពីប្រទេសឥណ្ឌូនេស៊ី។ ពិធីប្រកាសនេះបានធ្វើឡើងនៅវិទ្យាស្ថានបច្ចេកវិទ្យាកម្ពុជា (ITC) កាលពីល្ងាចថ្ងៃទី០១ ខែ មិថុនា ឆ្នាំ ២០២៤ក្រោយការប្រឡងរយៈពេល៤ថ្ងៃចាប់ពីថ្ងៃទី ២៩ ខែឧសភា ដល់ថ្ងៃទី ១ ខែមិថុនា ឆ្នាំ២០២៤រួចមក។ពិធីនេះបានធ្វើឡើងក្រោមអធិបតីភាព ឯកឧត្តម ហ៊ឺ វីរៈ រដ្ឋលេខាធិការនៃក្រសួងវប្បធម៌ និងវិចិត្រសិល្បៈ។ លោក Jacques Guichandut ដែលជាស្ថាបនិក និងនាយកគ្រប់គ្រងនៃក្រុមហ៊ុន All Dreams Cambodia បានបញ្ជាក់ថាការរៀបចំកម្មវិធីនៃការប្រកួតចម្រៀងជាពួកអន្តរជាតិលើកទី១ នៅរាជធានីភ្នំពេញ ឆ្នាំ២០២៤ ដោយផ្សារភ្ជាប់តន្ត្រី និងការចូលរួមចំណែកក្នុងការបណ្តុះស្មារតីចូលរួមគិតគូរដល់វិស័យបរិស្ថាន និងវិស័យអំណាន ដែលជាចំណែកមួយយ៉ាងសំខាន់ ក្នុងការចូលរួមអភិវឌ្ឍន៍ប្រកបដោយចិរភាព។ សូមបញ្ជាក់ថាក្នុងពិធីនេះគេបានប្រកាសផ្តល់វិញ្ញាបនប័ត្រដល់ក្រុមចម្រៀងជាពួកអន្តរជាតិ ដែលមកពីបណ្តាប្រទេសនានា រួមមានកម្ពុជា ឥណ្ឌូនេស៊ី ម៉ាឡេស៊ី និងថៃ ។ គ្រប់ក្រុមចម្រៀងជាពួកត្រូវបានគេចាត់វាយតម្លៃថាពោរពេញទៅដោយសមត្ថភាព…

(ភ្នំពេញ)៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចូលរួមពិធីសមាធិ យោគៈ និងវនយាត្រា ក្នុងបរិវេណប្រាសាទអង្គរវត្ត និងសួនរក្ខជាតិអង្គរ ក្នុងឱកាសបើកយុទ្ធនាការ «១ម៉ុឺនរៀល ១ម៉ឺននាក់» ដើម្បីកៀរគរថវិកាជួយដល់កុមារកម្ពុជា នាព្រឹកថ្ងៃទី២ ខែ មិថុនា ២០២៤ ។ លោកជំទាវបណ្ឌិត បានលើកទ្បើងថា ការធ្វើសមាធិ និងវនយាត្រានេះ គឺដើម្បីមានអារម្មណ៍ស្រស់ថ្លា និងសុខភាពល្អ ទាំងផ្លូវកាយ និងផ្លូវចិត្ត ហើយម្យ៉ាងទៀតការធ្វើវិបសនានៅក្នុងបរិវេណប្រាសាទអង្គរវត្ត ដែលជាទីគោរពសក្ការបូជារបស់កម្ពុជាយើងនេះ គឺដើម្បីសុំសេចក្តីសុខ សេចក្តីចម្រើន ដល់ប្រទេសជាតិផង និងប្រជាជនផង ជាពិសេសកុមារតូចៗ ឱ្យចៀសផុតពីជំងឺដង្កាត់ផ្សេងៗ ។ បន្ទាប់ពីពិធីសមាធិ និងយោគៈ លោកជំទាវបណ្ឌិត បានដឹកនាំក្រុមការងារដើរចង្រ្កមភាវនា ក្នុងបរិវេណប្រសាទអង្គរវត្ត និងវនយាត្រាក្នុងសួនរុក្ខជាតិអង្គរ ដើម្បីទស្សនាព្រៃប្រឹក្សា និងជីវៈចម្រុះនៅទីនោះ ៕ ដោយ ៖ វណ្ណលុក