កំពង់ឆ្នាំង៖មានកិច្ចប្រជុំពិភាក្សា ការចែករំលែកបទពិសោធន៍​មូលដ្ឋានគ្រឹះនៃការសរសេរព័ត៌មានបែបសន្តិភាព​បាន​ប្រារព្ធ​នៅ​មន្ទីរ​ព័ត៌មានខេត្តកំពង់ឆ្នាំង កាលពីព្រឹកថ្ងៃទី២៩ ខែឧសភា ឆ្នាំ២០២៤ ដោយមានអ្នកសារព័ត៌មាន និងមន្ត្រី​មន្ទីរ​ព័ត៌មានខេត្តប្រមាណ១០០នាក់ចូលរួម។ ក្នុងឱកាសនេះឯកឧត្តម ពេញ យ៉ាត អនុរដ្ឋលេខាធិការ​ក្រសួងព័ត៌មានលើកឡើងពីសមិទ្ធផលរយៈពេលប្រាំបួនខែរបស់រាជរដ្ឋាភិបាល ។លោកក៏បានគូសបញ្ជាក់អំពីតួនាទី​របស់​អ្នកសារព័ត៌មាននិងសំណូមពរដល់អ្នកសារព័ត៌មានទាំងដែលបំពេញការងារនៅខេត្តកំពង់ឆ្នាំងទាំងមូលសូមគោរព​ឱ្យបាន​នូវក្រមសីលធម៌វិជ្ជាជីវៈ ។ពិសេសសូមចូលរួម​ផ្សព្វផ្សាយអប់រំ​ប្រឆាំងគ្រឿងញៀន និងការអនុវត្តភូមិ ឃុំមានសុវត្ថិភាព។ លោក ហ៊ឹង ចូច អនុប្រធានមន្ទីរព័ត៌មានខេត្តកំពង់ឆ្នាំង​លើកឡើងថា សំណូមពរដល់​អ្នកសារព័ត៌មានកាត់បន្ថយ​ការចុះផ្សាយ​ព័ត៌មានបែបហិង្សា ញុះញង់ បញ្ឆេះកំហឹង ។ពិសេសបន្តចូលរួមអនុវត្តការផ្តល់ព័ត៌មាន ទាំងខ្លឹមសារអត្ថបទ​និងរូបភាព បែប សន្តិភាព អហិង្សា ក្នុងស្មារតីធ្វើឱ្យសង្គមជាតិ​កាន់តែទទួលបានសុខសន្តិភាព និងការអភិវឌ្ឍ។ ចំណែក​លោកស្រី ស្រី សុធាវី នាយិកាអង្គការ ក្រុមការងារដើ​ម្បីដោះស្រាយទំនាស់ (ក.ជ.ទ) ថ្លែងថា កិច្ចពិភាក្សាដែលបាន​រៀបចំឡើងនៅពេលនេះមិនត្រឹមតែអាចពង្រឹងការអនុវត្តការងារ ប្រព័ន្ធផ្សព្វផ្សាយវិស័យព័ត៌មានប៉ុណ្ណោះទេ ប៉ុន្តែថែមទាំង​ផ្តល់ឱកាស ដល់មន្ត្រីផ្សព្វផ្សាយនៃមន្ទីរព័ត៌មាន អ្នកសារព័ត៌​មាន បានយល់ដឹងបន្ថែមទៀតពី វិជ្ជាជីវៈ ក្រមសីលធម៌ និង​សេរីភាព​សារព័ត៌មាន ព្រមទាំងទទួលបានបទពិសោធន៍ និងបានពិភាក្សាគ្នាពីបញ្ហាប្រឈមនានាក្នុងពេលបំពេញការងារ របស់អ្នកសារព័ត៌​មាន ដើម្បីរួមគ្នាស្វែងរកដំណោះស្រាយ។ តាមរយៈកិច្ចពិភាក្សាក៏បានអំពាវនាវដល់អ្នកសារព័ត៌មានសូមចូលរួមប្រឆាំងនឹងព័ត៌មានក្លែងក្លាយដែលបច្ចុប្បន្នកំពុងតែកើតមានឡើងជាច្រើនលើបណ្ដាញសង្គមផងដែរ ៕ដោយ៖សុខ គឹមសៀន

ភ្នំពេញ៖ សាកលវិទ្យាល័យចំនួន១៧ និងក្រុមហ៊ុន Smart Axiata ព្រមទាំង Impact Hub Phnom Penh (IHPP) នៅថ្ងៃទី២៨ ខែឧសភា ឆ្នាំ២០២៤ បានចុះអនុស្សរណៈនៃការយោគយល់ សម្រាប់កម្មវិធី SmartStart Unipreneur Learning Platform (ULP) ដើម្បីបន្តវគ្គបណ្ដុះបណ្ដាលសហគ្រិនភាពតាមឌីជីថល និងភាពជាអ្នកដឹកនាំនៅកម្ពុជា ដល់ សិស្ស-និស្សិតនៅតាមបណ្តាសាកលវិទ្យាល័យជាដៃគូ ឱ្យទទួលបាននូវការបណ្ដុះបណ្ដាលផ្នែកសហគ្រិនភាពបន្ថែមពីលើមុខជំនាញដែលកំពុងសិក្សា។ ថ្លែងក្នុងពិធីនេះ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា សិស្ស-និស្សិតនៅតាមបណ្តាសាកលវិទ្យាល័យជាដៃគូ នឹងទទួលបានការបណ្ដុះបណ្ដាលផ្នែកសហគ្រិនភាពបន្ថែមពីលើមុខជំនាញដែលកំពុងសិក្សា តាមរយៈការប្រើប្រាស់វិធីសាស្រ្តសិក្សាតាមបែបចម្រុះ និងការអនុវត្តគម្រោងផ្ទាល់ ជាពិសេសការបណ្តុះគំនិតអាជីវកម្មថ្មីៗ ឆ្លើយតបនឹងតម្រូវការផ្នែកបច្ចេកវិទ្យា សហគ្រិនភាព និងនវានុវត្តន៍។ ជាមួយគ្នានេះ ឯកឧត្តម ហង់ជួន ណារ៉ុន បានវាយតម្លៃខ្ពស់ចំពោះកម្មវិធីលើកកម្ពស់សហគ្រិនភាព និងបានថ្លែងថា ការសិក្សាលើជំនាញបច្ចេកវិទ្យាឌីជីថល និងភាពជាអ្នកដឹកនាំ មានសារៈសំខាន់ខ្លាំងណាស់ ដោយពួកគាត់អាចរៀនពីរបៀបបង្កើតឌីជីថល ដើម្បីឆ្លើយតបទៅនឹងអាជីវកម្មគំរូថ្មីៗ ក៏ដូចជាសម្រាប់អ្នកដែលទើបចាប់ផ្តើមអាជីវកម្មថ្មី។…

ពោធិ៍សាត់៖រដ្ឋបាលខេត្ត សហការជាមួយស្នងការដ្ឋាន​នគរ​បាល​ខេត្ត បានរៀបចំសិក្ខាសាលាផ្សព្វផ្សាយច្បាប់​ស្ដីពីអត្រា​នុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណ​កម្ម ជូន​ដល់​មន្ទីរ អង្គភាពពាក់ព័ន្ធជុំវិញខេត្ត និងរដ្ឋបាល ក្រុង ស្រុក ឃុំ សង្កាត់ ដើម្បីឱ្យ​ការអនុវត្តច្បាប់កាន់តែមាន​ប្រសិទ្ធភាព​ ។សិក្ខាសាលាបានប្រព្រឹត្តទៅនៅសាលប្រជុំក្រុមប្រឹក្សាខេត្តពោធិ៍សាត់ កាល​ព្រឹកថ្ងៃទី​២៩​ខែឧសភា ឆ្នាំ២០២៤។ លោក ហៀម ឃួន អភិបាលរងតំណាងឯកឧត្តមអភិបាលខេត្ត មានប្រសាសន៍ថា អត្រានុកូលដ្ឋាន ស្ថិតិអត្រានុកូលដ្ឋាន និង​អត្ត​សញ្ញាណកម្មមានសារៈសំខាន់សម្រាប់អ្នកអនុវត្ត។ពិសេស​ចំពោះប្រតិបត្តិករនៅថ្នាក់ក្រោមជាតិ។ លោកបន្តថា ជាកត់​សម្គាល់​​កន្លងមកប្រជាពលរដ្ឋមួយចំនួនជួបបញ្ហាលើ​កំហុស​ទិន្នន័យអត្តសញ្ញាណរបស់ខ្លួន នៅក្នុងគល់បញ្ជីអត្រានុ​កូល​ដ្ឋាន និងសំបុត្រ​អត្រានុកូលដ្ឋាន ជាមួយឯកសារអត្តសញ្ញាណ​ដទៃទៀត។ ទន្ទឹមនឹងនេះប្រជាពលរដ្ឋខ្លះ បានចុះបញ្ជីអត្រា​នុកូលដ្ឋាន​ប្រភេទតែ​មួយ​​លើសពីមួយដង ដែលជាហេតុធ្វើឱ្យ​គាត់ជួបការលំបាក ក្នុងការស្នើសុំសេវាផ្សេងៗ។ លោកអភិបាលរងខេត្តបន្តថា ដោយយល់ឃើញពីសារៈ​ប្រយោជន៍ និងសេចក្ដីត្រូវការជាបន្ទាន់នៃអត្រានុកូល​ដ្ឋាន ទើប​រាជរដ្ឋា​ភិបាលបានដាក់ចេញនូវអនុក្រឹត្យ និងលិខិត​បទដ្ឋានគតិយុត្តជាបន្តបន្ទាប់ ដើម្បីជួយសម្រួលដល់ប្រជា​ពលរដ្ឋ​ឱ្យទទួលបាន​សេវាកែ​តម្រូវទិន្នន័យ ក្នុងបញ្ជីអត្រា​នុកូលដ្ឋាន ពីអគ្គនាយកដ្ឋានអត្តសញ្ញាណកម្មក្រសួង​មហាផ្ទៃ។ ឧត្តមសេនីយ៍ឯក សុក្រិត្យ ថនឥស្សារ៉ា អគ្គនាយករងតំណាង​ឯកឧត្តមអគ្គនាយកនៃអគ្គនាយកដ្ឋានអត្តសញ្ញាណកម្ម ក្រសួង​មហាផ្ទៃ បានផ្ដាំផ្ញើដល់សិក្ខាកាមទាំងអស់ សូមផ្ដោត​ការ​យកចិត្តទុកដាក់ ស្ដាប់នូវបទបង្ហាញ អំពីខ្លឹមសារ​សំខាន់ៗ​ដែល​គ្រូឧទ្ទេស​បង្ហាញជូន ព្រមទាំងលើកជាសំណួរនិង​ចម្ងល់​ផ្សេងៗឱ្យបានផុលផុស ដើម្បីឱ្យសិក្ខាសាលាទទួលបាន​លទ្ធផល​ល្អដូចការគ្រោងទុក ជាមូលដ្ឋានសម្រាប់យក​ទៅ​អនុវត្តក្នុងការចុះបញ្ជីអត្តសញ្ញាណកម្មផ្សេងៗ  ក្នុងដែន​សមត្ថកិច្ច​របស់ខ្លួន ស្របតាមច្បាប់ថ្មី៕ដោយ៖ចេង…

បន្ទាយមានជ័យ៖សិក្ខាសាលាលើកកម្ពស់សិទ្ធិ តួនាទីនិង​តម្លៃស្ត្រីក្នុងវិស័យទេសចរណ៍បានធ្វើឡើងកាលពីព្រឹកថ្ងៃទី២៨ ខែឧសភា ឆ្នាំ២០២៤ នៅសាលប្រជុំសាលាខេត្ត​បន្ទាយ​មានជ័យ។សិក្ខាកាមចូលរួមភាគច្រើនជាស្ត្រីមក​ពីសេវាកម្សាន្ត ។ ថ្លែងទៅកាន់សិក្ខាកាម លោកជំទាវ ហ៊ុន ដានី រដ្ឋលេខាធិការ​ក្រសួងទេសចរណ៍បាន​លើកទឹកចិត្តដល់ស្ត្រីត្រូវចេះឱ្យ​តម្លៃ​ខ្លួនឯង និងត្រូវមានជំនឿ​ជាក់​​លើសមត្ថភាពរបស់ខ្លួន។ស្រី្តក៏ត្រូវចេះក្ដាប់យកឱកាស ខណៈបច្ចុប្បន្នសម្ដេចធិបតី ហ៊ុន ម៉ាណែត នាយករដ្ឋមន្រ្តី​កម្ពុជា​​បាន​យក​ចិត្តទុកដាក់លើក​កម្ពស់​សិទ្ធិនិងបានផ្ដល់អាទិភាពស្ត្រី ទទួលតំណែងក្នុង​ស្ថាប័នរដ្ឋ។ដោយឡែក ក្រសួងទេសចរណ៍តែងបាន​លើក​កម្ពស់សិទ្ធិ តួនាទី តម្លៃស្ត្រី និងបង្កើនភាពអង់​អាច​ដល់ស្ត្រី ដែលជាមន្ត្រីរាជការក្នុងក្របខ័ណ្ឌ ក្រសួង និងស្ត្រី​ដែលប្រកប​មុខរបរក្នុងឧស្សាហកម្មទេសចរណ៍​ប្រកបដោយចីរភាព និងបរិយាបន្ន។ ទាក់ទងនឹងសិក្ខាសាលាលោកជំទាវបន្តថា នេះគឺការ​លើក​ទឹក​ចិត្តនិងផ្ដល់ឱកាសការងារដល់ស្ត្រីក្នុងវិស័យទេសចរណ៍។ស្ត្រីគឺជាកម្លាំងចលករដ៏មានសក្តានុពល និងជាភាគីពាក់ព័ន្ធ​មិនអាចខ្វះបាន ដែលបានចូលរួមចំណែកយ៉ាងសកម្ម​នៅក្នុងការ​លើកស្ទួយកម្រិតជីវភាពគ្រួសារ សហគមន៍ និងសង្គម-សេដ្ឋកិច្ច៕អត្ថបទនិងរូបភាព៖ គៀន ច័ន្ទហ៊ីន

លំហាត់ «ប្រតិបត្តិការរំដោះចំណាប់ខ្មាំងពីក្រុមភេរវករចាប់ជំរិតនាវាដឹកទំនិញ» ត្រូវគេចាត់ទុកថា ជាការហ្វឹកហ្វឺនលើកដំបូងលើផ្ទៃទឹក ប្រកបដោយជោគជ័យ ដោយកម្លាំងកងទ័ពកម្ពុជា និងកម្លាំងកងទ័ពរំដោះប្រជាជនចិន។ តើលំហាត់ «ប្រតិបត្តិការរំដោះចំណាប់ខ្មាំងពីក្រុមភេរវករចាប់ជំរិតនាវាដឹកទំនិញ» មានទិដ្ឋភាពជាក់ស្តែងយ៉ាងណា? សូមទស្សនាសេចក្តីរាយការណ៍

ភ្នំពេញ៖ ឧត្តមសេនីយ៍ទោ សោម ស៊ុន អនុប្រធានអចិន្ត្រៃយ៍គណៈកម្មការគ្រប់គ្រងការពារធនធានធម្មជាតិ អនុប្រធាន គណៈបញ្ជាការឯកភាព រដ្ឋបាលខេត្តកំពង់ធំ ចុះពិនិត្យសកម្មភាព កាប់បំផ្លាញធនធានធម្មជាតិ យកដីរដ្ឋធ្វើជាកម្មសិទ្ធិ ពីសំណាក់ជនល្មើស នៅក្នុងតំបន់ព្រៃសហគមន៍ និងព្រៃអង់តែន ក្នុងភូមិសាស្ត្រស្រុកសន្ទុក និងមួយផ្នែកក្នុងភូមិសាស្ត្រស្រុកសណ្ដាន់ នៅព្រឹកថ្ងៃទី២៨ ខែឧសភា ឆ្នាំ២០២៤ ។ លោក ប៊ុន សុធី នាយខណ្ឌរដ្ឋបាលព្រៃឈើខេត្តកំពង់ធំ បានបញ្ជាក់ថា កន្លងមកនេះមានជនល្មើស តែងតែលបលួចធ្វើសកម្មភាព កាប់បំផ្លាញព្រៃសហគមន៍ និងព្រៃអង់តែន ដែលជាព្រៃរក្សាទុករបស់រដ្ឋ ដើម្បីទន្ទ្រានយកដីធ្វើជាកម្មសិទ្ធិ បានធ្វើសកម្មភាពលបលួចធ្វើនៅពេលយប់ ក្នុងពេលមន្ត្រីរដ្ឋបាលព្រៃឈើ ជាប់រវល់ភារកិច្ច និងឈប់សម្រាកពេលបុណ្យទាន ដោយឡែកកម្លាំងរដ្ឋបាលព្រៃឈើធ្វើសកម្មភាពហាមឃាត់ ឬបង្ក្រាបត្រូវក្រុមជនល្មើសមួយចំនួនមានការគំរាមកំហែងដល់សមត្ថកិច្ចទៀតផង។ ឧត្តមសេនីយ៍ទោ សោមស៊ុន មេបញ្ជាការតំបន់ប្រតិបត្តិការសឹករងកំពង់ធំ បានអរគុណកម្លាំងចម្រុះ បានខិតខំបំពេញភារកិច្ចទទួលបានជោគជ័យគួរជាទីមោទនៈ និង បានផ្សព្វផ្សាយបទបញ្ជាប្រមុខរាជរដ្ឋារាជរដ្ឋាភិបាល បទបញ្ជាឯកឧត្ដម អគ្គមេបញ្ជាការ នៃកងយោធពលខេមរភូមិន្ទ និងផែនការគណបញ្ជាការឯកភាពរដ្ឋបាលខេត្តកំពង់ធំ និងប្រគល់ភារកិច្ច ជូនដល់កងកម្លាំងចម្រុះ ប្រចាំការបង្ក្រាបបទល្មើសធនធានធម្មជាតិ ត្រូវតែប្តេជ្ញាចិត្តដាច់ខាត ការពារទប់ស្កាត់និងបង្ក្រាបឲ្យបាន នូវរាល់បទល្មើសធនធានធម្មជាតិមិនឲ្យកើតមានឡើងជាថ្មី ដោយឡែកដីព្រៃរបស់រដ្ឋ…