កំពង់ធំ៖មេបញ្ជាការកងទ័ពជើងគោកបានណែនាំដល់​បណ្ដា​មន្ទីរ ស្ថាប័ន អង្គភាពពាក់ព័ន្ធ ត្រូវអនុវត្តបទបញ្ជារបស់​ប្រមុខ​រាជរដ្ឋា​ភិបាល​​ដោយមិនត្រូវលើកលែង ឬយោគយល់ ចំពោះ​ជន​ទាំងឡាយណា ដែលបំផ្លិចបំផ្លាញធនធានធម្មជាតិ។ នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកង​យោធ​ពលខេមរភូមិន្ទ មេបញ្ជាការកងទ័ពជើងគោក និងជាតំណាង​ប្រមុខ​រាជរដ្ឋាភិបាលកម្ពុជាបានថ្លែងដូច្នេះក្នុងកិច្ចប្រជុំ​ផ្សព្វ​ផ្សាយបទបញ្ជាប្រមុខរាជរដ្ឋាភិបាលស្តីពីការការពារទប់ស្តាត់ និងបង្រ្កាប​បទ​ល្មើសធនធានធម្មជាតិ នៅទីបញ្ជាការយោធ​ភូមិភាគទី៤ កាលពីថ្ងៃទី១២ ខែឧសភា ឆ្នាំ២០២៤ ។ ឧត្តមសេនីយ៍ត្រី ង៉ែត សុវណ្ណអរុណដេត នាយការិយាល័យ​ទី៣ នៃបញ្ជាការដ្ឋានកងទ័ពជើងគោក បានអានបទបញ្ជា​លេខ០១៣ ប.ជ ២០២៤ របស់អគ្គបញ្ជាការដ្ឋាន នៃកង​យោធពលខេមរភូមិន្ទ ស្តីពីការប្រើប្រាស់កងយោធពល​ខេមរភូមិន្ទ ចូលរួម​សហ​ប្រតិ​បត្តិការ តាមការស្នើសុំរបស់​ស្ថាប័ន បរិស្ថាន រដ្ឋបាលព្រៃឈើ និងស្ថាប័នដែន​ដីនគរូប​នីយកម្ម និងសំណង់ ដើម្បីបង្ការទប់ស្កាត់ និងបង្រ្កាបបទ​ល្មើស​ធនធានធម្មជាតិឱ្យទាន់ពេលវេលានិងមានប្រសិទ្ធភាព ។ ក្នុងកិច្ចប្រជុំដដែលនេះឧត្តមសេនីយ៍ទោ សោម ស៊ុន មេបញ្ជា​ការតំបន់ប្រតិបត្តិការសឹករងកំពង់ធំបានបង្ហាញលទ្ធផល​នៃកិច្ច​ប្រតិ​បត្តិការដោយប្រើប្រាស់កម្លាំងសរុប មធ្យោបាយ​សរុប រយៈ​ពេល១០ថ្ងៃ​ក្រោមការដឹកនាំរបស់បញ្ជាការ​ដ្ឋាន​យោធភូមិភាគ​ទី៤ និងគណៈបញ្ជាការឯក​ភាពរដ្ឋបាលខេត្តកំពង់ធំដោយ​បានរឹបអូសយកដីព្រៃ ដែលជនល្មើសបានកាប់ទន្រ្ទាន​យក​ជាច្រើនរយហិកតា និងបានបំផ្លាញ​ដំណាំកៅស៊ូ និងដំណាំ​ស្វាយចន្ទី ដែលបានដាំដុះរួចហើយបានរាប់ម៉ឺនដើម។ជនល្មើស​ចំនួនប្រាំនាក់​កំពុងប្រព្រឹត្តបទល្មើសត្រូវ​បានចាប់ខ្លួន ព្រមទាំង​វត្ថុតាងជាច្រើនបញ្ជូនទៅតុលាការដើម្បីអនុវត្តតាម​ច្បាប់។ នាយឧត្តមសេនីយ៍ ម៉ៅ សុផាន់ បានកោតសរសើរចំពោះ​លទ្ធផល​ដែលសម្រេចបាន។នាយឧត្តមសេនីយ៍…

(ភ្នំពេញ)៖ ឯកឧត្ដម ឧបនាយករដ្ឋមន្រ្ដី សុខ ចិន្តាសោភា រដ្ឋមន្រ្តីការបរទេស និងសហប្រតិបត្តិការអន្តរជាតិ ក្រាបបង្គំទូលថ្វាយសារលិខិតថ្វាយព្រះពរ ថ្វាយព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសនៃព្រះរាជពិធីបុណ្យចម្រើនព្រះជន្មគម្រប់ ៧១ យាងចូល ៧២ ព្រះវស្សា ៕ ដោយ ៖ សួង ពិសិដ្ឋ

(ភ្នំពេញ)៖ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានបើកកិច្ចប្រជុំ និងបានផ្ដល់អនុសាសន៍មួយចំនួន ដល់ក្រុមការង នៃគណៈកម្មាធិការប្រយុទ្ធជំងឺអេដស៍របស់ក្រសួងសុខាភិបាល ដែលដឹកនាំដោយឯកឧត្តម អ៊ឹង ភីរុន ប្រធានគណៈកម្មាធិការប្រយុទ្ធក្រសួងសុខាភិបាល ក្នុងការឆ្លើយតបនឹងមេរោគអេដស៍ និងជំងឺអេដស៍ លើផ្នែកសុខាភិបាល នៅអាជ្ញាធរជាតិប្រយុទ្ធនឹងជំងឺអេដស៍ នាថ្ងៃទី១៣ ខែឧសភា ឆ្នាំ២០២៤ ។ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិ បានបញ្ជាក់ពីតួនាទីភារកិច្ចរបស់អាជ្ញាធរជាតិប្រយុទ្ធនឹងជំងឺអេដស៍ ស្របតាមអនុក្រឹត្យលេខ ១០៩ ផងដែរ។ ឯកឧត្តមប្រធានអង្គប្រជុំ បានអនុញ្ញាតិឱ្យមានការបង្ហាញ រូមមាន៖ បទបង្ហាញ ស្តីពីការរៀបចំផែនការសកម្មភាព និងថវិកាឆ្លើយតបមេរោគអេដស៍ និងជំងឺអេដស៍ សម្រាប់ក្រសួង ស្ថាប័ន ដោយបង្ហាញសង្ខេប ពីគោលនយោបាយជាតិ ដែលមានគោលបំណង ១)- សម្រេចទប់ស្កាត់ការឆ្លងថ្មីឱ្យបានក្រោមមួយករណីក្នុងមួយថ្ងៃឬជាង២០០នាក់ក្នុងមួយឆ្នាំ, ២)- សម្រេចទប់ស្កាត់ការស្លាប់ដោយសារអេដស៍ឱ្យបានក្រោម២០០នាក់ក្នុងមួយឆ្នាំ, ៣)- បំបាត់ការរើសអើង និងមាក់ងាយអ្នកផ្ទុកមេរោគអេដស៍ ឱ្យអស់ពីសង្គមកម្ពុជា និងដោយវិធានចំនួន ៥៨ សម្រាប់អនុវត្ត ។ បទបង្ហាញ ការគ្រប់គ្រង…

(ភ្នំពេញ)៖ សារលិខិតថ្វាយព្រះពររបស់ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត ក្រាបបង្គំទូលថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តមថ្លៃថ្លានៃព្រះរាជពិធីបុណ្យចម្រើនព្រះជន្ម ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា គម្រប់ ៧១ យាងចូល ៧២ ព្រះវស្សា ដែលនឹងប្រព្រឹត្តទៅនៅថ្ងៃអង្គារ ទី១៤ ខែឧសភា ឆ្នាំ២០២៤នេះ ៕

(ស្វាយរៀង)៖ គ្រប់សមាសភាពពាក់ព័ន្ធទាំងអស់ ពិសេសអង្គបោះឆ្នោត ត្រូវបន្តសាមគ្គីភាព ដោយទទួលខុសត្រូវខ្ពស់ បន្តថែរក្សាសុខភាព និងប្រុងប្រយ័ត្នចំពោះ ឯកសារបោះឆ្នោត បន្តរួមគ្នាអនុវត្តផែនការឆ្ពោះទៅដណ្តើមបាននូវជោគជ័យក្នុងការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ អាណត្តិទី៤ នៅថ្ងៃទី២៦ ខែឧសភា ឆ្នាំ២០២៤ ដើម្បីបន្តជំរុញ និងលើកកម្ពស់ដំណើរការ នៃលទ្ធិប្រជាធិបតេយ្យ សេរីពហុបក្សនៅកម្ពុជា និងចូលរួម ទាំងអស់គ្នាអនុវត្តនូវយុទ្ធសាស្រ្តបញ្ចកោណ ដំណាក់កាលទី១ និងគោលនយោបាយភូមិ ឃុំ សង្កាត់ មានសុវត្ថិភាព ដើម្បីបន្ត ពង្រឹងបាន នូវសន្តិភាព ស្ថេរភាពនយោបាយ និងការអភិវឌ្ឍ សង្គមលើគ្រប់វិស័យ នាំមកវិបុលសុខ វិបុលភាពជូនប្រជាពលរដ្ឋយើង ។ នេះគឺជាការលើកឡើងរបស់ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាអ្នកតំណាងរាស្រ្តមណ្ឌលស្វាយរៀង នាព្រឹកថ្ងៃទី១២ ខែឧសភាឆ្នាំ២០២៤ ក្នុងពិធីសំណេះសំណាលជាមួយអង្គបោះឆ្នោត ជ្រើសរើសក្រុមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤ នៅស្រុកកំពង់រោទិ៍ ក្រុងស្វាយរៀង និងស្រុកស្វាយជ្រំ…

(ភ្នំពេញ)៖ បើទោះបីកើតមកមាន ពិការភាព និងមួយចំនួនទៀតព្រោះតែកើត ឧប្បត្តិហេតុ នាំធ្លាក់ខ្លួនពិការក្តី ប៉ុន្តែ ជនពិការ មិនអស់សង្ឃឹម និង ធ្លាក់ទឹកចិត្ត នោះឡើយ ពួកគេ នៅតែ ខិតខំ ស្វះស្វែង រកការងារធ្វើដើម្បីចិញ្ចឹមជីវិតដូចមនុស្សទូទៅផងដែរ។ ក្នុងពិព័រណ៍ការងារ និងមគ្គទេសក៍អាជីពដ៏ធំ ដែលរៀបចំឡើងចាប់ពីថ្ងៃទី៩ដល់ថ្ងៃទី១០ ខែឧសភា ឆ្នាំ២០២៤កន្លងទៅថ្មីៗនេះ ជនពិការមួយចំនួនបានបង្ហាញពីការមានបំណងចង់បានការងារធ្វើ និងពិសេសបានស្នើដល់ក្រុមហ៊ុន រោងចក្រ សហគ្រាស នានាត្រូវបើកចិត្តទូលាយក្នុងការទទួលជនពិការ។ លោក ម៉ុក ក្រឹម ជាជនពិការជើង នៅតែលើរទេះមួយរូប រស់នៅ ស្រុក បាទី ខេត្ត តាកែវ បានលើកឡើងដោយសំណូមពរឱ្យរោងចក្រនានាទទួលរូបលោកចូលធ្វើការដើម្បីបានថវិការចិញ្ចឹមជីវិត។មកដល់ពេលនេះរូបលោកពុំមានការងារធ្វើឱ្យលំនឹងទេ ហេតុនេះបន្ទុកការចាយវាយស្ថិតនៅលើឪពុកម្តាយ និងបងប្អូន ។ ស្ថិតក្នុងវ័យ ៣៤ឆ្នាំដែលជាជនពិការពីកំណើតមកបុរសរូបនេះបានលើកឡើងពីកន្លងមកមានការរើសអើងជនពិការក្នុងការឱ្យចូលធ្វើការងារ តែពេលនេះរូបលោកមិនអស់សង្ឃឹមពេកទេដោយសារក្រុមហ៊ុន រោងចក្រ សហគ្រាសមួយចំនួនបានបើកទូលាយជាងមុនក្នុងការទទួលជនពិការឱ្យចូលធ្វើការ។ អ្នកស្រី ឌឹម គន្ធា ជាជនជនមានពិការជើង រស់នៅភូមិកណ្ដាល ឃុំបន្ទាយដែក ស្រុកកៀនស្វាយ ខេត្ដកណ្ដាលដែលរៀនបញ្ចប់ដាក់បរិញ្ញាបត្រក្នុងរាជធានីភ្នំពេញមួយរូបបានលើកឡើងថាអ្នកស្រីធ្លាប់ធ្វើការងារក្រុមហ៊ុនកន្លងមកផងដែរ។សម្រាប់ថ្ងៃនេះអ្នកស្រីចង់បានការងារថ្មីដែលល្អប្រសើរជាងមុន។ ស្រ្តីរូបនេះបានលើកឡើងថាជនពិការក៏មានសមត្ថភាពក្នុងការបំពេញការងារដូចមនុស្សទូទៅដែរ…

(ភ្នំពេញ)៖ ប្រទេសឡាវបានធ្វើការប្រគល់ដំរីញីឈ្មោលមួយគូដែលមានឈ្មោះថាចំប៉ា និងរំដួល ដែលប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ បានថ្វាយ ព្រះមហាក្សត្រនៃព្រះរាជាណាចក្រកម្ពុជា ដើម្បីជានិមិត្តរូបចំណងមិត្តភាពរវាងរដ្ឋាភិបាល និងប្រជាជាតិទាំងពីរ។ ពិធីប្រគល់សត្វដំរីមួយគូនេះដែរក្រោមអធិបតីភាពពីសំណាក់ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងជាតំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងលោក Linkham DOUANGSAVANH រដ្ឋមន្ត្រីក្រសួងកសិកម្ម និងព្រៃឈើ នៃសាធារណរដ្ឋប្រជាធិបតេយ្យប្រជាមានិតឡាវ នាព្រឹកថ្ងៃទី១២ ខែឧសភា ឆ្នាំ២០២៤ក្នុងឧទ្យានសួនសត្វព្រៃការពារ និងសួនភូតគាម «ភ្នំតាម៉ៅ»។ គួរបញ្ជាក់ថាសត្វដំរីញី-ឈ្មោលមួយគូនេះ មានប្រភពមកពីស្រុក Thongmixay ខេត្ត Xaigna-bouli សាធារណរដ្ឋប្រជាធិបតេយ្យប្រជាមានិតឡាវ ដែលក្នុងនេះ ដំរីញីឈ្មោះ «រំដួល» កើតនៅថ្ងៃទី៦ ខែមិថុនា ឆ្នាំ២០២០ អាយុ ៣ឆ្នាំ ៩ខែនិងចំណែកដំរីឈ្មោល ឈ្មោះ «ចំប៉ា» កើតនៅថ្ងៃទី៥ ខែវិច្ឆិកា ឆ្នាំ២០២០ អាយុ ៣ឆ្នាំ ៧ខែ។ ប្រភពពីក្រសួងកសិកម្មបានឱ្យដឹងថា…

(កំពង់ស្ពឺ)៖ លោក កែម ជាក់នី នាយកវិទ្យាស្ថានពហុបច្ចេកទេសខេត្តកំពង់ស្ពឺលើកឡើងថា កម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈរបស់រាជរដ្ឋាភិបាលអាណត្តិទី៧នេះគឺជាការចូលរួមចំណែកយ៉ាងសំខាន់ដល់យុវជនដែលមានជីវភាពក្រីក្រ អាចបន្តក្តីស្រមៃក្នុងការសិក្សា អភិវឌ្ឍសមត្ថភាពជំនាញ ដើម្បីមានឱកាសក្នុងការប្រគួតប្រជែងក្នុងទីផ្សារការងារដែលមានស្រាប់។ នាយកវិទ្យាស្ថានរូបនេះថា៖« ការសិក្សាជំនាញបច្ចេកទេស និងវិជ្ជាជីវៈនេះគឺជាឱកាសល្អណាស់សម្រាប់យុវជនដែលមានជីវភាពក្រីក្រ ពួកគេរៀនជំនាញដោយឥតគិតថ្លៃ ទទួលបានប្រាក់ឧបត្ថម្ភប្រចាំខែរហូតដល់សិក្សាចប់ មានឱកាសក្នុងការរកការងារធ្វើល្អ ទទួលបានប្រាក់ចំណូលសមរម្យបន្ទាប់ពីសិក្សាចប់»។ លោកបន្តថា កម្មវិធីបណ្តុះបណ្តាលជំនាញបច្ចេកទេសរបស់រាជរដ្ឋាភិបាលអាណត្តិទី៧នេះគឺផ្តល់អត្ថប្រយោជន៍ជាច្រើនដល់យុវជន ដូច្នេះពួកគេត្រូវចាប់យកឱកាសមាសនេះឱ្យបានពីព្រោះរាជរដ្ឋាភិបាល តាមរយៈក្រសួងការងារបានជួយជ្រោមជ្រែងសិស្សទាំងឡាយណាដែលបញ្ចប់ការសិក្សា ដូចជាមានការរៀបចំក្រុមហ៊ុនចុះហាត់ការ និងការផ្តល់ឱកាសការងារតាមក្រុមហ៊ុនឯកជនជាច្រើនទៀត។ លោកបានអំពាវនាវឱ្យយុវជនមកចុះឈ្មោះចូលរៀនជំនាញឱ្យបានគ្រប់ៗគ្នា ធ្វើយ៉ាងណាយុវជនម្នាក់ត្រូវមានជំនាញមួយយ៉ាងតិច ។ ដោយឡែក លោក រៀម សុភា គ្រូបច្ចេកទេសនៅវិទ្យាស្ថានពហុបច្ចេកទេសខេត្តកំពង់ស្ពឺ បានលើកឡើងថា៖«ក ម្មវិធីបណ្តុះបណ្តាលបច្ចេកទេសរបស់រាជរដ្ឋាភិបាលនេះអាចប្រែក្លាយយុវជនដែលប្រើកម្លាំងក្នុងការធ្វើការ មកជាយុវជនដែលប្រើជំនាញធ្វើការវិញ។ វាក៏ប្រែក្លាយយុវជនដែលគ្មានជំនាញ មកមានជំនាញមួយច្បាស់លាស់ប្រចាំជីវិត ដើម្បីឈានជើងចូលក្នុងទីផ្សារការងារដែលមានស្រាប់»។ លោកបន្ថែមថា វិទ្យាស្ថានពហុបច្ចេកទេសបានចុះមូលដ្ឋានផ្ទាល់ ដើម្បីគៀគរយុវជនមកចុះឈ្មោះចូលរៀនជំនាញនេះ ហើយភាគច្រើននៃយុវជនគឺធ្វើការដោយប្រើកម្លាំង ហើយគ្មានជំនាញ ដូច្នេះការបង្កើតកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈជាការផ្តល់ឱកាសយ៉ាងសំខាន់ក្នុងការឱ្យពួកគេងាកមកសិក្សាចាប់យកជំនាញ ពិតប្រាកដមួយដើម្បីអាចទទួលបានចំណូលសមរម្យជាងការងារដែលគ្មានជំនាញ។ គួរបញ្ជាក់ផងដែរថា វិទ្យាស្ថានពហុបច្ចេកទេសខេត្តកំពង់ស្ពឺស្ថិតនៅភូមិទំពូង ឃុំកាហែង ស្រុកសំរោងទង ខេត្តកំពង់ស្ពឺ ក្នុងនោះវិទ្យាស្ថានបាននឹងកំពុងបណ្តុះបណ្តាលជំនាញបច្ចេកទេស និងវិជ្ជាជីវៈដល់សិស្សចំនួន ៧៩៣នាក់ លើមុខជំនាញចំនួន១៩ដូចជា ការងារកំបោរ…

រតនគិរីៈលោក មាស សារ៉េត អភិបាលស្រុកអណ្តូងមាសកាលពីថ្ងៃទី១០ ខែឧសភា ឆ្នាំ២០២៤រួមជាមួយយុវជនសហភាពសហព័ន្ធយុវជនកម្ពុជា ស្រុកមួយបានអញ្ជើញសួរសុខទុក្ខ និងនាំយកអំណោយ ជូនប្រជាពលរដ្ឋក្នុងឃុំតាឡាវ ស្រុកអណ្តូងមាស ចំនួនបួនគ្រួសារដែលរងគ្រោះដោយគ្រោះដោយខ្យល់កន្រ្តាក់។ អំណោយយកទៅចែកជូនប្រជាពលរដ្ឋដែលរងគ្រោះមាម អង្ករ មី ត្រីខកំប៉ុងមុង ភួយ សារុង និងថវិកា១៥មុឺនរៀល។ដោយឡែកគ្រួសារដែលមានទារកបាត់បង់ជីវិតដោយសារជំងឺតាំងពីចាប់កំណើត ទទួលបាន៤៤មុឺនរៀល។ក្នុងនោះ២០មុឺនរៀលជាការឧបត្ថម្ភ របស់ឯកឧត្តមកុល ផាន់ណា ទីប្រឹក្សាក្រសួងព័ត៌មាននិងជាប្រធានមន្ទីរព័ត៌មានខេត្តរតនគិរី។ នៅក្នុងឱកាសនេះ លោក មាស សារ៉េត បាននាំមកនូវការផ្តាំផ្ញើសាកសួរសុខទុក្ខពីសំណាក់ ឯកឧត្តម ញ៉ែម សំអឿនអភិបាលខេត្តរតនគិរី ជូនបងប្អូន ប្រជាពលរដ្ឋទាំងបួនគ្រួសារ ដែលជានិច្ចកាល ឯកឧត្តម តែងតែគិតគូរពីសុខទុក្ខនិងការលំបាករប្រជាពលរដ្ឋ ជាពិសេសប្រជាពលរដ្ឋដែលរងគ្រោះដោយគ្រោះធម្មជាតិផ្សេងៗ ។សូមបញ្ជាក់ថា សប្បុរសជនដែលបានឧត្ថម្ភជួយគ្រួសារដែលរងគ្រោះដោយខ្យល់កន្រ្តាក់រួមមាន ៖ឯកឧត្តម កុល ផាន់ណា ទីប្រឹក្សាក្រសួងព័ត៌មាននិងជាប្រធានមន្ទីរព័ត៌មានខេត្តរតនគិរី ,លោក មាស សារ៉េត អភិបាលស្រុកមាស,លោក អ៊ឹម ដៀ អភិបាលរងស្រុកអណ្តូងមាសនិង ក្រុមប្រឹក្សាឃុំតាឡាវ ៕ដោយៈគតិ យុត្ត