(ភ្នំពេញ)៖ ឯកឧត្តមវង្សី វិស្សុត ឧបនាយករដ្ឋមន្ត្រីប្រចាំកា និងជារដ្ឋមន្ត្រីទទួលបន្ទុកទីស្តីការគណ:រដ្ឋមន្ត្រី តំណាង សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ថ្នាក់ដឹកនាំ មន្ត្រីរាជការគ្រប់លំដាប់ថ្នាក់ នៃក្រសួងអធិការកិច្ច ព្រមទាំងមន្ត្រីអធិការកិច្ចទាំងអស់ និងសូមអបអរសាទរចំពោះលទ្ធផលដែលអង្គសន្និបាតសម្រេចបាន ពិសេសយុទ្ធសាស្ត្រ (ព៤ជ៤) ដែលនឹងបន្តអនុវត្តតាមទិសដៅការងារ ដែលបានដាក់ចេញសម្រាប់ឆ្នាំ២០២៥ ប្រកបដោយស្មារតីយកចិត្តទុកដាក់ខ្ពស់ សកម្ម បុរេសកម្ម និងអន្តរសកម្ម ដើម្បីបង្កើតនូវសមិទ្ធផលថ្មីៗបន្ថែមទៀត ជូនរាជរដ្ឋាភិបាលក្នុងការអភិវឌ្ឍសង្គមសេដ្ឋកិច្ចកម្ពុជា។ ក្នុងពិធីបិទសន្និបាតបូកសរុប លទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងអធិការកិច្ច នាព្រឹកថ្ងៃទី០៩ ខែឧសភានេះ ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច បានបញ្ជាក់ថា យុទ្ធសាស្ត្រ (ព៤ជ៤) គឺបានដាក់ចេញសម្រាប់អនុវត្តឆ្នាំ២០២៥-២០២៨ ក្នុងនោះ ៖ -ព៤-សំដៅលើការពង្រឹងការងារស្នូលចំនួន៤ រួមមាន (ព១)ការពង្រឹងការងារអធិការកិច្ច (ព២)ពង្រឹងយន្តការដោះស្រាយបណ្តឹង (ព៣)ពង្រឹងការងារតាមដានការអនុវត្តច្បាប់ (ព៤)ពង្រឹងការងារផ្សព្វ ផ្សាយច្បាប់ និងវេទិកាសាធារណៈ ជាមួយគ្នានេះ អង្គសន្និបាត ក៏បានស្តាប់នូវបទបង្ហាញរបស់ក្រុមការងារ ចំពោះកិច្ចចំនួន៨រូប…

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជា បាននិវត្តមកដល់ព្រះរាជាណាចក្រកម្ពុជាវិញហើយ នៅរសៀលថ្ងៃទី០៩ ខែឧសភា ឆ្នាំ២០២៥ បន្ទាប់ពីបានអញ្ជើញបំពេញទស្សនកិច្ចការងារនៅសាធារណរដ្ឋឥណ្ឌូណេស៊ី ពីថ្ងៃទី៥ ដល់ថ្ងៃទី៧ ខែឧសភា ឆ្នាំ២០២៥ និងបន្តបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យទីម័រឡេស្តេ ចាប់ពីថ្ងៃទី៧ ដល់ថ្ងៃទី៩ ខែឧសភា ឆ្នាំ២០២៥ ប្រកបដោយលទ្ធផលត្រចះត្រចង់ ។ សូមជម្រាបថា សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានអញ្ជើញដឹកនាំគណៈប្រតិភូជាន់ខ្ពស់ ចាកចេញពីកម្ពុជា នៅព្រឹកថ្ងៃទី៥ ខែឧសភា ឆ្នាំ២០២៥ ដើម្បីបំពេញទស្សនកិច្ចនៅឥណ្ឌូណេស៊ី និងបន្តបំពេញទស្សនកិច្ចផ្លូវការនៅទីម័រឡេស្តេ ។ ក្នុងអំឡុងទស្សនកិច្ចនៅឥណ្ឌូណេស៊ី សម្ដេចតេជោ ហ៊ុន សែន បានជំនួបសម្តែងភាក្សាការងារដាច់ដោយឡែកៗពីគ្នា ជាមួយថ្នាក់ដឹកនាំជាន់ខ្ពស់ឥណ្ឌូណេស៊ី រួមមាន៖ ឯកឧត្តម ប្រាបូវ៉ូ ស៊ូប៊ីយ៉ាន់តូ ប្រធានាធិបតី, ឯកឧត្ដម ស៊ុលតាន់ បាចទីយ៉ា ណាចាមូឌីន ប្រធាន ព្រឹទ្ធសភា, និងលោកជំទាវ…

(ខេត្តកណ្ដាល)៖ ដើម្បីធានាបាននូវសណ្ដាប់ធ្នាប់ របៀបរៀបរយ សុវត្ថិភាព និងសោភ័ណភាពក្នុងក្រុងតាខ្មៅ រដ្ឋបាលខេត្តកណ្ដាល ដោយមានការចង្អុលបង្ហាញពីឯកឧត្តម គួច ចំរើន អភិបាល នៃគណៈអភិបាលហេត្តកណ្ដាល កាលពីថ្ងៃទី៧ ខែឧសភា ឆ្នាំ២០២៥ ឯកឧត្តម តាំង ម៉េងលាន អភិបាលរងខេត្តកណ្ដាល បានដឹកនាំមន្ត្រីជំនាញ មន្ទីរពាក់ព័ន្ធ និងអាជ្ញាធរក្រុងតាខ្មៅ ចុះស្រង់ទិន្នន័យសំណង់មានហានិភ័យ និងសំណង់មិនរៀបរយ ក្នុងភូមិសាស្ត្រក្រុងតាខ្មៅ។ ឯកឧត្តម តាំង ម៉េងលាន អភិបាលរងខេត្តកណ្ដាល បានឱ្យដឹងថា៖ ដោយអនុវត្តតាមការណែនាំរបស់ក្រសួងរៀបចំដែនដី នគររូបនីយកម្ម និងសំណង់ និងមានការចង្អុលបង្ហាញរបស់ឯកឧត្តម គួច ចំរើន អភិបាល នៃគណៈអភិបាលហេត្តកណ្ដាល ក្រុមការងារបានចុះធ្វើការត្រួតពិនិត្យ អង្កេត និងប្រមូលព័ត៌មានសំណង់ចាស់ទ្រុឌទ្រោម ដែលអាចបង្កគ្រោះថ្នាក់ជាយថាហេតុដល់អាយុជីវិត ធ្វើបច្ចុប្បន្នភាពបណ្តាទីតាំងសំណង់មិនរៀបរយ ពិនិត្យវាយតម្លៃសភាពសំណង់ ដើម្បីកំណត់ថាសំណង់នោះមានសុវត្ថិភាព ឬក៏ហានិភ័យខ្ពស់ ចាត់វិធានការ ដើម្បីគ្រប់គ្រងចំពោះករណីសំណង់ដែលមានសភាពគ្រោះថ្នាក់។ ក្នុងឱកាសចុះពិនិត្យនេះដែរ ឯកឧត្តមអភិបាលរងខេត្ត ក៏បានស្នើដល់ក្រុមការងារជំនាញ និងអាជ្ញាធរពាក់ព័ន្ធ ត្រូវធ្វើការយកចិត្តទុកដាក់ក្នុងការពិនិត្យឱ្យបានច្បាស់លាស់ ដោយកំណត់ឱ្យបាននូវគុណភាពសំណង់ សុវត្ថិភាពសំណង់ និងអាយុកាលនៃការសាងសង់របស់សំណង់…

ភ្នំពេញ៖លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សា​ភិបាលអាជ្ញាធរជាតិព្រះវិហារបាន​អញ្ជើញដឹកនាំកិច្ចប្រជុំក្រុមប្រឹក្សាភិបាលអាជ្ញាធរជាតិព្រះវិហារ អាណត្តិទី៥ លើកទី៤ ។ ប្រភពក្រសួងវប្បធម៌ និងវិចិត្រសិល្បៈបានឱ្យដឹងថា កិច្ចប្រជុំកាលពីព្រឹកថ្ងៃទី៨ ខែឧសភា ឆ្នាំ២០២៥ នៅទីស្តីការក្រសួង ដោយមានការចូលរួមផង​ពីសមាជិក​ក្រុមប្រឹក្សាភិបាល មកពីក្រសួងពាក់ព័ន្ធ ព្រមទាំងមានការចូលរួមពីឯកឧត្តម លោក​ជំទាវ និងមន្រ្តីអាជ្ញាធរជាតិព្រះវិហារ។កិច្ចប្រជុំនេះ ធ្វើឡើងក្នុងគោល​បំណង​ដើម្បីពិនិត្យវឌ្ឍន​ភាពការងារ​របស់អាជ្ញាធរ​ជាតិព្រះវិហារ ដែលជា​សេនាធិការផ្ទាល់ឱ្យក្រសួងវប្បធម៌ និងវិចិត្រសិល្បៈ ក្នុងការបំពេញបេសកកម្ម​លើកិច្ចការ​ពារ​គ្រប់គ្រងថែរក្សា អភិរក្ស និងអភិវឌ្ឍន៍ រមណីយដ្ឋានបេតិកភណ្ឌ​ពិភពលោកប្រាសាទព្រះវិហារ និងប្រាសាទកោះកេរ ។ កិច្ចប្រជុំបានពិភាក្សាអនុម័ត និងផ្តល់អនុសាសន៍ លើរបៀបវារៈសំខាន់ៗចំនួន​៥រួមមាន៖ ១.របាយការណ៍ លទ្ធផលអនុវត្ត​អនុសាសន៍កិច្ចប្រជុំក្រុម​ប្រឹក្សា​ភិបាលអាជ្ញាធរជាតិព្រះវិហារអាណត្តិទី៥ លើកទី៣ ។ ២.របាយការណ៍​លទ្ធផល​ការងារ និងរបាយការណ៍ហិរញ្ញវត្ថុប្រចាំត្រីមាសទី១ ដើមឆ្នាំ២០២៥ ។ ៣. របាយការណ៍លទ្ធផលអនុវត្តគម្រោង​មូលនិធិអង្គរ​ឆ្នាំ២០២៤-២០២៥ ។ ៤. សំណើសុំអនុម័ត និងទី៥. បញ្ហាផ្សេងៗ ។ សូមបញ្ជាក់ថា អាជ្ញាធរជាតិព្រះវិហារ គឺជាគ្រឹះស្ថានសាធារណៈរដ្ឋបាលដែល​មានឈ្មោះថា អាជ្ញាធរជាតិដើម្បីការពារ និងអភិវឌ្ឍ រមណីយដ្ឋានវប្បធម៌ធ​ម្មជាតិតំបន់ព្រះវិហារ សរសេរកាត់ជាភាសាខ្មែរ…

(ភ្នំពេញ)៖ កាកបាទក្រហមកម្ពុជា បានប្រារព្ធពិធីអបអរសាទរខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ នៃទិវាកាកបាទក្រហមកម្ពុជា ក្រោមមូលបាទ “រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ” និងប្រមូលថវិការបស់សប្បុរសជន សម្រាប់ចូលរួមការងារសប្បុរសធម៌ និងជួយជនរងគ្រោះ ។ ក្នុងពិធីអបអរសាទរទិវានៅថ្ងៃទី៨ ខែឧសភា ឆ្នាំ២០២៥ តំណាងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា លោកជំទាវបណ្ឌិត ពេជ ចន្ទមុន្នី អនុប្រធានអចិន្ត្រៃយ៍ មានប្រសាសន៍ថា សម្រាប់មូលនិធិដែលចូលជាមួយកាកបាទក្រហមកម្ពុជា គឺអាចបំពេញជាជំនួយការឲ្យអាជ្ញាធរសាធារណៈនូវវិស័យមនុស្សធម៌បានយ៉ាងសាកសម និងជាបន្តបន្ទាប់ អាចរួមចំណែកជាមួយរាជរដ្ឋាភិបាល សម្រេចបាននូវគោលដៅអភិវឌ្ឍន៍ដោយចីរភាព។ លោកជំទាវបណ្ឌិត បន្តថា ក្រោយវិបត្តិជំងឺកូវីដ-១៩ គឺនាពេលបច្ចុប្បន្ននេះ ពិភពលោកទាំងមូល កំពុងជួបបញ្ហាការធ្លាក់ចុះនៃសេដ្ឋកិច្ច ប៉ុន្តែសកម្មភាពនៃការចូលរួមជាមួយកាកបាទក្រហម ក្នុងការងារមនុស្សធម៌នៅតែបន្តមាន ដូចនេះសូមថ្លែងអំណរគុណ ដល់សប្បុរសជនទាំងអស់ ដែលមានចិត្តសប្បុរសចូលរួមជួយជនរងគ្រោះ និងអ្នកមានជីវភាពខ្វះខាត។ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានថ្លែងថា កាលពីឆ្នាំ២០២៤កន្លងទៅ…

(ឌីលី)៖ កម្ពុជា នឹងអាចពង្រីកការផ្តល់អាហារូបករណ៍បន្ថែមទៀត ដល់ទីម័រ ដើម្បីជាការរួមចំណែក ដល់ការបណ្តុះបណ្តាលធនធានមនុស្សរបស់ទីម័រ ។ នេះជាការគូសបញ្ជាក់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា កម្ពុជា ក្នុងជំនួបពិភាក្សាការងារជាមួយ លោកជំទាវ ម៉ារៀ ហ្វើណាន់ដា ឡៃ (Maria Fernanda Lay ) ប្រធានរដ្ឋសភានៃសាធារណរដ្ឋប្រជាធិបតេយ្យទីម័រឡេស្តេ នៅវិមានរដ្ឋសភាជាតិទីម័រឡេស្តេ ទីក្រុងឌីលី នាព្រឹកថ្ងៃទី៨ ខែឧសភា ឆ្នាំ២០២៥ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា ក្នុងជំនួបនោះ លោកជំទាវប្រធានរដ្ឋសភាទីម័រឡេស្តេ បានបង្ហាញនូវក្តីដឹងគុណចំពោះការចូលរួមយ៉ាងសកម្ម ក្នុងការគាំទ្ររបស់កម្ពុជា និងភាពសកម្មរបស់សម្តេចតេជោ ក្នុងការជួយជ្រោមជ្រែងទីម័រ ជាសមាជិកអង្កេតការណ៍របស់អាស៊ាន កាលពីឆ្នាំ២០២២ ហើយតួអង្គសម្តេចតេជោ បានបន្តជួយជ្រោមជ្រែងទីម័រឡេស្តេ ដើម្បីអាចចូលជាសមាជិកពេញសិទ្ធិរបស់អាស៊ាននៅពេលខាងមុខ ។ លោកជំទាវក៏បានអរគុណកម្ពុជា នាពេលកន្លងទៅ ដែលបានជួយដល់ទីម័រឡេស្តេ ក្នុងបរិបទកូវីដ១៩ ដែលបានជួយផ្តល់វ៉ាក់សាំងការពារកូវីដ១៩ ដល់ទីម័រឡេស្តេ ក្នុងភាពដ៏លំបាកនោះ ។ សម្តេចតេជោ ហ៊ុន…

កំពង់ចាម៖ ខណ្ឌរដ្ឋបាលបាលជលផលកំពង់ចាម សហការជាមួយអធិការ​ដ្ឋានរដ្ឋបាលជលផលមេគង្គនៅថ្ងៃទី៨ ខែ​ឧសភា នេះបានបង្រ្កាប​បទល្មើស​ដឹកជញ្ជូនផលជលផលដោយគ្មានលិខិតអនុញ្ញាត (លៀស) ចំនួនពីរករណី ដោយដកហូតឃាត់​ទុក​នូវវត្ថុតាងបទល្មើសជលផលដើម្បីកសាងសំណុំរឿង​បន្តតាមនីតិវិធីច្បាប់ស្តីពីជលផល។ ប្រភពសមត្ថកិច្ចបញ្ជាក់ថា ករណីទី១. រថយន្តម៉ាក Hyundai ពាក់ស្លាកលេខ កំពង់ឆ្នាំង 3A-0964 ដឹកលៀសទម្ងន់ ៥ ០០០គីឡូក្រាម។ករណីទី២.​រថយន្តម៉ាក Ssangyong ពាក់ស្លាកលេខ កំពង់ឆ្នាំង 2C-2015 ដឹកលៀសសរុបទម្ងន់ ៤ ៥០០គីឡូក្រាម ។ការបង្រ្កាបប្រព្រឹត្តនៅចំណុច​ចំការកៅស៊ូ ឃុំល្វាលើ ស្រុកចំការលើ ខេត្តកំពង់ចាម។លៀស​​សរុប​​ទម្ងន់ ៩ ៥០០ គីឡូក្រាម ត្រូវបានលែងចូលទន្លេមេគង្គវិញ ។ចំណែកឯរថយន្ត រក្សាទុកនៅខណ្ឌរដ្ឋបាល​ជលផល​កំពង់ចាម ដើម្បីកសាងសំណុំរឿងបន្តតាមនីតិវិធីច្បាប់ស្តីពីជលផល៕    ដោយ៖លី ពៅ

ព្រៃវែង៖លោក ឈាង ស៊ាវី មេឃុំកំពង់ពពិល ស្រុកពារាំង ខេត្តព្រៃវែង បានឱ្យ​ដឹងថា ក្រោមការចង្អុល​បង្ហាញណែនាំ​ពីថ្នាក់ដឹកនាំដែលជាប្រធាន ក្រុមការងារ​ចុះជួយឃុំ ស្រុក, អភិបាលស្រុក, លោកអភិបាលខេត្ត បច្ចុប្បន្នឃុំកំពង់ពពិល បាននិងកំពុងអភិវឌ្ឍន៍ហេដ្ឋារចនាសម្ព័ន្ធជាច្រើន ក្នុងនេះ ហេដ្ឋារចនាសម្ព័ន្ធផ្លូវ​បានផ្លាស់ប្តូរមុខមាត់ថ្មីឃុំជនបទមួយនេះ មិនចាញ់ទីប្រជុំជនដទៃទៀតដែលមាន​ការរីកចម្រើននោះទេ។ លោកមេឃុំបានបន្តថា តាមរយៈមូលនិធិរបស់ឃុំ ពីមួយឆ្នាំទៅមួយឆ្នាំក្នុងឃុំមាន​ទាំងផ្លូវបេតុង ផ្លូវខ្សាច់ភ្នំ ដោយ​បានត​ភ្ជាប់ពីភូមិមួយ ទៅភូមិមួយ ពីឃុំមួយ ទៅឃុំមួយ បានធ្វើឱ្យប្រជាពលរដ្ឋងាយស្រួលក្នុងការធ្វើដំណើរនិងប្រកបមុខ​របរផ្សេងៗ។ ចំណែកការបម្រើសេវាសាធារណៈនានាជូនប្រជាពលរដ្ឋក្នុងមូលដ្ឋាន រដ្ឋបាល​ឃុំបានយកចិត្តទុកដាក់ជាទីបំផុត៕ដោយ៖នុត នាង

(ភ្នំពេញ)៖ ក្រសួងបរិស្ថាននៅថ្ងៃទី០៧ ខែ ឧសភា ឆ្នាំ ២០២៥នេះបានចេញសេចក្តីជូនដំណឹងមួយដោយធ្វើការព្រមាន និងក៏ដូចជាប្រាប់ដល់សាធារណជន ពិសេសសមាជិក និងគណៈកម្មការគ្រប់គ្រង សហគមន៍តំបន់ការពារធម្មជាតិមិនត្រូវយកព្រៃឈើក្នុងតំបន់គ្រប់គ្រងរបស់ខ្លួនទៅប្រើប្រាស់ ផ្ទុយពីច្បាប់ ដោយបានធ្វើការលក់ដូរ ជួល ផ្តួលរំលំឈូសឆាយរុករានទន្ទ្រានព្រៃឈើបម្រើឲ្យគោល បំណងផ្សេងទៀត ជាហេតុធ្វើអោយបាត់បង់គម្របព្រៃឈើ និងជម្រកសត្វព្រៃ ធ្វើឲ្យប៉ះពាល់ធ្ងន់ធ្ងរដល់ ធនធានធម្មជាតិរបស់ជាតិ។ ជាមួយគ្នានេះក្រសួងចាត់ទុកថាសកម្មភាពបែបនេះជាការល្មើសទៅនឹងក្រមបរិស្ថាននិងធនធានធម្មជាតិត្រង់ មាត្រា៣៧២ ចំណុចទី១ ដែលបានចែងថា «សហគមន៍តំបន់ការពារ និង/ឬសមាជិកនៃសហគមន៍តំបន់ ការពារធម្មជាតិពុំមានសិទ្ធិកាប់គាស់ ឬឈូសឆាយដីព្រៃក្នុងសហគមន៍តំបន់ការពារ ធម្មជាតិ និងបង្វែរធ្វើជា ដីកសិកម្ម ឬធ្វើជាកម្មសិទ្ធិបុគ្គល ឬលក់ ប្តូរ ជួល បញ្ចាំ ធ្វើអំណោយ ប្រវាស់ បែងចែក ដោះដូរ ឬធ្វើការផ្ទេរ តំបន់គ្រប់គ្រងរបស់សហគមន៍តំបន់ការពារធម្មជាតិឲ្យបុគ្គលណាមួយបានឡើយ។» ក្រសួងបរិស្ថានបាន ធ្វើការអំពាវនាវដល់គ្រប់សមាជិកនិងគណៈកម្មការគ្រប់គ្រង សហគមន៍តំបន់ការពារធម្មជាតិទាំងអស់ ត្រុវចូលរួមអនុវត្តច្បាប់ឱ្យបានខ្ជាប់ខ្ជួន ពិសេសក្រមបរិស្ថាន និងធនធានធម្មជាតិ ព្រមទាំងលិខិតបទដ្ឋានគតិយុត្តិដទៃទៀតជាធរមាន ទាក់ទងនឹងការគ្រប់គ្រង និង ប្រើប្រាស់តំបន់សហគមន៍តំបន់ការពារធម្មជាតិ ធ្វើយ៉ាងណារក្សាការពារធនធានធម្មជាតិជាតិយើង ប្រើប្រាស់ ឲ្យមាននិរន្តភាព និងរីកចម្រើនដល់ជីវភាពរស់នៅគ្រប់សមាជិកសហគមន៍។…

(ភ្នំពេញ)៖ សត្វឆ្មាដាវចំនួន២ ក្បាលដែលជាសត្វដ៏កម្ររបស់ពិភពលោកយើងនេះ ដែលត្រូវបានប្រជាពលរដ្ឋចាប់បាននាកន្លងមក ពេលនេះត្រូវបានដោះលែងឱ្យទៅរស់នៅទីព្រៃធម្មជាតិវិញ។ អង្គការជីវិតធម្មជាតិនៅកម្ពុជា(NatureLife Cambodia)បានឱ្យដឹងថាកាលពីព្រឹកថ្ងៃទី៦ ខែឧសភា កន្លងទៅនេះ ក្រុមការងារស្រាវជ្រាវជីវចម្រុះនៃអង្គការជីវិតធម្មជាតិនៅកម្ពុជាបានសហការជាមួយមន្ត្រីឧទ្យានុរក្សមន្ទីរបរិស្ថានខេត្តរតនគិរីដើម្បីប្រលែងសត្វឆ្មាដាវ ២ ក្បាលចូលព្រៃជម្រកធម្មជាតិវិញក្នុងទីតាំងគម្រោងឥណទានកាបូនរេដបូកនៃដែនជម្រកសត្វព្រៃលំផាត់។ សត្វឆ្មាដាវទាំងពីរក្បាលនេះត្រូវបានប្រជាពលរដ្ឋចាប់បាននៅពេលដែលពួកគាត់ទៅចម្ការ ហើយបានប្រគល់ឱ្យក្រុមការងារស្រាវជ្រាវជីវចម្រុះនៃអង្គការជីវិតធម្មជាតិនិង មន្ត្រីឧទ្យានុរក្សមន្ទីរបរិស្ថានខេត្តរតនគិរីនាកន្លងមក។ គួរបញ្ជាក់ថាឆ្មាដាវនេះជាទូទៅ មានសម្បុរលឿង-ត្នោត លាយជាមួយរោមអុចៗពណ៌ពណ៌ខ្មៅ និងមានឆ្នូត៥-៦ សម្បុរត្នោតចាស់ចាប់ផ្តើមចេញពីលើក្បាល និងផ្នែកខាងក្រោយរហូតដល់ស្មា។ ឆ្មាដាវ វាជាសត្វពូកែហែលទឹកណាស់ វាអាចបន្តពូជបានពេញមួយឆ្នាំ មានរយៈពេលពពោះពី៦៥ថ្ងៃ-៧២ថ្ងៃ និងអាចកូនម្តងបានពី១ទៅ៤ក្បាល។ សត្វដ៏កម្រប្រភេទនេះ តែងរស់នៅក្នុងព្រៃស្ទើរគ្រប់ប្រភេទ និងរួមទាំងព្រមទាំងព្រៃដាំថ្មីផង។អាហាររបស់វាមាន បក្សី សត្វកកេរ ត្រកួត អន្សង ក្តាន់ញ៉ែជាដើម។ វាអាចចាប់ចំណីបានដោយសារការលោតចុះសង្គ្រប់ពីលើដើមឈើទៅលើចំណីរបស់វា៕ ដោយ ៖ ម៉ាដេប៉ូ