(ស្វាយរៀង)៖ ឯកឧត្តម ប៉េង ពោធិ៍សា អភិបាលខេត្ត​ស្វាយរៀង បានថ្លែងណែនាំដល់កងកម្លាំងមានសមត្ថកិច្ច​ត្រូវត្រៀមរៀបចំផែនការការពារសន្តិសុខសណ្តាប់ជូនប្រជាពលរដ្ឋឱ្យបានល្អ​ ក្នុងឱកាសបុណ្យចូលឆ្នាំថ្មីប្រពៃណី​ជាតិខ្មែរ ជាពិសេសនៅទីតាំងដែលមានរៀបចំ​សង្ក្រាន្ត​នៅក្នុងមូលដ្ឋាន។ ការថ្លែងណែនាំបែបនេះរបស់អភិបាលខេត្តស្វាយរៀងបានធ្វើឡើងនៅក្នុងកិច្ចប្រជុំបូកសរុបលទ្ធផលការងារប្រចាំខែមីនា និងលើកទិសដៅការងារខែមេសា ឆ្នាំ២០២៥ របស់​រដ្ឋបាលខេត្តស្វាយរៀងនាព្រឹកថ្ងៃទ២៧ខែមីនាឆ្នាំ២០២៥។ ជាមួយគ្នានេះ ឯកឧត្តម អភិបាលខេត្តបានថ្លែងនូវការ​អរគុណ​ចំពោះកងកម្លាំងនិងអាជ្ញាធរពាក់ព័ន្ធគ្រប់​លំដាប់​ថ្នាក់ដែលបានយកចិត្តទុកដាក់ការពារសន្តិសុខសណ្តាប់បានល្អជូនប្រជាពលរដ្ឋ។ ក្នុងឱកាសនោះ ឯកឧត្តម អភិបាលខេត្តបានដាក់ចេញ​នៅ​ទិសដៅសំខាន់ៗសូមឲ្យអាជ្ញាធរក្រុង-ស្រុក និងកងកម្លាំង​គ្រប់មូលដ្ឋានទាំងអស់បន្តយកចិត្តទុកដាក់លើការងារ​ពង្រឹង ភូមិ ឃុំ មានសុវត្ថិភាព ដូចជាការបង្ក្រាបក្មេង​ទំនើង​ដែលបង្ករការអុកឡុកប៉ះពាល់ដល់សណ្តាប់ធ្នាប់និងរបៀបរៀបរយក្នុងសង្គមមិនត្រូវលើកលែងឡើយ ព្រមទាំង ត្រូវ​ពង្រឹងការទប់ស្កាត់ការជួញដូរចែកចាយ និងប្រើប្រាស់​គ្រឿង​ញៀននៅតាមមូលដ្ឋានឲ្យបានម៉ឺងម៉ាត់។ ឯកឧត្តមបានបន្តថា ក្នុងឱកាសបុណ្យចូលឆ្នាំថ្មីប្រពៃណី​ជាតិខ្មែរយេីងមន្ទីរ-អង្គភាព ពាក់ព័ន្ធ ត្រូវយកចិត្តទុកដាក់​លើបញ្ហាអម័យបរិស្ថាន និងសោភ័ណ្ឌភាពនៅក្នុងអង្គភាព​របស់របស់ខ្លួន ដូចជាការរៀបចំតុបតែងភ្លើងលម្អរ​ជាដេីម​ ដើម្បីទទួលសិរីសួស្តីពីទេវតាឆ្នាំថ្មី ។ សូមបញ្ជាក់ថា នៅក្នុងកិច្ចប្រជុំនេះដែរឯកឧត្តមអភិបាល​ខេត្តបានអនុញ្ញាតឲ្យមានការលើកឡើងនូវបញ្ហាប្រឈមផ្សេងៗ និងចំណុចវិជ្ជមានមួយចំនួនទៅលើការ​អនុវត្ត​ការងាររបស់មន្ទីរអង្គភាពនានាដែលពាក់ព័ន្ធ។ទន្ទឹមនោះ លោកនាយករងទីចាត់ាការធនធានមនុស្សសាលាខេត្ត បានអាននូវសេចក្តីសម្រេចស្តីពីការបង្កើតគណៈកម្មកាបង្ក្រាបល្បែងអនឡាញខុសច្បាប់គ្រប់ប្រភេទក្នុងភូមិសាស្ត្រខេត្តស្វាយរៀង និងអានសេចក្តីសម្រេចស្តីពីការបង្កើត​គណៈកម្មកាដើម្បីគាំទ្រជំរុញការអនុវត្តយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ​២០២៣-២០២៨​ផងដែរ ៕ នុត នាង

(ខេត្តឧត្តរមានជ័យ)៖ មេបញ្ជាការតំបន់ប្រតិបត្តិការសឹករង ឧត្តរមានជ័យ លោកឧត្ដមសេនីយ៍ទោ តន់ ញាន នៅថ្ងៃទី ២៦ មីនាម្សិលមិញ​ បានដាក់ចេញនូវបទបញ្ជាយ៉ាង​ម៉ឹង ម៉ាត់ ដល់យោធិនទាំងអស់ ឱ្យបន្តយកចិត្តទុកដាក់​ក្នុងការអនុវត្តតួនាទី ភារកិច្ច ចំពោះមុខឱ្យបានម៉ឺងម៉ាត់ តាមមុខងារតួនាទីរបស់ខ្លួនម្នាក់ៗ និងត្រៀមកម្លាំង​អន្តរាគមន៍តាមបទបញ្ជារបស់ថ្នាក់លើ ២៤ម៉ោង លើ២៤ម៉ោង ឱ្យបានម៉ឹងម៉ាត់បំផុត។ លោកឧត្ដមសេនីយ៍ទោ តន់ ញាន បានជំរុញបន្ថែម ដល់គ្រប់បណ្ដាកងឯកភាពចំណុះត្រូវពង្រឹងដល់កម្លាំងប្រចាំការទាំងអស់ ចូលរួមសហការគ្នាឱ្យបានស្អិតរមួត ថែម ទៀត ជាមួយកងកម្លាំងដែលពាក់ព័ន្ធនានា ក្នុងការ ចេញប្រតិបត្តិការ ត្រួតពិនិត្យបង្គោលសីមា និងបណ្ដា ចំណុចគោលដៅផ្សេងៗទៀត ដែលបានកំណត់ទុក ដើម្បីតាមដានក្តាប់ឱ្យជាប់រាល់សភាពការណ៍ប្រែប្រួល តាមខ្សែបន្ទាត់ព្រំដែន ពិសេសត្រូវថែរក្សាបង្កើនប្រព័ន្ធ លេណដ្ឋានឱ្យបានរឹងមាំ ដើម្បីធានាបាននូវសុខសន្តិភាព ស្ថិរភាព ជូនប្រជាពលរដ្ឋ និងទប់ស្កាត់រាល់សកម្មភាព​បទល្មើសខុសច្បាប់នានា ដែលអាចកើតមានឡើងនៅ​តាមខ្សែបន្ទាត់ព្រំដែន ក្នុងភូមិសាស្ត្រទទួលខុសត្រូវ​របស់ខ្លួន៕

(កំពង់ធំ​)៖ នៅរសៀលថ្ងៃទី ២៦ ខែមីនា ឆ្នាំ ២០២៥ ឯកឧត្តម នួន ផារ័ត្ន សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តកំពង់ធំ បាន​អញ្ជើញប្រកាសតែងតាំង លោក ឃន ចាន់ថៃ ឲ្យបំពេញ​តំណែង ប្រធានគណៈកម្មាធិការគណបក្ស​ស្រុកបា​រាយ​ណ៍ ជំនួស លោក អួង សារឿង។ ឯកឧត្តម នួន ផារ័ត្ន បានលើកឡើងថា ក្រោមការដឹកនាំ​ដ៏ឆ្លាត​វៃរបស់ សម្ដេចតេជោ ហ៊ុន សែន ប្រធានគណ​បក្ស​ប្រជាជនកម្ពុជា ប្រទេសកម្ពុជាបានរក្សាសុខសន្តិភាព និងស្ថេរភាពនយោបាយយ៉ាងរឹងមាំ។ លោកបានបញ្ជាក់ថា ប្រធានគណៈកម្មាធិការគណបក្ស​ស្រុកបារាយណ៍ថ្មី ត្រូវមានសមត្ថភាពដឹកនាំ និងគ្រប់គ្រង​ការងារ មានប្រសិទ្ធភាព ហើយជំរុញការចងក្រងក្រុម​យុវជន​សមាជិកគណបក្សឲ្យកាន់តែមានការ​ចូលរួម​សកម្ម។ លោក ឃន ចាន់ថៃ បានប្តេជ្ញាបំពេញភារកិច្ចតាមគោល​នយោបាយ និងបទប្បញ្ញត្តិរបស់គណបក្សប្រជាជនកម្ពុជា ដោយផ្តោតលើចំណុចសំខាន់ៗ៖ អនុវត្តឲ្យបាន​ត្រឹម​ត្រូវ​តាមកម្មវិធីនយោបាយ និងគោលការណ៍ដឹកនាំរបស់​គណបក្ស។ បម្រើប្រជាពលរដ្ឋដោយមាន​ឧត្តមគតិស្នេ​ហាជាតិ និងស្មោះត្រង់ចំពោះមាតុភូមិ។ សហការណ៍យ៉ាង​ជិតស្និទ្ធជាមួយគណបក្សមូលដ្ឋានគ្រប់ថ្នាក់។ រក្សា​សាម​គ្គី​ភាព និងឯកភាពក្នុងជួរថ្នាក់ដឹកនាំ និងសមាជិកគណបក្ស​នៅ​រាល់កម្រិត។ ឯកឧត្តម នួន ផារ័ត្ន…

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូន លោក លោកស្រី ជាម្ចាស់ ឬតំណាងក្រុមហ៊ុន សហគ្រាស និងសាខាក្រុមហ៊ុន​បរទេស ដែលកំពុងធ្វើប្រតិបត្តិការ ឬមានបំណងធ្វើ​ប្រតិបត្តិការនៅក្នុងវិស័យបច្ចេកវិទ្យាគមនាគមន៍និងព័ត៌មាន (Information and Communication Technology – ICT) នៅព្រះរាជាណាចក្រកម្ពុជា ជ្រាបថា មាត្រា ៥ នៃអនុក្រឹត្យលេខ១១០ អនក្រ.បក ចុះថ្ងៃទី២១ ខែកក្កដា ឆ្នាំ២០១៧ ស្តីពីការផ្តល់ការអនុញ្ញាត​ប្រតិបត្តិ​ការ​​លើវិស័យបច្ចេកវិទ្យាគមនាគមន៍និងព័ត៌មាន បាន​កំ​ណត់​ថា “គ្មានបុគ្គលណាអាចបំពេញប្រតិបត្តិការ​លើ​វិស័យ​បច្ចេកវិទ្យាគមនាគមន៍និងព័ត៌មាននៅក្នុង​ព្រះរាជា​ណាចក្រកម្ពុជាទេ លើកលែងតែបុគ្គលនោះបានទទួល​លិខិតអនុញ្ញាត វិញ្ញាបនបត្រ ឬអាជ្ញាបណ្ណ ពី ក.ប.ទ.”។ កន្លងមក ក.ប.ទ. តែងតែអនុគ្រោះ និងធ្វើការផ្សព្វផ្សាយ​ជាប្រចាំដល់ប្រតិបត្តិករដែលកំពុងធ្វើប្រតិបត្តិការនៅក្នុងវិស័យ ICT ដោយពុំមានការអនុញ្ញាត ឱ្យមកដាក់ពាក្យ​ស្នើ​សុំការអនុញ្ញាតបំពេញប្រតិបត្តិការពី ក.ប.ទ. ស្របតាម​បទប្បញ្ញត្តិជាធរមាន។ ទោះបីជាយ៉ាងនេះក្តី ក៏ប្រតិបត្តិករ​មួយចំនួន ពុំទាន់បានមកបំពេញកាតព្វកិច្ចស្នើ​សុំការ​អនុញ្ញាត​នៅឡើយទេ ហើយនៅតែបន្តធ្វើប្រតិបត្តិការ​ដោយ​ពុំមានការអនុញ្ញាតដដែល។ ក្នុងន័យនេះ ក.ប.ទ. សូមអំពាវនាវសារជាថ្មីដល់ លោក លោកស្រី ជាម្ចាស់ ឬតំណាងក្រុមហ៊ុន…

(ព្រះសីហនុ)៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការ នូវអគារសិក្សា អគារស្នាក់នៅរបស់គ្រូបង្រៀន និងអគារ​ទីចាត់ការនៅវិទ្យាល័យ ហ៊ុន សែន វាលរេញ ក្នុងមូលដ្ឋាន​ខេត្តព្រះសីហនុ នាថ្ងៃទី២៦ ខែមីនា ឆ្នាំ២០២៥ សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បាន​លើកឡើងថា ការប្រកួតប្រជែងក្នុងវិស័យអប់រំ មិនមែនដើ​ម្បី​បានតែពានរង្វាន់នោះទេ តែដើម្បីទទួលផលជាក់ស្តែង​ក្នុង​​ការ​ផលិត​ធនធានមនុស្ស ។ ក្នុងន័យនេះ សាលារៀន កាន់តែទទួលបានលទ្ធផលល្អ នោះធនធានមនុស្ស កាន់តែប្រកបដោយគុណភាព ទាំងគ្រូ និងសិស្ស ហើយធនធានមនុស្សនេះ នឹងចែកផលបន្ត។ សម្តេចនាយករដ្ឋមន្ត្រី បានមានប្រសាសន៍៖ សម្ភារៈបរិក្ខាប្រើប្រាស់ ទំនើបកម្មទៅមុខ តែនឹងថយចុះតាមពេលវេលា និងអាយុកាល នៃការប្រើប្រាស់ ទាំងគុណភាព និងបច្ចេកទេស តែធនធានមនុស្ស កាន់តែប្រើប្រាស់ កាន់តែល្អ និងរីកចម្រើន ហើយរីកដុះដាលបន្ថែម ។ សម្ដេចធិបតី បញ្ជាក់ថា រាជរដ្ឋាភិបាល បានផ្តល់អាទិភាព ក្នុងការជំរុញការបណ្តុះបណ្តាលជំនាញវិជ្ជាជីវៈ ដែលជា​ជំនាញបច្ចេកទេសសំខាន់សម្រាប់តម្រូវការក្នុងខេត្តផង និងសេដ្ឋកិច្ចជាតិផង ដោយផ្តោតលើកត្តាអាទិភាព ក្នុងការ​ផ្តល់ជូនប្រជាជន៖ ១/…

(បន្ទាយមានជ័យ)៖ អាជ្ញាធរ ឃុំសង្កាត់ទាំងអស់ ត្រូវបន្តការអនុវត្តគោលនយោបាយភូមិ ឃុំ សង្កាត់ មានសុវត្ថិភាព បង្ក្រាបឱ្យបានជាប្រចាំ ដូចភ្លៀងរលឹម នូវរាល់បទល្មើសដែលកើតមានឡើងនៅតាមមូលដ្ឋាន ដើម្បីធានាឱ្យបានមូលដ្ឋានគ្មានបទល្មើស ផ្សេងៗឱ្យបានយ៉ាងតិច៨០% ទៅដល់១០០% ។ ឯកឧត្តម ផាន់ ចាន់ធុល រដ្ឋលេខាធិការក្រសួងមហាផ្ទៃបានថ្លែងបែបនេះ ក្នុងកិច្ចប្រជុំបូកសរុបលទ្ធផលអនុវត្តគោលនយោបាយ “ភូមិ-ឃុំ-សង្កាត់ មានសុវត្ថិភាព” ប្រចាំត្រីមាសទី១ ឆ្នាំ២០២៥ ប្រារព្ធឡើងនៅសាលាខេត្តបន្ទាយមានជ័យ នាថ្ងៃទី២៥ ខែមីនា ឆ្នាំ២០២៥។ ដើម្បីធានាកិច្ចការងារគោលនយោបាយនេះឱ្យកាន់តែទទួលបានជោគជ័យ ឯកឧត្ដម រដ្ឋ លេខាធិការក្រសួងមហាផ្ទៃ បានណែនាំដល់គណៈបញ្ជាការឯកភាពរដ្ឋបាលខេត្ត ក្រុង-ស្រុក ឃុំ-សង្កាត់ ទាំងអស់ត្រូវនាំគ្នាបន្តកិច្ចសហការ ពង្រឹងលេខាធិការរដ្ឋានជាជំនួយការ និងជំរុញអនុវត្តផែនការសកម្មភាព ដែលបានដាក់ចេញឲ្យបានកាន់តែមានប្រសិទ្ធភាពនិងបន្តខិតខំជំរុញការអនុវត្តឱ្យបាននូវគោលនយោបាយជោគជ័យនូវចង្កោមការងារ ក្នុងលក្ខណៈសម្បត្តិទាំង៧ គោលនយោបាយ ភូមិ-ឃុំ-សង្កាត់មានសុវត្ថិភាព ក្នុងការបង្ការទប់ស្កាត់ បង្ក្រាបបទល្មើស ជួញដូរ ចែកចាយគ្រឿងញៀន បទល្មើសលួច ឆក់ប្លន់ ជាពិសេសបទល្មើសគ្រឿងញៀនខុសច្បាប់ ត្រូវយកចិត្តទុកដាក់ និងធ្វើប្រតិបត្តិការបន្ត ដោយកិច្ចការងារកន្លងមកយើងបានអនុវត្តច្រើនទទួលបានលទ្ធផលគួរឱ្យកត់សម្គាល់ មានការគាំទ្រពីសំណាក់មហាជន ប្រជាពលរដ្ឋនៅក្នុងខេត្តបន្ទាយមានជ័យផងដែរ។ ឯកឧត្តមរដ្ឋលេខាធិការបានបញ្ជាក់ថា មិនតែប៉ុណ្តោះគម្បីត្រូវបន្តពង្រឹងប៉ុស្តិ៍នគរបាលរដ្ឋបាល…

(ខេត្តកំពង់ចាម)៖ មន្ទីរវប្បធម៌ និង វិចិត្រសិល្បៈ រួមជាមួយមន្ទីរពាក់ព័ន្ធ និងអាជ្ញាធរមូលដ្ឋាន ត្រូវបន្តយកចិត្តទុកដាក់ថែរក្សាការពារ និងបង្ក្រាបរាល់បទល្មើស ឱ្យបានទាន់ពេលវេលា និងប្រកបដោយប្រសិទ្ធភាព នៅតាមទីតាំងតំបន់ប្រាសាទ រមណីយដ្ឋានប្រវត្តិសាស្ត្រ ទីវត្តអារាម សំណង់ប្រវត្តិសាស្ត្រ និងសំណង់ដែលមាន អាយុកាលរាប់រយឆ្នាំនៅតាមមូលដ្ឋាននានា។ មន្ត្រីពាក់ព័ន្ធទាំងអស់ ត្រូវរួមគ្នាបន្តការងារអភិរក្សបេតិកភណ្ឌ វប្បធម៌អរូបីទាំងឡាយរបស់ជាតិ ដែលបានបាត់បង់ និងត្រូវយកចិត្តទុកដាក់ស្រាវជ្រាវ ដើម្បីយក មកបង្ហាត់បង្ហាញផ្ទេរចំណេះដឹងឱ្យយុវជនបន្តវេនជំនាន់ក្រោយ។ ពោលគឺត្រូវបន្តធ្វើការ ផ្សព្វផ្សាយនូវសក្តានុពល ទេសចរណ៍វប្បធម៌ជាតិ ដើម្បីលើកតម្លៃវប្បធម៌ជាតិ រួមចំណែកជំរុញ កំណើនសេដ្ឋកិច្ចជាតិ និងកាត់បន្ថយភាពក្រីក្រផងដែរ។ នេះជាប្រសាសន៍លើកឡើងរបស់ ឯកឧត្តម អ៊ុន ចាន់ដា អភិបាលខេត្តកំពង់ចាម ក្នុងពិធី អបអរសាទរ “ទិវាវប្បធម៌ជាតិ ៣មីនា លើកទី២៧ ឆ្នាំ២០២៥” ក្រោមប្រធានបទ «យុវជនដើម្បីវប្បធម៌ជាតិ» ក្រោមវត្តមាន ឯកឧត្តម ខ្លូត ផន ប្រធានក្រុមប្រឹក្សាខេត្ត ស្ថិតនៅសាលសន្និសីទសាលាខេត្តកំពង់ចាម នាព្រឹកថ្ងៃទី២៥ ខែមីនា ឆ្នាំ២០២៥ ។ ឯកឧត្តម អ៊ុន…

(ខេត្តកំពត)៖ នៅព្រឹកថ្ងៃទី២៥ ខែមីនា ឆ្នាំ២០២៥ ឯកឧត្តម ម៉ៅ ធនិន អភិបាលខេត្តកំពត រួមជាមួយ​អាជ្ញា​ធរ​ក្រុងកំពត មន្ទីរជំនាញពាក់ព័ន្ធ បានចុះពិ​និត្យទីតាំង​វិថីអាហារ និងសួនច្បារចាប់ពីផ្សារក្រណាត់រហូតដល់​សួនដើមពោធិ៍បេនឡានខេត្ត ដើម្បីរៀបចំនឹងកែលម្អ​សោភ័ណភាពឱ្យបានស្អាត និងទាក់ទាញភ្ញៀវទេសចរ។ ឯកឧត្តម ម៉ៅ ធនិន លើកឡើងថា ខេត្តកំពតក្រោម​ការដឹក​នាំ ចង្អុលបង្ហាញដោយផ្ទាល់​ពីសំណាក់​សម្តេច​ធិបតី ហ៊ុន ម៉ាណែត នាយករដ្ឋមន្ត្រី កម្ពុជា អាជ្ញាធរខេត្ត​បានខិតខំរៀបចំកែលម្អសោភ័ណភាពខេត្ត ពិសេសក្រុង​កំពត​ឱ្យមានភាពទាក់ទាញពីមួយឆ្នាំទៅមួយឆ្នាំ ក្នុងន័យ​ដើម្បីទាក់ទាញភ្ញៀវទេសចរក៏ដូចជាបង្កើនប្រាក់ចំណូលជូនដល់ប្រជាពលរដ្ឋក្នុងខេត្ត តាមរយៈវិស័យ​ទេសចរណ៍​។ ឯកឧត្តម ម៉ៅ ធនិន បន្តថា ការកែលម្អសោភ័ណភាព​វិថី​អា​ហារ និងសួនច្បារចាប់ពីផ្សារក្រណាត់រហូតដល់សួន​ដើមពោធិ៍បេនឡានខេត្ត និងចាប់ផ្តើមក្នុងពេលដ៏ខ្លី​ខាង​មុខ​នេះ ដោយវិថីអាហារ គឺត្រូវរៀបចំតូបលក់ដូរដែល​មាន​រចនាបថរបស់ខ្មែរ និងតម្រូវឱ្យអាជីវករដែលលក់ដូរ​ទាំងអស់ត្រូវស្លៀកពាក់តាមបែបប្រពៃណីជាតិ ក្នុងន័យ​ដើម្បីបង្ហាញអំពីវប្បធម៌ អរិយធម៌ ទំនៀមទម្លាប់ដ៏ផូរផង​របស់ខ្មែរទៅកាន់ភ្ញៀវទេសចរបរទេស ពិសេសជាគំរូដល់​យុវជនជំនាន់ក្រោយ។ ឯកឧត្តមអភិបាលខេត្ត ក៏បានជំរុញដល់អាជ្ញាធរ​ក្រុង​កំពត ពិសេសមន្ទីរជំនាញពាក់ព័ន្ធ ត្រូវចុះធ្វើបច្ចុប្បន្នភាព​អាជីវករដែលលក់ដូរពិតប្រាកដនៅទីតាំងវិថីអាហារនេះផ្ទាល់ ដើម្បីផ្តល់តូបលក់ដូរថ្មីជូនដោយឥតគិតថ្លៃ ហើយ​ប្រសិនបើមានអ្នកទាថ្លៃឈ្នួល ឬប្រាក់ប្រចាំខែសូមរាយ​ការ​ណ៍​មកកាន់ឯកឧត្តមផ្ទាល់ដើម្បីមានវិធានការ ព្រោះ​ទីតាំងនេះ គឺជាដីសាធារណៈរបស់រដ្ឋ មិនមាន​បុគ្គល​ណាម្នាក់ជាអ្នកគ្រប់គ្រងឡើយ។ ក្រុមអាជីវករដែលលក់ដូរលើវិថីអាហារទាំងអស់ សប្បាយ​រីករាយ និងថ្លែងអំណរគុណ…