កូនត្រីចម្រុះទើបញាស់រាប់លានក្បាល ត្រូវបានអាជ្ញាធរជំនាញ និងអង្គការដៃគូ សង្គ្រោះចេញពីឧបករណ៍នេសាទ​ខុសច្បាប់ក្នុងរដូវបិទនេសាទឆ្នាំ២០២៦ ដើម្បីការពារ និងពង្រឹងពូជត្រីក្នុងទន្លេមេគង្គ។ នេះបើតាមការឱ្យដឹងពីអង្គការ «អច្ឆរិយៈនៃទន្លេមេគង្គ» (Wonders of the Mekong)។ អង្គការអច្ឆរិយៈនៃទន្លេមេគង្គ បានបញ្ជាក់ថា កូនត្រីតូចៗដែលត្រូវគេប្រមូលទាញចេញពីឧបករណ៍​ខុសច្បាប់ទាំង​នោះ មិនមែនជាប្រភេទ «ត្រីល្អិត» ឡើយ ប៉ុន្តែជាកូនត្រីទើបញាស់នៃប្រភេទត្រីធំៗ ដែលខ្លះអាចលូតលាស់រហូត​ដល់​ទម្ងន់ ៣០០ គីឡូក្រាម ។ការប្រព្រឹត្តបទល្មើសតាមរយៈឧបករណ៍ «លូស្បៃមុង» ក្នុងរដូវបិទនេសាទ ជាការបំផ្លាញ​ធនធាន​មច្ឆជាតិយ៉ាងធ្ងន់ធ្ងរ ដែលធ្វើឱ្យបាត់បង់ផលត្រីរាប់ម៉ឺនតោនក្នុងមួយឆ្នាំៗ។ ពាក់ព័ន្ធនឹងកិច្ចការពារនេះ ក្រុមការងារនៃគម្រោង «ការការពារ និងស្តារឡើងវិញនូវច្រកផ្លូវរបៀងជម្រកត្រីនៅក្នុង​ទន្លេ​មេគង្គ» បានចុះបេសកកម្មត្រួតពិនិត្យ និងបង្ក្រាបបទល្មើសជលផលជាច្រើនខេត្ត។ នាដើមខែកញ្ញានេះ ប្រតិបត្តិការ​ដឹកនាំ​ដោយ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ ចាប់ពីខេត្តក្រចេះ រហូតដល់​ភូមិសាស្ត្រស្រុកព្រៃឈរ ខេត្តកំពង់ចាម បានរឹបអូសឧបករណ៍លូស្បៃមុង និងសង្គ្រោះកូនត្រីចម្រុះមិនតិចជាង ២៥ ប្រភេទរួមទាំងប្រភេទរងគ្រោះថ្នាក់ ដែលមានអាយុកាលទើបតែ ១ សប្តាហ៍ឡើង។ ឯកឧត្តម ប៉ែន ផល្លីកា…

ភ្នំពេញ ថ្ងៃទី ៧ ខែកញ្ញា ឆ្នាំ ២០២៦ – Vietjet សូមអញ្ជើញអ្នកដំណើរពីប្រទេសកម្ពុជាឱ្យរៀបចំផែនការវិស្សមកាល ការជួបជុំគ្រួសារ ឬដំណើរអាជីវកម្មរបស់ពួកនាពេលខាងមុខ ដោយផ្តល់ជូនប្រូម៉ូសិនបញ្ចុះតម្លៃសំបុត្រថ្ងៃទី​​​ ៩ ខែ ៩ រយៈពេលបីថ្ងៃ ដោយផ្តល់ជូនតម្លៃសំបុត្រយន្តហោះថ្នាក់ Eco ចាប់ពីត្រឹមតែ 0 ដុល្លារអាមេរិក (មិនរាប់បញ្ចូលពន្ធ និងថ្លៃសេវា) និងបញ្ចុះតម្លៃ 22% លើតម្លៃសំបុត្រមូលដ្ឋាន Deluxe។ ចាប់ពីម៉ោង ០០:០០ ថ្ងៃទី ៨ ខែកញ្ញា ដល់ម៉ោង ២៣:០០ ថ្ងៃទី ១០ ខែកញ្ញា ឆ្នាំ 2026 (UTC+7) អ្នកដំណើរអាចកក់សំបុត្របានតាមរយៈគេហទំព័រ និងកម្មវិធីទូរស័ព្ទរបស់ Vietjet ដើម្បីរីករាយជាមួយតម្លៃសំបុត្រ Eco តម្លៃចាប់ពី 0 ដុល្លារអាមេរិក នៅទូទាំងផ្លូវហោះហើរក្នុងស្រុក និងអន្តរជាតិរបស់វៀតណាម រួមទាំងផ្លូវហោះហើរដ៏ពេញនិយមពីសៀមរាប-ហាណូយ។ លើសពីនេះ ជើងហោះហើរអន្តរជាតិក៏ផ្តល់ជូនការបញ្ចុះតម្លៃ 22% លើតម្លៃសំបុត្រមូលដ្ឋាន…

ព្រះសីហនុ ៖ ឯកឧត្តម ឧបនាយករដ្ឋមន្ត្រី សាយ សំអាល់ ក្នុងនាមជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានផ្ដល់នូវទស្សនទាន និងបទបញ្ជាផ្ទៃក្នុងយ៉ាងសំខាន់ៗសំរាប់ក្រុមការងារ ដើម្បីជំរុញកិច្ចអភិវឌ្ឍន៍មូលដ្ឋាន និងលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើងថែមទៀត ។ ក្នុងកិច្ចប្រជុំជីវភាពរបស់ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ នាថ្ងៃទី៥ ខែកញ្ញា ឆ្នាំ២០២៦ នៅខេត្តព្រះសីហនុ ឯកឧត្តម ឧបនាយករដ្ឋមន្ត្រី បានគូសបញ្ជាក់ថា គោលនយោបាយអភិវឌ្ឍន៍ដ៏មានសារៈសំខាន់របស់រាជរដ្ឋាភិបាល គឺការផ្ដោតលើការយកចិត្តទុកដាក់ជាអតិបរមាលើកត្តាមនុស្ស ទឹក ភ្លើង ផ្លូវនិងបច្ចេកវិទ្យា ដោយខិតខំប្រឹងប្រែងរក្សាឱ្យបាននូវសន្តិសុខ សុវត្ថិភាព សុខដុមរមនាក្នុងសង្គម និងភាពស្ងប់ស្ងាត់ ដើម្បីធានាដល់កិច្ចអភិវឌ្ឍសេដ្ឋកិច្ចមូលដ្ឋាន ។ ជាមួយនេះ ការអនុវត្តគោលនយោបាយសេដ្ឋកិច្ចក្រៅប្រព័ន្ធ ត្រូវបន្តជំរុញ ដើម្បីទាក់ទាញ និងគាំទ្រដល់ប្រជាពលរដ្ឋឱ្យចូលរួមក្នុងប្រព័ន្ធសេដ្ឋកិច្ចផ្លូវការ ដែលធានាបាននូវស្ថិរភាពចំណូលគ្រួសារ ។ ឯកឧត្តម ឧបនាយករដ្ឋមន្ត្រី បានលើកទឹកចិត្តដល់មន្ត្រីរាជការ និងអាជ្ញាធរគ្រប់លំដាប់ថ្នាក់ ត្រូវបន្តកែលម្អរបៀបរបបធ្វើការងារដោយមានការគិតគូរច្បាស់លាស់ ហ៊ានសម្រេចចិត្ត ព្រមទាំងមានការទទួលខុសត្រូវខ្ពស់ ។ រាល់កិច្ចប្រជុំថ្នាក់ស្រុក ឬឃុំ-សង្កាត់ ត្រូវតម្រង់ទិសដៅទៅរកការដោះស្រាយបញ្ហាប្រឈមពិតប្រាកដរបស់ប្រជាពលរដ្ឋនៅនឹងកន្លែង ប្រកបដោយភាពស្និទ្ធស្នាល និងទាន់ពេលវេលា ។ ឯកឧត្តម ឧបនាយករដ្ឋមន្ត្រី សាយ…

កាលពីថ្ងៃទី ៤ ខែកញ្ញា ឆ្នាំ ២០២៦ បទបង្ហាញព្រឹត្តិការណ៍ភាពយន្តហុងកុងឆ្នាំ២០២៦ បានប្រារព្ធធ្វើឡើងនៅរោងភាពយន្ត លេជេន សាខាអូឡាំព្យា និងលេជេន សាខាអេដេន រាជធានីភ្នំពេញ។ ព្រឹត្តិការណ៍បទបង្ហាញនេះ បានពាំនាំនូវផ្ទាំងទស្សនីយភាពភាពយន្តហុងកុងដ៏ជក់ចិត្តជូនដល់ទស្សនិកជនកម្ពុជា ព្រមទាំងមានការចូលរួមផ្ទាល់ពីសំណាក់សមិទ្ធករភាពយន្ត និងតួសម្តែងប្រុសស្រីមកពីហុងកុង ដើម្បីជួបសំណេះសំណាលជាមួយអ្នកគាំទ្រនៅកម្ពុជាផងដែរ។ ព្រឹត្តិការណ៍ឆ្នាំនេះបានប្រព្រឹត្តទៅចាប់ពីថ្ងៃទី ៤ ដល់ថ្ងៃទី ៦ ខែកញ្ញា ឆ្នាំ ២០២៦ ដោយមានការចាក់ផ្សាយភាពយន្តហុងកុងចំនួន ៧ រឿង ដែលត្រូវបានជ្រើសរើសយ៉ាងសម្រិតសម្រាំងនៅរោងភាពយន្ត លេជេន សាខាអូឡាំព្យា និងលេជេន សាខាអេដេន រាជធានីភ្នំពេញ។ បទបង្ហាញព្រឹត្តិការណ៍ភាពយន្តហុងកុង ឆ្នាំ ២០២៦ នាំមកជូនដោយបណ្ឌិតសភាពានរង្វាន់ភាពយន្តអាស៊ី (AFAA) ជាមួយនឹងជំនួយហិរញ្ញវត្ថុពីភ្នាក់ងារអភិវឌ្ឍឧស្សាហកម្មច្នៃប្រឌិត និងវប្បធម៌ (CCIDA) មូលនិធិអភិវឌ្ឍន៍ភាពយន្ត (FDF) និងការិយាល័យសេដ្ឋកិច្ច និងពាណិជ្ជកម្មហុងកុង (HKETO) សហការជាមួយក្រុមហ៊ុន Westec Media Limited និងទទួលបានការគាំទ្រផ្នែកទីតាំងពីរោងភាពយន្ត លេជេន។ កម្មវិធីនេះក៏ជាផ្នែកមួយនៃកិច្ចខិតខំប្រឹងប្រែងរបស់ AFAA ក្នុងការលើកកម្ពស់វិស័យភាពយន្តអាស៊ី…

កងទ័ពជើងគោកនៃកងយោធពលខេមរភូមិន្ទ រួមជាមួយមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព​បោសសម្អាតមីន និងកាកសំណល់សង្រ្គាម ព្រមទាំងកងទ័ពជើងគោកសហរដ្ឋអាមេរិកប្រចាំប៉ាស៊ីហ្វិក និងកងឆ្មាំរដ្ឋអាយដាហូ បានរៀបចំកិច្ចប្រជុំរៀបចំផែនការបឋម សម្រាប់លំហាត់ឆ្មាំអង្គរ ឆ្នាំ២០២៧។ កងទ័ពជើងគោកនៃកងយោធពលខេមរភូមិន្ទកម្ពុជាបានបញ្ជាក់នៅលើទំព័រហ្វេសប៊ុកនៅថ្ងៃពុធទី០៤ ខែកញ្ញា ឆ្នាំ២០២៦នេះថា ការរៀបចំកិច្ចប្រជុំផែនការបឋមរវាងកងទ័ពកម្ពុជា-អាមេរិកនេះ ធ្វើឡើងចាប់ពីថ្ងៃទីទី៣១ ខែសីហា ដល់ថ្ងៃទី៤ ខែកញ្ញា ឆ្នាំ២០២៦ ដែលជាជំហានដ៏សំខាន់មួយឆ្ពោះទៅរកការចាប់ផ្តើមឡើងវិញនៃលំហាត់ទ្វេភាគីនេះ បន្ទាប់ពីបានផ្អាកអស់រយៈពេលមួយទសវត្សរ៍។ កងទ័ពជើងគោកនៃកងយោធពលខេមរភូមិន្ទ បានបញ្ជាក់ទៀតថា កងទ័ពកម្ពុជា-អាមេរិកបានពិភាក្សាអំ​ពីសកម្មភាពហ្វឹកហ្វឺនសំខាន់ៗ រួមមាន លំហាត់ទីបញ្ជាការ និងការផ្លាស់ប្តូរជំនាញវិជ្ជាជីវៈលើវិស័យសុខាភិបាល វិស្វកម្ម និងការកម្ចាត់គ្រឿងផ្ទុះ និងយុទ្ធភណ្ឌមិនទាន់ផ្ទុះ (EOD/UXO)។ បើតាមកងទ័ពជើងគោកនៃកងយោធពលខេមរភូមិន្ទ លំហាត់ឆ្មាំអង្គរឆ្នាំ២០២៧ គ្រោងនឹងប្រព្រឹត្តទៅក្នុងខែកុម្ភៈ ឆ្នាំ២០២៧ ដើម្បីពង្រឹងអន្តរប្រតិបត្តិការ និងសមត្ថភាពឆ្លើយតបគ្រោះមហន្តរាយ ដែលឆ្លុះបញ្ចាំងពីសន្ទុះថ្មី នៃកិច្ចសហប្រតិបត្តិការយោធារវាងកម្ពុជា–សហរដ្ឋអាមេរិក និងការប្តេជ្ញាចិត្តរួមក្នុងការពង្រឹងកិច្ចសហប្រតិបត្តិការការពារជាតិ៕ សេង បារាំង AMS

ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការក្រសួងការពារជាតិកម្ពុជា នាថ្ងៃទី៣ ខែកញ្ញា ឆ្នាំ២០២៦  បានធ្វើបទបង្ហាញជូនដល់ក្រុមអនុព័ន្ធយោធាបរទេសប្រចាំកម្ពុជា ចំនួន ២២រូប តំណាងឱ្យ ១៨ប្រទេស  ស្តីពីបច្ចុប្បន្នភាព និងស្ថានការណ៍ចុងក្រោយតាមបណ្តាញព្រំដែនកម្ពុជា និងថៃ។  ឯកឧត្តមរដ្ឋលេខាធិការបានធ្វើបទបង្ហាញអំពីសារបាននៃការវិវត្តន៍ស្ថានការណ៍មុនពេលប៉ះទង្គិចប្រដាប់អាវុធតាមបណ្តោយព្រំដែន រហូតឈានទៅដល់បទឈប់បាញ់កាលពីខែធ្នូ ឆ្នាំ២០២៥ និងការវិវត្តន៍នៃបរិបទសន្តិសុខនៅតាមតំបន់ព្រំដែននាពេលបច្ចុប្បន្ន ក៏ដូចជាកិច្ចខិតខំប្រឹងប្រែងរបស់កម្ពុជានាពេលកន្លងមក ក្នុងការដោះស្រាយបញ្ហាព្រំដែនកម្ពុជា-ថៃ។ ជាមួយគ្នានេះ តំណាងរដ្ឋលេខាធិការដ្ឋានកិច្ចការព្រំដែន បានបង្ហាញពីសមិទ្ធផលនៃការបោះបង្គោលព្រំដែនបណ្តោះអាសន្នមុនមានការប៉ះទង្គិចគ្នាជាលើកទី២​ នៅចន្លោះបង្គោលលេខ៥២ ដល់លេខ៥៩ និងលេខ ៤២ ដល់លេខ៤៧។ តំណាងរដ្ឋលេខាធិការដ្ឋានកិច្ចការព្រំដែន ក៏បានគូសបញ្ជាក់ពីការជំរុញឱ្យភាគីថៃរៀបចំប្រជុំគណៈកម្មាធិការព្រំដែនចម្រុះ (JBC) ព្រមទាំងបញ្ជូនក្រុមភូមិសាស្ត្រចម្រុះ ចុះអនុវត្តការងារជាក់ស្តែង ដើម្បីស្វែងរកដំណោះស្រាយដោយសន្តិវិធី និងអចិន្ត្រៃយ៍ចំពោះបញ្ហាព្រំដែនរវាងប្រទេសទាំងពីរ។ បន្ថែមលើនេះ ក្រុមសម្របសម្រួលនៃប្រទេសកម្ពុជា បានគូសបញ្ជាក់ពីកិច្ចសហការយ៉ាងជិតស្និទ្ធជាមួយក្រុមអ្នកសង្កេតការណ៍អាស៊ាន (AOT) ក្នុងការចុះត្រួតពិនិត្យ និងផ្ទៀងផ្ទាត់សភាពការណ៍នៅលើដី។ កម្ពុជាបានសម្តែងការកោតសរសើរចំពោះប្រទេសម៉ាឡេស៊ី និងប្រធាន AOT ដែលបានចូលរួមយ៉ាងសកម្មក្នុងការថែរក្សាសន្តិភាព និងស្ថិរភាពក្នុងតំបន់។ ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន បានលើកឡើងថា ទោះបីជាភាគីទាំងពីរបានព្រមព្រៀងគ្នាលើបទឈប់បាញ់ និងមានយន្តការសម្រាប់អនុវត្តដើម្បីដោះស្រាយបញ្ហាព្រំដែនរវាងប្រទេសទាំងពីរយ៉ាងណាក្តី  បច្ចុប្បន្ននៅតែមានបញ្ហាប្រឈមមួយចំនួនកើតឡើងនៅតាមខ្សែបន្ទាត់ព្រំដែន។ បញ្ហាទាំងនោះ រួមមាន ការចល័តកងទ័ព ការរាយបន្លាលួស…