កសិករដាំស្វាយចន្ទីកម្ពុជា ពេលនេះលែងបារម្ភពី ការខាតបង់ក្នុងការកាប់ដើមចន្ទីចាស់ៗចោលទៀតហើយ តាមរយៈបច្ចេកទេសថ្មីនៃ​ការកាត់មែក និងកែលម្អ ដើមចាស់ឱ្យលូតលាស់ឡើងវិញ ដែលណែនាំដោយ ក្រុមអ្នកស្រាវជ្រាវនៃបណ្ឌិត្យសភាវិទ្យា​សាស្ត្រកសិកម្ម​តំបន់ត្រូពិកចិន បាននិងកំពុងជួយឱ្យចម្ការចន្ទីចាស់ៗ ត្រឡប់មកហុចទិន្នផលខ្ពស់ជាថ្មី និងជួយរក្សាប្រាក់ ចំណូលរបស់កសិករ។ ផ្អែកតាមការចុះអនុវត្តជាក់ស្តែងនៅតាមចម្ការក្នុង ខេត្តកំពង់ធំ សមាគមស្វាយចន្ទីកម្ពុជា (CAC) បាន​សម្តែង​ក្តីសង្ឃឹមយ៉ាងមុតមាំ​លើបច្ចេកទេស​ស្តារដើម​ចន្ទី​ចាស់ៗនេះ។ លោក អួន ស៊ីឡុត ប្រធានសមាគម​ស្វាយចន្ទីកម្ពុជា បានប្រាប់ឱ្យដឹងថា កន្លងមកជាពិសេស​ក្នុង​ឆ្នាំ២០២១ និង២០២២ កសិករបានកាប់ដើម​ចន្ទី​ពូជប្រពៃណី និងដើមចាស់ៗចោលអស់ជិត ៥០ហិកតា ដោយសារតែវាហុចផល​ទាប។ប៉ុន្តែតាមវិធីសាស្រ្តថ្មី​ដែល​ចែករំលែកដោយអ្នកបច្ចេកទេសចិន បានផ្តល់នូវ​ផលចំណេញច្រើន។ លោក អួន ស៊ីឡុត ប្រធានសមាគមស្វាយចន្ទីកម្ពុជាបាន​បញ្ជាក់ថា វិធីសាស្រ្តថ្មីនេះ គឺគេកាប់ដើមចន្ទីអាយុ​ប្រមាណ​ ២៥ឆ្នាំ ដែលលែង​សូវហុចផល ដោយកាត់​មែកចាស់ចោលសល់តែកម្ពស់ពីដី ១ទៅ២ម៉ែត្រ ដើម្បីឱ្យវាដុះមែកនិងស្លឹកថ្មី។ វិធីនេះធ្លាប់ជោគជ័យ​លើដើមពុទ្រា ហើយយើងសង្ឃឹមយ៉ាងមុតមាំថានឹង​ទទួលបានលទ្ធផលល្អដូចគ្នាលើដើមស្វាយចន្ទី។ ពាក់ព័ន្ធនឹងកិច្ចសហប្រតិបត្តិការលើដំណាំកៅស៊ូនេះដែរ ឯកឧត្តម វ៉ាង វិនពីន (WANG Wenbin) ឯកអគ្គរដ្ឋទូត​ចិន​ប្រចាំកម្ពុជាបាន​បង្ហោះសំណេរ​លើបណ្តាញ​សង្គមផ្លូវការក្នុងសប្ដាហ៍នេះថា ការណែនាំបច្ចេកទេស​កែលម្អចម្ការស្វាយចន្ទីចាស់ៗនេះ ធ្វើឡើងដើម្បីជួយ​ការពារ​កុំឱ្យចម្ការស្វាយ​ចន្ទីចាស់ៗជិត ៣០ម៉ឺនហិកតានៅ​កម្ពុជា ត្រូវគេកាប់បំផ្លាញ ឬបោះបង់ចោល។ គំនិតផ្ដួច​ផ្ដើមនេះ…

សម្ដេចធិបតី ហ៊ុន ម៉ាណែត និងលោកជំទាវបណ្ឌិត បានឆ្លៀតឱកាសទៅជួបសំណេះសំណាលជាមួយលោកគ្រូ អ្នកគ្រូ សិស្សមានពិការភាព និងកុមារកំព្រា នៅវិទ្យាល័យអប់រំពិសេសភ្នំពេញថ្មី ព្រមទាំងរៀបចំល្បែងកម្សាន្ត និងអាហារជូនកុមារទាំងនោះ ដើម្បីចែករំលែកការសប្បាយរីករាយក្នុងឱកាសថ្ងៃខួបកំណើតរបស់សម្តេច។ ក្នុងឱកាសថ្ងៃខួបកំណើតរបស់ខ្លួន សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានជួបសំណេះសំណាល និងរៀបចំអាហារជូនដល់កុមារមានពិការភាពភ្នែក គថ្លង់ និងកុមារកំព្រា ប្រមាណជា ៥០០នាក់ នៅទីតាំងវិទ្យាល័យអប់រំពិសេសភ្នំពេញថ្មី កាលពីព្រឹកថ្ងៃទី២០ ខែតុលា ឆ្នាំ២០២៦។ សិស្សានុសិស្សទាំងនោះស្នាក់នៅ និងរៀនសូត្រនៅវិទ្យាល័យអប់រំពិសេសភ្នំពេញថ្មីនេះ ហើយមួយចំនួនទៀតមកពីវិទ្យាល័យអប់រំពិសេសច្បារអំពៅ វិទ្យាស្ថានជាតិអប់រំពិសេស និងមណ្ឌលកុមារកំព្រាភ្នំពេញថ្មី។ ក្រៅពីអាហារសាមគ្គី សម្ដេចធិបតី ហ៊ុន ម៉ាណែត និងលោកជំទាវ បានផ្ដល់ថវិកា និងគ្រឿងឧបភោគបរិភោគមួយចំនួនដល់សាលាទាំង៣កន្លែង និងមណ្ឌលកុមារកំព្រាភ្នំពេញថ្មី។ ចំណែកលោកគ្រូ អ្នកគ្រូ រួមទាំងសិស្សានុសិស្សទាំងជាង ៥០០នាក់ ក៏បានទទួលថវិកា និងសម្ភារមួយចំនួនផងដែរ។ អ្នកគ្រូ នាង ផល្លា ប្រធានគណៈគ្រប់គ្រងវិទ្យាស្ថានជាតិអប់រំពិសេស នៃក្រសួងអប់រំ…

មន្រ្តីជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា កម្ពុជា បានបំបែកកំណត់ត្រាប្រវត្តិសាស្ត្រ នៃការនាំចេញអង្ករច្រើនជាង ១លានតោន គិតត្រឹមជាង១០ខែ ឆ្នាំនេះ ។ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា គិតត្រឹម​ថ្ងៃទី១៩ ខែតុលា ឆ្នាំ២០២៦ ទំហំនៃការនាំចេញអង្ករផ្លូវការរបស់កម្ពុជាបានហក់ឡើងដល់ ១លាន ១ម៉ឺន៤ ៤៤២ តោន ។អ្នកនាំពាក្យដដែលចាត់ទុកជោគជ័យនៃការនាំចេញអង្ករពេលនេះ គឺជាការបំបែកកំណត់ត្រាឆ្នាំចាស់ និងជាសមិទ្ធផលដ៏ត្រចះត្រចង់​សម្រាប់​ជាតិ និងវិស័យកសិកម្មទាំងមូល ។ យោងតាមស្ថិតិចុងក្រោយ កម្ពុជាបាននាំចេញអង្ករទៅកាន់ប្រទេសក្នុងតំបន់អាស៊ានចំនួនជាង ៤៥ម៉ឺនតោន ក្នុងនោះ ហ្វីលីពីន បានទិញអង្ករពីកម្ពុជាចំនួនជាង១៩ម៉ឺនតោន ស្មើនឹង ១៨,៩% នៃការនាំចេញអង្ករសរុបរបស់កម្ពុជាដែលធ្វើឱ្យប្រទេសនេះ ក្លាយជា​អ្នកទិញអង្ករកម្ពុជាធំជាងគេនៅក្នុងតំបន់អាស៊ាន តាមពីក្រោយដោយវៀតណាម និងម៉ាឡេស៊ី ។ ចំណែកប្រទេសចិន នៅតែជាទីផ្សារនាំចេញដ៏សំខាន់មួយសម្រាប់អង្ករកម្ពុជា ដោយគិតត្រឹមថ្ងៃទី១៩ ខែតុលា កម្ពុជានាំចេញអង្ករសរុប​ចំនួនជាង ១៩ម៉ឺនតោន ទៅកាន់ប្រទេសចិនដីគោក ហុងកុង និងម៉ាកាវ ។ រីឯសហភាពអឺរ៉ុបបានទិញអង្ករពីកម្ពុជាសរុបជាង…

 ដើម្បីជាការស្តារទំនុកចិត្តជាមួយគ្នាឡើងវិញ គណៈកម្មការផ្សះផ្សានៃតុលាការមជ្ឈត្តការអចិន្ត្រៃយ៍ បានផ្តល់អនុសាសន៍ឱ្យកម្ពុជា និងថៃ ខិតខំដំឡើងកម្រិតតំណាងការទូតរបស់ខ្លួន ដោយតែងតាំងតំណាងជាន់ខ្ពស់ប្រចាំនៅរាជធានីនៃប្រទេសម្ខាងទៀត ព្រមទាំងចូលរួមដោយបើកចំហលើបច្ចេកទេសកំណត់ព្រំដែន ដើម្បីបង្កើតបរិយាកាសអំណោយផលសម្រាប់ការចរចាប្រកបដោយស្ថាបនា។ គណៈកម្មការផ្សះផ្សាដែលត្រូវបានបង្កើតឡើងក្រោមឧបសម្ព័ន្ធទី៥ នៃអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) បានបញ្ចប់សំណុំវិធានការកសាងទំនុកចិត្តរវាងកម្ពុជា និងថៃ នៅក្នុងកិច្ចប្រជុំលើកទី២ នៅទីក្រុងឡាអេ ប្រទេសហូឡង់។ វិធានការកសាងទំនុកចិត្តទាំងនេះមានគោលបំណងពង្រឹងការជឿទុកចិត្តគ្នាទៅវិញទៅមក បង្កើនទំនាក់ទំនង និងលើកកម្ពស់បរិយាកាសអំណោយផលសម្រាប់ការឈានដល់កិច្ចព្រមព្រៀងមួយ។ សំណុំវិធានការពេញលេញនេះឆ្លុះបញ្ចាំងពីជំនឿរួមរបស់ភាគីទាំងពីរចំពោះការសន្ទនា និងនីតិរដ្ឋ ព្រមទាំងការប្តេជ្ញាចិត្តក្នុងការចូលរួមដោយស្ថាបនាក្នុងដំណើរការផ្សះផ្សា ដោយត្រូវបានដាក់បញ្ចូលក្នុងឧបសម្ព័ន្ធនៃសេចក្តីប្រកាសព័ត៌មានរបស់តុលាការមជ្ឈត្តការអចិន្ត្រៃយ៍។ នេះបើតាមការប្រកាសរបស់តុលាការមជ្ឈត្តការអចិន្ត្រៃយ៍កាលពីថ្ងៃទី ១៩ តុលា ហើយក៏ត្រូវបានដកស្រង់ផ្សាយបន្តដោយក្រសួងការបរទេសកម្ពុជាផងដែរ។ បើតាមគណៈកម្មការផ្សះផ្សា ក្នុងចំណោមវិធានការដែលបានព្រមព្រៀងគ្នា គណៈកម្មការផ្សះផ្សាបានកត់សម្គាល់ថា ការឯកភាព និងវិធានការដែលភាគីទាំងពីរធ្លាប់បានព្រមព្រៀងពីមុន មិនទាន់ត្រូវបានអនុវត្តពេញលេញនៅឡើយទេ។ គណៈកម្មការផ្សះផ្សាបានលើកទឹកចិត្តឱ្យភាគីទាំងពីរអនុវត្តការប្តេជ្ញាចិត្តទាំងនោះ ដើម្បីបង្កើតបរិយាកាសអំណោយផលសម្រាប់ការចរចាប្រកបដោយស្ថាបនា។ ក្នុងបរិបទនេះ គណៈកម្មការបានលើកទឹកចិត្តឱ្យភាគីទាំងពីរខិតខំដំឡើងកម្រិតតំណាងការទូតរបស់ខ្លួន ដោយតែងតាំងតំណាងជាន់ខ្ពស់ម្នាក់ប្រចាំនៅរាជធានីនៃប្រទេសម្ខាងទៀត ព្រមទាំងចូលរួមដោយស្ថាបនា និងបើកចំហលើបច្ចេកទេសនៃការកំណត់ព្រំដែន នៅក្នុងក្រុមការងារក្រោមការដឹកនាំរបស់គណៈកម្មការ។ ឆ្លើយតបនឹងអនុសាសន៍ទាំងនេះ ភាគីទាំងពីរបានព្រមព្រៀងអនុវត្តដើម្បីជួយកសាងការជឿទុកចិត្ត និងការជឿជាក់រវាងគ្នាទៅវិញទៅមក។ បន្ថែមលើនេះ ភាគីទាំងពីរបានទទួលស្គាល់ពីសិទ្ធិក្នុងការធ្វើសេចក្តីថ្លែងការណ៍ ដើម្បីការពារសិទ្ធិស្របច្បាប់របស់ខ្លួន ឬកែតម្រូវព័ត៌មានមិនពិត និងព័ត៌មានបំភាន់។ ដើម្បីលើកកម្ពស់បរិយាកាសអំណោយផលសម្រាប់ការឈានដល់កិច្ចព្រមព្រៀង កម្ពុជា និងថៃ បានប្តេជ្ញាអនុវត្តការអត់ធ្មត់ក្នុងការធ្វើទំនាក់ទំនងសាធារណៈ និងការធ្វើសេចក្តីថ្លែងការណ៍នានា។ ជាមួយគ្នានេះ…

យុទ្ធសាស្ត្រត្រីកោណដែលត្រូវបានដាក់ចេញដោយ សម្តេចតេជោ ហ៊ុន សែន កាលពីចុងឆ្នាំ១៩៩៨ ប្រៀបបានទៅនឹង «ថ្នាំពេទ្យទិព្វ» ក្នុងការបង្រួបបង្រួមជាតិ និងជា «ឆ្អឹងខ្នង» ដ៏រឹងមាំទ្រទ្រង់សន្តិភាពដែលកម្ពុជា ទទួលបានយ៉ាងលំបាក។ នេះជាការ លើកឡើង​របស់ ឯកឧត្តម អៀង ពិសី ក្នុងឱកាសសម្ពោធជាផ្លូវការនូវ សៀវភៅ «យុទ្ធសាស្ត្រត្រីកោណ៖ ឆ្អឹងខ្នងសន្តិភាព កម្ពុជា» កាលពីថ្ងៃ ទី១៩ ខែតុលា ឆ្នាំ២០២៦។ ជាអ្នកនិពន្ធសៀវភៅ«យុទ្ធសាស្ត្រត្រីកោណ៖ ឆ្អឹងខ្នងសន្តិភាពកម្ពុជា»ដែលមានកម្រាស់១ ១១១ ទំព័រ ឯកឧត្តម អៀង ពិសី នាយករងខុទ្ទកាល័យសម្តេច ប្រធានព្រឹទ្ធសភា បានលើកឡើងថា «យុទ្ធសាស្ត្រ ត្រីកោណ» ដែលដាក់ចេញដោយសម្តេច អគ្គមហាសេនា​បតីតេជោ ហ៊ុន សែន កាលពីថ្ងៃទី២ ខែធ្នូ ឆ្នាំ១៩៩៨ ប្រៀបដូចជា ឱសថទិព្វ បានបង្រួប បង្រួមគ្រប់ភាគីជម្លោះ ឱ្យត្រឡប់មករួបរួមគ្នា នាំមកនូវស្នាមញញឹម និងសន្តិភាពដ៏បរិបូរណ៍ជូនជាតិ មាតុភូមិ ។ សំដៅទៅលើវណ្ណកម្មបែបប្រវត្តិសាស្រ្តនយោបាយដែលដាក់សម្ពោធ…

​​រាជរដ្ឋាភិបាលកម្ពុជា តាមរយៈក្រសួងមុខងារសារធារណៈ បានសម្តេចរៀបចំការប្រឡងប្រឡងប្រជែងជ្រៀសរើស​គ្រូ​កិច្ចព្រមព្រៀង​ការងារ​សម្រាប់​អនុវិទ្យាល័យ​ និង​វិទ្យាល័យ ក្នុងក្របខណ្ឌក្រសួងអប់រំយុវជននិងកីឡា។ បេក្ខជនចំនួន៣ពាន់នាក់នឹងត្រូវជ្រើសរើស ដើម្បីទៅបំពេញបន្ថែមតាមបណ្តាខេត្តដែលកំពុងមានតម្រូវការ និងជំនួសឱ្យគ្រូដែលត្រូវចូលនិវត្តន៍។ ​ ការប្រឡង​នេះ ធ្វើឡើង​នៅរសៀលថ្ងៃទី១៩ ខែតុលា ឆ្នាំ២០២៦ ដោយមានបេក្ខជនចូលរួមប្រឡង​​​ចំនួន​ ១១​ ៨៤១នាក់ នៅមណ្ឌលប្រឡងចំនួន៤ រួមមាន៖ សាលាភូមិន្ទរដ្ឋបាល, វិទ្យាស្ថានជាតិអប់រំ, សាកលវិទ្យាល័យជាតិគ្រប់គ្រង និងសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានអញ្ជើញទៅត្រួតពិនិត្យ និងកាត់បើកកញ្ចប់វិញ្ញាសាជានិមិត្តរូប នៅមណ្ឌលប្រឡងនៃវិទ្យាស្ថានជាតិអប់រំ។ ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ និងជាប្រធានមណ្ឌលប្រឡងវិទ្យាស្ថានជាតិអប់រំ បានគូសបញ្ជាក់ថា ​ ការជ្រើសរើសគ្រូចំនួន៣ពាន់ប៉ុស្តន៍នេះ គឺសម្រាប់ ៨មុខតំណែង ក្នុងនោះមានគ្រូភាសារខ្មែរ គណិតវិទ្យា រូបវិទ្យា គីមី ជីវវិទ្យា ប្រវតិ្តវិទ្យា ភាសារបរទេស និងព័ត៌មានវិទ្យា។ ហើយការប្រឡងនេះ គឺដើម្បីជ្រើសរើសយកគ្រូដែលមានសមត្ថភាពការងារស្របតាមចំណេះជំនាញ។ ចំណែកលោកជំទាវបណ្ឌិត ឃួន វិច្ឆិកា…