ភ្នំពេញ៖គណៈកម្មាធិការជាតិរៀបចំការបោះឆ្នោត (គ.ជ.ប) បានណែនាំ និងលើកទឹកចិត្តដល់គ្រប់គណបក្សនយោបាយ ឱ្យប្រើប្រាស់ប្រព័ន្ធ​កម្មវិធីកុំព្យូទ័រក្នុងការរៀបចំបញ្ជីបេក្ខជន សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ខាងមុខ ដោយសារប្រព័ន្ធនេះអាចជួយពិនិត្យ និងដោះស្រាយកំហុសបច្ចេកទេស ព្រមទាំងទិន្នន័យផ្លូវច្បាប់បានយ៉ាងមានប្រសិទ្ធភាព។ ក្នុងវគ្គបណ្តុះបណ្តាលស្តីពីរបៀបប្រើប្រាស់កម្មវិធីរៀបចំបញ្ជីបេក្ខជន សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ កាលពីថ្ងៃទី១៩ ខែតុលា ឆ្នាំ២០២៦ គ.ជ.ប បានគូសបញ្ជាក់ថា ការរៀបចំបញ្ជីបេក្ខជនឈរឈ្មោះ មាន ២ជម្រើស គឺការរៀបចំដោយដៃ និងការរៀបចំតាមប្រព័ន្ធកម្មវិធីកុំព្យូទ័រ។ ក្នុងឱកាសនេះដែរឯកឧត្តម ទេព នីថា អគ្គលេខាធិការ គ.ជ.ប បានលើកទឹកចិត្តឱ្យគ្រប់គណបក្សនយោបាយប្រើប្រាស់ «ប្រព័ន្ធឌីជីថល» ព្រោះអាចជួយទប់ស្កាត់ និងដោះស្រាយបញ្ហាប្រឈមជាច្រើន ដូចជា៖ កំហុសឈ្មោះនិងទិន្នន័យ, បេក្ខជនមិនគ្រប់អាយុ, បេក្ខជនគ្មាន​ឈ្មោះ​ក្នុងបញ្ជីបោះឆ្នោត, ការឈរឈ្មោះជាន់គ្នាច្រើនគណបក្ស ឬច្រើនមណ្ឌល ព្រមទាំងករណីបេក្ខជនមិនបានអនុវត្តសិទ្ធិ​បោះឆ្នោត​លើកចុងក្រោយ។ ឯកឧត្តម តុប ឫទ្ធី អគ្គនាយក នៃអគ្គនាយកដ្ឋានសេវាកម្មច្បាប់ និងបច្ចេកទេស បានបន្ថែមថា ប្រព័ន្ធគ្រប់គ្រងការចុះបញ្ជីបេក្ខជននេះ ត្រូវបានដាក់ឱ្យអនុវត្តប្រកបដោយលទ្ធផលល្អប្រសើរ តាំងពីការបោះឆ្នោតឃុំ-សង្កាត់ ឆ្នាំ២០២២, ការបោះឆ្នោតជ្រើសតាំងតំណាងរាស្ត្រ…

ក្នុងឱកាសចូលជួបសម្តែងការគួរសមជាមួយសម្តេចមហាបវរធិបតី ហ៊ុន ម៉ាណែត នៅព្រឹកថ្ងៃទី១៩ ខែតុលា ឆ្នាំ២០២៦, នៅវិមានសន្ដិភាព ឯកឧត្តម Gordan Grlić-Radman រដ្ឋមន្ត្រីក្រសួងការបរទេស និងកិច្ចការអឺរ៉ុប នៃសាធារណរដ្ឋក្រូអាស៊ី បានសម្តែងក្តីសោមនស្សរីករាយ និងវាយតម្លៃខ្ពស់ចំពោះការរីកចម្រើននៃទំនាក់ទំនងរវាងក្រូអាស៊ី និងកម្ពុជា។ ភាពល្អប្រសើនេះស្ដែងចេញតាមរយៈការឈានទៅសម្រេចបាននូវការចុះអនុស្សរណៈនៃការយោគយល់គ្នាស្តីពីការលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត និងកិច្ចសហប្រតិបត្តិការរវាងវិទ្យាស្ថានជាតិការទូតកម្ពុជា និងបណ្ឌិត្យសភាការទូតក្រូអាស៊ី។ បន្ថែមលើនេះ, ឯកឧត្តមបានលើកឡើងពីកាលានុវត្តភាពជាច្រើន ដែលប្រទេសទាំងពីរ អាចបន្តពង្រឹង និងពង្រីកកិច្ចសហប្រតិបត្តិការទ្វេភាគី ដើម្បីជាឧត្តមប្រយោជន៍ដល់ប្រជាជនទាំងពីរ ក៏ដូចជាការពង្រឹងការតភ្ជាប់កម្ពុជា ទៅកាន់សហភាពអឺរ៉ុប។ ជាការឆ្លើយតប សម្តេចធិបតី បានស្វាគមន៍យ៉ាងកក់ក្តៅចំពោះដំណើរទស្សនកិច្ចផ្លូវការជាប្រវត្តិសាស្ត្ររបស់ ឯកឧត្តមរដ្ឋមន្ត្រីមកកាន់ព្រះរាជាណាចក្រកម្ពុជា។ សម្ដេចធិបតីបានសម្ដែងការពេញចិត្តចំពោះទំនាក់ទំនង និងកិច្ចសហប្រតិបត្តិការទ្វេភាគីកន្លងមក ព្រមទាំងគូសបញ្ជាក់ពីកាលានុវត្តភាពនៃការជំរុញកិច្ចសហប្រតិបត្តិការឱ្យកាន់តែស៊ីជម្រៅបន្ថែមទៀត ជាពិសេសលើវិស័យពាណិជ្ជកម្ម, ការវិនិយោគ និងទេសចរណ៍។ ពាក់ព័ន្ធនឹងការបោសសម្អាតមីន និងយុទ្ធភណ្ឌមិនទាន់ផ្ទុះ, សម្ដេចធិបតីបានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរ និងស្វាគមន៍ចំពោះការគាំទ្ររបស់ក្រូអាស៊ី តាមរយៈការផ្ដល់បច្ចេកវិទ្យា, ការចែករំលែកបទពិសោធន៍ និងជំនាញ ដើម្បីឱ្យបោសសម្អាតមីន និងយុទ្ធភណ្ឌមិនទាន់ផ្ទុះនៅកម្ពុជា ឱ្យកាន់តែមានប្រសិទ្ធភាពខ្ពស់ថែមទៀត។ សម្តេចធិបតី និងឯកឧត្តមរដ្ឋមន្ត្រី បានពិភាក្សា និងឯកភាពគ្នា ក្នុងការបន្តពង្រឹង និងពង្រីកកិច្ចសហប្រតិបត្តិការទ្វេភាគី លើវិស័យសក្តានុពលសំខាន់ៗរួមមាន៖ នយោបាយ…

ភ្នំពេញ៖ការអភិវឌ្ឍ «សភាអេឡិចត្រូនិក» ឬ e-Parliament នៅតែបន្តបោះជំហានទៅមុខយ៉ាងរលូន និងមានវឌ្ឍនភាពគួរជាទីមោទនៈ ស្របទៅតាមការប្រែប្រួលនៃបច្ចេកវិទ្យាឌីជីថល និងយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា។ ការគូសបញ្ជាក់នេះ បានធ្វើឡើងក្នុងពិធីបិទសិក្ខាសាលាពិគ្រោះយោបល់ស្ដីពី «ការអភិវឌ្ឍសភាអេឡិចត្រូនិក (e-Parliament)» នៅវិមានរដ្ឋសភា ក្រោមអធិបតីភាព ឯកឧត្តម វង សូត អនុប្រធានទី២ រដ្ឋសភា។ ថ្លែងក្នុងពិធីបិទសិក្ខាសាលាពិគ្រោះយោបល់ស្ដីពី «ការអភិវឌ្ឍសភាអេឡិចត្រូនិក (e-Parliament)» កាលពីថ្ងៃទី១៩ ខែតុលា ឆ្នាំ២០២៦ នេះ ឯកឧត្តម វង សូត អនុប្រធានទី២ រដ្ឋសភា បានកត់សម្គាល់ថា ការអភិវឌ្ឍសភាអេឡិចត្រូនិកបានបន្តឈានទៅមុខ និងមានវឌ្ឍនភាព​គួរជាទីមោទនៈ ក្រោមការដឹកនាំ និងចក្ខុវិស័យវែងឆ្ងាយរបស់ សម្តេចប្រធានរដ្ឋសភា ដែលស្របទៅនឹងបដិវត្តន៍​ឧស្សាហកម្មទី៤ និងគោល​នយោបាយរបស់រាជរដ្ឋាភិបាល ដែលបានកំណត់យកបច្ចេកវិទ្យាឌីជីថលជាអាទិភាពគន្លឹះទី៥ ក្នុងយុទ្ធសាស្ត្រ​បញ្ចកោណ-ដំណាក់កាល​ទី១។ សំដៅលើសិក្ខាសាលាដែលត្រូវបានរៀបចំឡើងនេះ ឯកឧត្តម វង សូត បញ្ជាក់ថា ជាឱកាសដ៏មានតម្លៃក្នុងការប្រមូលមតិយោបល់ និង​ធាតុចូលពីគ្រប់ភាគីពាក់ព័ន្ធ ដើម្បីយកទៅពិនិត្យ កែលម្អ និងបំពេញបន្ថែមមុខងាររបស់ប្រព័ន្ធនីមួយៗឱ្យកាន់តែមានប្រសិទ្ធភាព។ ឯកឧត្តមក៏បានសង្កត់ធ្ងន់ពីសារៈសំខាន់នៃការកំណត់តួនាទី និងការទទួលខុសត្រូវឱ្យបានច្បាស់លាស់ ព្រមទាំងការរៀបចំស្តង់ដាររួមក្នុង​ការគ្រប់គ្រងទិន្នន័យ…

ក្នុងត្រីមាសទី៣ ឆ្នាំ២០២៦ នេះ, មូលនិធិគន្ធបុប្ផាកម្ពុជាទទួលបានថវិកាបរិច្ចាគសរុបជាង ៤លាន ៨សែនដុល្លារអាម៉េរិក ពីសប្បុរសជនសរុបចំនួន ៤៨ ៣៧៦ រូប គិតរួមទាំងការបរិច្ចាគដោយផ្ទាល់នៅមន្ទីរពេទ្យគន្ធបុប្ផាភ្នំពេញ និងមន្ទីរពេទ្យគន្ធបុប្ផាសៀមរាប។ នេះបើយោងតាមសេចក្តីជូនដំណឹងរបស់មូលនិធិគន្ធបុប្ផាកម្ពុជា នៅថ្ងៃទី១៩ ខែតុលា ឆ្នាំ២០២៦។   ស្របពេលជាមួយគ្នានេះ, មន្ទីរពេទ្យគន្ធបុប្ផាបានទទួលពិនិត្យ និងព្យាបាលទារក, កុមារ និងស្ត្រីមានផ្ទៃពោះសរុបចំនួនជាង ៤៦ ម៉ឺនករណី ក្នុងនោះមានផ្នែកពិគ្រោះជំងឺក្រៅចំនួន ៣០ម៉ឺនករណី, ទារក និងកុមារមានជំងឺធ្ងន់ដាក់ឱ្យសម្រាកក្នុងមន្ទីរពេទ្យ ចំនួន ៨ ម៉ឺន ៣ពាន់ករណី, និងជំងឺគ្រុនឈាមចំនួនជាង ២ម៉ឺន ៥ពាន់ករណី។ ក្រៅពីនេះ មន្ទីរពេទ្យគន្ធបុប្ផាបានធ្វើការវះកាត់ទូទៅចំនួនជាង ១ម៉ឺនករណី,​ វះកាត់បេះដូង និងភ្ជិតប្រហោងបេះដូងចំនួន ៣១៩ ករណី, តាមដានផ្ទៃពោះចំនួនជាង ៣ម៉ឺន ១ពាន់ករណី និងសម្រាលកូនជាង ៥ ៧០០ នាក់។ ការចំណាយសរុបមានចំនួនប្រមាណជាង ១៣លាន ៥សែនដុល្លារអាម៉េរិក។ មូលនិធិគន្ធបុប្ផាកម្ពុជា បានថ្លែងអំណរគុណយ៉ាងជ្រាលជ្រៅដល់សប្បុរសជន ដែលបានផ្តល់ការគាំទ្រ…

ក្រុមហ៊ុនចំនួន ១២ នៅថ្ងៃទី១៩ ខែតុលា ឆ្នាំ២០២៦ បានចុះកិច្ចព្រមព្រៀងចូលរួមបណ្តាក់ទុនវិនិយោគនៅក្នុងតំបន់សេដ្ឋកិច្ចពិសេស កំពត ហ្វូជាន ដែលស្ថិតក្នុងស្រុកជុំគីរី ខេត្តកំពត។ យោងតាមរដ្ឋបាលខេត្តកំពត កិច្ចព្រមព្រៀងនេះបានធ្វើឡើងក្នុងឱកាសដែលឯកឧត្តម ម៉ៅ ធនិន អភិបាលខេត្តកំពត បានដឹកនាំប្រតិភូរដ្ឋបាលខេត្តចូលរួមក្នុងសន្និសីទស្តីពីកិច្ចសហប្រតិបត្តិការសេដ្ឋកិច្ច និងពាណិជ្ជកម្ម រវាងក្រុងតឹងថាន ខេត្តហ្វូជានរបស់ចិន និងខេត្តកំពត របស់កម្ពុជា។ ក្នុងសន្និសីទនេះ មានការចូលរួមពីថ្នាក់ដឹកនាំក្រុងតឹងថាន ព្រមទាំងក្រុមហ៊ុន និងសហគ្រាសផ្សេងៗចំនួន ៥៧។ ឯកឧត្តម ម៉ៅ ធនិន អភិបាលខេត្តកំពត បានបង្ហាញសក្ដានុពលកម្ពុជា ពិសេសសក្ដានុពលវិនិយោគក្នុងខេត្តកំពត ដល់វិនិយោគិនចិន ហើយប្រាប់ឲ្យអ្នកវិនិយោគមានទំនុកចិត្តលើការបណ្តាក់ទុនក្នុងប្រទេសកម្ពុជា។   លោកបញ្ជាក់ថា ខេត្តកំពតស្វាគមន៍ជានិច្ចចំពោះវិនិយោគិនទាំងអស់ក្នុងខេត្តហ្វូជាន ពិសេសក្នុងទីក្រុងតឹងថាន ដែលចង់ទៅវិនិយោគលើទឹកដីនៃខេត្តកំពត ដែលមានសក្តានុពលស្ទើគ្រប់វិស័យ ដើម្បីជួយបង្កើតការងារ និងលើកកម្ពស់ជីវភាពរស់នៅរបស់ប្រជាពលរដ្ឋ។ ឯកឧត្តមបានបញ្ជាក់ទៀតថា ចំណងមិត្តភាពកម្ពុជា-ចិន គឺជាទំនាក់ទំនងទ្វេភាគីដ៏ជិតស្និទ្ធ និងយូរអង្វែង ដែលត្រូវបានថ្នាក់ដឹកនាំប្រទេសទាំងពីរពណ៌នាថាជា «មិត្តភាពដែកថែប» និងជាដៃគូយុទ្ធសាស្ត្រគ្រប់ជ្រុងជ្រោយ។ សូមបញ្ជាក់ថា សន្និសីទស្តីពីកិច្ចសហប្រតិបត្តិការសេដ្ឋកិច្ច និងពាណិជ្ជកម្ម រវាងក្រុងតឹងថាន ខេត្តហ្វូជាន និងខេត្តកំពតនេះ…

ភ្នំពេញ៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោកស្រី អ៊ីវ៉ូណា ក្មៀឈិក (Iwona Kmiecik) ស្ថាបនិក និងជាអគ្គនាយិការក្រុមហ៊ុន IM Capital Holding និងសហការី ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ក្នុងជំនួបនេះ ក្រុមហ៊ុន IM Capital Holding បានប្តេជ្ញាចិត្តយ៉ាងមុតមាំក្នុងការ​ដើរតួជា​ស្ពាន​ភ្ជាប់ទំនាក់ទំនងសេដ្ឋកិច្ច និងធុរកិច្ចរវាង​វិស័យឯកជនកម្ពុជា និងប៉ូឡូញ ព្រមទាំងមានបំណងពង្រីកការវិនិយោគលើវិស័យបដិសណ្ឋារកិច្ច និងទេសចរណ៍ប្រណីតនៅ​កម្ពុជា​បន្ថែមទៀត។ នាព្រឹកថ្ងៃទី១៩ ខែតុលា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាត​ជូន លោកស្រី អ៊ីវ៉ូណា ក្មៀឈិក ស្ថាបនិក និងជាអគ្គនាយិកាក្រុមហ៊ុន IM Capital Holding ចូលជួបសម្តែងការគួរសម និងពិភាក្សា​ការងារ។ ក្នុងឱកាសនោះ លោកស្រីអគ្គនាយិកា បានថ្លែងអំណរគុណយ៉ាងជ្រាលជ្រៅជូនចំពោះរាជរដ្ឋាភិបាលកម្ពុជា ដែលបានគាំទ្រ និងផ្តល់ទំនុក​ចិត្តយ៉ាងរឹងមាំដល់វិនិយោគិនបរទេស ដោយសារតែកម្ពុជាមានសុខសន្តិភាព និងស្ថិរភាពនយោបាយពេញលេញ។ លោកស្រីបានគូស​បញ្ជាក់ពីផែនការពង្រីកការវិនិយោគលើវិស័យបដិសណ្ឋារកិច្ច និងអចលនទ្រព្យទៅកាន់តំបន់ទេសចរណ៍សំខាន់ៗផ្សេងទៀត…

លោកឧត្តមសេនីយ៍ទោ ហេង រតនា ស្នងការរងផែនការងារនគរបាលចរាចរណ៍ បានបញ្ជាក់យ៉ាងច្បាស់ៗថា  ប្រសិនបើប្រជាពលរដ្ឋបានជួបប្រទះករណីមានមន្ត្រីនគរបាល​ពួនស្ទាក់ចាំចាប់អ្នកបើកបរល្មើសច្បាប់នៅកន្លែងណាមួយ សូមរាយការណ៍មកលោកដោយផ្ទាល់ តាមរយៈគណនីឆាតរបស់លោក ដែលមានឈ្មោះគណនីហ្វេសប៊ុកថា Heng Rothana។ លោកបានព្រមានថា បើរកឃើញថា មន្ត្រីណាម្នាក់ប្រព្រឹត្តខុសក្នុងការអនុវត្តការងារ លោកនឹងចាត់វិធានការវិន័យទៅមន្ត្រីនោះភ្លាមតែម្តង។ លោកបានស្នើឱ្យប្រជាពលរដ្ឋទាំងអស់ ចូលរួមគោរពច្បាប់ចរាចរណ៍ឱ្យបានត្រឹមត្រូវ។ កាលពីចុងសប្តាហ៍កន្លងទៅ មានមន្ត្រីនគរបាលចរាចរណ៍បានចុះអនុវត្តច្បាប់ចរាចរណ៍នៅតាមទីតាំងជាច្រើនកន្លែងក្នុងរាជធានីភ្នំពេញ។​ ប្រជាពលរដ្ឋមួយចំនួនបានរាយការណ៍ថា សកម្មភាពពួនស្ទាក់របស់មន្ត្រីនគរបាលខ្លះ ដែលធ្លាប់កើតមានកន្លងមក បានលេចឡើងសាជាថ្មី។ លោកឧត្តមសេនីយ៍ទោ ហេង រតនា បានបញ្ជាក់ថា កន្លងមកលោកបានកែប្រែការងារចរាចរណ៍នេះបានច្រើនករណីផងដែរ ក្រោយពីមានប្រជាពលរដ្ឋរិះគន់ និងសម្តែងការមិនពេញចិត្តចំពោះទង្វើរបស់​មន្ត្រីនគរបាលដែលពួនស្ទាក់​ចាប់អ្នកដែលមិនគោរពច្បាប់ចរាចរណ៍៕ សៅ សុខអេង

គណៈកម្មាធិការជាតិរៀបចំការបោះឆ្នោតហៅកាត់ថា (គ.ជ.ប) នៅថ្ងៃទី១៩ តុលា ឆ្នាំ២០២៦នេះ បានចេញសេច​ក្ដីអំពាវនាវឲ្យភាគីពាក់ព័ន្ធ រួមទាំងគណៈបក្សនយោបាយទាំងអស់ ចូលរួមសហការជំរុញដល់ប្រជាពលរដ្ឋដែលជាគោលដៅ ឱ្យចូលរួមធ្វើបច្ចុប្បន្នភាពទិន្នន័យជីវ​មាត្រឡើងវិញក្នុងបញ្ជីបោះឆ្នោតឱ្យបានគ្រប់ៗគ្នាជាមួយក្រុមចុះឈ្មោះបោះឆ្នោតនៅតាមភូមិ ឃុំ សង្កាត់ ចាប់ពីពេលនេះរហូតដល់ថ្ងៃទី៣០ ខែវិច្ឆិកា ឆ្នាំ២០២៦។ គ.ជ.ប សង្កេតឃើញថា អត្រាអ្នកមានឈ្មោះក្នុងបញ្ជីបោះឆ្នោត ដែលបានមកធ្វើបច្ចុប្បន្នភាពទិន្នន័យជីវមាត្រ នៅមានកម្រិតមធ្យម មិនទាន់អាចឆ្លើយតបបានទៅនឹងផែនការដែល គ.ជ.ប បានរំពឹងទុក​។ យោងតាម គ.ជ.ប ប្រជាពលរដ្ឋដែលបានចុះឈ្មោះបោះឆ្នោតនៅឆ្នាំ២០១៦ និងឆ្នាំ២០១៧ ហើយដែលមិនធ្លាប់បានធ្វើបច្ចុប្បន្នភាពទិន្នន័យជីវមាត្រក្នុងបញ្ជីបោះឆ្នោតពីមុនមក ត្រូវអញ្ជើញទៅធ្វើបច្ចុប្បន្នភាពឡើងវិញជាមួយក្រុមចុះឈ្មោះបោះឆ្នោត ក្នុងនោះមានការថតរូប និងផ្ដិតមេដៃ។ លោក ជា ធីរិទ្ធ អ្នកនាំពាក្យគណបក្សប្រជាជនកម្ពុជា បានប្រាប់បណ្ដាញព័ត៌មាន AMS ថាគណបក្សប្រជាជនកម្ពុជាបានណែនាំសមាជិកសមាជិការបស់គណបក្សឲ្យជួយផ្សព្វផ្សាយជំរុញពលរដ្ឋឲ្យទៅពិនិត្យបញ្ជីឈ្មោះ និងចុះឈ្មោះបោះឆ្នោត ព្រមទាំងជំរុញឲ្យពលរដ្ឋទៅធ្វើបច្ចុប្បន្នភាពទិន្នន័យជីវមាត្រ តាមការអំពាវនាវដោយ គ.ជ.ប ផងដែរ។ ដោយឡែក លោក មាជ សុវណ្ណារ៉ា ប្រធានគណបក្សជំនាន់ថ្មីវិញ នៅមិនទាន់ហ៊ានវាយតម្លៃពីដំណើរការពិនិត្យបញ្ជីឈ្មោះ និងធ្វើបច្ចុប្បន្នភាពទិន្នន័យជីវមាត្រនៅឡើយទ​ ព្រោះការងារនេះនៅធ្វើបន្តរយៈពេលជាង១ខែទៀត។ ឯកឧត្តម ហង្ស ពុទ្ធា ប្រធានអ្នកនាំពាក្យ គ.ជ.ប…

ប្រទេសកម្ពុជា និងកាហ្សាក់ស្ថាន បានពិភាក្សាគ្នាលើការពង្រឹងកិច្ចសហប្រតិបត្តិការលើវិស័យថាមពល ទំនាក់ទំនងសេដ្ឋកិច្ច និងពិនិត្យលទ្ធភាពនៃការបង្កើតជើងហោះហើរត្រង់ជាមួយគ្នាឡើងវិញ ដើម្បីជំរុញរំហូរភ្ញៀវទេសចរ វិនិយោគិន និងអ្នកធ្វើដំណើររវាងប្រទេសទាំងពីរ។ គំនិតផ្តួចផ្តើមទាំងនេះត្រូវបានលើកឡើងក្នុងដំណើរស្សនកិច្ចផ្លូវការរបស់សម្តេចបវរធិបតី ហ៊ុន ម៉ាណែត ទៅកាន់សាធារណរដ្ឋកាហ្សាក់ស្ថាន នៅថ្ងៃទី១៦ និងទី១៧​ ខែតុលា ឆ្នាំ២០២៦។ ក្នុងជំនួបទ្វេភាគីជាមួយឯកឧត្តម Kassym-Jomart Tokayev ប្រធានាធិបតីកាហ្សាក់ស្ថាន សម្ដេចធិបតីនាយករដ្ឋមន្រ្តី បានគូសបញ្ជាក់អំពីសារៈសំខាន់នៃការបំពេញទស្សនកិច្ចនេះ ដែលជាការបង្កើតកាលានុវត្តភាពបន្ថែមទៀតសម្រាប់ជំរុញទំនាក់ទំនងឱ្យកាន់តែស៊ីជម្រៅ និងរឹងមាំ ទាំងក្នុងក្របខ័ណ្ឌទ្វេភាគី តំបន់ និងអន្តរជាតិ។ ថ្នាក់ដឹកនាំទាំងពីរបានពិភាក្សាពីការពង្រឹងកិច្ចសហប្រតិបត្តិការក្នុងវិស័យសក្កានុពល រួមមាន៖ នយោបាយ និងការទូត, សេដ្ឋកិច្ច ពាណិជ្ជកម្ម និងការវិនិយោគ, វិទ្យាសាស្ត្រ បច្ចេកវិទ្យា និងបញ្ញាសិប្បនិម្មិត, ក៏ដូចជាសន្តិសុខ, ទេសចរណ៍ និងការពិនិត្យលទ្ធភាពបង្តើតកិច្ចព្រមព្រៀងអាកាសចរណ៍។ ដោយឡែក នៅក្នុងជំនួបរវាងសម្ដេចហ៊ុន ម៉ាណែត ជាមួយលោក Kursad Bakir ស្ថាបនិក និងជានាយកប្រតិបត្តិ នៃក្រុមហ៊ុន Selfie Travel Asia ក៏មានការលើកឡើងពីគំនិតផ្ដួចផ្ដើមក្នុងការបើកជើងហោះហើរត្រង់រវាងកម្ពុជា និងកាហ្សាក់ស្ថាន ផងដែរ។…