នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានបញ្ជាក់អំពីការបន្តធ្វើកំ​ណែទម្រង់វិស័យការពារជាតិ ពិសេសការងារហ្វឹកហ្វឺនដែលជាស្នូលនៃការកសាងកងទ័ពឲ្យរឹងមាំ។ មេទ័ពកម្ពុជាលើកឡើងពី​កិច្ចការអាទិភាពចំនួន ៣ គឺ ទំនើបកម្មរចនាសម្ព័ន្ធ, ទំនើបកម្មគ្រឿងបំពាក់ និងទំ​នើបកម្មការងារហ្វឹកហ្វឺន ដើម្បីឆ្លើយតបនឹងការវិវឌ្ឍនៃយុទ្ធវិធី និងបច្ចេកវិទ្យាសង្គ្រាមសម័យទំនើប។ ការបញ្ជាក់នេះ ធ្វើឡើងនៅក្នុងឱកាសដែលនាយឧត្តមសេនីយ៍អញ្ជើញជាអធិបតីក្នុងពិធីបិទវគ្គវិក្រឹតការបញ្ជាការសេនាធិការវិស្វកម្មជំនាន់ទី៥ និងបើកវគ្គហ្វឹកហ្វឺនជំនាញវិស្វកម្មចំនួន៥វគ្គ ឆ្នាំ២០២៦-២០២៧ នៅវិទ្យាស្ថានវិស្វកម្មមរតកតេជោ-ធិបតី នៅព្រឹកថ្ងៃទី៩ ខែកញ្ញា ឆ្នាំ២០២៦នេះ។ អគ្គមេបញ្ជាការនៃកងយោធពលខេមរភូមិន្ទ បានកោតសរសើរចំពោះកិច្ចខិតខំ និងការសហការរបស់ថ្នាក់ដឹកនាំកងវិស្វកម្ម និងស្ថាប័នពាក់ព័ន្ធដែលបានធ្វើឱ្យការហ្វឹកហ្វឺនប្រព្រឹត្តទៅតាមផែនការ និងរួមចំណែកដល់បុព្វហេតុការពារជាតិ។ នាយឧត្តមសេនីយ៍ វង្ស ពិសេន ក៏បានលើកសរសើរពីសាមគ្គីភាព ឯកភាពផ្ទៃក្នុង សមត្ថភាព និងការគោរពប្រ​តិបត្តិតាមបទបញ្ជារបស់កងវិស្វកម្ម ក្នុងការចូលរួមបោះបង្គោលព្រំដែន និងកសាងបណ្តាញផ្លូវក្រវ៉ាត់ព្រំដែនដើម្បីរួមចំណែកកសាងព្រំដែនឱ្យក្លាយជាតំបន់សន្តិភាព មិត្តភាព សហប្រតិបត្តិការ និងការអភិវឌ្ឍ​។ ឯកឧត្តមបានសង្កត់ធ្ងន់ថា ហេដ្ឋារចនាសម្ព័ន្ធតាមខ្សែក្រវ៉ាត់ព្រំដែនមានសារៈសំខាន់ជាយុទ្ធសាស្ត្រផ្នែកនយោបាយ សេដ្ឋកិច្ច សន្តិសុខ និងយោធា ព្រមទាំងបង្កលក្ខណៈឱ្យប្រជាពលរដ្ឋទៅរស់នៅតាមតំបន់ព្រំដែនកាន់តែច្រើន និងរួមចំណែកពង្រឹងខឿនការពារជាតិរបស់ប្រជាជនផងដែរ។ ជាមួយគ្នានេះ ឯកឧត្តម ក៏បានណែនាំឱ្យបន្តលើកកម្ពស់គុណភាពហ្វឹកហ្វឺន អភិវឌ្ឍសាលា និងទីលានហ្វឹកហាត់ ពង្រឹងសមត្ថភាពយោធាចារ្យ និងធ្វើបច្ចុប្បន្នភាពកម្មវិធី ឯកសារហ្វឹកហ្វឺន ព្រមទាំងពង្រឹងកិច្ចសហប្រតិបត្តិការជាមួយប្រទេសជាមិត្ត ដើម្បីអភិវឌ្ឍធនធានមនុស្សក្នុងកងយោធពលខេមរភូមិន្ទឱ្យកាន់​តែទំនើប និងមានប្រសិទ្ធភាព៕ សេង បារាំង…

លោកជំទាវ ជា សិរី ទេសាភិបាលធនាគារជាតិនៃកម្ពុជា ត្រូវបានទស្សនាវដ្តីហិរញ្ញវត្ថុអន្តរជាតិ Global Finance ផ្តល់ចំណាត់ថ្នាក់ A- ប្រចាំឆ្នាំ២០២៦ ដែលជាចំណាត់ថ្នាក់កម្រិតខ្ពស់ និងជាការទទួលស្គាល់ ៣ឆ្នាំជាប់ៗគ្នាចំពោះប្រសិទ្ធភាពនៃការដឹកនាំធនាគារកណ្តាលរបស់លោកជំទាវ។ ការវាយតម្លៃនេះ ផ្ដោតសំខាន់ទៅលើសមត្ថភាពគ្រប់គ្រងអតិផរណា ការសម្រេចគោលដៅកំណើនសេដ្ឋកិច្ច ស្ថិរភាពរូបិយប័ណ្ណ ការគ្រប់គ្រងអត្រាការប្រាក់ និងឯករាជ្យភាពរបស់ធនាគារកណ្ដាល។ មានតែឥស្សរជនដែលត្រូវបានផ្តល់ចំណាត់ថ្នាក់ A-, A, និង A+ ប៉ុណ្ណោះដែលត្រូវបាន Global Finance រាយនាមក្នុងបញ្ជីចំណាត់ថ្នាក់កិត្តិយសនេះ។ សម្រាប់កម្ពុជា លោកជំទាវ ជា សិរី ត្រូវបានដាក់ឈ្មោះក្នុងក្រុមទេសាភិបាលធនាគារ ដែលទទួលបានចំណាត់ថ្នាក់ A- នៅឆ្នាំ ២០២៦នេះ រួមជាមួយទេសាភិបាលមកពីប្រទេស និងសេដ្ឋកិច្ចមួយចំនួន ដូចជា អាល់បានី អាហ្សង់ទីន សាធារណរដ្ឋឆេក សាធារណរដ្ឋដូមីនីកែន ហ្វីលីពីន តៃវ៉ាន់ ស្វីស និងអេមីរ៉ាតអារ៉ាប់រួម ជាដើម។ លោកជំទាវ ជា សេរី បានសម្តែងក្តីត្រេកអរចំពោះការទទួលស្គាល់នេះ ហើយក៏បានកោតសរសើរដល់ក្រុមការងារដ៏អស្ចារ្យនៅធនាគារជាតិនៃកម្ពុជា ដែលលោកជំទាវបញ្ជាក់ថា បានត្រៀមខ្លួនជាស្រេចដើម្បីរួមគ្នាធ្វើកិច្ចការដ៏អស្ចារ្យ ដើម្បីជាតិ…

ក្រុមបេសកកម្មអន្តរជាតិមកពីអង្គការ UNESCO និង ក្រុមប្រឹក្សាអន្តរជាតិស្តីពីប្រាសាទ និងរមណីយដ្ឋាន(ICOMOS) ដឹកនាំដោយលោកស្រី Mechtild Rössler និងលោកសាស្ត្រាចារ្យ Pierre Smars បានចុះបំពេញបេសកកម្មផ្ទាល់នៅតំបន់ប្រាសាទព្រះវិហារដែលបានរងការបំផ្លិចបំផ្លាញដោយភាគីថៃក្នុងជម្លោះព្រំដែននៅឆ្នាំ២០២៥។  បេសកកម្មវាយតម្លៃផលប៉ះពាល់លើសម្បត្តិបេតិកភណ្ឌពិភពលោក​​នៃប្រាសាទព្រះវិហារ ធ្វើឡើងពីថ្ងៃទី០១ ដល់ថ្ងៃទី០៦ ខែមីនា ឆ្នាំ២០២៦កន្លងទៅ ដើម្បីកំណត់វិធានការការពារបន្ទាន់ និងការអភិរក្ស​តំបន់ប្រាសាទព្រះវិហារ ជាពិសេសតម្រូវការជំនួយអន្តរជាតិសម្រាប់គាំទ្រដល់ការស្តារប្រាសាទព្រះវិហារឡើងវិញ។ របាយការណ៍បានបង្ហាញថា ជម្លោះព្រំដែនរវាងកម្ពុជា និងថៃ ទាំងពីរលើកកាលពីខែកក្កដា និងខែធ្នូ ឆ្នាំ២០២៥ បាន​បណ្តាលឱ្យខូចខាត​តំបន់ប្រាសាទព្រះវិហារយ៉ាងធ្ងន់ធ្ងរ សរុបចំនួន ​៥៦២កន្លែង បណ្តាលមកពីការបាញ់ប្លោងកាំភ្លើងធំ និងការទម្លាក់គ្រាប់របស់យោធាថៃពីលើអាកាសដោយយន្តហោះ F-16។ ក្នុងរបាយការណ៍បានលើកឡើងថា ទោះបីជាស្ថានភាពជម្លោះបានស្ងប់ស្ងាត់ ប៉ុន្តែស្ថានភាពនៅតែមានភាពផុយស្រួយ ដែលទាមទារឱ្យមានការចរចាពហុភាគី​ដើម្បីធានាថា​នឹងមិនមានសកម្មភាពនៃអរិយភាពបន្ថែមទៀត ហើយការបោសសម្អាតគ្រាប់មិនទាន់ផ្ទុះទាមទារឱ្យមានការដោះស្រាយជាបន្ទាន់​។​ ជាមួយគ្នានេះ អង្គការ UNESCO និង ក្រុមប្រឹក្សាអន្តរជាតិស្តីពីប្រាសាទ និងរមណីយដ្ឋាន (ICOMOS) បានវាយតម្លៃថា ប្រាសាទព្រះវិហារ គឺស្ថិតក្រោមកម្រិតគ្រោះថ្នាក់ធ្ងន់ធ្ងរ ដែលទាមទារឱ្យមានការប្រតិបត្តិការគាំទ្រដល់ការអភិរក្សដ៏សំខាន់ជាបន្ទាន់។ ប្រាសាទព្រះវិហារ ដែលដូនតាខ្មែរបានសាងសង់ឡើងនៅលើកំពូលភ្នំដងរែក​ ត្រូវបានចុះបញ្ជីជាសម្បត្តិបេតិកភណ្ឌពិភពលោកដោយយូណេស្កូ នៅថ្ងៃទី ៧ ខែកក្កដាឆ្នាំ ២០០៨៕ សៅ សុខអេង

ក្រសួងពាណិជ្ជកម្មកម្ពុជា និងភាគីពាក់ព័ន្ធ បានចាប់ផ្ដើមបើកកិច្ចប្រជុំលើកទី១ ដើម្បីរៀបចំសេចក្តីព្រាងគោលនយោបាយជាតិស្តីពីដំឡូងមី ដំណាក់កាលទី២ ដើម្បី​អភិវឌ្ឍវិស័យដំឡូងមី​នៅកម្ពុជា។ យោងតាមការបញ្ជាក់របស់ក្រសួងពាណិជ្ជកម្ម នៅថ្ងៃទី៩ ខែកញ្ញា ការរៀបចំសេចក្តីព្រាងគោលនយោបាយជាតិនេះទទួលបានជំនួយបច្ចេកទេសពីកម្មវិធីអភិវឌ្ឍន៍សហប្រជាជាតិប្រចាំកម្ពុជា។ កិច្ចប្រជុំលើកដំបូងនេះ ដឹកនាំដោយឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម និងមានការចូលរួមពីដៃគូអភិវឌ្ឍន៍​នានា ដូចជា UNDP, FAO​ និង UNIDO ជាដើម។ សូមរំលឹកថា រាជរដ្ឋាភិបាលកម្ពុជា​ បានដាក់ឱ្យអនុវត្តគោល​នយោបាយជាតិស្តីពីដំឡូងមី ឆ្នាំ២០២០-២០២៥ ក្នុង​គោល​បំណង​ពង្រឹង ​និង​អភិវឌ្ឍខ្សែច្រវាក់តម្លៃដំឡូងមីកម្ពុជា។ ឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម បញ្ជាក់ថា គោលនយោបាយជាតិស្តីពីដំឡូងមី ខាងលើនេះ បានជំរុញឲ្យការនាំចេញដំឡូងមីសើមរបស់កម្ពុជា ទៅកាន់ទីផ្សារអន្តរជាតិ ​បានជាង ១៥លានតោន នៅក្នុងឆ្នាំ២០២៥។ វៀតណាម គឺជាទីផ្សារនាំចូលដំឡូងមីស្រស់ធំជាងគេរបស់កម្ពុជា។ ក្នុងមួយឆ្នាំៗ កម្ពុជា បាននាំចេញដំឡូងមីស្រស់ប្រមាណ ៤លានតោនទៅកាន់ប្រទេសវៀតណាម ហើយក្នុងឆ្នាំ២០២៦នេះ ប្រទេសវៀតណាម បានសន្យាថានឹងទិញដំឡូងមីស្រស់បន្ថែមពីកម្ពុជា ចំនួន ៩លានតោន។ ​ដោយឡែក គិតត្រឹមត្រីមាសទី១ ឆ្នាំ​២០២៦ ​កម្ពុជា ​រក​ចំណូល​បាន​ជាង​ ៣៧៦លានដុល្លារ ​ពីការនាំចេញដំឡូងមី ​គឺកើនឡើង ១៦…

សិក្ខាសាលាបណ្តុះណ្តាលអំពីផលិតភាព និងការគ្រប់គ្រងអនុវត្តការងារក្នុងវិស័យសាធារណៈ ត្រូវបានរៀបចំឡើងរយៈពេល៥ថ្ងៃនៅក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដោយចាប់ផ្តើមនៅថ្ងៃទី០៧ ខែកញ្ញា ឆ្នាំ២០២៦។ សិក្ខាកាមជាមន្ត្រីរាជការជាង២០រូប មកពីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្តុ ក្រសួងសាធារណការ និងដឹកជញ្ជូន ក្រុមប្រឹក្សាអភិវឌ្ឍន៍កម្ពុជា និងស្ថាប័នពាក់ព័ន្ធមួយចំនួនទៀត បានចូលរួមវគ្គបណ្តុះបណ្តាលនេះ។ យោងតាមឯកឧត្តម ភោគ សុវណ្ណរិទ្ធ រដ្ឋលេខាធិការក្រសួងឧស្សាហកម្ម សិក្ខាសាលានេះមានគោលបំណង ពង្រឹងសមត្ថភាពមន្រ្តីរាជការ និងធ្វើឱ្យប្រសើរឡើងនូវផលិតភាពរបស់អង្គភាព ស័ក្តិសិទ្ធភាព អភិបាលកិច្ចល្អក្នុងការផ្តល់សេវាក្នុងវិស័យសាធារណៈ។ ការផ្តល់សេវាទាំងនេះត្រូវត្រូវធ្វើឡើងប្រកបដោយប្រសិទ្ធភាព តម្លាភាព ភាពងាយស្រួល និងផ្តល់ភាពជឿជាក់ដល់ប្រជាពលរដ្ឋ និងអ្នកវិនិយោគ ដែលជាអ្នកទទួលសេវា ដើម្បីរួមចំណែកដល់ការអភិវឌ្ឍសេដ្ឋកិច្ចសង្គម និងលើកស្ទួយសុខមាលភាពរបស់ប្រជាពលរដ្ឋ។ ក្នុងនាមឯកឧត្តមរដ្ឋមន្រ្តី ហែម វណ្ណឌី ឯកឧត្តម ភោគ សុវណ្ណរិទ្ធ បានបញ្ជាក់ថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ ដែលមានតួនាទីរួមចំណែកគាំទ្រដល់សហគ្រាសធុនមីក្រូ តូច មធ្យម និងសិប្បកម្ម បានសម្រួលនីតិវិធី បែបបទផ្តល់សេវាបច្ចេកទេស និងបង្កើតកម្មវិធីផ្សព្វផ្សាយ បណ្តុះបណ្តាល ដើម្បីលើកកម្ពស់សមត្ថភាព…

ក្នុងពិធីបើក «វេទិកាកូលាំងយូ ២០២៦» ស្ដីពីកិច្ចពិភាក្សាតុមូលរបស់ថ្នាក់ដឹកនាំធុរកិច្ចពិភពលោកសម្រាប់ការវិនិយោគសកល កាលពីថ្ងៃទី៧កញ្ញា នៅខេត្តហ្វូជៀន ប្រទេសចិន លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងពីប្រធានបទដ៏មានសារៈសំខាន់សម្រាប់ពិភពធុរកិច្ចបច្ចុប្បន្ន គឺ «ការបង្ការ និងការគ្រប់គ្រងហានិភ័យមិនមែនពាណិជ្ជកម្ម» ក្នុងបរិបទដែលសហគ្រាសនានាកំពុងពង្រីកប្រតិបត្តិការលើឆាកអន្តរជាតិ។ ឯកឧត្តមបញ្ជាក់ថា នៅពេលការវិនិយោគ ឬអាជីវកម្មដើរចូលទៅកាន់ទីផ្សារសកល វិនិយោគិន ធុរជន ឬអាជីវករមិនត្រឹមតែប្រឈមមុខនឹងហានិភ័យហិរញ្ញវត្ថុនៅលើតារាងតុល្យការប៉ុណ្ណោះទេ ប៉ុន្តែថែមទាំងត្រូវប្រឈមនឹងបញ្ហាខាងក្រៅជាច្រើនដូចជា ភាពតានតឹងភូមិសាស្ត្រនយោបាយ ការផ្លាស់ប្តូរបទប្បញ្ញត្តិប្លែកៗ ប្រព័ន្ធច្បាប់ចម្រុះ ការរអាក់រអួលខ្សែច្រវាក់ផ្គត់ផ្គង់ និងគម្លាតនៃការយល់ដឹងរវាងវិនិយោគិន រដ្ឋាភិបាល និងសហគមន៍មូលដ្ឋាន។ ចេញពីបទពិសោធន៍ជាក់ស្តែងរបស់កម្ពុជា ឯកឧត្តមឧបនាយករដ្ឋមន្ត្រី បានស្នើឡើងនូវគោលការណ៍គ្រឹះចំនួន ៣ សម្រាប់បង្កើតបរិយាកាសវិនិយោគប្រកបដោយចីរភាព។ ទី១ គឺការព្យាករណ៍បាន៖ ដោយវិនិយោគិនត្រូវការច្បាប់ទម្លាប់ដែលច្បាស់លាស់ រាជរដ្ឋាភិបាលមានភារកិច្ចផ្តល់ជូននូវច្បាប់ប្រកបដោយតម្លាភាព គោលនយោបាយមានស្ថិរភាព និងគ្រឹះស្ថានស្ថាប័នដែលអាចពឹងផ្អែកបាន។ ចំណុចទី២ គឺភាពជាដៃគូ៖ ឯកឧត្តម ស៊ុន ចាន់ថុល លើកឡើងថា ការវិនិយោគនៅបរទេសដែលជោគជ័យមិនអាចពឹងផ្អែកលើតែដើមទុននោះទេ ប៉ុន្តែទាមទារនូវ «ទំនុកចិត្ត» ហើយទី៣ គឺការធ្វើពិពិធកម្ម និងការតភ្ជាប់៖ នៅក្នុងពិភពលោកដែលមានភាពមិនប្រាកដប្រជា ភាពធន់កើតចេញពីការមានជម្រើសច្រើន។ ចំពោះឯកឧត្តម ការធ្វើពិពិធកម្មទីផ្សារ…