(ព្រៃវែង)៖ សម្ដេចតេជោ ហ៊ុន សែន ជំរុញដល់មន្ត្រីព្រំដែន ពង្រឹងភាពជាអ្នកជិតខាងល្អជាមួយប្រទេសជាប់ព្រំដែនកម្ពុជា ដោយសង្ឃឹមថា ទទួលបានអ្នកជិតខាងល្អ ជាងអ្នកជិតខាង អាក្រក់ ព្រោះមានអ្នកជិតខាងល្អ ដូចមានមាស មានអ្នកជិតខាងអាក្រក់ ដូចមានមីន ។ ការលើកឡើងរបស់សម្ដេចតេជោ ស្របពេលដែលបញ្ហាព្រំដែនកម្ពុជា ថៃ កំពុងកើនកម្ដៅជាបន្តបន្ទាប់ ក្រោយពីថៃ បានឆ្មក់ចូលមកបាញ់សម្លាប់ទាហានខ្មែរ និងបិទព្រំដែនដោយឯកតោភាគី កាលពី កន្លងទៅ ។ ការពង្រីកបញ្ហាជម្លោះព្រំដែន ដោយភាគីថៃនេះ បានធ្វើឱ្យកម្ពុជា ឆ្លើយតបទៅវិញជាបន្តបន្ទាប់ រហូតដល់ថៃ ស្នើសុំឱ្យមានការចរចារបើកព្រំដែនវិញផងដែរ តែត្រូវបាន កម្ពុជា បដិសេធ។ រាជរដ្ឋាភិបាល បានបញ្ជាក់ជំហរថា ថៃ ជាអ្នកបិទ ដូច្នេះសូមថៃ ជាអ្នកបើកដោយខ្លួនឯងវិញ ជាការ ស្រេចហើយ មិនចាំបាច់ទាញកម្ពុជា ចូលចរចារនោះទេ ។ ថ្លែងក្នុងឱកាសចុះពិនិត្យច្រកទ្វារព្រំដែនអន្តរជាតិម៉ឺនជ័យ ស្ថិតក្នុងភូមិម៉ឺនជ័យ ឃុំក្របៅ ស្រុកកំចាយមារ ខេត្តព្រៃវែង នាថ្ងៃទី២ ខែកក្កដា ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន…

(ព្រៃវែង)៖ សម្ដេចតេជោ ហ៊ុន សែន បានជំរុញឱ្យអាជ្ញាធរខិតខំ ប្រែក្លាយតំបន់ព្រំដែននេះឲ្យក្លាយទៅជាព្រំដែន សុខសន្តិភាព ជាព្រំដែនសម្រាប់ទីផ្សារដោះដូរទំនិញ និងជាព្រំដែនដែលមានការអភិវឌ្ឍរីកចម្រើន សម្រាប់ជីវភាពរស់នៅរបស់ប្រជាពលរដ្ឋ ។ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ថ្លែងដូច្នេះ ក្នុងឱកាសចុះពិនិត្យច្រកទ្វារព្រំដែនអន្តរជាតិម៉ឺនជ័យ ស្ថិតក្នុងភូមិម៉ឺនជ័យ ឃុំក្របៅ ស្រុកកំចាយមារ ខេត្តព្រៃវែង នាថ្ងៃទី២ ខែកក្កដា ឆ្នាំ២០២៥ ។ យោងតាមរបាយការណ៍បានអោយដឹងថា នេះគឺជាទីស្នាក់ការច្រកទ្វារព្រំដែនអន្តរជាតិ ម៉ឺនជ័យ-តីនណាម (កម្ពុជា-វៀតណាម) ដែលដំបូងឡើយ ទីតាំងនេះជាច្រករបៀងដែលប្រជាជនរស់នៅទាំងសងខាងតែងតែដោះដូរទំនិញ និងកសិផលទៅវិញទៅមក ។ ក្នុងអំឡុងឆ្នាំ២០១០ រាជរដ្ឋាភិបាលកម្ពុជា បានបង្កើតជាច្រកទ្វារតំបន់ព្រំដែនម៉ឺនជ័យនៅថ្ងៃទី ៣០ ខែមេសា ឆ្នាំ២០១៤ រាជរដ្ឋាភិបាលកម្ពុជា បានសម្រេចដំឡើងកម្រិតច្រកទ្វារតំបន់ ព្រំដែនម៉ឺនជ័យ ទៅជា “ច្រកទ្វារព្រំដែនអន្តរជាតិម៉ឹនជ័យ” តាមលិខិតលេខ ៦៣៥ ស.ជ.ណ របស់ ទីស្តីការគណៈរដ្ឋមន្ត្រី ។ ចំពោះភាគីវៀតណាម បានឯកភាពដំឡើងកម្រិតច្រកទ្វារតំបន់ព្រំដែនតឺនណាម ទៅជា ច្រកទ្វារព្រំដែនអន្តរជាតិ…

បាត់ដំបង ៖ថ្លែងនៅខេត្តបាត់ដំបងឯកឧត្តម ហេង សួរ រដ្ឋមន្ត្រីក្រសួងការងារ និង​បណ្តុះបណ្តាលវិជ្ជាជីវៈបានបញ្ជាក់​ថា បច្ចុប្បន្ន​កម្ពុជាមានតម្រូវការទីផ្សារ​ពលកម្មជា​មធ្យម២៥ម៉ឺនកន្លែង សម្រាប់ជួយសម្រួលដល់បងប្អូនពលករ​ខ្មែរដែលវិលត្រឡប់​មកពីប្រទេសថៃ និងមានបំណងរកកន្លែងការងារធ្វើនៅក្នុងស្រុក។ អមដំណើរដោយឯកឧត្តម សុខ លូ អភិបាលខេត្តបាត់ដំបង ព្រមទាំងមន្ត្រី​សំខាន់ៗ​ក្រសួងអាជ្ញាធរស្រុក ខេត្ត មន្ត្រីនៃមន្ទីរពាក់ព័ន្ធ កងកម្លាំងនៅមាត់ច្រក រដ្ឋបាលស្រុក ក្រុង កាលពីចុងសប្ដាហ៍កន្លងទៅ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានអញ្ជើញចុះពិនិត្យ​មើលស្ថានភាព​ព្រំដែនកម្ពុជា-ថៃ នៅច្រកទ្វារ​ព្រំដែនអន្តរជាតិដូង នៃស្រុកកំរៀង ខេត្តបាត់ដំបង។នៅពេលនោះដែរ​ឯកឧត្តម​រដ្ឋមន្ត្រីក្រសួងការងារ​ក៏បាន​ទទួល​ស្វាគមន៍និងសំណេះសំណាលជាមួយ​បងប្អូនជាពលករ និងប្រជាពលរដ្ឋ ដែលបានវិលត្រឡប់ពី​ប្រទេសថៃ មកកាន់​ស្រុក​កំណើតរបស់ខ្លួនវិញ។ នៅទីនោះឯកឧត្តមរដ្ឋមន្ត្រីក្រសួងការងារ បានលើកឡើងថា មកដល់ថ្ងៃនេះចំនួន បងប្អូនពលករ​និងប្រជាពលរដ្ឋ​ដែលបានវិលត្រឡប់មកពីប្រទេសថៃ មានចំនួន​៤ម៉ឺននាក់ហើយ។ ក្នុងនោះក៏មានបងប្អូន បានចុះឈ្មោះរកការងារធ្វើ មានចំនួន​ជាងមួយម៉ឺននាក់ផងដែរ។ឯកឧត្តមរដ្ឋមន្ត្រីបន្ដថា បច្ចុប្បន្នកម្ពុជាមានតម្រូវការ​ទីផ្សារពលកម្ម ជាមធ្យម​២៥ម៉ឺនកន្លែង សម្រាប់ជួយសម្រួលដល់បងប្អូនដែលមកពីថៃ និងមានបំណងរកកន្លែងការងារធ្វើនៅក្នុងស្រុក។ តាមរយ: នៃការវិលត្រឡប់របស់បងប្អូនប្រជាពលករមកពីប្រទេសថៃ ជាបន្តបន្ទាប់​មកនេះ ក្រុមការងារ នៃ មន្ត្រី​ក្រសួងការងារ និងបណ្តុះបណ្តាលវិជ្ជាជីវៈ ដែលរួមមានទីភ្នាក់ងារជាតិមុខរបរ និងការងារ (NEA) បេឡាជាតិ​សន្តិសុខសង្គម (ប.ស.ស.)…

(ភ្នំពេញ)៖ នាយករដ្ឋមន្ត្រីកម្ពុជា-សិង្ហបុរី ប្ដេជ្ញាបន្តជំរុញការពង្រឹង និងពង្រីកកិច្ចសហប្រតិបត្តិការ ទ្វេភាគី ឱ្យកាន់តែរឹងមាំបន្ថែមទៀត ។ នេះបើតាមលទ្ធផលនៃជំនួបពិភាក្សាទ្វេភាគីរវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាមួយ ឯកឧត្តម Lawrence Wong នាយករដ្ឋមន្ត្រី នៃសាធារណរដ្ឋសិង្ហបុរី នៅវិមានសន្តិភាព នាព្រឹកថ្ងៃទី២ ខែកក្កដា ឆ្នាំ២០២៥ ក្នុងឱកាសដែលឯកឧត្តមនាយករដ្ឋមន្រ្តី ដឹកនាំគណៈប្រតិភូ អញ្ជើញបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ។ សម្តេចបវរធិបតី បានសម្ដែងនូវក្ដីសោមនស្សរីករាយ ដែលបានជួបពិភាក្សាការងារជាមួយ ឯកឧត្តមនាយករដ្ឋមន្ត្រីសិង្ហបុរី ក្នុងឱកាសនៃការបំពេញទស្សនកិច្ចផ្លូវការលើកដំបូង នៅកម្ពុជា ។ សម្តេចបវរធិបតី ក៏បានសម្តែងការអបអរសាទរជាថ្មីម្តងទៀតចំពោះជ័យជំនះរបស់ឯកឧត្តម និងគណបក្ស People’s Action Party ក្នុងការបោះឆ្នោតនាពេលថ្មីៗនេះ ដែលលទ្ធផលនេះស្តែងឱ្យឃើញនូវទំនុកចិត្ត និងការជឿជាក់របស់ប្រជាជនសិង្ហបុរី ចំពោះការដឹកនាំរបស់ឯកឧត្តមនាយករដ្ឋមន្ត្រី។ ជាការឆ្លើយតប, ឯកឧត្តមនាយករដ្ឋមន្ត្រីសិង្ហបុរី បានថ្លែងអំណរគុណសម្តេចបវរធិបតី យ៉ាងជ្រាលជ្រៅចំពោះការស្វាគមន៍យ៉ាងកក់ក្ដៅ ជូនចំពោះ ឯកឧត្តម និងគណៈប្រតិភូ។ ឯកឧត្តមនាយករដ្ឋមន្ត្រីបានបញ្ជាក់ថា ដំណើរទស្សនកិច្ចរបស់ឯកឧត្តមមកកាន់ ព្រះរាជាណាចក្រកម្ពុជា…

កំពត៖ការរត់ដើម្បីភាពញញឹមរបស់ទារកនិងកុមារកម្ពុជានៅខេត្តកំពត បានធ្វើ ឡើងដើម្បីផ្សាភ្ជាប់រវាងកីឡា​ជាមួយ​នឹងកិច្ចការសប្បុរសធម៌ ពិសេសដើម្បីបំផុស ស្មារតីខ្មែរជួយខ្មែរ។សកម្មភាពដែលបានប្រព្រឹត្ត​ទៅបរិវេណ​រូបសំណាក​ត្រីសេះ សមុទ្របាញ់ទឹកកាល​ពីចុងខែមិថុនាកន្លងទៅនេះគឺដើម្បីចូលរួមបរិច្ចាគក្នុងយុទ្ធនាការ “១ម៉ឺនរៀល ១ម៉ឹននាក់” ឆ្នាំ២០២៥ ។ ក្នុងពេលចូលរួម ការរត់ដើម្បីភាពញញឹមរបស់ទារកនិងកុមារកម្ពុជានៅខេត្តកំពត លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជា អនុប្រធានប្រត្តិបត្តិក្រុមប្រឹក្សារនៃមូលនិធិគន្ធបុប្ផា​កម្ពុជា បានកត់​សម្គាល់អំពីការ ចូលរួមយ៉ាងសស្រោកសស្រាំរបស់មន្រ្តីរាជការ និងប្រជាពលរដ្ឋក្នុងខេត្តកំពត ថាជាសកម្មភាពចូលរួម និងបរិច្ចាគគួរឱ្យសរសើរ។ ចំណែកឯកឧត្តម ម៉ៅ ធនិន អភិបាលខេត្តកំពត បានលើកឡើងថា យុទ្ធនាការ “១ម៉ឺនរៀល ១ម៉ឺននាក់” សម្រាប់​ជួយដល់មូលនិធិគន្ធបុប្ផាកម្ពុជា ពិតជាមាន សារៈសំខាន់ណាស់។យើងគ្រប់គ្នាគួរតែចូលរួមបរិច្ចាគ និង​បំផុសនៅ​គ្រប់មូលដ្ឋាន ដើម្បីជួយសង្គ្រោះជីវិតទារកនិងកុមារនៅកម្ពុជា។ ក្នុងសកម្មភាពរត់កម្សាន្តដើម្បីមនុស្សធម៌ ក្រុមយុវជនចូលរួមបានបង្ហាញ អារម្មណ៍ សប្បាយរីករាយ ព្រោះពួក​គេ​យល់ថា ការរត់នេះជាសកម្មភាពកម្សាន្តរួមគ្នាផង ដើម្បីសុខភាពផង ពិសេសរត់ដើម្បីប្រមូលថវិកា បរិច្ចាគជូន​មូលនិធិគន្ធបុប្ផាផង។សូមជម្រាបថា សម្រាប់រដ្ឋបាលខេត្តកំពត កម្មវិធីរត់កម្សាន្តដើម្បីភាពញញឹម របស់ទារក និងកុមារនៅកម្ពុជា គឺជា​ព្រឹត្តិការណ៍ធំចុងក្រោយ នៃ​យុទ្ធនាការ “១ម៉ឺនរៀល ១ម៉ឺននាក់”ឆ្នាំ២០២៥ សម្រាប់ជួយដល់មូលនិធិគន្ធបុប្ផា​កម្ពុជា ដោយ​ការរត់មាន​ចម្ងាយ​១០គីឡូ ,៥គីឡូ…

(ភ្នំពេញ)៖ ឆ្នាំនេះគឺជាឆ្នាំទី១០ហើយ ដែលក្រសួងឧស្សហកម្ម បានជំរុញការអនុវត្តមូលដ្ឋានគ្រឹះ នៃកំណើនផលិតភាព ដែលគាំទ្រដល់វិស័យឯកជន ស្របតាមយុទ្ធសាស្ត្របញ្ចកោណរបស់រាជរដ្ឋាភិបាល អាណត្តិទី៧ ក្នុងបរិបទសេដ្ឋកិច្ចសាកលដែលកំពុងមានភាពមិនច្បាស់លាស់ ។ ប៉ុន្តែបើទោះជាមានកិច្ចប្រឹងប្រែងពីស្ថាប័នជំនាញបានច្រើនហើយក៏ដោយ ក៏តួលេខនៃការចូលរួមពីសំណាក់ក្រុមហ៊ុន សហគ្រាសនៅមានបរិមាណទាបនៅឡើយ ជាពិសេសក្រុមហ៊ុន សហគ្រាសពីតាមបណ្តាខេត្ត ដែលកត្តានេះហើយ បាននាំឲ្យឯកឧត្តមសូមធ្វើការអំពាវនាវឲ្យមានការចូលរួមឲ្យបានច្រើន។ នេះជាប្រសាសន៍របស់ ឯកឧត្តម ភោគ សុវណ្ណរិទ្ធ រដ្ឋលេខាធិការ ក្រសួងឧស្សហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ក្នុងសិក្ខាសាលាផ្សព្វផ្សាយកម្មវិធីពានរង្វាន់សមិទ្ធផលផលិតភាព”ស៥” ប្រចាំឆ្នាំ២០២៥ ដល់ក្រុមហ៊ុន សហគ្រាសដែលមានបំណងចូលរួមប្រកួតប្រជែង កាលពីល្ងាចថ្ងៃទី៣០ មិថុនា ឆ្នាំ២០២៥ ។ សិក្ខាសាលានេះ បានធ្វើឡើងស្របពេលកម្ពុជាកំពុងត្រៀមលក្ខណៈចាកចេញពីឋានៈជាប្រទេសដែលមានការអភិវឌ្ឍតិចតួចនៅចុងឆ្នាំ២០២៩ ។ ឯកឧត្តម ភោគ សុវណ្ណរិទ្ធ បានលើកឡើងពីគោលបំណង នៃការនាំឲ្យមានការរៀបចំសិក្ខាសាលាផ្សព្វផ្សាយនេះ (សំលេង ឯកឧត្តម ភោគ សុវណ្ណរិទ្ធ) យោងតាមរបាយការណ៍ លោក អ៊ុំ សេរីវុទ្ធ ប្រធានមជ្ឈមណ្ឌលផលិតភាពជាតិ បានបញ្ជាក់ថា កម្មវិធីពាន់រង្វាន់សមិទ្ធផលផលិតភាព«ស៥» បានដំណើរការដោយជោគជ័យអស់រយៈពេលជាង ១០ឆ្នាំមកហើយ…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ណាហ្គាស៊ីម៉ា អាគិហិសា (NAGASHIMA Akihisa) ទីប្រឹក្សាពិសេសនាយករដ្ឋមន្ត្រី និងជាសមាជិករដ្ឋសភាជប៉ុន ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព នារសៀល ថ្ងៃទី១ ខែកក្កដា ឆ្នាំ២០២៥ ។ ក្នុងឱកាសនៃជំនួប, ឯកឧត្តមសមាជិករដ្ឋសភាជប៉ុន បានថ្លែងអំណរគុណយ៉ាងជ្រាលជ្រៅជូនចំពោះសម្ដេចបវរធិបតី ដែលបានផ្ដល់នូវការស្វាគមន៍យ៉ាងកក់ក្ដៅ និងបានចំណាយពេលវេលាដ៏មមាញឹកអនុញ្ញាតឱ្យរូបឯកឧត្តម និងគណៈប្រតិភូ ចូលជួបសម្ដែងការគួរសម និង ពិភាក្សាការងារ នាឱកាសនេះ។ ឯកឧត្តមបានសម្ដែងនូវការពេញចិត្ត និង វាយតម្លៃខ្ពស់ចំពោះកិច្ចសហប្រតិបត្តិការយ៉ាងស៊ីជម្រៅជប៉ុន-កម្ពុជា នៅក្នុងវិស័យគន្លឹះនានា។ ចំពោះកិច្ចសហប្រតិបត្តិការក្នុងវិស័យការពារជាតិ និងសន្តិសុខ, ឯកឧត្តមក៏បានសម្ដែងនូវការពេញចិត្ត, ជាពិសេស ក្នុងកិច្ចសហប្រតិបត្តិរវាង កងស្វ័យការពារជេីងគោកជប៉ុន និង កងទ័ពជេីងគោកកម្ពុជា តាមរយៈការបន្តផ្ដល់ការគាំទ្រដល់ការបណ្ដុះបណ្ដាល និងពង្រឹងសមត្ថភាពដល់កងទ័ពកម្ពុជា។ ឯកឧត្តមបានថ្លែងអំណរគុណដល់រាជរដ្ឋាភិបាលកម្ពុជាដែលបានស្វាគមន៍ និងអនុញ្ញាតឱ្យនាវាកងស្វ័យការពារជើងទឹកជប៉ុន បំពេញទស្សនកិច្ចនៅមូលដ្ឋានសមុទ្ររាម ដែលនឹងរួមចំណែកដល់ការស្វែងរកឱកាសពង្រឹង និងពង្រីក កិច្ចសហប្រតិបត្តិការរវាងកងទ័ពជើងទឹកនៃប្រទេសទាំងពីរ នាពេលអនាគត។ ក្នុងកិច្ចសហប្រតិបត្តិការលើវិស័យសេដ្ឋកិច្ច, ឯកឧត្តមក៏បានសម្ដែងនូវការស្វាគមន៍ចំពោះកញ្ចប់សហបង្កើតសេដ្ឋកិច្ចកម្ពុជា-ជប៉ុន (…

(ភ្នំពេញ)៖ ក្នុងជំនួបសម្ដែងការគួរសម និងជម្រាបលាចំពោះសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃអង្គារ ទី១ ខែកក្កដា ២០២៥ នៅវិមានសន្ដិភាព លោកស្រី Alissar Chaker អ្នកតំណាងកម្មវិធីអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP) បានលើកឡើងថា គ្មានការអភិវឌ្ឍណាអាចប្រព្រឹត្តទៅបាន ដោយគ្មានសន្តិភាពនោះទេ ។ លោកស្រី Alissar Chaker បានគោរពជម្រាបជូនសម្ដេចបវរធិបតី អំពីសមិទ្ធផល នៃភាពជាដៃគូដ៏ល្អរវាងUNDP និងរាជរដ្ឋាភិបាលកម្ពុជា ដោយបានរួមចំណែកដល់ការអភិវឌ្ឍសង្គម-សេដ្ឋកិច្ចនៅកម្ពុជា នាពេលកន្លងមក ព្រមទាំងបានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាលកម្ពុជា ក៏ដូចជាក្រសួងស្ថាប័នពាក់ព័ន្ធ ដែលបានផ្ដល់នូវកិច្ចសហប្រតិបត្តិការដ៏ល្អ ជាមួយ UNDP ជាពិសេស នៅក្នុងអំឡុងពេលនៃការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩។ លោកស្រី ក៏បានវាយតម្លៃខ្ពស់ចំពោះកម្ពុជា ដែលគ្រោងនឹងចាកចេញពីចំណាត់ថ្នាក់ក្រុមប្រទេសអភិវឌ្ឍន៍តិចតួច(LDC) នៅក្នុងឆ្នាំ ២០២៩ ដែលនេះគឺជាជោគជ័យមួយបន្ថែមទៀត របស់កម្ពុជា ហើយលោកស្រីសង្ឃឹមថា UNDP នឹងបន្តចូលរួមចំណែក និងគាំទ្រដល់កម្ពុជានៅក្នុងការរៀបចំការចាកចេញនេះ។ លោកស្រីក៏បានកោតសរសើរចំពោះភាពជោគជ័យរបស់កម្ពុជា លើសកម្មភាពបោសសម្អាតមីន ដោយលោកស្រីបានគូសបញ្ជាក់ថា ជាមួយនឹងការគាំទ្រពីអង្គការសហប្រជាជាតិ ក៏ដូចជាដៃគូអភិវឌ្ឍន៍នានា, កម្ពុជាមានសមត្ថភាពគ្រប់គ្រាន់ក្នុងការចាត់ចែងលើសកម្មភាពបោសសម្អាតមីនដោយប្រសិទ្ធភាព, ប្រកបដោយភាពម្ចាស់ការ និង…