ក្នុងការប្រឡងជ្រើសរើសមន្ត្រីរាជការចំនួន ៥៨លើក ដែលរៀបចំដោយក្រសួងមុខងារសាធារណៈកន្លងមក មានសាធារណជនដាក់ពាក្យចូលរួមធ្វើជាសង្កេតការណ៍អ្នកស្ម័គ្រចិត្តសរុបរហូតដល់ ៩ ៣៤២នាក់ ដែលបង្ហាញពីការចាប់អារម្មណ៍របស់ប្រជាពលរដ្ឋក្នុងការពិនិត្យតាមដានដំណើរការប្រឡងឱ្យមានយុត្តិធម៌ និងអាចទុកចិត្តបាន។ ក្នុងចំណោមសាធារណជនទាំងនេះ មានបេក្ខជនដាក់ពាក្យចំនួន ៧៥៣នាក់ ត្រូវបានជ្រើសរើសសម្រាប់ធ្វើជាអ្នកសង្កេតការណ៍។ វត្តមានរបស់ពួកគេបានជួយតាមដានគ្រប់ដំណាក់កាលនៃការរៀបចំការប្រឡង ចាប់ពីការរៀបចំវិញ្ញាសា ដំណើរការប្រឡង រហូតដល់ការកែ និងប្រកាសលទ្ធផល ដើម្បីធានាថា ការជ្រើសរើសមន្ត្រីប្រព្រឹត្តទៅដោយយុត្តិធម៌ និងគ្មានការរើសអើង។ ទិន្នន័យនេះត្រូវបានបង្ហាញដោយឯកឧត្តម វន សុវណ្ណារី អនុរដ្ឋលេខាធិការក្រសួងមុខងារសាធារណៈ ក្នុងពិធី សំណេះសំណាល និងថ្លែងអំណរគុណអ្នកសង្កេតការណ៍ស្ម័គ្រចិត្ត ដែលបានចូលរួមក្នុងដំណើរការប្រឡងប្រជែងជ្រើសរើសមន្ត្រីរាជការ ក្រោមអធិបតីភាពឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង កាលពីថ្ងៃទី១៧ ខែមិថុនា ឆ្នាំ២០២៦ នៅសាលាភូមិន្ទរដ្ឋបាល។ ឯកឧត្មបញ្ជាក់ថា អ្នកដាក់ពាក្យសង្កេតការណ៍ទាំងអស់មានសមាសភាពមកពីមជ្ឈដ្ឋានសំខាន់ៗចំនួន ៣ រួមមាន សាធារណជនទូទៅ តំណាងសាកលវិទ្យាល័យ និងវិទ្យាស្ថាន និងតំណាងយុវជន ស.ស.យ.ក.។ ក្នុងចំណោមអ្នកដាក់ពាក្យ មាននិស្សិតប្រមាណ ៧០ភាគរយ, មន្ត្រីរាជការ និងគ្រូបង្រៀនជាង ១៥ភាគរយ, បុគ្គលិកក្រុមហ៊ុនឯកជន ៩ភាគរយ,…

ភ្នំពេញ៖៖ ប្រវត្តិសាស្រ្ដទំនាក់ទំនងរវាងកម្ពុជា និងឥណ្ឌូណេស៊ី មានភាពល្អ រឹងមាំ ហើយកំពុងពូនជ្រំទំនាក់ទំនងនេះឱ្យកាន់តែរឹងមាំ និងស៊ីជម្រៅបន្ថែមទៀត ។អាចនិយាយបានថា «ជាបងប្អូននឹងគ្នា» ។ នេះជាការលើកឡើងរបស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនិងឯកឧត្តម ហេណុក ពូរ៉ារ៉ូ (Henock Puraro) សមាជិកព្រឹទ្ធសភា នៃសាធារណរដ្ឋឥណ្ឌូណេស៊ី និងជាអនុប្រធានទី៣ នៃគណៈកម្មការសហប្រតិបត្តិការសភា ក្នុងជំនួបពិភាក្សាការងារ នៅវិមានសាមគ្គីភាព នៃព្រឹទ្ធសភាជាតិ នាព្រឹកថ្ងៃទី១៨ ខែមិថុនា ឆ្នាំ២០២៦ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបថា នៅក្នុងឱកាសនោះ ឯកឧត្តម ហេណុក ពូរ៉ារ៉ូ បានកោតសរសើរចំពោះទំនាក់ទំនងទ្វេភាគីរវាងកម្ពុជា និងឥណ្ឌូណេស៊ី ដែលមានភាពរឹងមាំក្នុងរយៈពេល ៧៥ឆ្នាំកន្លងមកនេះ។ ឯកឧត្តម បានហៅទំនាក់ទំនងរវាងកម្ពុជា និងឥណ្ឌូណេស៊ីថា «ជាបងប្អូននឹងគ្នា» ។ ឯកឧត្តមថ្លែងថា ប្រទេសទាំងពីរនៅមានសក្ដានុពលក្នុងការពង្រឹងទំនាក់ទំនងជាមួយគ្នា ជាពិសេសតាមរយៈទស្សនកិច្ចរបស់ឯកឧត្តមនេះ ក៏ជាផ្នែកមួយនៃការរុញច្រានទំនាក់ទំនង ផ្នែកពាណិជ្ជកម្ម វិនិយោគ និងការអប់រំរវាងកម្ពុជា និងឥណ្ឌូណេស៊ីឱ្យកាន់តែល្អប្រសើរ…

ភ្នំពេញ ៖ វាមិនមែនជារឿងសាមញ្ញនោះទេ នៅក្នុងប្រព័ន្ធផ្សព្វផ្សាយ និងសង្វាក់អក្សរសិល្ប៍នយោបាយសកល ដែលស្នាដៃចងក្រងប្រវត្តិសាស្ត្រពិតរបស់ប្រទេសយើង អាចទម្លុះក្របខ័ណ្ឌព័ត៌មានអន្តរជាតិ និងទទួលបានការគាំទ្រយ៉ាងខ្លាំងក្លាពីសំណាក់អ្នកវិភាគ និងអ្នកនយោបាយបរទេស។ បច្ចុប្បន្ន ព្រឹត្តិការណ៍ដ៏គួរឱ្យមោទនភាពមួយកំពុងផ្ទុះឡើង ក្រោយពេលដែលបណ្តាញសារព័ត៌មានល្បីៗជុំវិញសកលលោក បានសម្រុកចុះផ្សាយយ៉ាងព្រោងព្រាត ចំពោះបេសកកម្មរបស់អ្នកនិពន្ធ លោកស្រី ហ្វារី (Fari) ដែលបាននាំយកយុទ្ធសាស្ត្រសង្គ្រោះជាតិ និងទស្សនវិជ្ជាដឹកនាំរបស់សម្ដេចតេជោ ហ៊ុន សែន ទៅបង្ហាញនៅលើឆាកអន្តរជាតិ តាមរយៈសៀវភៅជីវប្រវត្តិបែបយុទ្ធសាស្ត្រ “The Father Who Shielded and Never Left”។ យោងតាមការចុះផ្សាយ និងការដកស្រង់ខ្លឹមសារពីមជ្ឈដ្ឋានបរទេស អន្តរជាតិបានបង្ហាញការចាប់អារម្មណ៍យ៉ាងខ្លាំងលើរបៀបដែលលោកស្រី Fari លាតត្រដាងពីយុទ្ធសាស្ត្រ «ឈ្នះ-ឈ្នះ» របស់សម្ដេចតេជោ ហ៊ុន សែន។ ក្នុងខណៈដែលពិភពលោកបច្ចុប្បន្នកំពុងជាប់គាំងក្នុងវិបត្តិជម្លោះតំបន់ សារព័ត៌មានបរទេសជាច្រើនបានលើកឡើងថា យុទ្ធសាស្ត្រសង្គ្រោះជាតិ និងការបង្រួបបង្រួមទឹកដីរបស់កម្ពុជា មិនមែនគ្រាន់តែជាប្រវត្តិសាស្ត្រធម្មតានោះទេ ប៉ុន្តែវាគឺជា «គ្រឹះសន្តិភាព» ដ៏វិសេសវិសាល ដែលប្រើប្រាស់ការជឿទុកចិត្ត និងមេត្តាធម៌ដើម្បីបញ្ចប់សង្គ្រាមស៊ីវិលដោយគ្មានការបង្ហូរឈាម ដែលមេដឹកនាំជុំវិញពិភពលោកគួរតែស្វែងយល់។ អន្តរជាតិបានមើលឃើញពីភាពក្លាហាន និងការលះបង់ដ៏ស្មោះស្ម័គ្ររបស់សម្តេចតេជោ ដែលហ៊ានដាក់ជីវិតដើម្បីការពារពលរដ្ឋ។ ការដែលសៀវភៅ “The…

(ភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារនិងបណ្ដុះបណ្ដាលវិជ្ជាជីវៈបានអញ្ជើញជាអធិបតីក្នុងពិធីប្រកាសដាក់ឱ្យដំណើរការជាផ្លូវការនូវ គម្រោងដ៏មានសារៈសំខាន់នេះ នារសៀលថ្ងៃទី១៧ ខែមិថុនា ឆ្នាំ២០២៦ នៅសណ្ឋាគារ Hyatt Regency Phnom Penh ដែលជាសមិទ្ធផលដ៏មានអត្ថន័យមួយ ក្នុងការប្តេជ្ញាចិត្តរួមគ្នារវាងរាជរដ្ឋាភិបាលកម្ពុជា រដ្ឋាភិបាលជប៉ុន និងអង្គការសហប្រជាជាតិ (UN) ដើម្បីជួយដល់ប្រជាជនកម្ពុជាដែលងាយរងគ្រោះ និងរងផលប៉ះពាល់ពីវិបត្តិតាមព្រំដែនកម្ពុជា-ថៃនាពេលថ្មីៗនេះ តាមរយៈការឆ្លើយតបប្រកបដោយបរិយាបន្ន គណនេយ្យភាព និងពហុវិស័យ ក្នុងទិសដៅគាំទ្រពួកគាត់ក្នុងដំណាក់កាលស្តារឡើងវិញដ៏លំបាកនេះ។ នាឱកាសនោះ ឯកឧត្ដមរដ្ឋមន្ត្រីបានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាល និងប្រជាជនជប៉ុនដែលគាំទ្រថវិកាសប្បុរសធម៌បន្ថែមនេះ ដោយឯកឧត្តមគូសបញ្ជាក់ថា គោលបំណងស្នូលនៃគម្រោងដែលអនុវត្តដោយ មូលនិធិសហប្រជាជាតិសម្រាប់ប្រជាជន (UNFPA) អង្គការអន្តរជាតិទេសន្តរប្រវេសន៍ (IOM) និងអង្គការសហប្រជាជាតិសម្រាប់ស្ត្រី (UN Women) ដោយសហការជាមួយក្រសួងការងារនិងបណ្តុះបណ្តាលវិជ្ជាជីវៈ គឺដើម្បីការពារ និងលើកកម្ពស់សិទ្ធិ សេចក្តីថ្លៃថ្នូររបស់អតីតពលករ ព្រមទាំងសហគមន៍ដែលប្រឈមនឹងហានិភ័យដោយផ្តល់អាទិភាពខ្ពស់បំផុតដល់ការការពារស្ត្រី និងកុមារីតាមរយៈការរួមគ្នាឆ្លើយតបរវាងក្រសួងស្ថាប័ន អាជ្ញាធរថ្នាក់ក្រោមជាតិ និងសហគមន៍ក្នុងភាពជាដៃគូយូរអង្វែងជាមួយអង្គការសហប្រជាជាតិ និងសង្គមស៊ីវិល។ ឯកឧត្ដមមានប្រសាសន៍ថា រដ្ឋាភិបាលជប៉ុន ជាពិសេសឯកឧត្ដម អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជាបានចូលរួមយ៉ាងសកម្មក្នុងការតាមដានស្ថានការណ៍ អំពាវនាវឱ្យមានការសន្ទនាដោយសន្តិវិធី និងការគោរពយ៉ាងម៉ឺងម៉ាត់ចំពោះច្បាប់អន្តរជាតិ ព្រមទាំងផ្តល់ជំនួយសង្គ្រោះបន្ទាន់ដល់ជនភៀសសឹក…

ទីក្រុងយ៉ាងហ្គូន៖ នាថ្ងៃទី១៧ ខែ មិថុនា ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានដឹកនាំគណៈប្រតិភូជាន់ខ្ពស់ក្រសួងទេសចរណ៍ ជួបពិភាក្សាការងារ និងផ្លាស់ប្តូរយោបល់ជាមួយ ឯកឧត្តម Aung Naing Thu អភិបាលនៃគណៈអភិបាលតំបន់យ៉ាងហ្គូន នៃសាធារណរដ្ឋសហភាពមីយ៉ាន់ម៉ា ស្តីពីការពង្រឹង និងពង្រីកកិច្ចសហប្រតិបត្តិការវិស័យទេសចរណ៍រវាងកម្ពុជា និងតំបន់យ៉ាងហ្គូន ឱ្យកាន់តែជាក់ស្តែង និងមានប្រសិទ្ធភាពពីអនុស្សារណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍។ ក្នុងជំនួបពិភាក្សាប្រកបដោយភាពស្និទ្ធស្នាល និងផ្លែផ្កា ឯកឧត្តមអភិបាលតំបន់យ៉ាងហ្គូន បានសម្តែងការស្វាគមន៍យ៉ាងកក់ក្តៅចំពោះ ឯកឧត្តមរដ្ឋមន្ត្រី និងគណៈប្រតិភូក្រសួងទេសចរណ៍ជាន់ខ្ពស់កម្ពុជា ព្រមទាំងបានបង្ហាញការចាប់អារម្មណ៍ចំពោះការអភិវឌ្ឍវិស័យទេសចរណ៍របស់កម្ពុជា ជាពិសេសគោលដៅទេសចរណ៍វប្បធម៌ ប្រវត្តិសាស្ត្រ និងសាសនាដែលកំពុងទាក់ទាញភ្ញៀវទេសចរអន្តរជាតិកាន់តែច្រើនឡើង។ តាមរយៈកិច្ចពិភាក្សាលើគ្រប់ទិដ្ឋភាពនៃកិច្ចសហប្រតិបត្តិការទេសចរណ៍ ភាគីទាំងពីរបានឯកភាពជំរុញការផ្លាស់ប្តូរបទពិសោធន៍ និងការអនុវត្តល្អៗ ក្នុងការគ្រប់គ្រងគោលដៅទេសចរណ៍ ការអភិវឌ្ឍទេសចរណ៍បែបសាសនា និងការអភិរក្សបេតិកភណ្ឌវប្បធម៌ ព្រមទាំងពង្រឹងកិច្ចសហប្រតិបត្តិការរវាងទីក្រុងយ៉ាងហ្គូន និងគោលដៅទេសចរណ៍សំខាន់ៗរបស់កម្ពុជា ដូចជា រាជធានីភ្នំពេញ និងខេត្តសៀមរាប។ ជាក់ស្តែង ភាគីទាំងពីរ បានឯកភាពជំរុញការរៀបចំសកម្មភាពផ្សព្វផ្សាយទេសចរណ៍រួម និងការចូលរួមក្នុងពិព័រណ៍ទេសចរណ៍នានា ដើម្បីបង្កើនការយល់ដឹងអំពីសក្តានុពលទេសចរណ៍របស់ភាគីទាំងពីរ ព្រមទាំងជំរុញអនុវត្តគម្រោង “ប្រទេសពីរ គោលដៅមួយ” ដែលតភ្ជាប់ប្រទេសកម្ពុជា និងទីក្រុងយ៉ាងហ្គូន។ បន្ថែមពីលើនេះ ភាគីទាំងពីរ…

ភ្នំពេញ៖ រសៀលថ្ងៃទី១៧ ខែមិថុនា ឆ្នាំ២០២៦ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ (ក.ប.ទ.) បានអញ្ជើញធ្វើបទបាឋកថាស្ដីពី វឌ្ឍនភាពនៃការអភិវឌ្ឍវិស័យបច្ចេកវិទ្យាឌីជីថល ជូនថ្នាក់ដឹកនាំ សាស្រ្តាចារ្យ លោកគ្រូ អ្នកគ្រូ បុគ្គលិកសិក្សា និងនិស្សិត នៃ National University of Management ប្រមាណ ៣៧៥រូប នៅទីស្ដីការ ក.ប.ទ.។ ក្នុងពិធីនេះ ឯកឧត្តមរដ្ឋមន្ត្រី បានធ្វើការចែករំលែកអំពីវឌ្ឍនភាពការងារដែលក្រសួងសម្រេចបាននាពេលកន្លងមក លើវិស័យបច្ចេកវិទ្យាឌីជីថល រួមមាន ការរៀបចំគោលនយោបាយនិងលិខិតបទដ្ឋានគតិយុត្ត ការពង្រឹងគុណភាពសេវាទូរគមនាគមន៍ ការកសាងហេដ្ឋារចនាសម្ព័ន្ធឌីជីថល ការបណ្តុះបណ្តាលធនធានមនុស្ស បញ្ញាសិប្បនិម្មិត ការអភិវឌ្ឍថ្នាលរួម DG SuperApp និងការអភិវឌ្ឍថ្នាលផ្ទៀងផ្ទាត់ឯកសាររបស់រាជរដ្ឋាភិបាល verify.gov.kh ដ៏ជោគជ័យរហូតត្រូវបានប្រទេសមួយចំនួនក្នុងតំបន់នាំយកទៅប្រើប្រាស់នៅក្នុងប្រទេសខ្លួន។ ជាមួយគ្នានេះដែរ ឯកឧត្តមរដ្ឋមន្ត្រី ក៏បានអនុញ្ញាតជូនសាស្រ្តាចារ្យ លោកគ្រូ អ្នកគ្រូ បុគ្គលិកសិក្សា និងនិស្សិត ពិភាក្សានិងលើកឡើងជាសំណួរពាព័ន្ធនឹងការងាររបស់ក្រសួងសំដៅចូលរួមចំណែកក្នុងការកសាងសង្គមជាតិឱ្យរីកចម្រើនបន្ថែមទៀត។ សូមជម្រាបជូនថា បទបាឋកថានេះ រៀបចំឡើងក្នុងគោលបំណងផ្សព្វផ្សាយនិងចែករំលែកអំពីវឌ្ឍនភាពការងាររបស់ ក.ប.ទ. ដែលជាសកម្មភាពការងារគាំទ្រការអនុវត្តយុទ្ធសាស្រ្ត…

រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ឯកឧត្តម ហេង សួរ បានបញ្ជាក់អំពី​ប្ដេជ្ញាចិត្តយ៉ាងមុតមាំក្នុងការ​ដឹកនាំកែ​ទម្រង់ និងអនុវត្តទិសដៅយុទ្ធសាស្ត្រសំខាន់ៗ ក្នុងនោះសម្រាប់គ្រឹះស្ថាន ធីវេត(TVET) ត្រូវបន្តធ្វើបរិវត្តកម្ម​ការបណ្ដុះ​បណ្ដាល ដោយបញ្ជ្រាបបច្ចេកវិទ្យាឌីជីថល បញ្ញាសិប្បនិម្មិត (AI) និងប្រព័ន្ធស្វ័យប្រវត្តិកម្ម ព្រមទាំងធ្វើឯកទេសកម្មជំនាញតាម​សក្ដានុ​ពលមូលដ្ឋាន ។ ក្នុងពិធីបិទ«ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦» ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល»កាលពីរសៀលថ្ងៃទី១៦ ខែមិថុនា ឆ្នាំ២០២៦ ឯកឧត្តម ហេង សួរ បានបញ្ជាក់អំពីសារសំខាន់ នៃការកែទម្រង់លើការបណ្ដុះបណ្ដាលជំនាញវិជ្ជាជីវៈ ក្នុងនេះគឺសម្រាប់គ្រឹះស្ថានធីវេត ។ ក្រសួងនឹងជំរុញយុទ្ធសាស្ត្រ «ការនាំជំនាញទៅរកអ្នកសិក្សា» និងផ្ដល់ការបណ្ដុះបណ្ដាលព្រមទាំងការវាយ​តម្លៃសមត្ថភាពទទួលស្គាល់ការសិក្សាពីមុន (RPL) ដោយឥតគិតថ្លៃដល់ពលករខ្មែរដែលត្រឡប់មកពីប្រទេសថៃ។ ឯកឧត្តមហេង សួរ បានបញ្ជាក់ថា ស្របតាមប្រសាសន៍ដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត គឺ ធីវេត មិនមែនជាការ​សិក្សា​កម្រិតទី២ ឬទាបជាងថ្នាក់បាក់ឌុបនោះឡើយ ប៉ុន្តែជំនាញ TVET គឺជាជំនាញត្រឹមត្រូវ ស្មោះត្រង់ និង​មានតម្លៃ ដែល​ទីផ្សារការ​ងារ​ទាំងក្នុង…